اليتيمتان (الحلقه ١٨)💜
💗💗 (اليتيمتان)💗💗
بقلم_ولاءيحيي
البارت الثامن عشر
أميرة بعد ما حكمت مشيت اخدت فاطمة ومشيت بيها
فاطمة :يابت يااميرة انتي وخدنا على فين يابت براحة هتوقعيني
أميرة بابتسامه :تعالى بس يا تيتا هو مش انتي عاوزه تطمني على ندا... هاخدك تطمني عليها
دخلت اميره وفاطمه لمكتب أليف كان موجود فيه ندا وعمران واليف
فاطمة :ندا.. (ندا تروح لحضنها) انتي كويسه يا حبيبتي ... البت المجنونة دي خضيتنا قالت انك هتعملي عمليه وقعت قلوبنا
ندا بابتسامة :انا كويسه يا تيتا متخافيش...
فاطمة تبصلهم اوي وتبتسم : ما انا عارفه ياختي انك كويسه... وان دا فيلم انتم اللي عملينه... علشان حكمت تقابل كمال.... بعد ما عرفتوا أن العيال مش ولاده (الكل بصلها بصدمه)
أميرة بصدمه :انتي عرفتي منين...
ندا باستغراب :مين قالك انهم مش ولاده
فاطمة تقعد بابتسامة :عرفت لوحدي لهو انتم فاكرين ان ستكم غبيه زيكم.. بقى ولدين زاي الورد سنهم يجي 25 سنه هيبقوا ولاده كمال ازاي... أم بقى عرفت منين انها لعبه ... فأنا شوفت كمال وهو رايح على الاوضه اللي بعتي ليها حكمت فأفهمت...
أميرة وندا وشباب يضحكوا ويقربه منها
ندا بضحك :مش سهله انتي يا تيتا.. ما فيش حاجه بتفوت عليكي
أميرة باستغراب :بس ازاي اخدتي بالك من سنهم يا تيتا... دا انا ما خدش بالي خالص
فاطمة بضحك :وهو من امتى وانتي بتاخد بالك... ودلوقتي الحب عامي عينيك.. ومن يوم ما حباتي وانتي اتهبلتي في دماغك اكتر ما انتي مهبوله(الكل يضحك وفاطمة تبص للولادين) تعال يا واد يا دكتور منك ليه سلموا عليا
يقرب منها أليف وعمران بابتسامة
عمران بابتسامة :ازي حضرتك يا تيتا...
أليف بابتسامة : المستشفى نورت ياتيتا
فاطمة بابتسامة :منوره بيكم (وتبص بنص عين وتشاور على عمران) انت اللي البت ندا بتحبك... وانت اللي البت أميرة بتحبك
الكل بصلها بصدمه
أميرة بغيظ :لا مليش دعوى بقى لازم اعرف عرفتي منين المرة دي..
فاطمة بضحك :من البلونه اللي عملها في رأس الواد ياختي ..(الكل ضحك واليف حط ايده على راسه) ..
.
أميرة بضحك :طيب هقولك على خبر مستحيل انك تكوني عرفتيه.. وانا اللي عرفتوا قبلك
فاطمة بابتسامة : قولي يا فالحه
أميرة بفرحه :دكتور كمال متجوزش.. بس في حد كان قال له أن ابله حكمت هي اللي اتجوزت وسافرت مع جوزها..
فاطمة بحزن : عارفه(وتبص للولاد)انتم تقربوا ايه لكمال
عمران يقعد قدمها ويبص لها اوي :.. انا ابن خالته... واليف اخوه
فاطمة باستغراب :اخوه... بس كمال ماكنش عنده اخوات غير ناديه...
