اليتيمتان (الحلقه ١٤)💜
💗💗 (اليتمتان)💗💗
بقلم_ولاءيحيي
البارت الرابع عشر
في بيت حكمت اميرة قعده مع ندا وبتحكي ليها على اللي عملته في أليف
أميرة بضحك شديد : وفضل طول اليوم بيجري على حمامات المستشفى... ويصرخ ويقول هموتك يا أميرة
ندا بضحك :يخرب عقلك يا أميرة... دا مش هيسكت على عملتيه دا
أميرة بضحك :يعمل اللي يعملوا المهم اخدت حقي... وكل ما هيعمل حاجه هردها ليه.. (وتبتسم) بس بجد صعب عليا
ندا تبص لها اوي : ياسلام بقي بعد كل اللي عملتيه دا وتقولي صعب عليكي
أميرة تنام على بطنها وتبص لها : اللي بنعمل في بعض مدى جوي في المستشفى مختلف مش روتيني.. كل يوم وانا راحه بسأل نفسي ايه المقلب اللي ناوي يعمله النهارده وانا هردها ازاي... غير اني بتعلم منه.. ومبهوره بيه كدكتور.... لأنه دكتور شاطر جدا... (وتحط أيدها على خدها وتتنهد ) غير أن شكله حلو اوي... وعينه تجنن
ندا :ياسلام ياسلام ايه دا كله... وتقولي مش طايقه... اعترفي بسرعه في ايه
أميرة بارتباك :هاااا ما فيش حاجه عادي... ااااه صحيح نسيت اقولك... انا اخدت التقرير بتعتك القديمة اللي كانت في الدولاب...
ندا :اخدتيها ليه
أميرة بابتسامة : اديتها لدكتور عماد... وقالي أن فيه دكتور كبير اوي جي المستشفى اول الشهر وهيعرضها عليه... وأنك ممكن تكوني اول عمليه يعملها الدكتور في المستشفى بعد ما يشوف الملف وبيقول إن فيه امل الجرح يتعالج أو يخف ومايبقاش له أثر
ندا بابتسامه حزينة :حتى لو فيه امل... انتي عارفة العمليات دي بتكلف قد ايه وفي مستشفى استثماري زي اللي بتشتغلي فيها وكمان دكتور جي من بره ... هنجيب لدا كله منين... انسى يا أميرة.. ولو سمحتي متكلميش في الموضوع دا قدم ابله حكمت أو تيتا...هم مش ناقصنا... كفاية المشغل اللي عاوزين نفتحوا ومش عارفين نكمل فلوسه.. وهم قعدين طول اليوم بره يحسبها ويشوفه هيكملها منين
أميرة بابتسامة :خالي عندك انت امل وشدي حيلك وشغلي المشغل وانتي اول ما تشتغل هتعوضي كل المصاريف دي ويبقى معاكي فلوسي كتتتير وتبني ليا مستشفى...(وتبص لها) المهم قوليلي عملتي ايه مع دكتور عمران النهارده
ندا بحزن : متقابلناش
أميرة :ليه هو مجاش الكلية
ندا :لا جي... ورح الكافتيريا يدور عليا... وطول المحاضرة عينه على المكان اللي بقعد فيه في المحاضرة
أميرة باستغراب :هو انتي مرحتش الكلية النهارده... ولو مرحتيش عرفتي منين انه بيدور عليكي
ندا تتنهد :لا رحت... وشوفته من بعيد وهو بيدور عليا في الكافتيريا... وقعدت في آخر المدرج علشان مايشفنيش
أميرة :ليه
ندا بدموع : يشوفني ليه... هو مش بيشوفني على حقيقتي... ماينفعش ينشغل بيا واللي انشغل بيه
أميرة بضيق :والله انتي بت نكديه... ما انا قولتلك كلها شهر وكل الجرح اللي عملك عقده دا يتعالج .. مع اني مش شايفه ان في مشكله فيه اصلا... وبعدين انا متأكده ان حتى لو عمران شاف الجرح مش هايهتم هو بيحبك انتي يا ندا
ندا بحزن: اميرة خلاص لو سمحتي.. متكلميش معايا في الموضوع دا تاني ...
