اليتيمتان (الحلقه ١٢)💜
💗💗 (اليتيمتان)💗💗
بقلم_ولاءيحيي
البارت الثاني عشر
كمال بصدمه : براحة يا ناديه وفهميني لاني مش فاهم حاجة...ايه اللى حصل بعد ما جيتي امبارح الفيلا ...سمعتي ايه بظبط
ناديه تمسح دموعها :اول ما وصلت سمعت أصوات عاليا
#فلاش بك
محمود بصوت عالي : لا انتي اتجننتي... ابن مين دا اللي اقول انه لسه عايش
سلوي بضيق :أليف ابنك انت وامل... لازم يظهر والكل يعرف انه مامتش... ويأخذ ورثه الشرعي في ميراث امه من كمال
محمود بغضب : ابني جايه بعد 8 سنين تقولي انه ابني... مش دا اللي فضلتي تقنعيني انه مش ابني و ان أمل خانتني... مش دا اللي كنتي عاوزني اقتله أو ارميه في الشارع... وهو لسه مولود
سلوي بغضب : ابنك ولا مش ابنك...دا مايهمنيش دلوقتي اللي يهمني انه ابن امل... وليه نصيب في الأسهم اللي كانت باسمها في المستشفى... الأسهم دي لازم تكون تحت ايدنا....والا انت عجبك أن كلنا بقينا تحت رحمة كمال... وبقي بيتحكم في المستشفى... ومش عارفين نشوف شغلنا بسببوا .... الواد ده لازم يظهر... و الكل يعرف انه لسه عايش.... ويأخذ نصيبه من الأسهم من كمال.. ويبقى تحت وصيتك.... لازم يكون أكبر عدد من الأسهم في ايدنا احنا... مش في ايد كمال... لازم الإدارة ترجع في ايدنا.... زمان كمال كان سيبك انت بتدير المستشفى... وكل الأسهم تحت ايدك... لكن دلوقتي بينتقم مننا... وواقف في وشنا ... و وبنتك والزفت مدحت ابني بيساعدوا وحاطين عيون ليهم في المستشفى... ومش كده وبس دول طردوا الدكاتره اللي تابعنا وجابوا دكاترة تانين ... احنا مابقناش عرفيني نشوف شغلنا...والمنظمه بره باعتوا تهديد انهم هيشوفوا غيرنا... لازم نرجع المستشفى تحت ايدنا
محمود بغضب : شوفي اي حل تاني غير اليف ... ابعدي عن أليف خالص يا سلوي
سلوي بغضب : مافيش حل تاني...(وتسكت شويه وتبص له) هو فيه حل أن احنا نخلى حد يقتل كمال ويخلصنا منه .... وانت تورث نصيبه...
محمود بزعيق وغضب :انتي اتجننتي عاوزني أوافق انك تقتلي ابني... لا يا سلوي لحد كده و كفايه... انتي ايه شيطان جشعك دا ملوش آخر (ويكمل بحزن)بسبب جشعك واطماعك.... انا بقيت كده استغليتي الازمه اللي كنت فيها... لما جيت اطلب منك تساعديني قبل ما أشهر افلاسي.... وبدل ما تساعديني.... اقنعتيني استخدم المستشفى واشتغل في نقل الأعضاء...واستغل القسم الخيري اللي عملاه امل... واسرق الناس.... انتي هديتي بيتي وحياتي.. وخسرتيني مراتي وولادي علشان تجبريني اوافق..خليتي مراتي تموت بعد ما اتهمتها بالخيانه.... وسرقت منها ابنها... وفهمتها انه مات.. وحرقت قلبها عليه ....دا انا لولا ان كان عندي شك بسيط في كلامك كان زماني قتلت ابني وهو رضيع ...بسببك رميته لحتت ممرضه بقيت تعذبوا وتضربوا.... وانا كنت يكتفي اني باديها فلوس علشان تربيه مع عيالها.. ومسألتش عنه واللي فكرت اعرف هي بتعمل فيه ايه ولا بتعاملوا ازاي...