بناتي حياتي🌸الحلقه الثانيه عشر🌸
رواية💖حياتي بناتي💖
بقلم_ولاءيحيي
الحلقه الثانيه عشر
بعد ما لين لبس الخاتم والكل بارك ليهم وقرا الفاتحة وطبعا البنات كلهم كانوا واقفين ومبسوطين بلي عمله سليم
سيلا تبص لشروق بفرحة : الواد سليم اخوكي دا دماغ.... شاف ابويا وشه اتقلب بسبب امك... رح قام وظبت الليلة ولحق نفسه ولبسها الخاتم
شروق بضحك : شوفي وش ماما عمل ازاي.... اول مره اشوف اللون الحلقي (ويضحكوا الاتنين)
منير بابتسامه : مبروك علينا يا بشمهندس فؤاد
فؤاد بابتسامه : الله يبارك فيكم يا حج منير... احنا اتشرفنا بيكم
عايده بضيق : مش نتكلم في المهم والا ايه يا حج انور
فؤاد يبص لها : اتفضلي يا حجه عايده ايه هو المهم اللي عاوزه تكلمي فيه
سليم خاف انها تكلم... رح سابقها قبل ما تقول حاجه
سليم بابتسامه : يعني يا عمي ماما عاوزه تعرف الفرح هيكون امتى.... حضرتك عارف انا عاوز نتجوز علي طول
فؤاد بابتسامه : وانت جاهز لجواز يا سليم
سليم بضحك : جاهز اقوم اجيب المأذون حالا لو توافق (يضحك الكل)
منير بابتسامه : احنا جاهزين يا بشمهندس... نعرف طالبتكم شبكه ومهر ومؤخرا وكله واحنا تحت امركم و عروستنا.. تتقل بالدهب واحنا عنينا ليها
فؤاد بابتسامه : انا يا حج منير بدديكم بنتي وانا ماعنديش اغلي من بناتي... وكل الحاجات اللي قولتها مش مهمه بنسبه ليا.... انا المهم عندي أن بنتي تكون مرتاحة وسعيدة وسليم يشيلها في عينه
عايده ببرود : بردوا لازم نعرف طلبتكم يعني عاوزين شبكه بكام
فريد بهدوء : الشبكة دي هديه العريس لعروسته وبتبقي علي حسب تقديره ليها وقيمتها عنده واحنا مالناش دخل فيها
سليم بابتسامه : وانا لو اطول اجيب نجوم السما علشان خاطر لين هجيبوا.... (ويبص للين) لين تنزل تختار احسن شبكه تعجبها وانا تحت أمرها
عايده تبص له بغيظ وتبرق عينها
فؤاد بابتسامه : انت هات الشبكة علي زؤقك و بنفسك وقدامها للين دي هديتك ليها زي ما قال الحج فريد
عايده بضيق : والفرش انتم هتجيبوا ايه واحنا نجيب ايه بس اعمل حسابكم ان سليم هو اللي جاب الشقة يا بشمهندس
فاروق بغيظ : مهو طبيعي ان هو اللي يجيب الشقه... الشقة على العريس
عايده ببرود : لا في عرايس هي اللي بتجيب الشقة وساعاتها العريس هو اللي بيفرش الخشب كله
فؤاد بابتسامه : طيب تمام انا هجيب الشقة للين وانتم افرشوا الخشب كله
عايده بخضه : شقه ايه اللي تجيب..... سليم عنده شقته دا عنده بيت كامل.. انتم عاوزين يسكن بره ويبعد عني
فؤاد بضيق : مش انتي اللي بتقولي العروسة بجيب الشقة
عايده بغيظ : دا لو العريس ماعندوش شقه بس سليم عنده ومش هيبعد عني و يسكن بره انا بقول اهو
سليم يبص لعمه أنور علشان يتكلم ويلحقوه
انور يبرق لعايده : استني يا حجه عايده.... هو مش احنا موجود وبتكلم لو سمحتي اسكتي انتي... يا بشمهندس فؤاد (وقبل ما يكمل كلامه فؤاد يكلم)
