مدرسة الأموات

((((مدرسة الأموات)))

النهارده استلمت عملي الجديد ك حارس عقار ..!!
سمعني فاير صحبي وانا بتكلم مع إيمان مراتي من يومين وانا ف الشغل كنت بزعقلها وبقولها اني مش معايا فلوس ..!! سألني مالك حكيتلو وقولتلو اني هدور علي عمل إضافي خصوصاً ان شغلانتي الأساسية مبتغطيش مصاريف بيتي وانا اكيد مش هسرق يعني عشان اكل أولادي ...، بصلي بتمعن شويه وقالي ثواني كده .. رجع بعد اما خلص المكالمة وقالي سيد في شغلانه حارس عقار في اكتوبر ب 3800 جنيه ف 8 ساعات بس هيا شغلانه صعبه عليك جدا.. بصتلو وقولتلو فاير انت بتهزر ..!! دا انا باخد 2200 هنا ..!! دلني عليها بسرعه ياصديقي ؟
ابتسم وقالي بس المكان مش كويس خالص وفيها مخاطره !! .. سكت شوية وقولتله بمعني ؟ قالي ان احتمال اخاف لان المكان مرعب جدا ، يعني هتلاقي اصوات غريبة اووي جوه..! اوعي تخش ..!! اوعي تقرب من جوه خالص..، هتقدر تعمل كده..!؟؟ .. قولتله اه هقدر انا مستعد يافاير ..
بصلي وقالي خلاص براحتك هتبداء من النهاردة
الساعه 11 وهتخلص الساعه 7 صباحا  .. وفلوسك هدفعهالك مقدم مش مأخر ..!! مكنتش مصدق ، ربنا كأنه حاسس بيا وبعتلي نجده من عنده .. باليل روحت عشان استلم الشغل..، اول يوم شغل استملت من شاب شكلو كان ابن ناس كده ومش محتاج للشغل ، كان بيبصلي من فوق لتحت وهو بيكلم صاحب المكان ..!!
""ياباشا هو ده هيسد ده ضعيف لو شاف حد هيموت ؟ بس  فاير بصله وقالوا ده تبعي ومتقلقش بعيد عن شغلك نهائي ..!  وقبل م فاير يمشي قالي كالاتي ..

.
سيد اعتقد اني فهمتك وقولتلك ان المكان في حاجات مش طبيعة ، انت هتبقي لوحدك في المكان متخشش البيت نهأئي مهما تسمع متردش ، مهما تشوف اي حاجة قدامك متكلمهاش حتي ..!  متحاولش تتعامل معاهم، لولا انك صديقي وعارف اذمتك انا مكنتش عرضتك للموقف ده بس انا بحاول اساعدك ، ابتسمت وقولتله انت مش صديقي انت اكتر من اخويا وانا مقدر اللي عملتو ده جدا يافاير ..، وودعته .. وبدات اقعد في المكان المخصص ليا ، المكان بتاعي عباره عن غرفة برا خالص جمب الباب مجهزة بالاضائة وغلاية الشاي وراديو صغير ، الجو العام هادئ تماما ، المكان يعتبر صحراء وطريق اسفلت قدامي ، وكان الجو بارد جدا ..!!
.
بعد شويه بدأت اسمع تحركات جمبي ..!! وخطوات حوليا !! كان معدي جمبي شخص طويل القامة واصلع واسمر البشره ، رغم ظلام الجو بس انا شايف الحرق الموجود علي جانب وجهه الأيمن ، بمجرد م بصلي اتكلبشت مكاني وقلبي وقف وبعدها عملت نفسي مش واخد بالي منو !! .. الشخص ده دخل جوه !! وانا حسب التعليمات مليش دعوه بالاشخاص اللي بتخش جوه ... اول م عدا الباب اختفي تماما ملهوش آثر رغم اني لسا سامع صوت خطوات رجلو .. كنت سامع حاجات بتخبط جوا ، راودني احساس اني امشي خصوصا اني مش عارف مهمتي هنا ايه م الناس بتخش عادي بدون م امنعهم ..!! بعد شويه المكان جوه نور رميت نظرة عليه لقيت اكتر من شخص جوا !! انت لازم تمشي .. لازم تمشي من المكان ده ، ده كان حديث نفسي .. بس فكرت في الاولاد فكرت في معيشتي، مش اشباح اللي هتخوفني ، انا هصلي ، هصلي وهدعي ل ربنا ان كل ده يعدي علي خير ..!
.
علي الساعة الواحده بعد منتصف الليل سمعت صوت انين عالي جداً وكأن حد بينازع الموت ..!! .. كان انين قوي حد بيتألم جوه ف المنزل !! .. احساس بيراودني اني اروح اشوف في ايه بس خايف ..!! خايف ..!! وافتكرت كلام فاير،.
لما قالي ان المكان في حاجات مش طبيعية ، واني هبقا لوحدي في المكان وقالي متخشش جوه نهائي مهما تسمع متخشش ، مهما تشوف اي حاجة قدامك متكلمهاش ، متحاولش تتعامل معاهم ..،
رجعت مكاني تاني .. وعدي الوقت لحد م ابتدي شروق الشمس يظهر ..! وابتدي تيجي عربيات وناس مبينهم فاير ولمحت وراه الراجل الاسمر ، كنت بترعش في مكاني .. فاير لما شافني حس اني مش طبيعي ، قولتله ان المكان فعلا مرعب انا مكنتش بصدق في وجود الاشباح بس انا دلوقتي خوفت !! ، بصلي وقالي اعتبر ان الفلوس اللي اخدتها هدية ومتجيش تاني ياسيد ، رفضت وقولتله لا انا قضيت اليوم زي مانت قولتلي متحركتش ، بس كنت سامع اصوات غريبة جوه ..!! قالي سمعت اي ؟ قولتله انين وصوت نجدة ! وشخص طويل ومحروق ، قالي ان دي كانت مدرسة قديمة واتحولت ل بيت واصحابو عملوه مخزن والناس دي بتيجي تشيل بضاعه وتحط بضاعه وتمشي والمدرسة دي اتحرقت بالكامل ، فكل ده وارد تشوفه ودي اصوات وهمية اوعي تقرب ليها ..