أليف بحزن : ما انا من ضمن الأسرار والحكايات.. اللي في حياة كمال
فاطمة شافت الحزن في عينه فبتسمت : لو كل الأسرار حلوه زيك كده نكتر منها...(أليف يضحك اوي) تعال يا واد اقعد وقولي ايه حكايتك
عمران يبصلها :معلش يا تيتا... ممكن حضرتك تقولي لينا الأول عرفتي منين أن كمال فاكر ان ابله حكمت متجوزه
فاطمة تتنهد بحزن :هقولكم
#بقلم_ولاءيحيي
💘💘💘💘💘💘💘💘💘💘💘💘💘
وعند حكمت وكمال
حكمت وقف بصه من الشباك اللي بيطل على النيل .. وكمال وقف جمبها. فضلوا ساكتين فتره وكل واحد فيهم قلبه هيخرج من مكانه.. لحد ما كمال قرر يقطع الصمت
كمال بابتسامه وصوة هادي: زمان كنتي بتحبي تقفي كده بس قدم البحر...حبيتي مين اكتر النيل واللي بحر اسكندرية
حكمت بابتسامه :الاتنين... مع انهم مختلفين.. بس كل واحد فيهم ليه جماله.. ماينفعش تختار بينهم... فحبيت الاتنين
كمال بابتسامة :عاملين زي بناتك ...(حكمت تبصله.. وهو لف بصلها بابتسامة) مختلفين.. بس كل واحده فيهم وخده حاجه منك ..أول ما شوفت أميرة حسيتها زي بحر اسكندرية بشقاوتها وعفويتها وضحكتها عمله زي الموج لما بنعوم جوه ..شفتك فيها اول مره اتقبلنا ... نفس شقوتك وعفويتك ودمك الخفيف... قولت دي اللي طلعه ليكي فحبتها...ولما شوفت ندا لقيتها عذبه وهاديه زي النيل... لما قربت منها علشان اشوف جرحها.. عينها دمعت وبقي فيهم لمعة عنيكي... شفتك فيها لما بتبقي خايفه اوي مكسوفه... لقيت ان الاتنين مع بعض هم انتي (ويكمل بحب) معرفتش احب واحده فيهم اكتر من التانيه... حبيتهم الاتنين
حكمت عنيه اتملت دموع وبصت للأرض.. وبعدت عنه ورحت قعدت على الكرسي... وهو شويه وراح وقعد جمبها.. ورجع راسه لورا ... وهي بقى قلبها يدق بقوة
كمال يتنهد بحزن :ماصدقتش.. (حكمت بصت ليه باستغراب.. فبصلها وعينه ملينا دموع)يومها ماصدقتش انك بتخونين...
حكمت وقفت بضيق: لو سمحت... مش عاوزه اتكلم واللي اسمع
كمال قام وقف قدامها بغضب وزعيق :مش بمزاجك.. الحصل ما يخصكيش لوحدك عشان تقولي مش عاوزه اسمع انا من حقي اتكلم... وانتي لازم تسمعي... من حقي اقول اللي مكتوم جويا من 19سنه... وانتي هتسمعيني
حكمت بدموع : عاوزني اسمع ايه.. اسمع ازاي صدقت اني بخونك وجيت تجري علشان تشوفني عاوزني افتكر وانت بتضربني وتسألني بعمل عنده ايه. ...و لما انت ماصدقتش سيبتني ليه هناك وخرجت معاها ... سيبتني ليه لوحدي معاه
كمال بزعيق :ماسبتكيش ... حاولت ارجعلك مانعوني ... و انا ماجتش علشان شكك فيك.. انا جت علشان احميكي...
حكمت : تحميني؟؟ ...
كمال بغضب :ايوه احميكي... يومها أبويه بعتلي في مكتبة... قالي انه عاوزني اروح معاه مكان مهم... واخدني في عربيته وانا مش عارف هو رايح فين... لحد ما وقف قدم عماره سيف... ولقيت ماهي بتركب العربية
#فلاش بك
محمود بتمثيل : ماهي... انتي بتعملي ايه هنا
ماهي بدموع تماسيح : كنت عارفه انك هتعمل كده... بلاش يا خالي ارجوك...
محمود يتصنع الغضب : انتي عاوزه يفضل مخدوع... عاوزه حتت بت شمال تفضل تلعب بيه...
