موعدنا البحر (الجزء الثالث)❤❤

موعدنا_البحر3
يا نهار اسووووووود ده مج مستر بدر !!!!!!!!!!!!!!
- كركديه ! , ده باينه مرار طافح
- راودتني افكاري عن نفسها تخيلت ان هذا البدر واقفا خلف مكتبه ينفث الدخان في وجههي ويوبخني مع نظرات ناريه تحمل في طياتها ما لذ وطاب من المسبات ثم يأتي ليطفيء سيجارته في يدي التي تسببت في كسر كوبه ..ايه الاوفر ده !
- شششششش اسكتي خالص مش انا اللي هوديله القهوه ؟ خلاص كده انا هتصرف , نفس عمييييييق و.فكر بالاشيا الحلوه فكر بالاشيا الحلوه
- فرحههههههه بتكلمي نفسك ؟؟؟ مش وقته خاالص احنا في مصيبه انتي متعرفيش مستر بدر ده هيقلبها جحيم دلوقت ده يا ننهار سواد لو عرف انه مجه هو اللي اتكسر دلوقت مصيبه لو .
- اهدااااي ايييه سرعتيني بكلامك ده خليكي سريلاك كده وانا هتعامل مع الموقف المهم انتي مشوفتيييش حاجه ها
- ربنا يستر
- لطالما ذكر كيد النساء في القرءان ولكن لم يكن شرا ابدا واعتقد حان الان موعد استدعائي لبعض كيدي الذي قارب علي الصدأ وكله بما يرضي الله
- ذهبت بخطي متثاقله نحو المكتب محاوله السيطره علي ملامحي لتظهر هادئه لينه كي لا اكشف ثم اطرد ثم ريم تطرد ثم محمد افرح ثم فرحه احزن ثم طرقت الباب ثم ..........

اادخل !!
قهوة حضرتك جهزت وساده زي م طلبت
متشكر جدا سيبيها ع المكتب هنا وهاتيلي المواعيد بتاعة يوم التلات اشوفها كده محتاج اتاكد من حاجه
-حاضر دقيقه اجيب الايباد من بره وتكون المواعيد عندك عن اذنك
-تمام اتفضلــــ................ايــــــــه ده ؟؟؟؟؟؟
م كنا ماشيين حلو يخربيت عنيك ايه تلسكوب هابل م تطفح القهوه وانت ساكت
-ايه خير في حاجه ولا ايه ؟؟؟
=انننتييي جايبالي ليه القهوه في المج ده فين المج بتاعي ؟؟
-ده اللي لقيته بره في الاوفيس لكن ملقتش حاجه تاني غير ..
=غير ايه ؟؟
-لقيت شباك الاوفيس مفتوح وقطتين جواه وقزاز مكسور ف جيت اشيله وانضفه ايدي اتجرحت للاسف ومع ذلك اصريت اني اعمل لحضرتك القهوه واجيبهالك وواضح القزاز ده كان لمج حضرتك للاسف
_=قووولت مييييه مرره اقفلوا شباك الزفت الاوفيييس مش مطبخ عائلي هوه وسايبين المنور وقطط تدخل وقطط تطلع ابعتيليييلي رحاب رحاب من بره لما اشوف اخره اهمالهم ده ايييه
-يعني اجيب الايباد ولا اجيب رحاب
=الاتنين
.............
وبس يا ستي ده اللي حصل عرفتي هتقولي ايه رحاب
هاه اه اه عــ عرفت عرفت يخربيت دماغك  ربنا يستر
متقلقيش دقيقتين وهاجي وراكي عشان هو طلب المواعيد بتاعه يوم التلات

انتظرت دقائق معدوده حتي اخذت اطرق علي الباب ودخلت ولكن كانت نبره هذا  البدر هدئه لا يشوبها عصبيه  الا اللهم بعض   ملامح الاقتضاب التي يحاول جاهدا ان يضاعفها بمجد دخولي ...
