قصة ❤❤

كريم قوم يلا الساعة بقت 7 هتتاخر علي شغلك..
_انا قومت اهو ي امي خلاص حضري الفطار بس هعمل حاجة واقوم اهو..

وطبعا ك عادة كل يوم لازم اكلم نورا خطيبتي...
=الو اخبار حبيبتي اية النهاردة..!
_في حد يصحي علي صوتك ي كريم ويبقي وحش
=حبيبتي...قولت اكلمك اول ما اصحي.. عاوزة حاجة!
_امممم بصراحة اها... النهاردة خطوبة صاحبتي وكل صحابي رايحين و عوزاك تبقي معايا ي حبيبي
=امممم الخطوبة دي امتي بقي..
_الساعة 5 كدة
=مش هينفع خالص انا هاجي علي 7 كدة مش مهم بقي
_معلش ي كريم لازم تيجي بجد لاني لازم فعلا اروح..
=وانا ورايا شغل ومش هاجي
_خلاص لو مش هتيجي انا هروح لوحدي..
=روحي ي نورا باي..

فضلت اعيط وحاولت اتصل ب كريم بعدها يمكن اقدر اقنعة لاكن قفل الموبايل للاسف.. في نفس الوقت لقيت (سارة) صحبتي بترن عليا
_اية ي سارة!
=هتيجي الخطوبة علي امتة كدة انتي وكريم..
_لا كريم مش جاي... وانا احتمال مجيش للاسف..
=انتي هتفضلي كدة ي بنتي فيها اية لما تيجي انتي لواحدك
_لا متعودتش اعمل حاجة من ورا كريم او تزعلة..
=انتي حرة عموما كلنا هنروح براحتك بقي
_ماشي باي..
لقيت نفسي عمالة افكر لية مروحش ذي صحابي هوة انا هفضل تحت امرة كدة لحد امتي وكأن كلام (سارة) اثر فيا وقررت اني رايحة الخطوبة... ومش مهم كريم يزعل ولا ميزعلش المهم هعمل اللي في دماغي..

كريم
قفلت الموبايل وخرجت زهقان ويدوب فطرت ولقيت احمد بينادي عليا...يلا ي كريم اتاخرنا
_نازلك اهو ي احمد

ركبنا القطر واحمد لاحظ من كلامي اني مضايق حاول اكتر من مرة يعرف وانا اقولة مفيش ي احمد
لحد ما نزلنا من القطر ووصلنا الشغل

الساعة بقت 4 الوقت اللي كل يوم ناكل فية انا و كريم مع بعض.. اتصلت بية لقيت موبايلة مقفول لاول مرة..
استغربت ونزلت من الدور الخامس لحد الدور التاني لكريم علشان اعرف فية اية...

_مالك ي كريم موبايلك مقفول لية وشكلك متغير من الصبح.. لازم اعرف بجد لاني هزعل فعلا واللة..
=مفيش قفشت انا ونورا الصبح علي حاجة تافهة..
_ايوة اية هيا بقي..!
=عاوزة تروح خطوبة واحدة صحبتها الساعة 5 ومصممة وانتا عارف اننا بنخرج من الشغل الساعة 7 رفضت وقفلت الموبايل ونزلت..
_طيب ثواني وهرجعلك..
=رايح فين بس ي احمد... ي احمد..

_يلا ي كريم انا استاذنت من المدير وفهمتة ووافق
=اية بجد ي احمد... بس حتي لو كدة مش هنلحق
الساعة 4 وربع..
_متقلقش هنلحق قطر 4 ونص

مشينا فعلا بس للاسف علي ما وصلنا لقينا القطر عدا... و القطر اللي جاي مكيف..
_ ها...نركب المكيف وخلاص ي احمد..
=ماشي
_ي خبر المحفظة بتاعتي شكلي نسيتها في الشركة من الاستعجال بتاعي..
=بس الفلوس اللي معايا مش هتكفي ي كريم واللة ..
_ما احنا لو روحنا موصلات مش هنلحق وانا خلاص لازم اروح في معادي طالما انتا استاذنت وعملت الصعب كلة اصلا
انا هقولك...تعالي نركب علي الحديد دة انا وانتا بين عربيات القطر وخلاص لحد ما نوصل
_بلاش ي كريم الحتة دي خطر جدا صدقني بلاش..
=متخافش ي احمد ربنا هيسترها..

ركبنا فعلا بين عربيات القطر وقلبنا كلة خوف وكل واحد ماسك نفسة بصعوبة..
=شوفت بقي ي احمد الموضوع مش صعب اهو وهنوصل علي خير واروح مع نورا علشان متزعلش واعملها مفاجاة
_انشاء اللة ي كريم امسك نفسك انتا بس..
=صحيح الساعة بقت كام معاك دلوقتي..
_دة وقتة ي كريم لما ننزل بس..
=استني هطلع الموبايل اشوف كدة في ثواني..
_بلاش ي كريم كلها 5 دقايق وننزل

ويدوب كريم ساب ايدة ولقيت رجلة اتزحلقت ووقع تحت القطر...
وانا ب اعلي صوتي...كريم لية كدة حرام عليك... مقدرتش ابص تحت ولا امسك نفسي من العياط ومفيش حاجة في ايدي اعملها و القطر ماشي باقصي سرعة..
واول ما نزلت كلمت نورا...

_نورا
=ايوة ي احمد
_ كريم مات ي نورا.. رجلة اتزحلقت ووقع من القطر..
=اييية انتا تعبان ولا مش عارف بتقول اية!
_ذي ما بقولك واللة..
=اية وانتوا اية ركبكم بين عربيات القطر
_علشان يلحق يجيلك ويروح معاكي الخطوبة ي نورا صعب علية زعلك ومحبش يكسر خاطرك ..
=لقيت الموبايل بيقع من ايدي ومش عارفة اية اللي بيحصلي... اذاي كريم مات... ولية علشان يروح معايا الخطوبة وميزعلنيش....
انا السبب انا اللي غبية علشان مقدرتش اللي في ايدي ومعرفتش احافظ علية...

ي نورا.... نورا..... اصحي يلا هتتاخري علي الجامعة
بصيت لماما ولسة مش مستوعبه معقول..!
_شكلك تعبانة ي نورا مالك...
=وقبل ما اروض عليها لقيت كريم بيرن عليا... وكأن روحي رجعتلي تاني بعد ما شوفت اسم كريم بيرن عليا..
مالك ي نورا انتي كويسة..!
...
_اية!.... كويسة اها... كريم
=نعم ي نورا
_عاوزة اشوفك النهاردة..
=ماشي بس لية حصل حاجة!
_هستناك الساعة 5 عوزاك بجد
=ماشي ي حبيبتي

الساعة بقت 5 نزلت فعلا وقابلت نورا
=مالك بقي ي ستي اية الموضوع اللي عوزاني فية..
_كريم انا عاوزك جنبي علي طول..
=شكلك تعبانة ي نورا فيكي حاجة متغيرة.... احكي انا جنبك ديما ومش هسيبك..

_كل اللي عاوزة اقولة اني كنت مفكرة ان لازم اللي بحبة يتبهدل ويعمل علشاني المستحيل اللي انا اصلا مش عارفة هوة اية...بس اتاكدت دلوقتي ان العبرة مش في البدايات او النهايات، العبرة انة يكون بيعرف يعمل الحاجة الصح في الوقت الصح.. انا بحبك ي كريم..

=وانا بحبك وهفضل احبك وعمري ما بطلت احبك ❤🤚

Mostafa Elgendy 📝💙