رباط الدم (الجزء العاشر و الاخير)

رباط_الدم10
_ هوني عليكي يا بنتي, الانبياء معملوش حاجه وحشه عشان يحصلهم اللي حصل  فيهم ايام الدعوه انما هي ابتلاءات ربنا بيحطها في طريق عباده المصطفين حبا فيهم ورفعا لمقامهم في الاخره فان صبرتي كان جزاكي عند الله الاحسان وان جزعتي ..
لكني ما ظننت فيكي الا كل الخير ولعلك من الصابرين !
اغمضت فرحها عينيها لثوان بالم لتطلق سراح دمعه حبيسه تنساب علي وجنتيها بحراره لتمسحها بيديها وترتسم علي وجهها علامات الصبر والتحدي ..
-عايزه ارجع لاهلي يا حكيم من فضلك لحد هنا وكفايا علي اصف مشاكل
_ هتسيبيه
- مش ذنبه ياخد واحده روحها مشوهه مليانه ندبات
ابتسم برقان بهدوء لفرحه واقترب منها وكأنه يحاول ان يستجمع شتاتها بحديثه..
- تعرفي يا فرحه .. بعد ربنا كان الفضل لتحول اصف هو انتي ! لما كان مكلف بالعمل من الساحر ودهار كان بيأدي عمله علي اكمل وجه لولا انه استغرب من ردود افعالك محاولتك للثبات برغم الفزع اللي كان بيسببه ليكي ., شافك لما كنتي بتصحي مفزوعه بدل م تجري علي والدتك تحكيلها كنتي تجري علي مصحفك تقريه ..ديقتك المفاجئه وخنقتك ودموعك اللي كتي بتقابليها بالذكر والحوقله كان كله ده بيستغرب هي ازاي شايفه كل ده وايمانها مقلش ولو مره لحد م واحد من العمار كان بيراقبه وجالي عرض عليا اللي شايفه وانه مختلف ولو واحد في الميه في منه امل غيرهم سعتها كلفته بانه يكلمه ويظهرله ويحاول يجيبه لبني عامر عشان اقدر اتولي امره وبالفعل كانه كان مستني اشاره عششان عطشان للايمان واسلم وبقي افضل من انضم لبني عامر من الجند او الحراس المسلمين لكنه وقتها طلب مني طلب غريب ..
- طلب انه الخصله  االلي كان معمول عليها العمل يحتفظ هو بيها ويعمل عليها طلسم حمايه ويربطها بالقلاده واستخدم دمه عشان الطلسم يكمل وقتها حذرته لان الطلسم ده مفعوله مزدوج ومقابل انه يحافظ علي حياتك بيعرض حياته للخطر ..
- مش فاهمه هو يعمل ايه كده وايه يخليه يعمل الطلسم ولا القلاده دي ؟؟
- عمل الطلسم وربطه بالقلاه عشان يربط هالته بهالتك عشا لو في وقت حسيتي بالخطر زي م هيحص اضطراب في هالتك هيحصله هو كمان فوقتها يروحلك ..
- عشان كده قالي متقلعيش القلاده ؟؟
- بالظبط
- طب طب وزهور الياسين دي اللي لقيتها مع القلاده في الصندوق والايه المحفوره عليه !
ضحك الحكيم برقان محاولا ايقاظ ذاكره فرحه متجنبا التفسير لكن يبدو انها تريد ان تحول اضغاث لفكارها لحقيقه بسماعها منه ..
- الياسمين ريحتك المفضله يا بنتي والايه لانك الدافع اللي خلاه يتغير للاحسن ويعيش عليه او ربما لان حبك كان بالنسباله عكاز لروحه ..
- احمرت وجنتا فرحه واثرت الصمت حينما سمعت ما قال ولكنها رغما عن ذلك ابتسمت..
- الله م احنا حلوين وبنضحك اهو اومال عندي انا وضاربه ميه وحداشر علي وشك لييه ..
- جيت في وقتك يا اصف
- خير اللهم اجعله خير يا برقا
- ان الاوان فرحه ترجع يا اصف ,اظن قسوره حكالك
- كنت جاي عشان كده بالفعل , بس هروح معاها في حسابات محتاج اخلصها هناك
- هتحتاج قسوره معاك تحسبا لاي ظظرف منضمنش دهار ولا خطوته الجايه
- متقلقش يا برقان هعرف اتعامل كويس معاه وفي اي وقت...

