اليتيمتان (الحلقه ١٧)💜
💗💗 (اليتيمتان)💗💗
بقلم_ولاءيحيي
البارت السابع عشر
أليف وصل للمكتب بتاعه وهو شيال أميرة... ودخل ونزلها وراح قفل الباب بالمفتاح... أميرة جريت بتحاول تمنعوا... بس هو كان أسرع
أميرة بغضب :انت بتقفل الباب ليه افتح وخرجني
أليف لف ليها بغضب وبقي بيقرب منها بغيظ وهي شافت نظراته خافت.. أليف بيقرب منها وهو بيشمر كمام القميص ورح فاكك الحزام
أميرة بخوف : انت بتعمل ايه يا تور انت
أليف بغضب يلف الحزام على ايده : تور... رجعنا تاني لطولت اللسان... يعني مش كفاية اللي عملتيه امبارح (وراح ضرب الحزام في الهوا عمل صوت جامد وأميرة بعدت وصرخت) لا كمان بتطولي لسانك
أميرة بخوف : والله لو لمستني لوديك في داهية
أليف بغضب :وكمان بتهددي.. طب تعالى بقى
وبقى يجرى وراها وهى بتجري منه وهو بيضرب الحزام في الهوا.. وهي عماله تشتمه.. وتحدف عليه كل اللي أيدها بتقع عليها على المكتب من كتب وأقلام.. وكل حاجه بتلقيها
أميرة بغضب : انتي عاوز مني ايه...
أليف وقف ورا المكتب بغيظ وغضب : عاوز منك ايه.... انتي يابت ليكي عين تتكلمي... انتي ايه ركبك العربية مع الزفت سالم
أميرة تحط أيدها في وسطها : وانت مالك انا حرة...
أليف بغضب : حرة... طب تعالى بقى
ورح طالع على المكتب هي جريت بس هو نط عليها ...وراح ماسكها.. فوقع هو وهي على الكنبة ... أميرة فضلت تزوقه بس هو مسك أيدها فوق رأسها ومكتفها..
أليف بغضب : اتهدي بقى. واثبتي لأديكى على وشك
أميرة بطلت حركه.... ورفعت عينها وبصت لعينه بغضب.. وعيونهم اتقلبو سوأ.. في الأول كانت نظرات غضب... بس اول ما بصو لبعض. وهما بالقرب دا النظرة بقيت حب وشوق.. أليف فضل يبص لتفاصيل وشها... وهي تاهت في ملامحه... أليف اول ما عينيه وصلت لشفيقها... مقدرش يمنع نفسه... بس قبل ما يلمسهم لقى دموع أميرة نزله على وشها...
أليف بخوف :اميرة انتي بتعيطي
أميرة بعدته عنها وقامت وقفت... فقرب منها ومسك أيدها.. ورفع وشها ليه... ومسح دموعها
أليف بحزن :ايه اللي حصل يا حبيبتي... ليه زعلانه مني
أميرة بدموع :انا مش زعلانه منك... بس احنا لازم نبعد عن بعض يا أليف... انا مقدرش اجرح ماما....
أليف بغضب مسكها جامد : اوعي تقولي الكلمة دي تأتي ما فيش حاجة بنا اسمها نبعد انتي فاهمه... انا مش هسيبك يا أميرة ..... و بعدين هو ايه في حبنا يجرح مامتك .. احنا مالنا بلى حصل زمان... لا انا ولا اخويه لينا دخل في اللي عملوا ابونا... احنا اول ناس اتظلمت وانجرحت بسببه
(طبعا أميرة فهمت أنه بيتكلم عن عمران... لكن أليف كان بيتكلم عن كمال)
أميرة بدموع : حتى لو جرحكم.. انتم قدرتوا تعيشوا ... وعارفتوا تكلموا حياتكم ...(بصت ليه) لكن هي مش قادرة تنسى... عاشت كل السنين اللي فاتت على ذكرى حبه...(وتكمل بغضب) لكن هو عاش وسافر وكمل حياته وبقي دكتور مشهور... وهي اللي بقيت وحيدة وفضلت تتعذب وتتحاسب على ذنب ما عملتهوش
أليف بصلها بغضب :مين اللي قالك كده... انتي ليه بتقلبي الحقيقة... لو في حد اتعذب فهو.. لو حد حياته وقفت فهو... هو سافر علشان يهرب مقدرش يعيش في مصر وهي بعيده عنه ... لو حد عاش على الذكريات يبقى كمال اخويه ... لكن هي تجوزت.. وخلفت.. وكملت حياتها مع غيره
أميرة تبصله بصدمه : اخوك
أليف بغضب : ايوه اخويه هو اللي اتعذب اكتر من مامتك... هو اللي دفع تمن اللي أبويه عمله فيه وفيها وفينا كلنا
