بناتي حياتي 🌸الحلقه التاسعه🌸
رواية💖بناتي حياتي💖
بقلم_ولاءيحيي
الحلقه التاسعه
سليم ولين بيتكلموا في التلفون بعد ما رجعت من عند سيلا
سليم بعصبيه : تسافري فين لا طبعا انا مش موافق انك تسافري وتسبيني
لين بهدوء : مهو انا لازم اسافر يا سليم لسببين
سليم بضيق : لا يا لين ما فيش سافر نهائي
لين بضيق : ما تسمعني يا سليم ماينفعش تقول لا كده من غير ما تسمعني وتفهم
سليم: انا اللي فهمه يا لين انك بسفرك هتبعدي عني وانا مش هسيبك تبعدي عني ابدا
لين بابتسامه : ما انا يا سليم مش مسافره اقعد هناك بص يا حبيبي.... احنا علشان نتجوز انا لازم اكلم بابي.... والكلام دا عمره ما ينفع في الفون لازم اقعد معاه... وما تفتكرش انا اول ما اقوله هيوافقو لا طبعا دا انا هاخد وقت علي ما اقدر اقنعهم
سليم بتهنيده : طيب والسبب التاني ايه ان شاء الله
لين : فرح شوشو وانت عارف اني لازم احضره
سليم : فرح شوشو كمان 20 يوم يا لين وانتي بتقولي مسافره بعد بكرا يعني عاوزه تسافري بعد بكره.... وبعدين هترجعي تقولي مسافره لفرح شوشو
لين بضحك : لا طبعا انا مسافره من بعد بكرا لحد فرح شوشو
سليم بغضب : نننننعم انت عاوزه تقعدي 20يوم بعيد عني
لين بضحك : لا 25
سليم بغيظ : لا دا انتي بتستعبطي بقي لا طبعا انتي لم تسافري لفرح شوشو تسافري قبلها بيوم وتيجي بعدها بيوم..... يعني تلات ايام اهو ودا بس علشان وعدتك تحضري فرح صحبتك.... وفي تلات ايام دول تكلمي عمي غير كده انسي
لين بضحك : هو سلق بيض يا سليم ماينفعش الكلام دا طبعا
سليم : هو دا اللي عندي يا لين هم تلات ايام بس
لين بابتسامه : خالص ماشي بس مترجعش تقولي بقي مكلمتيش عمي... وعاوز اتجوز.... واستنا انت لما بابي ينزل اجازه.... لأني مستحيل هقدر اكلموه واقنعه في تلات ايام
سليم بضيق : انتي بتهدديني يا لين والله انزل اخطفك من بيتكم دلوقتي واتجوزك عافيه وغصب
لين تضحك : طيب وليه كده بس ما الخطوط السالمية مفتوحه قدامنا بس حبيبي بيحب يعقد الامور وينشف راسه
سليم يتنهد بضيق : 25يوم كتير اوي يا لين مقدرش
لين بهدوء : مهم اللي 25 يوم دول يا سليم هم اللي هيخلونا مع بعض علي طول يا حبيبي
سليم يتنهد : طيب موافق وامري لله بس هم 25يوم بس
لين بضحك :25 يوم بس
سليم : وترجعي وخده معاد عشان اقبل عمي ونتجوز
لين : ان شاء الله يا حبيبي
سليم : وتكلميني فيديو كل يوم سامعة ولبس ضيق ممنوع والفستان اللي هتحضري بيه الفرح اشوفه قبل ما تلبسيه فاهمه
لين بضحك : حاضر اي طلبات اخري يا فندم
سليم بضيق : انتي بتتريقي.... طيب ما فيش سفر يا لين
لين بضحك : تااااني صبرني يارب
#بقلم_ولاءيحيي
💖💖💖💖💖💖💖💖💖💖💖💖💖
لين تحجز لسفر بعد ما قدرت تقنع سليم وتكلم امير في التلفون
امير :لينو ازيك يا حبيبتي
لين : الحمد الله يا ميرو ازيك انت يا حبيبي
امير :مطحون يا لينو والله بفضل في الشغل علشان مروحش اصل البيت وحش من غيركم اوي وحشتوني.... والغريب ان البت سيلا وحشتني تصدقي
لين تضحك :اهي جيلك كمان 15 يوم عشان فرح شوشو و طلال
