هذا هو العشق💕الحلقة الخامسه💕

الفصل ( 5 )

ايه يا جنى تكونشى هى دى الكهرباء
انا بس بطنى بتوجعنى كل ما اكون رايحه اشوفه !!
هوه الحب بييجى فى البطن و اللا ايه ؟

بس بافرح لما باشوفه اوى
والحمد لله ان البنت دى كانت مجرد زميلته فى الدفعه سنتين قبل ما تخيب و تسقط و شكله مش طايقها كمان بس ليه هوه كان مهتم اوى يقولى انها مجرد زميله هوه بان على انى انا غيرانه و اللا ايه

بس الحمد لله ما فهمتش اى حاجه برضه
يمكن اضطر بقه اخد درس عنده و خلاص
بس هوه بيشرح حلو حسيت كده يعنى من

اخلاصه بس انا كنت مشغوله بيه هوه ايديه .......زى الفنان الراجل فعلا بيبان من ايديه

و عينيه ..........ليه لما بيبصلى مش بحس انه بيبص على زى كل الناس
لا بحس انه بيبص جوايا و ما بقاش قادره احول نظرى عنه و لا حتى قادره ابص له
يمكن هوه ده الحب اللى طول عمرى اسمع عنه من غير ما اجربه ..........

بسام

مش ممكن الزفته اللى اسمها هند دى ... انا مش مصدقها حقيقى يعنى انا مشفتهاش من سنه تيجى كده زى القضا فى نفس معاد جنى هوه انا بحب جنى و لا ايه , ليه كنت خايف اوى تشوف هند عندى ....

بس هى بتغير و اللا ايه ؟ لا ما عتقدش دى بس ممكن تضايق عشان اديتها معاد و لقتنى مشغول انا حاسس انى ما عرفتش اشرح لها و لا كلمه ,متلخبط و كل ما ابص لعينيها الاقى حاجه تشدنى و اتلخبط زياده و اتوتر ليه ممكن يكون ده حب ؟؟

طب وهند كانت ايه ؟ لا يا بسام عمرك ما حبتها .
هى طول عمرها بتفرض نفسها عليك و انت
عمرك ما حسيت بيها .....

دخلت جنى الى المنزل هائمه و قبلت امها ثم رن جرس الهاتف

منال : ايه الاخبار يا جوجو

جنى :::: كنتي فين يا منال طول النهار انت مش قلتى خالد جايلك الكليه النهارده ؟

منال : لا مانا خرجت انا هوه شويه بره الكليه ناكل ايس كريم

جنى :::: خرجتي معاه ؟ فى عربيته ؟؟

منال : ايوه و فيها ايه مش زميلى

جنى ::: : بصى يا منال احنا طول عمرنا كنا فى مدراس راهبات و كنا بنات بس لكن ده مش معناه ان اول مانشوف الولاد نتهبل و ننسى نفسنا افرضى باباكى او حد من اخواتك شافك

منال : هاها من نعم ربنا علينا ان القاهره
واسعاااه ما تخافيش انتى بس ده احنا ما قعدناش ساعتين على بعض

جنى ::: : انا خايفه عليكى يا منال هما الساعتين دول شويه يعنى ربنا يسترها

منال : المهم انتى عملتى ايه النهارده مع بسام شرحلك السكشن ؟

جنى :::: ايوه و ما فهمتش حاجه دى ماده صعبه اوى ماتيجى ناخد درس

منال : اه طبعا ماناخدش ليه بكره اروحله المكتب و اطلب منه يدينا درس

جنى :: : صحيح يا منال ؟ وناخده عندى فى البيت ايه رايك

منال : طبعا يا ست هانم ما طول عمرنا بناخد عندكم يعنى حناخد فين يعنى ّ!!!

و فى اليوم التالى ذهبت منال لمكتب بسام

منال : صباح الخير يا دكتور

بسام ::: صباح النور يا انسه

منال : و الله انا كنت بس عايزه اتفق مع حضرتك على درس عشان احنا مستصعبين الماده شويه و طلبات حضرتك اوامر

بسام :: : انا مش بادى دروس يا انسه شوفى حد تانى فى القسم

منال : لييه بس يا دكتور ده حضرتك اللى بتدرسلنا فى السكشن و احسن ناخد عندك عشان يبقى الكلام واحد و بعدين ده جنى حاتزعل اوى اوى

بسام وقد لمعت عيناه : جنى ؟؟

منال : ايوه مانا وهى حاناخد مع بعض عندها فى البيت لو ما عندكش مانع

بسام ::: : وهى ما جتش معاكى ليه

منال : اصلها تعبانه النهارده و ما جتش مامتها قلقت عليها من ساعة ما اغمى عليها و خدتها للدكتور النهارده

بسام ::: : الف سلامه عليها خلاص نبدا الاسبوع الجاى يوم السبت ان شاء الله ممكن العنوان

منال : ثوانى و اكتبه لحضرتك هوه و التليفون عشان لو فيه اى تغيير . و شكرا يا دكتور الف شكر

ثم على الموبايل

منال : تمام يا فندم السبت الجاى ان شاء الله حايكون عندك فى البيت

جنى :: : وافق بسهوله كده

منال : لا مش بسهوله وافق لما عرف ان حضرتك حتاخدى معايا مش قلت لك فيه حاجه و النبى يا ريت ده الواد زى القمر يا جنى طول بعرض و بنات الكليه كلها حاتتجنن عليه و على عنيه الواسعين دول !!!

جنى :::: : و بعدين بقه يا منال فى الكلام ده باى باى بقه اشوفك بكره

صح هوه زى القمر و طول بعرض و حنين اوى ده عيط عشانى , لا و صوته , من الاخر انا باين كده بحبه
عمرى ما حسيت بحد الاحساس ده!!يبقى اكيد ده هوه الحب

معقول حاشوف جنى يوم السبت فى بيتها ! وحاديها درس كل سبت ؟ انا مش عارف البنت دى عملتلى ايه ؟ ده انا رفضت اى درس جالى قبل كده اشمعنى ده عشان جنى , انا باين بحب جنى

لا مش باين انا اكيد بحب جنى
ممكن اكلمها فى التليفون ...
بس اكلمها اقولها ايه ؟
مش مهم انا حاكلمها و خلاص

بسام ::: : الو انا دكتور بسام بادرس للانسه جنى فى الجامعه اقدر اكلمها

الشغاله : لحظه يا فندم اندهلها ..... انسه جنى د. بسام عايز حضرتك

جنى ::: : بتقولى مين .........................؟