رباط الدم (الجزء التاسع)

رباط_الدم9
" باين حبيتك.."
- هاااااه ؟!
يا بنتي م تقومي انتي طول اليوم نايمه كده يا فرحه دانا ي بنتي اشتقت لصوتك
_ م تسيبيها ي ماما مش انا قاعده معاكي اهو
يا مني دي حتي بطلت تروح الكليه دي طول ال.... سلام قول من رب رحييم يا بنتي بطلي تطلعي فجأه كده تخرعيني انتي صحيتي امتي دانا لسه ...
_ تعالي ننزل سوا يا مني
_ هه ! لا مش فاضيه اصل اصل احمد هيعدي عليا انهارده نخرج , روحي انتي ونعوضها سوا المره الجايه
- ارنله تأجلوا الخروجه ونطلع عادي .. لي زمان مخرجتش معاكي زي ... زمان
- ترنيييلواااااا !؟ انتي معاكي رقمه ولا ايه يا فرحه ؟
- لا يا مني كنت هاخده منك استأذنه عشان اقضي وقت مع اختي انهارده
- انتي بتتريقي ! طب مش طال..
- انتو بتتخانقوا قدامي ولا ايه انتي وهي مفيش خروج خالص انهارده وعلي اوضتك يلا انتي وهي .. لا خدي هنا يا فرحه اعمليلي شاي وبعدين ابقي علي اوضتك
- حاضر
_ حاضر ازاي يعني يا فرحه هتعملي لماما شاي ؟
- وانتي مالك يا مني ولا غاويه شكل وخلاص  شايفه ي ماما مين بيبتدي المشاكل؟... انتي بتبصيلي كده ليه ي ماما؟
- عشان ماما مبتشربش الشاي يا فرحه !!!!
- ________________
- هاه !؟
- هاه؟!
- انت بتقول ايه ؟
- انا بقول ايه ؟1
- متستهبلش يا اصف انت قولت حاجه عيدها تاني كده
- حاجه
- انت بتستهبل
- لا بستعبط في فرق
- يووه يا اصف
- يوووه يا فرحه
-  قووول اللي قولته تاني
- قولت ايه ؟
- ... ( باين حبيتك )
- بتحبيني! ربنا يحبك ميرسي ي قمر
- احنا هنستهبل
- لا هنستعبط في فرق
- يعني مقولتش
- قولت ايه؟
- بااااااين حبييييييييييييييتك
- كان علي عيني والله  بس انا مرتبط سوري
ارتسمت علي وجهها ملامح الامتعاض لتتقمص الغضب وتعقد حاجبيها مهمهمة بالكلام في نفسها..._ عيل غتت
ليفاجئها اصف برده مقتربا منها ..
- سمعتك ع فكره
- هاه 1 اييييييييييييييه ان اننت بتسمع افكاري من من منن امتي ؟؟؟
- مينفعش تقولي علي ابو عيالك غتت
- لا بقي م هو..نععم ؟؟ انت قولت اييييييه !
- اللي سمعتيه
- مسمعتش حاجه انطططق
- طالما مبتسمعيش من بعيد اسمعك من قريب واكسب ثواب
اقترب اصف من فرحه في اقل من الثواني حتي شهقت من سرعته هذه ليصبح امامها لا يفصلهما الا بضعه سنتيمترات ليهمس لها ..
_ بحبـــــ....
_ ولا ااااااااااصف كنت بدور عل.. احم انا جيت في وقت مش مناسب ولا ايه ؟؟
_ احيانا بندم اني عرفتك يا قسوره والله
_ يبقي جيت في وقت مش مناسب
- اا اتفضل يا قسوره اصلاا مكنش في حاجه مهمه يعني تعالي
سدد اصف نظرات صاروخيه تحمل من الوعيد ما يكفي لتضطرب فرحه منها محدثا اياها ...
- مش مهمه ها ؟؟ شكلي هكسب ثوابات كتيير من وراكي
- اننت اننت قليل ال...
- انطقيها وهدخل فيكي الجنه حالااا دلوقت
نظرت له فرحه بفزع علي اثر كلامه مندهشه لتحوله الغريب تجاهها ف اين اصف الذي كان لا يضحك الا في المناسبات اين اصف الذي لا يعرف سوي القتال والمعارك ضد شياطينه هؤلاء كيف تحول ل .. ل..
- الراجل السافل رزق متقاطعيش انتي بس
- بطططططل تقراااا افكااااري
- مش سامع حاااجه منكم انتو الاتنين لاحسن اكون بقاطع حاجه مهمه مثلا
- ع اساس عند دم مثللا
- طب ع فكره ييا فرحه بقي اصف ....
- ياااااا باااشا البيت والقبيله واصف نفسه تحت امرك ازااي تقول كده بس
- والساعه الرمليه بتاعتك !
- نعععم كللللللله الا دي
- عشان كده يا فرحه قام اصف عملك اييييه ..
- _ الساعه ومعاها علبه بخور هديه
- بنت جني
- بالسم الهاري يا غالي
- فريند شيب جولز ... اه نسيت عايزك علي انفراد في حاجه مهمه
- مينفعش اسيب فرحه وحدها اديك شوفت اللي حصل لما سيبتها دقيقتين
- متقلقش هتكون مع الحكيم برقان علي م نخلص وعامل حسابه كويس ومشدد الحراس علي المكان اهم حاجه بس متقلعش القلاده
نظر اصف لفرحه ليتأكد من سماعها جمله اصف الاخيره قبل ان يتركها لدي الحكيم برقان ..
- هاا سمعتي اهم حاجه متقلعيييش القلاده تعالي بقي اما البسهالك كويس
تراجعت فرحه الي الوراء ممسكه بالقلاده بكلتا يديها لتنهره ...