أميرة قربت منه بزعيق : أليف هو كمال يبقى اخوك ولا أبوك
أليف بص ليها باستغراب :أبويه؟!!!! كمال اخويه
أميرة بزعيق وغيظ :لما هو اخوك ليه ناديت عليه بابا إمبارح
أليف : بابا!!! أمتي دا ...وبعدين حتى لو قولت بابا فكمال هو اللي رباني والكل بيقول عليه أبويه الروحي... بس انا إمبارح مقولتش بابا
أميرة بغيظ :لا قولت اول لما دخل القاعة وجريت عليه انت وعمران قولته بابا
أليف يفتكر :احنا قولنا بوب... ودا الاسم اللي دايما بنادي بيه كمال ب البوب أو الدك الكبير.. (وبصلها بغيظ ) وبعدين انا مش فاهم انتي سيبه الموضوع الأساسي وتتكلمي في ايه
أميرة بغيظ : بكلم في أن احنا كلنا افتكرنا كمال ابوكم وانكم ولاده
أليف سكت شويه وبعدين ضحك :ولاده ... انتي غبيه يا أميرة... يعني هو سيب مامتك من 19سنه هيخلف شحط زي عنده 25 سنه ازاي...
أميرة بصله وابتسمت بغباء :صح ازاي فاتت علينا دي.. معنى كده ان عمران كمان مش ابن كمال مهو عنده 27سنه .. وولاد كمال اكيد أصغر منكم. يعني عمران هو كمان اخوك.... مش ابن كمال
أليف بابتسامة لطريقة كلامها : عمران مش اخويه عمران ابن خالتي ومتربي معانا
ندا برقت وابتسمت بهبل :ابن خالتك ااااه .. يعني يبقى ابن خالة كمال مش اخوه والا ابنه ..امال فين ولاد كمال ... وعندهم كم سنه
أليف بغيظ :هم مين دول اللي فين وعندهم كام سنه يامجنونه
أميرة بغباء : ولاد كمال
أليف يجز على سنانه بغيظ ويعض ايده :ولاد كمال... اقولها ايه دي... بقولك كمال عاش متعذب و عايش حياته على الذكريات تقولي ولاده... هيجبهم منين ولاده وهو متجوزش اصلا
أميرة انصدمت اكتر وفتحت بؤها مش قادره تستوعب اللي أليف قاله.. واليف بصلها باستغراب
أليف :اميرة... انتي يا بت... انتي فتحه بؤك كده ليه (اميرة وقفة مصدومة.. ومش بتتحرك.. وأليف بصلها شويه.. وبعدين ابتسم بخبث.. ورح مقرب منها بحب.. وحط ايده على وشها ورح مقرب من شفيفها و بسها.. وهي فضلت شويه مش مستوعبه.. اللي هو بيعملوه. بس بعد شويه وغمضت عينها زي ما تكون في حلم.. بس فاقت بعد شويه وراحت مفتحة عينيها .. وراحت زقه بعيد عنه
أليف بأنفاس متقطعه :ايه يا بت.. ما كنتي كويسه .. سبيني ابوس
أميرة بغيظ ترجع تحفه عليه اللي حاجه اللي قدامها...
أميرة بغيظ :انا اللي غبيه... وكمان ليك عين تبوس بعد اللي عملتوا... يا غبي يا متخلف يا تور... خليتوها تعيط افتكرت انك ابنه ... مقولتش ليه من امبارح انه اخوك.. مقولتش ليه انه متجوز... بسببك خليتها تمشي وتفضل تعيط طول الليل
أليف بيهرب منها.. ويستخبي ورا المكتب :يابت اتهدي يا زفته بطلي هتفتحى نفوخي . وبعدين حتى لو انا ابنه هي ايه اللي يزعلها .. ماهي تجوزت وخلفت هبله زيك
أميرة بغضب :اهو أنت اللي اهبل .. ابله حكمت متجوزتيش يا غبي ...ابله حكمت مش ماما
أليف قام مصدوم ومبرق عينه :متجوزتش.. مش مامتك (هوب لقى فازه خبطيته في رأسه.. راح وقع على الأرض)
أميرة بصراخه :أليف..( وجريت عليه)
#بقلم_ولاءيحيي
💘💘💘💘💘💘💘💘💘💘💘💘💘
نروح نشوف ندا وعمران حصل معاهم ايه
عمران اخد ندا ودخل بيها المكتب... ولف بصلها بغضب
عمران بغضب :مين اللي ركبتي معاها العربية إمبارح دا يا هانم
ندا تبلع ريقها بخوف.. وتحاول متظهرش خوفها
ندا : دا واحد زميل أميرة.. محبش اننا نروح لوحدنا بالليل قال يوصلنا..
