بناتي حياتي🌸الحلقه الثالثه عشر🌸
رواية💖بناتي حياتي💖
بقلم_ولاءيحيي
الحلقه الثالثه عشر
اخر يوم في امتحانات لين.... رحت الكافتيريا مع داليا و امنيه بعد ما فضلوا يتحايلوا عليها كتير علشان تقعد معاهم شويه يشربوا حاجه لحد ما وافقت فرحت معاهم... ووهم قاعدين وبيتكلموا ويضحكوا جي عليهم كريم
كريم بابتسامه : صباح الخير
داليا وهي مبسوطة اوي : صباح النور يا كيمو تعال قعد
لين تبرق ليها بعصبيه : يقعد فين انتي اتجننتي
كريم بابتسامه : ايه يا انسه لين انتي لسه زعلانه مني
لين بغضب : وانا هزعل منك بتاع ايه انت مين اصلا عشان ازعل منه
داليا تضحك : طيب اهدي اهدي بس هفهمك
فلين تبصلها باستغراب وهي عمله تضحكم
داليا بابتسامه : تعالوا اعرفكم علي بعض الاول
لين بضيق : تعرفي مين انتي شكلك اتجننتي بجد انا قايمه
تقوم لين تقف بس امنيه تمسك ايدها و تشدها وتقعدها تاني وهي بتبتسم ليها
امنيه : استني بس سبيها تكمل وهتفهي
لين تبص ليهم باستغراب وتحس ان في حاجه هي مش عرفها
داليا بابتسامه : اعرفك يا كريم دي لين صحبتى وحبيبتي هي مجنونه شويه وحماقيه شويتين ولولي انها مخطوبه وفرحها قرب وبتحب خطيبها جدا كنت قولت انها متعقده من الرجالة ( وتضحك هي وامنيه من نظرة لين اللي بتلع نار وغيظ من كلامها) عارف ما فيش واحد من زميلنا في الكليه عرف يكلمه نص كلمه.. ولا حتي عرفوا يأخذوا منها الملخصات اللي بتعملها كانوا بياخدها منا احنا بعد موافقتها طبعا والملخصات دي بقي هتكون ان شاء الله ليها الفضل بعد ربنا في ناجح الدفعة كلها السنه دي
داليا تبص للين : ودا يا ستي كريم في اخر سنه في الكلية عنيه زيغه حابتين وبيحب يعاكس البنات بس الحمد الله في خلال سنه اتربي وتاب علي ايدي ( وتبصله بنظرة حب وتبتسم) و كلم بابا وخطبني علشان يكفر عن ذنوبه
لين تضحك بفرحة : بجد الف مبروك يا دودو بس كده تتخطبي ومتقوليش ولا اعرف حاجه
داليا بابتسامه : هو لسه مكلم امبارح واخد ميعاد بعد ما اصابه اليأس مني
ويضحكوا كلهم ولين تبارك لكريم ويقعد معاهم ويفضلوا يتكلموا وداليا تقول للين ان كريم بيدور علي شركه علشان يشتغل فيها بعد التخرج
لين بابتسامه : انا ممكن اساعدك في موضوع الشغل دا
كريم يبص لداليا بفرحه : بجد.... داليا قالتلي انك ممكن تساعديني بس ماتوقعتش انك توافقي
لين بابتسامه : ليه بس.. انت دلوقتي خطيب اختي... وبعدين بابي فتح فرع لشركه في القاهرة ودخلنا فيها قسم الديكور جديد ونحتاج مهندسين ديكور لسه متخرجنين.... انا هكلم امير اخويه وانت خد رقمه وحدد معاه ميعاد
كريم بابتسامه : انا متشكر اوي يا لين انت متعرفيش انت هتساعديني ازاي.. بالشغل دا
لين بابتسامه : بتشكرني علي ايه... كله لعيون دودو
داليا تضمها : ربنا يخليكي يا لينو ... ايوه بقى خليه يكون نفسه بسرعه عشان اتجوز علي طول ومخللش جمبه
يضحكوا كلهم.. ووهم قاعدين تلفون لين رن
لين : ايوه يا روقه
شروق : انتي فين يا لينو انا قدم الكليه ومش شايفكي
لين : تعالي انا في الكافتيريا بتعت الكليه
شروق : طيب تمام انا جيه اهو
#بقلم_ولاءيحيي
💖💖💖💖💖💖💖💖💖💖💖💖💖
شروق تروح للين وتعرفها بكريم وتبارك ليه ولداليا ويقعدوا شويه و بعدين يمشوا ويوصله عند البيت وتطلع كل واحده لبيتها وشروق تدخل تلقي سليم في البيت قعد مع مامته ومروه
