اليتيمتان (الحلقه ١٣)💜
💗💗 (اليتيمتان)💗💗
بقلم_ولاءيحيي
البارت الثالث عشر
كمال فاق من صدمته وفضل يلف حاولين نفسه
كمال بصدمه :حكمت... حكمت... سبوني ابعدوا عني سبوني... حكمت
كمال كان بيحاول يرجع بس محمود وماهي منعوه
محمود بغضب يكتف كمال : ماهي نادي علي البودي جارد بسرعه
ماهي تجري وترجع معاها اربع رجاله طول بعرض
كمال بصريخ : ابعدوووو حكمت... حكمت
محمود بغضب : امسكوه جامد (ويطلع حقنه من جيبه... ويقرب من كمال ويدها ليه)
كمال بصريخ : انتم اللي عملتوا كده ....َانتم... انتم اللي هددتها .. حكمت حكمت
ودقيق وكان كمال هدي ونام بين ايدهم
محمود بغضب : ودوه على عربيه الإسعاف .. واطلعوا بيه على المستشفى
يشيلوا الجارد للإسعاف... ويخرج محمود وماهي وراهم... يتقابلوا مع سلوي
سلوي باستغراب : ايه اللي حصل ... شايلين كمال ليه كده
محمود بضيق : اللي كنت عامل حسابه حصل... قولتلك كمال مش هيصدق...
سلوي بغضب : مش هيصدق ازاي ده نزل ضرب في البت فوق
محمود: نزل ضرب فيه من الغيرة والغضب... من الكلام اللي انا قالته ليه... هو جي معايا علشان يثبت ليا أن انا اللي غلطان... مش شك فيها... بيضريها علشان تقول الحقيقة
سلوي بغضب : البت قالت ليه بنفسها انها بتيجي لسيف تقضي وقت معاه ....(وتبص للاسعاف للي دخلوا كمال فيها) هو مين اللي جاب الإسعاف هنا
محمود بغضب : انا خوفت يموت حد.... واللي يعمل مصيبه واللعبه تتكشف..... وساعتها هنروح كلنا في داهيه....عملت حسابي وكلمتهم..... بعد ما نزل كان عاوز يرجع يطلع فوق تاني... اديتها حقنة مهدئة
ماهي بضيق : وهنعمل ايه دلوقتي... اول ما تأثير المهد هيروح... يفوق ويجري عليها
محمود بغضب : وطبعا لو ابوها ماخرجش... هتقولوا على كل حاجه... (ويبص لسلوي) انا اتصلت بيهم علشان يخرجوا ابوها... عالله تكون خافت وميتكلمش
سلوي بابتسامة وشر: مش هيبقى ليها عين تتكلم انا خلصت منها هي كمان
محمود باستغراب وقلق : يعني ايه خلصتي منها.... انتي عملتي ايه بظبط ...(ويبصلها بغضب) عارفه لو اللعبه دي انكشفت... انتي اللي هتفتحى أبواب جهنم علينا... كمال مش هيسكت.... ومش هيفضل وقف يتفرج علينا واحنا بنلعب بيه ... ساعتها هيهد الدنيا حوالينا
سلوي تنفخ بضيق.. وسمعت أصوات البوليس جي زي ما اتفقت مع اللي بيساعدها
سلوي :يووووه.... يلا نروح المستشفى.... ونشوف لما يفوق ايه اللي هيحصل
ماهي بقلق : ولو فاق وعرف أن احنا اللي سبب...
سلوي بغضب : ساعتها هيبقى فيه تصرف تاني... يلا دلوقتي نلحق
ويروحوا للعربيات... وهم ماشين البوليس كان وصل وطالع يقبض على حكمت... فسلوي ابتسمت بشر ...
