رباط الدم (الجزء الثالث)

رباط_الدم3

انت بتقول ايييييه ؟؟
فرحه !!!!!!!!!!!!!!!

اختفي آصف فورا ليذهب إلي فرحه كاسرا احد قواعد قبيلته متجسدا ولاول مره علي غير عادته في هيئة بشري اسود الشعر والعينين قمحي البشره حاد الملامح يجمع بين الوسامه والقوه في آن واحد ....
ظهر من اللاشيء في منتصف الغرفه متوقعا ان يجد احد العفاريت او الشياطين يحاول ان يخيف فرحه او يؤذيها ولكن لم يجد ما توقعه وليته وجد...
وقف ليجد فرحه متكوره علي نفسها في احد زوايا الغرفه تهتز للامام وللخلف في هوء تام نظراها خاويه من اي شعور
حينما رآها علي هذا الوضع انقبض قلبه خوفا من فكره انها قد تكون علمت بكل شيء فهو لن يتحمل فكره ...خطا نحوها فتوقفت عن الاهتزاز وكأنها كانت تنتظره  اقترب منها حتي جلس  امامها علي الارضيه ..
- عرفتي ؟
- عرفت
- انا هفهمك كل حــ...
- كنت صغيره بنت عشر سنين لما صحيت علي صوت امي وهي بتترجاه ميسبناش وانها هتتحمل اي اهانه او ضرب ومش هتتكلم ولا تشتكي بس ميسبناش مسمعتش صوته وقتها بس صوت امي وهي بتهته وسط دموعها وصوت الباب وهو بيتخبط , طلعت من الاوضه لقيتها بتشهق وكاتمه صوتها عشان منسمعهاش انا واختي بتعيط وقفت جمبها ومن غير م اتكلم حضنتها ...سابنا واختي الصغيره مع امي لا بص وراه ولا عمره فكر يسأل امي وقتها عرفت ان مفيش وقت للزعل وعلي طول باعت كل حاجه حيلتها عشان تشتري مكنه خياطه تشتغل عليها وتصرف عليا انا واختي منها بس الفلوس مقضتش ,وقتها لقيتني حاولت اقلع الحلق بتاع ادهولها تبيعه بس معرفتش وعورت نفسي بس ف الاخر قلعته وادتهولها وقتها حضنتني وبكت وهمستلي ( انتي عكازي )  ومن وقتها وانا مش مركزه مع العالم كله لاني مفيش وقت كان بس دنيتي مقتصره علي امي واختي الصغيره لا حد يعرفني ولا بحاول اعرف حد ومش متخيله في يوم ان حد ممكن يفكر ..يأذيني !!
لاني ببساطه اتأذيت كتير ومحاولتش اذي حد عشان اتأذي بالشكل ده..