عمران بغضب ضرب الكرسي برجله وقعه على الارض وهي خافت
عمران بغضب وزعيق :وهو مال امه تروحه لوحدكم ولا مع حد ... وانتي مين اللي سمح ليكي تركبي معاه... مين سمح ليكي اصلا انك تخرجي بره القاعة... وازاي اقولك اقفى كلميني تمشي وتسبيني
ندا اتعصب وضايقت فقربت منه بغيظ وبقيت تذقه في كتفه
ندا بغضب وزعيق : وانت مين قالك اصلا اني مستنيه حد يسمح ليا... مين انت علشان تسمح أو متسامحش.. بتتدخل في حياتي ليه
عمران مسك أيدها الاتنين بقوه وشدها.. عليه فخبطت في صدره.. وبص ليها بغضب
عمران بغضب : ورحمة ابويا وامي يا ندا... لو ما اتعدلتي ... لكون مسكك من شعرك ووخدك على المأذون واتجوزك... وبعدها بقى هعرفك انا ابقى مين...(ورح مزعق) اتكلمي عدل يا ندا
ندا اتخضت من صوته ونظرت عينه اللي كلها غضب... بس بتعيد اللي هو قالوا في رأسها.. فبصت ليه باستغراب
ندا باستغراب :انت بتقول رحمة ابوك وامك... ليه
عمران باستغراب :هو ايه اللي ليه.. بترحم على اهلي
ندا باستغراب :هو انت اهلك ماتوا
عمران بحزن سب أيدها وبعد عنها :ايوه ماتوا من زمان... ابويا مات وانا 12 سنه وامي ماتت بعدها بسنتين
ندا بصدمه :اومال كمال دا يبقى مين...مش ابوك
عمران يصلها بغيظ :ابويا؟ ... كمال يبقى ابن خالتي.. وهو اللي رباني بعد موت اهلي(وبصلها بغيظ) أبويا ازاي يا ذكيه هانم .. وانا اسمي عمران محمد عبد الرحمن صادق
ندا بعصبيه :انا معرش اسمك بكامل.. اعرف عمران صادق بس .. وهو اسمه كمال صادق
عمران بدأ يهدي :ما ابويا وابوه من نفس العيلة...جدي ابو ابويا يبقى ابن عم جده والاتنين من عيلة صادق ...(وبصلها اوي وابتسم ) وبعدين ابقى ابنه ازاي وفرق السن بنا 19سنه...وبعدين كمال متجوزش اصلا علشان يخلف ... انتي غبيه يا ندا
ندا بغضب :انا فعلا غبيه... غبيه علشان حبيت واحد معرفش عنه حاجه ومعرفش مين اهلو أو هما فين ...(وبصت ليه بغضب) احنا الاتنين مانعرفش عن بعض حاجه يا عمران ... انت مفكرتش عمرك تسألني عن اهلي هما مين.. انت متعرفش عني حاجه خالص...