امير بابتسامه : حلو اوي وانتي يا جميل.... طبعا جايه معاها
لين : لا يا قلبي انا جايه بكرا بس مقولتش لحد غيرك عاوزها مفاجأة للكل يعني اوعي تقول لمامي وبابي او للبنات
امير بفرحه : بجد والله دا احلي خبر سمعته دا انتي وحشتيني اوي بس هتعملي ايه في الجامعة
لين : متقلقش اختك مسيطره ومظبطا اموري
أمير باستغراب :مسيطره!!!!! هو انتي بتقعدي مع سيلا كتير الايام دي ولا ايه
لين بضحك : فعلا اخدت عدوه منها وبقيت اتكلم زيها... بس هاجي اعمل نقها عندكم
امير بضحك : تنوري يا قلبي
وتقفل لين مع امير وتبدا تجهز الشنطة وتحط كل اللي اشتريته لشوشو من مصر والساعة واحده بليل وقبل سافرها ب 7 ساعات وهي بتجهز الشنطة تلقي باب الاوضه بتعتها بيخبط وتفتح ويكون عمها فاروق لبس بدلته العسكرية
لين بقلق : خير يا انكل حضرتك رايح فين دلوقتي
فاروق بابتسامه : عندي شغل يا حبيبتي وعاوزك تطلع تنامي مع ايمان و صيبا علي ما ارجع ومش عاوز ماما تحس علشان متقلقش عليه وتفضل سهرانه
لين بخوف : حاضر يا انكل هقفل الشنطة واطلع بس هو حضرتك هتتاخر والشغل دا فيه خطر عليك
فاروق يحضنها ويبوس راسها : ان شاء الله خير يا حبيبتي والمكتوب علينا هشوفه... وبعدين انا عاوزك تطمني ايمان مش تقلقيها اتفقنا
لين بقلق : حاضر استودعك الله الذي لا تضيع ودائعه ربنا يحميك يا انكل
فاروق بابتسامه : ويحميكي يا حبيبتي يلا خدي المفتاح اهو وافتحي انتي عارف ايمان حمل وتعبانة ومش هتقدر تقوم تفتح ليكي
#بقلم_ولاءيحيي
💖💖💖💖💖💖💖💖💖💖💖💖💖
ويمشي فاروق وتقفل لين شنطتها بسرعه وتطلع لإيمان... تلقيها واقفه في البلكونة وبتبص علي عربيه فاروق وعينها فيها خوف ودموع تدخل لين توقف جمبها
ايمان حست بلين واقفه فقالت وهي دمعها نزله
ايمان :اول مره شافته فيها كان في فرح بنت خالي فضل بعدها فتره يعاكسني ويحاول يتقرب مني وانا اصده.... قولت لنفس دا شايف نفسه ببدلته وعربيته واهله ناس معروفه في البلد وفاكر اني علشان بنت ناس علي قد حالهم هبقي صيدا سهله يتسلى بيها ... مدتوش وش وصديته.... لقيته جاب مامته واخواته وجيه يتقدملي ومهموش اني بنت ناس غلابه علي قد حالهم .... لقيت اهله ناس طيبين ما تكبروش لا عليا ولا علي اهلي فوافقت وفرحت بيه اوي وقولت هتجوز ضابط قد الدنيا... وحبيبته في الخطوبة اوي ولما تجوزنا حبيبته اكتر
( وتبص للين ووشها كله دموع وخوف) بقالنا 7 سنين متجوزين وكل مره يخرج فيها زاي النهاردة روحي بتخرج معاه ومترجعش غير معاه..... وافقت اتجوزه وفرحانه انه ضابط.... ودلوقتي بدعي ربنا في كل صلاه وكل ركعه يجي يقولي انه ساب الشغلانه دي ويشتغل اي حاجه تانيه ( وتبتسم بدموع) عارفه يا لين اليوم اللي مش بنام في حضن فاروق مش بحسبه من عمري اصلا فاروق حضنه حنين اوي يا لين (وتعيط جامد في حضن لين )
لين وعينها مليانه دموع : ادعي ربنا يحفظه ويرجعوا لينا بسلامة يا ايمو.... وان شاء الله هيجي بسلامه وتفضلي في حضنه طول العمر ( وتبصلها وتبتسم وتمسح دموعها) بس ايه الحب دا كله دا انتي بتقولي شعر عنه يا ايمو
