الحاقده😈الجزء الرابع😈
بسم الله الرحمن الرحيم
الجزء الرابع
الحاقده
انا حكيت ليكم لحد ملاقيت شاب وسيم قدام اوضه ايهم واسراء وقمت سالتو انت مين؟؟؟
وبتعمل هنا ايه وكنت مخبيه تمثال صغير ورا ضهرى علشان اخبطو بيه على اساس انو حرامى
قالى انا وقبل مينطق بصيت على المرايا ملقتش ليه انعكاس فهمت انو مش انسان بالمره
خفت اوى
قالى انتى اللى جبتينى هنا انا اسمى رسلان خادم عند عطيه وهو اللى بعتنى للمهمه اللى انتى طلباها
اختى قامت فجاءه
كان اختفى وتداركت الموقف مخدتش بالها انى بتكلم اصلا
دخلت شربت ونامت تانى دخلت انام بس معرفتش انام ابدا كنت هموت من الخوف بس هدفى كان اقوى انا مشفتش من اسراء قليل
طول عمرها فاكره نفسها حاجه وواثقه ف نفسها ثقه غريبه اوى
انا احلى
شخصيتى محبوبه
دكتوره شاطر ه كمان
هى اقل منى ف كل حاجه الا ان عندها ثقه ف نفسها فظيعه خلت واحد زى ايهم يتخدع فيها ويتجوزها وهى زوجه وست بيت فاشله غيرى انا بطبخ اكل اتحدى بيه اى شيف ونضيفه ف نفسي وف البيت
حاولت اقاوم النوم قد مقدر بس مجرد معينى غفلت غصب عنى لاقيت تقل جنبي على السرير فتحت عينى بشويش من الخوف لاقيت نفس الشاب قاعد جنبي وقالى
اسمى رسلان
انا مهمتى هتم من بكره وهى انى هفرق بين اختك وجوزها
انا / كنت مرعوبه ف هزيت راسي وبس
رسلان / بكره بعد غروب الشمس خديها واخرجى باى حجه وانا هكمل
واقبل متعدل واكمل كلام اختفى
قلبي كان هيقف من الخوف
مجليش نوم صحيت وحضرت الفطار وهى كانت نايمه زى البقره ولا مقدره النعمه اللى هى فيها
فطرته وانا مهتمه جدا بشكلى وقالى
ايهم / تعرفى ياااندى كان نفسي اسراء تتعلم منك ازاى تهتم بنفسها والله العظيم انا بجيب ليها اغلى برفين واغلى ميكب واغلى لبس ومعذلك ممكن تفضل بالاسبوع بيجامه واحده وغلبت كلام معاها علطول تتحجج وانا بسكت واقول يمكن تتغير ابقى كلميها من فضلك
انا / ياخبر حاضر طبعا
اوعدك هخليها هى تطبخ الغدا
ايهم / مستحيل بقالنا سنه متجوزين عمرى مدوقت من اكلها
وفعلا اقنعتها تتطبخ وعلشان مساعدهاش خلعت بحجه انى رايحه اقبض مرتبي بس ساعه ورجعه
طبعا هى حماره ف المطبخ وانا ادتها الطريقه من النت وقمت حطه ع الاكل خميره ف باظ طبعا
وكانت فرحانه اوووووى انها طبخت
اول مجوزها داق الاكل هههههههههههه فضل يرحع وطبعا علشان السحر اشتغل انفعل عليها بطريقه غير طبيعيه ققال
ايهم / ايه القرف ده انتى ايه ياشيخه
وراح شايل الطرابيزه وقالبها وقلب كل اصناف الاكل اللى عليها وحدف فازه ورد ف النيش
هى طبعا اتعصبت عليه جامد وهو كان غير طبيعى ف دخلت غيرت وقالتلى هنزل شويه وجايه قولت لا مش هسيبك استنى بس انا جيه معاكى
بس هى قالت لا وصممت تخرج لوحدها بس انا حلفت انى مش هسبها وكنا بعد الغروب الوقت المتحدد
خدتها ونزلنا قعدنا على كافيه وكان فى واحد بيعاكسنا وفجاءه لاقيت الشاب ده ظهر واتخانق مع الشاب اللى كان بيعاكسنا وعرض علينا انو يوصلنا وانا اقنعتها توافق على انى اعرفو انو ابن دكتوره عندنا ف الصيدليه ف ثقه