#بقلم_ولاءيحيي
💘💘💘💘💘💘💘💘💘💘💘💘💘
اول ما وصلوا المستشفى... دخلوا الاوضه اللي حطوا فيها كمال... وكانت عباره عن جناح في مبنى جديد لسه بيجهزه فالدور كله كان فاضي وتحت الإنشاء فمافيش فيه غير كمال.... فضلوا منتظرين انه يفوق ... علشان يعرفوا رد فعله... و هم قعدين تليفون محمود رن... فخرج بره الاوضه يرد
ماهي تقرب من سلوي: هاااا يا ماما قبضوا عليها هي وسيف... لقو الشريط اللي سيف مصورهولي وانا معاه
سلوي بضيق : قبضوا عليهم... بعد ما مشينا على طول...البوليس جاه بدري مش عارفه الحيوان سيف هيكون لحق يعتدي عليها ولا البوليس لحقها... ياريت يكون خلص عليها قبل ما يوصلوا .... ده اللي يخليها ماتنطقش نص كلمة ..
ماهي بقلق : طب والشريط اخدوهم ... ولا اروح انا ادور عليهم واخدهم.. انا معايا مفتاح
سلوي بغضب :تروحي فين انتي غبيه... اوعي رجلك تخطي هناك تاني... انا متفقه مع الباشا يبعتلي الشرايط اللي يلاقوه على الفيلا عندنا نبقى ندور فيهم ... المهم دلوقتي أن احنا خلصنا منهم
ماهي بشماته : انا فرحانه فيهم اوي ... خلصت من سيف والشريط اللي يهددنا بيها ... ومن الجربوعة اللي البيه فضلها عليا... (وتبص لسلوي)
انتي دماغك دي الما يا ماما ... انا مش قادره أتصور انتي خطتي ازاي لكل دا ... تتصلي بأبوها وتبعتيه لشغل مزيف.... ويتقبض عليه ويتحط ليه مخدرات... وبلغتي عنها هي والزفت سيف بوليس الآداب...اكيد دول هياخد 15سنه سجن.... ياسلام لو إعدامهم...
سلوي بابتسامة :ما قولتلك متقلقيش... هخلصك منهم كلهم في ضربه واحده ... المهم دلوقتي نشوف الزفت دا لما يفوق هيعمل ايه ... ماهو ليسمع الكلام وينفذ اللي احنا عاوزين... والا هنخلص (وتكمل بشر) وبعدها نخلص من محمود وعياله ... وكل حاجة تبقى ملكنا احنا وبس
ماهي وسلوي كانوا يتكلموا... وماخدوش بالهم أن كمال كان فاق...بس فضل عامل نفسه نايم وساكت علشان يسمع كلامهم كله ويعرف الحقيقة
كمال هنا فتح عينه بغضب : يااااا ولاد....انتم اللي ورا اللعبه الوسخه دي ... انا هموتكم يا ولاد......
ويقوم بغضب.. وسلوي وماهي اتخضوا.... وخافوا من نظرات الشر والغضب اللي في عينيه... فقاموا ولسه هيجرو علشان يهربوا ... بس كمال كان أسرع منهم ومسك... ماهي... وبدون وعي نزل فيها ضرب بغضب وغل... وسلوي وقفه بعيد بتصرخ... وحاولت تبعده عن بنتها بس كمال زقها بكل قوه وغضب فخبطها في الحيطة جامد وقعت مغمى عليها وراسها اتفتحت ...
محمود سمع صوت صريخ دخل يجري بعد ما جاب البودي جارد معاه .... لقو كمال بيخنق ماهي وهتموت في ايده ...وسلوي وقعه على الأرض وراسها مفتوحه
محمود بغضب : امسكوه بسرعه قبل ما يموتها ....
