موعدنا البحر(الجزء التاسع و العاشر الاخير)❤❤

موعدنا_البحر9_10

تتجوزيني ياا..... ؟!

بيبي شارك دودووود دودودوو بيبي شارك دودودوو بيبي شاارك..
أستيقظت علي رنة هاتفي لانظر يميني ويساري لا اجد الا اثاث غرفتي من حولي نظرت لهاتفي فاذا بها ريم...
يعني يااا شيخه حبكت ترنيلي دلوووقت مش صابره اشوف راح يخطب مييين كائن الكلب بزياده بقي راح تخطب ف الحلم يا بدر الكلللب طاااايب مش رايحه حفلات تولع الحفله بالمعازيم بالقاعه ان شاء الله...
-كل ده عشان تردي يا هانم؟
-معلش كنتي نايمه
- نايمه اييه بتهزررري احنا اتاخرنا ملبستيش ليه لدلوقت
- يمكن عشان مش رايحه مثلا
- نععععم يا روح طنط ده عند ام لطفي اومال انا جايه الحفله عشان مين
- عشاني وانا خلاص مش رايحه فخلاص كنسلي
- مش بمزاجك والله يا فرحه لو م جيتي لاقول لمامتك ان كياس الاندومي اللي بتلاقطها تحت السرير دي تبقي بتاعتك انتي واتصرفي معاها بقي
- يا غداااااره فينا من كده يعني ؟
- وابو كده كمان قضي الامر ربع ساعه وتكوني عندي سلاام

اصرت ريم اصرارا غريبا علي مجيئي للحفله لا ادري من اين اتي كل هذا التصميم ولكن يمكنني حضور الاف الحفلات علي الا تعلم امي انني من يأكل الاندومي هنا والا... هتكون مردغانه والله!

اخيرااا شرفتي
ورجل ورا ورجل قدام م تيجي تفكك م الحفله ونروح اي كافيه او مطعم ناكل فيه
-يااا طفسه في اوبن بوفيه هنا واتهدي بقي اتهدي
بينما كنا نتحدث اذا بكرشة نفس باغتتني فعلمت ان انثي الجراد قد حضرت بعطورها وشركات مستحضرات التجميل علي وجهها والملابس التي تحتاج لملابس اخري لتسترها...
وااادي ست الحربايه حضرت ربنا يعدي اليوم علي خير و...
ايه ده اييه ده اييه ده دي بمبتسلمممش...  دي بتبوس علي طول!
دبل كركديه !!!
-هي دي هايدي لا صاروخ بصراحه ايه ده بس
-صاروخ يوديكي المريخ يا شيخه .. ويرجعك تاني لاحسن محمد يشلوحنا مش ناقصين!
-ايه ده الحقي يا فرحه دي جايه علينا
-استعنا ع الشقا بالله

-هاااي..  انتي جيتي برضو يا فرحه انا توقعت انك مش هتيجي انهارده خاالص بصراحه
- ومجيش ليه مستر بدر دعا كل الموظفين وانا منهم فكان لازم احضر
- لا اصل دي حفله زي م انتي شايفه فقولت اكيد الجو هنا مش هيليق علي واحده زيك...  اقصد عليكي يعني
- اااه لا دانتي جايه وبتقولي يا شر بقي ، حاسبي علي كلامك عشان متصرفش تصرف هيزعلك صدقيني
- اهاهههه يا حبيبتي انا مش بدايقك بكلامي ولا حاجه انا بقولك الحقيقه اللي انتي شكلك ناسياها رغم اني فكرتك بيها وقت م دلقتي القهوه ولا ناسيه
- لا مش ناسيه بس انا ممكن اعيدلك المشهد من تاني بس من اخرااجي انا المره دي مش انتي خااالص

كنا نتحدث وكل واحدة منا تقذف كرات من النار من نظرات عينيها للاخري حتي اقترب منا مستر بدر يحمل كأسه النصف ممتليء بالعصير مبتسما حتي رأته هايدي بطرف عينيها ثم نظرت لي وبدأت في الصراخ...