=وتاااني مره يا رحااب انا هحاسبك انتي ع الاهمال دي اما بالنسبه للقطه فمسيرها نقصلها ضوافرها عشان تحرم تكسر لبدر الرشيدي اي مجات تاني
ماله دهه حتي القطط مش سايبها في حالها حد يفكرني انا ليه محطتش سم في القهوه معلش ؟؟
=فرحه
-ها نعم يا مستر بدر  انا جبت المواعيد اهي زي م طلبت
لا مش مهم خلاص حتي لو في مواعيد عندك كنسليهم كلهم  عشان عندنا اجتماع مع وفد اجنبي مهم والاجتماع هيكون في ... راس البر !
فحضري نفسك من دلوقت
نظرت يمينا ويسارا لعله لا يقصدني بالكلام ويوجه حديثه لشخص اخر
-حضرتك بتكلم مين لا مؤاخذه معلش !؟
=لا مؤخذه !!! , لا مؤاخذه بكلمك انتي
-ده عند ام لطفي
=نعم !!!
-اقصد سفر ايه حضرتك هو ده كمان من اختصاصاتي
=اومااال طبعا فكرك مين اللي هيكتب ملاحظات العملا هكون فاضي انا مثلا عشان ادون واكتب م اكيد هكون بتفق معاهم ع العقود وسياسات الشركه والبنود
-اها لا شكل طلاق ريم علي ايدي بعون الله
=بتقولي حاجه ؟؟
-بقول لحضرتك يرحمكم الله مش عطست برضو
....................
-مش راااااايحه بطلت خلاص
=والنبي يا فرحه متعمليش كده ابوس ايدك ده هو يم يومين بالكتير متسيبينيش في نص الطريق
-دنا بتوه في بلدنا اقوم اسافر كمان ولا مع ايييه مع مستر بعبع بتاعكم ده ثم ايييش ضمني م يمكن يطلع تاجر اعضاء بشريه وبيستدرجني عشان ياخد كبدتي وكليتي ويبيعهم اضمنه منييين انا ده دنا مضمنش ابويا من هنا لهناك
=يااا فرحه تاجر اعضاء ايه وبتاع ايه ده معاااه فلوس تقدر تخليه يزرع اعضاء مش يبيعهم بطلي هبل ثم يا ستي اعتبريها فسحه عشااان خاطري
-لا
=باليييز
-لا
=باللللييييييزززز
-برضو لا
=طب عشااان ثائر حبيب خالتو اللي لسه مجاش تحبي يجي في انقسام عائلـ...
-خلاااااص انتي هتبتدي تاني المسلسل الهندي بتاعك ده ,, امري لله عشااان ثائر بس
=حياتشي اقسم بالله خمسه امواه
-خمسه اتفوو
=هااا
=هاتشووووو ...قوليلي يرحمكم الله ومتركزيش
........
مرت الساعات وكأنها قطار مجنون  يتسابق مع الزمن كان كل شيء يقود للثلاثاء لكم روادتني افكار عن الانسحاب في منتصف الطريق ولكن لن يمنعني هذا ابدر من اكمال مهمتي لاعز صديقاتي علي الرغم من افعاله وتحكماته وزجره وصاخه اغلب الاحيان وكأنما لم يخلق الله احبالا صوتيه في العالم سوي له وودت لو احيانا حشو حنجرته بالكثير والكثير من القطن ليبدو كإوزه علي وشك الذبح كانت تريحني التخيلات حقا وابتسم علي اثرها حتي اعود علي ارض الواقع لاجده يرمقني بنظرات مبهمه صفراء كافكاره هدوئه هذا يثير الريبه في نفسي ... يا مامي !
حتي اعود لاطمئن نفسي.. اسد يلا في ايه !!
رن جرس هاتفي .. بيبي شارك دو دو دود دودودوووو بيبي شارك دو دود دودودوووو بيبي شارك ...ماااامي شارك دودودودووو مامـــ
-الو
=انسه فرحه معايا!
