فتاه المقبره (الجزء الاول)

(((((السلام عليكم ورحمه الله وبركاته)))))))
((((((((((((فتاه المقبره)))))))))))
الجزء الاول
انا اسمى الحاج حسين انا راجل عندى خمسين سنه انا بفضل الله تعالى راجل ميسور الحال وربنا عاطينى من وسع والحمد لله
انا ابتديت حياتى من الصفر خرجت من اسره بسيطه جدا بس حبي للتجاره خلانى نجحت اوى ف المجال ده
ولله الحمد ربنا انعم عليا بحب الناس  ربنا عطانى من الخير ياااااما وعلشان كده كنت بعمل خير كتير وربنا كان بيضاعف وانجح اكتر واكسب اكتر وعمرى منسيت الفقير ابدا
كل مسمع عن سكه حد محتاج مساعده اجرى ولو فين ياما سافرت بلاد وقرى ونجوع فقيره والحمد لله مبسوط اووى ان ربنا عطانى من خيره
انا اتجوزت صغير لانى من قريه ريفيه بسيطه وطبعا من عاداتنا الزواج ف سن مبكر
ربنا كتبلى الخير ف زوجه صالحه هى تبقى بنت عمى اسمها الحاجه وفاء اما اتجوزنا انا كنت ١٩ سنه ووفاء ١٥ سنه بس اتجوزنا ف بلدنا ف بيت والدى واوضه فيه ووفاء كانت اصيله وعينها شبعانه والحمد لله ربنا كرمنا وتجارتى البسيطه كبرت وعيشنا بدل الاوضه فيلا كبيره اوى
وفاء كانت حبيبتى واختى وبنتى وامى مثال للام للزوجه الى ربنا انعم عليا بيها وكانت دايما تزقنى على الخير ومساعده الغير
ربنا عطانى بنتين وولد
بنتى الكبيره وفاء  ٣٠ سنه متستغربوش انا صممت اسميها وفاء لانى من كتر حبى ف مراتى سمتها على اسمها
الولد اسمه حسام ٢٨ ابنى وحبيبي وسندى
الصغيره خالص  اسمها فريده ٢٠سنه ولادى كلهم اتجوزو والحمد لله اديت رسالتى على اكمل وجه ابنى
بيشتغل معايا ف مجال التحاره واناجنبو بساعده بخبرتى وماديا كمان
والبنات اتعلمو تعليم جامعى واقعدو ف البيت واتجوزو وخلفو
لحد هنا حياتى كانت ماشيه تمام شغلى وبيبتى وولادى كل حاجه كانت كويسه اووى وفى يوم كنت نايم وقلقت قبل اذان الفجر قمت اتوضى واصلى لانى مداوم على صلاه الفجر والحمد لله ودايما بصحى زوجتى علشان نصلى سوا ندهت عليها مردتش فكرت انها نايمه وتعبانه حاولت انده عليها واقولها خلى الشيطان ينيمك كمان بكره هضحك العيال عليكى انك مصلتيش الفجر قولتلها يلا بلاش كسل بقى دخلت اتوضيت وخدت الفوطه انشف وانا بعادتى دايما اهزر معاها واخبطها بالفوطه بعد منشف بيها وهى كانت بتتغاظ منى اوووى وانا بحب ضحكتها وهى بتقولى ماااااشي ياحج عمرك مهتكبر
بس المره دى وفاء مردتش عليا وفاء قلبي اتقبض جريت بسرعه فتح النور لاقتها قبلت وجه كريم كانت نسمه ف حياتى عمرى محسيت بيها ومشيت زى النسمه من غير محس بيها تمالكت نفسي وقولت ان لله وان اليه راجعون
صليت الفجر ودعيت ربنا يلهمنى الصبر  استنيت اما الصبح طلع وطلعت خبطت على ابنى ابنى ساكن معايا  ف الدور الى فوق وعرفته والحمد لله اكرمنا وفاء اخر كرم زى مكرمتنا ف حياتها
مش قادر اوصف ليكو  حرقه قلبي وانا شايف حياتى بتهدد قدام عينى بس انا مؤمن بالله سبحانه وتعالى وقضاء ربنا انا راضى بيه
ف الاول بناتى كانو مهتمين وبعدين انشغلو بحياتهم والبيت بقى مضلم وكئيب ف عز الضهر وشمس ربنا ماليا البيت بردو مضلم وحشتنى وفاء اوووووى صليت ونمت
حلمت بيها بتقولى تعالى الحقنى فتحت عينى وانا قلبي هيطلع من صدرى استعذت بالله ومجرد معينى غفلت لاقيتها بردو جت بتقولى الحقنى تعالى بسرعه الحقنى قمت مفزوع من نومى لاقيت نور اوضه وفاء منور لان وفاء كانت بتحب تقرا قران طول الليل بصوت عالى ف عملت اوضه للصلاه والعباده علشان تبقى على راحتها لو انا نايم  وسمعت حركه فيه قمت اتعدلت وندهت ياحسااااااام ياحسسسسسسام محدش رد  قولت اقوم يمكن القطه بتاعه ولاد حسام دخلت ولا حاجه
لاقتها ياجماعه وفااااااء قاعده على كرسيها بتقرا قران وبصتلى وابتسمت انا جريت اخدها ف حضنى باب الاوضه اترزع ف وشي ووووووووووووووووو