الوعد 💥الحلقه 11💥
💥 الحلقة ١١ 💥
💥💥💥💥💥💥💥💥💥💥💥💥💥💥💥💥
طاهر / فى حاجة
ورد / لا مفيش انت مقولتليش انك جاى النهاردة
طاهر / كنت جاى اجيب ورق لدعاء من هنا لتاجيل الامتحانات بتاعتها وقولت اشوفك واطمن عليكى
ورد /انا عندى محاضرة دلوقتى
طاهر /هستناكى اوصلك للبيت
ورد /لا متتعبش نفسك انا هاخد تاكسى
طاهر /انا هستناكى لما تخلصى كلمينى سلام
ورد /طاهر استني
وطاهر مشى وسبها و ورد مخنوقة اوى
***********************.
حمزة فى مكتبو وبيدخل علية هاشم
هاشم /حمزة جلنا قرار من رئيس الجمهورية علشان الاسري الى مسكناهم لازم نحقق معاهم بس ممنوع العنف
حمزة /ياريت تبعدنى عن الموضوع دة انا مش قادر اتعامل معاهم مش قادر كل لما بشفهم وافتكر الى عملوة وفى جندنا على الحدود واسلوب الغدر والخداع
هاشم /هنا مفيش حاجة اسمها مش قادر احنا فى الجيش مش فى بتكو انت فاهم ومتنساش ان فى ٩ من جندنا اسري عندهم ولازم نرجعهم سالمين لبيوتهم
حمزة /تمام يافندم
هاشم /ايوة هى الكلمة دى الى عاوز اسمعها منك انت الوحيد الى بثق فيك هنا علشان كدة بحطك فى المواقف الصعبة دة حتى زميلك لقبوك رجل المواقف الصعبة بدل سامر
حمزة /سامر كان بطل بمعنى الكلمة
هاشم /الله يرحمو
***********************.
بسام فى الشركة وبيشتغل على رسومات جديدة لقرية سياحية وبتدخل علية المديرة
ميسا /انت المهندس الجديد
بسام / انا المهندس بسام
ميسا /فين تصاميم القرية
بسام /شغال عليها لسة
ميسا /يعنى اية شغال عليها انت عارف انها هتتسلم بكرة وبتقولى شغال عليها
بسام /انا مطبق هنا من يومين وشغال مش بلعب
ميسا /انا ميهمنيش الكلام دة كل الى يهمنى التصاميم تخلص فى معادها
بسام متنرفز وميسا بتمشى وبتسيبو و بسام متعصب وبيكسر القلم الى فى ايدو وهو مرهق جدا من الشغل
***********************.
ورد بتخلص محاضرتها وبتتصل بطاهر
طاهر /الو
ورد /انا خلصت
طاهر /انا مستنيكي برة اخرجى
ورد بتخرج وبتلقى طاهر قاعد على العربية من قدم وبتروح علية
ورد /مالك شكلك مدايق
وطاهر بينزل
طاهر /اركبى
ورد بتروح تركب هى وطاهر وقبل ما يشغل العربية ورد بتمسك ايدو وطاهر اول ما حس بلمست اديها بدا يهدى
ورد /ممكن تقولى فى اية واية الى مديقك كدة
طاهر /انتى هتفضلى كتير كدة تعملينى انى غريب عنك
ورد /لية بتقول كدة
طاهر بيسوق العربية ومبيتكلمش و ورد هى كمان مبتحولش تسالو على اى حاجة ممكن تعمل مشكلة وبيوصلو للعمارة
طاهر /خلى بالك على نفسك
ورد /وانت كمان
وطاهر بيبص عليها لحد ما دخلت العمارة وبيتصل با رشا
طاهر /رشا انتى فين
رشا /انا فى الفيلا سامي كان بيتصل بيك كان عوزك فى الشركة
طاهر /انا جيلك عاوز اتكلم معاكى
***********************.
وطاهر بيروح على الفيلا ورشا بتكون بتتفرج على التلفزيون وبيدخل وبيقاعد جمبها وبيتنهد
رشا /اهدى وقولى فى اية
طاهر /ورد
رشا/ ملها ورد هى كويسة
طاهر /مش عارف بحس انها بتهرب من نظرت عينى مش عارف بتعملنى كانى غريب عنها مفيش مرة حكتلى عن مشكلة تخصها او شركتنى اى حاجة تخصنا والنهاردة شفتها هى و حمزة وكان بيين عليهم بيتخنقو قدم الجامعة ولما بسالها بتقولى مفيش حاجة
رشا /اية دة كلو اهدى انت بس ورد بنت رقيقة وحساسة جدا
ولسة رشا بتتكلم سامي بيدخل وبيرمى شنطتو على الارض
سامي /اية يابية انت مبتردش على مكالماتى لية مش كفاية مبترحش الشركة وكل حاجة على دماغى
طاهر /انا مش ناقص
سامي /ايوة من اليوم الى خطبت فية وانت مش على بعضك خالص وماشى وراها وخلاص ولا همك شغل ولا شركة وانا اتحرق عادى
