المودع ... الجزء الاول
المودع
رعب
الفصل الاول
انا حسين علوي في الأربعينات من عمري بس معرفش كام بالظبط عشان معنديش شهادة ميلاد اصلا ...!
شغال شغلانه مهمه جدا لكل الناس ومن وجهة نظري هيا اهم شغلانه في الدنيا كلها ومع ذلك الناس مش بتحب تشوفني ولا تسمع اسمي ولاتقرب مني حتي ..؟؟
دايما في مسافه بيني وبين الناس وتقريبا مليش اصحاب ولا متزوج برده بسبب شغلانتي .. ..!؟
مجرد ان حد يشوفني فده بالنسباله بيبقا فآل مش كويس .،!!
محدش بيكلمني ولا يسأل عني غير لما يحتاجني في شغل ووقتها بس ببقا اهم واحد في الدنيا في الدنيا دي كلها ..!!!
لان معايا كل مفاتيح اخر الدنيا وأول الطريق للحياة الأبدية ..!!
انا اخر واحد هتشوفه وهيشوفك انا اخر واحد هيودعك ...؟؟
( المودع)......
عم حسين عم حسن ؟؟
ايوه يا بني عاوز ايه ؟
ابويا بيقولك طلع مفتاح الترب (المقابر) بتاعتنا وافتحها وروقها ونضفها عشان جدي مات وهندفن بعد المغرب ..!!
ماشي يا بني خلاص روح قول لابوك كل حاجه هتكون جاهزه قبل متيجوا يلا امشي من هنا ..
جده مات !! ههههههه كان دايما يقول انا عمري م هموت كان راجل شرير يلا اذكروا محاسن موتاكم بس ده ملوش حسنة واحده ..
يلا ربنا يرحمة بقا وحدوووووووووا...
انا مولود هنا في المقابر بين الموتي بين القتلي بين المحروق والغريق والمدبوح بين الطيب والشرير الراجل والست ... العجوز والطفل..
كله بيجيلي في الاخر " انت وانتي هتجيلي في يوم من الأيام يمكن بكره يمكن بعده يمكن دلوقتي وهدخلك بأيدي تواجه مصيرك !!..
عالم غريب وليه أسراره وقوانينه ويا ويله اللي يفكر يعبث بأسرارهم....!!؟
شوفت كتير وسمعت كتير واتحكالي اكتر واكتر بس اللي شوفته اليوم ده اكتر واكتر واكتر ...
نزلت افتح التربه عشان الامانه ( الجثة)اللي جايه بفتح القفل مبيتفتحش ..؟؟
حاولت كذا مره مفيش فايده طب هعمل ايه الناس قربت تيجي ؟
مفيش حل غير اني اكسره ..
رجعت لأوضتي وجيبت شاكوش وجاي من اول الممر ببص لاقيت التربه مفتوحه !! ؟؟
وقفت مكاني متحركتش قلبي اتقبض ....!؟
مين اللي فتحها..؟؟
في بالي قولت ممكن حد من صحاب التربه بس كل المفاتيح معايا طب فتح ازاي ؟ ...
قربت ببطأ كان فاضل علي غروب الشمس حوالي عشر دقايق والدنيا تبتدي تضلم المهم قربت ببطأ وصلت للباب وببص جوه التربه براحة بمد راسي اشوف مين جوه ؟؟
مفيش حد خالص وفجاأة ريح بارده حاسسها حواليه وشئ خفي شدني جوه ..!!
والباب اتقفل عليا بسرعة ..
صرخت لا لا لا لااااااااااااا مين ..؟؟
وقعت جوه التربه الدنيا كحل مش شايف اي شي بترعش بنادي بس صوتي مش طالع قعدت ودخلت جوه نفسي في ركن ...!!
أصوات غريبه بسمعها ..؟؟
في حد معايا انا متأكد .. ؟؟
شئ خفي ايوه انا سامع أنفاس حركات ..؟؟
بزعق واصرخ ..!!
.. عاوزين مني ايه انا معملتش حاااااااجه طول عمري خدامكم انا الوحيد اللي حاسس بيكم عايش معاكم.!!
بصرخ بنادي عايزين مني ايه بترعش بخرف بقول كلام كتير وفجأة ....؟؟
شوفت نور ..؟؟
جريت ناحيته ..؟؟
ايه ده ؟ د الباب !!
الباب اتفتح ..؟؟
خرجت بسرعه وقعت ع الارض أغمي عليه قدام التربه ...
بعد وقت معرفش اد ايه ..؟؟
فتحت عيني وقومت وجع غريب في جسمي كله .. افتكرت اللي حصل " بصيت ع التربه ..
مقفوله بالقفل والشاكوش لسه ف أيدي !! ؟؟
يعني ايه ؟
كل ده محصلش طب ازاي ولسه النهار طالع يعني مفيش وقت عدي طب اللي شوفته كان ايه حصل ولا لأ ؟؟..
لازم الحق افتح التربه الامانه ف الطريق ..!!
سميت الله واستعذت من الشيطان ومسكت الشاكوش وكسرت القفل !!
خايف افتح اول مرة أخاف بس لازم افتح لازم أنضف التربه قبل وصول الامانه...!!
فتحت الباب بشويش بصيت نفس البصه .. كنت حاسس اني اللي شوفته هيحصل تاني " بس محصلش بصيت ف التربه لاقيتها متنضفة ..؟؟متروقه وزي الفل !!
اتصدمت طب مين وازاي وامتي ..؟؟
أعوذ بالله من الشيطان الرجيم .. ؟
رجعت بضهري وانا مرعوب وخايف وفجأة حد خبط علي ظهري ...!! ؟
أتلفت بسرعة وانا مرعوب وبترعش
مين ؟؟ ايه ؟ في ايه..؟؟
في ايه ياعم حسين مالك اتخضيت كده ليه ..؟؟ابويا بيقولك خلاص هما علي باب المقابر خلصت تنضيف التربه ؟؟
عم حسين عم حسين ... مبتردش ليه؟
أأأأيوه خلاص يابني خلاص خلصت ومستنيهم !!
الجنازة وصلت المقابر دخلوا لحد عندي قدام المقبرة نزلت تحت وابنوا نزل معايا ناولونا الجثة حطيناها ع الارض وابنة سابني وطلع مستحملش المنظر وريحة المقبرة ....!!
فتحت الكفن عن وشه وبصيتله شوفت غضب ورعب وفزع علي وشه وكأنه شايف شئ مرعب ..؟
سيبته وطالع اديته ضهري سمعت دبه وخبطه غريبه ورايا ..؟؟
مكنتش عاوز ابص خايف بس فضولي خلاني ابص ...
بصيت ..!! ويارتني مبصيت ؟؟
الكفن موجود بس مفيش جثه وكأن شئ خطفها في ثانيه ....؟؟
بكل هدوء وبخطوه بطيئة طلعت وانا مرعوب ومبصتش تاني ورايا ..!!
خرجت للناس اللي محسوش بأي حاجه بس وشي كان باين عليه ..!
قفلنا المقبرة .. !
سألني ابنة فين القفل قولتله كسرته
عشان مكنش عاوز يفتح اداني فلوس عشان اجيب واحد تاني وقفوا شويه قرأوا قرأن ودعوا وبعدين مشيوا كلهم بعد م كان الليل ليل ...!!
دخلت اوضتي اللي موجوده داخل المقابر وفضلت أفكر في اللي حصلي جوه المقبرة مش عارف انام من كتر التفكير ..
وفجأة ...؟؟
يتبع
المودع
محمود_زغلول
التعليقات على الموضوع