مسحت ما سقط علي وجنتيها من دوع لتفسح الطريق لمثيلاتها بالسقوط وتنظر له ..
-بس انت ببساطه كنت جاي اصلا عشان تأذيني ,كان عندك حق لما قولتلي انا جاي عشانك بس مش عشان تقلب حياتي جحيم كل حلم وكل كابوس قمت مفزوعه منه وحرم عليا النوم كان سببه انت كل ديقه وخنقه ن غير سبب وبكا ملهوش مبرر كان السبب وراه انت
مش هامنني ميين اللي راحت وعملت العمل ده ليا مع اني برضوو مأذتش حد عشان تلجأ للكفر والشعوذه لمجرد بس انها تشوفني مأذيه بالطريقه دي علي م مستغربه من جرئتك انك تظهرلي وتعمل التمثيليه دي قدامي مستغربه من كميه الكدب والخبث اللي قدامي بس هستغرب ليه وانت واحد كااافر ...
- كننننت كافر كننت يا فرحه , كنت اعمي البصر والبصيره مكلف ب اني اذي اي بشري اتسلط عليه سواء مس او تخويف لكن ربنا هداني يمكن متصدقيش عندك حق بس ربنا زي م بني البشر بيغلطوا ويتوبوا احنا كمان مفتوحلنا باب التوبه فمتحاسبينيش علي اي حاجه قبلها من فضلك انا والله ندمان وبحاول اكفر عن كل حاجه عملتها قبل كده حتي اني عاديت قبيلتي واعلنت التمرد واسلمت علي يد واحد من عمار بيتكم هنا يمكن من غيره مكنتش هعرف اكمل واوصل للي انا فيه دلوقت ..عايزك تعرفي اني من اول م كلفت بالعمل ده من الساحر اللي واخد العهد مع قبيلتي وانا كنت معاكي زي ضلك حاولت الف مره اني ابعد من اللي بشوفه منك بس لقيتني بقرب اكتر بحاول اعرف ايه يخليكي كمله رغم الاذي اللي بتشوفيه ازاي ايمانك مقلش ولا مره لحد م واحد من العمار هنا اتجرأ وواجهني بس بدل م يهاجمني اتفاجئت بانه بيعرض عليا الاسلام لقيتني سمعتله وقلبي كان جعان ايمان وقررت انضم لقبيلته ساعدني وقتها الحكيم برقان واصبحت في حمي القبيله بتاعته ( بني عامر ) وساعدني كمان علي قراري اني افضل جمبك من بعيد واحاول احميكي منهم ع قد م اقدر لانهم من وقت قبيلتي م عرفوا اني اسلمت وزعيم القبيله اتخذ قرار اما ارتدادي وانصياعي لاوامره وسلطته واما موتك انتي لاعتقاده انك السبب في تمردي وعشان كده...
- وعشان كده قررت تبقي آصف الطيب البطل اللي جاي من العالم الاخر عشان ينقذ بنت الانس اللي ف خطر مش كده !!!
_ يا فرحه انا ..
- انت مش مضطر تفضل هنا ولا انا مضطره اسمع ده كله في حاجه اسمها ربنا هو قادر علي انه يحميني منهم سواء انس او جن كلكم عبيده ولله القوه المطلقه ودلوقت انا لا عايزه اشوفك ف اوضتي ولا عالمي ولا حتي اسمع صوتك
- انتي مش عايزه ليه تفهمي..
- وانت مش عايز ليه تسمع ابعد عني وعن عيلتي حل عن العالم بتاعي بقولك
- فرحه !!
- حالااااا
ما ان انتهت صيحه فرحه حتي عاد السكون للغرفه ولكن لم يكن آصف موجودا امامها لقد اختفي تماما مخلفا مكانه قليل من الرماد الماسي وكأنها الدموع تحجرت واحترقت لتصبح رمادا ينعي فراقه
-متيأسش يا اصف انت حاولت تعمل الصح يا ابني ويكفيك شرف محاولتك ربنا شايف كل حاجه
- دهار مختارش الحرب المألوفه يا برقان اختار اقذر واخبث طريقه يحاربني بيها بعت شياطينه يسمموا عقلها مكنتش شايفه غير اني واحد كداب كافر مشافتش اصف المسلم يا برقان شافت اصف الكافر الخبيث
- مبقتش فاهمك يا اصف انت كان يهمك تحميها تكفيرا لذنوبك ولا يهمك تحميها خوفا عليها ؟
هم اصف بالرد علي الحكيم برقان لكن عيونه اضاءت فجأه حينما سمع صوت استغاثه من داخله "آاااااااااااااصف "
- ايه اللي بيحصل يا اف ؟
- فرحه بتستغيث يا برقان انا لازم امشي فورا فرحه ف خطر
ظهر اصف في منتصف غرفه فرحه متأهبا للقتال ليجد فرحه ممسكه بعصاه المكنسه تقف في وضع القتال اعلي السرير
_مش فاااالح غير تطلعلي تخرعني وبس عمري م الاقيك ف وقت الخطر ابداااا
- ايييه في اييه دنهش وطلمش ظهرولك تاني ؟؟
- لا
-  حاولوا يأذوكي ؟؟
- لا
- دهار بعتلك مارد يأذيكي ؟؟
- مين دهار ده اصلااا !!
- اومال بتصوتي ليييه
- م انت لو هنااا كنت عرفت لوحدكككك بدل م سايبني ف خطر كده
- ياا بنتي انتي مش لسه طارداااني من اوضتك وعااالمك كله كمان
- وانت م صدققت يعني اقولك تمشي تقوم تمشي انت عبيط
- هو انتي بس اللي مناخوليا ولا  بنات الانس كلهم كده؟؟
- لا كلنا كده
- لطفففك يااا لطيييف , انجزيي كنتي بتصوتي ليه في ايه حصل ؟
- فار
- نعم
- بقولك شوفت فاار
- طب وانا مالي
- نعععم اومال عاملي فيها شاروخاان  وانا جاي عشان احميكي وجاي عشان اكون جمبك وفي الاخر طلعت حماده بالجنزبيل
- احميكي من الشياطيين مش فااار ثم ايه حماده بالجنزبيل دي ؟
- يعني فشنك وبعديين انت قولت احميكي من ايي خطر والفااار خطرر برضو
- يااا صبووور والمطلوووب
- ارمي عليه تعويذه ولا طلسم يخليه يختفي من اوضتي
- يخربيت الروايات اللي بوظت دماغكم دي عن الجن المسسسسلم مبيقولش تعاويذ لانها حرراااام يا فرحه حرااام زي م عندكم محرمه وكفر عندنا نفس النظام
- خلاااص استخدم قواك الخارقه اتصرررف
- لله الامر انا اللي اخترت وانا اللي استحمل ...
رفع آصف يده االيمني مبسوطة للاعلي ثم قبضها فجأه ليرتفع الفأر من خلف الدولاب لتصيح فرحه وتقفز من علي السرير ويختل توازنها حتي كادت ان ترتطم جبهتها بالارض لتجد آصف في لمح البصر واضعا يده بين رأسها والارض ليتلقاها حائلا دون ارتطامها
_ تشكر يا كبير والله
- تشكر !! يا ويحي
- لا جو القبائل ويا ويحي ويا لهوي ده مش هينفع معايا اتكلم عربي حياه ابوك بعد م تبعد بس الفار المتشعلق ف الهوا ده من هنــ..
- لم تكمل فرحه جملتها حتي اختفي الفأر تماما لتحملق في آصف بادهاش
- انت اكلته ولا ايييه ؟
- مش بقولك الروايات بوظت دماغك , الجن مبياكلوش الفيران يا متعلمه خصوصا المسلم .. بس ممكن ياكلوا ادمغه البشر مع الكاتشب
قال اصف جملته الاخيره وهو ينظر لفرحه وتعلو علي وجهه ابتسامه غير مريحه