(و يبص لها ويزعق) الممرضة فاكرتوا انه ابن حرام... فاكرتني خلفتوا من علاقه مشبوه وبقيت تعذبوا .... دا لولا اني عرفت الحقيقة لما امل ماتت وانقذته منها كان زمانه شغال خدام ليها ولعيالها (ويقف ويزعق) ابعدي عن أليف يا سلوي.... اليف هو الحاجه الوحيده اللي كويسه في حياتي... هو الوحيد في ولادي اللي بيحبني.. مش هسيبك تخليه يعرف الحقيقة ويكرهني ... كفاية كمال وناديه اللي بقوا شايفني عدو ليهم.... دا لولا خوفهم من ربنا كانوا سجنوني بعد اللي عملته في كمال وبعد اللي اكتشفوه من مخالفات وجرائم في المستشفى... لكن كمال اختار انه يسحب مني الإدارة ويسبب البلد كلها ويبعد عني ... وناديه بنتي مابطتقش تبص في وشي...دي رفضت اني امسك أيدها وهى عروسة ووصلها لعريسها.... ناديه بتيجي تزورني كل سنه.. وبردوا خوف من ربنا... وعلشان وصية امهم
سلوي بغضب : وصية امهم.... امها ماكنتش بتوصيهم عليك محمود...ما تبقاش غبي زي اولادك... متصدقش الكذبه اللي انا وانت كدبنها ... شكلك نسيت الحقيقة ومحتاج انك تسمع علشان تفتكر (ورحت حطت شريط في الكاست
#بقلم_ولاءيحيي
💘💘💘💘💘💘💘💘💘💘💘💘
امل بعياط : انت بتقول ايه... ابني انا لسه عايش مامتش... ازاي انت قولت ليا من سنتين انه مات... ولما هو عايش هو فين... ليه اخدته من حضني وحرقت قلبي عليه... انت اكيد بتكدب.. ايوة بتكدب علشان اكتبلك المستشفى... مهو مش معقول تكون خطفت ابنك
محمود بزعيق : متقولش ابني... دا مش ابني.. انتي من سنين منعه نفسك عني ورفضه اني المسك ... ومتقوليش اغتصبتك واخدتك غصب وانا سكران... كان ممكن تصوتي وتخلي كمال يلحقك وتمنعيني أقرب ليكي ...لكن انتي خونتيني وألفتى القصه دي وكدبتي علشان تداري على خيانتك... خونتيني علشان تنتقمي مني علشان خونتك ... وهو انا اللي انتقمت منك.... خطفت ابنك واديتوا لوحده بتعذبوا بنتقم منك فيه وحرقت قلبك علىه ... خاليتك فكرتي انه مات وهو عايش.... عايش ومش هتعرفي طريقه غير لو كتبتي لي نصيبك في المستشفى.. وقتها ابقى خدي ابنك وقولي لناس مين ابوه الحقيقي ..لان انا هقول للناس الحقيقه...هعرف الكل أن الواد دا مش ابني وانك خاين خاينه يأمل .. وابقى وريني هتعيشى ازاي وسط الناس وهتقولي لولادك ايه
امل بصريخ ودموع : انت مجنون مجنون انا عمري ما خونتك... الولد دا ابنك والله ابنك ...انتي اللي اتهجمت عليا واخدتني بالعافيه وانا يومها مصرختش عشان كمال وناديه مايشوف امهم وابوهم في المنظر دا ... انا حاولت امنعك بس ماقدرتش ..انا يومها فضلت اعيط و ترجي فيك انك تسيبني...بس ماقدرتش اصرخ علشان ولادي ميتصدموش فيك ... انا عمري ما خونتك يا محمود ... والله ما خونتك...محمود اللي ولد ابنك... لو عايش بجد قولي هو فين ... محمود ارجوك متعملتش فيا كده وقولي الحقيقة... ابني عايش ولا مات
