فتاة المقبره(الجزء الثالث)

بسم الله الرحمن الرحيم
(((((((الجزء التالث )))))
((((((فتاه المقبره))))))
وقعت من طولى ابنى شالنى ودخلنى البيت وطلبلى الدكتور لانى كنت دايخ جددددا
الدكتور : حج حسين انت بقالك قد ايه مكلنش قولتلو انااااااا :لسه واكل والله مقادر احط لقمه زياده ف فمى
الدكتور : حج حسين ضغط واطى جدا انت بقالك اكتر من يوم مشربتش ميه حتى!
حسام: بابا انا نازل بسرعه اشتريلك اكل وهفطرك  يابابا  .
الدكتور : حج حسين الموت علينا حق وانت راجل عارف ربنا  حج حسين انا محتاج اخد عينه دم علشان جسمك محتاج فيتامينات لانك سكرك كمان انا متاكد انو نازل .
انا: سكر ايه يادكتور انا مش عندى سكر .
الدكتور :حج حسين انت مريض سكر بقالك ١٠سنين وانا الدكتور بتاعكو من سنين طويله .
انا:  انا اول مره اشوفك يادكتور  !
الدكتور : لا حول ولا قوه الا بالله ارتاح ياحج انا هكتب شويه ادويه وفيتامينات وهسبهها هنا لحسام اما يرجع يصرفهم لا اله الا الله شد حيلك ياحج حسينً
انا : فاتح عينى على وسعها ودموعى نازله ومش حاسس انى ببكى .
حسام : قوم بقى يابابا بص جبتلك ايه الفطار الى انت بتحبه اهوه كول والنبي يابابا على معملك كوبايهً شاى
انا : ربنا يكرمك ياحبيبي مش قادر يابنى والله شبعان اوى .
حسام : ابوس ايدك كول يابابا وانا هتصل باخواتى البنات يجو يقعدو معاك .
انا: لا يابنى والنبي متقلقهم كفايه صدمه موت امهم كفااااايه يابنى ربنا يعديها على خير .
كلت وخلصت الاكل كله اول لقمه اخطها ف فمى حسيت بجوع رهيب لدجه مكنتش لاحق ابلع من كتر الجوع وندهت على حسام يجبلى اكل كمان انا لسه حعان اووى .
حسام: ايوه يابابا اومرنى  ؟
انا : هاتلى كمان اكل انا لسه جعان يابنى ربنا يراضيك ياحبيبي معلش تعبتك ياحبيب ابوك.
حسام: بابا حضرتك عاوز اكل تانى  انا :ايوه يابنى معلش .
حسام: بابا الاكل بحاله انت ملمستوش حتى
انا : ببص ع الاكل بحالو وسخن زى مهو  بصيت لحسام وعيونى  اتملت دموع وانرميت ف حضن حسام وفضلت ابكى وهو عمال يطبطب عليا .
قمت اتوضيت وصليت وقولت لحسام يلا بينا على الشغل مش هقعد خلينى اتشغل شويه
حسام : بابا علشان خاطرى ارتاح شويه
انا : لا ياحسام انا هنزل شغلى يعنى هنزل استنى هنا انا هاكل قدامك يابنى انا مش مجنون حسام فضل جنبي وانا باكل لحد مخلصت الاكل وحسام قالى اجهز وانا هسبقك دخلت ادخل الصنيه المطبخ لاقيت الاكل زى مهو وسخن بردو !!!!!!!!!
