بناتي حياتي 🌸الحلقه العاشره🌸
رواية 💖بناتي حياتي💖
بقلم_ولاءيحيي
الحلقه العاشره
لين : بابي حضرتك فكر واسأل عنه وخد قرارك والقرار اللي حضرتك هتقرروا انا هنفذ
فؤاد بقلق بس يبتسم : حاضر يا لين هشوف وقولك (ويقوم يقف) يلا يا امير مش رجع الشركة ولا ايه
امير بابتسامه : لا يا عمي راجع مع حضرتك
فؤاد بابتسامه وحط ايده علي وش لين بحنيه : يلا يا حبيبتي ادخلي نامي وارتاحي ... علشان نسهر بليل سوأ وعاوز اكل تشيز كيك من بتعتك
لين بابتسامه : حاضر يا بابي هعملها لحضرتك
فؤاد يبص لمني: عاوزه حاجه يا مني
مني بابتسامه : سلامتك يا حبيبي
فؤاد : يلا بينا يا امير
( ويمشي فؤاد ولين تبص لأمير فيحط ايده علي كتفها )
امير بابتسامه : متقلقيش هتكلم معاه واللي فيه الخير ربنا يكتبه ليكي يا حبيتي
ويخرج أمير ويلحق فؤاد.... وفي العربية
فؤاد بقلق : ايه رائيك يا امير في اللي لين قالته
امير : انا عارف يا عمي ان حضرتك قلقان وخايف عليها... بس واضح ان لين مفكره ومرتبه حياتها وسليم انا ماعرفوش كويس بس شوفته اكتر من مره مع رامي وسالم وأحمد.... وواضح انه انسان محترم واللي ماكنش دخلوه بيتنا وقعدوا مع اخوتنا وبصراحه يا عمي انا شايف انها مدام بتحبه ومرتبطة بيه... يبقي الافضل ان الارتباط بينهم يكون رسمي لان لو قولنا لها تستني لحد لما تخلص فهي هتستنى بس مش هيسيبوا بعض... فيبقي الجواز أفضل.. انا عارف ان لين عقله وعارفه مصلحتها كويس...
فؤاد بخوف : انا خايف عليها يا امير... لين لسه صغيره الجوز دلوقتي مش في مصلحتها
امير بابتسامه : حضرتك يا عمي دايما تقولنا... كل واحد يعيش تجربته واللي ينجح يكمل ويفكر في الجديد.. واللي يخسر يتعلم من غلطتوا ويقف ويكمل طريقة من غير ما يعيد غلطوا تاني.... خليها يا عمي تعيش تجربتها وان شاء الله هتنجح واحنا كلنا معاها وجمبها ومش هنسيبها.... حضرتك اسال على سليم كويس وخد قرارك
فؤاد يتنهد : خير ان شاء الله... انا هتصل بأعمامك وابوك واحمد واسألهم عنه... واللي فيه الخير ربنا يقدمه
#بقلم_ولاءيحيي
💖💖💖💖💖💖💖💖💖💖💖💖💖
وعند لين في البيت كانت قاعده مع مامتها وبيتكلموا عن سليم
مني : بس يا لين انا اسمع ان مامته صعب اوي هتقدري تعيشي معاها
لين بابتسامه : يا مامي هيبقي ليه شقتي لوحدي و هعملها كويس وارضى ربنا وسليم و هي ان شاء الله لما تشوف ابنها سعيد ومبسوط هتحبني وانا هكون مشغولة في كليتي ودراستي ومش هكون فاضيه .... وانا ان شاء الله اقدر اسعد سليم.... وسليم بيحبني وهيحافظ عليا... هو ودايما يفكر ازاي يسعدني
مني تبتسم : حلوه اللمعه في عنيكي لما بتكلمي عنه وتقولي اسمه واضح انك بتحبيه اوي
لين تبتسم وتنام في حضنها : انا طول عمري بشوف حضرتك وبابي وحبكم.... وتعملكم مع بعض ودايما بتمني اعيش قصه حب زي قصتك.... و يكون بيتي وحياتي لما اتجوز زيكم
مني تبوس راسها : ان شاء الله يا حبيبتي تعيشي حياه جميله وسعيدة... ربنا يكتب ليكي اللي فيه الخير ويفرحك دايما