فؤاد بضيق : بدون قطع كلامك يا حج انور اصلا انا مش بحب الكلام دا لأنه بيجيب مشاكل وبيشيل النفوس من بعض.... بس انا عندي كلمتين للحاجه عايده.... يا حاجه انا اقدر يا اجيب لبنتي قصر مش شقه ومن الصبح يبقي مفتاحها في ايدها وقول انها مش هتجوز فيها .... بس انا هوافق اجوز لين في بيتك علشان ابنك شاريها وبيحبها... وانا لما سالت عن سليم عرفت انه رجل وهيحافظ عليه وهيحميها زي ما بيحميكم .... فأنا هوقف أن لين تسكن في بيتكم علشان ما يبعدش عنكم... لأنه لو ملوش خير فيكي... عمره ما هيكون ليه خير في بنتي..... ام بقي عن الخشب والفرش والكلام اللي ما يسواش حاجه دا ... ف دي في الاول والاخر شقه سليم ولين ودي حياتهم وهم اللي هيعيشوا فيها.... ف الاتنين ينزله سوأ لوحدهم ويشتروا اللي يعجبهم.... وسليم اكيد عمل ميزانيه لجوازه و اللي ينقصوا لين تكمله هي معها فلوسها في الفيزا بتاعتها فهم يتفقوا براحتهم الاتنين لازم يدبره امور بيتهم ويمشوا علي حساب دخل سليم.... وبعدين هم مهندسين ديكور يعني مش هيحتاجوا رائي حد مننا في ترتيب ولا اختيار فرش بيتهم... والاتنين لازم يتعوده يمشوا امورهم لوحدهم من غير ما يدخل حد
سليم بابتسامه : وانا موافق علي كلام عمي فؤاد وهنزل انا ولين المسؤولين عن بيتنا
انور بابتسامه : ونعم الرأي يا بشمهندس.... (ويبص لعايده بضيق) ومتزعلش من الحاجه عايده هي متقصدش
فؤاد بضيق : يا حاجة عايده لين هتدخل بيتكم وهتعيش وسطكم... واتمني انك تعتبريها بنت من بناتك مش مرات ابنك
عايده برخمه : ااااه طبعا ان شاء الله
سليم بفرحة : طيب يا عمي ميعاد الفرح امتي
فؤاد بابتسامه :لما لين تخلص امتحانات السنه دي يعني بعد اربع شهور تكون خلصت امتحانات والشقة جهزت.... تمام كده يا سليم
سليم بفرحه يبص للين : متشكر اوي يا عمي
عايده بضيق وهي حسه ان ابنها بيروح منها : طيب المؤخرا متكملناش عنه... عاوزين مؤخر كام
فؤاد بص ليها بغضب ولسه هيرد وهو غضبان بس سليم سابق ورد بسرعه لأنه حس ان فؤاد جاب اخره وهيرفض
سليم يبص لامه بغضب : انا هكتب اعلي مؤخر ممكن يكتب يا ماما... هكتب مليون جنيه لأنه هيبقي مجرد حبر ورقم علي ورق ملوش اي لازمه عندي.... لأني عمري ما هسيب لين
فؤاد يهدي ويبتسم لسليم برضا
فاروق بابتسامه وهو بيبص لعايده اللي انغاظت من ابنها : راجل يا سليم
انور بفرحه : علي خيرت الله وربنا يجمع بينهم بالخير..... ايه ياام فريد ما فيش زغردوده منك يا باركه
تضحك الجده وتضم لين : احلى زغروده لنورت بيتنا
وتزغرد الجدة وتزغرد معاها سناء وسلوى اللي بتبسم بخبث.... الكل يبارك للين وسليم وينتهي الاتفاق علي خير.... ويمشي سليم وأمه وعمامه
#بقلم_ولاءيحيي
💖💖💖💖💖💖💖💖💖💖💖💖💖ينزل سليم وأعمامه وعايده تدخل بيتها وهي غضبانه ومتسلموش علي اعمام سليم وهو يقف معاهم قدام بيتهم
سليم بابتسامه :اتفضل يا عمي أنور اتفضل يا عمي منير ندخل نسهر سوا
منير : لا ياسيد احنا لحد هنا وكفايه (ويبص على عايده اللي دخلت البيت) يساتر يا رب هي امك لسه متغيرتيش بعد العمر دا كله
انور باهتمام : اسمعني يا سليم يابني... انت دخلت بيت وطلبت ايد بنت من احسن البيوت واحسن ناس والراجل ابوها استأمنك علي بنته.... يعني تراعي ربنا فيها.... فابعد امك عنها اوعي تظلم بنات الناس معك ما تعصاش امك بس متجيش علي بنت الناس وافتكر. ان عندك اخوات بنات.... خليك راجل كده زي ابوك الله يرحمه