عمران بغضب وزعيق :علشان مايهمنيش...مش عاوز اعرف... انا مايهمنيش غيرك انتي وبس... مايهمنيش غير اني بحبك وبس ...بحبك وانا معرفش عنك اي حاجه غير اسمك
ندا بدموع : حتى دا انت متعرفوش... حتى اسمي انت متعرفوش (عمران بص ليها باستغراب وهي بصت ليه بدموع وحزن )ما تستغربش انا كمان معرفش اسمي ايه... ندا امين دا اسم اختاروه ليا في الملجأ اللي تربيت فيه... انا معرفش انا مين... معرفش اهلي فين... معرفش هما عايشين ولا ميتين ... ولا أن كانوا كويسين ولا وحشين... معرفش هم اللي رموني. ولا انا اللي تهت منهم... انا معرفش حاجة عني... ولا عن اهلي
عمران سمعها بصدمه وبصلها : امال مين ماما حكمت.. وأميرة ازاي اختك.. وتيتا.. (ويبص ليها يشوف دموعها.. فيقرب ويمسح دموعها.. ويرفع وشها ليه)
عمران بابتسامة :ندا انا بحبك... مايهمنيش غيرك انتي وبس... انتي وبس يا حبيبتي..(واخدها وقعدها على الكرسي وقعد قدامها وهو ماسك أيدها.) .. بس ممكن افهم مين أميرة وماما حكمت وتيتا وتعريفهم منين
ندا بدموع وابتسامة :أميرة و وابله وتيتا دول كل حياتي...انا من غيرهم معرفش حياتي كانت هتبقي ازاي
عمران بتصنع الزعل :كده ظلم على فكره... يعني هما كل حياتك...طب وانا (ندا تتكسف وتبص للأرض.. فعمران يبوس أيدها ) بس على فكرة انا موافق أن هما يبقى حياتك....بس على شرط انا بس اللي ابقى جناتك... وانتي جناتي
ندا باستغراب :جناتك
عمران بابتسامة : ايوه يا حبيبتي جناتي... علشان حياتك يا حبيبتي ممكن يبقى فيها الفرح وفيها الحزن فيها الفراق وفيها الدموع.... وبعدين الحياه ليها نهاية... أم الجنة أبديه ملهاش نهاية... الإنسان اللي بيدخلها بيعيش في سعادة بلا حدود.. والجنة ملهاش نهاية.. واحنا حبنا أبدى ..و عمره ما هيكون له نهاية
ندا بصت لعمران بحب وفرحه.. وهو سرح في عينها.. وسكتوا شويه.. واتنهد وقرب سند راسه على رأسها
عمران بابتسامة : انا بقول تتكلمي بسرعه وتحكي علشان لو فضلتي ساكته وبصه ليه كده مش ضامن انا هعمل ايه.. واحنا هنا في الكلية.. يعني لو حد داخل هنتفضح يا حبيبتي (ندا ضحكت بكسف)
ندا بضحك : فضيحة اكتر من كده.. دي الكلية كلها زمانها بتكلم عني بسبب جنانك
عمران يقعد قدامها ويبتسم :هو يعني مين اللي سبب الجنان دا مش انتي .. عموماً هنتحاسب بس مش دلوقتي...المهم دلوقتي فهمينى... تعرفي حكمت ازاي.. وليه بتقولي ليها ماما... ومين تيتا .. واميره اختك بجد
ندا بابتسامة: أميرة تبقى اكترمن اختي لو ليا اخت مش هحبها زي ما بحب أميرة ... انا وهي من سن بعض. هي جات الملجأ بعدي بسنتين.. .. من واحنا صغيرين وهي معايا.. عمرها ما فرقتني ولا زهقت مني... مع ان طبعنا مختلف.. أما تيتا فهي أجمل ست في الدنيا. معاها عرفت حنان الجدة وحبها وخوفها على احفادها.... حضنها هو الراحة والأمان....... أما بقى ابلة حكمت... أو ماما حكمت زي ما هي بتحب نقولها... فهي اللي أنقذت حياتي.. ابلة حكمت تبقى مديرة الملجأ.. إلى انا كنت فيه...جت بعد ما دخلت الملجأ بسنتين...(وكملت بحزن ودموع )قبل ما تيجي كان فيه مديرة.. عمري ما شوفت منها غير العذاب والألم...و آخرهم كان يوم الحريق... كانت بتخلينا ننطف ونغسل وتضرب فينا لو دخلت لقيت وحده فينا مش بتشتغل أو بتلعب بتعاقبها .. وانا كنت بنت شقيه ومش بسمع الكلام.. وكان معايا دايما عروسة صغيرة.. عروسه كانت معايا لما لقوني في الشارع ... انا كنت بحب العروسة ومش بسببها من أيدي ابدا... وفي مره المديره بتعاقبني فاخذتها مني.. بعد ما ضربتني علشان منظفتش المطبخ كويس .. كان فيه دولاب في المطبخ عليه ازايز وحاجات كتيرت..فاخدت مني العروسة وحطتها على رف الدولاب من فوق .. وخرجت وسبتني على الأرض بعيط من الضرب... لما خرجت انا قومت وطلعت علي الدولاب علشان اجيب عروستي ... وانا بطلع خبطت أزايز .. فوقعت علىا .. وقعت على الأرض اتكسرت ... عملت صوت.. وسمعتها جايه فنزلت أجرى...(ندا بقيت تحكي وهي بتعيط.. وتحضن نفسها.. عمران قام بسرعه قعد قدامها ومسك ايدها ).. جت المديرة... لقيت الازايز وقع على الأرض ومكسوره وانا واقفه وسطهم .. فضلت تزعق فيا .. وقالت إنها هتحرقني بالنار علشان احرم.. ولعت كبريت.. وقربت مني .. الازايز كان فيها جاز وكان وقع علىا فلم قربت بكبريت ولع فيا رمت الكبريت وبعدت عني وسابتني وسط النار .. فضلت اصرخ اصرخ وابعد وشي.. وهي وقفة تتفرج عليا.. ابله حكمت جيت جرى على صوت صريخي.. زقتها بعيد. ومسكت بطانية صغيرة. وضمتني بيها.. طفت النار... وقعدت بيا على الأرض... انا اصرخ.. وهي تصرخ معايا...