كمال بعدم فهم :انتم بيتكلموا عن مين
محمود بغضب :عنك.. وعن حتت البت اللي بعتنا كلنا عشناها الهانم اللي بتجهز ورقك علشان تأخذها وتسافر... البت دي بعتها سيف علشان تلعب عليك.... قوليله يا ماهي اللي عرفتيه.. احكيلو
ماهي بدموع مصطنعة : سيف كان قالي انه بيحبني وعاوز يتجوزني ...وانا رفضت وقولت له اني بحبك انت. فمن اسبوعين كنت سهرانه مع الشلة وجي سيف وكان سكران جدا ولما وشفني ..فضل يزعق ويخترف بكلام.. فقال أنه هيخليني اندم.. وانه هياخدني منك.... ويأخذ منك كل حاجه حتى
المستشفى وفضل يتريق عليا ويقولي انك عمرك ما حبيتني... وانك فضلت عليا حتت بت مومس بتيجي ليه شقته... وأن هو اللي اتفق معاها هي وابوها علشان يلعبوا عليك... وترسم عليك الحب وتوقعك ... وفضل يضحك ويقول... انك وقعت وصدقت هتجوزها وتأخذها وتسافر... وأنها اول ما هتمضيك على بيع الأسهم هتسيبك هناك وترجع .. ويأخذ هو المستشفى
كمال باستهزاء :دي خطتكم الجديدة ... انتم فاكرين اني هصدق الكلام العبيط دا
محمود بغضب :احترم نفسك.. انا ابوك ومصلحتك تهمني يا غبي
ماهي بسرعه :جيت يا خالي... هناك اهي
(الاتنين يبصوا مكان ما ماهي بتشاور... كمال لقي حكمت دخله العمارة)
محمود :اهو اتفضل بص شوف اهي قدامك اللي هانم جت في ميعادها للسيف في شقته ..ايه رائيك... مين اللي بيضحك عليك.. عرفت مين اللي كلامه هبل
كمال بسرعه يفتح باب العربية وينزل.. ومحمود وماهي يجرؤ وراه.. وعلى باب العمارة.. حاوله يمنعوه يطلع.. بس هو دخل... فقابلهم البواب
البواب :على فين يا بيه(لسه كمال هيتكلم.. بس محمود سابق
محمود :البت اللي دخلت دلوقتي... طلعه لفين
البواب بقرف : هي الأشكال دي بنشوفها هنا اللي لشقه 8 بتعت اللي اسمه سيف...ربنا يرحمنا منه ومن قرفه... كل يوم يا بيه في القرف دا... لما الوحد كره الشغال بسببه
كمال بغضب :البنت اللي طلعت دي جيت هنا قبل كده
محمود رد بسرعه :انت ايه غبي... مهو عارف هي طالعه فين
كمال جرى على الاسانسير.. ومحمود وماهي حاولوا يمنعوه
كمال بغضب يذقه محمود بقوة :ابعد عني..
( ودخل الاسانسير.. وماهي دخلت وره)
كمال بزعيق وغضب :اطلعي بره
ماهي بتصميم :مش هطلع مش هسيبك لوحدك
كمال يذقها علشان يخرجه.. بس هي مسكت جامد لحد ما الباب اتقفل.. وطلع بيهم...
#بك
كمال بحزن : طلعت علشان الحقك وافهم منك ... طلعت انقذك وقولك اني معاكي متخافيش...واول ما دخلت لقيتك قدمي... (ويغمض عينه بألم ويفتكر ويكمل بغضب ) قميصك كان مفتوح.. وشعرك مفرود ومناعكش ... (ويبص لها بزعيق) جريت عليكي أسألك بتعملي ايه هنا...