محمود بشر : عايش عايش يا امل ... وسميته أليف زي ما كنتي عاوزه... بس مش هتعرفي مكانه يا امل... مش هقولك مكانه... لو عاوزها اكتبي نصيبك في المستشفى بأسمى...وانا هقولك ساعتها مكانه... بس مش هقبل انك تنسبيه ليا... وخيانتك الكل هيعرفها... قدامك لصبح وتردي عليا ( وقفل السكه)
امل بصريخ وصدمه : استنى محمود محمود... ابني فين... انا ماخونتكش والله ما خونتك... انت اللي خاين.. انت اللي خاين وكداب... طول عمرك بتخوني.. خاين... (وتروح تفتح درج وتطلع صور وتحدفها على الأرض ) كل الصور دي لخيانتك.... كل دول خيانتك... انت اللي خاين يا محمود انت اللي خاين.. (وبدات امل تفقد الوعي ووقعت على الأرض وسط الصور.. وبعدها بثواني فتح كمال وناديه الباب وجريوا عليها)
كمال وناديه بخوف :ماما ماما.. ماما فوقي مالك
امل بتعب : رجعوا.. اوعو تسيبوه لوحده... لازم ترجعوه يعيش معاكم...اوعدني... ياكمال اوعدني اوعي تسيبه.. وقوله اني بحبه اوي
وماتت امل بين أيدينا ولادها.. (ونرجع لناديه اللي بتحكي لكمال)
#بقلم_ولاءيحيي
💘💘💘💘💘💘💘💘💘💘💘💘💘
ناديه بدموع : وقعت على الأرض اول ما سمعته... رجلي مشلتنيش... ماقدرتش أصدق اني سامعه الوجع اللي في صوتها.... سمعته وافتكرت كل حاجه زي ما تكون النهارده.... افتكرت لما رجعنا وسمعناها وهي بتصرخ... وبتقول انت اللي خاين طول عمرك بتخوني... شوفتها وهي بتموت تاني بين ايدنا ... ماحسيتش بنفسي... اغمى عليا... ولما فوقت كانوا مشيوا... فخرجت بسرعه قبل ما يرجعوا البيت... خرجت قبل ما يشوفوني ... وجيت لخالته... واتصلت بيك...انا هربت من الفيلا خوفت... يعرفوا اني عرفت ويقتلني (وتحط أيدها على بطنها) ويقتل بنتي... بس هربت قبل ما اعرف اخويا فين... اغمى عليا قبل ما اسمع واعرف منهم هو فين.. .. اخونا عايش يا كمال عايش عنده دلوقتي 10سنين واحنا مانعرفش عنه حاجة مانعرفش انه عايش مانعرفش مكانه.... ماما مش هتسامحني يا كمال مش هتسامحني... ماما كانت بتوصينا علي اخونا على أليف يا كمال اخونا الصغير ..(وقامت وقفت و بتكلم بهستريا وانهيار وصريخ ) . انا اصلا ماكنتش مصدقه انها بتوصينا على محمود... قولت ازاي توصينا عليه بعد كل اللي عمله فيها... (وتبص لكمال بانهيار) احنا ازاي فكرنا انها بتتكلم عن محمود .... محمود خاين خاين... خاين وقتل هو اللي قتل ماما .... قتلها... وخطف اخونا اخونا يا كمال (قالت ناديه كلامها ووقعت على الأرض مغمى عليها... )
كمال بصريخ : ناديه.. ناديه فوقي يا ناديه
(اتفتح باب الشقة.. ودخلت خالتهم وابنها الصغير عمران ... شافوا ناديه وقعه على الأرض وكمال جمبها.. جريت عليهم )
مني : ناديه... مالها يا كمال... هي فيها ايه من إمبارح حصل لها ايه
كمال بخوف : بسرعه يا خالتو اتصلي بالمستشفى.. ناديه بتنزف (تقوم مني تجري على التلفون)
عمران بخوف : ابله ناديه...اصحى يا ابله ناديه
#بك
يرن التليفون.. ويرجع كمال للواقع على صوته ويروح يرد.. وهو ماسك صورة أليف
كمال : Yea
OK ... I'll come now ...
