هذا هو العشق💕الحلقه الثالثه💕
الفصل ( 3 )
و لم تصدق طنط انعام نفسها
عندما علمت برايي و كان ابنها جوهره و لا يمكن حد يرفضه وبعد محاولات مستميته للكلام معى
تمكنت امى الحبيبه من اقناعها
بعدم جدوى المحاوله
و عندما تاكدت طانطى انعام .
طلبت من ماما الهدايا
يا نهار ابيض هدايا ؟؟ دى هى هدية واحده بس . ردت طنط انعام و ما تنسيش الشكولاته
و لما سمعت كده قلت ده و الله يستاهل الصابونااااااااه
سبحان المنجى من المهالك انا كنت حاتجوز واحد عايز علبة الشوكولاته تانى
و يا ريتها غالية والا شيك و لا حتى جواهر
ده كوفرتينا يعنى كان مصيرها ام سيد الشغاله تاخدها
و قمت و صليت صلاة شكر عميق لله ياه فات اسبوع على طردى من السكشن و كنت باتحاشى اقابل
اللى اسمه د بسام ::: ده باى طريقه حتى لما كنت اشوفه فى الكوريدور كنت باعمل مش واخده بالى
كرامتى يا ناس اتبعترت
و كان السكشن ده عملى و تشريح
كمان و دخلت السكشن و لقيت الدكتو بسام باصصلى اوى ومركز معايا فيه ايه بس يا عم
ابعد عننا بقه ادينى جيت اول واحده اهه و ياريتنى ما جيت اول واحده
كان في ضفدعة متشرحة من السكشن اللي قبلنا وفجاة قامت تنط وهي بطنها مفتوحة و حاجات طالعه من بطنها كتير كده
فجاه لقيت الاصوات كلها بتبعد وصوت وش جامد و الوان داخله فى بعضها
و قلت لنفسى استنى كده يا بت جايز ما تقعيش لكن للاسف تقريبا وقعت
أغمي علي..
و بعد فتره لا يعلمها الا الله لقيت نفسى فى غرفة المعيدين فى السكشن
و داده من الكليه ماسكالى كباية ميه و بسكر
واغرب منظر ما توقعتش اشوفه ابدا
....................د. بسام واقف
قدامى مذهول و الدموع فى عينيه!!!
النهارده رايح السكشن الصبح وانا بافكر فى طريقه اراضى بيها البنات اللى طردتهم المره اللى فاتت انشاله حتى اعيدلهم الشرح
لوحدهم و فجاه لقيت واحده منهم قدامى .
و فجاه لقيتها ماسكه دماغها وعماله تترنح و فى ثانيه وقبل ما تقع ع الارض كنت ساندها .
ايه الاحراج ده ....
الطلبه دخلو على لقونى ماسكها عشان ما تقعش و عمال انادى على الداده عشان اخدها بره بعيد .
و مر وقت و انا باحاول ارش علي وشها كولونيا لحد ما بدات تفوق .
سبحان الله ملاك يا ربى
ايه ده يا عم بسام اجمد يا دى الاحراج فاقت وانا عمال ابحلق فيها ياخبر
ايه العينين دول ؟
دى عينيها
ما شاء الله لا قوة الا بالله !!!!!
تقريبا كان شكلى اخر هبل لانها بمجرد ما شافت وشى قامت مفزوعه و لمت حاجتها و مشيت من غير و لا كلمه .
طيب بالنسبه للشخص اللى شال و تعب ده ما فيش اى شكرا .....
لا حول ولا قوة الا بالله !!!!
منال : حمدلله على سلامتك يا جوجو ايه اللى حصل يا بنتى .
جنى : : : انا اخر حاجه شفتها ضفدعه بتنط و كل حاجه واقعه منها و بعد كده ما درتش ...........
منال : الا و دكتور هيركليز شايلك
جنى :::: ياخبر معقول ... شالنى يا دى الفضايح
منال : مش شالك اوى يعنى هوه سند سعادتك كده و لما دخلو الطلبه كان حيرميكى من كسفته تانى فى الارض لولا انا و البنات سندناكى
جنى :: : ده انا قليلة الذوق اوى انا حتى ما شكرتوش
كل اللى عملته لما شفته قدامى انى قمت جريت
منال : انتى حاتفضلى طول عمرك قفل كده جنى :: : المره الجايه لما اشوفه حاشكره ان شاء الله
و خطت جنى نحو سيارتها لكن كانت هناك عينان تتابعها من فوق بسام :::: : دى راكبه
بى ام . دى
بنت مين فى مصر دى
د.اشرف : دى يا سيدى بنت هشام الحديدى رجل اعمال و صاحب شركات
بسام ::: و انت عرفت منين يا اشرف ......
التعليقات على الموضوع