علي فكره مفييييش فايده فيكي هتفضلي دايما شرشوحه كده ولسااانك طووويل علي اسيادك
كادت عيناي تخرج من مقلتيها من اثر كلماتها مندهشه من تصرفها وعلام تنوي مره اخري...

-ايه ده تاااني يا فرحه تاااني مش كفايا مشاكل ف الشركه جايه كمان تعمليها هنا مالك ومال هايدي هي عاملالك ايه عشان تتصرفي معاها كده؟؟
-قولها يا بدر قولخا انا مش عارفه هي حطاني في دماغها ليه اعصابي تعبت منها بجد بقا
نظرت له دون ادني تعبير لاجده منتطرا اجابتي وتفسيرا لما يحدث وانا بالفعل ادين له بتفسير فعلا...
-معلش اشرب بس عشان اعرف احكي لحضرتك كل حاجه ايوه كوبايه العصير دي اللي في اييدك.. شكراااا
-يا بنت المجنونه!!! 'صاح بدر '
-شهقت هايدي علي اثر العصير الذي انسكب فوق راسها وبللها حتي اخمص قدميها وبالطبع نال وجهها وشعرها النصيب الاكبر من العصير فاصبحت كدمية تشاكي بعد بدون مكياج...  يا مامي!!
-كنت انظر اليها بتشفي وراحه لا مثيل لها ولم احاول حتي اخفاء نظراتي بينما كانت تكيل لي السبات واللعنات فاذا بنظري وقع فجأه الي مستر بدر ربما فضول لاتبين رد فعله.. هل ما اراه حقيقيا الان ام يخيل لي
؟؟
بدر يضحك!!!
في وسط ضحكاته رآني وانا انظر له لتختفي ابتسامته وضحكاته وتتحول لاقتضاب كامل ليبدا في التحدث بنبره جديه...
-واضح ان مفييش فايده فيكي انتي فعلا خذلتيني يا فرحه واعتقد انتي عارفه كويس ايه اللي هيحصل لو متأسفتيش لهايدي للمره التانيه علي التوالي
لم يكمل حديثه حتي صاحت تلك الحيزبونه مرة اخري...
-لا يا بدر وانا المره دي مش هسامحها البنت دي لااازم تنطرد فورا من الشركه واحده زي دي مكانها ف الحوش مع البهايم مش في شركه محترمه
- تصدقي انك واحده مش محترمه فعلا وقليله الادب ولولا عامله احترام للي واقف قدامك ده كنت جبتك من شعرك ومسحت بيكي بلاط القاعه كلها عشان تعرفي تتكلمي مع فرحه بالشكل ده تاني
- كانت توبخها ريم وتكيل لها الشتائم غير مباليه لطالما كانت هكذا منذ التقيتها تاخذ لي حقي من كل من يفكر حتي في الاقتراب مني لم تكن فقط صديقتي بل كانت ملجأي وقلعتي الحصينه التي احتمي بها عندما تغير عليا وحاشة العالم وقسوته... انها ريم 💚
اثناء كل هذا كان ينظر لي مستر بدر مذكرا اياي بعواقب فعلتي كما سبق..  اقالة ريم وخسارتها لوظيفتها.. ايعقل هايدي تهمه الي هذه الدرجه اتفعلها حقا يا.. بدر ؟
ولكنني لن اقبل حتي بالمخاطره و المساس بما قد يسبب الاذي لرفيقتي الوحيده تلك التي خرجت بها من هذه الدنيا.. رئتي الثالثه!
-طب والله لو معتذرتلي قداام الناس دي كلها لاخلي بدر يطردك ويطردها في وقت واحد عشان تعرفوا بتكلموا مين مره تانيه!
- تعتذر لميين يا عرة الستات انتي هو....
- موافقه
- نظرت لي ريم بدهشه عقدت لسانها عن الكلام وصاحت في تهزني بعنف
- انتي اتجننتي يا فرحه لا طبعا مش هتعتذريلها تغور هي والشغل في داهيه واحده انـ...
- عين العقل يا فرحه كنت عارف انك هتعملي كده
- مسترر بدرر ابه اللي بتقوله ده ؟؟
- ده قرارها يا ريم فمتدخليش انتي لمصلحتها قبل مصلحتك ودلوقتي اتفضلي يا فرحه وانتي يا هايدي ع الستيج عشان تعتذرلك قدام الناس دي كلها..