رشا /سامي اهدى بس
سامي /مفيش حد يقولى اهدى ماشى
طاهر /انا مش قادر اتكلم دلوقتى انا خارج
سامي بيتعصب اكتر وبيطلع على اوضته وطاهر خرج و رشا راحت وره سامي
***********************.
حمزة بينادى على عسكرى وبيطلب منو يجهزلو الاسري للتحقيق معاهم
***********************.
ورد فى الشقه بتتصل بسام
ورد / بسام اتاخرت اوى انت فين
بسام / يا حبيبتى انا عارف انى مقصر معاكى بس عندى شغل كتير وغصب عنى والله
ورد / يعنى مش هتيجى النهاردة كمان
بسام /متزعليش بقي انا بكرة الصبح هكون عندك
ورد /خلاص خلى بالك على نفسك
ورد بتقفل معاة وبتروح على اوضتها وبتطلع ورقها وبتبدا تذاكر وباب الشقة بيخبط و ورد بتروح تفتح
ورد /طاهر
طاهر /ممكن اتكلم معاكى شوية
ورد /بس بسام مش موجود
طاهر /هستناكى تحت
وطاهر نزل ورد بتلبس الشال وبتنزل
***********************.
ورد /اية الى مش قادر ولازم تقولو دلوقتى
طاهر بيبصلها
طاهر /انتى بتحبينى
ورد ارتبكت
ورد /ولية السؤال دة
طاهر /ورد انا بحبك وخايف اخسرك يا ورد
ورد /طاهر الوقت اتاخر وانت شكلك تعبان روح ارتاح
ورد بتروح تمسك ايدو وبتطمنو وطاهر بيبصلها وبيبسها من اديها و ورد بتتكسف
ورد /تصبح على خير
وطاهر بيمشى و ورد طلعت بحيرتها ولسة هتفتح الباب
و سمر بتخرج
سمر /اية جو رميو وجوليت الى شفتو من البلكونة دة
ورد /سمر روحى نامى احسن
سمر /تصبحى على خير يا جولي
***********************.
ورد فى اوضتها وبتفكر وبتكلم نفسها
ورد /انا حاسة انى تايهة انا لازم انساة بس انساة ازاى وكل حتة فى قلبى بتنبض علشانو هو بس لازم انسي لزم ورد انتى الى اخترتى ولزم تكونى قد الاختيار دة
***********************.
حمزة لسة بيحقق مع الاسري المسجونين ومتنرفز وبيخرج وبيروح لهاشم مكتبو و حمزة بيدخل من غير استازان
حمزة /انا خلاص مش قادر استحمل انا لو شفتهم تانى ممكن اقتلهم
هاشم /ممكن تهدى شوية وبلاش العصبية دى
حمزة /يافندم فى غيرى ممكن يقومو بالمهمة دى واحسن منى وعندهم خبرات اكتر منى بكتير
هاشم / حمزة انت فاكر نفسك فين فوق مش علشان بعملك زى ابنى تنسي انت مين وانا مين
حمزة /يافندم انا
هاشم /مش عاوز اسمع اعذار تانى
حمزة /تمام يافندم
هاشم /جهز نفسك بعد ماتخلص التحقيق معاهم انت الى هتسافر مع وفد من الظباط لتسلمهم وترجع اخواتك الاسري لبلدهم
حمزة /بس
هشام /مفيش بس دة امر اتفضل
حمزة خرج من مكتب هاشم ومتنرفز اوى وبيروح على مكتبو
***********************.
__فى الصباح
ورد بتصحي ولسة بتخرج من اوضتها و بسام بيفتح باب الشقة وبيدخل
ورد /بسام حمد الله على سلمتك شكلك تعبان
بسام /جدا يا ورد هموت وانام مش قادر حتى قولتلهم انى مش رايح بكرة كمان خلينى ارتاح
ورد بتروح تمسك ايدو
ورد /طب يلا يا حبيبى تعالى روح خد دش وارتاح وانا هجهزلك الفطار
بسام بيروح على اوضته و ورد بتروح تجهز الفطار وبترحلو وبيكون نايم و بتسيب الفطار جمبو وبتروح تجهزي نفسها
***********************.
ورد بتخرج علشان ريحة الجامعة ووقفة بتوقف تاكسى
و حمزة بيوصل وبيقف بعربيتو قدم العمارة و حمزة بيبصلها بصة غضب
حمزة /فى لسة كلام مخلصش
ورد /الكلام معايا خلص مفيش حاجة نتكلم فيها خلاص
حمزة /ورد انا اديت سامر وعد ولازم اوفى بوعدى لية انى احميكى واسلمك للانسان الى فعلا بتحبية
التعليقات على الموضوع