سليم بابتسامه : حاضر يا عمي ان شاء الله.... انا متشكر اوي علي وقفتكم معايا
منير يضربه علي كتفه بهزار : ايه يا واد الكلام اللي بتقولوا دا انت ابننا وابن الغالي الله يرحمه
يلا يا حبيبي مبروك وربنا يتملك علي خير ويسعدك ( ويبص علي بيتهم ويضحك) وادخل استلقي وعدك من امك
سليم بضحك : ما تخدوني معاكم يا عمي
انور بضحك : لو طردتك ابقي تعال بات عندي
ويمشي انور ومنير ويقف سليم يتنهد وبعدين يبص علي بيت لين ويبتسم ويدخل بيته وهو بيتشهاد😂😂
#بقلم_ولاءيحيي
💖💖💖💖💖💖💖💖💖💖💖💖💖
مروه كانت قعده بتأكل لب وتتفرج علي التليفزيون دخلت عايده والغضب مالي وشها ورمت نفسها علي الكرسي
شروق حاسة ان فيه بركان هيولع : انا هدخل اغير هدومي
وهربت علي اوضتها خوف من غضب مامتها
مروه بتريقه : كنت عارفه انك مش هتعرفي تعملي حاجه.... البت المفعوصه عرفت تلف عقل ابنك وعرفت تاخدوا منك
عايده بضيق وعصبيه : البت سحرت للواد..... لا دا مش طبيعي البت دي اكيد سحرت له... انا لازم اجيب شيخ يقرا عليه انا ابني بيضيع مني
مروه بستفزاز : بكرا تشوفي لما يجوزها هتعمل فينا ايييييه (دخل سليم ومعها)
سليم بغضب : هتعمل ايه يا مروه.... ما تبطلي الحقن اللي عمله تديها دي.... في ايه عمله تسخني تسخني.. بطلي حقد وكره بقى... هو انا مش اخوكي... انتي بتكرهيني ليه
عايده تقف بغضب : تكرهك!!!! اختك بتكرهك اه ما احنا اللي بقينا نكرهك وست الحسن واهلها هم اللي بيحبوك صح يا سليم
سليم بزعيق : ايوه..... ايوه يا ماما (عايده تبرق عينها بصدمه) عاوزني اقولك ايه وانتم بتكرهو تشفوني مبسوط....وانا اليوم اللي انا بتمنه من زمان... اختي مترضاش تيجي معايا... وامي كانت بتهرب علشان تبوظه وتنكد عليا فيها... حرام عليكم اللي بتعملوا فيا دا.... انتم بتعملوا كده ليه
ويمشي يدخل اوضته بغضب ويسيبهم واقفه مصدومه
عايده بضيق : لاااا انا ابني بيضيع مني.... انا لازم القي حل مش هسيب حتت البت دي تأخذوا مني
#بقلم_ولاءيحيي
💖💖💖💖💖💖💖💖💖💖💖💖💖
وتاني يوم في بيت سليم وبعد ما سليم خرج راح شغلوا بعد ما رفض يفطر مع عايده
عايده ببكاء : سحرت للواد يا ام سالم ابني بيقول اني بكرهوا
سلوي : معلش ياختي البت اكلت عقله... هو انتي هتقولي لي علي مني وبناتها
عايده بدموع : دليني ياختي اعمل ايه انا محلتيش غير الواد.... قوليلي يا حبيبتي اتصرف ازاي
سلوي بخبث : بصي يا ام سليم... انتي لازم ترجعي تكسبي ابنك وتسيبهوش لحتت البت تاخدوا منك... فسكتي ولمي الدور واعملي نفسك مبسوطة وفرحانه قدام ابنك و اوعي يحس انك زعلانه او عاوزه تفرقي بينهم
عايده بغيظ : وسيبوا يتجوزها