خرج اصف مصطحبا فرحه وهي تمشي بجواره تختلس النظرات اليه قبل ان يعاودها الحديث ...
- مستعده ؟
- اه بس قبل م ارجع في حاجه؟
- اوعي تقوليلي جعانه دنا مأكلك اكل يكفيكي سنه لقدام
- لا مش جعانه
- استرر يا رب اومال ؟
- عايزه اشوف كورال
- بس كده اعتبريه حصل
لم يكد ينهي اصف كلمته الاخيره حتي كانا في اقل من ثانيه علي حافه الجدول في وادي عزيف , كان كورال علي الضفه الاخري يلهو ويداعب بقيه الطيور حتي لمح فرحه فهاج وماج مغردا ليحلق باتجاهها هابطا بقربها ..
- طب وبالنسبه لكيس الجوافه اللي جمبها شفاف انا ولا ايه يا كورال
- بطل غيره بقي دانت حقود قوي
- هو من ناحيه غيران فانا ليا حق اغير بس من كورال مش منك
- اشمعنا يعني
- اهو بتلاعبيه وحنينه معاه كده وكيوت في نفسك وانتي وياه وووو..
- احم انا عايزه كورال في حاجه كده فانا بقول اخلع انت نضف الكهف ولا شوفلك حاجه اعملها
- هو انتي بتزحلقيني ولا انا بيتهيألي
- لا انا فعلا بزحلقك مش بيتهيألك
- لا ماشي وماله كله ده هيخلص بحسنات قااااد كده
- يووووه يا اااصف
- يوووووووووه يا فرحه
- طب اتفضل بقي
- يا ريتني كورال في نفسي يا رب
- اااصف
- مشيت اهو.." الجنه بقي يا رب "
ما ان ابتعد اصف عن فرحه ووكورال حتي بدأت فرحه بنداعبه كورال بيديها لتمسح علي رأسه هامسه في اذنه
- اغنيلك !....هغنيلك
-"كان لك معايااا اجمل حكاأأيه في العمر كله ..كان لك معايا اجمل حكايه في العمر كله..
سنين بحالها ما فات جمالها علي حب قبله ..
سنين ومرت زي الثواني في حبك انت ..
وان كنت اقدر احب تاني هحبك.. انت ! "

كان كورال ساكنا تماما منصتا اليها وكأن صوتها يسكن روحه وروح صاحبه الذي كان يسترق االسمع عن كثب مبتسما ببهجه لم يعهدها من قبل ..

" لكنني كنت اعزف عن حبها قدر جهدي حتي غرقت بها وانغمست روحي في روحها ,فلا تشرق شمس نفسي الا حينما تبتسم , ولا يهدأ نبضي الا حينما تتحدث فتسكن روحي طربا بصوتها ..
تضحك فيتوقف الزمن رافعا قلبي يده..سلم يا رب سلم "
_ يا ماماااا مينفعش كده والله
- اسكتي انتي ايش عرفك زودي احمر الخدود بس شويه عشان يبان رباني
- دانا اللي ابويا ما رباني والله اني سمعت كلامك وحطيت مكياج اصلا
- اسكتي يا هبله واحمدي ربنا ان في عريس اصلا وافق ياخدك ..هو عارف انك بتاكلي كتير ولا لازم نقوله حرام
- ليييه ان شاء الله دانا نص البلد بتجري ورايا وانا اللي رافضه
- م عشان بسرقي اكلهم اكيد ومسجله خطر في المنطقه بنتي وانا عارفاها
- يااااا سلام طب ع فكره بقي ...
- ششششش الجرس بيرن تلاقيه وصل اسكتي خاااالص واعملي مكسوفه لحد م يمضي بس علي القسيمه وونخلص منك قصدي نفرح بيكي
- حاضر يا مرات ابويا
اغلقت والده فرحه خلفها الباب حتي لم يتبق سوي فرحه ومني تكمل بقيه ملابسها استعدادا لكتب كتاب اختها حتي تفاجأت بفرحه تمد يدها لها بقصاصه من الورق ..
ايه ده ؟
- العمل منفعش حاولي تعملي واحد اقوي من كده يااا اختي
- انا ..انا
- انا معملتلكيش حاجه وحتي لو عملت مش مبرر انك تأذيني بالطريقه دي
- كنتي المفضله في كل حاجه يا فرحه امي بتحبك اكتر مني كانت بتفضلك عليا ف كل حاجه حتي .. حتي خطيبي كان الاول جاي عشان يخطبك انتي مش انا لولا انك رفضتيه قام قايل اختها ميضرش..
- كل اللي بتقوليه ده كلام فاضي مرض خبيث في افكارك ليس الا , انا كنت بعتبرك بننتي مش اختي الصغيره كنت حاطه فيكي روحي اللي حرقتيها وخطيبك رفضته عشان كنت عارفه انك بتحبيه ونفسك تتخطبي حتي لو قبل اختك الكبيره فروحت لماما واقنعتها كلمته قالتله فرحه شايفاك اختها معنديش غير مني اللي فاضله احمد احترم ده وهو اللي اختار بنفسه يخطبك لانه كان شايف فيكي نفس تربيه امي ليا ووعدني  يعاملك كويس ويحبك ويصونك ولحد الان مخلفش بوعده يبقي لزمته ايه تعملي ده كله لزمته ايه تمشي في طريق مله شرك وكفر عشان تأذي اختك اللي من دمك ؟ اللي بيجري في عروقنا دم واحد بس الظاهر ان جه عندك واتحول لميه ..
- انا...
- متقوليش حاجه يا مني انا حتي العتاب مكنتش هوجهولك واعتبري مقولتش حاجه وامي مش هجيبلها سيره ولا حتي انتي تفكري تفتحي الموضوع ده قدامها هي مش ناقصه اما عني ... فحقي سامحه فيه شوفي بقي حق ربنا عليكي هتعملي فيه ايه ؟؟؟
- تركت فرحه مني خلفها وخرجت لمقابله الضيوف تركتها وهي تقرأ في عينيها بصيص من ندم مخبأ واسي علي ما فعلت في وسط شرودها تلقت مكالمه من خطيبها علي غير وقتها فهي كانت تعتقد انه بالخارج مع الضيوف فلم يدق لها الان...
- ايه يا احمد انت مجيتش ولا ايه ؟؟
- ولا هاجي يا مني ولا هاجي
- انت بتقول ايه
- الفلوس اللي عليكي انا سددتها يا مني المشعوذ اللي بتروحيله كلمني وقالي علي باقي الفلوس اللي مش قادره تسدديهاله روحتله وحكالي ع كل حاجه واديته باقي فلوسه عشان ميعملكيش حاجه ولا يأذي اختك تني
- احمد انا ..
- دبلتك هتوصلك لحد عندك واعتبري اني انا الغلطان وقولي لطنط اي حاجه متقدش انك هتغلبني ومش هعترض لو طلعتيني غلطان مرضالكيش برضو الاذي مهما كان ربنا يهديكي ويوفقك مع حد غيري يا مني
- احمد ؟؟ احمد استني الو احمد احمددد !!!
- ___________
- اومال فين يا ابني اخوك عشان يمضي هو كمان كده الشهود ناقصين
- جاي في الطريق اهو يا طنط الله كلمته وقالي دقايق ويكون هنا ..اهووو تلاقيه اللي ع الباب اهو
- ايه يابني التاخير ده كله كنا هنجيب شاهد من بره
- شاهد وانا موجود طب والله ده حتي عيييب عليا
جلس قسوره بجوار اصف ليهمس له اصف بغضب..
- اتأخرت ليييه يا زفت ؟
- كان في حساب قديم حبيت اصفيه ع السريع كده وجيت
- حساب ا يه؟؟
- روحت قفلت السيرك اللي الساحر فاتحه ده وسرحتله شياطينه علي ابواب الجوامع عملت منهم بتاتس محمره مقولكش
- كنت عارف والله انك هتعمل كده
- لا بس ايه رأيك في البدله احلي من الانس نفسهم مش كده
- قمرررر والله بس امضي ابوس ايدك

