موعدنا البحر (الجزء الثامن)❤❤

موعدنا_البحر8
فرحه..  انا...  انا بحبها يا بدر!
- بتحب مين يا عنيا ؟ ياااااااااخي حبك برص اجرب هجين 
ده اللي ناااقص كمااان فاضل عم حسين البواب يجي يقولي انه بيحب فرحه هو الآخر م اهي زاطت بقي
-بدر!!  بدررر انتي معايااا ؟ روحت فين
-هاه اه معاك معاك معلش سرحت شويه
-سرحت!  ايييه هو انت كمان الشبكه بتاعتك غمزت ولا ايه!!
-ان جيت للحق هي غمزت بس طلعلي في الشبكه كلب بحر  معرفش جالي منين
- ههههه بتحصل يا صحب بس ميهمكش انت قدها وقدود طلعه بره الشبكه وفوز بسمكتك يا وحش
- انت بتقول فيها دانا هطلع ترباتييبت امه
- بس مقولتليييش ايه رايك
- في ايه
- في حواري انا وفرحه
- اها لا شده وتزول ان شاء الله
- بتقول ايه!
- بقولك فكك منها احسنلك
- ليييه بتقول كده
- اسمع مني انت متعرفهااش ده عقلك الباطن بس بيحليهالك عشان قالتلك كام اسطوره فخلاص حبيتها
- لا لا يا عم انا بحبها بجد انا عارف دنا من سعة م سافرة وانا مبفكرش غير فيها وانا صورتها م فارقتش خيالي وانا....
- م خلااااااص يا وحش بقي مش سيره هي
بقولك ايه الخط بيقطع.. الو الووو سامعني يا عمر عووومااار تششش فااش فيششششش

قفلت في وشك السكه ؟ ااااني اسف
قال يتجوزها قال اتجوزتك غوريلا قرعه يا بعيد طلعتني من الموود اللي كنت فيه
نعلي صوت الراديو بقي...
والهواااا ااه منه الهوا اه منه الهوا اااه منه الهوا سهران الهوا يسقينا الهنا ويقول بالهنا ااحبيبي يلا نعيش في عيون الليل ونقول للشمس تعالي تعااالي بعد سنه مش قبل سنه
في ليله حب حلوه
بالف ليييله وليييله.. "
------------------
صباح الخير
-صباح النور
-احم ااا وصلتي امبارح بالسلامه!
-اه شكرا
- "ااه وشكرا ده بدل م تيجي تبوسني من بوقي ع توصيلي ليها امبارح... "
- لا شكر ع واجب يا ستي...  طب و ااا مسمعتيش حاجه امبارح كده ولا كده ؟
- حاجه زي ايه ؟
- اغنيه مثلا!
- اه سمعت
- عظييم سمعتي ايه بقاا
- ايها الراقدون تحت التراب لعبد الوهاب تعرفهااا ؟
- ترقدي م تقومي يا بعيده...  بعد الشر!
- طب حضريلي قهوتي وتكون ع المكتب خلال نص ثانيه ولو اتاخرتي عن كده مخصوم منك سبع اسبووع مقدما
اخذ يخطو مسرعا كطفل صغير تسبقه تأففاته وثرثرته التي لا تكاد تصل اذني ، ابتسمت تلقائيا وشرعت في اعداد قهوته لكن هذه المره ساحرص ألا تسكب مجددا علي الارض.....  وانما عليه!
-القهوه جاهزه!
-حطيها ع المكتب عندك
-المكتب زحمه اتفضل فضيلي مكان احطها فيه عشان متتكبش
-نظر الي بطرف عينه واخذ يوضب الاوراق ليفسح المجال علي مكتبه بينما تظاهرت انا بوضعها بدقه علي المكتب وبينما اضعها اطلقت العنان ليدي...
-اوووبسس اسفه اسفه والله مقصدش
-ما ان سكبت عليه القهوه حتي شرع في التأوه كالطفل الرضيع الذي لسع لسانه من الحليب الساخن..  علي الرغم ان القهوه كانت ساخنه لكن تأكدت بنفسي انها لم تصل حد الغليان حتي لا يتأذي انما فقط يتألم... هو بيأفور ولا انا بيتهيألي ؟!
-ياااا شيخه بقي يا شيييحه مش تحاسبي هو عصيير دي قهووه قهوووه سخنه
-ا متزطش مش سخنه قوي
-يعني حرقتيني بالقهوه وكمان بتبرطمي
- م قولت سوري هي حكايه
- اه حكايه ايش عرفك انتي ودلوقت لو متحطليش مرهم حالا هتعلم ع ايدي وهفضل مشوه طوول عمري
- قول ان شاء الله بس متقاطعتش
- افندم!!
- بقول لحضرتك فين الاسعافات الاوليه اجيبهالك
- امممم هناك اهي في الرف اللي جمب المكتبه
- اها اتفضل
- اتفضل ايييه وانا هدهن بايدي المحروقه ولا ايه اتفضلي ادهينهالي طالما انتي السبب ولا ايه
- كركديه
- نسكافيه
- اااه لا دانت جاي تهزر بقي
- لا مبهزرش ومش فاضي للعب العيال ده ورايا شغل كتير وخلي الشغل يتعطل والشركه تفلس والموظفين يتشردوا ويموتو من الجوع وتكوني انتي السبب
- كل ده عشان المرهم
- بالظبط
- لا الدمعه هتتفر من حدقه عيني خلاااص ناولني كده المرهم ده
- ما ان امسكت به حتي فتحته وضغطت علي الانبوبه لاستقبل ما بداخلها ولكن كان استقبالا حافلا فقد افرغت كل المرهم علي السجاده المقابله للمكتب... ع
- اوووبس دي الانبوبه خلصت خلاص دقيقه ابعتلك عم حسين البواب يجبلك انبوبه جديده ويدهنلك بالمره عن اذنك
- يا بنت المجنونه!!  خدي ياا بت
- نعم ؟
- خلي رحاب تشوف وصلة النت
قوليلها تشوف الروتر عشان الشبكه مش واصله خاالص ومحتاج ابعت رساااله لهايدي ضروري ضرووري بقااا
-اه ومااله وماااله بقا
خرجت وعزمت المره الاخري ان اتاكد من غليان القهوه جيدا قبل سكبها عليه...
--------------
عرفتي هتعملي ايه
بالحرف
برافو
--------------
متتأخروش يا جماعه عن الحفله بالليل دي مناسبه تخص مستر بدر وهيزعل جدااا لو مجتوش ده منبه عليا اقولكم واحد واحد
كنت استمع لتنبيهات رحاب المفاجئه اي مناسبة هذه الخاصه ولماذا اعلن عنها بعدما خرجت رحاب من مكتبه وما علاقه رساله هايدي بالحفله ؟ماذا هل سيتزوج ابيه بامه مرة اخري ام...  اعوذ بالله منالشطيطان الرجيم ان شاء الله يكون شاذ ولا يخطبش... ايه ده ايه ده وانا مالي انا م يخطب ولا يغور
-ريحاااااااب قلب قلبي
-فرحتي اوعي تتأخري انتي كمان ولا متجيش
-لا لا ازاي هاجي طبعا بس اا يعني متعرفيش ليه الحفله دي
-علمي علمك والله بس عامه هو قالي انها مفاجأه وادينا هنشوف
-اهااا مفاجئه يبقي هيكشفلنا عن هويته الحقيقيه ويطلع تاجر اعضاء بشريه فعلا والله
-بتقولي ايه مش سامعاكي
-بقولك اني هاجي والله 