سلوي بخبث : اه سبيه ايه يعني هيتبسط بيها يومين و لما ينول اللي هو عاوزه راجعيه لحضنك وزهقيها هي في عشتها... هي بت مدلعه ومش هتستحمل العيشة ....و اظهري انتي قدام ابنك حبك ليها وان البيت بيتها... وبينك وبينها كرهيها في العيشه ونفسها ولما تبقى لوحدها عرفيها انها غريبه وملهاش مكان وسطيكم وطلعي روحها... وساعتها هي اللي هترفض تعيش معاكم ويبقي الغلط قدام ابنك منها هي مش منك..ما انتي قدامه هتبقي فتحه بيتك وبتعامليها علي انها بنتك وهي هتظهر على أنها اللي مش عاوزه تقعد معاكم و فساعتها يبقي العيب فيها ويكرها ويطلقها
عايده : يالهووووي ويبقي ابني مطلق
سلوي باستغراب : وايه يعني ما يطلق دا راجل مش يعيبوا حاجه والف بنت تتمنه وساعتها بقي انتي الليع تجوزيه علي مزاجك.... وهو وقتها مش هيعترض وهيسمع كلامك.... بس شطرتك انتي بقي تعرفي ترسمي قدام ابنك انك فرحان ومبسوطة بيها وهي تزهقيها هي بعيشتها طول ما هي لوحدها معاكي و هي مش هتستحمل دي بت مدلعه واخده على أن كل طلباتها بتنفذ... ووخده علي الخروج والسفر والفسح والفلوس.. انتي بقي احرميها من كل دا وحبسيه في بيتك هنا
عايده باهتمام : طب والفلوس اللي ابن هيصرفها دا جيب ليها خاتم الما لقراية الفاتحة امال هيجيب لها شبكة بكام وعفش بكام
سلوي بتريقه : خاتم ايه ياختي اللي زعلانة عليه... وفلوس ايه دي اللي هيصرفها.... دا البت دي هي واختها عندهم ايش وشوايات وهتجيلك بيهم هنا في بيتك..... وهيبقي كله تحت ايد ابنك... ويوم ما تقول لابوها انها عاوزه تطلق.. هيتنزلوا عن كل حاجه ليها عندكم وممكن يدفع فلوس كمان.... اسمعي كلامي ياام سليم اظهري قدم ابنك انك فرحانه وسعيدة وسيبيه ياختي يتبسط يومين احسن لو وقفتي ضده... هيعاند ويسيبك ويروح يسكن معاها بره واديكي سمعتي امبارح ابوها عنده استعداد يجبلها قصر مش شقه
عايده باقتناع: عندك حق ياام سالم... انا هعمل اللي قولتي عليه واكسب ابني واسيبه يتبسط له يومين ايه يعني... مهو شاب بردك
سلوي بابتسامه خبث : ايوه كده اوعي تخلي حتت البت دي تاخد ابنك منك اسمعي مني انا خايفه عليكي.... (وتقوم تقف) انا هروح بقي احسن حماتي تسأل عليا وتعرف اني هنا.... وانتي لازم تجري ناعم مع اهلها وتصلحي اللي عملتيه امبارح ا احسن الكل قلق منك... روحي واعزميهم عندك واعملي نفسك فرحانه وارسمي الطيبة و الرضى وحبك للبت
عايده بابتسامه : حاضر ياختي... متشكره ياام سالم وربنا يبعد عنك الشر اللي انا فيه ياختي... ويقعد لك اللي بتعمليه معايا في ولادك ياحبيبتي.. مش عارفه أودى جميلك دا فين
سلوي بابتسامه : دا انتي حبيبتي ياام سليم يلا سلام عليكم
وتمشي سلوي بعد ما رسمت خطه شريره
#بقلم_ولاءيحيي
💖💖💖💖💖💖💖💖💖💖💖💖💖
وفي الجامعة ولين كانت رجعت لدراستها ومقرر تنتظم في محاضراته.... وكانت قعده مع امنيه وداليا بتاخذ منهم المحاضرات اللي فاتتها
امنيه : خالص كده تمام كل الفات اخدتيه
لين بابتسامه : ميرسي يا امنيه متشكره انك ما نسيتيش تجبيهم زي الأنسة داليا
داليا : يا بنتي انا قولت انتي مستحيل تيجي النهاردة دي خطوبتك كانت امبارح تقومي تيجي النهاردة
لين :لازم اجي طبعا... ومن هنا وجي في انتظام انا لازم اجيب تقدير كبير احسن بابي يغير رأيه ويلغي الجوزه
يضحكه البنات اوي... وهم قاعدين تيجي شروق عليهم
