بناتي حياتي🌸الحلقه الحاديه عشر🌸
.
رواية💖 بناتي حياتي💖
بقلم_ولاءيحيي
الحلقه الحاديه عشر
في بيت الجده بعد ما فؤاد اتصل وقالهم سليم طلب ايد لين (في شقه فايز)
سلوي بحقد : بقي سليم عاوز يتجوز لين... بيضلك في القفص يا مني انتي وبناتك.... امك كانت داعيلك
سميه باستغراب : في ايه يا ماما مالك مستغربه كده ليه.... هو سليم يطول يتجوز لين.... طيب دا انا زعلانه ان لين موافقة دا يغور من وش امه واخته مروه
سها : اه والله يغور... انا مش عارفه لين ازاي توافق عليه وازاي هتعرف تتعمل مع امه دي صعبه اوي
سلوي بضيق : امها معلمها ياخيبه منك ليها... عرفت ازاي توقع الواد في شهرين قعدتهم هنا.... واد حلو مهندس عنده فلوس علي قلبه قد كده... مش انتم قاعدين في وشهه بقالكم سنين ما فكرش يبص لوحده فيكم.... طالعين خيبين لامكم ابقي اقعدي ياختي منك ليها معاها هي واختها واتعلموا منهم ازاي توقعوا عرسان
فايز بضيق: استغفرك ربي واتوب اليك... لله الامر من قبل ومن بعد
سلوي باستغراب : ايه يا راجل مالك هو حد كلمك
فايز بضيق : يا سلوي يا تقولي كلمه كويسه يا تقفلي بؤقك.... هي لين نقصها حاجه علشان توقع عريس دي بسم الله ما شاء الله عليه زي ما بيقوله مال وجمال واخلاق وعلم وتربيه.... ناقصه ايه علشان تقولي عليها بتصطاد عرسان
سلوي بغضب : ياخويه مالك كده قعد تعد في محاسن بنت اخوك... طيب قول كلمه علي بناتك هم اولي بنفخه اللي انت فيها دي
ويدخل سالم البيت
سالم : سلام عليكم
الجميع : وعليكم السلام ورحمه الله وبركاته
فايز بضيق : كنت فين يا سالم المعرض مقفول من الساعة 9 رحت فين
سالم بتسامه : خرجت مع اصحابي شويه يا بابا
فايز بابتسامه : طيب يابني اكلت ولا تخلي حد من اخوتك يحضرلك العشاء
سالم : لا مش جعان دلوقتي شويه كده
سلوي بغيظ : مش لين اتخطبت يا سالم
فايز بضيق : ياسلوي اسكتي... وسيبي البت في حالها
سالم باستغراب : ايه دا هو الكلام بجد ولا ايه اتخطبت لمين
سميه : سليم اتقدم لعمي فؤاد وعمي نازل بعد بكرا علشان يقابلوا
سلوي بضيق : لا تقدم لعمك واللي نيله.... دي البت هي اللي واقعتوا وراحت تجري تقول لابوها يجي يجوزها خافت يهرب من ايدها
فايز بضيق : استغفر الله العظيم يا وليه اتقي الله عندك بنات كلامك هيقعد ليهم
سلوي بعصبيه : هو انا جيبت حاجه من عندي مش دا الحصل
سها: لا مش كده... نناه قالت ان هو اللي كلم أحمد جوز سيلا ولما احمد سافر هو اللي قال لعمي فؤاد
سلوي بتريقه : وهي ستك هتقول غير كده مهي لازم تداري عليهم
سالم : هو سليم كويس.... ومحترم بس امه واختها مروه اعوزه بالله.... دي امه بتغير عليه من اصحابه الرجالة.... امال هتعمل ايه في لين
سلو باستغراب : ايه دا... دا انا فكرتك هتزعل
سالم باستغراب : وانا ازعل ليه
سلوي بضيق : مش كنت عاوز تجوزها