ويفضله يتكلموا وتحكي لها عن سيلا واخبارها و بعدين تدخل اوضتها و كلمت سليم اللي كان هايتجنن ويطمن عليها
سليم بلهفه : لين انتي كويسه يا حبيبتي ايه اخرك عليه كده
لين بحب : وحشتني يا حبيبي... انا اسفه بس كنت قاعده مع بابي ومامي ولسه دخله اوضتي حالا
سليم : حرام عليكي يا لين دا انا هتجنن من وقت ما مشيتي ما سي رامي
لين بضحك : هتجنن هو انت لسه ها يا حبيبي انت مجنون من زمان
سليم بابتسامه : مجنون بيكي وبحبك... هاااا طمنيني كلمتي عمي
لين تتنهد : ايوه يا حبيبي كلمتوا
سليم : طيب وافق صح... اوعي تقولي موافقش والله اجي اخطفك وماحدش يعرفلك طريقك
لين بضحك : هو انت كنت حرامي قبل كده.... كل شويه تقولي اخطفك... يا حبيبي اهدي هو هيفكر وهيرد عليا وخير ان شاء الله.... وبعدين خالي عندك ثقه في قدرت حبيبتك علي الاقناع
سليم بضحك : حبيبتي يا مقنعه انتي... ااااه امتي بقي يا لين نتجوز وتيجي بيتي و وقفل الباب وأشيلك و
لين بكسوف : ايه يا عم انت ريح فين نزلني هنا يا سيدي.... وارجع افتح الباب احنا لسه متجوزناش
سليم يضحك اوي : هو انتي دايما كدا تقطعي عليا احلي حته في الحلم بس معلش بكرا احقق الحلم كله ومتقدريش تمنعيني ابدا
ويعقدوا يتكلموا وبعد فتره لين تقفل وهي بتدعي ربنا يجمعهم..... وتنام وتصحي تعقد مع اهلها شويه بس متقدرش تسهر وتدخل تكمل نوم
في اوضة فؤاد ومني
فؤاد وهو حاضن مني : ها يا مني مقولتش رائيك في موضوع لين
مني ترفع وشها وتبص ليه بابتسامه : لين شكلها بتحبه يا فؤاد... وانا كلمت سيلا و سناء وماما وكلهم شكره في الولد... هم خوفني من مامته شويه بس لين بتقول هتعرف تتعامل معاها
فؤاد يبوس جبينها : وانا كمان كلمت فريد وفايز وفاروق وكلمت احمد وكلمت اصدقاء ليه وبصراحه الكل شكر في الولد وفي اخلاقه هو و ابوه واهله وأعمامه ناس كويسين اوي... وكمان الولد مستوه كويس الحمد الله
مني بابتسامه : يعني هتوافق
فؤاد يتنهد بقلق : هصلي استخاره وادعلها وربنا يكتب لها الخير
مني تبوس خده : عين العقل يا حبيبي وانا كمان هصلي
فؤاد يرجع يضمها: تعرفي وانا بكلمحسيت فريد اخويه حسيت انه زعل... هو مقالش وقعد يدعي ليها بس انا عارف انه كان عاوز ياخذها لرامي وانا كمان كان نفسي تاخد رامي
مني بابتسامه : دا نصيب يا حبيبي ملناش دخل فيه وهي قلبها اختار.. وان شاء الله ربنا يبعت لرامي اللي تستهلوا وتسعدوه
فؤاد : يارب يا منى... يارب يكتب لهم الخير ويوافقهم
#بقلم_ولاءيحيي
💖💖💖💖💖💖💖💖💖💖💖💖
والصبح لين صحيه بدري واتصلت علي طلال
لين : صباح الخير يا طلال
طلال : صباح النور يا لينو حمدالله علي السلامة
لين : الله يسلمك ها ايه الاخبار كله جاهز
طلال : كله تمام وفي انتظارك جيه امتي
لين : بلبس اهو وجيه علي طول بس اوعي شوشو تيجي
طلال : لا انا قولت لها أن في عمال هيشتغلوا وانها تبعد عن الديكور علشان ماتفهمش فيه بس المهم انتي هتقدري تخلص ف اسبوع