شروق : سلام عليكم
الكل : عليكم السلام ورحمة الله وبركاته
شروق بابتسامه : مش معقول سليم في البيت ايه الهنا دا انت ايه اللي رجعك بدري
سليم بضحك : ايه يا بت انتي هتحاسبيني انا حر اجي وقت ما انا عاوز انتي هتحققي معايا... وبعدين انا اللي اسألك مش انتي انت.... ايه اللي اخرك مش امتحانك خلص من ساعه
شروق بضحك : ايوه يا سي السيد... يووووه لمؤاخذه قصدي يا سي سليم خلصت من ساعه
سليم بضحك : وكنتي فين دا كله يا امينه
شروق بضحك : كنت قعده مع خطيبتك وصاحباتها في الكافتيريا بتاعت كليتهم
سليم يسمع ان لين كانت قعدت في الكافتيريا َ... يقوم ينط من مكانه. فهو مانعها من قعدت الكافتريا
سليم بغضب :بتقولي كنتم قاعدين فين
شروق باستغراب : في الكافتيريا مالك فيه ايه
سليم بغضب : وكنتم قاعدين انتم ومين بقي ان شاء الله
شروق باستغراب : انا ولين وامنيه وداليا وكريم خطيبها
سليم بغضب شديد اول ما سمع اسم كريم لدرجه انه ماخدتش باله من كلمة خطيبها
سليم بعصبيه :انتي ازاي تسمحي لنفسك و ليها انكم تقعدوا مع شاب غريب يا هانم
عايده مستغله الموقف : انتي اتجننتي يا بت. انتي من امتي بتعقدي مع رجاله في كافتريات.... طيب خطيبت اخوكي ومتربيه بره وشكلها متعوده وعادي عندهم لكن انتي ازاي تعقدي معاهم دا بدل ما تفهميها غلطها وتعقليها
مروه بتريقه : شكل لين هي اللي هتعودها علي حاجات متربناش عليها
شروق باستغراب : ليه دا كله احنا عملنا ايه ما انا طول عمري بقعد مع سالم ورامي واحمد وقريبنا وعمر ما حد فيكم اعترض
سليم يقف بغضب : كنت ببقي قعد معاكي يا محترمه مش قعده معاهم لوحدك
شروق تقف قدامه باستغراب : انا مش عارفه ايه الحصل ل دا كله
سليم بغيظ وغضب : وكمان مش عارفه ايه الحصل الظاهر انك عاوزه تتربي من اول وجديد
ورح ضربها بالقلم ودي كانت اول مره سليم يضرب حد من اخواته او يقسي عليهم. وطبعا هو ماكنش مضايق ان شروق قعده مع كريم هو الغيرة عمت عنيه وخصوصا انه افتكر كريم لما كان بيعاكس لين
شروق انصدمت وسليم محسش بنفسه غير بعد ما ضربها.... ورح خارج من قدامهم بسرعه وهو ركبه 100عفريت
وعند لين وبعد ما سلمت علي جدتها..... دخلت اوضتها و لسه هتغير هدمها وهتاخد شور لقيت تلفونها بيرن
لين بابتسامه وفرحه : حبيبي وحياتي
سليم بعصبيه : انزلي حالا انا تحت قدام البيت مستنيكي
لين باستغراب : مالك يا سليم.... صوتك مضايق حصل حاجة
سليم بغضب : لين انا مش عاوز اعلي صوتي وحد يسمع اتفضلي انزلي حالا هنا قدامي حالا
ويقفل السكة في وشها من غير ما يسمع ردها ولين تستغرب طريقتوا وانه قفل السكة في وشها فخرجت ونزلت تشوف ماله
لين خرجت من البيت لقيت سليم وقف قدام البيت وشكله مضايق جدا
لين باستغراب : خير يا سليم مالك حصل ايه
سليم بغضب يمسك ايدها ويشدها بعيد عن بيتهم عشان محدش يشوفهم
سليم بغضب شديد : هو مش انا قولت ما فيش قعده في الكافتيريا.... وكمان قعده ما الأستاذ كريم اللي كان بيعكسك وعاوز يتعرف عليكي ياترى اتعرفتوا علي بعض امتى وبقالكم قد ايه بتعقدوا مع بعض يا هانم
لين تبص ليه بصدمه... و بغضب شديد تشد ايدها اللي كان مسكها وبيطغط عليها ...