.
عدا كذا يوم وكل يوم كان بيتكرر نفس الحوار ده ، لحد مسمعت صوت هز قلبي كان صوت طفل صغير بيقول بابا الحقني يابابا .. كان صوت يشبه صوت ابني تماما قومت من كرسي الغرفة ، ودخلت جواه  .. كنت شايف نفس الشخص واقف !! كان بيبصلي بعيون حادة وابتسامة مرعبة ! صوت الانين جي من اتجاه غرفة جوه خالص مضيئة ، تجاهلت الشخص ده وكنت بتقدم للغرفة ، بس هو جه وقف قدامي !! كان شكله مرعب !! .. واقفت مش قادر اتحرك ، لقيت حد حط ايده علي كتفي اتخضيت ، كان صاحب المكان وبيقولي ايه اللي جابك جوا ؟ ارتبكت شويه ... هاه اه اصل كان في كلب تقريبا كان بينبح هنا ..! .. وبصيت للشخص الطويل ، قولتله هو انت شايف الانسان ده ، قالي انسان مين ، ابتسم الراجل الطويل اكتر ، والمدير قالي اخرج ياسيد متجبش لنفسك الازعاج ..
.
تاني يوم فكرت كويس جدا وقررت اني هدخل الغرفة اللي جوا لما سمعت الاصوات دي بس لما دخلت لقيتها كانت مقفولة ..! 
رجعت تاني عشان الاقي فاير اتصل بيا عشر مرات .. قررت اتصل بي بس ملقتش معايا رصيد ..! لقيت صاحب المكان جه تاني في ساعة متاخرة يتاكد اني مدخلتش الغرفة ..! وفضل يكلمني شوية في الغرفة اللي برا .. وبعد مخلص كلامه نسي مفاتيح ! ممكن يكون مفتاح الغرفة ..!؟ مش عارف ..
بس اخدته واتاكدت انه خلاص مشي ، ومع سماع اول انين دخلت جوه كان المكان فاضي علي غير العادة ، حطيت المفتاح في الباب فتح بسهولة ، اللي شوفته كان غريب ! غرفة اضواءها ضعيفه جدا ..!! علي جدرنها دم كتير .. وكان في رؤوس ل اطفال مقطوعه ..!!
دخلت جوه وبدأت ادقق نظري شويه .، لقيت شاشة وكاميرا بتصورني ورايا !! بصيت في الشاشة ايه دا ..!! ده بث لموقع ..!!! ومكتوب هيبداء العرض الجديد دلوقت ، هناك ضحيه جديده ..!!  دققت ف الكلام شويه لقيت واحد كاتب هدفع 70 الف جنيه وتقطعو اطراف اصابعة الاول !! انا .. انا فين .. لقيت في الشاشة الشخص الطويل واقف ورايا وماسك ف ايدو سكينه كبيره !! .. بدأت الف واشوفو ملحقتش ضربني برجله في وشي وقعت !! اتوسلت لي انا مش عايز اموت !! .. كان بيربطني في الكرسي ومعاه منشار كهربي  .. المنشار كان بيقرب من ايدي ببطيء وهو بيضحك بصوت عالي جدا ، بس سمعت صوت رصاصة والشخص وقع قدامي والرصاصه ف نص دماغه ..!!
كان فاير .. فكني وفصل البث ..!!
قالي ان ده شغله هو بيجبلهم الضحيه وهما كانو هيتخلصوا مني بس هو مقدرش ..! قالي مقدرتش اسيبهم يقتلوك ..، اهرب من هنا .. وخد زوجتك وأولادك ..، اهرب من المدينة كلها ..!!
قالي انا هختفي خالص مع اني واثق انهم هيجبوني ويقتلوني دي منظمة كبيرة جدا ..!! اداني رقم تليفون وقالي اما تستقر ف مكان كلمني عليه ..!!
انا مش عارف اتصرف ولا عارف هروح فين .. بعد يومين اتصلت بي عشان وصلولي قولتله اعمل ايه انا عندي اطفال يافاير !! عندي اطفال ..!!
اداني عنوان المكان اللي هو قاعد فيه ...!!
انا دلوقتي بتفرج عليه ف البث المباشر وهو بيتقطع .. هما وعدوني .. وعدوني قالولي لو سلمته مش هيأذوني وهيسيبو اطفالي ، دلوقت فاير بيتعذب بطريقة وحشة ..!! انا اسف ، اسف يافاير كنت خايف علي أولادي ..!!