يقرب الجارد من كمال ويمسكه بقوة شديدة ومحمود جرى على ماهي يشوفها لسه عايشه ولا ماتت
الجارد يحط كمال على السرير... ويربطه فيه... ودكتور يقرب منه ويديها حقنه... كل دا وسط صريخ وغضب كمال
كمال بغضب : ابعدوا عني... هموتكم كلكم انا هموتكم كلكم... هنتقم منكم على اللي عملتوا فيها... انا هموتكم (فضل يصرخ لحد ما نام)
#بقلم_ولاءيحيي
💘💘💘💘💘💘💘💘💘💘💘💘💘
في مكتب محمود كانت سلوي فاقت ورابطت رأسها. وماهي فاقت ومركبه رقبه لرقبتها 😂😂 ومحمود فهم منهم أن كمال سمعتهم وهم بيتكلموا ... وعرف الحقيقة
محمود بغضب :اغبيه اغبيه... انتم اللي كشفتنا ووتدونا في داهية... هو كان هيفضل جوه شك ناحيتها ... لكن دلوقتي اتأكد انها بريئة لما سمع كلامكم ....... اغبيه مالقتش غير الاوضه اللي هو فيها وتتكلموا .. خلاص ما فيش عقل
سلوي تقف قدامه بغضب :ابنك لازم يدفع تمن اللي عمله فيا انا وبنتي يا محمود
لسه محمود هيرد تليفونه رن وكان المحامي
محمود بغضب : في ايه يا عصام مش قولت الراجل يخرج
وهو بيتكلم سمع صوت على بيصرخ
على : خرجوا بنتي... بنتي لو مخرجتش هوديكم في داهية... هقول لكمال على الحقيقة
محمود بغضب :هو في ايه يا عصام الراجل دا بيزعق ليه
المحامي : مش عارف يا باشا... أول ما شاف بنت نزله من البوكس فضل يزعق بيقول بنته
محمود لف وبص لسلوي بغضب :بنته نزله من البوكس.... ليه
عصام بصوت واطي :تقريبا البوليس قبض عليها هي وسيف في شقته
محمود بشر وغضب : ادخل أدى التلفون للمأمور ... وفهم الراجل اللي معاك دا... ان بنته هتخرج.. بس لو النهار طلع عليهم وهم في اسكندرية... مش هيشوفها تاني
عصام :حاضر يا باشا
محمود أمر أن حكمت تخرج وبعد ما قفل التلفون لف بغضب وبص لسلوي ....
محمود بغضب وزعيق : بتخليهم يمسكوا البت في قضيه دعاره... انت ايه غبيه مابتفكريش... مهو كمال لما يخرج هيجري يدور عليها ويخرجها ومش بعيد يدخلنا احنا مكانها.... بعد ما عرف الحقيقة بغبائك... البت دي لازم تختفي من البلد هي وأهلها يا غبيه مش تفضل في اسكندرية وهو يبقى عاروف مكانها... (ورح حدف التليفون بغضب فوقع اتكسر ) غبييييه
سلوي بغضب :ومين قالك ان ابنك هيخرج من هنا يا محمود... علشان يدور عليها ... ابنك هيتحبس هنا في القسم النفسي... وانت هترفع عليه قضية حجر ولما نكسبها هنرميه في مستشفى المجانين
محمود بصدمه : انتي اكيد جرى في مخك حاجه... انا ايوه جشع وطماع وعاوزه اخد منه المستشفى دلوقتي .. لكن دا ابني... كل حاجه هاخدها هترجع ليه في الاخر ... مش هاذيه ولا هسيبك تأذيه... انتي فاهمه
سلوي بغضب : يبقى ابنك الصغيرة مش ها تشوفوا تاني... (وتقرب منه بشر وغضب) تليفون صغير مني للمربية اللي قعده بيه في شقه المعادي .... هتختفي هي وهو وماحدش هيعرف يوصلهم.. ... او ممكن اخليها تحط ليه سم في الأكل وتختفي ويموت(محمود انصدمت انها عارفه مكان ابنه سلوي تبعد عنه بشر وغصب ) اوعي تفتكر انك ذكي وبتعرف تتصرف من ورايا... وانك لما خدته من عند الممرضة وخبيته اني ماعرفش طريقه... (وتبص ليه بشر) لاااا يا حبيبي دا انا سيبك بمزاجي.... قولت اسيبك مفكر اني معرفش... وابقى اعرفك في الوقت المناسب... (وتقرب منه بشر) لكن كل شبر في الشقه دي وكل نفس طالع من أليف بيوصلي خبر بيه... وفي ثانية ممكن اقطع له النفس