سالم : انا قولت عاوز لما اتجوز اتجوز بنت مؤدبه ومحترمه وجميله وتكون في نفس الوقت شيك ورقيقه ومالقيتش حد بالموصفات دي غير لين فقولت يوم ما فكر اتجوز تبقى لين بس مش معني كده اني ازعل لما تجوز .. دا انا افرح لها واتمني تكون سعيدة.... (ويحط ايده على خده) وربنا يعوض عليه بقي ولقي واحده زيها
سلوي بغضب: هو ايه اللي ملقتش واحده بالمواصفات دي غير لين.... امال اخواتك ايه دول احسن منها مليون مره
سالم بضحك : ايه الهبل دا.. انا بقول اتجوزها هو انا هتجوز اخوتي
سلوي تقلع الشبشب وتحدفه بيه بس سالم يوطي وما يجيش فيه
سلوي : هبل يا جزمه بتقول علي امك هبله
سالم بتصنع الصدمة : هي حصلت لشبشب وجزمه في نفس ذات اللي لحظه لا انا هقوم ادخل اوضتي اكرملي
سميه وسها : واحنا كمان هندخل اوضتنا احسن
ويخرج سالم راسه من باب الاوضه
سالم : ربنا يصبرك يا حج فايز.... و لو عاوز تجوز تاني انا موافق.... و ممكن اروح معك اخطبلك
سلوي تحدفه بفرده الشبشب التانيه بس يقفل الباب بسرعه
فايز بضيق : انا كمان هقوم انام.. َوانتي خليكي قعده لوحدك و نامي هنا... انا هقفل عليه بالمفتاح
ويقوم يمشي وسلوي تقعده لوحدها تأكل في نفسها
سلوي بحقد وكره : طيب يا مني ام وريتك انتي وبنتك... واهو كويس بنتك هتقع في ايد عايده ودي بقي اللي هخليها تخلصه القديم والجديد منك انتي وبنتك
#بقلم_ولاءيحيي
💖💖💖💖💖💖💖💖💖💖💖💖💖
وفي بيت فريد
سناء: مالك يا فريد بتفكر في ايه
فريد بحزن : الواد رامي متغير وشكله زعلان ومموت نفسه في الشغل مش عارف ايه اللي مغيره
سناء بحزن : والله يا فريد انا كنت لسه بقول لماما نفس الكلام وقالت نجوزه
فريد الحزن : وانا كنت بفكر في كده وكنت عاوز اخطب له لين... بس نقول ايه بقي في النصيب
سناء بحزن : انا البنت دي طلعه من عيني.. كان نفسي اخدها لرامي من زمان.بس مرضيتش اتكلم قولت هيقول لسه صغيره.... بس =وقبل ما تكمل
فريد : ما بسش يا سناء.. ادعلها ربنا يسعدها وان شاء الله ربنا يوعدوا بالاحسن
سناء: ربنا يهدي سرها ويكتب لها الخير ويهديك يا رامي يابني ويريح بالك
#بقلم_ولاءيحيي
💖💖💖💖💖💖💖💖💖💖💖💖💖
وفي بيت الجده كانت قاعده هي وايمان وفاروق
الجدة : ايه يا ايمان الحمل المرة دي مطول كده ليه... دا انا حسه انك عديتي معادك
إيمان بتعب : مش عارفه والله يا ماما... دا انا تعبت وكل يوم اتقل عن اليوم اللي قابلة
الجدة : ابقي خدها يا فاروق وراحوا لدكتور اطمن عليها
فاروق : مهي احنا كنا لسه عنده(ويغمز لها ) بس هي اللي مش راضيه تمشي علي الوصفة اللي قال عليها
ايمان تغبطه في كتفه وتبرق له بكسوف
الجدة بضحك : يا واد اتلم واحترم نفسك انا قاعده معاكم
فاروق بضحك : هو انا قولت حاجه انتي اللي بتفهمي صح 😂
إيمان بكسوف : مقولتليش يا ماما مين اللي هيجي مع سليم وهو بيخطب لين
الجدة بضيق : يووووه اسكتي يا ايمان بتفكرينا ليه انا كل ما افتكر ان الولية العقربة امه هتيجي ونخطب لين قلبي ينقبض