كنت اسمع كلماته واسير خلفه للمنصه وانا لا اشعر بشيء بل الاف المشاعر التي تحرق روحي وكأن خنجرا مسموما غرز في قلبي للمره الثانيه الارض تدور حولي ولكنني ثابته الخطي اسير لحتفي لا مجال للرجوع هذا قراري.. ولكن
احقا هذا ما تريده يا بدر احقا هذا انت !
كيف لك ان تكون الاثنين معا.. قاضيّ وجلادي.. سعادتي واحزاني... دائي ودوائي ..جنتي وناري
كيف لك يا بدر كيف لك ؟!
اتنشن يا جماعه من فضلكو هنا ...معلش هاخد من وقتكم دقيقتين وبعدها هنكمل الحفل عادي جدا
طبعا كلنا عارفين ان اي حد بيغلط من واجبه انه يعتذر وانا مهما كانت سياستي في شغلي ولا بره شغلي الا اني عمري م ارضي بان اي حد يتهان قدامي غير لما اجيبله حقه لانه ببساطه طالما دخل شركتي واصبح من التيم بتاعي فهو مسئوليتي ودلوقت اللي حصل ان الانسه فرحه مش بس غلطت مره واحده ف حق هايدي لا دي كملت الغلط بغلط تاني امر والعن منه وعشان هي عرفت غلطها فحابه تعتذر لهايدي قدامكم كلكم..  اتفضلي يا فرحه
لم اسمع كلمة واحده مما قالها لم اشعر حتي بما يدور حتي فجأه تسلط الضوء علي وجواري هايدي واقصي اليمين مستر بدر فعلمت حينها انه حان وقت جلدي.. حان وقت اعتذاري
كانت حتي لا تنظر الي وانما تنطر للجميع ب تعالي وتفاخر منتظرة اعتذاري ليطرب اذنيها..
اه ااا هايدي انا.. انـ.. انا ...