محمود بخوف وقلق :ابعدي عن أليف يا سلوي... مش هسمحلك تلمسيه
سلوي: يبقى تعمل اللي بقولك عليه.... كمال يفضل محبوس هنا في المستشفى ...والدكتور يديه مهدئات قويه فيفضل نايم ويكتب تقرير انه فقد الأهلية وانت ترفع قضيه حجر ووصيه عليه .... وتأخذ نصيبه في المستشفى .... وتكتب نص نصييه باسمي...يا كده يا أليف يموت... هاااا تختار مين فيهم
محمود بضيق وغضب : هعمل اللي أنتى عاوزها..... هرفع قضية حجر على كمال... بس بعد ما تأخذي نص الأسهم تبعدي عنه ملكيش دعوة لا بيه ولا بأليف فاهمه
سلوي باستهزاء : اطمن لما اخد أسهم ابنك... هيبقى ميلزمنيش ... اشبع بيه
بعد شهر..... ناديه كانت هتجنن لأنها مش عارفه توصل لكمال.... محمود قالها انه سافر تبع الشغل... بس هي عارفه انها بيكداب... واللي قلقها اكتر انها عمله تتصل بحكم في بيتهم بس ماحدش بيرد
ناديه بعصبيه : اكيد فيه حاجه.... كمال عمره ما يسافر من غير ما يقولي.... وحتى لو سافر كان هيتصل بيا...َويطمني عليه مش هيقعد شهر معرفش عنه حاجه..... وبعدين انا كل ما اتصل بالفيلا علشان اتأكد من الشغلين لو شافوا كمال وهو مسافر... محدش يرد... ولما سألت محمود قالي التلفون في الفيلا عطلان.... وحكمت حكمت كمان بتتصل بيها من شهر ماحدش بيرد عليا لا هي واللي حد من أهلها .. اكيد فيه حاجه
مدحت بقلق : الموضوع فعلا ميطمنش...انا لما رحت اسأل عنه في المستشفى الحكومى .... قالوا انه منقطع عن العمل بقاله شهر ومن غير أسباب .. كمال عمره ما هسيب شغله من غير ما يقولهم
مني بقلق : انتم قلقتني اوي... هيكون راح فين
ناديه بدموع : اكيد محمود عمل فيه حاجه(وتصرخ) ليكون قتله
محمد جوز مني :قتل ايه يا بنتي... ايه اللي بتقوليه دا... في حد هيقتل ابنه
مدحت : هي مش هتوصل للقتل يا ناديه.... بس هم اكيد وراء اختفائهم... ومش بعيد يكونه عرفوا انه كان بيجهز لسافره هو وحكمت... وعمله حاجه فيه علشان يمنعوه
ناديه بدموع : انا لازم اروح اسكندرية حالا... لازم اعرف اخويه فين
مني بخوف :انا كمان هروح معاكي
محمد يقف بغضب :كلنا هنروح... الظاهر جي الوقت اللي نواجه فيه محمود... انا كنت ساكت علشانك انتي وكمال... لكن يوم ما يفكر يأذى حد فيكم... هيلقيني وقف قدامه... (و يبص لمراته) روحي يا منى البس ولبسي عمران على ما اعمل كام تلفون لناس يساعدنا
ناديه تروح لحضنه بدموع : ربنا يخليك لينا يا عمي
#بقلم_ولاءيحيي
💘💘💘💘💘💘💘💘💘💘💘💘💘
اول ما وصلوا اسكندرية... روحوا للفيلا... ناديه دخلت تجري ودخل ورها محمد ومني وفي أيدها عمران ابنهم ... ومدحت وهو داخل لفت نظره أن صندوق البريد فيه جوابات كتير ... فا راح يشوفه
ناديه فضلت تخبط ماحدش فتح... فطلعت مفتاح وفتحت.. وطلعت على اوضة كمال تجري..