ايمان : خير يا ماما ربنا يهديها... وان شاء الله هتحب لين.... لين طيبه اي حد بيعرفها بيحبها
فاروق : و سليم راجل يا ماما وبيعرف يتصرف مع امه.. وان شاء الله هيحافظ على لين
الجدة بقلق : ربنا يسترها يابني انا لولي أن لين قالتلي قبل ما تسافر.... و شوفتها فرحانه وبتحب الواد.... كنت قولت لفؤاد ابعد عن الجوازه دي... بس مايهونش عليه اكسر قلبها... وربنا يخلف الظنون ويقدم لها الخير
ايمان وفاروق : يارب
#بقلم_ولاءيحيي
💖💖💖💖💖💖💖💖💖💖💖💖💖
ويعدي اليومين ويوصل فؤاد وعيلته كلها ويكون في استقبالهم فاروق وسالم ويوصلوا المنصورة وطبعا لين تلقي سليم وقف مع عمها فريد مستنيهم قدام البيت
فريد بابتسامه : حمدالله علي السلامة
فؤاد يحضن اخوه : الله يسلمك يا حبيبي .... برده تعبت نفسك ووقف مستني في الشارع يا حج
فريد بابتسامه : هوفين التعب دا انا بكون مبسوط لما بتراجع وتبقي وسطينا
سليم يقرب من فؤاد : حمدالله علي السلامة يا عمي
فؤاد يبتسم لأنه شاف لين مكسوفه ومسكه في ايد مني
فؤاد بابتسامه : الله يسالمك يا سليم ازيك وازاي ولدتك واخواتك
سليم بابتسامه : بخير الحمد الله.... حمدالله علي سلامه يا طنط... ازيك يا سيلا نورتي يا لين
وطبعا لين وشها كله احمر ومش عارفه تنطق
مني بابتسامه : الله يسالمك يا سليم ازيك يا حج فريد
فريد : الحمد الله يا دكتوره يلا تعالوا اتفضلوا ندخل للحاجة
فاروق واحمد وسالم يقربه من سليم ويوقفوا وسطيهم ويمسكه من ايده الاتنين زي المخبرين
فاروق وهو رافع حاجبه وبيبص لسليم : تصدق ياض يا سليم.... انا اول مره اخد بالي ان دايما وانا بجيبهم من المطار.... تكون انت يا سبحان الله عربيتك بايظه وواقف تصلحها
سالم بضحك : ووهم مسافرين كمان.. كانت عربيته برده بتبوظ ويقف يصلحها
سليم بغيظ : وسعوا كده هيطلعوا قبل ما اخد معاد من عمي فؤاد
احمد بضحك وهو مسكه: تعال بس عاوزك في موضوع
بس سليم يفك نفسه منهم و يجري يلحق فواد قبل ما يطلعه لباب البيت الداخلي
سويلم بجري : عمي فواد لو سمحت
وطبعا الكل يوقف يشوف سليم بيجري عليهم
سليم بابتسامه : لو سمحت يا عمي.... انا كنت عاوز اخد معاد من حضرتك.... عشان اجيب عمامي واجي
سيلا برخامه : هتيجوا ليه يا سليم هاااااا عاوزين ايه
الكل يضحك ولين مكسوفه وعاوزه تطلع بس سيلا ورشا وسها قفلين عليها الطريق علشان متطلعش
مني بضحك : بنت اسكت
فريد بابتسامه : طيب تعال فوق يابني هنتكلم علي الباب كده
سليم بابتسامه :متشكر يا عمي فريد... مش دلوقتي النهارده بليل بقي ان شاء الله لما جيب عمامي واجي
فؤاد بضحك : يااااا دا انت مستعجل اوي طب استنى لما اخد نفس
سليم بابتسامه : ما احنا هنجيي متأخر تكون حضرتك ارتحت واخدت نفس
الكل يضحك علي استعجال سليم
فؤاد بابتسامه : طيب يا سليم انا هستناكم بس مش النهاردة.... بكرا ان شاء الله الساعة 8 حلوه كده
سليم بابتسامه : متشكر يا عمي.... بكرا ان شاء الله هجيب عمامي واجي... اتفضل حضرتك ارتاح
