موعدنا البحر (الجزء الرابع)❤❤

موعدنا_البحر4
يعني اييه العربيه مش راضيه تدور انت بتهزر مش كده!
= للأسف مش بهزر يمكن الموتور سخن ولا حاجه تعالي دلوقت ننام في العربيه والصبح أشوفها يمكن تعدي عربيات ثانيه ولا حاجه نطلب مساعده
-لااا دي هبت منك ع الاخر ، انا لا هبات في عربيه ولا هستني انا ماشيه
-تمشي فين يا مجنونه انتي في الوقت ده وفي الصحرا دي ؟
لم استمع له وبدأت أسير بخطوات متردده على حافة الطريق اتبع الأسفلت كي لا اغوص في عمق الصحراء
حتى وجدته من خلفي يعنرض طريقي وينهرني قد يكون عصبيا أحيانا لكن هذه المره لم أرى في عينيه العصبيه وحسب...
=بقولك اقفي هنا مكانك مفيش روحه ولا جايه واتفضلي ادخلي العربيه بالذوق عشان ملجأش استخدم أسلوب مش هيعجبك
-هتعمل ايه يعني انا حره امشي ممشيش شيء ميخصكش انت رئيسي هناك في الشركه مش هنا
=واااضح انك مصممه على موقفك بس اللي ميزعلش!
-انت بتعمل ايه ارجع مكانك لو سمحت لو قربت مني اقسم بالله أصوت ألم عليك الناس
=تحبي تجربي ولا اقولك تعالي نصوت سوا كده ونشوف مين اللي هيتلم!
- انت كائن  افعواني مستفز سليط
- وانتي عنيده وهعد لتلاته لو ملقتكيش جوه العربيه انتي عارفه!!!
...........
-مش عارفه أنام طيب انا
=قولتلك ميلي الكرسي عشان تريحي رقبتك انتي اللي مش راضيه
- م هو اصل..
= ايه مش عارفه تعدليه عندك ذرار من تحت الكرسي ميليه سنه ونزلي الكرسي
-حاولت مش راضي... ايه ده اييه ده انت بتعمل اييه!!
-متخفيش مش هاكلك هعدلك الكرسي مش اكتر بدل م انتي دوشاني كده ومش مخلياني اعرف أتخيل أنام الكاملة ساعه دول
كلما هم على شيء زاد حنقي اتجاهه يعطي نفسه الصلاحيات لفعل اي شيء وكل شيء..  متعجرف..  عديم الحياء..  عربيد.. قبلك برص اجرب من فمك ان شاء الله يا أخي
-اظن كده تمام اتفضلي نامي مسمعش صوتك للصبح
=يعني انا اللي عاشقه جمال احبالك الصوتيه اتخمد خمده تخمدك يا شيخ
-بطلي تبرطمي
-مبرطمـ...
-ششششششش

-----------------------
سبحان الله يا شيخه شكلك ملاك وانتي نايمه اللي يشوفك دلوقت ميشوفكش وانتي صاحيه بلسانك اللي عايز قصه ده.. يلا كنت هكمل فيكي مقلب الرعب عشان تحرمي تكسريلي مجات تاني لولا م كنتي هتروحي فيها طلعتي بوق ع الفاضي...  كان عندها حق ريم!

