هذا هو العشق💕الحلقه الرابعه💕

الفصل ( 4 )

اشرف : مانا اعرف جوز اختها الكبيره معرفه شخصيه هوه كمان والده صاحب شركة ادويه و كنت ناوى اشتغل معاه قبل ما اتعين معيد فى الجامعه بس ايه عيله سقع و ابوها مش مخلى حد من بناته عايز حاجه

و فى طريق عوده بسام الى المنزل لم يستطع منع نفسه من التفكير فى جنى التى كان قد عرف اسمها اخيرا
يعنى ابوها مليونير و جوز اختها صاحب شركات و انت تيجى ايه يا صعلوك عشان تفكر فيها

الله يرحمه ابوك كان موظف على قده و لولا انه سابلك العربيه دى اللى جابها بعد معاناه كنت زمانك راكب الاتوبيس زى غيرك و ما كانش حيلتك غير شطارتك و بس

و لولا مامتك و تشجيعها ليك طول عمرك كان زمانك ولا حاجه , دى فاكره ان العرايس حاتتحدف عليك عشان الشهاده و الشقه الايجار القديم بتاعتك

يعنى معقوله واحده زى جنى دى ترضى تقعد مع امى فىشقتنا ...

ايه الكلام ده يا بسام زى ما يكون اتقدمتلها خلاص و فاضل موضوع الشقه ؟؟!!! اهدا كده الله يهديك .

و فى اليوم التالى ذهبت جنى لمقابله بسام فى مكتبه و هى تقدم رجلا و تؤخر الاخرى من الخجل .

نظر اليها حين دخلت الغرفه و رفرف قلبه من السعاده ثم لاول مره بدا يلاحظ ملابسها و حذاءها المتناغم مع الحقيبه الجلديه و عطرها الرائع و النظاره الشمسيه التى تجمع بها شعرها من الامام وللعجب تضايق ...
احس انها اقوى بغناها ومركز والدها ...

جنى : : : صباح الخير يا دكتور بسام

بسام ::: : صباح النور اى خدمه

جنى :: : بس انا اسفه انا مشيت من غير ما اشكر حضرتك و البنات قالولى .....ا

رد بسام باقتضاب دون ان يرفع عينيه عن اوراقه : العفو ما فيش حاجه

جنى ::::::انا بس قلت واجب اشكر حضرتك و حامشى مش حاعطلك عن اذنك

وهمت ان تستدير لتمشى

فقام من مكتبه قائلا :

انسه جنى انا برضه عايز اعتذر عن يوم ما طردتك من السكشن و لو عزتى اشرحلك اللى فاتك ممكن

جنى مبتسمه : يا ريت احسن حقيقى مش فاهمه حاجه بسبب السكشن اللى ما حضرتوش ده

بسام ::: خلاص بكره انا ما عنديش سكاشن ممكن تيجى الساعه 12 لو فاضيه اشرحهولك

:جنى ::::::::اوكي 12 مناسب اوى و لو ممكن منال تيجى معايا

رد عليها من تحت اسنانه : اه طبعا امال ايه تتفضل

و بعد قليل فى الكليه

:جنى : : : : انا اتفقت مع د. بسام بكره يشرحلنا السكشن اللى فاتنا .

منال : ايوه يا عم ماشى يا ستى .

جنى : : : : انتى مش حاتيجى معايا و اللا ايييه .

منال : طبعا لاه انا ما حبش اكون عزول ابدا و بعدين خالد بكره حاييجى مخصوص يقابلنى .
عشان هوه ماعندوش حاجه بكره اكسفه يعنى ؟؟

جنى :::: : انا مش مرتاحه لخالد ده يا منال نظراته كده مش عاجبانى ابدا .

منال : يا بنتى كل الشباب بتبص سيبك انتى ده دمه خفيف اوى .

جنى : : : ربنا يستر بس احنا جايين نتعلم مش نستخف دمنا و ده عايد السنه انا خايفه ياثر عليكى انتى طول عمرك شاطره .

منال : و حافضل شاطره برضه ياستى ساعه لقلبك بقه و بعدين مانتى كمان رايحه اهه تقعدى مع الجو

.جنى : : : : من فضلك يا منال انتى صاحبتى بس بلاش الكلام ده احسن و الله ما تكلمش معاك.

منال : بس بس انتى اتحمقتى و وشك احمر ليه كده خلاص يا ستى انا باهزر معاكى .

و فى اليوم التالى وجدت جنى نفسها تستهلك وقتا طويلا فى الوقوف امام المراه اكثر مما تعودت و تنتقى ملابسها بعنايه
اشد من كل يوم لكنها لم تثقل من الماكياج اذ لم تكن بحاجه اليه
انها جميله و هى تعلم ذلك لكنها ابدا لم تكن مغروه بهذا الجمال .

و ذهبت للمكتب قبل ميعادها بدقائق و انتظرت بالخارج و اثناء انتظارها لفت انتباهها دخول فتاه من دفعة السنه النهائيه كانت راتها سابقا ، دفعها الفضول لتنظر من الباب
ازيااااك يا بسام
فوجئت بها تسلم بحراره على بسام و هو يبادلها السلام بقلق وينظر حوله كانه يخاف ان يراه احد .......

فى طريق العوده للمنزل لم تستطع جنى التوقف عن التفكير فى بسام

هو انا بحب بسام و لا ايه ؟؟
ايه اللى ضايقنى اوى لما لقيت واحده بتسلم عليه
و بتدلعه وتقوله يا بسام انا مالى اساسا
طب هوه كمان كان مكسوف اوى و متضايق ليه انى شفتها معاه ؟؟