- ااااصف
- اييه هو اللي اااصف خليكي اقعدي انتي متبته في القلاده كده لحد م تيجي جنيه  بنت جن بصحيح تخطفي منك وابقي خلي القلاده تنفعك
رفعت فرحه احدي حاجبيها باستهجان لما قاله اصف حتي حدثت نفسها ..
- جنيه تسخطك يا بعيد قال جنيه قال
- سمعتك علي فكره
- -----------------------------
- لازم تموت لااااازم تموووت لازم ... لازم.. لازم تتعذب قبل م تموت تشوف الجحيم بعنيها وتتمني اقتلها علي ايدي ومرحمهاش تتمني المووووت ومتطولهووش
- اهدي يا لاقيس الموقف اللي احنا فيه عايز تفكير بهوء مش عصبيه لازم
- هدوووووووء اييييييييييه ياااااا دااااسم اسسسسكت اننننت خاااالص كااانت بين ايدينا وفجأه فص ملح وداااب كاان ممكن اكون خلصت عليها لولا كلامك استني استني اديني استنيييت هببت اييه لما هربت هي واصف  اختفي وانت واقف مكانك قليل الحيله
- الزمممي حدودك يا لاقيس واعرفي انتي بتتكلمي مع ميييييين
- الكلام ده كان زمان لاقيس مبتتهدش , من هنا ورايح مفييش خطط هتتحط ولا قرارات هتتاخد انا ملزمه بيها لاقيس هتعمل اللي لاقيس شايفاه صح وبس, انت ودهار وحدكم من دلوقت يا داسم .. وحدددكم !
اختفت لاقيس دون انتظار لرد داسم او دهار اختفت وهي تنوي شرا وتتوعد ل فرحه ولن يهدأ بالهاا سوي ... بقتلها !
-لاقييس
- سيبها يا داسم لاقيس مبقتش الكارت اللي يتراهن عليه دلوقت طالما الغضب عاميها يبقي مش هتهدي غير بسفك دم الانسيه وخرق عهود هي مش قدها
_ واصف يا دهار ايييه هنسيبه بعد كل اللي عمله ده ؟
- مبقتش حربنا يا داسم مش هخاطر بقبيله كامله وحرب خسرانه عشان واحد مصيره معروف , ان متقتلش علي اايد لاقيس اخرته هتكون علي ايد الانسيه وبكده سيبناهم يخبطوا في بعض واحنا بعيد من خساير ومن غير خرق للعهود
ابتسم دهار ابتسامه خبيثه بعد اخر كلمه القاها علي مسامع داسم للتتسع ابتسامته وتتحول لضحكات هيستيريه مفزعه وكأنه يشيد بخبثه , بينما ارتسمت علي ملامح داسم الاريحيه لمجرد تخيل اصف مقتولا او مذبوحا علي يد لاقيس  ليشارك دهار ضحكاته الخبيثه..

- الوضع مش مطمني هناك ميمونه بالعافيه طلعت من فخ الشاي اللي عملته والده فرحه ليها كانت حاسه ان في حاجه غلط ف فرحه ف علت كده عشان تختبرها
- واضح ان حماتي مش سهله
- المعضله مش في حماتك يا اصف المصيبه في..
- عاارف يا قسوره عارف ومش قادر اقولها اي حاجه دلوقت لاني خايف من رد فعلها لو عرفت
- لازم تعرف عاجلا ام اجلا يا اصف وكل م عرفت بدري كان افضل ليها .. وليك
- هحاول اقولها في اسرع وقت يا قسوره وربنا يستر والله
- حاليا هخلي ميمونه مع العمار ونرجع فرحه عشان والدتها حوشناها بالعافيه علي انها تجيب واحد اسمه جابر بركه قال يرقي فرحه اللي هي  ميمونه فاكراها محسوده ولا ملبوسسه
- جابر بركه ؟؟ ده انا هتكون ايامي معاهم عنننب
-واادي يا بنتي كل الحكايه  , اصف كان كله ده بيحاول يحميكي من الحقيقه مش قصده يخبي عليكي حاجه بس انا قررت اقولك لاني شايف فيكي القوه الكافيه اللي تخليكي تتخطي عقبات قدرك والايمان اللي يهيئك انك تتقبلي ابتلاءاتك من غير جذع ثقه في الحكمه الالهيه من كل حدث..
كانت فرحه تستمع لبرقان وعيناها شاخصتان لا حراك لها ولا صوت سوي من بعض الزفرات الحاره التي لو بقيت لاحترق داخلها عن بكره ابيه ..
قررت اخيرا ان تقطع صمتها بابتسامه كانت مزيج بين تعجب والم يكابد ليتحول لحمد ورضا غير ان مقتضي الحال حال دون بعض قطرات من الدموع حبستها عينيها ..
_ يعني واحد لا من عالمي ولا من دنيتي لا يعرفني ولا اعرفه غريب اختار يكون احن عليا من اللي من دمي نفسها , ازاي الغريب يختار الحرب عشاني وهي حتي مختارتش السلم ليا , ازاي اللي من دمي يستحل اذيتي بالشكل ده ؟
عارف يا حكيم انا كان في مخيلتي ان من احد نواميس الكون ان اللي من دمك هما دايما احن الناس عليك اقربلك من نفسك واستحاله بل بعد الاستحاله انهم يأذوك ولو حصل يبقي في الافلام بس ,وان .. ان ..انا مكنش ليا في الدنيا غيرها هي وامي ..ازاي كانت روحي فيها وهي اختارت تطلع روحي بالشكل ده ؟؟
انا معملتش حاجه وحشه لحد .. انا معملتش حاجه وحشه لــ.. اختي !!!
يتبع