أميرة بغيظ :دا انتي بت كئيبه انا هروح اقول لابله حكمت واشهدها عليكي
ندا تشدها بسرعه :أميرة اوعي... اوعي تكلمي عن الحب والمشاعر مع ابله حكمت ابدا... انتي كده بتفكريها بلى حصل ليها زمان ... اوعي يا أميرة تجرحيها من غير قصد
أميرة بحزن :عندك حق...ابله حكمت حساسه اوي عارفه لما بتتفرج على فيلم ويجي مشهد رومانسي أو كلام حب بين البطل والبطلة بلقي دموعها ملت عينها... (وتتنهد) الحب دا صعب اوي ماحدش مرتاح الكل بيعاني.. ابله حكمت بتعاني من فراق الحب... وانتي بتعاني من غبائك... وانا بعاني من الجنون.... يارب عالج كل واحد فينا من معاناتها. . واجمعنا بلى بنحبهم يارب
#بقلم_ولاءيحيي
💘💘💘💘💘💘💘💘💘💘💘💘💘
عند عمران... أليف دخل وشه اصفر وتعبان.. عمران جرى عليه
عمران بقلق : مالك يابني انت تعبان
أليف بتعب : ااااه بموت... بموت يا ابن خالتي... المجنونة جابتلي جفاف (عمران يقعدوا)
عمران باستغراب :مجنونه مين
أليف بتعب :المجنونة اللي وديني لاربيها... انا هطلع اللي عملتوا فيا كله عليها هخليها تقول حقي برقبتي ... دي ضحكت عليا المستشفى كلها
عمران بضحك : دا مين الجبارة اللي قدرت عليك... وبهدلتك كده
أليف بابتسامة وحب : قطه ناعمه ورقيقه... عينها كلها شقاوة تقولك تعال العب معايا... (ويكشر) بس اول ما تقرب وتلعب تخربشك وتعضك... بس وديني لربيها... وقص ليها طوافرها... ااااه بطني (ويقوم يجري على الحمام... وعمران بيضحك عليه)
عمران قعد بيبص عليه :شكلك انت كمان وقعت في الحب ومتبهدل يابن خالتي
عمران مسك اللي لاب و فتحه على بيدج الخاص بندا اللي عرف اسمه لما التلفون كان معاه
عمران بقلق :فينك يا ندا.... اكتبي اي حاجه طمنيني عليكي... ليه ماجتيش الكلية النهاردة ...
وعند ندا تمسك اللاب وتفتح وتدخل على صفحتها اللي مسميها احاسيسي وتكتب
ندا بتكتب :مر اليوم ... ومع أنه كان اليوم عادي ومفيش فيه اي تعب بس حسه أني مرهقة موجوعة... وقلبي نقصه حاجه مهمه.ومع اني شفته من بعيد.. مفتقدك جدا و علشان مقعدتش واللي اتكلمت مع الشخص اللي لمس قلبك وقعد جوه بعفوية وضحكته ... الشخص اللي شايف ضعفي جوه القوة اللي برسمها ، الشخص اللي بيحب يسمع كل يوم اللي بقوله مهم كان تافه أو كئيب ، الشخص اللي بيدور عليا في كل مكان علشان بس يشوفوني ويقعد معايا وهو عارف أني اغلب الوقت ببقى ساكته... بس رغم سكوتي بشوف في عينه انه مستمتع ومبسوط لمجرد وجودي قدامه ومعاه.. مفتقدكي اوي
#احاسيس
عمران قرأ الكلام قلبه دق.. والضحكة ملت وشه... بس رجع لكلمه.. (شفته من بعيد)
عمران :ليه كده يا ندا حرمتني اني اشوفك النهارده ...(ويبتسم) بس دي اخر مره مش هسمحلك تعمليها تاني... ممنوع انك تهربي مني
(ودخل على الكومنتات في البوست وكتب)
مش مسموحلك... مش مسموح للحبيب يشوف حبيبه من بعيد.... ويمنعه ان هو كمان يشوفه.. كده جريمة يعاقب عليها القانون.. محاولة قتل مع سابق الإصرار
ايوه قتل... صدقيني.. بعدك بيقتلني
انا مش هقول انك ملاك نازل من السماء ولا حتى عيونك بحر وبغرق فيه .... بالعكس انتي بشر بس سبحانه من ابدع فخلقك ... هدوءك جمال لوحده ... روحك وطبعك وابتسامتك بتاخدني لكوكب تاني .. عنيكي متاهة .. لا دي سر راحتي .. دي دواء لتعبي وهمومي .. كده تمنعني عني الدواء. وتحرميني اشوف عنيكي.. انا مش ببالغ زي أي شاعر أو بكتب شعر
انا بس بحاول مجرد محاولة اني اوصف جزء صغير من احساسي وانا شيفك وقاعد معاكي... تقومي انتي تمنعني اشوفك... فتسمي دا ايه مش قتل مع سابق الإصرار
#عشقتك_احاسيس
ندا اول ما قرت الكومنت ضحكت بفرحه.. وفضلت تقرأه اكتر من مره.. وبسرعه قفلت اللاب وحطته جمبها... بس الابتسامة مع دقات قلبها ودموع فرح ما غابت عن وشها ...