قليل من الضوء على وجنتي كان كفيل بأن يوقظني لأجدني داخل السيارة تمنيت لو كان حلما وانتهى ولكن استيقظت على حقيقة انه ليس حلما وإنما واقع استمر لليوم التالي على التوالي
كان في الكرسي المقابل مسندا راأسه على زجاج السيارة عاقصا يديه حوله.. يبدو أنه غرق في النوم وهو على هذه الوضعية لكن لم يبدو منكمشا هكذا ؟
ايه اللي جاب الجاكت ده عندي ؟!
معقوله غطاني بيه ونام هو كده..  صداع من كتر الحنيه!
كائن سئيل بس جنتل.. شكل ريم كان عندها حق!
=بتبرطمي حتى وانتي صاحيه من النوم !
-بسم الله الحفيظ انت اقصد حضرتك مش كنت لسه نايم من ربع ثانيه ؟
-وانتي تخلي حد يعرف ينام جمبك متهني ابدا
-احسن برضو
-يااا رب م كانت مكفوته كويسه صحيت ازعرينا من تاني
-انا جعانه ؟
-نعم!!!!
-بقولك جعانه
-ايوه يعني وانا اعملك ايه مثلا ، اصطادلك ارنب واشوهولك ع الصبح
-معرفش بقي أتصرف مش فالح غير متروحيش متمشيش واوامر أوامر أوامر م
-كليييينييي احسن كليني
-انت مش مبلوع وانت حي هتتبلع وانت ميت عشان اكلك بلا نيله
-نرجع للبرطيم تاني ،بصي كان في سنيكرز في جيب الجاكت عندك كلها وكلها ساعه ونوصل وسدي بقي سدي
-هنوصل ازاي والعربيه مش شغاله ؟
-ها للا منا وانتي نايمه حاولت فيها وصلحتها الحمدلله
-طب ومصحتنيش ليه طالما اتصلحت
-انتي اسألتك كثرت تحبي تسألي كده كتير ولا نوصل بسرعه ونخلص
-خلصت روحك يا بعيد
-تاني؟؟؟؟
-بقول المشوار شكله بعيد ، اتفضل سوق
وصلنا للفندق المنشود والذي سنقيم فيه اليونان الباقيان لحين عقد الاجتماع مع الوفد الأجنبي
دخلنا الفندق والذي كان شاسعا وفخما في كل شيء لا عجب أن السياح يحبون بلادنا اكثر مما نفعل فهم لا يرون الا الطبقه المخمليه منها
-هتفضلي واقفه كده كتير تعالي خدي الكارد بتاع اوضتك حجزتها جمب اوضتي مباشرة عشان متوهيش سيبي الشنطه هنا هما هيطلعوهالك ع الاوضه وتعالى اطلعي اوريكي مكان اوضتك
تركت حقيبتي خلفي كما فعل هو الآخر واخذني لغرفتي والتي كانت ملاصقه بالفعل لغرفته أثناء سيرنا للغرف أخبرني بأن أستريح قليلا لأن الوفد سيرسل أحد أعضائه للاتفاق على بعض التفاصيل المبهمه في العقد فيما بينهم ليوضحها ويتفقان على البنود وبالطبع سأحضر هذه الإجتماع المغلق بينهم حتى ادون ما قد يطرأ
لم البث أن استجمع انفاسي حتى دق لي من غرفته..
-انزلي الراجل جه ومتنسيش الايباد
-حالا
-وضعت اخر دبوس بوشاحي وانا اجلب الايباد واغلق باب غرفتي هرولت للأسفل كي لا أتأخر كالعادة ويستشيط هو غضبا كالعادة ايضا
-اسفه اسفه والله مأخدتش بالي
-ولا يهمك بس خدي بالك المره الجايه لتخبطي في حد سليم وبيشوف كويس هيقعد يشتم من هنا للصبح
-يا نهار اسوووود هو حضرتك حضرررتك ضرير ؟
والله والله م اقصد انا كنت ماشيه مستعجله فعشان كده مشوفتكش انا اسفه والله بجد مق...
=هههههه حيلك حيلك انتي صدقتي ولا ايه دي نضارة شمس انا لا ضرير ولا حاجه
شكلك جديده هنا ،انا عمر السلاموني
-انا فعلا جديده ومتأخره في نفس الوقت..  عن اذنك

