موعدتا البحر (الجزء السابع)❤❤

موعدنا_البحر7
حاااسب ياااا بدررر حاااااااسب!!!
كنت اصرخ بفزع حتى علا صوت صرخاتي صوت المكابح لتعلن عن توقف السياره بشكل مفزع ومفاجيء...
-انتي اييييه يا شيخه صرعتيني معاكي اييييه عمرك م شوفتي كلب معدي الشارع قبل كده خرمتيلي وداني حااااسب حااااسب دنا قولت هنخبط في كساح ولا حاجه!
-يعني مش هامة الكلب المسكين ده اللي كنت هتخبط فيه مش روووح دي ربنا خلقها روح دي ولا مش روح لا لا يا مستر انت طلع قلبك قاسي اوي اوي
-اه وكمان مش بحس كده وكده
-صحيح كنت بتقولي حاجه من شويه ؟
- لا  م خلاص اللي هقوله مبقاش ليه لزمه بعد م قطعت الخلف خلاص وااااادي الاغنيه كمان
- ليييه بس  سيبها حلوه
- انتي تخرسي خالص ومسمعش صوتك لحد م نوصل والا هيتخصم منك تلاتييين يووم ف الشهر
- بس....
- شششششششش
- ع...
- شششششش
-.....
------------------
حمدالله ع السلامه يا مستر
-الله يسلمك يا رحاب متشكر جدا... هي فين فرحه مش موجوده ع مكتبها ليه ؟
-الحقيقه لسه قافله معاها بتقولي انها في الطريق عشان المواصـ...
-المواصلات مش كده!!
-اسسسفه اسسفه اسفه والله انا نازله من بدري بس...
-المواصلات خلاص عرفنا
-المواصلات خلاص عرفنا
-ايييه ده انتو حافظين بقي
-القهوه تكون علي مكتبي يا انسه وللمره المليون متتاخريييش تاني دي مش كليه هتتاخري ع المحاضرات براحتك ده مكان شغل
-"رجع الشركه ولبسه جني النكد ع الصبح م كنت كويس يا ذكر الخنفس انت ايه لييه القلبه دي "
حاضر يا افندم
--------------
انتهيت من اعداد القهوه وخرجت من الاوفيس لاتوجه لمكتب مستر بدر بسرعه كي لا يوبخني مرة اخري لتأخري ولكن كأن هذا اليوم يرفض ان يمر بسلام فاثناء رحلتي من الممر الي المكتب ارتطمت باحد الاشخاص فجأة وبدون مقدمات ليقع فنجان القهوه علي الارض معلنا عن انكساره الحتمي وتناثرت القهوه في كل مكان...
-انا من سعة م شوفتك ف راس البر وانا قولت انك واحده غبيه مبتفهمييييش انتي عارفه البلوزه اللي بهدلتيها دي بكام ومنين ؟!
-كانت عيناي موجهتان الي الفنجان المسكوب وقطعه المتناثره معتقدة ان هذه هي فاجعتي الوحيده حتي سمعت الشتائم تنهال علي من صوت انثوي فإذا بي انظر لاتبين من صاحبة تلك النبره فإذا هي...  هايدي!!!
كان صوتها عال لدرجة ان الموظفون بدأوا في التجمع ليروا ما الذي يحدث...
-انتي بتكلميني انااا!  انتي مش شايفه ان انتي اللي طلعتي فجاه كده من غير مقدمات وخبطتي فيا وقعتي الفنجان !
-وكمان بجحه وليكي عين تتكلمي بدل م تعتذري
-اعتذر علي ايه انتي عبيطه يا بت انتي ومااللك بتتكلمي كده ليييه م تتعدلي زي الناس في الكلام
-واااضح انك نسيتي نفسك هنا انتي مجرد حتتة سكرتيره لا راحت ولا جت والبلوزه اللي وسختيها دي لو قعدتي تحوشي مرتبك كامل لمدة سنه مش هتجيبي حقها فمتنسيش نفسك واعرفي مقامك كويس لاعرفهولك
-انتي قليلة ادب ع فكره ا....
-لم انهي جملتي الاخيره حتي فتح الباب ليعلن عن ظهور مستر بدر علي اثر الضجه متسائلا عما يدور هنا....
-ايييه في ايه ليه الزعيق ده وايه اللي بيحصل هنا ؟!
-يا مستر بدر انـ...
-شااااااايف يا بدر شاااايف الاشكال اللي بتجيبها تشتغل عندك جايبها تطول لسانها علينا ولا تشتغل ، يرضيك وانا داخله مكتبك الاقيها  طلعت فجاه خبطتني وقعت القهوه عليا لا وبكل بجاحه بتعلي صوتها عليا وبتقولي اني قليله الادب!!!!
