اليتمتان (الحلقه ١٥)💜

💗💗 (اليتيمتان)💗💗
بقلم_ولاءيحيي
                      البارت الخامس عشر

أليف قعد يعدل في المكتب... وبعد ما خلص قعد على الكنبة بتعب
أليف : يخربيت اللي بهزر معاكي يا شيخه... هديتي حيلي... البت قلبت المكتب في ثانيه وانا  ساعتين بعدله تاني... (وقعد يتنهد بتعب... بس قام اتعدل باستغراب)... هي راحت فين بقالها ساعتين مختفيه ومظهرتش
وقام وخرج من المكتب يدور عليها... وفضل يلف عليها في القسم كله... وبعدين رح للسنتر كول عشان ينادوا عليها... وكانت نانسي واقفه

أليف للموظف : اعمل نداء للدكتورة أميرة يابني
تبص له دكتورة نانسي بابتسامة :بس أميرة مش هنا... دي  روحت يا دكتور
يبص ليها أليف باستغراب :روحت!!!! ازاي يعني
نانسي بدلع :استأذن من الدكتور عماد ورحت...  بعد ما كانت خرجه من مكتبك بتعيط...راحت لدكتور عماد وبعدها شوفتها خرجه مع الدكتورة نهى من المستشفى ...لو حضرتك عاوز مساعد انا ممكن اساعدك
أليف بغيظ وغضب: وتساعدين انا ليه... فين الدكتور اللي المفروض انك بتدربي معاه
نانسي بارتباك : انا بدرب مع الدكتور عماد...وهو مش موجود مشي
أليف بغضب : هو عماد كمان مشي... ايه يا ربي المستشفى... اللي ما لهاش صاحب  وكل واحد فيها بيمشي بمزاجه... هو مش فيه ساعات عمل ومرضى في أن المستشفى دي ... ازي يمشوا دلوقتي

نانسي بخوف : مش عارفه يا دكتور (أليف ينفخ بضيق... ويمشي خطوتين) حضرتك رايح فين يا دكتور
أليف بص ليها بغضب: مروح...(ولف ومشى) مستشفى سايبه ما فيش فيها نظام كل اللي عاوز يمشي يمشي
#بقلم_ولاءيحيي
💘💘💘💘💘💘💘💘💘💘💘💘💘

وعند ندا في الكلية... كانت قعده في ركن بعيد في حديقة الكلية  هربنا مع عمران... اللي بيلف عليها الكلية كلها وهيتجنن عاوز يشوفها.. لحد ما لقها فقرب منها ووقف قدامها فبصت له بارتباك
ندا بارتباك :دكتور عمران
عمران بنظرة عتاب : بتهربي مني ليه يا ندا
ندا تقوم تقف بارتباك وتديه ظهرها :ههرب من حضرتك ليه يا دكتور... انا مابهربش واللي حاجه

عمران مسكها ولفها ليه وبص لعينها: بتهربي يا ندا... بتهربي مني حتى بعنيكي... بتهربي كل ما حاول أقرب منك... بتهربي وتعذبيني وتعذيبي نفسك .... ليه عاوزه تعذبينا يا حبيبتي
ندا بدموع :حبيبتك!!
عمران بابتسامة : حبيبتي وعمري ودنيتي كلها.....متقوليش انك مش حسه بيا يا ندا ... انت حسه بيا من اول يوم شفتك فيه
ندا تبعد عنه :ما فيش حد بيحب واحده  وهو ميعرفش حاجة عنها
عمران بابتسامة يقف قدامها :لا فيه وكتير... وحتى لو ما فيش... فانا قدامك اهو ... بحبك ومن اول يوم شفتك...ومن غير ما اعرف عنك حاجه

ندا تبعد عنه بدموع :عن ازنك انا عندي محاضرة
عمران بضيق يقف قدامها : استنى هنا... فاهمين بتهريب مني ليه.. ندا انتي في حد تاني في حياتك...

ندا تسكت مرديتش وهو فضل واقف مستني ردها..