انطفأت الانوار فجأه لتظهر شاشه ضخمه تبث فيلما ما لم ادري لاحظات ماهيته من فرط اندهاشي وجهلي لما يدور.. الصمت يسود لا صوت سوي صوت الاشخاص بداخل الفيلم. لكن انهم.. انها انا!!
كان الفيلم عباره عن مقطع من كاميرا الشركه والتي كانت موضوعه امام مكتب مستر بدر وكان الاشخاص انا وهايدي وقت خروجها فجاه من الردهه واصطدامها بي وتطاولها بالكلام علي ثم مجيء مستر بدر وتمثيلها عليه انني من ارتطمت بها وسكبت القهوه واهنتها حتي طلب مستر بدر اعتذاري منها
انطفأت الشاشه واضيئت الانوار والجميع صامتون وكأن علي رؤسهم الطير وكل علي وجهه علامات الاندهاش وعدم التصديق وبدأت الاصوات في الهمس بينما هايدي كانت تعلو ملامحها الاضطراب والتوتر وكانت تنظر كالمجنونه يمينا ويسارا لتتفقد ردود فعل الحاضرون حتي قطع المشهد صوت مستر بدر في المايك.....
وطبعا يا جماعه زي م شوفنا ان مش فرحه هي اللي غلطت وان هايدي هانم بنت الاكابر هي اللي تطاولت عليها بالكلام ومكتفتش بكده قامت كملت غلطتها بالافتراء والكدب وواضح من ده كله دلوقت مييين اللي المفروض يعتذر للتاني ..
توجهت الانوار نحو هايدي والتي كان وجهها مائلا للاصفرار والاحمرار من فرط الحرج حتي نطقت...
ان.. اننت بتقول اييه بقي عايزني اناا اعتذر ل دي انت اتجننت يا بدر عايزني انا هايدي هانم النقاش تعتذر لواحده زبـ...
-اياكي تفكري تتطاولي عليها تاني انتي المفروض تعتذريلها مش لانك غلطانه وبس لااا خالص
بس كمان يا هايدي هانم متخلقش لسه اللي يغلط في اللي هتكون
حرم بدر الرشيدي !!!
قال بدر جملته الاخيره حتي علت القاعه بالاحاديث  والهمسات والاقاويل ...
قال جملته الاخيره وكان احدهم هم بالتواري عن الانطار جاررا ذيول خيبته ، تقول الاسطوره ان في اينما وجدت معارك للحب وجدت الضحايا وللاسف كان عمر احد هذه الضحايا....
قال جملته الاخيره وكنت انا كمن  القي بي
  في هاوية سحيقه لا يدري مصيره ولكن يعجبه شعور السقوط ...افقت من دهشتي علي ريم تهزني
-يخربيييتك هتفضحينا من اولها سرحان اومال لما تكتبه كتابكم هتعملي ايه ؟؟
-كانت تكلمني وهي  ممسكة بيدي وتجرني للخروج من القاعه...
-ان.. انتي كنتي عارفه ؟؟
-من اول م قولتيلي انزلك اغنية الست وحياتك بس قولت اسيبك اما اشوف اخرك بس المسكين جاب اخره قبلك
- ازاي انا مش فاهمه حاجه
- شوووفو البت عليااا انا برضو انتي يمكن مش فاهمه ايه اللي حصل دلوقت بس استحاله تكوني مش حاسه بحاجه ناحيته
- انتي..  انتي بتقولي ايه انا ومستر بعبع لا طبعاا
- يا شيخه!  طب عيني في عينك كده ؟
- ........
- يبقي بتحبيه
- لا مبحبوش ايش عرفـ..
- بت طالماااااا قوووولت انك بتحبييييه يبقي انتي ايييه!
- بحبه طبعا انتي ادري
- ههههههههه  ايوه كده
- بس انا كده مش فاهمه برضو ازاي عرف ده كله وقدر يعمل كل ده!
- يااا ستي افهمك انا
- بدر رن عليا بمجرد م م رجعتو م الظفر وقالي كل حاجه وحب يتواصل مع والدتك من غير م تعرفي ادتله الرقم وبالفعل كلمها ومامتك  رحبت بيه جدا واتفقوا سوا بس طلب منها متتكلمش خالص لحد م يتاكد من مشاعرك ناحيته زي م هو متاكد وموضوع هايدي جه لصالحه للامانه وسهل عليه حجات كتير كان بيشوف وشك بيتغير ازاي لما تتجاب سيرتها ونظراتك ليه وهو بيكلمها وانتي بسم الله ما شاء الله متتوصيش ملامحك فاضحاكي وطبعا غير التاتش بتاعي كنت بحكيله شوية حجات م اللي بتقولهوملي سواء علي هايدي او علي.. عليي..احم ع الاغنيه اللي طلبتيها مني
- يا بنت ال....
- هاه هتغلطي مش هكمل
- كمللللي كملللي دنا هعمل منك بتتس محمره استني بس
- وبس يا ستي لحد م جه اليوم اللي جت فيه هايدي وحصل اللي حصل اللي متعرفهوش ان مستر بدر كان ورا الباب من اول الخناقه وكان عيتدخل ف الاول بس حب يشوف اخر الحوار ايه وكمل ف التمثيليه عشان يجبلك حقك ويردلها الاهانه مضاعفه عشان غلطها فيكي بالشكل ده..
- وقتها كلم رحاب وطلب منها تنسق للحفله وتجيبله سجلات الكاميرا وكلمني انا عشان اتأكد انك هتيجي معايا الحفله واجيبك معايا ... صدقيني بعد ده كله لو لسه شاكه في حب مستر ليكي تبقي....  متخلللللللفه!
- شكرا ربنا يخليكي والله
- فرحه ، بدر بيحبك بجد
- وانا كمان يا ريم والله ودي المصيبه
-وانتي كماان ايييه مسمعنش انا الجزء الاخير عيدي تاني كده ؟
-بدررررر
-اللهم صلي ع النبي بدر كده من غير مستر من اولها