لين : ان شاء الله هخلص حتي لو مش هنام لازم اخلصها
طلال بابتسامه : عقبالك يا لين بس اوعي تخلي شوشو تختار حاجه احسن تسكني في الوان الطيف
لين تضحك : والله كان نفسي اعملها اللي هي عاوزه بس اعملك فيك ايه.... بس ان شاء الله ها عملكم حاجه حلوه وتعجبكم
طلال بابتسامه : الوان هاديه يا لين وحاجه رقيقه زيك كده
لين بابتسامه : ان شاء الله يا طلال يلا انا هقوم اجهز اشوفك في الفيلا
وتنزل لين وتبدأ الشغل وتفضل طول الاسبوع تجهز وتعبت هي وطلال و عدي كان بيساعدها ويحاول يتقرب من لين و طلال ملاحظ و يبعدوا عنها لأنه عارف ان لين بتحب سليم
اما سليم كان كل ما يكلم لين ويلقيها مع طلال وعدي يتعصب ويتخانق معاها
ويفوت الاسبوع ويطلع الجناح تحفه ويعجب طلال جدا... وكل حاجه بقيت جهزه ويتصل طلال بشوشو عشان تيجي تشوف الجناح ويقولها تجيب صافي وألاء معاها وتوصل شوشو والبنات للجناح
شوشو تدخل وطلال مغمض عينها والبنات ورها
شوشو :افتح بقي
طلال يشيل ايده : فتحي
وتفتح عينها
شوشو بإعجاب : بسم الله ما شاء الله ايه الجمال دا حلو اوي يا طلال دا احلي من ما كنت اتصور
الاء بأعجاب : وأوووا جنان بجد فنان اللي عملوا
صافي بانبهار : انا عاوزه من دا مليش دعوي
طلال بابتسامه : يعني احسن من الالوان اللي كانت مختارها شوشو
شوشو بضحك : لا انا اشهد ليك اني مش بفهم في الديكور.... انت زؤقك في الديكور روعه
طلال بابتسامه : بصراحه دا مش زوقي... كل حاجه هنا زؤق المهندس هو اللي اختار وعمل كل حاجه انا ما اخترتش حاجه.... لازم بقي تشكري المهندس بنفسك يا شوشو
شوشو بابتسامه : اكيد هو فين
ألاء : لو مش متجوز انا ممكن ارد ليه الجميل واتجوزه عادي
صافي بضحك : يعني الراجل يعمل فينا جميله نجيب ليه مصيبه
تضربها الاء على كتفها ويضحكه كلهم
طلال بابتسامه : طيب تعالوا اشكروه بنفسك
(ويأخذهم ويقف بيهم قدام باب مقفول) افتحي الباب دا يا شوشو
شوشو باستغراب :انا اللي افتح... مش بتقول المهندس جوه
طلال بابتسامه : يا بنتي افتحي بس
تفتح شوشو الباب وتدخل هي والاء وصافي خطوتين وتيجي لين من ورها
لين بابتسامه : بخخخ
شوشو والبنات بصريخ.... ويجري يحضنوا لين
شوشو بفرحة : لينننن حمدالله علي سلامتك يا حبيبتي وحشتينا اوي
الاء بابتسامه : كده يا بت... نهون عليكي تبعدي عنا كل دا
لين : ما انا وعدتك اني هاجي قبل الفرح بأسبوع اهو جيت
صافي تضمها : احلي مفاجأة يا لينو
شوشو بفرحه : تعالى يالين تعالي شوفي الجناح بتاعي دا روعه هيعجبك اوي (وتبص لطلال ) صحيح هو فين المهندس
طلال يقرب من لين :قدامكم اهو المهندس لين... بقالها اسبوع تعبانة ولا بتنام ولا بتأكل لحد ما خلصت الجناح الخاص بيكي... وطلع بشكل الرائع دا
شوشو عينها اتملت دموع: بجد يا لين... َانتي اللي جاهزتي الجناح بتاعي
لين تحضنها: مقدرش تطلبي مني طلب ومعملوش وكان لازم افرش جناحك وجهزه بنفس زي ما وعدتك
الاء :ايه دا يعني انتي هنا من اسبوع ولا تقولي لحد فينا دا انا هموتك