ويطلع وهم وبيضحكوا علي استعجال سليم ويرجع سليم لفاروق وسالم واحمد اللي واقفين يضحكوا عليه
احمد بضحك : ما كنت تطلع تنام في حضن عمي لبكرا احسن يهرب
سليم : يهرب مين دا انا هنام علي باب بتكم واللي هيخرج هعوره (ويفضله الشباب يهزره ويضحكوا )
وعند الجدة وبعد السلام
الجدة بابتسامه : يعني هيجي مع عمامه بس بكرا
فؤاد : مش عارف هو قال هجيب اعمامي بس اكيد هيجب ولدته معاه
سناء بابتسامه : ربنا يتم ليها بخير يارب ويبعد عنها الشر
مني: يارب يا سناء ادعلها دايما كده
فريد :ربنا يسعدها... لين بت حلال وان شاء الله ربنا هيكتب لها الخير
سلوي بضيق : وسليم عريس لقته غني وعنده فلوس قد كده علي قلبه.... وصغير ومهندس... أي عروسه تتمناه
فؤاد بضيق شديد : لين بنتي حلم لأي شاب وربنا بيحبه اللي هتكون من نصيبه.... ولو علي الغني فهي عندها اللي يكفيها.... وفي الأغنى منه كتير اتقدموا لها بس انا يهمني اللي يسعد بنتي و يحافظ عليها
امير يبص لسلوي بضيق : هو بابا فين هو لسه مجاش ليه
سميه قعده جمبه ومسكه ايده: في المعرض هو اللي هيقفل بدل سالم بس قال هيجي بدريغ
ويدخل رامي يكون راجع من المستشفى ماعندوش خبر باي حاجه
رامي : سلامه عليكم
الجميع : وعليكم السلام ورحمه الله وبركاته
رامي باستغراب : عمي فؤاد ايه المفاجأة دي حضرتك وصلت امتي محدش قالي انكم هتوصلوا النهارده كنت قبلتكم(ويسلم عليهم)
فريد بحزن : هو انت بقي حد يشوفك.... ما انت طول اليوم في المستشفى بتيجي البيت ولا وش الضيف
فؤاد بابتسامه : ربنا يوفقك ويكرمك يارامي بس ماتتعبش نفسك اوي كده انت لسه صغير عيش حياتك
رامي يقرب من امير : وامير كمان هنا تتحسد يابني تنزل مرتين في تلات شهور
امير بابتسامه : لا وجي وهقعد هنا علي قلبك علي طول
رامي بضحك : ايه دا بجد هو عمي طردك من الشركة ولا ايه
فؤاد بضحك : هو انا اقدر استغني عن امير دا هو اللي شايل الشغل كله.... بس هو اللي هيمسك الفرع الجديد في القاهرة (ويعقده كلهم يتكلموا ويضحكوا)
سلوي بتغيظ رامي :اللي انت هتحضر قرأيه الفتحة بكرا يا رامي... والا عندك شغل
رامي بصدمه ويبص للين بسرعه ويرجع يبص ليهم
رامي : فتحة مين
سلوي بابتسامه شر: هو ماحدش قالك ولا ايه.. مش بكرا سليم جي علشان يخطب لين
رامي يبص للأرض وبعدين يبتسم بحزن : طبعا هحضر احنا عندنا كام لين مبروك يا لين....
لين بحزن : ميرسي يا رامي.... عقباللك ان شاء الله وتكون عروسه جميله وتستهلك
رامي يبتسم ويسكت ويبص ليه بعين كلها حزن رغم الابتسامة اللي بيحاول يرسمها علي وشه بس لين كانت حسه بألم اللي في عينه... وقلبها وجعها عشانه وبصت في الارض علشان ما تشوفش تعبوه وكان امير واخد باله فغير الكلام وفضل يرغي مع رامي
ويفضله يتكلموا شويه والبنات مسكين لين تريقه وهزار لحد ما اليل ما جيه .. والكل يروح شقته عشان ينام...