-ايوه دي انا اتفضل
=انا بدر يا انسه فرحه
بعتذر اني بتصل بيكي في وقت زي ده بس حبيت أاك عليكي معادنا بكره الساعه تسعه وهنرجع الجكعه باللي ان شاء اله فحاولي متتأخريش ومتنيسيش الايباد
صداع من كتر الاخلاق ...اه اه اهلا يا مستر بدر انا فعلا حضرت كل حاجه من وقت م جيت متقلقش والايباد في الشنطه انما جبت رقمي منين معلش؟
سؤال مش منطقي تماما متنسيش انك بتكلمي بدر الرشيدي
-رئيس مراجيح مولد النبي عارفه عارفه
=نعم ؟
-اقصد مش هتأخر حاضر
=تصبحي علي خير
-مع السلامه
اصبح علي خير ايه بس قول صباح الخير راننلي اربعه الفجر وتقولي بفكرك حتي مواعيدك سئيله زيك ياخي

=مفيييييش فايده حتي السكه بتنسي تقفلها زي م نسيت اني شباك الاوفيس متركبله سلك يعني مينفعش حتي الدبان يدخل منه مش القطط
دانتي هتشوفي ايام عنب يااا انسه فرحه
-صباح الخير
=صباح النور في معادك بالظبط يدوووب متاخره ساعه الا ربع كده مش اكتر
-ها م هو مواصلااات بقي البلد دي مش عارفه رايحه بينا علي فين مفييش نظام خااالص
=رايحه وراالشمس
-افندم
=بقولك اركبي من الشمس
-اركب ايييه اومال مش رايحين للقطر احنا وتذاكر اتقطعت وليله كبيره
=قطر ايه اللي هيستناكي يا استاذه ساعه الا ربع هعشان تيجي اركبي اركبي عشان اتاخرنا مش لسه هنتناقش احنا
-طيب فين بقيه الموظفين مش هيسافروا معانا ؟؟
=رايحين رحله مدرسيه احنا عشان نلم الموظفين اتفضلي يا استاذه بلاش اسئله غريبه
-والله انت اللي غريب ومريب واقطع دراعي ان مطلعتش تاجر اعضاء بشريه بنضاره الشمس بتاعتك دي
=هتفضلي واقفه كده كتيير !!!
توجهت لباب السياره وانا اسب والعن ذلك اليوم الذي استلمت فيه العمل وتلك اللحظه التي وافقت فيها علي التعاون مع هذا البدر من اجل شركته اللعينه هذه وبالطبع ريم لم تسلم من المسبات فهي من وضعتني في هذا المأزق مع ذاك اللذج
=مش هناااا اركبي من قدام جمبي الكرسي اللي ورا فيه الشنط
-كركديه !!!
=ايه تحبي تركبي فوق العربيه تاخدي حمام شمس لسبع ساعات
سبع قبائل من الجن السفلي يركبوك يا شيخ
=بتقولي حاجه ؟؟
-الباب بيتفتح ازاي ؟
=هركب وافتحلك استني .... انتي لسه شوفتي حاجه !!
-مرت اول ساعه بسلام دون ان ينطق احدنا ببنت شفه كنت انظر للطريق من النافذه كالاطفال حتي نسيت تواجده تماما بجاوري كانت المناظر شبه صحراويه لكنها خلابه حتي قطع صمتنا صوت الكاسيت الذي اداره ليعلن عن انطلاق صوت الست ياله من وغد ذو ذوق رفيع ...
"كان لك معايااا اجمل حكااايه في العمر كله ..
سنين بحالها ما فات جمالها علي حب قبله
سنين ومرت زي الثواني ... في حبك انت
وان كنت اقدر احب تاني .... احبك انت "
تلقائيا ترنحت علي الحان الست فمن لا ينتشي بهذا الصوت حتي باغتني بسؤاله ..."واضح انك بتحبيها ؟؟"
توقفت عن هز رأسي يمينا ويسارا كالبلهاء ورسمت علي ملامحي الجديه الكاذبه واجبته .." مين مبيحبهاش ؟
-نفس الناس اللي بيحبوا حمو بيكا وشطه
-انت تعرفهم ما شاء الله
معرفه قهريه ,مبعديش في اي شارع بعربيتي الا لما اسمع صوتهم في عربيتين تلاته ع الاقل
العشوائي يكسب
الظاهر كده
" وان كنت اقدر احب تاني ... احبك انت "
ساد الصمت بيننا مجدداا ليصدح صوت الست لكن لم يستمر الوضع كثيررا حتي علي صوت مكابح السياره فجأه ليعلن عن توقف السياره المفاجيء كما في افلام هوليوود  في ... اللا مكان علي ما اعتقد !