حكمت بغضب :معرفتش ارد عليك كانوا بيهددني ... قولتلك تفتكر بعمل ايه هنا... كنت عاوزك تبص لوشي ولعيني.. لكن انت كنت بصص في الأرض قرفان تبص في وشي
كمال بغضب : لاااا كنت مش قادر اشوفك وانتي قميصك مفتوح قدمي...شوفتك بتقفيله بأيدك.. نزلت عيني عشان مجرحكيش... علشان تكلمي وتقولي مين عمل فيكي كده
حكمت بدموع :انت فضلت تضرب فيا
كمال بغضب :لأنك سبتيه يقرب منك ويحط ايده عليكي... سبتيه يضمك من غير ما تصرخ وتبعديه عنك ... سبتيه يكلم ويجرحني بيكي ووقفتي سكته تتفرجي عليا ... كنتي اللي سكينه اللي بيموتني بيها... ضربتك علشان تفوقي وتثقي فيا وتقولي الحقيقة.. ضربتك علشان قبلتي انك تبقى في عيني خاينه ووقفتي سكته.. كنت بضربك علشان تفوقي وتكلمي ... بس انتي كملتي عليا... قولتي كنت مع سيف.. (كمل بحزن وغضب) سمعتها منك غبت عني الواقع.. بقيت ابص ليكي علشان اتأكد انه انتي مش واحده شبيها.. كدبت عيني ورفضت تكوني انتي اللي قدامي وبتكلمي... فضلت اسمع صوتك في وداني.. وعيد فيه.. عاوز افهم دي انتي واللي واحده شبيها ليكي...مافوقتش غير على أبويه وهو بيهز فيا بقوه ساعتها سمعت صوتك تاني وانتي بتقولي قولتها دا اللي انتم عاوزني اقولوه قولته...وقتها تأكدت انهم هم اللي قالولك تقولي كده... بس ماكنتش عارف ايه السبب...اللي اجبرك تقولي كده
حكمت بدموع تقعد على الأرض : ولما فهمت سبتني ليه ومشيت ليه مرجعتش تلحقني منه
كمال ينزل يقعد قدامها بدموع : لما نزلت أبويه كان اتصل بالجارد بتوعوه ... كتفوني.. وخدرني وخذني في الإسعاف للمستشفى.. وهناك عرفت الحقيقة... سمعت سلوي وماهي وهم بيتكلموا ... قومت وكنت هقتلهم ... فكتفوني وربطوني في السرير لمدة تلات شهور... تلات شهور مربوط وكل ما فوق ينيموني بمهدئات لحد ما ناديه ومدحت وجوز خالتي عرفوا مكاني وانقذوني منهم... ... واكتشفوا اني أدمنت... وعماد صاحبي بدأ يعالجني
(حكمت كانت بتسمعوا بصدمه... وبتبص لعينه عاوزه تشوف.. انه بيكداب... كان اسهل عندها انه يكون بيكداب... على أن كل دا يكون حصل له .. بصت لعينه وهو كمان بص ليها ... ابتسمت بحزن ورفعت أيدها لمست خده بحب....ومسحت دموعه... رفع ايده حضن أيدها.. ماكنش مصدق انه شايفها.. وأنها لمسته.. وفضلوا يبصه لبعض.. ورح شدتها في حضنها جامد... وهي رمت نفسها جوه حضنه... بشوق وحب وحزن سنين....)
حكمت بدموع :انا اسفه... كانوا هيموت أبويه... ماكنتش عارفه اعمل ايه... قولت اعمل اللي عاوزينه وأنقذ أبويه... وبعدها أجرى عليك اقولك الحقيقة...بس البوليس جي واخدني ... وبعدها
كمال يضمها بحزن :عرفت عم علي قال لي ..ان علشان تخرجي من القضية اللي لبسوها ليكي كان لازم تجوزي... فجوزك ابن خالتك ولما خرجتي سافرتي معاه
حكمت تبعد عنه وتبص له بصدمه: مين اللي قالك كده
كمال بحزن والم :عم علي ابوكي... انا اول ما بدأت افوق ورجع لدنيا فضلت اسأل عليكي... وناديه كانت بتروح بيتكم كل يوم تدور عليكي... وفضلنا نسأل لحد ما عرفنا ان عم علي ليه صديق بيشتغل في المستشفى اسمه حسانين...بعتنا له وقال انه ميعرفش عنكم حاجه... بس بعد اسبوع جي وقال إن عم علي رجع وأنه اول ما هيوصل اسكندرية هيجي يزورني