- اننت بتبصلي كده لييه ان اننت هتاكل دماغي .. بالكاتشب !!
- هههههه والله عبيطه , انت عندك خال اهبل
- لا حارس اهطل
- تقصدي مين ؟
- الميللامين
- دي تعويذه؟؟؟
ما ان قال اصف جملته الاخيره حتي انخرطت فرحه في الضحك الشديد عليه فهو للا يعلم ان هذا اسم احد الاطقم لديهم, كان اصف يراقبها هي تضحك واضعه يدها علي عينيها كعادتها ليشعر فجأه بشعور لا يعلم كنهه لتضيء عينيه تلقائيا علي اثره..
- يا نهاار اسوود الحق عينيك بتولع ؟
- هاه
- ايه ده انطفت خلاص ليه كده
- لا ده ددده .. يعني مخوفتيش ؟؟
- لا مخوفتش اصل متعوده قط الجيران دايما بلاقيه ع السلم وعنيه بتنور كده
- انتي بتقولي ايه اوصفيلي القط ده حالا
- لونه رصاصي منقط وعنيه زرقا وديله ..
- مقطوع مش كده !!
- ايوه ايش عرفــ..
- انا لازم امشي حالا اياكي تفتحيله الباب القط ده ولا حتي تخرجي انهارده ولا تنزلي علي سلالم علي بال م ارجع فاهمه و...
اثناء حديث اصف جحظت عينا فرحه بشده وشهقت واشارت باصابعها خلف اصف ليأتي الصوت كالفحيح من خلفه ..
-ومتفتحليش ليه يا آصف  ده انا حتي .. مش غريب ؟!!
يتبع