ويفضله البنات يزغزغه فيها وهي تضحك وتحاول تهرب منهم
#بقلم_ولاءيحيي
💖💖💖💖💖💖💖💖💖💖💖💖💖
ويقضي الباقي الايام قبل الفرح في تجهيز شوشو وتحضير للفرح
وكل دا ولين... كان نفسها تعرف رد بابها بس سيبه برحته مكلمتش ولا سألته عن الموضوع علشان ما يحسش انها بتطغط عليهم.... وسيلا جت الكويت هي واحمد وقبل الفرح بيومين وهم قاعدين علي العشا
سيلا بابتسامه : والجناح عجب شوشو بقي يا لين
لين : اممممم عجبها جدا
فؤاد يضحك : مش حامد جالي النهارده وقالي انه عاوزك تجديد ليه الفيلا كلها..... وعاوزها زي جناح طلال
لين بفرحه وضحك : ايه دا بجد.... شوفتم بقي مش قولتلكم.... ولسه لما اتخرج هيطلبوني اجدد البيت الابيض
امير يضحك اوي :حبيبي يا واثق انت
احمد بابتسامه :بجد يا لين صور الجناح روعه فعلا فنانة.... اعملي حسابك وقت ما تحبي تشتغلي حتي من دلوقتي وقبل ما تخلصي الكليه مكانك معانا في الشركة
امير : ايه يا عم انت احنا هنقطع علي بعض ولا ايه لين مكانها في شركتنا وقسم الديكور هي اللي هدخلو بنفسها... ومن اول ما نفتح فرح القاهرة كمان
لين بضحك : ايوه كده أتخانقوا عليا واللي هيدفع اكتر هكون معه
فؤاد : ايه دا انتي من اولها كده هترجعي في كلامك وتسيبي شركتي
لين بكسوف : لا يا بابي انا اقدر برده... بس زي ما اتفقنا اقل من مديره مش هقبل
فؤاد بابتسامه : طب ولو سليم اللي طلب منك تشتغل معاه في شركته بعد الجواز هتعملي ايه
لين بصدمه والكل يبصوا ليها بابتسامة
لين بفرحه : جواز انت قولت جواز صح مامي بابي قال جواز والا قال ايه بظبط.... سمعتيها يا سيلا قال جواز مش كده.... امير هو قال جواز ولا انا بتخيل
امير بضحك : هو تقريبا قال جواز و قال جواز و سليم في جمله واحده مع بعض
لين تبص لفؤاد بفرحه : يعني وافقت يا بابي صح
فؤاد يضربها علي وشها بشويش وهزار : مش لما يطلبك الاول.... هو كان لسه طلبك
لين بفرحه شديده : هااااا يطلبني اه حالا حالا هخليه يجي اهو
مني بضحك : يا بنتي اهدي يجي فين انتي في الكويت فوقي يا ماما
سيلا بضحك : وبتقولوا عليه انا اللي مجنونة
احمد بضحك : و لسه لما سليم يعرف دا ممكن يموت من فرحته
لين تقعد وتحاول تهدي وتأخذ نفسها وهي بتبتسم
لين : طيب حضرتك كده هتنزل مصر امتى يا بابي علشان تقبلوا
فؤاد بابتسامه : هننزل معاكم انا ومني ويبقي هو يتصل يحدد معاد معايا... لما نكون في مصر
لين تقرب من احمد وبصوت واطي : احمد اتصل انت بسليم وبلغها انا مش هقدر اقوله اتكسف
احمد بابتسامه : حاضر عنيا ليكي يا عروسه
ويقوم احمد بعيد شويه بس كلهم بيبصوا عليه وهو بيصل علي سليم
سليم كان في اوضته وتلفون يرن
سليم بابتسامه : ايه ياض لحقت وحشتك
أحمد بابتسامه : وحشت مين دا انا ولا طايق ابص في خلقتك بس شكلك طلع ليا في البخت ومش كفاية هتبقي شريكي لا و كمان هتبقي نسيبي
سليم ينط بصريخ : بجد.... بتكلم بجد عمي فؤاد وافق