كان مستر بدر يستمع اليها بكل هدوء ممتعضا تشوب ملامحه الاستنكار حتي انهت هايدي اتهامتها لي لينظر لي بملامح جامده...
-الكلام ده حقيقي يا فرحه ؟ انتي كسرتي الفنجان وقولتيلها انها قليله الادب!
- بس ده مش كل اللي حصل هي محكتش كل حاجه
- عملتي كده ولا معملتيش ؟
- ايوه بس....
- بس ايه عايزه تعملي ايه تاني اكتر من كده ولا عشان بدر طيب مع موظفينه وبيعاملك كويس فنسيتي نفسك واعتبرتي الشركه شركتك وتهيني ضيوفه بالشكل ده
- استني انتي يا هايدي لو سمحتي
- فرحه طالما كده صدر منك فاعتقد انك مدينه ليها باعتذار
- اعتذار ايييه ولمييين ل دددي انت مشوفتش المشهد كامل دي بتستهبل اصلا ...
- شايف بتكمل غلط ازاي يا بدر عشان تصدقني اهو
- انتي سمعتيني ولا لا ؟ اعتذريلها حالااا
- لا مش هعتذر طبعا انا مغلطتش
- تمام جدا ، قدامك خمس دقايق راجعي نفسك وهايدي جوه المكتب عندي مستنيينك والله جيتي واعتذرتي يبقي تمام وهعتبر محصلش حاجه مجتيش يبقي....  استقالة ريم تكون علي مكتبي بكره الصبح!
- -----------
جلست علي مكتبي وانا اسحب الاكسجين بصعوبه من الجو كأنما الكون بوسعه ضاق علي صدري وددت لو يغشي هلي لكن عقلي الباطن خذلني ووقع علي عقد عذابي لاشاهد تلك اللحظات الثقيله تمر امام عيني وانا اختنق قهرا...
نهضت بكل ثبات بعدما ابتلعت غصة باتت في منتصف حلقي.. توجهت لمكتب مستر بدر وطرقت الباب...
-ادخل
-اخدت قراري خلاص
-كويس جدا اتفضلي سامعينك
-كانت تنظر لي بكل غل وتشفي كيف لا يري كل هذا احقا لا يراها علي حقيقتها ؟احقا يراني مخطئه ويريد مني الاعتذار ؟
-تحاشيت النظر اليها ونظرت اليه بكل ثبات كانت عيناه غامضتان لا اتبين منهما ما شعوره الان لكنني علي كل حال لن اتراجع ..كنت انظر اليه وانا انطقها
-انا....... اسفه
-انا اسفه يا انسه هايدي
-مفيش مشاكل اتس اوكيه يعني كلنا بنغلط طالما اعنذرتي فخلاص عشان خاطر بدر بس
-خلاص يا فرحه حصل خير تقدري تتفضلي دلوقت ومعلش ابعتيلي رحاب من عندك
-ادرت ظهري وانا لا اشعر بشيء..  حقد... غل... حزن... غضب.. لا ادري ولكنني اشعر بشيء مختلف تماما .............الخذلان!!!
خرجت هايدي من المكتب تمشي بتفاخر لم تحدثني بشيء اثناء خروجها ولكن عيناها قالت كل شيء
--------
-اؤمر يا مستر بدر حضرتك طلبتني
=اه يا رحاب محتاج منك خدمه ضروري
-اه اكيد اتفضل
-بصي يا ستي هتعملي ايه....
---------------
مضت الساعات بتثاقل شديد وكأنها تزحف للخلف وترفض المرور ، ذهب كل من في الشركه لبيته وانا انهيت عملي مؤخرا واغلقت الحاسوب وهممت بالخروج حتي وجدته امامي...
-انتي لسه هنا ؟
-خلصت ومروحه
-لا مينفعش
-نعم
-مينفعش تروحي لوحدك في الساعه دي،  انا هوصلك في طريقي
-لا شكرا انا مش صغيره عشان توصلني
-بس عقلك صغير جدا كنت فاكرك فهمتي
-افهم ايه ؟
-تفهمي انك مينفعش تروحي لوحدك دلوقت واني لازم اوصلك
ضقت ذرعا منه ومن الغازه وتقلباته التي ستودي بي للجنون ،تارة يصبح طيبا حنونا كروح طفل لم يبلغ الحلم وتارة يصبح احمقا غاضبا يعنف كل من حوله دون مبالاه
كل هذا في شخص واحد ولكن لالالا لا يهمني حقا فليذهب للجحيم هو وشركته وهايدي في المقدمه... يلا الداهيه اللي تودي!
-هو انتي البرطمه اسلوب حياه معاكي!  يلا عشان متتأخريش اكتر من كده قدامي ع العربيه
- انزل من علي ودااني عشان مش فايقالك دلوقت بلا عربيه بلا ملوخيه رارعي وسع من طريقي
- لا مش هوسع والظاهر انك مبتفهميش بالذوق ومبتتعلميش بالساهل عشان كده....
