الحاقده 😈الجزء الثالث😈
بسم الله الرحمن الرحيم
الحلقه ٣
الحاقده
ام اسماعيل دخلتنى على عطيه جوز خالتها
البيت من جوه كان حيطانو متربه جدا كانو مهجور من سنين والعفش اللى فيه قدددددديم ومكسر ومتووووسخ اوووى
البيت مليان قطط وحشرات وطول منا مشيه بتنطط
دخلت اوضه عم عطيه
اوضه مدهونه لبنى بس متوسخ ف باين انو ازرق وفى شباك واحد ف الاوضه قدامو حيطه من بره والشباك صغيير اوووى
الاوضه مكان مقبض جدا كنت قرفانه المس حاجه بس كنت محدده هدفى
شاور ليا اقعد بس قرفت اقعد طلعت منديل مسحت الكرسي وقعدت وانا هموت من القرف المهم عم عطيه راجل كبير اوى ف العمر اعمى وعينو كلها ابيض ومعندوش اسنان وجنبه عكازين ف فهمت انو مش بيمشي
سالنى عن طلبي
انا قولتلو والله اسمع انك مبروك وبتعرف كل حاجه يعنى عارف سبب زيارتى
قالى انتى ليكى عندى طلب بس انتى نفسك ف طلبين عارفاهم ولا اقولهم ليكى
كان بيحط ايده على ودنه كانو بيسمع حد وانا حبيت افهمه انو نصاب قولتلو لا قول اصلى نسيت
قالى ماشي
ورمى شويه بخور من الكيس اللى جنبه ع الكتبه على النار قدامى كنت هتعمى من الريحه والدخان
ام اسماعيل / يادكتوره اتكلمى كويس انتى مش قدهم
انا / بصيتلها بقرف وقولت ممكن تخلصً بقى ؟؟؟؟
عم عطيه / اسمعى يابنتى انتى مرادك جوز اختك صح؟؟
انا : هههههه طب منا قيله الكلام ده لام اسماعيل ايه الجديد
عم عطيه / الجديد انك نفسك اختك تتطلق وتخربى بيتها
طبعا انا سكت
عم عطيه / ها تختارى ايه ؟
انا / الاتنين
هيكلفك كتير
انا / مش مهم الفلوس بس اوصل لهدفى وبس
عم عطيه طلع ورقه كده لونها مصفر شويه وجاب دبوس وشكنى وخد ثلاث نقط دم
وخلانى كتبت بالدم كلام مش هقولو علشان محدش يفكر يعملو وراح لاف الورقه وعقدها بخيط كان عباره عن حته من امعاء الحيوان
وغطس الورقه ف زى زيت كده وادهالى
انا / هو انا هعمل ايه بالورقه دى والزيت ده ؟؟؟؟
عم عطيه / الورقه دى هتغطسيها ف الزيت ده وكل يوم بعد مااهل البيت ينامو حطى نقطه من الزيت ف اركان الحمام طول مانتى قاعده ف البيت عندهم
واول مالزيت يخلص هترحعى ليا اجدد السحر
انا تمام واديتو الفلوس وخرجت من عنده
معنديش اى شعور بالندم ولا الخوف من اللى جى
مجرد مخرجت من الباب
شبح الست اللى لابسه ابيض ظهر تانى وقالتلى بلاش بلاش طريقك نهايتو الدم
اما تنحت وووقفت متسمره ام سماعيل قالتلى هى ظهرتلك تانى وقالت روحى لحالك وسبينا ف حالانا الشبح اختفى
ادورت ورحت على بيت اسراء اختى بصراحه استقبلونى كويس جدا وجوزى نزل جاب عشا من تحت واما دخلو نامو حطيت الذيت ف الحمام وعم عطيه قالى النتيجه هتبان من اول حطه
تانى يوم الصبح كانت اسراء نايمه وانا قمت عملت فطار وفطرنا انا وايهم جوز اسراء
ياااااااااه البيت ده لازم يبقى بيتى انا وايهم لايق عليا انا
نسيت اقولكم ان عم عطيه قالى احط نقطه زيت على الاكل بتاعهم
من اول نقطه لاقيت ولاول مره
ايهم /بيقولى تعرفى ياندى
انا مضايق اووى
انا / ليه مالك ياايهم ؟
ايهم / انا مش عارف ليه حاسس ان اسراء هى الى سقطت نفسها طول عمرها بتخاف على جسمها ورشاقتها اكتر من اى حاجه
انا / اسراء مش كده خالص انت غلطان
ايهم / لا ياندى مكنتش فرحانه اوى بالحمل حسيت عادى واول كلمه قالتلهالى اعمل حسابك انا هسافر اظبط جسمى بعد الولاده
ف حين اى ام بتفضل تفكر ف نوع البيبي ولبسو وكده
انا / اسراء لسه صغيره بس المهم ها قولى بقى هتتغدى ايه انا اكلى عسل
ايهم / يااااه ياندى عمر اختك مطبخت لقمه ليا كان نفسي ارجع من شغلى القى لقمه سخنه اكلها بعد يوم شغل طويل
لا ياندى انا كل يوم بجيب الغدا والعشا معايا
حتى العشا ياندى اختك بتكسل تطلع ليا حته جبنه ولقمه عيش من الثلاجه
انا / متخودنيش ف دوكه بقى ها تتغدى ايه ؟؟؟
ايهم : نفسي اكل مكرونه بشامل اوى تعرفى تعمليها ؟؟
انا طبعا وايه كمان ؟؟؟
ايهم / هو انتى تعرفى تعملى جنبها حاجه دى صعبه اوى
انا / بالعكس بتحب البط
ايهم / بط ؟؟
انا / ورقاق كمان
ايهم / احلفى انا هتغدى اكل بيتى اخيرا مش مصدق
انا / يلا علشان مش تتاخر عن شغلك
طبعا اسراء كانت نايمه او مسكه الموبايل وانا نضفت وطبخت وخدت شاور واستنيتو اما جه وحطيت حبايه منومه للهانم علشان تتخمد
اول مرجع البيت طبعا البيت مرتب وفل وهو مش متعود على كده سالنى هى فين قولتلتو عشتها ونامت من التعب
اكل وكان مبسوط اووى وبعد مكل عارفين عمل ايه باس ايدى وقالى الله تسلم ايدك
انا ارتبكت جدا جدا ودخلت على الاوضه الى بنام فيها وانا قلبي هيطلع من مكانو
واما نامو دخلت حطيت الزيت فالحمام واما نمت حسيت زى ميكون فى خيال اسود واقف على باب الحمام فتحت عينى وقمت اتعدلت لاقيت شاب وسيم اوى واقف على باب اوضه ايهم واسراء وبيبص عليهم طبعا انرعبت وحاولت اتحرك بس قلت ده حرامى والا ايه ؟
هو واقف كده ليه ؟
قمت قربت قربت وبصوت مليان رعب قولتلو انت مين ودخلت هنا ازاى ؟؟؟؟؟؟؟؟؟؟
قالى انا
ايمان _صلاح
التعليقات على الموضوع