عمران بضيق : الظاهر ان في حد في حياتك وانا بفرض نفسي عليكي... انا اسف

يمشي عمران بسرعه وهو مضايق وهي تعقد مكانها تعيط... فضلت نص ساعة قعده.. وفي الاخر قامت وقفت ومسحت دموعها ومشيت بسرعه
عمران كان راح على مكتبه... وقعد وهو مضيق ومخنوق... ومره واحده لقى الباب بيتفتح وندا دخلت وقفلت بغضب ...فبص ليها باستغراب 
ندا بضيق :انا ما فيش حد تاني في حياتي... واللي عمره كان فيه حد  لحد ما انت جيت... وزي ما انا حسيت بمشاعرك اكيد انت كمان حسيت بمشاعري...

عمران يقف بغضب : امال بتبعيد عني ليه...وليه بترفضي اني أقرب منك... ليه يا ندا ليه

ندا بضيق وعصبيه فكت الطرح و وظهرت رقبتها

ندا بدموع وغضب :علشان دا (عمران وقف مصدوم.. وهي بقيت تكلم بدموع) علشان جسمي مشوه...عرفت ليه ببعد عنك ... هو دا السبب... أظن كده الموضوع انتهى...

ولفت علشان تخرج خرجه وقبل ما تفتح الباب كانت ايد عمران  أسرع وقفل الباب.. وشدها لحضنه... وهي انصدمت لما لقيته نفسها في حضنها... لكن حست احساس غريب حست بأمان... وأنها عاوزه تعيط وترمي كل همومها عليه...فضلت تعيط وهو حضنها... لحد ما هاديت ... فمسك وشها بأيدها ورفعوه علشان تبص ليه
عمران بابتسامة : هديتي حبيبي(ندا  تبص جوه عنيه.. مستنيه تشوف النظرة اللي متعودة عليها من الناس.. لكن ملقتهاش في عين عمران ... لقيت نفس نظرت حكمت وأميرة وفاطمة... بس لقيت معها نظرات اكتر لقيت نظرت عشق.. نظرت حماية..)

عمران بابتسامه ويمسح دموعها : بقى هو دا السبب اللي بتبعد عني عشانه... حد قالك قبل كده انك غبيه يا حبيبتي
ندا بضحك :  أميرة بتقولي كده كتير
عمران بضحك : يعني أميرة بتقولك انك غبيه
ندا بضحك :لا.. بتقولي يا حبيبتي
عمران يضحك اوي ويضمها ليه تاني... وهي تنهدت براحه... بس فاقت وأخذت بالها انها في حضنه.. فكسفت وبعد عنه بسرعه

عمران باستغراب : بتبعيد ليه
ندا بكسوف : هو ايه اللي ليه دا... انت اصلا ازاي تحضني.. عيب كده
عمران يضحك اوي : بقالك ربع ساعة بتعيطي في حضني وجي دلوقتي تفتكري انه عيب... دا انتي ما صدقتي اصلا اني احضنك
ندا تجز على سنانها.. وتخبطه في كتفه بهزر ...
عمران يمثل الوجع :ااااه...قلبي
ندا بقلق :ايه مالك..
عمران : قلبي بيوجعني اوي الحقيني بسرعه عاوزه ... حضن بسرعه حضن... و بوسه علشان اخف بسرعة
ندا تشهق بكسوف... وهو يضحك فتفضل تضرب فيه بغيظ.. لحد ما قعد على كرسي
ندا بابتسامة وغيظ : انا هروح محاضرتي... اللي حضن وبوسه اللي
وتمشي
عمران بضحك يبص عليها: قريب يا حبيبتي... هعمل كل اللي انا عاوزه.. خلصي انتي امتحانات الترم بس واحنا نتجوزك.. وبوس واحض براحتي

ندا تشهق و تبرق عينها وتمسك اقلام من على المكتب وتحدف عليه وهو  يضحك اوي عليها ...