عمران عيونه دمعت.. وضم ندا في حضنه... وهي فضلت تعيط.. وهو بيهديها رغم الغضب والبركان اللي جوه... ويتمنى لو يعرف مكان كل إنسان جرح ندا... أو اتسبب في دموعها... وهو يأخذ حقها منه
ندا فضلت تعيط وبعد شويه مسحت دموعها وبصت ليه
ندا : ابلة حكمت هي اللي أنقذت حياتي .. ولما المديرة مرديتش توديني مستشفى اتعالج... ابله حكمت ماسكتتش... وقدمت فيها شكاوى وقلبت الدنيا.. لحد ما جات لجنة من الوزارة وشافوني... كانت المديره حاطني في اوضة لوحدي.. بس ابله حكمت مكنتش بتبني فضلت معايا ... ولما قبضوا عليها حاولت كتير تعالجني.. بس كانوا تأخروا في علاجي وساب الأثر دا ...ابله حكمت بعد الحادثه بقيت هي مديره الملجأ فضلت معايا ومش بتسبني كانت هي اللي بتقعد تذاكر لينا.. و لما شافت تفوقي انا وأميرة فضلت تدور على كفيل لتعليمنا .. ولما بقينا 18سنه كان المفروض نسيب الملجأ ونخرج ... فهي اخدتنا معاها بيتها وصممت اننا نكمل تعليمنا وبقيت هي المسؤولة عنا وعيشنا انا واميره معاها هي وجدتها... تيتا فاطمة .... ابله حكمت طول عمرها آم لينا .. عمرها ما حسستنا ان ناقصنا حاجه أو أن الحمل تقيل عليها...و امبارح لما شافت دكتور كمال تعبت اوي .. عيطت كتير.. افتكرت انكم ولاده .. (وتسكت شويه وتمسح دموعها) بس ازاي دكتور كمال متجوزش.. ابله حكمت قالت انها شافته يوم فرحوا... واليف يقرب ليه ايه... انا مش فاهمه حاجه
عمران بابتسامه :أليف اخو كمال الصغير وابن خالتي ...دي الحاجه الوحيدة من الاسئلة اللي انتي سالتيها اللي اعرف اجوبك عليه ..لكن ازاي شافته في فرحوا معرفش كمال عمره ما اتجوز... بس اللي اعرفه كمان ان حكمت هي اللي تجوزت.. وسافرت بره مع جوزها.. واحنا فكرنا أنكم بناتها... كمال لما عرف انها اتجوزت سافر بره مصر
ندا بصدمه :ابله حكمت متجوزتيش ابدا... (وتبص له) يعني هم الاتنين افترقوا وهما فاكرين ان كل واحد فيهم ساب التاني... و اتجوز
عمران بتفكيري :ايوه ومعنى كده ان في اسرار لسه متكشفش ... ومحدش فيهم يعرفوا ...(وابتسم ومسك أيدها ووقفها) والظاهر يا حبيبتي ربنا جمعنا ببعض علشان احنا اللي نكشف الأسرار ونكون سبب رجوعهم لبعض ...علشان نرد ليهم جزء بسيط من اللي عملوه لينا .... قومي يلا بينا (وياخدهاويمشي خطوتين )
ندا : هنروح فين
عمران :المستشفى... لكمال
ندا : عمران استنى... (يقف عمران ويبص ليها) ماينفعش احنا اللي نقولهم... أو حد فينا هو اللي يحكي لحد منهم ... لازم هم الاتنين يتقابلوا ويتوجهه ويعرفوا الحقيقية من بعض... لازم يتكلموا سوأ
عمران :يتكلموا ازاي.. ما انتي شوفتي امبارح.. حكمت مادتوش اي فرصه يقول ولا كلمه
ندا بابتسامة : دا دورنا احنا بقى ... لازم نشوف ازاي نخليهم يتقابلوا ويتكلموا سوأ...