ايمان تبتسم للين وتمسح دموعها ويفضلوا قاعدين في البلكونة يتكلموا... وايمان بتحكي عن فاروق وقد ايه هي سعيدة معاه وطبعا كل دا ليه تأثير علي لين ونفسها تجوز حبيبها وتعيش قصتها الخاصة
و وهم قاعدين يسمعوا صوت عربيه واقفت فيبصوا عليها يلقوا رامي
لين باستغراب : هو رامي كان فين كده لدلوقتي... دا انا بقالي كتير اوي مشفتوش
إيمان بحزن : ابله سناء بتقول انه طول الوقت في المستشفى بيرجع يغير وينزل تاني... دي زعلانه عشانه اوي بتقول انه متغير وحزين بقاله فترة... دا حتى كان عاوز يسافر أمريكا.... وكلم محمد جوز ريهام و اخدوا ورقه معاهم... ومحمد قدم ليه في المستشفى اللي بيشتغل فيها هناك وافقوا وكان عاوز يسافر ... بس الحج فريد رافض... وقاله ما فيش سفر وينسي الموضوع دا ( وتتنهد بزعل) انا مش عارفه ايه اللي غيرة كده دا كان رفض فكرت السافر ما جت ليه الفرصه دي مع محمد زمان ومرضيش يروح... مش عارفه ايه اللي غير رائيه
لين كانت بتسمعها.... وتحس ان هي السبب في التغير والحالة اللي رامي فيها... وتحس قد ايه هو قلبه مجروح منها..... وتزعل من نفسها لانها الفترة الفاتت انشغلت بسليم وحياتها لدرجه انها ما حسيتش بكل التغير اللي بيحصل لرامي.... وان بسبب وجودها هو مختفي من البيت ومش بتشوفه
ايمان بابتسامه : قومي نامي يا حبيبتي انتي عندك سفر الصبح هتتعبي كده
لين بابتسامه : متقلقيش هنام في الطيارة انتي مش هنام.... شكلك تعبان
ايمان بقلق : لا ما انا ما قدرش انام غير لما اطمن علي فاروق
ويخبط الباب وهم قاعدين وتروح لين تفتح وتلقي رامي
رامي بنظره كلها حب وشوق : ازيك يا لين
لين بابتسامه : الحمد الله يا رامي ايه فينك كده بقالي كتير مشفتكش
رامي بابتسامه : شغل المستشفى كتير الفترة دي....(و يبص ليها بحب) انا فاروق كلمني وقالي انك مسافره الساعة 8 فرجعت علشان اوصلك لانه مش عارف هو هيرجع امتي وخاف يتأخر عليكي
لين بابتسامه : طيب ماتتعبش نفسك انت ليه راجع واكيد تعبان.... وانا هاكلم سالم او احمد يوصلوني المطار ومتتعبش نفسك انت
رامي بحزن : انتي مش عاوزني انا اوصلك... عاوزه اي حد تاني غيري
لين بضيق : لا طبعا يا رامي مش كده ابدا انا قلقانه عليك بس.... انت لسه راجع وطول اليوم في الشغل واكيد عاوز تنام وترتاح
رامي بنظره الحب : لما اوصلك واطمنك عليكي بنفسي هكون مرتاح الساعة 8 هنزل ليكي اتفقنا
لين تهز راسه بموافقه... بس جوها زعل وخوف زعل من الحال اللي فيها رامي..... وخوف من سليم لما يشوفها ركبه مع رامي... ويعرف ان هو اللي هيوصلها... مش فاروق.... هي متفقه معاه انه هيكون صاحي ويشوفها قبل ما تسافر
#بقلم_ولاءيحيي
💖💖💖💖💖💖💖💖💖💖💖💖💖
و الساعة 8 وينزل رامي يأخذ شنطتها وهي تسلم علي جدتها وعمها فريد و فايز وتخرج وهي قلبها عمل يدق.... وزي ما توقعت لقيت سليم وقف قدام عربيته.... وشاف رامي بيحط الشنطة في عربيته و لقيت عينه بقى كلها غضب....
