موعدنا البحر (الجزء السادس)❤❤

موعدنا_البحر6
يا نهااار اسوووود انا جيت هنا ازاي ؟!
-اكيد مش علي رجليكي
اعاااااا ايه ده ايه ده انت ايه اللي جابك هنا لالا انا.. انا اللي جابني هنا لالا مين جابني هنا لالالالااا  ازاي جيـ...
-م تبس بقي ايه م صدقتي م صحيتي ايييه اذاعه وانفتحت
جبتك انا يا ستي ارتحتي
ارتحت ؟! دنا اللي هريحك في سبات ابدي انططططق جبتني هنا ازاي... اقسم بالله لو طلع اللي في دماغي صح لمحــ...
-ايييوه صح ايييه أحركك بعقلي الباطن عشان أجيبك هنا وانتي مسورقه كده كان لازم ولاااا بد اني أشيلك يعني
-شاااالتك نقاله يا شيخ لا بقولك ايييه من الاول من الاووووول خالص كده ايه اللي حصل انطق
-مفيييش كنتي واقفه بتشكريني اني انقذتك من البلطجيه وفجأه  ضغطك وطي ووقعتي من طولك فشيلتك اكمني شهم وكده وجبتك لهنا كان نفسي اسييبك علي جمب الرصيف بس نزعتي الإنسانية رفضت
-اشكرك ؟؟ , كداااب ع فكره
-بصراحه اه... كنتي واقفه بتزعقي زي اللي عندها صرع ومش في وعيك ده بدل م تشكريني وفجأه وقعتي من طولك اسيييبك ؟ لااا قومت شيلتك هيلا هوبا
-انت مصمم ليه تكررها فرحان بنفسك قوي شيلتك شيلتك شيلتك شيلتك يا شيخ روووح شيل نفسك الاول
-افهم من كده انك بتشككي في قدراتي ؟ لا دانا اثبتلك بقي
-خلييييك مكانك انت هتعمل ايه والله أصوت وألم عليك...
-ايه حيلك حيلك انا كنت هاجي أشيل التلفزيون اللي جنبك انتي اللي دماغك راحت فين ولا انتي نفسك أشيلك تاني
-انت..  انت قليل الأدب ع فكره
-لحد الان انا مؤدب بس في الوقت المناسب هقل أدبي براحتي
-انت بتتكلم ليه كده ثم ثم انت واقف ليه هنا ب ببره يلا اتفضل عايزه اغير عشان نروح اتفضل بررره برره برررره
-قفزت من علي السرير وانا ادفع  به للخارج تفاديا لأن تلتقي عيناه بعيني..  يا إلهي للحظه شككت انه ليس هذا مستر بعبع الذي نعرفه وكأنه شخص آخر تماما من نبرة الصوت حتى طريقة الكلام وايماءات الوجه ما هذا التحول المفاجئ ومن أين اكتسب تلك الجرأه كيف..  كيف يجرؤ!
-طب القميص طاااه مكوي سيبي القميص طالع وحدي اهو
-اتفضللللل
فتحت له الباب حني يخرج ما ان خطا للخارج حتي توقف فجأه ليدخل راسه مجددا...
ااااه متنسيش توضبي هدومك كويس
ماشي
وووواوعي تنسي الايباد
ان شاء الله
ووو لا مفيش خلاص
-.....
اه صح
-خيرررر
لا ولا حاجه
-...
-طب... اااي قدها انتي الحركه دي بتقفلي في وشي الباب طب مخصووووم منك يومين
يا شيخ اتنيل
سمعتك ع فكره وكده بقيو اربع ايام
-رغما عني...  ابتسمت !
..............
كنت اغلق حقيبتي للتو انتهيت من توضيب اغراضي حتي دق جرس هاتفي انها ريم تلك المحتاله القت بي في التهلكه وتنعم هي ومحمد بحياه هادئه جالسين بسلام امام التلفاز يختارون اسما لمولودهم والذي هو ثائر بالفعل "مسكين محمد لا يعلم اننا بالفعل اسميناه "
بينما انا هنا اثبت من قبل قطاع الشوارع والمجرمين..