فضلت تفكر.. ياترى لو شاف جرحها هيفضل يحبها... افتكرت كلام أميرة عن الدكتور والعلاج .. فقامت تصلي وتدعي ربنا ان الدكتور يقول في امل لعلاجها
#بقلم_ولاءيحيي
💘💘💘💘💘💘💘💘💘💘💘💘💘
وتاني يوم في المستشفى.. أميرة وصلت وهي بتتلفت حاوليها. . وعندها احساس انها هتلقي أليف طالع ليها من أي مكان... لحد ما وصلت مكتبوه ... وخبطت
أليف بجديه : ادخلي
أميرة فتحت الباب وعمله تبص لفوق وتحت... ومستنيه اي مقلب.. أول ما دخلت وقفت قدام المكتب... ومستنيه انه يصرخ أو يغضب يقوم يهجم عليها... بس لقيته قعد وساكت
أميرة باستغراب : دكتور أليف... حضرتك كويس
أليف فضل يكتب في الورق اللي قدامه ومش ببص لها
أليف بجديه :ايوه كويس... افتحي الدولاب اللي هناك دا وهاتي الملف الاحمر... واعملي حسابك أن فيه حاله مهمة جت عاوز كل تحليله واشاعاته تجيبها اول بأول
أميرة بجديه :حاضر يا دكتور
أليف فضل يكتب وبعدين يصلها :فين(اميره شورت برأسها انها مش فاهمه ) الملف من الدولاب يا دكتوره
أميرة : ااااه حالا... ورحت تجري تفتح الدولاب... ولسه بتشيل الملفات ... لقيت هامستر (فأر ابيض) نط عليها
ففضلت تتنطت وتصرخ وتنضف في هدمها وتعيط وهو ماسك فيها وهي هتموت من الخوف ... واليف ميت من الضحك وهي عمله تلف حاولين نفسه وتصرخ زي المجنونة
أليف بضحك : بطلي صريخ فضحتينا... يا بت اسكتي دا هو اللي ارتعب منك
أميرة بصريخ وعياط وهي واقفه فوق الكنبة : شيلة ونبي شيلة... شيلة
أليف شاف دموعها قام بسرعه : طب اثبتي علشان اشيله
أليف شاله ورح حطه على العجلة بتاعته... ولسه هيلف لقى اميره بتنط على ظهره ومسكت راسه بأيدها الاتنين... ومسكت ودانه ورحت عضها بقوه وغل
أليف بألم : ااااه... وداني وداني يا بنت العضاضة....
أليف فضل يزق فيها لحد ما نزلها من على ظهره ومسك ودانه وراسه بألم
وأميرة اول ما نزلت من على ظهره مسكت كل اللي قدامها وبقيت تحدف عليه وهو بيحاول يهرب ونزل استخبي تحت المكتب وهي عمله تحدفوا وتشتم فيه
أميرة بغضب ودموع : يا متخلف يا توار يا غبي...يا حيوان انا مش هقعدلك فيها... لو هسيب المستشفى كلها.. هسيبها وما اشتغلش مع حيوان زيك انت تور وحيوان
أليف بألم مسك ودانه : يخربيتك... وداني كانت هتطلع من مكانها.... ااااه هتفتحلي دماغي... خلاص يا بت... اقفلي البلاعة اللي فتحتيها دي
ومره واحدة سمع الباب بيتقفل بقوه... طلع راسه من تحت المكتب بشويش... ويبص عليها ملقهاش في المكتب... بس لقى المكتب مقلوب كله فوق بعضه ومافيش حاجه مكانها حتى دولاب الملفات على الأرض
أليف بألم :يخربيتك... ااااه يا وداني ...
أميرة خرجت من المكتب بتعيط... ورحت لعماد اللي كان قاعد مع نهى قعده رومانسي... ومسك أيدها ولقي الباب اتفتح مره واحده قاموا نطوا الاتنين من مكانهم (كانت قعده عاديه متفهموش غلط) دخلت اميره زي القطر
أميرة بدموع : انت لازم تاخدلي حقي.... انا مش هفضل مساعده اللي متخلف دا... يا توديني مع حد تأني يا مش عاوزه ادرب عندكم... الله الغني عن التدريب مع التوار دا
عماد بارتباك :اهدي بس يا أميرة حصل ايه
نهى تقرب منها : تعالى يا حبيبتي قعدي... حصل ايه بس
أميرة قعدت تحكي ليهم اللي حصل... من اول ما الهامستر نط عليها لحد ما عضت ودان اليف كسرت المكتب ... اميره كانت بتحكي وهي بتحرك وبتوصف ليهم
أميرة بغضب : بس هو دا اللي حصل... هتغير تدريبي واللي لا
عماد ونهى كان بيسمع بصمت... ومره واحدة الاتنين فضلوا يضحكوا بهستيريا
عماد بضحك : يا مفتريه اكلتي ودانه... وكسرتي المكتب على راسه... ومش مكافيكي.... وعاوزه حقك كمان...