لين بابتسامه : ايه دا مش معقول شروق عندنا يا مرحبا يا مرحبا( وتقوم تسلم عليها وتبوسها )
شروق بابتسامه : اهلا ب مرات اخويه الغالي
لين تضحك : لسه مابقيتش مرات اخوكي ياختي
شروق بابتسامه : باعتبار ما سيكون يعني
لين بابتسامه : طيب تعالي يا لمضه لما اعرفك بي اصحابي دي امنيه ودي داليا ودي بقي صديقتي عمري شروق وتبقي اخت سليم
البنات يسلموا علي بعد ويقعدوا شويه وبعد فتره شروق ولين يقومه يروحه
وقدام عربيه واقفه في برك الجامعة
شروق باستغراب : ايه يا بنتي ريحه فين
لين : اركبي مش انتي مروحه
شروق باستغراب : اركب ايه عربيه مين دي
لين بابتسامه : عربيتي
شروق بصدمه :يا بنت الذينه جيبتيها امتي دي
لين بابتسامه : دي عربيتي اللي كانت في الكويت ولما كنت هناك بابي بعتها ولسه وصله الصبح فجيت بيها بدل المواصلات
شروق بابتسامه : حلو يبقى نلف شويه بقي واعملي حسابك هتوصليني كل يوم
لين بضحك :حد اقالك اني السواق الخاص بتعك يا هانم... انتي استغلاليه على فكره
شروق بضحك : ايوان مش مرات اخويه ولازم اشتغل شغل الحموات عليكي
لين بضحك : لا بليز مش ناقصكي .... كفاية عليا طنط ومروه
شروق تضحك :دول مش كفاية... دول كتير وزياده ربنا يكون في عونك يا بنتي
لين تضحك : طب ياختي اركبي اركبي
ويركبه العربية ويتحركوا... وفي العربية
لين بقلق : شروق هو حصل حاجه امبارح بعد ما روحتوا
شروق بارتباك : لا محصلش حاجه ليه بتقولي كده
لين : اصلي استنيت سليم يكلمني امبارح بس متصلش... حتي الصبح ما اتصلتش بيا زاي عوايده فخوفت يكون حصل مشكله مع طنط أو تكون زعلت من حاجه
شروق ترسم الابتسامه : لا يا حبيبتي محصلش حاجه دول كانوا فرحانين اوي بس تلقى ماما فضلت يتكلم وترغي معاه لحد ما نام منها
لين بصت ليها وابتسمت... بس حست ان في حاجه وشروق خبت عليها علشان متزعلش
#بقلم_ولاءيحيي
💖💖💖💖💖💖💖💖💖💖💖💖💖
يوصله قدام البيت وينزلوا من العربية
لين بابتسامه : ما تيجي يا روقه تقعدي معايا شويه
شروق : هبقي اجيلك بليل.... احسن انا بنام علي نفسي
لين بابتسامه : اوكي يا حبيبتي هستناكي يلا سلام موقت
وتدخل لين بيتهم وتصدم لما تلقي عايده قاعده مع ومامتها وجدتها وسناء وسلوي وايمان
لين بقلق : سلام عليكم
عايده بفرحه مصطنعة : وعليكم السلام ورحمة الله وبركاته... اهلا بعروسه ابني القمر تعالي يا حبيبتي في حضني
لين تبص لها باستغرب من تغير معاملتها وتبص ل مني
مني بابتسامه : ادخلي يا لينو سلمي علي طنط
تدخل لين وتقوم عايده تقف وتأخذها بالحضن
عايده بابتسامه : حبيبتي... بدر منور ما شاء الله عليكي... ربنا يحرسك ويبعد عنك العين
الجدة باستغراب : سبحان مغير الاحوال ياام سليم
عايده بابتسامه : خالص بقي يا حاجه خلي قلبك ابيض... والله ما كان اقصدي ازعلكم دا انا عنيه لسليم ومراته
مني بابتسامه : تسلم عينك ياام سليم...ربنا يخليكي ليهم
عايده : تسلمي يا دكتوره ياام قلب ابيض...طب خلاص زي ما اتفقنا هستناكم كلكم بكرا عندنا علي العشا
سناء بابتسامه : يجعلوا عامر ياام سليم
عايده بابتسامه : وانتي يا ايمان اوعي تقولي تعبانة وما تجيش والله ازعل...