#بقلم_ولاءيحيي
💘💘💘💘💘💘💘💘💘💘💘💘💘
ونروح لفاطمة اللي بتحكي للولاد
فاطمة بحزن : بعد ما دفنا ام حكمت... حكمت مستحملتش ووقعت مننا.. روحنا بيها المستشفى في مصر وحجزوها هناك... (وتكمل بدموع) كانت لما بتبقي صاحية تبقى مفتحه عينها وبص لمكان واحد والا كانت بتكلم واللي بتأكل واللي بتشرب كانت عايشه على المحاليل ... ولو نامت تقوم تصرخ وتصوت...كنت انا وعلى قعدين على باب الاوضه اللي هي فيها بندعي ربنا يشفيها ويرجعها لينا ... فضلنا شهور لحد ما الفلوس خلصت... فعلى قال إنه هيتصل بحسانين صاحبه علشان يعرض البيت للبيع... ولما اتصل بيه حسانين قاله...ان كمال بيدور عليه... وان محمود وسلوي سابوا المستشفى... على ابني فرح وقال له يقول لكمال انه راجع... وجي ليا يجري وقالي انه مسافر وهيرجع بلي هيقوم حكمت ويرجعها لينا من تاني .. وقالي انه هيروح يقابل كمال... ويقول ليه على الحقيقة... وينتقم من محمود واخته على ظلموهم ... واحنا لسه بيتكلم سمعنا صوت ضحكه كله شر عمري ما هنساه
#فلاش بك
سلوي واقفه ورا على وفاطمه وحاوليها اربعه من البودي جارد... وسمعت كلام على
سلوي بضحك بشر : مابقاش غير واحد زيك انت يا صرصار... اللي يفكر يقف قدامنا وينتقم
محمود بصدمه : انتي ايه اللي جابك هنا
سلوي بغضب : جي اطمن على بنتك بنفسي... واشوف لو تعبانة اوي اريحه... لقيتها تعبانة. فهوصي حتت ممرض واديها 1000ج... علشان يدوها حقنه هوا تريحها...
على يبرق عينه ويقرب منها بكره... بس البودي جارد كتفوه.. وحطو المسدس في جمبه... فاطمة لسه هتصرخ
سلوي :لو صوتك طلع... هتاخدي ابنك وبنته تدفنيهم جمب مراته اللي زعلانين عشناها
على بخوف :اسكتي يامي... ابوس ايدك اسكتي(ويبص لسلوي) موتيني مش مهم بس سيبوا بنتي سبها في حالها ... هنفذ اللي تطلبوا مني... بس ابعدوا عن بنتي
سلوي بغضب : برافو عليك ه (وتبص للجارد) انتم الاتنين هاتوه.. وانتم خليكم هنا... واستني مني تلفون ابلغكم تعملوا ايه
#بقلم_ولاءيحيي
💘💘💘💘💘💘💘💘💘💘💘💘💘
وبعد تلات ساعات على نزل من عربيه قدام باب المستشفى... ودخل قابل حسانين..
على بحزن :خير يا حسانين... دكتور كمال عاوز ايه
حسانين :مش عارف يا على... بس من اول ما فاق بيسأل عنك
على باستغراب :فاق من ايه
حسانين :من اللي ابوه والولية عمته عملوا فيه (وحكي حسانين لعلى كل اللي حصل لكمال) روح له هو بقى احسن وكل شويه يبعت يسألني عليك بس قبل ما تمشي تعال ليا علشان نشوف موضوع بيع البيت
على مشي وهو بيكلم نفسه في سره :لما هم عملوا كده في ابنهم ... ومصعبش عليهم... يبقى بنتي هتصعب عليهم...دول ممكن يموتها وانا مليش غيرها... لااا انا هعمل اللي هم عاوزينه.. وهبعد بنتي عنهم وعن ابنهم ... انا مش قدهم ... وكفاية عليا خسرت امها...
على وصل للاوضه... وخبط.. فتحت له ناديه
ناديه بفرحه :عم علي اتفضل ( كمال اول ما سمع اسمع رفع رأسه بشوق... ودخل على وناديه فضلت تبص وره تدور على حكمت... وكمال عينه مستنيه ظهورها)
كمال بابتسامة :عم علي ازيك
على يبص لكمال اللي شكله بقى زي الاشباح.. تعبان وضعيف.