لين بصدمه وغضب : انت ايه اللي بتقول دا .... انت سامع نفسك بتقول ايه ياسليم...انت ازاي تسمح لنفسك تكلمني كده وازاي تسمح لنفسك تمسك ايدي وتشدني بشكل دا
سليم بغضب : ايه بقول حاجه غلط حاجه... بتبلي عليكي... (ويقرب بغضب) كسرتي كلمتي وكنتي قعده ما كريم بيه في الكافتيريا.. واللي لا تقدري تفهميني كنت قاعده معاها بتعملوا ايه
لين بغضب شديده : انا مش هرد عليك يا سليم....ولا هفهمك حاجه لأني لو رديت عليك ابقي بقبل المعني الوراء كلامك... ودا معناه ان انا اخترت غلط....(وتبص ليه بحزن) واضح انك للأسف معرفتش مين هي لين.... و اني فعلاً اخترت غلط...ولازم كل واحد يروح لحاله
ومشيت من قدامه ... وسليم واقف مصدوم بعد ما سمعها بتقول نسيب بعض..ماكنش مصدق ان لين ممكن تفكر تسيبوا وتبعد عنه ...فضل بصص عليها لحد ما دخلت بيتهم... وهي اول ما دخلت ماقدرتش تمنع دموعها وانهارت وجريت علي اوضتها قبل ما حد من اهلها يشوفها
#بقلم_ولاءيحيي
💖💖💖💖💖💖💖💖💖💖💖💖💖
رجع سليم البيت وهو مصدوم ومضايق ودخل علي اوضته من غير ما يكلم حد
عايده بابتسامه : يا فرحت قلبي شكل الجوازه باظت يا بت يا مروه
مروه : انتي فكره البت دي هتسيبوا كده بساهل دي هتفضل تتسهوك له.... لحد ما ترجعوا ليها تاني .... وابنك هيرجع زي العبيط
وهم بيتكلموا يلقوا سليم خرج من اوضته
سليم بضيق : هي شروق فين
عايده بابتسامه : دخلت اوضتها سيبك منها اكسر لها ضلع يطلع 44 تعال يا حبيبي اقعد معايا
سليم يسيبهم ويدخل لشروق اللي كانت بتصلي
وبتعيط.... فصعبت عليه وزعل من نفسه انه مد ايده عليها.... وقف واستنها لما خلصت صلاة ورح قعد قدامها
سليم بابتسامه : اوعي تكوني داعيتي عليه انا زي اخوكي برده
شروق تنزل رسها وتبص للأرض وتفضل تعيط ومتردش عليه
سليم يمسك راسها ويبوسها
سليم بهدوء : حقك عليه يا حبيبتي انا بس كنت خايف عليكي.... وبعدين مين كريم دا علشان تقعدوا معاه
شروق بعيط : خطيب داليا صحتنا... وكانوا
ولسه هتكمل كلامها بس سليم قطعها
سليم باستغراب : خطيب داليا .... وانتي مقولتيش انه خطب داليا
شروق تبص ليه بدموع : لا قولت بس انت اللي كنت متعصبت وما سمعتش حاجه
سليم بندم : حتي لو خطيبها تقعدوا معاه ليه
شروق : لان داليا كانت عاوزه لين تساعدهم
سليم باستغراب : تساعدهم في ايه
شروق تمسح دموعها :اصل كريم اتخرج وهو ظروفوا المادية مش قد كده... وكان بيدور علي مكان يشتغل فيه عشان يكون نفسه... ويعرف يتجوزه وداليا.... فداليا جيتوا وكلمت لين علشان يشتغل في شركه بابها.... ولين متاخرتش وكلمت امير عشان يشغل كريم في فرع الشركه الجديد في القاهرة وأخذت ليه ميعاد عشان يقبلوا ودا السبب اللي قعدوا معانا