ايمان بابتسامه : ان شاء الله... من عنيه حاضر
عايده بابتسامه : تسلم عنيكي ويقومك بسلامه يا رب (وتقوم تقف) هقوم انا بقي احسن زمان شروق جت وسليم علي وصل الحق احضرلهم الغدا احسن مابيعرفوش يعملوا حاجه لنفسهم... لازم انا اللي اعملهم كل حاجه بأيدي
سلوي بخبث : ربنا يديكي الصحة ياام سليم وتفضلي تعملي ليهم على طول
عايده بابتسامه : تسلمي يا حبيبتي... يا غاليه
عايده تحضن لين تاني قدام الكل : اوعي تكوني زعلت مني يا لولو.... انا زي ماما...وانتي هتبقي مرات الغالي وغلواتك من غلواته
لين باستغراب : مقدرش ازعل من حضرتك يا طنط ربنا يخليكي لينا
عايده بابتسامه : حبيبتي قمر قمر.... يلا سلام عليكم
وتخرج ام سليم ويروح يوصلها مني وسناء وسلوي ولين تقعده جمب جدتها وهي مصدومة
لين بصدمه : نناه هي طنط اللي كانت هنا دي مامت سليم ولا حد شكلها
تضحك الجدة وايمان بصوت عالي
الجدة : لا هي يا بنتي بس متعرفيش وقعت علي دماغها ولا حصلها ايه خلها جت علشان تعتذر وترضينا
إيمان بابتسامه :اكيد حست بغلطتها واكيد سليم شد عليها بعد اللي عملته امبارح.... ربنا يهديها يا ماما
الجدة : شكلها كده... هو الواد راجل وانا كده اطمنت عليكي يا حبيبتي... تعالي في حضني تعالي اهو كده اقولك مبروك بجد
تروح لين لحضن الجدة وهي مبسوطة
تدخل مني وسناء وسلوي بعد ما وصله عايده
سناء بابتسامه : شوفتي يا منى... اهو كنتي بتقولي مش مرتاحة... ربنا حب يطمنك والست حست بغلطها وجيت لحد عندك علشان تعتذر ليكم
مني براحه : الحمد الله يا سناء دا انا والله ما نمت طول اليل وعمله ادعي ربنا
الجدة : مهو علشان دعاكي دا ربنا هيحميهم ويسعدهم يا مني
مني تحضن لين : يارب يا ماما يارب يحميهم ويسعدهم
سلوي تبص ليهم بخبث وتقول لنفسها : افرحي يا مني انتي وبنتك... بكرا اشوف دموعكم
#بقلم_ولاءيحيي
💖💖💖💖💖💖💖💖💖💖💖💖
تطلع لين اوضتها وهي مضايقه ان سليم متصلش بيها من امبارح
لين لنفسها : لا مش هتصل المفروض أن اول اتصال بعد الخطوبة يكون منه هو مش انا
وتقوم تاخد شور وتصلي فرضها وتنام
وعلي الغدا والكل متجمع والجده تحكي ليهم تغير اللي حصل واعتذار عايده ليهم وعزمت العشا اللي عملها عشناهم
فؤاد براحه : الحمد الله..... والله انا امبارح اكتر من مره ابقي هرفض وقولهم ماعنديش بنات للجواز بس ابص للين اسكت عشان متزعلش
فاروق بابتسامه : بس سليم راجل ومسكتش وامبارح كان رفض كل اللي هي بتقوله و كسافها اكتر من مره..... وهو واضح انه لما روح كلمها وشد عليها وكلاموا جاب ناتيجه... وهي جيت تعتذر اهو
فريد بابتسامه : ربنا يهديها . ويهدي سرهم ويسعدها ويكتب لها الخير