عيوووون وقلب بدر .. منوره يا ريم !
- لا مش همشي انسي
- ان.. انت ايه جابك هنا ع فكره بقي اوعي تفتكر انك باللي عملته ده يبقي هوافق و....
- يااا روحي ومين مستني موافقتك اصلا ، هي مامتك مقالتلكيش ان كتب الكتاب الجمعه الجايه ولا ايه!
- كركديه!
- نسكافيه
- يولاد المجانيين انا كيس جوافه يعني هنا شفافه مليش رأي انـ..
- مين قال ان ملكيش رأي اومال مين اللي هطختار فستان الفرح يا روحي.. عم حسين البواب! ؟
-بس...
-انتي لسه هتبسبسي قدامي ع البيت معنديش ستات يتاخروا بره البيت للوقت ده وااه مامتك عارفه اني هوصلك عشان متروحيش لوحدك عشان ريم هتروح مع محمد
-ماما ؟
-اه حماتي ويلا اتفضلي قدامي...
-
ما هذا الشعور الذي يختلجني هل ينبض قلبي ام يضرب رأسه في ضلوعي طربا وكأنه امواج بحر اهوج يتراقص علي صوت طبول قادم من اعماقه
ما هذا الشعور ؟
ربما اختصرته بانه شعور بال ...فرحـه !
.....
جلست اقرأ اذكاري ما قبل النوم متكئة علي وسادتي ليعلن الهاتف عن صوت رساله من بدر...
"لم اكن انويكِ حبا..  وقعت فيكِ سهوا "
ابتسمت واخذت هاتفي بين ذراعي توسدت الغطاء وحظيت بنوم عميييق وكأنني لم انم لالف عام من قبل....
--------------
يا لهوي اتأخرت ع الشغل!!!!
- اسفه اسفه اسفه والله بس المواصل...
- المواصلات ايوه ايوه ،لسه اللي فاكره تيجي مستر بدر جوه من بدري وبيسأل عليكي م الصبح
- اااه دلوقتي هيتحول يا صباح التهزيق.. لم اكمل جملتي حتي سمعت صوته خلفي..
-حمدالله ع السلامه يا هانم قهوتي والايباد ف اقل من ثانيتين!
-لم يكمل جملته حتي كان في اخر الطرقه يغلق باب مكتبه
-لم اكذب خبر واسرعت في تحضير القهوه بالفعل...
-ادخل
-القهوه
-حطيها ع المكتب
-وضعتها ع المكتب وهممت بالخروج حتي قطع طريقي فجأه...
-حوار التاخير ده مش هينفع معايا بعد كده
ولا عشان انا متساهل معاكي يبقي خلاص هتتمادي
نظرت له باقتضاب يحمل بعض ملامح التحدي..
- اتمادي!!  لا بقولك ايه التاخير ده شيء بيجري في دمي هتيجي انت يابن يومين وتغيرهولي ابن ميين ف مصر انت عشان اجيلك بدري!
- نظر لي بتمعن ثم ابتسم ابتسامه صفراء وشرع في التحرك نحوي ببطيء تعلو موجهه ملامح التحدي..
- ابن الرشيدي وعندي اللي يغلط بيتعاقب وانا راجل عندي مبادي مبستثنيش حد من العقاب وانتي غلطتي واتاخرتي يبقي واجب عليا اعاقبك بس بطريقتي...
- كان يقترب وانا اعود للوراء بفزع وتوتر واضح علي وجهي...
- انت... انت اننت لا لا بقولك ايه انا ممكن اصوت واسم اللام عليك.. اقصد الم الناس عليك ..انت بتعمل اييه
- في حركه مفاجئة مد يده نحوي فاغمضت عيني بقوه لافتحهما علي صوته...
- بجيب الكتاب اللي وراكي يا روحي عشان تقريه هو ده عقابي ليكي اصلي راجل بحب الثقافه زي عنيا ولا انتي كنتي بتفكري في ايه! ؟
- انت.. انت.. اااانت قليل الأدب ع فكره ومش محترم
- طب يعني يرضيكي تاخدي راجل محترم هتعملي بيه ايه والنبي ده ثم ان الراجل قليل الادب رزق وانا حافظ ادبي لحد الان بس ف الوقت المناسب هقله براحتي واقطعلك لسانك الطويل ده.. وريني كده صح طوله قد ايه ؟
- مد يده مرة ثانيه ليستقبل عضة مني في جانب كفه اخمدت قليل من الحنق الذي في داخلي له.. يا له من رجل لعوب... ده مش بعبع ده سوسه!
- ااااا يا بنت المجنونه!!
- دفعته وانا اهرول خارج المكتب ليأتي صوته من خلفي..
- طب اعملي حسابك ان كتب الكتاب بكره وهبقي اوريكي ازاي تعضي جوزك كويس
----------
السابعه مساء
كان يعلو صوت الزغاريد والتهاني حينما قال المأذون جملته الاخيره
"بارك الله لكما وبارك عليكما وجمع بينكما في الخير"
مبروك يا صحبة عمري وحبيبتي
الله يبارك فيكي يا رب ربنا يخليكي ليا يا ريم وجبلك ثائر بالسلامه يا رب
-ويتمملك ع خير يا فرحتي.. والله احلي حاجه ف الجوازه دي ان بدر هيسكن في نفس عمارتنا وشقتك هتكون فوق شقتي علي طول عشان نرغي براحتنا ونخرج ونعمل شوبينج سوا بقي
- هههه طب والله حوار الشقه دي هو اللي خلاني اوافق ع الفرح بسرعه عشان نبقي سوا ههههه احلي جوازه دي ولا ايه
- طب ينفع اخد عروستي اباركلها وارجعهالك تاني
- اه اوي اوي اتفضل يا مستر بدر متغلاش عليك
- طب م تباركلي هنا وريم موجوده
- متأكده اني عايزه اباركلك قدام ريم!  مش هتتكسفي يعني ! "نظره خبيثه "
- دنا اتكسفتلك يا بنتي والله من دلوقت عن اذنكم محمد بيناديلي بره جاياااالك يا محماااااه