فريد بابتسامه :صباح الخير يا سليم يابني
سليم بضيق :صباح الخير يا عمي (ويبص للين بغيظ) ازيك يا لين علي فين كده
فريد : رامي رايح يوصلها المطار مسافره كام يوم تحضر فرح صاحبتها.... عقبالك
سليم : في حياتك يا عمي عقبال رامي (ويبص لرامي بضيق) ازيك يا رامي فينك كده بقالك فتره مختفي ومش ظاهر
رامي بضيق : في المستشفى عندي شغل كتير
فريد : دا لسه راجع من ساعتين... ملحقش ينام وصمم انه هو اللي يوصل لين
( فريد بيتكلم بطيبه وميعرفش انه بكلامه دا بيولع نار جوه سليم ولين نفسه تقوله اسكت يا عمي هيولع فينا بس ساكته وخايفه من رد فعل سليم)
سليم بضيق اكتر : طيب ارتاح انت يا رامي مدام مانمتش وانا اوصلها
رامي يبص ليه بضيق : لا انا مش تعبان متقلقش (ويبص للين) يلا يا لين
لين هزت راسها ماكنتش قادره تكلم فهي عارفه قد ايه سليم مضايق وغضبان.... بس مش عارفه تعمل ايه.... وقبل ما تركب يوصل فاروق
لين تجري لحضنه : الحمد الله اني اطمنت عليك قبل ما سافر
فاروق بابتسامه : معلش يا حبيبتي كنت انا اللي هوصلك بس الشغل بقي
(ويبص لسليم اللي وقف هيولع) صباح الخير يا سليم
سليم ينتبه لفاروق : صباح الخير يا فاروق حمدالله علي السلامة
فاروق : الله يسلمك (ويبص لرامي) هو الواد سالم مرضيش يصحي ولا ايه
رامي : انا متصلتش بيه
فاروق : ليه يابني ماقولتلك صاحية يوصلها هو وارتاح انت... مانمتش
رامي بضيق :مالكم في ايه... انا مرتاح كده وماكنتش هطمن عليها اصلا لو سالم اللى وصلها... ما انت عارف سواقته.... وبعدين انا عندي شغل في القاهرة هوصلها واروح يلا يا حبيبتي تأخرنا
طبعا هو قال حبيبتي من غير قصد وماحدش خد باله... غير سليم اللي برق عينه بغضب وكان هيولع من الغيرة.... ولين اللي هتموت من الخوف وتركب لين ويمشي رامي بلعربيه وطبعا حال سليم في الوقت دا اللي يلمسه ممكن يتحرق 😂
ويمشوا بالعربيه ويفضلوا ساكتين لين قلقانه وعاوزه تكلم سليم ورامي كل شويه يبص ليها وشايف قلقها وهي بتبص على التلفون
رامي بحزن : بتحبيه
لين تنصدم من السؤال وتبص ليه باستغراب ومتردش
رامي بابتسامه حزن : انا عارف انك بتحبيه وعارف ان هو كمان بيحبك بس ياترى سليم هيقدر يحميكي ويحافظ عليك وعلي الحب دا
لين تبص للأرض : اكيد هيقدر هو بيحبني اوي
رامي بحزن : وناوين علي ايه
لين : مسافره اكلم بابي علشان نتجوز
رامي يغمض عينه بحزن : ربنا يسعدك (ويبص من الشباك يحاول يمنع اللي دموع تنزل من عنيه)
لين بحزن لحاله : انت عارف يا رامي ان مشاعرنا مش بأيدنا
رامي بابتسامه ويبصلها : انا اكتر واحد عارف دا وعيشوا يا لين
(ويرجع يبص لشباك ويمسح دمعه نزلت من عنيه ويرجع يبصلها ويبتسم )
رامي : لين انا ماعنديش اي اعتراض علي سليم هو انسان كويس ومحترم بس عندي ناصحيه ليكي بلاش تسكني في بيتهم مع أهله.... مش هترتاحي مع مامته اسكني بره افضل علشان ترتاحي وتعيشي سعيدة
لين بابتسامه : مقدرش اطلب منه يسيب مامته واخواته البنات هكون انانيه يا رامي