سليم انصدم وحس انه غلط في حق لين جدا وظلمها
سليم بغضب وندم : انا غبي غبي
شروق بدموع : خالص انا مش زعلانه
سليم يبصلها : بس لين زعلانه يا شروق... انا عكيت الدنيا معاها علي الاخر
شروق بصدمه : يا خبر يا سليم انت روحت للين .... واتخنقت معاها
سليم بضيق : رحت وكنت متعصب ولغبطة في الكلام... لدرجه انها قالت ليا نسيب بعض
شروق بصدمه : يا نهار ابيض... ليه كده بس يا سليم حرام عليك.... دي كانت مبسوطة انها خلصت...وكانت مستنيا انك هتروح ليها النهارده وتسهر معاها علشان بقالكم فتره متقابلتوش
سليم قام وقف بسرعه وجرى من قدامها من غير ما يتكلم وخرج بسرعه... وطلع يجري من البيت عايده فضلت تنادي عليه بس هو مردش عليها وخرج بسرعة
عايده باستغراب : بيجري ليه كده وريح فين
مروه : انا عارفه تعالي نسأل بنتك مهو كان عندها
ورحت عايده ومروه لشروق اللي كانت قلعت الاسدال وقعده علي السرير وهتنام
عايده : بت يا شروق.. هو اخوكي بيجري ليه كده وريح فين
شروق : ريح يصالح لين
مروه تتضحك باستهزاء : مش قولتلك
عايدة بغضب : هو ايه الحصل وريح يصالحها ليه فاهميني
شروق قالت ليهم ان سليم زعل لين... ولين قالت له يسبوا بعض ولما عرف الحقيقة رح يصالحها وحكيت ليهم مين كريم وكان قعد معاهم ليه وان سليم عرف انه غلط في حق لين وريح يعتذر لها
عايدة بغضب وغيظ : اشوف فيكي يوم يا شروق يا بنت بطني يعني هم كان هسيبها بعض وانتي ترجعيهم.... اقوم اولع فيكي دلوقتي يا بعيده
شروق بضيق : في ايه يا ماما انتي بتدعي عليه ليه انا عملتلك حاجه
عايده بغضب :هو انا هدعي عليكي وبس دا انا هاكلك بسناني
وقامت وفضلت تعض وتضرب فيها 😭 وشروف تعيط وتتألم
سليم روح لبيت لين وخبط الباب علي شقة الجدة
سناء بابتسامه : اهلا.. ازيك يا سليم يا حبيبي وازاي ماما واخواتك
سليم بابتسامه : الحمد الله بخير يا طنط ممكن اشوف لين بعد ازنك
سناء :دي جت من الكليه ودخلت تنام انت عارف هي ماكنتش بتنام طول اليل سهرانه بتذاكر وبقالها كتير ما بتنامش كويس
سليم بحزن وضميره يانبه اكتر لان عارف ان لين كانت تعبانة ازاي الفترة الفاتت من امتحاناتها وتجهيز شقتهم اللي عملتها كلها علي زؤقها طبعا
سليم بضيق : طيب معلش يا طنط انا اصلي عاوزها ضروري ممكن بس حضرتك تشفيها لو صحيه تخليها تخرج تكلمني
سناء بابتسامه : حاضر يا حبيبي ثواني هشوفها بس لو نيمه مش هصحيها اتفقنا
سليم هز راسه بمواقفه.... بس كان متأكد ان لين مانمتش وكان خايف انها ترفض تقابلوا وتعمل نفسها نايمه فبعت رساله ليها علي الواتساب كاتب فيها