احنا وقفنا ليه !
هرتاح شويه من السواقه عشان معملش بينا حادثه ع الطريق ولا حاجه نص ساعه زنكمل مشوارنا
يعني ملقتش غير الحتته المقطوعه دي اللي رايح توقف فيها عشان تاخد راحه دانت لو قاصد يطلعلنا جن ولا مارد مش هتقف هنا
ايه ده رايح فين ؟؟
هشرب سجاره بره العربيه ولا تحبي اشربها هنا وتتخنقي بالدخان ؟
ها لا خلاص بس فضلا متبعدش بعيد بس عشان .. عشان حضرتك عارف ممكن يكون في عقارب ولا تعابين
اه لا منا واخد بالي متقلقيش
مرت بضع دقائق علي جلوس هذا البدر بالخارج حتي بدأ صوت غريب في الظهور " اعووووووووووووووو ... اعووووووو "
اااااه لا ده لو مخرج فيلم رعب مش هيبقي بالشكل ده يا ربي طب انادي عليه ده ولا ايييييه لا لالا هيقول واخد طفله معاه ..نفس عميييق فكر بالاشيا الحلوه فكر بالاشــ ... اعووووووووووووووو
يا مسترررررر بدررررررررررررررررررر
يا مسترررررر بدررررررر
مبيردش ليه ده ان شاء الله لا مبدهاااش بقي
خرجت من السياره وانا اهيم علي وجهي تابحث عن هذا البدر كي لا اتجمد مكاني من الخوف اخذت ابحث عنه بعيني لعلي اجده قريب , كنت لا اطيق ان اري وجهه ولاول مره تمنيت ان  اراه . اين هو من المفترض انه هنا يلتقم سيجارته ......
. اعووووووووووووووو اعووووووووووووووووووووووو
شعرت بقشعريره غذت جسدي
الان اكتمل فيلم الرعب ...دائرتان من الضوء تتقتربان مني اكثر فاكثر وصوت العواء يعلو كلما اقتربتا مني حتي تجسدتا علي هيئة عينان مشقوقتان لونهما احمر دموي كصفحتان من اللهب مضيئتان
تجدمت الدماء في عروقي كدت افقد وعيي حتي فجأه صرخت حينما امتدت يد احدهم لتنتشلني من حالة الفزع التي تعتريتي
اتأخرت عليكي معلش !
لربما لو التقمني هذا الكائن كان سيكون افضل من حالتي التي وجدتني عليها بعدما فتحت عيوني .
كانت هذه يد مستر بدر.... صرخت من هول المفاجأه ووجدتني بين ذراعيه منهارة  دموعي تسيل بغزاره مغمضة الاعين جسدي يرتعد من الخوف في عالم اخر تماما لا اشعر بشيء سوي يداه تربتان علي رأسي
_ اهدي اهدي مفيش حاجه انا هنا خلاص متقلقيش فرحه فرحه
فتحت عيوني علي هذا المشهد فانتفضت للوراء مبتعدة عنه .
ايه ده ان انا اسف ه بس كان في صوت وقرب وبعدين طلعت عنين وفضلت تقرب وانا معرفتش اعمل  ايه والصوت كان ..وانا انا كنت بنده عليك وانت مش موجود فضلت اند...
ششش اهدي مفيش حاجه خلاص تلاقيكي بس كان بيتهيألك عشان الحته مقطوعه وكده فعقلك الباطن هـ.
بقولك  شوفتهااا بعنيا قربت ولونها احمر والصووت سمعته اا.اناا عايزه امشي من هنا
_ اه م هو انا لسه كنت هقولك ..
-تقولي ايه ؟
العربيه مش راضيه تدور
اييييييييييييه ؟؟؟؟؟
يتبع