المودع ... الجزء الثاني و الاخير
المودع
رعب قصير
الفصل التاني (الأخير )
دخلت اوضتي اللي موجوده داخل المقابر وفضلت أفكر في اللي حصلي جوه المقبرة مش عارف انام من كتر التفكير .. وفجأة ...؟؟
سامع أصوات زي اللي سمعتها هناك في المقبرة بشوف خيالات و حاجات غريبه تظهر شوية وتختفي شوية ..؟
في حد معايا في الأوضه ..؟؟
انا متأكد من كده !! بس مين ..؟؟
اتكلفت بالبطانيه من الخوف وقعدت اقرأ قرأن ..!
الأصوات بتقرب مني.،!
باب الأوضه اترزع اتفتح عليا ودخان ابيض من غير ريحه ابتدي يدخل الأوضه ...!!
غمضت عيني مش قادر ابص علي حاجه !!
خبط رزع صريخ أصوات غريبه .. !!
في شئ بيقرب مني ايوه حاسس بيه بس انا لسه مغمض ..!!
خايف افتح عيني واشوف مين معايا ..؟!
الشئ ده ابتدي يقرب مني اكتر واكتر سامع أنفاسه وحاسس بحركته ..!!
خلاص تقريبا واقف قدامي بالظبط !!
جسمي بيترعش ومرعوب وسيول عرق نازله مني ومش قادر أتحرك من مكاني ..!!
بحاول احرك رجلي بس مكنتش بتتحرك ..؟؟
فتحت عيني ...؟؟
صرخت لما شوفته واقف قدامي .. !!؟
ياريتني مفتحت..؟؟
الجثة اللي دفنتها واقفه قصادي !!
عينه مفتحه باصص في عيني شكله مرعب ..! بيني وبينه مفيش مناخيري لمسه مناخيره ..! حاسس بسخونه رهيبه جسمي بيرتعش مش قادر اطلع نفسي ...!!
ابتدي يتحرك ويلف حواليا وانا ثابت مفيش حركه مفيش نفس "" قرب مني اكتر ابتدي يشم في جسمي ..!!؟
خلاص نفسي اتقطع مش قادر اتكلم ..!!
نفسي أصرخ مش قادر !! وقعت ع الارض ..!كانت لحظه بتمناها اني أقع ومدراش بحاجه ومشوفش اللي انا شايفة ..!!
او حتي اموت بس اخلص من الرعب ده ..!!
فعلا وقعت فقدت الوعي استريحت شويه بس مش كتير ...!!
فوقت بس مكنتش في اوضتي !!...؟؟
لاقيت نفسي قدام المقبرة ..؟؟
هيا نفس المقبرة !!
انا جيت هنا ازاي ..؟؟
الجو ليل ضلمة كحل اتفزعت أكتر حاولت أقوم عاوز اجري ..!!
جسمي مكلبش في الارض في حاجه مسكاني ايوه حاسس بأيد مسكاني بس مش شايفها بصرخ بس صوتي مش طالع ..؟؟
بصيت علي باب المقبرة لاقتها مفتوحه وفي انوار غريبه جوه ...!!
ابتدت حاجه تشدني لجوه بعافر مش عاوز ادخل بس مش قادر اقاوم
خلاص انا علي الباب وشوفت جوه حاجات مخيفه مفزعه وصراخ رهيب ..!!
خلاص استسلمت وبطلت اقاوم مفيش فايده ..!!
ولسه هنزل سمعت صوت من ورايا بيقول سيبوه مش هوه ده ...!!!
بصيت ورايا بسرعه .. ؟؟
مفيش حد كلها خيالات وانوار غريبه .. ؟
ابتدي نفس الشئ اللي سحبني تجاه المقبرة يشدني لورا ..!!
اتسحبت لورا قعدت علي الارض قدام المقبرة بس لسة متكلبش مفيش حركه بعملها بإرادتي ..!!
ومره واحده الأنوار وقفت والصريخ بطل وباب المقبرة اتقفل ..!!
ومن بعيد شايف حد جاي ناحيتي !!؟
فرحت ومن جوايا بقول الحمد لله حد هينقذني بحاول أنادي بس لسه صوتي مكتوم بحاول أقوم بس لسه متكلبش..؟
الشخص اللي جاي قرب اكتر " اه ده بني ادم
اكيد هينقذني ..!!
قرب اكتر .. ايه ده مين ..؟
ده "رفعت" اللي كان شغال غفير هنا في المقابر بس طردوه بعد مفيه بعض الجثث اختفت واتهموه بسرقتها ..!!
بس مش مهم مين المهم اي حد ينقذني ..
قرب مني وقف قدامي بس ايه ده ..؟؟
ده تقريبا مش شايفني انا قدامه ومش شايفني طب ازاي ..؟
بحاول اشاور اتكلم مش قادر ..!!
لف وبص علي المقبرة وقرب علي الباب ومد أيده وهيفتح ..!!
نفسي أصرخ وأقوله لا بلاش بلاش دي بلاش ..
فتح المقبرة وياريتة مفتحها ....؟؟
كل حاجه رجعت تاني الصريخ الأنوار الأصوات
وفجأة شئ سحبه بسرعه جدا واتخطف جوه المقبرة والباب اتقفل ..!!
سمعت صرخة عمري مسمعتها ولا هسمعها تاني بيتهيألي العالم كله سمعها ...!!
جسمي فك صوتي طلع بس مش قادر أقوم ..بحاول بس رجلي مش قادره تشيلني مفيش أعصاب زحفت علي بطني !!
بعدت شويه عن المقبرة بعدت اكتر.. !!
الصوت اللي في المقبرة ابتدي يخف من ورايا مفيش أصوات مفيش صريخ مفيش اي حاجه ..
كل حاجه ابتدت ترجع لطبيعتها قومت وقفت علي رجلي جريت علي اوضتي وانا مرعوب ومصدوم وخايف....!!
دخلت الأوضه ..!!؟
مترتبه مفيهاش اي حاجه غير طبيعيه وكان لم يكن شئ ..!
ابتديت افهم ان رفعت هوه المطلوب مش انا ..
بس هوه حصل معاه ايه دلوقتي واشمعنا المقبرة دي بالتحديد ..؟؟
أسئلة كتير في دماغي مش لاقي أجابه عليها بس كل اللي قدرت افهمه ان " رفعت " هوه اللي اختار ..؟؟
اختار عالمهم وعبث معاهم فعليه قبول قوانينهم خيرها وشرها ...!!
عموما ربنا يتولاه اذا كان لسه حي ويرحموا لو كان ..؟؟ وحدووووووووا..!!
نمت وكأني منمتش من سنين صحيت قرب المغرب علي خبط جامد علي بابي ....؟؟
مين بيخبط ؟؟
عم حسين ؟؟
عم حسين..! فتحت الباب ..؟؟
قومت وجسمي كان متكسر وفتحت الباب ..؟؟
مين ؟؟ انت ؟؟
نفس الولد الصغير ...!!؟؟
ابويا بيقولك افتح التربه وهويها ونضفها عشان جدي مااااااااات ...!!!!!
جدك ايه ..؟.....
بقولك جدي
ماااااات .
تمت
المودع
محمود_زغلول
التعليقات على الموضوع