عمران بابتسامه : يبقى يلا بينا... بردوا على المستشفى.. نقابل أليف وأميرة. ونعقد نفكر كلنا هنعمل ايه....
#بقلم_ولاءيحيي
💘💘💘💘💘💘💘💘💘💘💘💘💘
في المستشفى كمال كان في مكتبه.. و عماد قعد قدامه
عماد :يأبني اهدي وخلينا نفكر..
كمال بضيق وغضب : نفكر في ايه وانت جي تقولي مراتك مرديتش تقولك اي حاجه عنها... حتى الملجأ اللي بتشتغل فيه معرفتش تجيب اسمه ولا مكانه... انا لازم اشوف حكمت النهارده ولازم تعرف كل اللي حصل زمان لازم تعرف اني ماصدقتش اللي قالوا عنها ..و اني متخليتش عنها وسيبتها زي ما مراتك بتقول... وانت عارف كده كويس
عماد يقف قدامه : ياسيدي نهى متعرفش حاجه عن الحصل ليك زمان.... هي تعرف اللي فاكره حكمت وبعدين هي قالت مدخلهاش في أي موضوع علشان وعدت حكمت انها مش هتعرفك حاجه عنها .... واحمد ربنا انها وافقت وخلتني انزل و أجيلك تاني يوم فرحنا ...بعد ما سمعت صوتك وانت بتزعق... وتعال اقعد بقى خلينا نفكر نعرف نوصل لها ازاي
كمال ينفخ ويقعد... وعماد قعد يفكر.. و هو قعد لفت نظره ملف محطوط على مكتبه.. فمسكه وابتسم
عماد بابتسامة :كمال بص كده على الحالة اللي في الملف دا
كمال بضيق :حالة ايه انت كمان.. هو دا وقت شغل...انت شايف فيه دماغ اوي
عماد بابتسامة :اسمع بس الكلام وبص عليه... وقولي رائيك كطبيب .. وانا هفهمك
كمال مسك الملف بضيق وبص فيه.. وشاف التقرير... ورح حطوا على المكتب
كمال :مالها الحالة عاديه شوفنا زيها كتير... تشوه من الدرجة 3بسبب تأخر العلاج
عماد :عملية التجميل هتنجح وتمحي الأثر بنسبه كام %
كمال بضيق :ايوه تنجح وهتمحي الأثر بنسبة كان بقى فلازم اشوف الحالة بنفس لأن التقرير دي قديمه ... بس في العموم التشوه يختفي بنسبه كبيرة ولو ساب إثر مش هيبقى ظاهر
عماد بابتسامه :حلو اوي عندك استعداد تعمل امتى العملية
كمال بضيق: عمليه ايه يا عماد انت كمان.... انا مش هعمل عمليات...انا عاوز اشوف حكمت
عماد يقف قدامه بابتسامة :ما العملية دي هي اللي هجيب حكمت لحد عندك هنا في المستشفى
كمال يبصله اوي :هي الحالة دي تخص حكمت
عماد : الملف دا جيبته أميرة من شهر وانا كنت مستني انك ترجع علشان تشوفه... الملف يخص ندا اختها
كمال بصدمه : ندا بنت حكمت وازاي متقولش من بدري ليه استنيت لما انزل...
عماد بضحك :يابني وانا كنت اعرف منين انها بنت حكمت... ما انا لسه عارف إمبارح زيك... المهم عندك استعاد تعمل العملية
كمال :طبعا هعمله... ومش علشان تبقى سبب اني اشوف حكمت... لا علشان انا لازم اساعد بنتها... اللي هي بنتي
عماد بابتسامة :خلاص يا صاحبي انا هبعت لأميرة دلوقتي تيجي ونبلغها
كمال :افرض حكمت رفضت لو عرفت ان انا الدكتور
عماد بابتسامة :ماظنش انها تفكر في حاجه غير مصلحت بنتها...