رامي بابتسامه : كنت عارف ردك دا... وعارف طيبتك وانك دايما بتفكري في غيرك... قبل ما تفكري في نفسك بس يارب هم يعرفوكي يا لين ويقدروا طيبه قلبك.... وقتها هيحبوكي... (ويبص ليها بحب) واوعي عمرك تنسي اني اخوكي وفي ظهرك دايما وسند ليكي وفي اي وقت تحتاجيني هكون معكي وجمبك علي طول
لين بابتسامه : ربنا يخليك ليه يا رامي
و يوصلوا المطار ومايسبهاش غير لما تركب الطيارة وأول ما توصل الكويت يستقبلها امير بفرحه وسعادة ووهم في العربية
امير بابتسامه : حمدالله علي سلامتك يا حبيبتي
لين بحب : وحشتني يا ميرو
امير بابتسامه : انتي اكتر يا قمري
لين :طمني حد عرف اني جايه
امير : اطمني ماقولتش لحد زي ما اتفقنا متخافيش
لين : كويس اوي (وتبص ليه اوي) امير انا محتاجك
وعاوزك توقف معايا وتساعدني
امير بقلق : خير يا حبيبتي مالك عاوزني اساعدك في ايه
لين بابتسامه : خير يا حبيبي متقلقش هحكيلك بس تعال نقعد في مكان نتكلم قبل ما نروح البيت
يقعده في كافتيريا ولين تحكي لأمير عن حبها لسليم وسبب مجيها للكويت
امير بصدمه : انا كنت حاسس ان تغير رأيك وقرار دخولك الجامعة في مصر ليه سبب.... بس ماكنتش اتخيل انك عاوزه تجوزي دلوقتي.... انتي لسه صغيره اوي وقدامك وقت طويل اصبري وتأكدي من مشاعرك مستعجله ليه
لين بابتسامه : اولا دخول الجامعة في مصر دا كان قراري بعد تفكير.... انا كنت عاوزه ادخلت Auc عشان اخد منحه التفوق ولو كنت اخدت المنحها تفتكر بابي كان هيرضي اسافر وعيش لوحدي و مامي كانت هتستحمل.. بعدي..... وانا هقدر اعيش بعيد عنكم.... دا كله انا فكرت فيه.... غير اني لما كنت عاوزه ادخلها سليم ماكنش موجود في حياتي ولما بقي موجود وقلبي مرتبط بيه يبقي مش هقدر اسافر وابعد عنه.... فا كده السبب اللي كنت هدخل Auc عشانه واللي هو المنحة واني اكمل دراسه بره اتلغي وكان لازم اعيد حساباتي... واغير طريقي كله واظن ان الطريق اللي اختارته مناسب لظروفنا كلنا وان شاء الله أحقق فيه نجاح زي اللي كنت عاوزه احققوه بسافري ام عن مشاعري فانا متأكده منها جدا(وتبص ليه)
انا يا امير بحب سليم من زمان وحبي ليه لا هو مراهقة ولا مؤقت بالعكس انا من وقت ما تأكدت من حبه ليا وانا بتمني ان سليم يكون شريك حياتي وبعدين من امتي وانت شايفين صغيره وبفكر زي المراهقين ما انت دايما بتقول لين كبيره وعقله وعارفه مصلحتها
امير بابتسامه : واضح انك واخده قرارك ومصممه عليه
لين بابتسامه : وخده قراري ايوه... بس لو حد عنده رائي تاني أسمعوا وانفذه بس لما اقتنع
امير يتنهد : عموما يا لين القرار في الاول والاخر ليكي انتي وعمي
لين : وانت عارف رائيك وموافقتك مهم عندي ازاي انت اخويه يا امير وعمري ما هاخد قرار انت مش موافق ولا راضي عنه
امير يمسك ايدها ويبتسم : انا كل اللي يهمني انك تكون مبسوطة ومرتاحة وتحافظي علي مستقبلك وتحققي احلامك ولو سعادتك مع سليم فانا هقف جمبك و هكون في ظهرك ومعاكي طول الوقت
لين بحب وابتسامه : ربنا يخليك ليه يا حبيبي يلا بينا علي البيت بقي وادعي لي اعرف اقنع البشمهندس و الدكتورة