( طنط سناء ها تخبط عليكي دلوقتي وتقولك اني بره ورحمه ابويه يا لين لو عملتي نفسك نايمه ومرضيتش تخرجي تقابليني لطلع علي السور وادخل اوضتك... ووقتها بقي شوفي مين ينقذك من تحت ايدي... لينو بحبك يا مجنونه اطلعي بقي وحشتيني )
لين تقراء الرسالة لقيت سناء بتخبط
لين مسحت دموعها بسرعه عشان متعرفش انها بتعيط
لين بحزن : ادخل
سناء بابتسامه : انتي لسه صحيه يا حبيبتي ( وتلاحظ دموعها فتقرب منها) ايه دا انتي بتعيطي مالك يا لين
لين ترسم ابتسامه : لا يا طنط ابدا انا كنت بنام بس
سناء تقرب منها وتطبطب عليها : شكل سليم مزعلك بس هو جيه علشان يصالحك قومي يا حبيبتي اقابليه واوعي تخلي في يوم المشاكل تكبر بينكم ولا حد فيكم ينام زعلان من التاني... و هو جيه لحد عندك يعني حس بغلطه وجي يصلحك... قومي يا حبيبتي اغسلي وشك وغيري هدومك وتعالي شوفيه
قامت سناء خرجت لين قامت غسلت وشها ولبست برمودة بيج وشميز سكري ولمت شعرها لفوق وخرجت وراحت الصالون
سناء بابتسامه : اهي لين جت اهو هروح انا اعملكم حاجه تشربها
لين بضيق : هي نناه فين يا طنط
سناء بابتسامه : نايمه يا حبيبتي
وخرجت وسابتهم ولين واقفه متربعه ايدها ومكشره ومش بتبص عليه... فسليم وقف قدامها وفضل يبص لها بحب... وعلي وشه ابتسامه جميله وهي لما لقيته كده كانت هتضحك بس نزلت وشها للأرض عشان ميشوفهاش ابتسامتها.... سليم اتحرك ووقف ورها فبعدت عنه وبصت ليه باستغراب
لين بضيق : انت بتعمل ايه
سليم بابتسامه : لفي متخافيش
لين بغيظ : انا مش خايفه علي فكره
سليم بضحك : يا جامد انت طيب لفي لو مش خايفه
لين رحت لفه ومديه ظهرها رح سليم لم شعرها وشد التوكة منه وطبعا دي اول مره ايده تلمس شعرها فلين انتفضت وبعدت بسرعه و التوكة وقعت وشعرها اتفرد ونزل علي وشها... فسليم بص لها بإعجاب شديد ولهفه مقدرش يدريه... فلين اتكسفت ووشها احمر اوي
سليم قرب منها بلهفه ووقف قدامها
سليم بحب :ممنوع تلمي شعرك باي توكه مرة تانية... انا بحبه كده مفرود ونزل كده علي ظهرك
لسه لين هتكلم
سليم حط ايده على شفايفها : هسسسسس... انتي تسكتي خلص انا لسه مخلصتش كلامي... انا قولت بس اولا.... ثانيا بقي وثالثا وكل الارقام اللي في موجوده في الدنيا... انا لو سمعت منك كلمة نسيب بعض مره تانيه ... متعرفيش انا هعمل فيكي ايه
لين بارتباك من نظراته : هتعمل ايه يعني
سليم يقرب منها.. فتبعد عنه .. فيقرب اكتر وهي تبعد بس تخبط في الكنبة وتقعد عليها... فسليم ميل عليها وهي خافت ورجعت بظهرها لورا
لين بخوف : سليم ابعد عني.... لو حد دخل علينا هيقول ايه... سليم كده عيب خليك مؤدب
سليم بابتسامه علي طريقه كلمها اللي عمله زي الاطفال وشكلها وهي خايفه