خرج هذا البدر موجها تعليماته لي مره اخري... مبيحرمش!
"اعمليلي فنجان قهوه ولما تعمليه ابقي اندهيني انا اللي اخده عشان متشوهيش اللي باقيلي من خلقتي فضلا يعني"
دخلت باستياء اعد له فنجانا اخر بالفعل حتي سمعت صوتا بالخارج...
عمر ؟؟ ايه اللي جابك هنا ؟
ده بدل م تقولي حمدالله ع السلامه
حمدالله ع السلامه ايه اللي جابك هنا
جيت اشوفك اصلك واحشني
كداب
الصراحه اه ، فين فرحه ؟
مش موجوده.. استقالت .. اقصد مشيت من شويه ومش راجعه..  يعني مش هترجع قبل بكره بعده او سنه كدع بالكتير
القهوه!!
اومال مين دي
اييييه ضاااااااا بسم الله الرحمن الرحيم انتي ايه اللي جابك هنا مش كنتي مشيتي من شويه
-نظرت له وعلي وجهي علامات الاستغراب فاكمل حديثه
-القهوه دي من نصييبك بقي يلا نشربها جوه في المكتب وانتي يا فرحه اتفضلي شوفي شغلك بقي منعطلكيش
-طب استني يا اخي ثواني بس ، انسه فرحه هو حضرتك فاضيه انهارده بالليل ؟
-الحقيقه لا للاسف عندي حفله رايحاها عند مستـ..
"هو بيشاورلي اقفل بقي ليه ماله ده "
-عند بدر ولا ايه؟
-اا اه يعني عنده اه
-لاااا بقي دانا جاي وش واهو نتجمع كلنا
- والله يا فرحه مش عاارف من غيرك كان هيجيلي السكر والضغط ازاي ومش عارف من غيرك كانت ايدي هتتحرق ازاي لا ريللي ريللي جمايلك كترت عليا
- علي ايه يتفندم ده واجب عليا
- ----------
السابعه مساء
ايه الشياكه دي بس!
عارفه لو مكنتيش جيتي معايا والله م كنت هروح
عيب ومن امتي ريم بتسيب فرحتها تروح وحدها مناسبات
حياتشي حياتشي
طيب اديني دقيقه كده هسلم علي مستر بدر واجيلك باقالي كتير مشوفتهوش
قال يعني هتشوفي الامله روحي روحي

-ريم
-مستر بدر
-اخبارك
-تمام جدا
-عال عال
-هايدي اكيد ف الطريق دلوقت وكل حاجه جاهزه.... وربنا يتمم بخير
-ههههههه اهو شر لا بد منه بقا
-ههههه ده حقيقي والله
-دلفت هايدي القاعه لتطفأ الانوار بغتته وتضيء الشاشه علي صورها علي احدي الاغاني الرومانسية وكان الضوء مسلطا علي بدر الذي كان ممسكا بالمايك متأهبا للتحدث..

طبعا كلكم انهارده مستننين تشوفو المفاجأة ومن الواضح انكم من المقدمه دي قدرتوا تخمنوها..  ايووووه ايووووه بالظبط هو اللي ف دماغكم بدر الرشيدي اتجنن وقرر يسيب حياه السنجله خلاص.. قررت اسيبها عشان امسك في البنت الوحيده اللي عرفت تدخل قلبي من غير اي مجهود يذكر وكأنه مستنطها من زمان عشان يفتحلها خي بس..
عشان كده وقدام الناس دي كلها بعرض عليها الجواز
تتقبلي تتجوزيني يا......!
-يتبع