ندا بكسف وابتسامة :انا همشي عندي محاضرة
ولسه ندا هتفتح الباب وهتخرج
عمران بغضب :استنى هنا
ندا بصت ليه لقيته مقرب عليها بغيظ واستغربت من تغيره
عمران بغيظ : هنبدا استعباط بقى...بصي يا ندا انا بقولك اهو من اولها ... انا بغير جدا
ندا باستغراب :تغير من ايه
عمران بغيظ وهو بيرفع الطرحة على رأسها وبيغطي شعرها
عمران بغيظ :من أي حد يشوف شعرك يا هانم... انتي هتستعبطي
ندا بضحك :ياخبر دا انا نسيت خالص (ومسكت الطرح لفتها)
عمران بغيظ : نسيتي :طيب عالله يا ندا تتنسي تاني
ندا بابتسامة وفرحه :حاضر
عمران بحب وابتسامة : بحبك يا ندا
ندا وشها احمر وفتحت الباب وخرجت بسرعه وهو فضل يبتسم بفرحه وحب
#بقلم_ولاءيحيي
💘💘💘💘💘💘💘💘💘💘💘💘💘
ندا روحت البيت وهي فرحانه جدا... لقيت الكل موجود.. ولقيت الدكتورة نهى كمان موجودة ومستنيها
وعرفت بفرحها ...و بركت ليها... وأخذت مقاساتها.. ولاول مره ندا تقلع الطرحة قدام حد... واكن حب عمران ونظرت عينها ليها ادوها ثقه كبيره جدا في نفسها .. الكل بقى مستغربها ... بس لقوها  فرحانه . وسعيدة. فالكل فرح لفرحها وسعادتها... وحكمت حست أن ندا بتحب... فرحت ليها
#بقلم_ولاءيحيي
💘💘💘💘💘💘💘💘💘💘💘💘💘
تاني يوم في المستشفى.. أليف في مكتبه رايح جي... هايتجنن أن  وقت ما أميرة مشيت إمبارح وحاسس انها واحشه... ومش قادر يصبر على غيابها ... وهو واقف الباب خبط.. فجري قعد على مكتبه.. وعمل نفسه مشغول
أليف يرسم الجدية :ادخل
الباب اتفتح... واليف مستني انها تقرب وتكلمه.. عشان يبصلها
إياد :صباح الخير يا دكتور
أليف أستغرب الصوت ... فرفع رأسه وبص لقى واحد واقف  قدامه
أليف بضيق: صباح النور...
إياد :تحت امرك يا دكتور... تعليمات حضرتك ايه
أليف باستغراب :تعليمات ايه... انتي مين يأبني
إياد :انا إياد يا دكتور مساعد حضرتك
أليف يبرق عنيه ويقوم يقف :إياد مين... ومساعد مين... فين اميرة
إياد :أميرة  تدريبها اتنقل مع الدكتور عوني.. وووو

ولسه هيكمل لقى إليف مشي بسرعه وخرج من المكتب وسابه
أليف بغضب وصل لعيادة الدكتور عوني.بس ملقاش حد  فوقف واحده من التمريض

أليف بغضب:دكتور عوني فين
النيرس :في قسم الحروق
أليف مشي بغضب شديد... لدرجة انه خبط في عماد من غير ما يأخذ باله
عماد باستغراب : مالك يابني متعصب  كده ليه وواخد في وشك 
أليف بغضب وزعيق :في استعباط... يعني ايه الدكتور عوني يأخذ المساعدة بتاعتي من غير اذن... مين سمح ليه اصلا... أميرة دي بتعتي انا
عماد باستغراب :بتعتك!!!
أليف بارتباك : قصدي المساعدة بتاعتي... (ويرجع يكلم بغضب) ازاي يسمح لنفسه انه يغير فريق التدريب من غير ما يقول ليا
عماد :طب اهدي ...علشان انا اللي غيرته مش عوني
أليف بزعيق :وغيرته ليه (وخد باله انه بيزعق لعماد اتنهد ) انا اسف يا دكتور عماد... بس ممكن اعرف حضرتك ليه غيرتها
عماد : هي اللي طلبت نقلها... البنت جت ليا معيطه من اللي عملته فيها
أليف بغضب: يا سلام... واللي هي عملته فيا.. دي ضحكة عليا المستشفى كله... انا كنت برد ليها اللي عملته فيا
عماد بضحك :هو احنا في حضانة واللي مستشفى.. (ويتكلم بجديه يحاول يرسمها) دكتور أليف اتفضل على شغلك... والمدربين دول مسؤوليتي انا... وانا اللي اقول كل واحد منهم يدرب فين  ومع مين

أليف بضيق أطفال : بس يا دكتور... انا مرتاح مع أميرة... ومش عاوز مساعده غيرها... (و يبص لها بابتسامه) طيب رجعها وانا أوعدك هنلعب من غير صوت... قصدي نشتغل كويس
عماد يضحك اوي :مجانين والله مجانين
(ويمشي خطوتين وبعدين يبصلها )... هرجعها بس بعد فرحي... الفترة دي ملكش دعوى بيها... هي اللي بتنظيم لينا الفرح...اوعي تضايفها احسن دي مجنونه وممكن تبوظلي الفرح..
أليف بابتسامة :يعني هترجعها (و يأخذ باله من الكلام)  فرحك!!!! ..انت بتقول فرح مين