Equip the operating rooms
يقفل التلفون ويحط الصورة.. مكانها.. وينزل
#بقلم_ولاءيحيي
💘💘💘💘💘💘💘💘💘💘💘💘💘
وفي بيت حكمت
حكمت وفاطمة والبنات قعدين سوا
فاطمة بابتسامه : النهارده يا ندا جالي يجي 5 ستات عاوزينك
ندا باستغراب :عاوزين انا ... مين دول يا تيتا.. وعاوزين ايه
فاطمة بضحك : عاوزينك تعملي ليهم فساتين لافرحهم... لا وايه كل واحده فيهم... رحت اشترت فستان قديم بسعر رخيص... وجايه عاوزاكي تغييره ليها وتعملي منه فستان جديد ...وهيدوكي اللي انتي عاوزه .. بس تكوني حنينه عليهم في السعر
حكمت باستغراب : يعني عاوزين يدفعوا فلوس... طب ما يشتروا فساتين جديد... أو يأجروا.. طالما هيدفعوا
فاطمة بضحك : طلعتي خايبه زي ستك يا حكمت... انا كمان قولتلهم كده.. بس طلعوا ناس واعيه.. اشتروا الفستان القديم ب 200 ج.. وقالوا ندا ممكن تاخد على تفصيل الفستان الواحد 1000ج
أميرة باستغراب :1000ج في الفستان تفصيل... حلو اوي .. بس ما كده هيدفعو 1200... تمن إيجار فستان... هيوفرو ايه
فاطمة بابتسامة : هيوفروا كتير.. وهيستفيدوا كمان... هما لو أجروا هيأجروا بأغلى من كده بكتير... ولو جابوا الفستان بسعر دا مش هيبقى حلو... ومش هيبقى بتاعهم... وهيبقي اتلبس قبلهم كتير
لكن لما ندا تعملهم الفستان هيبقى زي الجديد اتعمل لهم مخصوص ومحدش لبسه قبلهم... وبعد الفرح هيستفيدوا انهم هيأجروه... أو يبعوه ويرجعوا فلوسهم... وممكن يكسبوا فيه كمان
ندا بابتسامة : فكره حلوه جدا... والله برافو عليهم... (وتفكر شويه) المشروع دا لو اتعمل... هينجح وناس كتير هتستفيد
أميرة بضحك : اااه وانتي تاخذي على الفستان الواحد 1000ج...وتغتني بقى ومحدش يقدر يكلمك.. طيب ايه هتعملي ليهم فساتين
ندا ببتسامة : ياريت عارفه لو عندي مكان.. كنت عملت مشغل... وجيبت بنات وستات يشتغلوا فيه... وجيبت كمان البنات اللي بيخرجوا من الملجأ...يشتغلوا بدل ما يخرجوا ويضيعوا أو حد يستغلهم وهما لوحدهم... وكنا اشتغلنا... وممكن بعد كده نكبر ونفتح محل لينا... ونبيع احنا الفساتين بأسعار مخفضة لناس... والمشغل ممكن يبقى مصنع ويشتغل فيه ناس اكتر
أميرة بضحك : ايه يا بنتي حيلك حيلك... انتي بتحلمي
ندا بضحك : ياشيخه انتي حتى الحلم وقفلي فيه... ما تسبيني احلم
حكمت بابتسامة : أحلمي بس الأهم انك تحققي أحلامك... وانتي حلمك دا سهل يتحقق
ندا باستغراب : سهل ازاي يا ابله
حكمت تعقد جمبها : انت عاوزه مكان للمشغل ... والمكان موجود... محل بابا اللي تحت بدل ما هو مقفول كده نفتحوا... وعندنا ماكينه تيتا... وممكن نجيب تلاته اربع ماكينات كمان بالقسط.. على المرتب بتاعي... ومن المكسب نسدد تمنهم... والبنات اللي هيشتغلوا كتير ومش لقيين مكان ولا شغل... (وتبص لندا) المهم انتي هتقدري توفقي بين الدراسة والتصميم... وانك تعلمي البنات وتعريفهم هيعملوا ايه
ندا بفرحه : اقدر يا ابله
فاطمة بابتسامة : والله فكره حلوه... وانا هساعدها بدل ما انا بقعد لوحدي طول اليوم استناكم ترجعوا امسك انا إدارة المشغل والاتفاق مع الناس... وهو اساعد ندا عشان كليتها
أميرة بضحك : وتبقى سيده اعمال يا تيتا... ونحطلك مكتب في النص وخزنه جمبك...تحطي فيها الفلوس.... الله فكره حلوه وانا موافقه
حكمت بضحك : وانتي مالك اصلا... هتشتغلي معاهم
اميرة: طبعا يا ابله.... هشتغل أهم شغل هشجعكم وادعي ليكم... هو حضرتك فكره ان من غير تشجيعي ليكم... ودعواتي هتنجحوا... طبعا لا
الكل يضحك واتفقوا انهم هيبدوأ في تجهيز المشروع
#بقلم_ولاءيحيي
💘💘💘💘💘💘💘💘💘💘💘💘💘
وتاني يوم في المستشفى... كل استف التعليمي متجمعين ومستنين الدكاترة علشان كل واحد يعرف هيدرب الشهر دا مع مين... داخل دكتور عماد ومعاه الدكاترة ومن ضمنهم أليف... اللي ماشي بثقه والكل بيبص عليه
دكتوره نانسي بوشوشه : حلو اوي الدكتور الجديد دا... يارب يختارني معاه
أميرة بتبص ليه بغيظ : ايه اللي حلوه فيه دا دمه يلطش... ومغرور
دكتور عماد بإبتسامه: ازيكم يا شباب
المتدربين كلهم : بخير يا دكتور
عماد : النهاردة هنبدأ تدريب في الأقسام ... وهنوزع كل واحد منكم مع دكتور... وطبعا مش لازم افكركم أن التقرير اللي هيقدمها الدكتور عن المساعد اللي معاه هتفرق كتير في وجوده معنا في التدريب في المستشفى التعليمي....يعني لازم
وقبل ما يكمل الكل قال بصوة واحد : لازم ننفذ تعليمات الدكتور اللي بيطلبها تنفيذ دقيق (الكل يضحك)
عماد بضحك : تمام حافظين برافو ..... يلا نبدأ نوزع علشان كله يروح لشغله ( وبدأ عماد يقول اسامي الطالبة واسم الدكتور اللي هيكون معاه...)
