الادهم
"الأدهم"
..
-يعني أنا چيت ع الچامعة للعلام و لا عشان أشوف الخِلج العكرة دي؟!
*اهدى يا أدهم بقا و مالكش دعوة بحد
ربنا يهديهم يارب
-و الله لو دول في البلد عندينا كنت طجيت عيارين في راس كل واحد منيهم و لا حد كان يجدر يفتح خشمه بكلمة واحدة
و لو حد اتجن و عملها كنت هجتله هو كمان
فين الخشا؟!
مابقاش في خشا عاد ولا ايه؟!!!
اللي اختشوا ماتوا صحيح
*و الله نفسي الولاد يخافوا من ربنا كده و بعدها يكون عندهم ربع رجولتك يا صعيدي يا قمر إنت
-يا علي النسوان عندينا بيتصانوا مش بيتمايعوا و يتلووا كيف الحنش إكده زي ما أنا بشوف من أول يوم چيت فيه من ست سنين
و هشام الجخ جال في جصيدته يا باشا و اسمعني و صحصح
أيوة بغير لا أنا نجصان و لا ضعفان و لا مسطول و لا سكران و لا زايغ من عيني الضي و لا حد أحسن مني في شي
بس بغيييير
و اللي جالولك غيرة الراچل جلة ثقة او جلة فهم خلج حمير
غيرة الراچل نار في مراچل نار بتنور مابتحرجش و إحنا صعايدة بنتحملش شمسنا حامية و عِرجنا حامي و طبعنا حامي و اللي تخلي صعيدي يحبها يبجى يا غُلبها
*لا كمل كمل ده أنا إندمجت أوي يعني
-ماشي يا عم
اسمع
أصلنا ناس على قد الطيبة كلنا هيبة و النسوان في بلدنا چواهر
طب لو عندك حتة ماس هتخليها مداس للناس؟!
و لا هتجفلي أوضة عليها بـ ١٠٠ ترباس!
يمكن حتى تأچري ليها چوزين حراس
يبجى أنا لا انا غافل و لا چاهل
كل الفرق ما بيني و بينك إني صعيدي
°يلا يا رحاب وقفتي ليه كده؟!
=سامعة اللي بيقول قصيدة هشام الجخ ده؟!
°أيوة
ده قاعد هناك أهو
ده الولد اللي بيطلع الاول على دفعته تقريبًا!!
=بجد؟!
°ايوة
اسمه أدهم القناوي و سمعت إنه ما شاء الله شاطر أوي علي ابن عمي صاحبه و هو اللي قالي
=اممم
ربنا يوفقه
°ياا رب
يلا بقا علشان نلحق نشتري الخمارات قبل العصر
=طب يلا بينا
**********************
=أنـ... أنا آسفة و الله
بعتذر لحضرتك بجد ماكانش قصدي أوقع الكوباية
-هااا!!
=إنت؟!
-مين؟
=لا و لا حاجة
بس آسفة لحضرتك بجد
-و لا يهمك يا بنت الناس
=ربنا يكرمك
-و يعزك
=أستأذنك
*في إيه يا أدهم؟!
-و الله ما عارف
*هي وقعت الشاي؟!
-يا علي دي شكلها وجعت جلبي أنا
إلحجني نروح نصلي يا عم إنت
*و الله مجنون
بس جتلك اللي وقعت قلبك يعني و كمان من الجامعة اللي بتكرهها
-لا يا علي شكلها بنت أصول
و الله ما رفعت عينها في عيني حتى
و من لبسها باين عليها الحشمة مش الهجض اللي بنشوفوا اهنه الكتاب بيبان من عنوانه بردو
السيئة تعم و دي أبشع حاچة
الله وكيلنا
---------------------------------
~ إنت واحد مش محترم
• هو أنا كلمتك؟!
-أيوة كلمتها و لمستها كمان يا عرة الرچالة و أنا شوفتك
*يا أدهم سيبه هيموت في إيدك
-أنا سيبتك بس علشان ماحبش يدي تتنچس بدمك
اتفوو عليك و ع اللي يشبهوك
و إنتِ لو مش عاوزة تتعاكسي اتستري و إلبسي حاچة تمنع عنك العين
هو غلطان ماننكرشي بس الغلط الأكبر كان منك يا أخت
صوني نفسك علشان الناس تصونك
و التفريط في حجك لو بدأ من عندِك صدجيني الكل هيفرطوا
-----------------------------------
°مالك؟
=مش عارفة
°بتفكري فيه؟
=للأسف
°حاولي تتناسيه
=بحاول و الله
بس فيه حاجة شدتني و أنا مش عارفة إيه هي
من يوم ما شوفته أول مرة و بقيت أشوف منه مواقف حلوة كتير
يوم ما وقعت الشاي و الله لو حد تاني ممكن كان يقل أدبه لكنه اتكلم ببشاشة و احترام
و يوم ما ضرب الشاب اللي عاكس البنت دي اتشديت ليه أكتر
بحاول أنسى كل ده و أبطل أعيش نفسي في وهم بس بجد أنا أول مرة أحترم شخصية راجل كده
°بإذن الله ربنا هيقدم كل الخير
=أكيد بإذن الله
----------------------------------------
=يعني اللي هيشرح لينا هو أدهم؟!