- كان يتحدث وهو يخطو نحوي بتثاقل مما جعل الرعب يدب في قلبي فهو لم تكن العصبيه عيبه الوحيد وانما الجنون ايضا ، يقترب خطوة واتراجع خطوتان...
- عشان كده ...قولنا ميييية مره نطفي الانوار قبل م نمشي الكهربا دي بفلوس يا ناااس ،وسعي كده يا انسه الكوبس وراكي بس سكه كده لو سمحتي
- ياااااا  ابن ال...
- ايه في ايه مالك وشك اصفر كده ليه ؟ لا علي فكره دماغك دي وحشه قوي مش هتنفع معايا.. اقصد معانا في الشركه ، صفي النيه كده وارجوكي اتفضلي انزلي قدامي عشان مينفعش نقعد وحدنا هنا كتير انتي عاارفه بقي الراجل مننا محليتهوش غير سمعته
- كنت اعطيه ظهري لاغادر محاولة اخفاء ابتسامتي التي كانت ستفضحني علي اثر كلماته الاخيره حتي وقفت علي اول الدرج حين سمعته ينادي...
- فرحااااااه!!!
- .....
- الساعه 12 تردد 6590 افقي
لم افهم الام يشير لكنني لن استرسل في الحديث معه بالرغم من شعوري بانني علي حفظ هذا التردد والذي بالفعل قد طبع في ذهني كنت اهرول علي الدرج لانني تاخرت حقا عن كل يوم
سرت في طريقي وموج افكاري يتضارب ويثور في عقلي رأسي حقا سينفجر اغمضت عيني لثواني كي افتحها بفزع علي صوت قادم من خلفي....
- ع الهادي يا زباادي
- نظرت بفزع فلا ينقصني سوي مصيبة اخري لكنني وجدته يضحك خلفي...
- انا قولت اعاكسك عشان ارفع من روحك المعنويه ليس الا ثم ايه المشيه دي امشي بسرعه عن كده البنزين هيخلص
- الهي تنقلب برص بقرنين يا شيخ انت ايييه جابك هنا
- انتي اللي رفضتي تركبي اعملك ايه ونزعتي الانسانيه رفضت تسيبك ف وقت زي ده اكمني انسان قوي يعني وكده فقولت امشي وراكي اونسك ليطلعلك جني اسود قصير ولا حاجه ودلوقت اتفضلي وريني جمال خطوتك - يلااااا انتي هتنحي لسه
- مفيييش فايده
- كنت اسير بخطي سريعه تسابق شعوري باالامان والذي كنت انفضه من ذهني بمحاولات واهيه ..
- -----------
طب اااادي التفزيون مفيش قناه بالتردد ده اومال تردد ايه ده يا ربي الساعه عدت 12 فكرري يا فرحه فكري يااا فرحه
ايعقل!
ركضت الي الراديو انفض الغبار من عليه واعيد تدوير البكره علي التردد الذي حفظته لتقطع موسيقي الست صمت غرفتي وتقطع معها حبل افكاري حينما شدت لتقع كلماتها علي وتر قلبي قبل اذني.....
"يااااااا حبيبي...
الليل وسماه ونجومه وقمره.. وانت وانا...  يا حبيبي انا..  يا حياتي انا "
--------
.......يا حبيبي اناا.. يا حياتي انا "
- ان شاء الله تكون منسيتش التردد والله اقتلها!
- طلعتيلي منين بس وعملتي فيا ايه والله ووقعت ومحدش سما عليك يا ابن الرشيدي

دق هاتف ريم لتعلو علي وجهها ملامح الاستغراب والدهشه حينما رأت اسم المتصل لتجيب....
ازيك يا ريم
مستر بدر اهلا بحضرتك
كنت محتاجك في موضوع كده
موضوع!  اه ااه قوي قوي اتفضل تحت امرك

ما ان انهي بدر مكالمته مع ريم حتي رن هاتفه معلنا عن ظهور اسم شخص غير مرحب به في الوقت الحالي ولكن غلب فضوله رغبته في تجاهل رنته حتي اجاب...
-ايبببه يا سي بدر كل ده عشان ترد اومال لو مكنتش صاحبك يا اخي مكنتش هتعبرني خالص كده!
=معلش يا عمر مكنتش سامع الفون خييير في حاجه ولا ايه ؟
-كل خييير يا صحب يا وش السعد انت ، انا خلاص لقيتها طلعت هي يا صحب اللي مستنيها من زمان كنت محتاج اتأكد من مشاعري واتاكدت خلاص انا...  انا قررت اتجوزها!
- مشاعر ايييه ؟ وتتجوز مييين ؟
- فرحه...  انا ....انا بحبها يا بدر !
-..........
يتبع