عماد : دكتور أليف قسم الجراحة هيكون معاه(وقبل ما يكمل يقطعوا اليف)
أليف بابتسامة وتحدي : دكتورة اميره (ويبص لعماد اللي استغرب) بعد اذنك طبعا يا دكتور عماد
أميرة كانت قعده واتصدمت لما قال اسمها وبصت لعماد ومستنيه ينقذها ويرفض
عماد بابتسامه : اااه... ما فيش مشكله... دكتورة أميرة انتي مساعدة دكتور أليف
أميرة تقف بضيق ورفض : لا مش عاوزه (الكل بص لاميره باستغراب ) لو سمحت يا دكتور عماد انا حابه اكون مساعدة لحضرتك
عماد : انتي كنتي معايا الشهر اللي فات يا أميرة... نانسي هي اللي هتبقي مساعدة ليا الشهر دا
اميره : طيب اروح مع دكتورة نهى...
أليف بسرعه : واضح ان الطالبة بتوعك مدلعين اوي يا دكتور عماد... ومن أولها بيرفضوا تنفيذ التعليمات (ويبص لاميرة بتحديد) وشكلها الدكتورة أميرة مش حابه انها تفضل في الاستف التعليمي للمستشفى
نهى بسرعة : لا يا دكتور أليف اكيد أميرة ماتقصدش... هي بس قسم الجراحه صعب عليه هي لسه في سنه اولى
أليف : ماظنش أن بيفرق هنا في المستشفى يا دكتوره نهى... المتدرب في سنه أولى أو 6... هما جايين هنا يتعلموا..... ولا ايه رائيك يا دكتور عماد
عماد بيحاول يكتم ضحكته : اكيد يا دكتور... (ويبص لاميرة) دكتورة أميرة... انتي مساعدة لدكتور أليف الشهر دا
أميرة باعتراض : يا دكتور
عماد بجديه : دكتورة اميره
أميرة بزعل : حاضر يا دكتور
أليف بابتسامة نصر : تعالى ورايا... (ويمشي وأميرةتروح وره وهي بتبرطم وتتوعد ... وعماد ونهى بيبصوا عليهم)
نهى بصوت واطي : هما مالهم
عماد بضحك : مش طايقين بعض... يارب بس ما يولعوا في المستشفى
نهى : طب ليه وافقت يبقوا سوا
عماد بابتسامة : شكلهم مع بعض بيفكرني... بأيام الجامعه (ويبص لنهي بحب ) كان فيه اتنين هما كمان مش طايقين بعض في الأول وهيولعه في بعض ... وبعد كده بقوا اصحاب... او عاملوا نفسهم أصحاب... وفضل كل واحد فيهم مستني التاني يكلم لحد ما القدر فرقهم ....وسابته واتجوزت.... وهو هرب لبعيد وحاول ينساها..... ولما فقد الأمل انه ينساها.... رجع... بس القدر حب يصالحوا ورجعها ليه من تاني لطريقة .... بس شكلهم متعلموش من اللي فات ولسه ساكتين ومش بيتكلموا.... قولت يمكن لما يشوف شجاعه أليف... يتشجع انه يتكلم... وكفاية اللي ضاع من عمرهم
نهى ابتسامة بكسوف وبصت ليه : ياريت فعلا ياخد الشجاعه من أليف .... (وتقرب منه وبصوت واطي) احسن هي فاض بيها... وهتصرخ وتسمع الدنيا كلها... وهي بتقول له بحبك.... افهم بقى (وتبص له بابتسامه) اانا هروح اشوف العياده
وتمشي نهى بسرعه... بعد ما رفعت لعماد ضربات القلب...و فضل يبص عليها ويفتكر اللي قالتوا...وفاق على الأصوات اللي حواليه وابتسم بفرحه... وراح وراها
#بقلم_ولاءيحيي
💘💘💘💘💘💘💘💘💘💘💘💘💘