#بقلم_ولاءيحيي
💖💖💖💖💖💖💖💖💖💖💖💖💖
فؤاد فضل يتقلب وميعرفش ينام فيروح للين اوضتها
لين كانت قعده بترسم ومبسوطة لقيت الباب بيخبط
لين : ادخل
فؤاد يفتح الباب
فؤاد بابتسامه : لقت الاوضه منور قول تبقي صاحية
لين توقف وتبتسم : ما جليش نوم قولت اسهر شويه.... بس حضرتك ليه ما نمتش... خير في حاجه
فؤاد يقرب يقعد علي السرير ولين تقعد جمبه
فؤاد: لا يا حبيبتي مافيش حاجة... الظاهر اني تقلت في اكل فبطني تعباني شويه... اصل جددتك كانت عمله كل الاكل اللي بحبه..... فنوم هرب مني
لين بخوف : سلامتك يا حبيبي تحب اعملك حاجه دافئة
فؤاد بابتسامه : لا يا حبيبتي متتعبيش نفسك.. (ويمسك دفتر الرسم) انتي كنتي بترسمي ولا ايه
لين بكسوف : يعني بشخبط كده (فؤاد يفتح الدفتر ويشوف الرسمه)
فؤاد بابتسامه : دا فستان فرح شكله حلو اوي (ويبصلها بحب اب) وهيبقي احلي لما تلبسيه انتي
لين تنام في حضنه : ربنا يخليك ليه يا بابي
فؤاد يضمها بخوف وحزن : كبيرتي يا ليني وهتجوزي وتبعدي عن حضني
لين ترفع وشها وتبصله : انا عمري ما هبعد عن حضنك... واللي هكبر... هفضل لينك انت وبس
فؤاد بابتسامه :يعني اتصل علي سليم اقولوا ما يجيش بكرا
لين بضحك : لو هتنام معايا هنا كل يوم وهتا خدني في حضنك موافقه بس شوف هتقول ايه لمامي
فؤاد بضحك : لاااا كله اللي زعل مني انا اجوزي ارحم
لين بضحك : انت اللي رجعت في كلامك اهو مش انا
فؤاد يضمها بابتسامه : انا المهم عندي انك تكوني سعيدة انتي واختك (ويبصله باهتمام )انت متأكده ان سليم هيقدر يسعدك
لين تقعد وتبص ليه: سليم طيب وحنين وبيحبني وانا كمان يا بابي بحبه وان شاء الله هكون سعيدة معاه
فؤاد يحط ايده علي وشها بحب : وانا المهم عندي اشوفك مبسوطة وشوف الفرحة اللي موجوده في عنيكي دي دايما
ويرجع ينام ويأخذها في حضنه
فؤاد : عارفه يوم ما اتولدتي كانت مني لسه في السابع وكنا في الكويت... َلقيتها تعبانة جريت بيها علي المستشفى كنت خايف اوي
لين ترفع راسها من علي صدره وتبص ليه : كنت خايف عليا
فؤاد بابتسامه : لا طبعا كنت خايف علي مني.. هو انا كنت لسه شوفتك
لين تضحك : بقي كده اوعدنا يا رب
فؤاد بيفتكر ودموع ملت عينه: بس اول ما خرجوا بيكي من العمليات.... كنتي عمله تعيطي جامد فاخدتك منهم وحطيتك في حضني... و انتي اول ما شلتك انكمشت واستخبيتي في صدري وبطلتي عياط.... ساعتها قلبي فضل يدق جامد وخوفت عليكي ولما خدوكي مني بقيت ماشي وراهم من هنا لنها وانا خايف عليكي ... وبقيت هتجنن كل ما تعطي و عاوز اطمن عليكي... ولما رجعوكي ليا تاني فضلت طول اليل قعد بيكي وواخدك في حضني...