أميرة : ايوه... وعاوزه اغير تدريبي... مش عاوزه ادرب معاه
عماد بابتسامة : خالص يا أميرة هغير ليكي التدريب .... بكرا روحي مع دكتور عوني واياد يروح مع دكتور أليف.... عاوزه حاجه تأني
أميرة تقف بابتسامة وتمسح دموعها: متشكره... ( وهتيجي تخرج... تفتكر اول ما دخلت وعماد بيبوس ايد نهى... فترجع تبص ليهم... بنص عين ) هو انتم كنتم بتقولوا ايه قبل ما ادخل
نهى بارتباك : والا حاجه... كنا بنتكلم في الشغل هنكلم في ايه يعني
أميرة تبتسم وتدخل تقعد على المكتب قدامهم ( طبعا اميره بعفويتها الكل بيحبها... ونهى وعماد بيعاملها على أنها اختهم الصغيرة)
أميرة بابتسامة : تؤ شكلكم بيقول... في حاجه تانيه ( وتغمض نص عين وهي بتبص ليهم ... وبعدها تبرق وتصرخ ) انتم بتحبوه بعض صح بتحبوه بعض
عماد يحط ايده على بؤها : اسكت يا بت... يخربيت هتفضحينا ... اه ياختي بنحب بعض... وعاوزين تتجوز...
أميرة تسقف بفرحه :هييااااا... مبروك مبروك (وتقوم تنط تبوس نهى) امتى الفرح بقى
نهى بضحك : اهدي يا مروشه... احنا لسه مش عارفين... متفقناش
أميرة :ليه فين المشكلة... اقعدوا اقعدوا انا هحلها لكم... هاااا فين المشكلة بقى... لو الفستان... احنا نروح لندا المشغل... ونخليها تعملك احلى فستان... وتبقى اول عروسه تلبس من المشغل... وبتخلص في أسبوع بكتير
عماد بضحك : اهي حلت مشكلة الفستان... (ويبص لأمير ويضحك ) طيب نعمل الفرح فين...
أميرة بتفكير : انتم هتعزمو كام واحد... يعني كام واحد هيجي من اهلكم واصحابكم
نهى بضحك :انا وعماد مقطوعين من شجرة... ملناش حد
أميرة بحزن : يااااا عيني.... متزعليش انا موجوده اعتبروني كل اهلكم... طيب واصحابكم
عماد بضحك : انا مليش أصحاب غير اللي في المستشفى... ونهى كمان ملهاش أصحاب... غير مامتك
أميرة بتفكر : اممممم خلاص محلوله .... نعمل الفرح في قاعات الاحتفالات اللي في المستشفى ... نجهزها ونحتفل بيكم وسط اصحابكم... وكده نوفر عليكم مصاريف القاعه و ما نشحطتش الناس لمكان تاني ونعطلهم عن شغلهم ...
عماد بابتسامة : فكره حلوه انا موافق... ايه رائيك يا نهى
نهى بكسف : وانا موافقة
أميرة تسقف بفرحه: هياااا... الميعاد امتى بقى
عماد بابتسامه : كمان اسبوعين يكون كمال صاحبي جي علشان يبقى الشاهد
أميرة : حلو اوي كده يادوب نلحق نجهز... الفستان والقاعة... انا وندا مسؤولين عن تجهيز الفستان والقاعه ... َوابله حكمت والدكتورة.. ملتزمات العروسة.. علشان انا بتكسف من الحاجات دي... كده اتفقنا (وتقوم تشد نهى) يلا يا دكتوره بسرعه
نهى تقوم تجري معاها : على فين يا مروشه
أميرة وهي بتشدها وراها : مش فاضين لازم نجهز...(وتبص لعماد) دكتور عماد... دكتورة نهى اجازه من النهارده ليوم الفرح .... وانا اجازه النهارده... وبكرا اجي القى التدريب مع دكتور عوني متنساش يلا سلام
عماد يبص لنهي ويضحك.... ويشكر أميرة في سره اللي بعفويتها في خمس دقايق... حققت ليه حلم بيحلمه بيه من سنين
بقلم_ولاءيحيي
💘💘💘💘💘💘💘💘💘💘💘💘💘
التعليقات على الموضوع