سليم : لا مش هبعد عنك ابدا... وابقي قولي تاني نسيب بعض.. وانا اقطعك بوس علشان تحرمي تفكري فيها مجرد تفكير... ال نسيب بعض ال
لين بكسوف من قربه وكلامه : سليم ابعد عني احسن هصوت
سليم بلهفه : مش هبعد وصوتي... اللي لما تقولي انك اسفه وتوعديني انك مش هتقول الكلام دا عمرك تاني
لين بضيق اطفاال : لا مش هتاسف
سليم رح مقرب منها اوي وكان هيبوسها بس هي قامت بسرعه قبل ما يلمسها
لين بكسوف : اسفه.. اسفه.... خالص والله اسفه مش هقوله كده تاني بس خليك بعيد
سليم يقعد علي الكنبة ويضحك اوي : ايوه كده ناس متجيش غير ببوس الشفيف
لين تحدفه بمخدة الصالون بكسوف وغيظ
وينتهي الزعل بعد ما سليم قدر يرسم الابتسامة تاني علي وش لين. رجع سليم بيتهم بعد ما قعد معاها شويها وقعد يحب فيها ❤ بس لقها تعبانة فسبها ترتاح
#بقلم_ولاءيحيي
💖💖💖💖💖💖💖💖💖💖💖💖💖
نروح بسرعه نعرف اخبار بقي ابطال الروايا
مني وفؤاد بعد خطوبه لين بأسبوع ساره على اتفاق انهم هينزلوا على فرح لين
رامي بعد ما حضر خطوبه لين وحاول يبان طبيعي بس قلبه كان مجروح وبيتالم ... فقرر انه يشغل نفسه ويفضل في شغلوا طول الوقت... فبقي تقريبا مابيرجعش البيت والا بيقابل لين نهائي لأنه طول الوقت في المستشفى ومش بيرجع البيت... ولما بيرجع بيكون متأخر جدا وينزل بدري.... ولغي فكرة السافر من راسه لما لقي ان فريد زعل منه
امير بعد ما رجع مصر ومسك فرع الشركة اشتري شقه في القاهرة جمب الشركة وبيروح المنصورة كل خميس وجمعه وطبعا كل دا عشان يهرب من سلوي اللي بتتعمد دايما تضايقه بس علي طول علي اتصال ب اخواته وبلين وكان دايما يساعدها لما بتشتريه حاجه من القاهرة للبيتها اون لاين ويروح هو يستلمها ويجيبها ليها
سلوي كل يوم تشحن عواطف ويرتبوا لي خطتهم اللي هيفرقوا بيها لين وسليم.... ومروه قررت تساعدهم
لين كانت كل يوم سبت تكلم اصحابها ويفضلوا اليوم كله مع بعض علي النت يضحكوا ويهزره.... وعدي لما عرف ان لين اتخطبت زعل وقرر يخطب فخطب الاء اللي فرحت جدا فهي بتحبوه
سيلا واحمد عايشين في سعادة وطبعا سيلا مش رحمه أحمد من مقالبها اللي كل يوم تعملها فيه بس كل مره بياخدوا حقه منها بطريقته الخاصة 😉
وفات الوقت وفاضل علي فرح لين اسبوع و الكل كان بيساعد لين في شراء حاجاتها الخاصة والكل اللي بيشوف حاجه تعجبه يشتريها... واصحابهم وصلوا من الكويت وأتعرفوا علي امنيه وداليا وكل يوم بيتجمعوا عند لين ومعاهم شروق وبنات عمها... طبعا وسيلا اللي كانت بتشرف علي منع سليم من الوصل للين قبل الفرح بأسبوع... فسليم بقالوا اسبوع مش عارف يكلم لين ولا يشوفها... بيعرف اخبارها من شروق بطلع الروح...