وبقي يقول... عملوا كده في ابنهم... امال بنتي هيعملوا فيها ايه
ناديه بابتسامه :فين حكمت يا عم علي.. ماجتش معاك ليه
على يبصلهم بقوه :حكمت سافرت من شهرين مع جوزها
كمال وناديه بصدمه :جوزها
على بصوت عالي :ايوه جوزها... ما هو علشان يخرجوها من قضيه الأدب اللي لفقوها ليها بسببك ...كان لازم تجوز... عشان أنقذ سيرتها وسمعتها اللي بقيت على كل لسان.... جوزتها ابن خالتها وسافرت بره معاه... وعايشه مبسوطة.. وحامل كمان ...(و يبص لكمال بحزن ) انا قولت لك زمان ابعد عن بنتي...بس انت ماسمعش كلامي ودي النتيجة انا اتسجنت في قضية مخدرات... وبنتي أتمسكت آداب... وامها ماتت.... كفاية يابني لحد كده ... انا جي النهارده اقولك ابعد عنا... وسيب بنتي تعيش حياتها ... وابعد عن طريقنا.. سيبها يابني تعيش (ويقرب منه يبوس ايده.. بس كمال شدها ) ورحمة امك يادكتور سيبنا في حالنا... وسيبها تعيش انا ماليش غيرها
كمال بحزن ودموع :حاضر يا عم علي... هبعد هبعد عنكم وانا اسف اسف على كل اللي حصل ليكم بسببي... و اوعدك اني هاخد ليكم حقكم... وهنتقم من اللي ظلمكم وظلمني
على بدموع : يابني احنا حقنا عند رب العالمين .. هو يجيبوا لينا... ربنا كبير حسبي الله ونعم الوكيل.. حسبي الله ونعم الوكيل
وخرج على من الاوضه وهو بيدعي على اللي ظلموه وبعد ما خرج كمال صرخ بألم ودموع وحزن ... وناديه ومدحت وعماد كانوا واقفين مش قادرين يخففوا عنه الوجع
#بك
#بقلم_ولاءيحيي
💘💘💘💘💘💘💘💘💘💘💘💘💘
كمال بدموع :خبر جوزك الموت كان أهون عندي منه... بس لما فوقت بقيت بدعيلك ربنا يسعدك... بس كان نفسي تعرفي الحقيقة
حكمت باستغراب :انا مش فاهمه حاجة... ليه بابا عمل كده
كمال باستغراب :عمل ايه
حكمت تبص له شويه وتسكت
حكمت :انت ليه بعد دا كله... اتجوزت ماهي
كمال باستغراب :تجوزت ماهي؟ انتي مين اللي قالك اني تجوزت ماهي
حكمت بدموع :انا شوفتك رجعت بعد 6شهور... وسمعت بابا بيقول لتيتا أن فرحك النهاردة... صممت انزل... وجيت وشوفتك.. وانت مسك أيدها..
كمال بصدمه : وبعدين
حكمت تقف بدموع :مشفتش مشيت مقدرتش اشوفك معاها ...
كمال مسكها جامد :ليه ليه مشيتي... دا انا كنت بنتقم منهم ليكي ليه ما استنتيش... انا متجوزتيش ماهي .. واللي عمري اتجوز ت ولا هتجوز غيرك... الفرح دا كان لعبه مني عليهم.. علشان افضحهم وَانتقم منهم
حكمت بصدمه :متجوزتيش
كمال :لا متجوزتيش... (ويحط راسه على رأسها) انا قولتلك اني عمري ما هتجوز غيرك...
حكمت تمسك وشه وتبص لعينه بابتسامه وحب
حكمت :و انا كمان يا كمال متجوزتيش... وعمري ما كنت هتجوز غيرك
كمال بصدمه :متجوزتيش.. طب ليه عم علي قال أنك اتجوزتي
حكمت بدموع وفرحه :معرفش.. بس انا عمري ما كنت واللي هكون غير ليك انت
كمال بصلها بحب.. ورح ضممها بقوه وفرحه.. وفضل يلف بيها وهو وهي بيضحك بفرحه وحب ... وهنا الباب اتفتح ودخل الأربع شباب وشافوهم.. فضلوا يسقفوه ويضحكون معاهم .. كمال وحكمت بصو عليهم وهم في حضن بعض.. وبصو لبعض باستغراب وهم بيشاور على الشباب
كمال وحكمت سوأ :امال ولاد مين دول
لأربع شباب سوأ : احنا ولادكم انتم الاتنين
بقلم_ولاءيحيي
💘💘💘💘💘💘💘💘💘💘💘💘💘
التعليقات على الموضوع