مني باستغراب :البيت كله فاضي ومترب...وواضح أن ماحدش من اللي شغالين بيجي هنا من مده
محمد رفع سماعة التلفون : والتلفون شغال مش عطلان واضح ان محمود... بعد الكل عن الفيلا... علشان محدش يرد على ناديه
مدحت داخل يجري : الحق يا عمي... لقيت إعلانات المحكمة دا جيه لناديه
محمد باهتمام : وريني (اول ما قرأ انصدم) دا إعلان قضيه حجر رفعها محمود على كمال... وطالبين ناديه لشهادة
ناديه نزله تجري : مسافرش... مسافرش يا خالتو... هدموه وكتبه كلها فوق.. وشنطة سافرة مكانها
مدحت يمد ليها الإعلان.. اخدته منه تقرأها وأول ما شافته انصدمت
ناديه بصدمه :حجر... عاوز يحجر على كمال
محمد بغضب :يبقى اكيد هم عارفين كمال فين... وهم اللي خطفينوه
ناديه بدموع وصريخ :اخويه اخويه(مني تأخذها في حضنها وتعيط معاها)
مدحت بضيق :هنعمل ايه يا عمي
محمد بغضب :محمود عاوز المستشفى.. ورفع القضية علشان يحط ايده عليها... هو مش طمعان في حاجه غيرها... بس هو ميعرفش بالتنازل اللي كمال عملها لناديه...ميعرفش أن كمال كاتب لناديه كل الأسهم بتاعتوه باسمها... (الكل بص لمحمد بصدم)
ناديه: كمال كاتب ليا انا الأسهم بتاعته... أمتي وليه
محمد يقعد :لما جيه في عيد ميلادك دخل ليا المكتب.. وأدنى التنازل عن الأسهم وكان مسجلة في الشهر العقاري ومخلص كل الإجراءات.. لما سألته ليه عملت كده... قالي انه ما يعرفش محمود وسلوي يخططه لايه ..فلو جرى ليه حاجه مش عاوز محمود يأخذ أملاك امكم غيرك.... وانه لو ماحصلش حاجه وسافر... فانتي الوحيدة اللي بيثق فيكي وعارف انك هتحمي مصالحوه ....
ناديه بدموع :انا مش عاوزه حاجه انا عاوزه اخويه
مني بدموع : هنعمل ايه يا محمد.. هنسيب كمال ليهم
محمد : الحل في ايد ناديه كمال محتاجها دلوقتي.... فلازم تقوى.. وتقفي قدام محمود... وتستلمي إدارة المستشفى... بما انك الشريك الأكبر فيها
مني بضيق :مستشفى ايه يا محمد تغور المستشفى احنا عاوزين كمال
محمد :ما كمال جوه المستشفى.. (الكل بص ليه باستغراب) محمود رفع قضيه حجر.. معناها انه عاوز يثبت أن كمال فاقد الأهلية ولا يستطيع إدارة أمورها... وعلشان يثبت دا لازم يكون معاه تقرير من دكتور وشاهده بتثبتوا أن كمال موجود في مصحه أو مستشفى نفسي .. وطبعا هو خايف ان موضوع القضية يتعرف علشان كده مش هيحط كمال في أي مكان لازم يكون مكان هو يقدر يتحكم في كل أموره والدكاترة ولائهم يكون ليه ... و المكان دا هو المستشفى... عشان كده بقولك مستعدة تحطي ايدك على المستشفى
ناديه تقف بغضب : مستعده
مدحت بخوف :لا يا ناديه دول ممكن يعملوا فيكي حاجه
ناديه بدموع :مش مهم انا من غير كمال اموت احسن... انا هقف قدامهم وهأنقذ اخويه