كمال بابتسامة :فرحي انا والدكتورة نهى... كمان اسبوعين واميره اللي بتنظيم لينا القاعة
أليف بابتسامه يقرب ويبوسه :الف مبروك يا دك.. ايه المفاجأة الحلوه دي... بقى هتجوز كمان اسبوعين وانا اخر من يعلم... يعني ينفع أميرة تعرف قبل مني

كمال بضحك : أميرة هي السبب في الفرح .. قعدت معنا خمس دقايق امبارح.. حددت الميعاد والمكان.. والفستان جهزت لينا كل حاجه في خمس دقايق ... (ورح غمز ليه) يابخت اللي يتجوزها

ويمشي ويسبب أليف واقف بيبتسم ويتنهد بحب ورح على مكتبه... ورفض أن إياد يساعده وبعتوا لدكتور تاني .. وحاول أليف يشغل نفسه. وفي الاخر مقدرش يستحمل .. ورح خارج من مكتبه وطالع على قسم الحروق... أول ما وصل لقى اميره واقفه بتكلم مع واحده من التمريض وشكلها متعصب فمسك ملف من على المكتب جمبهم وقرب منهم وهو عمل نفسه بيقرا.. بس هي ماخدتش بالها منه

أميرة بغضب: لو مش قادره تشتغل هنا... يبقى تطلبي ناقلك لأي قسم تاني...
النآس بضيق : انا عملت ايه بس يا دكتورة
أميرة بغضب : نظرت عينكي اللي بتبصي بيها على أطفال واهليهم.... كلها قرف واشمئزاز...متخيله ايه احساس الطفل أو الأم لما يشفوكي وانتي بتص عليه بشكل دا 
النيرس : غصب عني يا دكتورة... بس شكلهم صعب ما بقدرش ابص عليهم

أميرة بغضب :يبقى دا مش مكانك... اتفضلي بره القسم دا .. ما شفكيش هنا تاني

النيرس تخرج وأميرة تدخل اوضة...و أليف ابتسم.. ورح ورها ... لقها قعده في اوضة الألعاب.. وأطفال كتير من المحجوزين في قسم الحروق ... قعدين يلعبوا معاها وهي عمله تضحك وتحض وتبوس فيهم بكل حب وحنان .. أليف ابتسم وماقدرش يمنع نفسه ودخل الاوضه... وقعد جمبها  هي شافته... قلبها دق.. وانبسطت بس دارت فرحتها..

أليف بابتسامه : ازيك يا دكتوره ( أميرة مرديتش عليه..فبص لها بحب ) أن اسف على اللي حصل  امبارح
أميرة بصت ليه اوي باستغراب... ورحت لفه وشها من غير ما ترد عليه.. وفضلت قعده تلعب مع ولد صغير عمره 3 سنين ..كان عمل يجري بعيد ويرجع يجرى  لحضنها ويبوسها ويرجع يجري تاني... ويرجع لحضنها ويبوسه... الطفل كان عمل يلعب ويضحك وهي كمان بتضحك معاه

أليف غار اوي ان الولد بيحضنها ويبوسها... الولد جي يجري على أميرة رحى أليف مسكوه وقعده على رجله.. فأميرة بصتله
أليف بغيظ : ايه يا عم انت... ما فيش أدب كده خالص... نزل بوس فيها ولا اكني قعد .. مش تحترم وجودي(أليف بيتكلم وهو عمل يزغزغ في الولد و الولد عمل يضحك... وأميرة كتمه ابتسامتها وعمله نفسها مشغولة مع طفل تاني ) ... تعال اقعد كده يااخي اقعد بقى .. انت اسمك ايه
الولد : ثمير
أليف باستغراب :ثمير؟... ااااه سمير... ماش يا سمير... ممكن يا سمير تقول  لدكتور الحلوه دي  تصالحني (سمير حرك راسه بلا) ليه كده يا سمير... مش احنا أصحاب...
سمير يضحك اوي.. و يروح ضربه  بالقلم... فأميرة ضحكت جامد اوي
أليف بغيظ :يااااا أبن ... ليه كده يا ثمير.. (ويبص لأميرة بغيظ) عجبتك اوي وتضحك كمان