لين تبوسه بحب : انت احسن بابي في الدنيا.... ربنا يخليك لينا يا حبيبي
ويفضل فؤاد ولين بيتكلموا لحد ما يناموا و لين في حضنه
#بقلم_ولاءيحيي
💖💖💖💖💖💖💖💖💖💖💖💖💖
والصبح باب شقه عند فؤاد يخبط ومني تروح تفتح
مني بابتسامه : صباح الخير يا فاروق
فاروق : صباح النور يا منمن هو فواد لسه نايم ولا ايه
مني باستغرب : هو مش تحت عند ماما انا صحيت ملقتش نايم.... قولت صحي بدري ونزل
فاروق : لا مش تحت انا لسه طالع من عندها
مني بقلق : استني اسأل لين يمكن تعرف هو راح فين
وتدخل مني اوضة لين تلقي فواد نايم ووخد لين في حضن فتبتسم اوي وتخرج لفاروق
مني بابتسامه : تعال يا سيدي شوف اخوك
فاروق يدخل الاوضه ويشفهم فيضحك ويطلع الموبيل ويصورهم
مني تقرب من فؤاد : فؤاد فؤاد اصحي
تصحي لين علي صوة مامتها
لين : صباح الخير يا مامي
مني : صباح النور يا حبيبتي.... فؤاد اصحي بقي
فؤاد يقوم يلقي نفسه في اوضة لين ومني وفاروق واقفين ولين لسه في حضنه وبتبصله وتضحك
فؤاد بتصنع الصدمة : ايه دا انا فين.... وايه اللي جابني هنا ومين اللي في حضني دي... انا تجوزت عليكي ولا ايه يا مني
يضحك فاروق ولين بصوة عالي... ومني تحدفه بمخدة وهي بتضحك
#بقلم_ولاءيحيي
💖💖💖💖💖💖💖💖💖💖💖💖💖
ويمر اليوم علي باستعداد وفرحه... وقلوب بدق وتيجي الساعة 8 و الوقت المنتظر ويدخل سليم ومعاه عمه انور وعمه منير و عايده و شروق
الجدة : نورتينا ياام سليم... بقى نبقا جيران العمر دا كله... وما تزورينا والا مره
عايده بضيق : دا نورك يا حجه... انا والله ما بنزل خروجي قليل قعده طول النهار في البيت اشوف طلبات العيال (وتبص للكل) ازيك ياام رامي وانتي ياام سالم عاملين ايه..... ازيك يا مني معلش هقول مني علي طول اصلك ماعندكيش ولد اناديلك بيه
سلوي تضحك فسناء تخبطها في رجلها عشان تسكت والجدة تضايق
الجدة بضيق :قولي لها دكتوره مني... ماهي دكتوره وشهادتها من امريكا
مني بابتسامه :وحتى يا ماما لو ناديت عليا باسم بنت من بناتي انا بكون فخوره بيهم جدا... انا الحمد الله بناتي الاتنين الكل بيحلف بيهم وباخلقهم وهنروح بعيد ليه ما انتي جيه لحد بيتي علشان تطلبي بنتي مني.....ونادي عليا باللي يعجبك اي حاجه تقوليها ام سليم حلو
عايده بغيظ : ربنا يفرحك بيهم يا حبيبتي... (وتبص لهم بضيق) هو انتم مقعدنا بعيد عن الرجالة ليه الكلام دا قديم اوي مش نعقد معاهم كده علشان نسمع هم بيتفقوا على ايه
مني بابتسامه بارده : تعالي اتفضلي نعقد مكان ما تحبي ويدخلوا الصالون اللي الرجاله قاعدين فيه
فريد: اهلا اهلا اتفضلي يا حجه
عايده : اهلا بيك يا بشمهندس .... معلش احنا قولنا نعقد معاكم ولا فيه مانع
فريد بابتسامه : مانع ايه البيت بيتك تنوري مكان ما تحبي
عايده : تسلم يا حج فريد طول... عمرك رجل زؤق وطيب
فريد: ربنا يكرمك دا من اصلك
طبعا سليم كان مضايق من دخول عايده وخايف جدا من تصرفاتها
وتدخل سيلاو تقدم التحية
انور عم سليم : بسم الله ما شاء الله عروسه زي القمر عرفت تختار يا سليم
احمد بضحك : لا يا عمي دي مراتي انا يعني ممنوع الاقتراب او التصوير
الكل يضحك