مدحت بجديه :يبقى لازم تبقى مراتي... علشان يبقالي الحق في اني ادافع عنك وقف ضد ابوكي.. (ويبص لمحمد) عاوز اكتب كتابي على ناديه يا عمي
محمد : كلنا دلوقتي لازم نرجع مصر. كمال في امان لحد قضيه الحجر ما يتحكم فيها... ودي بتاخد ست شهور لتحديد اول جلسه.... لازم كل الأمور تفضل زي ما هي وماحدش يعرف اننا عرفنا حاجه ....علي ما نخلص الإجراءات ونبقى نكتب كتابكم في مصر ...وبعدها نرجع كلنا الإسكندرية ونروح المستشفى ننقذ كمال ... ونواجه محمود
بدأ محمد ومدحت.. تخليص إجراءات.. ورفع قضيه صحة وتوقيع.. والإعلان كان بيروح لكمال على شغله في مستشفى الجامعة... ومدحت كان متفق مع عماد صديق كمال انه يستلم الإعلان....وبعد شهر ونص تم إثبات ملكية ناديه للأسهم... وإعلان امتلاكها اكتر من نص الأسهم في المستشفى... واحقيتها باستلام الإدارة
محمود قعد في مكتبه... لقى ناديه ومدحت ومحمد ومعهم رجال من الشرطة والنيابة داخلين عليه
محمود باستغراب :ناديه ... بتعملي ايه هنا ومين دول
دخلت سلوي للمكتب
سلوي بقلق : في ايه يا محمود... ايه اللي بيحصل هنا
محمود :معرفش... متردو انتم بتعملوا ايه هنا
محمد بضيق :احنا هنا علشان ننفذ قرار المحكمة بتمكين ناديه من استلم المستشفى. بما انها أكبر مساهم فيها ... وتمتلك أكتر من نص المستشفى... 20% أسهم باسمها.... و50% اشترتهم بيع وشراء من اخوها الدكتور كمال من خمس شهور بموجب عقد البيع دا.... وأخدنا عليه صحه وتوقيع ..... واخدنا قرار بتمكينها من إداره المستشفى فهي تمتلك 70% من أسهم المستشفى. وليها الاحقيه في استلام إدارتها .. والشرطة َ جي لتنفيذ قرار المحكمة
محمود وسلوي بصوا ليهم بصدمه كبيره
#بك
رجع كمال من ذكرياته على صوة التلفون.. بص لشاشة وابتسم
كمال بابتسامة :ازيك يا حبيبتي.. وازي مدحت والاولاد
#بقلم_ولاءيحيي
💘💘💘💘💘💘💘💘💘💘💘💘💘
وبليل في بيت حكمت... البنات كانوا قعدين يتكلموا
أميرة بابتسامه : انا متأكدة انه بيحبك...وانتي كمان بتحبيه
ندا :يحبني... هيحب فيه ايه... انا ماعنديش حاجه تتحب... لا أهل يحبني علشان انا بنتهم... ولا شكل
أميرة بضيق :بيحبك علشان نفسك علشان انتي ندا... ما فيش حد بيحب واحده علشان أهلها... وبعدين ماله شكلك ما انتي زي القمر
ندا تبص لها بدموع :قمر طول ما انا لبسه الطرحة... ومداريه بيها التشوه... لكن لو شيلتها وشافني... هيقدر يبص ليا ... لا طبعا ... ماحدش هيتجوز واحده مشوها
أميرة بضيق : وبعدين معاكي يا أميرة...قولنا ليكي مليون مره انتي بتظلمي نفسك.... انتي جميله والحرق مش مأثر على جمالك... وبعدين انتي مش جميله من بره وبس يا ندا... انتي جميلة من جوه ... والف واحد يتمنى يرتبط بيكي
الباب خبط.... ندا قعدة بسرعه ومسحت دموعها...