كانت ناقصه خفة دم ع الصبح
تنحرقي لو مبرطمتيش !
-اسفه ع التأخير.. الراجل جه ولا لسه ؟
-=انتي شايفه في حد غيرنا ع التربيزه ؟
-لا
-يبقي لسه مجاش
تحبي تشربي حاجه قبل م يجي! ؟
لا شكرا كفايه اللي شربته
مش فاهم
كنت بجري ع الطرقه فوق وواحد سخيف خبطت فيه وطلع بيستظرف شربني مقلب انه ضرير وشويه كنت هعيط اني خبطت فيه وطلع بيهزر البيه رزعته نظره قرف علي اشمئزاز ومشيت
=كويس انك مضربتهوش
-م كنت متأخره للاسف والا كنت هتعامل معاه
=تتعاملي معاه!!!  جااايب سرسجيه معايا يا ربي
بس بس اهو جه مش عايز برطمه مش عايز مصطلحات غريبه ابتسمي وسجلي الملاحظات  مش اكتر
-طيب
-بدر بيه
-عمر باشا والله زمان يا عم كده مبنتقابلش غير في الشغل وبس
-ده علي اساس انك فاضي ومعبرنا ياخي
-هههههه غصب عني والله يا صحب اديك شايف
-ايه ده مش تعرفنا علي الانسه
كانا يتبادلان الحديث وانا انظر في الايباد حتي بادر الثاني بجملته فرفعت نظري وليتني لم افعل
-الظريف هو الضيف ؟؟  كركديه!
-فرحه ده عمر السلاموني مندوب للوفد وفي نفس الوقت من اعز اصحابي
-عمر دي فرحه سكرتيرتي ودراعي اليمين
-اه منا عارفها يا محاسن الصدف
-ازيك يا انسه فرحه اعتقد القدر حب يرتبلنا مقابله تانيه عشان الاولي مكنتش ظريفه
مد يده ليصافحني وعلي وجهه ابتسامه بلهاء تضفي علي وسامته نوع من التناقض وعلي الصعيد الاخر اختفت الابتسامه علي وجه بدر تماما اعتقد انه ادرك أن عمر السلاموني هو من كنا نتحدث عنه الان واالان يقف ماددا يداه ليصافحني ببساطه...
-ايدك لتوحشك يا شبح
-افندم
-اهههاهاها لا اصلي فرحه بتحب تالش كده زي م انت شايف وازيك انت عامل ايه مش تسلم عليا يا راجل اقعد اقعد ليك وحشه والله
-مد بدر يده ليملأ الفراغ بيد عمر بدلا مني وكذلك ليرفع الحرج عنه
-هو انتي منهم ولا ايه ؟
-ده مصمم بقي يفتح كلام ويرغي ذنبك علي جمبك..  هما مين ؟
-الناس اللي مبتسلمش
-ده حقيقي .. "لا نبيه ما شاء الله زي صاحبك "
كانت نظرات بدر مشتته بيني وبين عمر السلاموني وكأنه يرجو الله ان يمر هذا اللقاء بسلام
-طاايب انا بقول نتكلم ف الشغل يا عمر ولا ايه
-انا بقول كده برضو
شرع الاثنان في مناقشة سياسات وبنود العقد الذي سيمضيه كلا الطرفان فيما بعد بين شركتنا والوفذ‘د الاجنبي واخذت انا ادون الملاحظات علي الايباد حتي انتهوا علي بنود ترضي الطرفين نسبيا ثم استأذنت انا للذهاب الي الحمام وسلمت بدر الايباد مؤقتا
.............
غريبه مش عوايدك تاخد اي حد معاك يعني يا بدر في اي اجتماع زي كده بره الشركه
= اه لا م هو الوضع اتغير والمسؤليه زادت وانت سيد العارفين
-الله يكون في عونك والله بس شكل المسؤليات دي في مصلحتي المره دي
-في مصلحتك اه قولتلي لا وضح بس عشان اخد لبالي
-انت عارف قصدي كويس ،
-يبقي اللي ف دماغي صح,  هي مش لسه مديالك كسفتين فوق وتحت هنا لااازم تقل منك خالص كده غشان تتهد
-بصراحه دي متتسابش كل واحد وذوقه يا صحب
-لا فكك منها دي لا تمت لصنف الحريم بصله واديك شوفت بنفسك كانت لسه بتقولك يا شبح من شويه
-هههههههه يا غشيييم اهو الصنف ده بالذات يبانلك خشن من بره انما جوه كريم كراميل مبيطلعش غير لناس ناس وانت وشطارتك
-والله م حد غشيم غيرك جتك نيله في ذوقك قفل ع الموضوع ده وركز في الشغل لاحسن تيجي تسمعنا ترفعنا فلقتين انا وانت
-بعتذر ع النأخير معلش
-كل شو..
=لا ولا يهمك اتفضلي اتفضلي
كادت نظرات هذا البدر تخترق عمر هذا فقد كان في نيته ان يوبخني لولا اعتراضه لكلامه وترحيبه إياي
تحبي تاكلي ايه يا انسه فرحه انا عازمك  انهارده ع الغدا وسيبك من بدر ده خالص انتي دلوقتي بره مواعيد العمل الرسميه ‘الاجتماع خلص خلاص
-والله هو...
-هي لسه من شويه كانت بتقولي انها تعبانه ومحتاجه تستريح للاسف خلي العزومه مره تانيه ادينا قاعدين يومين بحالهم
-من اذن له بالتحدث نيابة عني هذا البدر انني اتضور جوعا الان كيف يجرؤ علي رفض الطعام من المجنون الذي قد يفعل ؟!
-انا بقول...
-انا بقول تتفضلي معايا عشان متوهيش تاني هوديكي لاوضتك, فرصه سعيده يا عمر يا ريت نشوفك كتير بس شكلك مسافر انهارده ربنا معاك
-لا منا غيرت رأيي هقعد معاكم يومين كمان انت طلعت واحشني بشكل يا بددددددر
-لا يا راجل ؟
-وحياة الراجل‘مستنيكم بالليل ها العشا علي حسابي
-اهاها ان شاء الله يلا يا فرحه
-يلا في عينك يا شيخ لا منك ولا كفاية شرك
-
استني هنا متدخليش الاوضه
-اييه تاااني
-مش عااايز كتر كلام مع عمر السلاموني  ده لا اكل ولا عزومات ولا نيله ارفضي اي حاجه يقولهالك
-ليه ان شاء الله مش ده ضيف مهم برضو ونبتسم ونقول حاضر
-هو كده احنا هنا في شغل مش عايز اخلط بين الشغل وال الحجات  دي استراتيجيه في ادارة الاعمال تبقي افهميها بعدين
-استراتيجية اييه دي يا ربي اللي تخلينا نرفض الاكل ؟ ايه الشغل اللي هيجي علي حساب جهارنا الهضمي ده يا رب
-برضو بتبرطمي
-مفيييش تؤمر بحاجه تانيه ؟
-لا
-طيب عن اذنك
-استني
-هاااااه
-اكلتي؟
-----------------------
لما احنا كده كده هناكل اومال رفضت ليه دعوة الراجل فلوس وبتتبعذق وخلاص يعني
متتكلميش وانتي بتاكلي!
مينيمينيما مينيميمو
=بتقولي ايه ؟
-متتكلمش وانت بتاكل
هي المره الاولي التي اراه يبتسم فيها منذ أن عملت معه أينعم هو وغد كبير ولكن يبدو كحمل وديع حينما يبتسم وكأنه يخفي تلك الابتسامه عمدا اغلب الاوقات حتي لا يراه احد بهيئته تلك...  بيبي فيس يا نااس!

-ايييه ده بدر الرشيدي مش معقوووووول ؟
=هايدي!!!!!!!!!!!!

يتبع