°أيوة هو بيحب يتطوع بكده زي ما عرفت و بيشرح المواد اللي يقدر عليها لكل الفرق
=ربنا يكرمه و الله
°ده وصل أهو
-السلام عليكم و رحمة الله و بركاته
#و عليكم السلام و رحمة الله و بركاته
-أنا طالب اسمي أدهم القناوي
و حبيت إني أساعد كل باللي أجدر عليه
` ممكن سؤال؟!
-على راسي يا أخوي
` هو حضرتك ليه مش بتتكلم عادي أكيد بعد ست سنين اتعلمت لهجتنا بردو فليه مش بتتكلم زينا؟!
-أكيد أقدر أتكلم زيكوا عادي و بتكلم زيكوا عادي كمان
بس اللهجة الصعيدي هي أصلي و أنا بحب أتكلم بلهجتي الأصلية ما أنا اتربيت في الصعيد و ماشوفتش غير الخير هناك
لما أكبر بقا أتحرج و لا حاجة؟!
و الله ما يصير أبدًا لهچتي هفضل مفتخر بيها و ليها و فيها لآخر العمر
...
-يلا خلصت إكده
اللي مش فاهم حاچة معينة يجول و مايتكسفش
=ممكن تعيد آخر فقرة لو سمحت!
-أكيد
----------------------------------------
*يعني خلاص هنتخرج يا دكتور؟
-الحمدلله على النعمة دي
*ممكن أسألك سؤال؟
-طبعًا يا علي
*لسه بتفكر فيها؟!
-أيوة يا صاحبي لسه
و بإذن الله هتقدم ليها و كلمت الكبير في الموضوع كمان و هو وافج لما جُلتله محترمة و شكلها بنت أصول
*طب هتعرف بيتها إزاي؟!
-مش عارف
بس اللي يرمينا ع المر اللي أمر مِنيه
*يعني؟!
-ووواااااه يا جلبي
و الله ما عارف
*و اللي يجيبلك عنوانها؟!
-كيف؟!
*صاحبتها تكون بنت عمي
-يا ما إنت كريم يا رب
-----------------------------------
-الحاچ والدك كان معارض الچوازة يا رحاب؟!
تخيلي إكده إني ماتچوزتكيش دلوقيت؟!
=مش عاوزة أتخيل كفاية إني جنبك و معاك
-من يوم ما شوفتك يا بنت الأصول و إنتِ ملكتي جلبي من چواه
=و من يوم ما شوفتك كنت بدعي بيك يا أدهم و الله
كنت بخاف أكون بعلق نفسي في الفاضي
و كان حرام عليا أعذب قلبي في الفاضي كمان
بس الحمدلله بقينا لبعض
غنيلي بقا أي حاجة بالصعيدي
-بتستغليني يعني؟!
=أي نعم
-استغلالك زين الاستغلال و الله يا روبا
طبع الرچال العزة طبع البنات إحساس
ست البنات إنتِ زينة جلوب الناس
يا أميرة في مدينتي أرضك ورودها مداس
ده أنا وعد من قلبي عقد محبة إخلاص
هعملك روميو وهيرو وكتر خيره انا جلبي لحد كده
و هجيبلك ورد بنفسج شيء من نفسك حجك تفرحي به
مش هعمل كيف البندر و أتعايجلك و أتغندر
ماهو بردو أصول مش منظر جلبي يحبك و إنتِ بتحكمي فيه
أصل إحنا بنبقى حدانا بنغوى هوانا و نعشج بأسلوب زين
وانا فيا الهيبة إياها إنتِ إل خبراها وعارفة أنا بطلع مين
مش كله بيشبه بعضه وانا قلبي مشاعره في يده
كل العشاج يتهدوا عشان جمبيا أكيد طلعوا مساكين
=حلوة أوي
-مش أحلى منك يا أميرتي
.......
أنا كتبت الاسكريبت ده لإني بحب الصعايدة بجد و حميتهم و رجولتهم
بحس بإنهم حاجة كبيرة أوي
و آسفة لو اللهجة مش مظبطة لإني مش من الصعيد بس أنا حبيت أوصل مغزى
...
ريهام يحيى
التعليقات على الموضوع