أليف راح مكتبه .. واميرة وراه بضيق وغيظ ... راح قعد على الكرسي... ورفع رجله على مكتبه
أليف بابتسامه : والله ووقعتي تحت ايدي... وعلى الله اطلب طلب ومايتنفذش.....ساعتها بقى.... هوصلك لباب المستشفى بنفسي... واقولك باااااي باااااي.... واجيب قلة وقوم ماسكها.... وهووووب حدفها على رأسك (ويتنهد براحه) "وساعتها اكون نفذت رسالتي وخلصت منك
أميرة واقفه بغيظ ولسه هتتكلم وتزعق... بس سكتت
أميرة بتبص له بغيظ وتقول لنفسها : هنشوف مين فينا اللي هيوصل التاني لباب المستشفى... أم رجعتك مترح ما جيت... مبقاش أميرة(وتبتسم بشر)
أليف بصلها وهو مستغرب سكوتها ... مع ان في ابتسامة على وشها
أليف : انتي ساكته ليه... وايه اللي الابتسامه الل على وشك دي معناها ايه
أميرة بهدوء وابتسامة : مستنيا أوامر حضرتك يا دكتور... اتفضل تحت امرك
أليف بصله بشك وقلق... وحس انها بتخطط لحاجه
أليف : مش مرتاح لادب دا... بس هنشوف ناويه على ايه.... دلوقتي عاوزك تنزلي تحت.... تجيبي ليا ملفات الحالات إلى في قسم الجراحه كله... و تروحي القسم الخير في المبنى التاني وتجيبي الملفات الحالات اللي عندهم هم كمان.... ( ويبص في ساعته) الساعة 9 دلوقتي... 9 وربع تكوني قدامي بملفات... أي تأخير هكتب في التقرير... انك تقاعستي في أداء مهماتك
أميرة بصدمه : ربع ساعة... اجيب فيها ملفات من هنا ومن المبنى الخير... دا على ما يطلعوا ليا الملفات... هيكون فات اكتر من ربع ساعة
أليف وهو بيبص لساعه : فاضل 13 دقيقة (أميرة لسه هتكلم)
12دقيقه..
أميرة بصت ليه بغيظ... وراحت خارجه جرى من المكتب.... وهو قعد يضحك
#بقلم_ولاءيحيي
💘💘💘💘💘💘💘💘💘💘💘💘💘
وعند ندا كانت قاعده في الكافتريا وبتقرا في كتاب .... دخل عمران وشافها... فأبتسم واقرب منها
عمران بابتسامة : ازيك يا ندا
ندا بكسفوف : الحمد الله يا دكتور
عمران يقعد معاها على التربيزه من غير ما يديها فرصه تعترض
عمران بابتسامة : عرفت انك سالتي عليا... لما كنت في المحاضرة (ويطلع الموبايل من جيبه) اكيد كنتي عاوزه الموبايل
ندا بارتباك : ايوه.... متشكره لحضرتك يا دكتور
عمران بابتسامة : العفو. (ويبص للكتاب اللي في أيدها ويتكلم بسرعه... علشان ميدهاش فرصه تقوم مسك الكتاب اللي معاها ) بتقري ايه....
ندا بارتباك وكسوف : دي رواية
عمران بابتسامة : الفضيلة ... للكاتب مصطفى لطفي المنفلوطي( ويبص لندا) كتاب جميل انا قراتها... انتي قريتي لحد فين فيه
ندا بابتسامة : وصلت لنصه تقريبا
عمران : الروايا جميل... مصطفى المنفلوطي ترجمها وصيغها بأسلوبه... بس انا فضلتها لما قريتها للكاتب الأصلي... المنفلوطي أصله استخدم كلامة للوصف تقيله ومعقده وزود في الوصف لدرجه اني أوقات كنت بحس بالملل....
