موعدنا البحر (الجزء الثاني)❤❤

موعدنا_البحر2
-انتي!!
-انت!!
-لا بقي دانت افورتها خااالص كمان جاي على هنا مش كفااياك تنطيط تحت وفوق إياك يجي مستر بدر يشلوحك ان شاء الله
-يشلوحني!!! وتنطيط!!  انتي بتجيبي منين المصطلحات دي
-من عم رجب العطار
-افندم!!!
-انت لسه هتستفسر أجرى العب بعيد يا شاطر ورايا اجتماع مهم هنا مع ناس مهمين مش فاضيه اتخانق معاك دلوقت واطلع بره يلا عشان مندهش للأمن يكرشوك من هنا واخلي مستر بعبع اقصد بدر يرفدك مش وكاله من غير بواب هي
-امممممم تعرفي تنك بتتكلمي اكتر م بتسمعي وده هيكون غلط علي شغلك ومصطلحاتك عشوائيه مقارنة بالمجال اللي هتشتغلي فيه ونبرة صوتك محتاجه ت....
-ايييييه اييييه حييلك حيلك ايه كل التفاصيل دي مين انت عشان تقولي محتاجه ايه ومش محتاجه ايه ومالك ومااال التفاصيل دي كل....  تفاصيييييييل!! ؟؟؟؟؟
لم اكمل حديثي حتى راودتني فكره بشعه تمنيت من الله أن تكون فكره سيئه عابره ليس الا ولكن هيهات قد سبق السيف العزل
ابتلعت ريقي بصعوبه  واكملت كلامي ولكن بنبره متباينه عن ذي قبل...
-حض..حضرتك  بتحب التفاصيل زي عنيك  ما شاء الله عليك
-ده حقيقي
-وواضح أنك مش غلطان في عنوان المكتب ولا حاجه!
-بالظبط, نفهم من كده اييييييه!
--كركديه  !!
-نعم!!
-اقصد أتمنى لو في عندكم كركديه.. يا مستر ب..  بدر!
نطقتها وكلي توجس متمنيه أن يكذبني ويخبرني انه ليس مستر بدر وانه موظف آخر او نائبا عنه ولكن!
-لا نبيهه ما شاء الله عليكي عرفتيها لوحدك دي كمان
-لا م هو باين على سحنتك الغتاته ياخي أبو سئالة اهلك
-ها بتقولي حاجه موطيه صوتك ليييه ياااااا انسه ...سعيده باين مش كده!!
-سعيده دي تبقي مامتك... فرحه يافندم فرحه مش سعيده
-اهاا أهلا وسهلا يا انسه فرحه نورتينا في الشركه رغم أن طريقة اللقاء الأول مكنتش ظريفه بس تتعوض أن شاء الله في الأيام الجايه أثناء شغلك معانا هتشوفي اياام سوووده
-نعم ؟!
-الشركه يا انسه فرحه الشركه بتمر باياام سوده هي ريم مقالتلكيش ولا ايه ؟
-الحقيقه حضرتك هي ادتني خلفيه عن الفتره اللي بتمر بيها الشركه عشان كده قبلت اني أجي مكانها مؤقتا عشان ظروفها العصبيه زي م حضرتك عارف
- دانتي اللي أيامك هتكون عصيبه يا بنتي والله
- ها!
- بقولك ضغط الشغل بيسبب أحيانا أيام عصيبه يا انسه فرحه بس احنا لازم تتماسك عشان الفتره دي تعدي على خير
- واللي يشوف وشك هيجيله منين الخير ..اكيد يا افندم اكيد
- اتفضلي اادي الايباد عليه كل المواعيد اللي المفروض تنظميها والاجتماعات اللي لازم تحضرليها من دلوقت من حيث الملاحظات والاستعدادات هتلاقي عندك كمان الايميل الخاص بوظيفتك هنا كسركتاريه هتبعتيلي منه كل جديد يطرأ ع الشغل والتفاصيل المهمه قبل كل اجتماع واظن ريم ادتك فكره عن الشغل هنا عامل ازاي فاتمني تكوني بنفس شطارتها ومتنهاريش في نص الشغل
- انهار!!  ميعرفش اني سترونج اندبندنت وومن ولا ايه ..الانهيار ده للعيال التوتو يا افندم احنا بناكل ف الاوقات العصيبه اللي زي كده
-اتمني  ، علي كل مكتبك بره اخر الطرقه علي اليمين ومش محتاج اقولك محدش بيدخلي هنا غير بمعاد مسبق وكل المواعيد عندك ع الايباد تشيك عليهم كويس واه قهوتي!
-نعم مالها قهوتك!
- دقيقتين الاقيها ع المكتب
- وانا مالي
- نعم؟
- اقصد هي دي من اختصاصاتي كمان!
- ايوووه محتاجه تقعدي مع ريم اكتر شويه كمان ونسيت اقولك حاجه مهمه ادائك في الشغل هنا هيأثر علي استمرارية ريم فيما بعد لانك هنا بناء عليها هي فلو حصل اي اااي حاجه منك تسببت ف مشاكل فكأن ريم هي اللي عملتها بالظبط والحساب هيكون مع ريم مش معاكي  واتمني تكون ريم فهمتك ان الغلطه عند بدر الرشيدي بفوره
ضغطت علي اسناني كي لا انفجر به حينما سمعت كلامه الاخير ، كيف يربط بين مستقبل ريم واخطائي الوارده جدا لاني مبتدئه واتيت فقط للمساعده!  كيف يفترض من الاصل اني ساخطيء ثم يجازي ريم تلك التي ابت الا وان تجمع بديل لها كي لا تضج الشركه بمشكلة اخري..  ياله من متعجرف عديم التقدير ، رسمت ملامح الجديه علي وجهي وتمالكت اعصابي وبكل ثبات خرج الكلام من فمي
- ان شاء الله ميكونش في اخطاء من اساسه يا مستر بدر دقايق وتكون قهوتك عندك
- ارتسمت ابتسامه صفراء علي وجهه وغزت ملامحه الاريحيه وعاد بكرسيه الي الوراء
-  ساده..  بحبها ساده
-  تمام عن اذنك
خرجت من مكتبه وانا اكيل له السبات واللعنات وددت حينها لو اقتلع لسانه من حلقه لاخنقه به واراه يلهث لاخذ نفس واحد ولا يستطيع..  لكم اراحني هذا التخيل صدق من قال ولنا في الخيال حياه
جلست علي مكتبي لاتبين ما فيه مررت بعيني علي محتويات المكتب وبحركه لا اراديه وضعت حقيبتي علي حافته لم اكمل النظر حتي سمعت صوت ارتطام شيئا رخاميا علي الارض احدث صوتا عاليا جائت رحاب تهرول
- ايه اللي اتكسر ؟!
-لسه يدوووب هقعد ع المكتب ولقيت المج ده اتزحلق وقع معرفش مين الاهطل اللي سايبه ع حرف المكتب كده ده لو قااااصد يوقعه مكنش هيحطه كده
ابتسمت رحاب علي اثر كلماتي وتنحيت انا جانبا لتختفي الابتسامه تماما من علي وجهها حينما رأت بقايا الكوب المكسور حتي صاحت ..
- يا نهااار اسووووووود ده مج مستر بدر ؟!؟
-كركديه!
يتبع