وقبل الفرح ب اربع ايام سيلا فرحتهم بخبر حملها اللي فرح الكل... وخصوصاً لين... ومني وفؤاد دموعهم كانت تعبير عن فرحهم بأول حفيد ليهم.... واحمد من وقت ما عرف بحملها...بقى مالي البيت كور ومصمم ان سيلا هتخلف ولد وسيلا تقول بنت واتفقوا انهم مايعرفوش نوع الجنين ايه غير لما يوصل بسلامه... ولو ولد يبقي سيلا بتحب احمد اكتر ولو بنت يبقي احمد بيحبها اكتر
والايام تمر... ويجي اليوم المنتظر يوم فرح لين
لين جهزت ولبست فستانها الابيض وكانت من ارق ما يكون واجمل عروسه ممكن حد يشوفها... فستانها الابيض كان رقيق زيها وكان المكب بتعها جميل وهادي... شعرها صممت تسيبوا سايب على ضهرها ودا كان طلب من سليم ليها برساله وهي بتجهز وطبعا لطول شعرها كان صعب شويه عشان الطرحة بس كان لازم تنفذ طلبوه فهي كل اللي يهمها انها تكون جميله في عيون سليم وبس
سليم كان غيران وعمل يفكر من قبل الفرح بفتره فهو كان خايف ان فؤاد ينزل لين مع ولاد عمها زي ما عمل مع سيلا... فهو كان غيران وماكنش عاوز حد يمسك ايدها أو يلمسها غيره 😂 فعمل زفه للين بشكل خاص
فلين هتدخل القاعة وهي قعده علي الهودج زي الملكة و المفروض أن اربعه من أمن الاوتيل هيشلو الهودج وهي قاعده عليه ويوصلها لسليم في القاعة... بس الشباب الأربعة (رامي وأمير وسالم وأحمد) صمموا ان هم اللي هشيلها...وتدخل لين القاعه وهي قعده علي الهودج والشباب الاربعه رافعنها على اكتافهم
من اليمن كان رامي ووراه سالم ومن الشمال كان وامير ووره احمد ودخله بيها علي اغنيه طلي بلابيض طلي https://youtu.be/wQNJxod9f2I
ووقفوا بيها قبل سليم بشويه... ولين جت تنزل تنزل من الهودج فمعرفتش َ تنزل لوحدها لأن فستانها كان كبير.... وكانت بتنزل من ناحيه اليمين... فرامي قرب منها ومسك ايدها وساعدها تنزل... ومسك ايدها وبص لعينها وابتسم ... وهي كمان ابتسمت ليه ومشي بيها وهو مسك ايدها ورح بيها لسليم اللي كان هايتجنن وغيران بس ماقدرش يتكلم ولا يظهر ضيفوا وقرب منهم علشان ياخد منه لين
رامي وقف قدامه وهو مسك ايد لين
رامي بابتسامه بس الحزن مالي عينه :مبروك يا سليم...كسبت لين.... فحافظ عليها انت بتاخد حته من قلوبنا
سليم ماقدرش يتكلم اكتفي انه يبتسم ويمسك ايد لين وياخدها من رامي...اللي بص لعين لين وهي بصت ليه وحست بحزنه وشافت الدموع اللي تجمعت جوه عنيه.. وحست أنه بيسلم قلبه لسليم
( انا عارفه ان فيه كتير منكم شايف ان رامي بيحبها اكتر وحبوا ليها مش اناني... وانها كان لازم تجوزا هو مش سليم.... بس تخيلوا نفسكم مكان لين اتنين بيحبها بس هي بتحب واحد منهم وطول عمرها بتحلم بيه شريك لحياته... والتاني بنسبه ليها اخوها وابن عمها فتختاروا مين https://youtu.be/SaCUQL18_sk )
سليم خد لين و بسها ايدها وجبينها وبداء الفرح برقصه سلوا والقاعة كلها ظلمت ولين وسليم كانوا في منتهي الجمال ونظرت الحب مليا عينهم وشايفنها كل الموجودين بالقاعه
خرج رامي بره القاعه بسرعه بعد ما سلم لين لسليم.... لان دموعه خانته ونزلت وخاف حد يشوفه بس امير كان شافوا وخرج وره لأنه حاسس بيه وعارف بحبه للين من زمان
امير بحزن : ليه عذبت نفسك كده... حرام عليك نفسك يا رامي
رامي بابتسامه وسط دموعه : عذاب ايه يا أمير... انا طول عمري كنت بحلم اني امسك ايدها وهي لبسه الفستان الابيض... والنهارده حققت حلمي ومسكت ايدها.... حتي لو كان علشان اسلمها لحد تاني غيري
رامي كان بيبتسم وهو بيتكلم بس دموعه خانته وماقدرش يمنع شهقات حزنه... فأخدوا امير في حضنه... وانهار رامي ومقدرش يمنع آهات الألم... وضمه أمير بحزن وهو مش عارف ازاي ممكن يخفف عنه الم زي اللي هو فيه
بقلم_ولاءيحيي
💖💖💖💖💖💖💖💖💖💖💖💖💖
ونكمل بكرا لأن رامي خلاني اعيط 😭😭😭
التعليقات على الموضوع