ندا: اسكتي علشان ابله حكمت مش عاوزها تعرف....مش عاوزين نزعلها ونفكرها... اتفضلي يا ابله
حكمت تفتح الباب بابتسامة :بتعملوا ايه يا قمراتي
أميرة بابتسامه : كنت بقول لندا اللي حضرتك قولتيه دلوقتي ... ان احنا قمرات.. وهي مش مصدقه (حكمت تقعد في النص) ...
حكمت بابتسامة :انا هخليها تصدق دلوقتي . تعالوا شوفوا لقيت ايه وانا في الملجأ... كنت بطلع الملفات القديمة (ومسكت صوره) دي انتي يا ندا... أول ما رحتي الملجأ... بيقوله كانوا كل ما يحاوله يصوركي تضربيهم...
أميرة وندا يضحكوا اوي على الصورة
ندا بضحك : ياخبر... بقى البلطجية اللي في الصورة دي انا.... دا انا كنت متشردة
أميرة :بضحك... شوفتي الغل اللي في عنيكي... تحسي أن اللي هيقف قدامك هيموت
حكمت بضحك :امال صورتك انتي هتقولي عليها ايه... اتفرجي
اميره بصدمه:ياااالهوي مين اللي في الصورة دي.... لاااا يا ابله دي اكيد مش انا.... لا يمكن ابدا...
وفضله يتفرجوا على الصور ويضحكوا
#بقلم_ولاءيحيي
💘💘💘💘💘💘💘💘💘💘💘💘💘
تاني يوم في المستشفى... أميرة كانت لسه وصلها ومعها دوسيه... ورحت على مكتب عماد وخبطت
عماد :ادخل... (تدخل اميره.. وهو رفع عينه شافها فابتسم) اهلا يا اميره
أميرة بابتسامة : صباح الخير يا دكتور... لو سمحت ممكن أعرض على حضرتك ملف حاله تهمني انا شخصيا
عماد باهتمام : طبعا يا أميرة... اقعدي الأول... هاااا فين الملف
أميرة :اتفضل (عماد مسك الملف وشاف الحرق والتقرير)
عماد :الإشاعات وتقرير دي قديمة... بس الواضح أن تأخير العلاج إثر على الجلد وساب إثر كبير
أميرة بقلق :يعني ما فيش امل تتعالج... والتشوه يروح أو حتى يخف ويكون شكلها مقبول
عماد :ما فيش حاجه في الطب اسمها ما فيش حل... لازم دايما تعملي اللي عليكي... و وكل يوم بظهر علاج جديد... وبنسبة للملف دا فأنا هبعت لدكتور تجميل صديقي جي مصر اول الشهر... هشوف رائيه ايه...وبلغك (ويكمل بابتسامة) ولو شاف أن نسبه النجاح كويسه... أوعدك انها تكون أول عمليه يعملها الدكتور في المستشفى
أميرة بابتسامه وفرحه :بجد يا دكتور عماد.... انا متشكره اوي اوي
عماد :العفو... بس واضح ان الحالة دي مهمه ليكي اوي
أميرة بابتسامة حزين : واحدة من أهم تلاته في حياتي... تلاته ماقدرش اعيش من غيرهم... ماما حكمت... وتيتيه فاطمه.. وندا اختي يا دكتور دي حالة اختي وتوائمتي...