نزلت انا وحسام واول حاجه عملتها جريت على مكتب الحاج (احمد البندراى )الحاج احمد صحبي واخويا وشريكى راجل محترم مفيش منه اتنين اخويا وحبيبي ومبخبيش عنه حاجه دخلت المكتب اول مشافنى قام من ع المكتب وخدنى بالحضن وانا محستش بنفسي غير وانا بعييييييط
الحاج احمد : ابو حسام حبيبي اتقى الله ف نفسك الموت علينا حق احنا قولنا لما ترتاح شويه ف البيت هتبقى كوبس .ء
انا: انا مرتحتش ولا حاجه يااحمد وفاء اتوفت م اربع ايام وانا نزلت الشعل علطول ارتاحت فين بقى؟
الحاج احمد : لا اله الا الله حسين ام حسام بقالها ٤٠ يوم وانت بقالك ٤٠يوم قاعد ف البيت  !!!!!!! علشان كده محدش عزانى وانا داخل كل الموظفين قالولى صباخ الخير ياحج محدش عزانى ليه علشان مراتى بقالها ٤٠ يوم ميته مش اربع ايام زى منا فاهم
انا : لا حول ولا قوه الا بالله مسكت دماغى وقعدت على الكرسي
الحاج احمد : اسمع ياحسين  انت لازم تتجوز الوحد ه كده غلط عليك ياحج حسين اى واحده تاخد بحسك بس وفاه ام حسام تعبت اعصابك وانت راجل صحتك على قدك اصلا اسمع ياحسين كلامى الحى ابقى من الميت انا زوجتى اتوفت وعيالى كلهم مهاجرين ومحدش فاضيلى اتجوزت اهوه وادينا بناقر ف بعض وخلاص عيشه وبيت احسن ماموت لوحدى ومحدش حاسس بيا وهو ست ف البيت تشوف طلباتى وانت عارف ياحسين ياخويا احنا دقه قديمه منعرفش ناكل لقمه غير من ايد ستاتنا ملناش ف عك حد ف اكلنا ولا ايه ياااخويا حسين فوق لنفسك شويه سيب الحاجه ترتاح ف نومتها ياخويا متعذبهاش بعاماليك دى ياحسين .
انا : انا مش ف وحده على فكره ولادى حواليا لسه مروحين اول امبارح بس حتى مرات ابنى كانت جنبي انا مش وحيد ياحمد الحمد لله
الحاج احمد: حسين انت ولادك اقعدو معاك اسبوع بس وباقى الايام حسام بس الى معاك لان دى كانت رغبتك انا :
مستحيل الكلام ده ولادى كانو معايا ومرات ابنى واحفادى كلهم كانو معايا مكنتش لوحدى مشيو من يومين بس والله ياحمد مكنت لوحدى امال كنت قاعد مع مين الفتره الى فاتت 
الحاج احمد: انت كنت راقد ف السرير علطول كنت صاحى بس ف دنيا غير الدنيا وجيت اكتر من مره ابص عليك كنت بتبصلى كانك مش عارفنى لسه بس من يومين حسام قالى بابا بقى كوبس وقام يتحرك قولتلو يجيبك الشغل علشان تتلهى شويه .
الحاج احمد : اتجوز ياحسين هتموت نفسك كده.
وانا اول مجاب ليا سيره الجواز محستش بنفسى.
غير وانا بجرى من المكتب وبجرى على عربيتى زى المجنون دورت العربيه وسوقت لحد  المقابر وجريت على حبيبتى ونور عينى الى عاوزين يبعدونى عنها
انا: اترميت على ركبي عند قبر وفاه كنا بالنهار فضلت ابكى ابكى واقولها شوفتى يا وفاء عاوزين ياخدوكى من قلبي شوفتى عاوزين ياخدو ذكراياتى معاك حتى ياوفاء من قلبي شوفتى.
غلبنى النوم مش عارف ازاى حيطيت دماغى جنب شاهد القبر بتاع وفاء كده وغلبنى النوم مش عارف ازاى فتحت عينى لاقيت الدنيا ليل صحيت على ريحه عطر وفاء مالى المكان
وحسيت بايد على كتفى بتخبط وبتقولى عم الحج حسين حضرتك نايم هنا كده ليه
رفعت عينى الدنيا ضلمه كحل وانا بفضل الله قلبي جامد مش بخاف
فتحت كشاف الموبايل علشان اشوف مين شوفتها ؟؟؟؟؟؟؟؟؟؟؟؟؟