(عماد رفع سماعة التلفون)
عماد :ابعتي للدكتورة أميرة مساعدة دكتور أليف... تيجي لمكتب المدير فورا
#بقلم_ولاءيحيي
💘💘💘💘💘💘💘💘💘💘💘💘💘
أميرة كانت مع أليف في مكتبه .. اللي حاطت تلج على راسه اللي ورمت من الخبطة.. وأميرة عماله تضحك
أليف بغيظ :مبسوطة اوي طبعا... اشوف فيكي يوم يا أميرة... من يوم ما شوفتك وانا متبادل ومتعور بسببك...
أميرة بغيظ : الله انت بتدعي عليا ليه وانا مالي .. ما انت اللي طلعت مره واحده من تحت المكتب... وبعدين دي خبطه بسيط...
أليف بغيظ يشيل التلج :كل البلونه اللي في راسي دي بسيطة...
أميرة تقوم تعقد أقدمه على المكتب :يووووه خلاص بقى .. بقالك ساعه عمل تولول علشان حتت بلون صغيره ... حط التلج عليها وهي تخف.. وسيبك بقى وقولي هنعمل ايه لابله حكمت والدكتور كمال لازم يعرف الحقيقية...
مره واحده اتفتح الباب ودخل عمران ومعاه ندا ...أميرة اول ما شافتها جريت لحضن ندا وهي بتصرخ من الفرحة
أميرة بفرحه :ندا.. كمال متجوزش متجوزش.. واليف مش ابنه دا طلع اخوه... وعمران كمان مش ابنه دا يبقى ابن عمته... لاااا ابن خالته مش عمته...يووووه مش عارفه اهو قريبه وخلاص ... المهم أن كمال متجوزش ولسه بيحب ابله حكمت
ندا وعمران يضحكوا على جنان أميرة..
أليف يقوم وهو ماسك التزلج وحطه على راسه
اليف : اعرفك اميره أخرت صبري... بحب هبله
أميرة بغيظ تمسك التلج وتخبط جامد بيه : حط التلج كويس يا حبيبي احسن البلونه تبقى اتنين.. (وتبص لندا) هو انتم هنا ليه
ندا بابتسامة : أنا وعمران لما عرفنا الحقيقه قولنا نيجي نتفق معاكم ونشوف ازاي نخلي ابله حكمت والدكتور كمال يعرفوا الحقيقية
أليف واميره بصوة واحد :انا اللي هقولهم
عمران بضحك :ما شاء الله... نفس التفكير والدماغ...بس يا فالح انت وهي احنا مش عاوزين حد يقولهم... هم اللي لازم يتقابلوا ويعرفوا الحقيقه من بعض.. وكل واحد يطلع اللي جوه لتاني...
ندا :لازم الاتنين يشوفه ويحسوا كل واحد فيهم اتعذب ازاي في بعد التاني... لو احنا اللي حكينا ليهم مش هيعرفوا قد ايه هم اتعذبوا وقد ايه بيحبه بعض.. وكل واحد فيهم هيلوم التاني انه صدق حاجه وهيفضلوا زعلانين.. لازم نجبرهم يشوفه بعض.....ومن غير ما نظهر في الصورة... يعني يفتكروا انهم اتقبلوا صدفه
أليف واميره يبص لبعض وبعدين يبصلهم :ازاي بقى
عمران بغيظ :ما احنا هنا علشان نتفق ونشوف هنعمل ايه افتحوا مخكم وفكرو شويه.. (ويبص لندا ) دخلوا طب ازاي دول
ندا تضحك اوي... وهنا سمعوا السنتر كول.. بينادي على أميرة
أميرة :انا هروح اشوف في ايه.. واجي تكونوا انتم فكرتوا انا ماليش في التفكير
وتخرج أميرة وتروح مكتب المدير.. وتدخل تتفاجأ بعلماء قدامها
أميرة بصدمه :دكتور عماد... انت ازاي تنزلت من البيت النهارده ... هي الدكتورة نهى طفشت منك
كمال وعماد يضحكوا اوي.. وهنا أميرة اخدت بالها أن كمال موجود
عماد بضحك :عجبك كده جابت ليا الكلام(ويبص لأميرة) لا يا لمضه ماطفشتش واقعدي علشان عاوزك...
أميرة تدخل تعقد وهي مش فاهمه حاجه.. وكمال عمل يبص لها ويبتسم.. لأنها فكرته بحكمت اول يوم اتقابلو فيه افتكر لمضتها ودمها الخفيف... وبقي يقول لنفسه..ان اميره طلعه ليها وشبها ودمها خفيف زيها
عماد بابتسامة : دكتور كمال شاف ملف ندا.. وقال إن نسبة اختفاء الحرق فوق اللي 80%..ودى نسبة كويسه جدا... وهو موافق يعمل العملية..