امير يضحك : ماعنديش شك انك هتقدري تقنعيهم لأنك لما بتبقي مقتنعة بحاجه بتوصلي ليها اصلك عنديه .. دا انتي اقنعتيني في خمس دقايق
ويضحكوا سوا ويقوموا ويروحوا البيت و يدخلوا براحه وبشويش... ويكون فؤاد ومني بيتغدوا وتدخل لين عليهم
لين بابتسامه : انا جيييييت
فؤاد يقوم يحضنها : حبيبتي جيتي امتى وازاي
مني تحتضنها بفرحه : حبيبتي وانا اقول تلفونها مقفول ليه قلقتين عليكي يا مجنونه
لين بابتسامه : حبيت اعمل لكم مفاجأة وحشتوني اوي
وتقعد معاهم علي السفر هي وامير
مني : مش كنت بتقولي جيه مع اختك
لين: شوشو زعلانه علشان كانت عاوزني اجهز جناحها في فيلا عند انكل حامد فحبيت اعملها مفاجأة واجي واجهزه ليها
فؤاد باستغراب :بس انا اعرف ان تجهيز الجناح بداء امبارح
لين بابتسامه : اه ما انا اللي بدأت.... اتفقت مع طلال انه بيفضي الجناح وانا هروح بكرا ان شاء الله وهبداء الشغل فيه
مني بضحك : انتي بتشتغل من قبل ما تتخرجي
امير بضحك : لا ودخله علي تقيله اوي مش واخده اي شغل اول شغل جناح طلال ابن الشيخ حامد بنفسه
لين بثقه : طيب بكرا تشوف لو انكل حامد مطلبش مني اغير ديكور الفيلا كله وانا ارفض مابقاش لين
فؤاد بضحك : وترفضي ليه بقي
لين بابتسامه : مش فاضيه عندي كليه (الكل يضحك)
مني : يعني شوشو عارفه انك هنا
لين : لا طبعا لا هي والا حد من البنات يعرف ومش عاوزه حد فيهم يعرف غير لما اخلص الجناح... انا هروح بكرا ان شاء فيلا انكل حامد وهشتغل في الجناح وانا قولتلها اني هجي قبل الفرح بأسبوع وان شاء الله الجناح هياخد مني 10 ايام بس
فؤاد باستغراب : 10 ايام بس... هتلحقي تجهزي ديكور... دا انتي لسه هتاخدي المقاسات وتجيبي فرش وتعملي ستائر
لين بابتسامه :كله بيجهز يا بابتي هو انا بلعب... انا بقالي اسبوع عمله تصميم والديكور و اختارت الفرش والستائر بتجهز... وكله تمام و بكرا ان شاء الله هبدا الشغل الداخلي في الجناح
امير باستغراب : وعرفتي المقاسات ازاي بقي
لين بضحك : مش بقولك كله تحت السيطرة والبركة في بليه واحد وبليه اتنين.... كنت اقولهم يعملوا ايه وهم بيعملوا.... فرفعو المقاسات وروحوه اتفقوا على اللي اختارته ودفعوا العربون الشغل اللي انا اختارته
مني باستغراب : مين بليه دول اوعي تقولي الاء وصافي
لين بضحك : لا طلال وعدي
امير يموت من الضحك : شغلتي طلال وعدي صبيان عندك والله انت قادره وسرك باتع
لين بضحك : طبعا يابني هو انا اي حد دا انا لينو
فؤاد بابتسامه : يعني انتي جيه بقي علشان صحبتك
فلين تبص لأمير فيهز راسه يشجعها عشان تكلم
لين :انا جايه لتلات اسباب
فؤاد يبص ليها : ايه هم بقي يا ليني اللي تلات اسباب دول
لين بابتسامه : اولا ولأنك وحشتوني اوي فجيت اشوفكم.... وثانيا علشان شوشو
وسكتت وهي بتبص ليهم بقلق
مني بابتسامه : واضح ان ثالثا سبب.... هو الأهم والسبب الأساسي لرجوعك... خير يارب قولي
لين تبلع ريقها : في عريس متقدم ليا وانا موافقه
فؤاد ومني يبصوا ليها بصدمة ويفضلوا فتره ساكتين