عماد :اطمني يا أميرة الدكتور اللي جي شاطر جدا ودا تخصصه... وانا متأكد هيقدر يداوي الجرح دا
أميرة تقف بابتسامه :متشكره يا دكتور... انا هسيب الملف مع حضرتك... عن اذنك
وتخرج أميرة.. وهي ماشيه تفتكر حاجه
أميرة بخضه :يالهووووي كنت هنسي (وتجري بسرعه... وبعد عشر دقائق كنت يتخبط على مكتب أليف
اليف بغضب: اتفضلي (تدخل اميره ومعها كوباية قهوة) كنتي فين لدلوقي
اميره بتحاول ترسم الجدية : اسفه حضرتك انا كنت عند دكتور عماد... (وتحط القهوة قدمه) اتفضل
أليف يرفع حجبه : ايه دا
أميرة :قهوه... وانا جي جيبت لحضرتك القهوة
أليف بنص عين :قهوة!!! مين قالك اني عاوز قهوه
أميرة شالت الكوبايه تاني :اسف حضرتك...
اليف يقوم يلف حاولين المكتب... ويقف قدامها وهو يبصلها باستغراب... لقها وقفه ساكته... مد ايده اخد القهوة... وفضل يشم فيها.. ويبصلها.. وهي واقفة ثابته مبتتحركش... ورح رافع القهوة وبدأ يشرب
أليف بابتسامة :حلوه القهوة... شكلك تعلمتي الأدب بسرعه بصراحة مستغرب هدئك واستسلامك بسرعه كده ... توقعت انك هتاخده وقت اكتر ... (أليف بيتكلم ويشرب القهوة واميرة مع كل شفطه بياخدها بتبتسم اكتر .. خلاص أليف القهوة وبص لأمير لقى على وشها ابتسامة كبيره)
أليف باستغراب : معناها ايه دي
أميرة بابتسامة :هي ايه
أليف :سكوتك... والابتسامة الغريبة اللي على وشك
أميرة بضحك :ابدا بس صحيت النهارده وانا مقررة اضحك وابتسم... ومحرقش دمي... واسيب ربنا والطبيعة يأخذولي حقي
أليف بصلها اوي :مش مرتحلك .. بس لو فاكره اني بطريقتك دي ها تصعبي عليا ومش هديكي شغل كتير تبقى بتحلمي هتشتغلي وتنفذي. كل اللي هطلبوا منك.... ..هاتي الملفات دي وتعالى ورايا عشان عندنا مرور على الحالات(قام اليف مشي... واميرة تبتسم)
أميرة بخبث: تحت امرك يا دكتور
وتخرج أميرة مع أليف ويبدأ يلف على الحالات... واميرة عينها عليه ومركزه جدا وهو مستغرب... وبعد عشر دقائق... ملامح أليف بدأت تتغير... وبقي مش على بعضه... ووهم واقفين دخل عماد ونهى
عماد ونهى :صباح الخير
أميرة :صباح النور (بصو على أليف اللي ملامحه متشنجة... وعرقان ومش واقف على بعضه ومش عارف يكشف على الحالة اللي قدامه... واللي يجاوب على اسالتهم عماد قرب منه
عماد بقلق :أليف انت كويس
أليف وهو بكيتم نفسه ومش قادره :ااااه كويس( ويبص لأخت المريض... هو فيه حمام هنا)
اخت المريض باستغراب : ايوه اللي هناك دا
ومره واحده جرى أليف دخل الحمام والكل بيبص عليه... ومره واحد الكل بدأ يسمع أصوات طالعه من الحمام... وريحه وحشه جدا ... واميرة واقفه ميته من الضحك. والكل بقى يسد مناخيره... والأصوات جامده.. واليف بيتألم.....
عماد وهو سدد مناخيره :خرجوا المريض لا وضه تانية بسرعه
وخرج يجري هو ونهى... والتمريض اخذو المريض... واميره وقفهث في الاوضه عمله تضحك بصوة عالي جدا
أليف من الحمام بغضب : امييييييييييرة... هموتك
أميرة خرجت تجري بسرعه من الاوضه...
بقلم_ولاءيحيي
💘💘💘💘💘💘💘💘💘💘💘💘💘
التعليقات على الموضوع