أميرة بصتله ومرديتش عليه.. وقامت تمشي.. رح اليف حط سمير على الأرض.. وقام يجري وراها.. ووقف قدامها قبل ما تخرج
أليف بابتسامه :أميرة استنى... (ويقف قدامها) انا اسف والله ما كان قصدي ازعلك.. دا انا كنت بنغشك يا ميرا
أميرة باستغراب :ميرا
أليف يتنهد :يااااا اخير... سمعت صوتك... صوتك كان وحشني اوي... كلك وحشني
أميرة بصدمة:هااااااا
أليف يبتسم :ويقرب من ودانها... بقولك وحشتيني اوي
ورح بيسها في خدها وهي مصدومة وفتحه بؤها.. ومش مستوعبه اللي حصل... ومره واحده فاقت ورحت شهقة و رحت ضربه  بالقلم...

أليف :ااااه (أميرة ضربته وخرجت تجرى) أليف يابنت المجنونة... والله ما سيبك... خرج يجري وراها كنت اميره رحت الاسانسير.. ودخلت... وقبل ما الباب يقفل أليف حط ايده.. ورح داخل معاها .. حاولت تخرج بس هو بقي يقف قدامها  ومينعها وهو مبتسم ... لحد ما الباب قفل .. ورح  موقف الاسانسير
أليف يقرب بابتسامة :والله ووقعتي تحت ايدي...
أميرة بخوف : انت عاوز ايه ابعد عني...
مسك ايدها .. فاميره رفعت أيدها التانيه  رح مسكهم الاتنين.. ومرجعها لورا سندها على الحيطة ... ورفع أيدها فوق رأسها ومقربها منها وعينه في عينها... وهي سرحت وتاهت في عينه .. وهو ابتسم
اليف وهو سرحان في عينها : ايدك  ما تترفعش عليا تاني.. فاهمه (اميره سكتت فقرب منها) قولي فاهمه
أميرة بسرحان: فاهمه
أليف يبتسم : وإياك لسانك يطول عليا تاني.. مفهوم
أميرة :مفهوم
أليف بابتسامة : ترجعي تدريبك معاياو ممنوع.. تكوني مساعده لحد غيري... سامعه
أميرة بصوت تايه :سامعه
أليف ابتسم بخبث : بتحبيني
أميرة بابتسامه :بحبك
أليف بفرحه وحب : وانا كمان بموت فيكي حبيبتي
وساب أيدها.. بس لسه ايده على الحيطة وهي في النص وسرحانه فقرب منها ولسه هيبوسها.. رحت مويه وخرجت من تحت ايده ..فخبط هو في الحيطة .. وهي ضغط على الاسانسير اتفتح.. وخرجت تجري
أليف :ااااه.. يا مجنونة ... (ويخرج يجري ورها بس هي كانت اختفت.. وهو فضل يتلفت حاوليه ورح مبتسم) مجنونه...(حط ايده على راسه اللي تخبطت) ااااه يا راسي.. البت دي على ما اتجوز ها... هكون محتاج قطع غيار

ومشى أليف.. وفضل طول اليوم يدور عليها في المستشفى بس هي روحت... كانت مبسوطة جدا... وتاني يوم مرحتش المستشفى... وفضلت تفكر تعمل ايه.. .. واليف لما ماجتش تاني يوم كان مخنوق .. وبقي متعصب على الكل..
. #بقلم_ولاءيحيي
💘💘💘💘💘💘💘💘💘💘💘💘💘
وتلات يوم أميرة رحت المستشفى .. واليف كان قعد في مكتبه مضايق ... الباب خبط...
أليف  بحزن :ادخل
أميرة دخلت بابتسامه ومعها قهوة.. أليف اول ما شافها قام وقف قدامها بفرحه
أليف بلهفه : أميرة
أميرة بابتسامة : صباح الخير يا دكتور
أليف بابتسامه وحب :صباح النور يا قلب الدكتور
أميرة بكسوف : اتفضل القهوة
أليف مد ايده بابتسامة.. ولسه هياخد القهوة بس افتكر المقلب.. فبصلها اوي... رحت مبتسمه.. ورفعه القهوة وشربت منها... فابتسم بحب... واخد منها القهوة. وهو بصص لعيونها ولف الكوبايه في ايده... علشان يشرب من نفس المكان اللي شربت منه 🙈🙈 أميرة انكسفت اوي.. وخرجت بسرعه.. بس هو خرج وراها.. ومشى جمبها وهو بيبص لها.. وهي بتبص ليه ... وابتسامتهم على وشهم... ومش حاسين بلا حاوليهم... وفضلوا يتكلموا ويضحكوا.. ونسيت الدنيا... وهم ماشين عدو  جمب عماد .. وما أخذوش بالهم.. فضل بصص عليهم وهو مبتسم وخرج تلفونه.. واتصل بحبيبته