ندا بابتسامة : انا كمان ساعات بضايق من كتر وصفه... بس القصه في العموم جميله بتتكلم عن أخلاق بقيت مفقوده في مجتمعنا
قدر عمران انه يجذب ندا للكلام معاه... ونسيت كسوفها وارتباكها.. وفضله كتير يتكلموا ويتناقشوا ويضحكوا
#بقلم_ولاءيحيي
💘💘💘💘💘💘💘💘💘💘💘💘💘
ونرجع للمستشفى : وبعد ساعتين ... كانت ندا بتجري ومعاها ملفات كتير .... ودي كانت خامس مره أليف يبعتها تجيب ملفات ... بعد ما قدرت المره الأول توصل بعد ربع ساعه... ودا كان بمساعدة زميل لها اللي ساعدها وجاب لها الملفات من الجناح الخيري... وقدام مكتب أليف... اللي اتفاجا بيها قدامه بعد ربع ساعة... ودا غاظه وقرر ينتقم ...أميرة تدخل المكتب وهي بتنهج... وتحط الملفات قدامه
أميرة بتعب : الملفات... اللي في قسم الأطفال
أليف يبص ليها بابتسامه : مالك كده مش قادره تاخذي نفسك... انتي تعبتي
أميرة بتنهج : لا ماتعبتش
أليف : كويس دلوقتي هتروحي ( ولسه هيكمل الباب اتفتح ودخل عماد... فاليف وقف )
أليف : اهلا يادكتور
عماد يبص لأميرة بابتسامه : أميرة ممكن تسيبينا لوحدنا شويه...روحي ارتاحي
أميرة بابتسامة وفرحه : . متشكره يا دكتور عماد ربنا يخليك الغلابة
وتخرج بسرعه قبل ما أليف اللي يعترض
عماد يقعد قدامه: مش معنى اني وافقت انها تكون مساعدة ليك... انك تجريها طول اليوم بين أقسام المستشفى.... خف عليها بدل ما انقلها
أليف بابتسامة : هي جتلك واشتكت ليك
كمال : لا هي ماجتش ولا اشتكت بس المستشفى كلها... ملهاش سيرة غير الدكتور الجديد المفتري اللي بيعذب المساعدة بتاعته... والكل بيدعي انه ميشتغلش تحت ايده
أليف يضحك اوي : مش للدرجادى... دا انا لسه بتعرف على قدرت تحملها
عماد يقف ويبتسم : خف احسن اوريك انا قوت تحملي
أليف بضحك : لا ابوس ايدك انا ماصدقت اهرب من الدك الكبير... (ويرفع ايده باستلام) هنعفوا عنها يا دكتور وهنخفف الجري شويه
عماد يضحك ويخرج ويسيبوا... اليف قعد شويه مستني أميرة ترجع.. بس مارجعتش فخرج يشوفها... لقاها قعده وفي واحد واقف قدامها وهي بتكلم معاه
سالم : خدي يا أميرة جيبتلك فطار ومايا .. اكيد معرفتيش لا تاكلي واللي تشربي (أميرة مسكت المايه شربتها كلها)
أميرة بتعب : اه والله يا سالم... من الصبح هموت من الجوع... بس خلاص حرمت اخرج من بيتنا من غير مااكل... هسمع كلام تيتا وهخلص اكلي كله عشان اقدر اكسب الماراثون
أليف قرب منهم وبص لسالم بضيق
أليف : انت مين
سالم بارتباك : ااانا سالم... زميل أميرة
أليف : وبتعمل ايه هنا... انت مع دكتور مين
سالم : دكتور محمد بتاع العظام
أليف : على عيادة العظام... وآخر مره اشوفك بره القسم بتاعك
سالم بخوف : حاضر ( ومشى بسرعه.. من قدامه.. واليف يلف بيبص لاميرة لقاها ماسكه ساندويتش وبتقربه من بها وهتاكل... فمسكوا من أيدها
أليف : حيلك حيلك... انتي بتعملي ايه
اميره زي ما تكون هتعيط: جعانه هاكل
أليف : روحي هاتي الملف اللي على مكتبي الأول
أميرة بغيظ :وانت مجبتوش ليه ما انت لسه خارج من المكتب
أليف : نعم بتقولي ايه مش سامع
أميرة تضرب في الأرض بغيظ : بقول حاضر
ومشيت من قدامه وهي تتضرب برجله في الأرض ... وهو بيبص عليها وبيضحك... ويبص جمبه شاف ساندويتش الطعميه
أليف بجوع : انا كمان جعان اوي... الطعميه ريحتها حلوه اوي
.. مسك الساندوتش..... وراح اكله... وبعد شويه أميرة رجعت بالملف
أميرة بغيظ : الملف
أليف وهو يبلع آخر قطمه في الساندوتش : اوكي... (واخد الملف ومشى من غير ما يكلم.. اميره ابتسمت وتبص على الساندوتش
أميرة بزعيق :السندويتش راح فين
أليف يبص ليها بابتسامه : اكلتها... كان حلو اوي... محتاج بقى كوباية قهوه علشان اهضم ... هاتيها وحصليني على المكتب بسرعه
ويمشي وهو بيضحك... واميرة وقفت هطق ومتغاظه ... وعماله تخبط في الارض والمكتب
أميرة بغيظ : يارب يجيلك تسمم... يارب تموت... يارب يجيلك اسهال وتتفضح قدام الناس...(وتسكت شويه وتفكر وبعدها تبتسم بشر) اسهال...هو دا هيهبهيهيهي
#بقلم_ولاءيحيي
💘💘💘💘💘💘💘💘💘💘💘💘💘
عماد كان بيكلم كمال في التليفون... وبعد ما عرف أخبار المستشفى..