مني باستغراب : عريس و موافقه عليه.... ازاي يعني انتي لسه في اول سنه في الكليه انتي عاوزه تفضلي مخطوبه خمس سنين
لين بقلق : لا هو مش عاوز خطوبه احنا هنتجوز واكمل وانا معاه
فؤاد بضيق : دا انتي مقرره وجي تبلغينا... والا يمكن جيه تعزمينا علي الفرح
لين تبصله وتمسك ايده : لا يا بابي طبعا... انا بس بوصل لحضرتك هو عاوز ايه والقرار في الاول والاخير ليكم طبعا ( وتقوم تحضنه) يا بابي انا عمري ما اعمل حاجه انت مش راضي ولا موافق عليها
فؤاد يطبطب علي ايدها برضي وهي تبوسه في خده وترجع تقعد مكانها
فؤاد بقلق : ودا مين بقي زميلك في الجامعة
لين وتبص ليهم : لا دا سليم المهندس سليم جارنا في المنصورة
مني : اخو شروق اللي بيتهم قدام بيت نناه
لين بابتسامه : ايوه هو يا مامي يعني حضرتك يا بابي ممكن تسال عنه عمامي وأحمد هو صاحبه ومن أصحابه اللي بيعمل شركه معاهم و ممكن حضرتك تساله عنه اي حد
مني بصدمه : انتي عاوزه تجوزي دلوقتي طيب وكليتك ودراستك
لين : مالهم يا مامي ما انا هكمل دراستي زي ما انا وبتفوق برده زي ما عودتكم... كل اللي فرق اني هكمل وانا متجوزه
مني : هو انتي فكره ان الجواز سهل كده وانك هتقدري تفتحي بيت وتدريس مع بعض
لين تبص لها بابتسامه : وليه لا وانا قدامي القدوة اللي عملت كده... ونجحت في بيتها ودراستها وخلفتنا وربتنا احسن تربيه.... حضرتك يا مامي أجوزتي بابي وانتي بتدريس وكان بابي هو كمان لسه بيحضر اللي ماجيستر وسافرتم امريكا وانتم مجوزين ودرستي هناك ونجحتم وبتفوق وكنتم لوحدكم من غير لا معاكم اهلكم ولا اي حد... ورغم كده وقدرتي يا مامي تكملي وبقيتي دكتوره ومقصرتيش في اي حاجه لا بيتك ولا دراستك ولا فينا احنا
فؤاد : واضح ان انتي جيه ومعاكي كل الاجابات علي الأسئله اللي هنقولها
لين بابتسامه : فعلا يا بابي حضرتك عارف اني عمري ما هكلم معاكم في موضوع ويكون مهم لدرجه دي و انا مش مفكره فيها كويس... و اكون متأكده اني اقدر انجح ونفذه.... وانا بقول لكم اني اقدر اكون زوجه ومسؤوله عن بيت وزوج وانا بكمل دراستي وهتفوق فيها... زي ما مامي عملت زمان
مني بقلق : يا لين الحياه ايامنا كانت غير دلوقتي ايامنا كانت اسهل
لين : بالعكس يا مامي انا شايفه ايام حضرتك كانت اصعب اولا سافرتي بره وكنتم لوحدكم .... لكن انا هعيش جمبكم بيت نناه وأعمامي قدام بيت سليم وكمان و مامته واخواته هيبقى معايا في نفس البيت وسيلا كمان بيتها جمبي... يعني مش هبقي لوحدي ابدا.... ويوم ما هحتاج حاجه هلقي الكل يساعدني غير ان كل الأجهزة الكهربائية الحديثة... بتوفر في شغل البيت ومش هياخد مني وقتي ( وتسكت شويه و تبص ليهم ) عموما يا بابي الرأي الاول والاخير لحضرتك و لمامي و لو شايفين حاجه تانية واني غلطانه في تفكري فانا هسمع كلامكم ونفذوا علي طول.... بس ارجوكم تقنعوني وانا هنفذ
فؤاد يبص لمني ويفضله ساكتين ولين تبص ل امير اللي يمسك ايدها ويحاول يهديها ويبص لعمه منتظرين ردهم
بقلم_ولاءيحيي
💖💖💖💖💖💖💖💖💖💖💖💖💖
التعليقات على الموضوع