شخصيه رسلان جدابه جدا وكانو بيتكلمو طول الطريق خصوصا ان ايهم من النوع اللى ملوش اوى ف الدم الخفيف واختى تموت ف الراجل اللى دمه خفيف
كانت بتكلمو كانها تعرفو ونزلنا وهى مودها اتغير تماما
وطلعنا شقتنا وهى مش مبطله كلام طلبت منها تدخل تنام علشان مش تحتك بايهم جوزها وانا فضلت انضف البيت بعد مجوزها قلب الاكل وبهدل الدنيا
ايهم رجع وانا بخلص تنضيف وقالى الهانم فين
وانا قولتلو ايه هتصالحها ؟؟؟
قالى لا انا اتحملت كتير اوى
انا هاخد هدومى وهروح عند ماما شويه لحد مهدا
انا / ايهم وحياتى عندك بلاش تكبر الموضوع خلاص اهدى وشديت منه الشنطه وقالى تمام علشان خاطرك انتى
تانى يوم الصبح نزلت اشتريت ورد وتعمدت يخلينى انا اللى شايلاه علشان اعرفو انى انا اللى جيباه
اول مشاف الورد وشو غير وقالى
ايهم/ياااه انتى رقيقه اوى اختك عمرها مفكرت فيا كده
انا / بصراحه كنت هخليها تقدمو ليك
ايهم : متتعبيش نفسك معاها حاولت قبلك سلام علشان مش هتاخر صممت يفطر الاول
ابهم / انا بجد متشكر اوى اول مره احس انى ليا بيت تعرفى انا بنزل الهدوم تتغسل لانى لو اعتمدت على اختك مش هااقى ولا حاجه البسها
ايه ده المنشر عليه هدوم انتى اللى غسلتيه ؟؟؟
انا / لا اسراء
ايهم / ههههههههههه لا قولى كلام غير ده اسراء ؟؟؟؟؟؟
دخلت اوضتى اعمل شويه مكالمات تبع الشغل وفتحت اللاب اشتغل شويه واسراءكانت نايمه وفجاءه اللاب طفا قمت اجيب الشاحن من الدولاب وقع من ايدى وطيت اجيبو وانا برفع راسي للقيتو واقف قدامى اتخضيت جدا ووقعت لورا من الخوف مد ايده يقومنى كنت خايفه موت المسه بس هو قالى هاتى ايدى متخفيش
قومنى واتكلم معايا وقال
رسلان / انتى هتقنعى اختك تخرج على النادى وانا هقابلها هناك مفهموم
هو كان اوسم راجل ممكن حد بشوفو ف حياته بس مع دلك انا خايفه منه اووووى
مش عارفه ليه بقيت حبه اشوفو بس بسرعه فوقت نفسي ان ده جن مش انسان زى
حاولت اتجاهل الفكره تماما ونزلنا انا واختى ع النادى وكان رسلان منتظر قمر وشيك وشاور لينا قعدنا معاه واسراء فضلت تتكلم وتضحك معاه وقام مشي لاقيت اسراء
بتقولى
بت هو رسلان ده متجوز ؟؟؟
انا / معرفش بس ليه هتخطبيه ليا ؟؟
اسراء / لا ياختى ليا انا هو انتى فاكره انى بحب جوزى ياماما ده اكبر غلطه ف حياتى بس هصلحها الاول
طبعا كان لازم احاول انصحها. وقولتلها بطلى افترى جوزك طيب
اسراء / والنبي اسكتى ده عامل زى الترس بتاع المكن طول النهار بيلف ع العيادات والمستشفيات بلا قرف انا عاوزه راجل يعيشنى سنى اتلعى والنبي بلا هم
نفسي ف راجل رسلان ده يااالهوى قمر وشيك
انا / ربنا يهديكى عمرك مهتعقلى ابدا يلا نروح
رجعنا البيت لاقينا بوكيه ورد باسم اسراء ف ايد جوزها
ومبعوت من غير اسم مرسل طبعا كان متعصب جدا وسالها ؟؟؟؟؟؟؟
#يمان_صلاح
التعليقات على الموضوع