هاه نقول مبروك بقي
كان نفسي كورال يكون حاضر والله
يحضر فييينن يا فرحه يحضر فين متجننيش ؟
خلاااص بقي نبقي نروحله زياره
اه وماله هنروحله انا وانتي وقسوره وبرقان وهيصه كبيره بس دلوقت نبارك بقي
اييه يا اصف م مبروك يا اخي الله
ايه اللي مبروك يا اخي الله لا مينفعنيش انا الكلام ده
يعني ايه
يعني يا بت انتي مراتي
نعممم
نكسب ثواب بقي هه
يوووووه يا اصف
يووووووه يا فرحه

كان قسوره في تلك الاثناء ينظر الي المنزل بتمعن يلقي النظرات هنا وهناك وكأنه يشعر بشيء ما غريب لكنه يحافظ علي ثباته الانفعالي امامه حتي لمحته والده فرحه..
- ايه يابني البيت مش عاجبك ولا ايه ؟
- عاجبني الا عاجبني دده عاجبني جدا يعني يا حجه والله بس الا بصحيح هو فين الحمام ؟
- علي ايدك اليمين جمب المطبخ يابني تحب اوريهولك
- لا خلاص عرفت  السكه
ما ان دخل قسوره ردهه المطبخ التي تؤدي الي الحمام علي يمينها حتي وجد ميمونه امامه ..
هنا مش كده ؟
مش هقدر اسيطر عليها كتير
سيبي الباقي ليا من هنا

- محدش قالك ان عيب تحضري فرح مش معزومه عليه يا لوله واسمحيلي اقولك لوله بدل     لاقيس يعني
- مش عارفه تتكلمي يا لوله تؤ تؤ تؤ شوفتي بتحطي نفسك في مواقف بايخه ا زاي
اقترب قسوره من لاقيس مشهرا خنجره قبل ان يقضي علي لاقيس هامسا في اذنها ..
- لسه متخلقش اللي يقدر  يأذي مرات اخويا طول منا عايش يا لاقيس ..
مع السلامه

-اصف ااااصف الحق
-ايييه في ايه
-مس هاله اللي في الحضانه بتاعه اسر رنت عليا بتقولي صاحب ابنك بيعيط وبيحلف ان اسر عنيه نورت وهما بيلعبوا سوا
-هااار ا سوووود الواد ده يتحرق لو مسمعش الكلام
-طالع لابوه
-او طالع  لامه
-مالها امه بقي ان شاء الله
-زالفل والله بقولك صح
-هاه
-م تيجي اخد فيكي ثواب
-يوووه يا اصف
-يوووووووه يا فرحه

تمت