احمد يتخض من صريخه : وداني يا حيوان بتصرخ فيها..... ايوه يا سيدي عمي وافق ونازل معانا اجازه جهز نفسك.... واستحمي احسن يغير رائيه
ومره واحده الكل سمع صوت صريخ سليم اللي طالع من تلفون احمد و التلفون وقع من ايد أحمد من الخضة وصوت صرخت سليم العاليه
فؤاد بضحك : مبروك يا مني العيلة زادت مجنون واضح ان مكتوب علينا المجانين يا حبيبتي
وتتنهد لين بفرحة وهي بتحلم باليوم اللي يجمعها بسليم وتعيش في سعادة
#بقلم_ولاءيحيي
💖💖💖💖💖💖💖💖💖💖💖💖💖
وعند سليم في البيت يدخلوا عليه الاوضه جري علي صوت صريخه
عايده بخوف : ابني مالك يا حبيبي بتصوت ليه وايه اللي موقفك علي السرير كده.. انت شوفت فأر
سليم يجري يحضنها ويفضل يلف بيها : وافقوا يا ماما وافقوا... عمي فؤاد وافق علي جوزي من لين وجي وهتجوزها (ويبعد عنها ويبص ليها بفرحه) ابنك هيتجوز يا عايده
شروق تجري عليه بفرحه هي مبسوطة انهم هيتجوز
شروق بفرحه : مبروك يا سليم مبروك يا حبيبي
سليم بفرح :الله يبارك فيكي يا قمر عقبالك
ويبصوا الاتنين اللي واقفين يلقوا مروه وعايده واقفين وما فيش اي علامه فرح علي وشهم
سليم باستغراب : مالك يا ماما انتي مخضوضة والا ايه وانتي يا مروه ما فيش مبروك
مروه باستهزاء وهي بتخرج من الاوضه : مبروك يا اخويه
سليم بضيق :مالها دي... (ويبص لعايده) مالك ياماما ساكته ليه بقولك ابوها وافق
عايده بضيق وغيظ : ودا يخليك تصرخ كده وتسمع بينا الجيران.... اهلها اللي سكنين قدامنا دول يقوله ايه... مدلوقين عليهم.... وبعدين انت فرحان اوي كده ليه مش لما تعرف ها نتفق معاهم والا لا
سليم باستغراب : ما انا اتفقت خالص
عايده تقعد علي السرير بغضب : لا يا عين امك مش دا الاتفاق اللي اقصدوا.... مش لما نعرف هم هيطلبوا شبكه بكام.... وهيجهزوا ايه واحنا نجهز ايه مش ممكن يطلعوا في العالي... ويطلبوه حاجات كتير ومانتفقش
سليم باستغراب : يطلبوا اللي يطلبوه انا هعمل كل اللي هم عاوزينه
عايده تقف قدامه بغضب شديد : نننننعم... مين دول اللي يطلبوا اللي يطلبوا..... لا يا حبيبي لا يا عين امك الاتفاق انا اللي هتفق.... وانا اللي اقول اجيب ايه وما جيبش ايه... انا ماحدش يشترط عليا فاهم والا لا
وتخرج وتسيبي الاوضه
يقعد سليم بضيق وشروق تقعد جمبه وهم بيبصوا علي الباب اللي خرجت منه عايده
شروق بغيظ : باظت الجوازه
سليم بغيظ : امك دي خنيقه... فصلتني بس والله ابدا اللي هيطلبوا هجيبوا... و هتجوز لين
شروق : وهتعمل ايه في امك... انت فكر انها هسكت وتسيبك تتفق معاهم
سليم بابتسامه : وهي مالها.... الاتفاق هيبقى بين الرجالة وانا هاخد عمي انور وعمي منير معايا و اروح اتفق معاهم.... وهي مش هتقدر ترجع كلمه لأعمامي
شروق بتريقه : اقطع دراعي دا من هنا... شايف من هنا.... لو ماما سأبتك تروح الاتفاق انت وأعمامي لوحدكم
سليم بضيق : تعمل اللي تعمله انا هتجوز لين يعني هتجوزها
بقلم_ولاءيحيي
💖💖💖💖💖💖💖💖💖💖💖💖💖
تفتكره عايده هتعرف تبوظ الجوازه والا لا نعرف الحلقة الجايه
التعليقات على الموضوع