كمال : قولي أليف عمل ايه
عماد بضحك : بيحب
كمال باستغراب : بيحب...هو لحق دا لسه واصل من يومين
عماد بضحك : وقع من اول حادثة
كمال باستغراب :حادثة... حادثة ايه
عماد : خبط بنت من المتدربين عندنا... (وبدأ عماد يحكي لكمال) بس يا سيدي ومن ساعتها وهو مبهدل البنت... بس من خلال ماعرفتي باليف هو مابيجرش شكل حد غير اللي بيعلم في قلبه
كمال بابتسامة : الظاهر ان قرار رجوعي جاي في وقته .. علشان الحق أنقذ البنت من تحت ايده... بس اوعي حد يعرف اني راجع
عماد بابتسامة : متقلقش ... مستنيك يا صاحبي
وقفل كمال مع عماد... وافتكر كلمته (خبطها فحبها من اول حادثه ..) فتنهد ....
كمال بشوق : وحشتيني يا حكمت... ياترى انتي فين... ياترى مبسوطه مع جوزك... خلفتي... بتفكري فيا.. واللي كرهتني وفاكره اني اتخليت عنك...
ويسرح ويرجع بذاكره
#فلاش_بك
ماهي تقرب وتمثل الغضب : اخرسي بقى اخرسي... واحده رخيصه... امشي يا كمال... امشي دي متستهلش... انك تزعل عشانها امشي يا كمال. (وتشد كمال اللي ماشي هو مش في واعيه من الصدمه وشه احمر وعينه مبرقه... ماهي بصه لحكمت) تفووووو عليكي.... واحده واطيه رخيصه
حكمت بصريخ ودموع تزقهم :اطلعوا بره بره.... اطلعوا بره ... ماهي خدت كمال وهو مصدوم وماشي مش حاسس واللي شايف.. نزلت بيه في الاسانسير... وخرجت وهي ماسكه وهو مش حاسس بحاجه... محمود يقرب منهم
محمود بقلق :ايه اللي حصل.. كمال.. كمال..... (وبدأ يهز فيه بقوه لحد ما كمال فاق.. ورجع للواقع وفضل يبص حواليه)
كمال بصريخ :حكمت... حكمت...(كمال بيحاول يرجع الاسانسير... ويطلع لحكمت بس محمود وقف قدامه هو وماهي وبيمنعوه) سبوني... ابعدوا عني .... حكمت... حكمت
محمود بغضب : رايح فين... انسى البت دي... يلا امشي معانا
كمال بغضب وبيزوقه بقوه :ابعد من وشي... ابعدوا
محمود بغضب يكتف كمال :ماهي نادي علي الجارد بسرعه
ماهي تجري وترجع ومعاها اربع رجاله طول بعرض
كمال بصريخ : ابعدوووو حكمت... حكمت
محمود بغضب : امسكوه جامد (ويطلع حقنه من جيبه... ويقرب من كمال ويدها ليه)
كمال بصريخ : انتم اللي عملتوا.... كده صح ... انتم .. حكمت... حكمت
قرب محمود وداه الحقنه ودقيقه و كمال كان هدى ونام
محمود بغضب : خدوه على الإسعاف .. واطلعوا بيه على المستشفى
ونكمل بكرا... ونعرف ايه اللي حصل
بقلم_ولاءيحيي
التعليقات على الموضوع