أميرة تقوم تنط وتسقف بفرحه :بجد يعني ندا هتخف
كمال بابتسامه :أن شاء الله... بس انا لازم اشوفها الأول وشوف الحرق وصل لفين
أميرة قربت منه ومسكت ايده وواقفته وخدته وخرجه بسرعه وهو وعماد مستغربين
عماد باستغراب : انتي واخده وريحه فين يا مجنونة..
أميرة بفرحه :رايح لندا.. علشان الدكتور يكشف عليها.. هي هنا في مكتب أليف مع عمران
أميرة بتكلم وهي ماشية ومسكه كمال في ايدها وعماد ماشي وراها... وهم الاتنين مش فاهمين منها حاجه...
#بقلم_ولاءيحيي
💘💘💘💘💘💘💘💘💘💘💘💘💘
عمران واليف وندا كانوا في المكتب بيتكلموا.. لقى الباب اتفتح.. وأميرة دخله ومعها كمال وعماد
أميرة بفرحه :ندا... دكتور كمال هيعمل ليكي العملية بيقول الجرح هيخف ويختفي خالص ...
ندا بصت لعمران اللي مش فاهم حاجه .. وعينها دمعت هي مبسوطة.... هو عمران بيحبها زي ما هي.. بس هي عاوزه تكون جميله وطبيعية .. قدام نفسها.. علشان تقدر تسعد عمران...
وبعد مرور ساعتين من الوقت
ب حكمت دخلت المستشفى وهي بتجري بخوف وفاطمة بتجري وراها .. فقابلتهم أميرة على الباب تحت .. حكمت جريت عليها
حكمت بخوف :أميرة فين ندا... حصلها ايه.. وعملية ايه اللي هتعملها
أميرة ترسم الحزن وزعل : روحي ليها يا ماما هي هقولك كل حاجه ... هي عاوزه تشوفك لوحدك.. انا وتيتا هانستناكي هنا
حكمت بخوف ودموع :هي فين بنتي فين يا اميره
أميرة تشاور بيدها على ممر ...هناك رابع اوضة على اليمين
حكمت تجري بسرعه وتدخل الاوضه اللي قالت عليها أميره .. بس لقيت الاوضة فاضيه.. فكرت ندا في الحمام فرحت فتحوا بسرعه بس ملقتش حد... بس سمعت صوت بره.. فخرجت
كمال دخل الاوضه : ندا .. الممرضة بتقول انك عاوزه تشوفيني قبل العمليه حصل حاجه
هنا حكمت خرجت من الحمام بسرعه لقيت كمال وقف قدامها.. وقفت مصدومة.. وهو وقف مصدوم....
كمال بشوق ولهفه :حكمت
حكمت بحزن : ندا فين
كمال باستغراب :مش عارف.. كانت هنا بتجهز للعمليه
حكمت تبص ليه بخوف :عمليه ايه مالها ندا يا كمال
كمال ابتسم اول ما سمع اسمه منها :متخافيش... دي عملية تجميل علشان الحرق اللي في رقبتها
حكمت باستغراب :تجميل... (بصت حاولها بضيق) هي فين واميرة فين
وتحركت وعدت من جمبه ورحت ناحيه الباب..بس لقيته مقفول . فضلت تحاول تفتحوا وتخبط فيه وتشد وهو مقفول ومش بيتفتح ... كمال قرب منها
كمال :وسعى وانا هفتحوا ليكي..
كمال حاول يفتح الباب بس كان مقفول.. وفضل يخبط
جيت ممرضه من وراء الباب :مين اللي جوه
كمال :انا دكتور كمال.. الباب اتقفل علينا ومش عارف افتحوا من جوه افتحي من عندك
ممرضه : الباب مقفول يا دكتور .. مش ها يفتح غير بكارت التعريف ... هروح اشوف الأمان... يجي يفتحوا..
كمال :طيب روحي بسرعه
كمال لف وبص لحكمت اللي بصت ليه.. وقفوا يبصو لبعض شويه.. وبعدها حكمت دخلت ورحت وقفت قدام الشباك.. وكمال ابتسم.. ورح وراها
بقلم_ولاءيحيي
💘💘💘💘💘💘💘💘💘💘💘💘💘
التعليقات على الموضوع