الكل : امين يارب
#بقلم_ولاءيحيي
💖💖💖💖💖💖💖💖💖💖💖💖💖
كان رجع ووقف بعربيته وفضل يبص لبيت لين.... وكان عارف ان زمانها زعلانه منه بس ماكنش حابب يكلمها علشان ما تحس بضيقوا وتعرف اللي حصل.... فنزل من عربيته ودخل بيته... لقيهم كلهم قاعدين فيدخل على اوضته من غير ما يسلم على حد... فتقوم شروق وتدخل وره
شروق بقلق : ايه يا سليم مالك.... دخلت على اوضتك علي طول وماسلمتش علي حد
سليم بضيق : سبيني في حالي يا شروق ونبي...يعني عجبك اللي عملوا امبارح... بقى اسعد يوم في حياتي ينكدوا عليه كده... دا انا مكسوف اكلم لين
شروق : هي فعلا سألتني عليك واحنا جاين في العربية... وكانت مضايقه انك مكالمتهش
يقعدسليم بحزن : مش عاوز اكلمها... وتحس بضيقي انتي مشفيتش بابها امبارح كان مضايق ازاي... دا انا حسيت اكتر من مره انه هيقولنا مع سلامه ماعنديش بنات ليكم
شروق : معلش يا حبيبي اهي عدت علي خير بس انت لازم تكلم لين بلاش تزعلها في اجمل يوم في حياتها.... هي ملهاش ذنب
سليم بحزن : عندك حق... (ويبص لها باهتمام) هو انتي شفتيها فين
شروق : رحت لها كليتها ورجعت معاها في عربيتها
سليم باستغراب : عربيتها!!!! هي لين جابت عربيه
شروق : دي عربيتها وهي في الكويت... عمي فؤاد نزلها علشان تروح بيها الكليه.... ماخدتش بالك من العربية الحمرا اللي 4&4 الوقف تحت
تدخل عايده وتقطع كلامهم
عايده تقرب من سليم و تحضنه : مبروك يا حبيبي... متزعلش مني انا بس كنت خايفه عليك مش اكتر بس مدام انت مبسوط وهي دي اللي هتسعدك انا راضيه وموافقه.... وانا رحت ليهم النهارده وصالحتهم وعزمتهم كلهم بكرا هنا علي العشا
سليم باستغراب : بجد يا ماما رحتي وصالحتيهم وعزمتيهم عندنا
عايده بابتسامه : اه والله يا حبيبي.. َوما مشيت من عندهم غير وكلهم راضين وموافقين. وحتى وشوفت لين وصلحتها.... هو انا ليه بركه غيرك يا حبيب امك
سليم يحضنها بفرحه : ربنا يخليكي ليه يا ست الكل ايوه هي دي امي حبيبتي اللي ميهونش عليها تزعلني
شروق تبص لها باستغراب وتقول لنفسها : اقطع دراعي لو ماكنتش لعبه.... وفي سر وراكي وناويه علي مصيبه
#بقلم_ولاءيحيي
💖💖💖💖💖💖💖💖💖💖💖💖💖
سليم بعد ما مامته خرجت... قرر انه لازم يصالح لين... فنزل اشتري ورد وبالونات وشكولاتة ورح حطهم علي عربيتها وزوقها بشكل حلو وبعت لها شروق علشان تنزلها
شروق : يلا يا لين بقي بطلي رخمه هنشتري حاجه ونرجع علي طول
لين بحزن : مليش مزاج اخرج يا شروق خليها بكرا
شروق : بكرا امتي هو مش انتم معزمين عندنا.. مش هبقي فاضيه اخرج
لين تتنهد بضيق : صحيح نسيت
شروق بابتسامه : طيب قومي بقى عشان خاطري