بقينا لوحدنا
-نعم يعني!
-ومحدش جمبنا
- ايوه عايز ايه برضو
- عايز اهني وابارك
- هناك الله يا سيدي حاجه تاني
-عقابك
-افندم
-مش قولتلك هعاقبك بمعرفتي واهو جه وقت العقاب
- نعععم
-استعنا ع الشقا بالله
-.........
---------------------------------------------------
-ابقي ابعتيلي ثائر من عندك ياخد طبق الكنافه والنبي يا ريم وبعد م يمشي بدر هنزلك تقولك ع الطريقه
-يا روحي متنزليش ‘تتعبي نفسك اجيلك انا وثائر لحد عندك
-تسلميلي يا حبعمراااااي  .. دقيقه خليكي معايا كده
-- ااااا بااااااادرررر اااااا رشيدددددددي
- ياااا رب متجوز سواق ميكروباص...  عيون الرشيدي
- حبيبيتسلم...  هات معاك وانت وجاي سمك وفلافل
-  انتي في كائن فضائي في معدتك هتاكلي الاتنين دول سوا ازاااي
-  الللللله مش ابنك اللي عايز كده انا مالي
-  اقعد اجيب انا واروح واجي وفي الاخر لما يجي ونساله بتحب مين اكتر يقولي مامااا
-   طب اقفلي انتي كده يا ريم شكل هرمونات الحمل هتطلع عليه دلوقت .. سلام
-ها يا بدر ابننا يحبني اكتر زي م هو عايز عندك اعتراض ولا حاجه ياااحب
--  ها لا اعتراض ايه بس اذا كان ابوه بيحب امه اكتر فمش هيحبها هو ازاي بس يا ناااس
بقولك ايه بقالك كتير متعاقبتيش مش كده ولا ايه
-كركديه!
-نسكافيه !
-تمت

راندا_رزق