فؤاد بابتسامه : دي سيلا بنتي الكبيرة
منير بابتسامه : ما شاء الله ربنا يخلي ويبارك ويسعدك يا بنتي.... بصراحه يا بشمهندس فؤاد سليم ابن اخويه عرف يختار البيت اللي يتجوز منه ناس محترمه وسمعه زي الالماظ طول عمركم
فايز : الله يكرم اصلك ياحاج منير انتم كمان ونعمه الناس (تدخل سها وهي معاها الجاتو)
انور : بسم الله ما شاء الله اكيد دي العروسة
فؤاد بابتسامه : لا دي سها بنت فايز اخويه
انور بضحك : طب هو احنا مش هنشوف العروسة بدل ما انا هخطب بناتكم كلهم كده
فؤاد بابتسامه : قوم يا امير يا حبيبي نادي اختك لين
امير : حاضر
منير : وهو امير ابنك يا بشمهندس فؤاد
فؤاد : امير ابن فايز اخويه وزي ابني وهو اخوه سيلا في الرضاعة
فايز : فؤاد اخويه هو اللي مربي امير من وهو صغير مع بناته وشغالوا في شركتوه... هو كان عايش معاهم في الكويت
أنور بابتسامه : ربنا يبارك فيه ويخليه ليكم.. َونعمه التربية ما شاء الله
وهنا تدخل لين وهي مسكه في ايد امير وتكون جميله جدا ورقيقه وهي لبسه فستان نبيتي رقيق ضيق من فوق وواسع من الوسط وصل لحد الركبة وشوز نبيتي كعب عالي ومسيبه شعرها الطويل اللي وصل لأخر ظهرها ومكب رقيق جدا كانت جميله ورقيقه
فؤاد بابتسامه :اهي العروسه تعالي يا لين اهي سالمي على الحج انور
انور بانبهار بجمالها : الله واكبر بسم الله ما شاء الله ربنا يحميكي ويحرسك من العين يا بنتي زي القمر
لين بابتسامه رقيه : ميرسي يا انكل
مني بابتسامه : تعالي يا لين سلمي علي الحجه عايده
لين تقرب من عايده اللي فضلت قاعده ومرجعه ضهرها لورا وما تبصش عليها.... َوتمد ايدها ايدها بعدم اهتمام فلين تسلم بسرعه وتبعد بضيق
الجدة بضيق : ايه يا حجه عايده مش تسلمي على العروسه حلو.. و تحضني وتمسكيها كده زي ماري منيب وتتأكدي ان كله طبيعي
فكل يضحك بس يحسوا ان عايده كسفت لين وسليم لقى وش فؤاد اتغير والضيق والغضب ظاهر عليه
ولين تسلم علي منير ويتكلم عن جمالها زي انور
ولين تكسف تسلم علي سليم وفتروح تقعد جمب جددتها.... فسليم يقوم ويروح يقف قدامها بابتسامه ولين تكسف اوي ومش عارفه سليم وقف قدامها ليه
سليم بابتسامه : انتي ما سلمتيش عليا علي فكره
الكل يضحك
فؤاد بابتسامه : قومي سلمي علي سليم يا لين
لين تقوم تقف قدامه علشان تسلم عليه
فسليم يبص لفؤاد : بعد اذنك يا عمي.... حضرتك عارف اني جي النهارده اخطب لين... وانا بصراحه عاوز اعمل حاجه بشوفها في الافلام من زمان
وينزل علي ركبته قدامها وقدم كل القاعدين وقدم عايده اللي كان هيجلها سكته قلبيه 😂😂😂😂 ويطلع علبه فيها خاتم الماظ جميل ويمدو ليها وهو بصص ليها بحب
سليم بابتسامه : تجوزيني يا لين
لين تكسف وتبص لفؤاد ومني اللي عجبهم اللي سليم عملوا واعتبره رد علي طريقه سلام عايده علي لين... لين بصت لفواد بتسأل تعمل ايه.... رح فؤاد محرك ليها راسه بالموافقة فضحكت
لين بابتسامه : موافقة
فيبتسم سليم اوي ويمسك ايدها ويلبسه الخاتم ويبوس ايدها برقه وحب قدام الكل وهو لسه رقع على ركبه قدامها ولين فرحانه وعايده وشها احمر وضغطها عالي 😂😂
بقلم_ولاءيحيي
💖💖💖💖💖💖💖💖💖💖💖💖💖
التعليقات على الموضوع