لين باستسلام : حاضر يا ستي.... واضح اني جيبت العربية دي لوجع دماغي
شروق بضحك : هبقي اخليكي تعلميني السواقة وابقي اخده منك واسوق انا وابقي قعدي انتي في البيت
لين بضحك : لا اوصلك احسن انا مش مستغنيه عن عربيتي
تنزل لين وشروق ولين وتخرج من بيتهم تلقي عربيتها متذوقه وسليم وقف جمبها وبيضحك وغمازته ظاهرين و ويقرب منها بحب
سليم بحب : وحشتيني
لين بحركة شفيفها زي الاطفال : زعلانه منك
سليم يضحك : بلاش الحركة دي احسن هبوسك وقول لعمي فؤاد هي اللي تحمرشت بيا
لين تشهق بكسوف : سليم خليك مؤدب
سليم بضحك : ما انتي اللي بتعملي حركات بتجنني وانا مش مستحمل بصراحة
شروق باخ: ايه يا اخوانا نحن هنا راعوا مشاعيري شويه.... يخرب بيت كده (لين وسليم يضحك)
سليم بابتسامه : يلا يا حبيبتي تعالي خديني لفه بالعربيه لما اشوفك بتعرفي تسوقي ولا هنقضيها في اقسام بوليس
لين بضحك : أقسام بوليس.. يا حبيبي انا بسوق من وانا عندي 10 سنين
سليم بابتسامه : قولتي يااااا ايه... شوفتي اهو انتي اللي بتنحمرشي بيا تاني اهو
شروق تقف في النص : يا عمنا نحنا هنا
سليم يزقها : يا ساتر خالص يا غلسه سكتنا يلا يا لين خدينا لفه
لين بابتسامه : تؤ تؤ ماينفعش اخرج معك من غير ما اقول لبابي تعالوا نقعد في الجنينة ونبقي نخرج يوم تاني
سليم يفرح اوي بردها ويحس ان دي اللي هتحافظ عليه
سليم بابتسامه : حاضر يا حبيبتي تعالي نقعد جوه
ويمشوا للبيت وهم بيبصه لبعض بحب وفرحه
شروق بابتسامه : استنوا خدوا قفص الجوافة معاكم
لين تبص ليها باستغراب : فين قفص الجوافة دا
شروق بضحك : انا ياختي قفص الجوافة... واقفين تحبه في بعض ولا اكني هنا
بيضحكوا اوي ويدخلوا بيتهم وينزل الكل يقعد معاهم ويسهروا سوا
وتاني يوم يروحوا كلهم العشا و يستغربوا من مقابلة عايده واهتمامها بيهم... واهتمامها بلين خصوصا لدرجه ان سليم كمان استغرب وحس أن أمه مش طبيعيه بس سكت وبقى فرحان لفرحت لين وأهلها وطبعا السهر لازم متخليش من الاكشن و الاكشن كان من ايمان اللي جالها الم الولادة.... وهم قاعدين يتعشوا والكل بقي بيجري من صريخها ورحوا كلهم معاها المستشفى
و يفضلوا لحد ما ولدت وجابت ولد سمه محمد
و يمر الوقت في هدوء وسعادة وعايده قدرت تقنع الكل انها تغيرت وفرحانه بلين ... بس من جوها كان الكره وغضب بيكبر كل ما تشوف تعلق سليم ومعملته للين... وكل شويه تقعد مع سلوي اللي تفضل تهديها وتملي دماغها بكره والانتقام من لين بعد جوازهم
وتخلص لين امتحانات ويقرب الفرح 😍
بقلم_ولاءيحيي
💖💖💖💖💖💖💖💖💖💖💖💖💖 تفتكروا هيحصل ايه وسليم هيقدر يحمي لين نعرف الحلقه الجايه
التعليقات على الموضوع