-الو
-حبعمراااااي وحشتيني وحشتيني وحشتيني
-كدااااااهاااااااااب يا صلاح
-ههههه طب والله وحشتيني عامله ايه عندك والعه معاكي يا عم راس البر وبحر وميه واخر دلع
-تولع معاكي زي م والعه فيا عشان تدوقي يا شيخه
-ههههههههههه ايه ده ليه كده
-اخبار ثائر ايه قوليله خالتك عشانك ضحت بحجات كتييير المفروض يقولي انا يا ماما
-غيري الموضوع غيري وعلي العموم ثائر بخير بس عليه طلبات غريبه حبتين..  استني استني خليكي معايا
-يا محماااااااه يا محماااااااه هاتلي معاك تونه وعسل ابيض وانت وراجع
-اه يا فرحتي كنا بقول ايه ؟
-كنا بنقول الله يقرفك يا شيخه هتامل تونه مع عسل ابيض ازااااي الله يكون في عونك يا محمد والله
-الله مش ثائر هو اللي بيطلب مااالي انا وبعدين لما تبقي حامل هتعملي اكتر من كده وهبقي افكرك
-ده لماااا بقي ‘ لما ارجع فكريني نتقابل
-قشطه جدا
-اه بقولك الباقه بتاعتي مبتشغلش يوتيوب عايزه طلب صغنن كده
-قولي
-عايزاكي تنزليلي اغنيه للست اسمها "كانلك معايا معايا اجمل حكايه " حاجه زي كده وابعتيهالي واتس
-امممممم لا احنا ضروري نتقابل لما ترجعي
-ايه
-بقولك دقيقتين وتلاقيها عندك
-حياتشي..  يلا سلام
اخذ الباب  يهتز من عنف الطرقات والتي لو كان امن دوله لكانوا ارق من ذلك
ايبببه ايييه في ايه ؟!
-تتحرقي لو جيتي مره ف معادك اتفضلي لتحت اتاخرنا
...........
هدي السرعه لو سمحت
-عربيتي وانا حر فيها
-لا بقي مش لوحدك فيها عربيتك دي في بشر راكبين معاك هنا ومش مستغنيه عن عمري لو حضرتك مستغني يعني
-وان مهدتش ؟
-هصوت واطلع راسي من الشباك واقول خاطفـ..
كادت ترتطم راسي في السياره من اثر الفرامل المفاجأه توقف دون مقدمات ووجدته يقترب مني وعيناه ثابتتان نحوي ...
-اديني وقفتلك العربيه خالص عشان الصوت يكون مسموع اكتر وريني كده هتصوتي ازاي ؟؟
-طب ارجع ورا بس عشان النفس والهوا كده وسسع كدده وسسسع كددده... حضرتك قفوووش كده ليه انا كنت عامله عليك ليس الا يعني الشركه محتاجاك مش وقت تعمل حادثه خالص دلوقت واخد لبالك حضرتك
-كفايا انتـي واخــداه
-افندم!
-بقولك اربطي حزام الامان
-منا رابطاه
-لا شكله واسع محتاج يديق حبه وريني كده
اقترب حتي شعرت برائحة عطره تتخلل انفاسي  لا يحرك عينه يمينا ولا يسارا فقط ثابتتان في منتصف احداق عيني .. للحظه شعرت بأن قلبي سيتوقف من فرط ما فيه ضربات قلبي تتصارع كطبول الحروب اليونانيه حتي خشيت ان يسمعها فافضح توقف الزمن للحظات وكأنها قرون عتيقه التقت عينانا وكاننا في ثقب اسود لا نشعر بما يدور حولنا لا صوت لا ضوء لا شيء...  سوانا!
حلو كده شوفيه!
هاه اه تمام
صمت لساعه كامله وهو الاخر لم يتكلم كان فقط مبتسما ينظر للطريق ويختلس بعض النظرات..  كم احب كثرة المرايا في السيارات!
قطع الصمت صوت الكاسيت مره اخري ولكن لم تكن من اغاني الست هذه المره....
"يا من هواه اعزه واذلني
كيف السبيل الي وصالك دلني ؟
انت الذي حلفتني وحلفت لي
وحلفت انك لا تخون فخنتني
"
-اعترفي اعترفي
-نعم ؟؟
-اعترفي ان ذوقي حلو في اختيار الاغاني
-ياخي وقعت قلبي وقعت عليك نخله.. بعد الشر!
-نرجع تاني للبرطمه خلااص اعترف انا
-.......
-بعترف ان ذوقي حلو في اختيار الاغاني اهاهاهاهه
- اضحك ولا ابين سناني ؟
- انتي بتعرفي تضحكي اصلا!
- اومال خنيقه زي..  ناس
- الكلام ده ليا انا ؟
- في ناس غيرنا ف العربيه ؟
- لا
- يبقي عليك
- كده بقيو سته
- ايه هما
- ايامك اللي هتتخصم م المرتب بقيو سته عشان تعرفي تقولي علي رئيسك خنيق تاني
- انت هتخصم بجد ولا ايه
- وانا ههزر معاكي ليه
- كركديه!!
- نسكافيه
- الله هالله م انت حلو بتألش اهو
- اومال خنيق زي ناس
- الكلام ده ليا ؟
- في ناس غيرنا في العربيه ؟
- لا
- يبقي ليكي
- مخصوم منك يومين
-ضحك هو علي اثر كلماتي وابتسمت انا علي اثر ضحكاته ما لبثنا حتي عاد الصمت بيننا مجددا سوي من صوت الكاسيت الذي كان يصدح بهدوء في السياره..
-"وتركتني حيران صبا هائماا
ارعي النجوم واانت في عيش هني "
-فرحه!!
-ايون
-عايز اقولك علي حاجه!
-اتفضل
-انا...
-حااااسب يا بدر حااااااااااااسب!
يتبع