الأربع شباب فضله في سعادة وفرحه... والدنيا مش سيعاهم ... وحكمت وفاطمة كانوا حاسين بي تغير وفرحت البنات ... وحكمت فرحانه لفرحتهم وبتدعي رينا يسعدهم
الفرح قرب والكل  بيجهز ليه
أميرة واليف بيجهزوا  القاعه سوا .. وخلها احسن من أ قاعه أفراح في أحسن فندق ..

ندا وعمران.. كانوا كل يوم يتقابلوا.. وبتحكي ليه على مشروعها والمشغل....  وبقي يشوف تصممها..  يشجعها...
#بقلم_ولاءيحيي
💘💘💘💘💘💘💘💘💘💘💘💘💘
وجي اليوم الموعود
يوم الفرح... الكل كان مبسوط وفرحان... نهى كانت مع البنات وحكمت في اوضه  بتجهز ... وعماد كان وقف في القاعة مع أليف وعمران مستنيها على نار..... بعد شويه دخلت اميره وهي لبسه فستان موف رائع.. أليف اول ما شافها.. عينه طلعت قلوب.. وعماد فضل يضحك عليه .. وعمران بقى مستغرب ..

اميره بابتسامة : الكل يجهز (وتبص لأليف بحب) شغل الموسيقى يا دكتور أليف
أليف غمز لها وقالها بحبك بحركت شفايف .. والكل خد باله وهي انكسفت وخرجت بسرعه...

عمران قرب من عماد: هو اليف ماله

عماد مردش لأنه ماكنش سامع.. عينه متعلقة بالباب.. مستني يفتح... قلبه عمل يدق جامد... عمران ابتسم.. واتمنى لو ندا تكون معاه ويشوفها... وهنا اتفتح الباب.. ودخلت نهى... وعينها اتعلقت بعين عماد... وعينهم اتملت دموع.. دموع فرح وحب... عمران بيرفع عينه... اتفاجأ بندا.. واقفه جمب العروسة... هي قالت كانت قالت له راحه فرح بس مقالتش الفرح مين..
ندا اول ما شافته قلبها دق.. هي كمان كانت بتتمني تشوفوه ... عماد قرب من نهى ومسك وشها بأيده الاتنين.. وباسها من جبينه بحب...و
عمران قرب من ندا اللي كانت  واقفه جمب حكمت .. ورح مسك أيدها من غير ما حد يأخذ باله...فارتعشت  بس حكمت حست بيها فبصت ليها باستغراب.. وبصت لأيدها لقيتها في ايد عمران... وشافت عمران بيتكلم معاها بصوت واطي..و حكمت قدرت تقرا حركه شفافيه

عمران بفرحه : وحشتيني حبيبتي .. احلى مفاجأة اني اشوفك هنا ... عقبال فرحانه يا حبيبتي
ندا انكسفت ووشها احمر وسحبت أيدها..و حكمت ابتسمت.. وبصت لعمران اوي.. فشافت الحب في عينه.. فتنهدت براحه وابتسمت.. وتبص على اميره .. لقيتها.. واقفه مع أليف.. و بيتكلموا بيبتسموا وسرحانين في عيون بعض. واليف بيبص لها بحب ورفع ايده يبعد شعرها عن عينها  .. حكمت عينها.. دمعت.. بفرحتها بالبنات .. وشوق لحبيب غائب

أميرة اخدت بالها أن حكمت شافتها... فقربت منها ووقفت معاها هي وندا.... عمران اول ما شاف أليف بيقرب منهم راح وقف جمبه

اميره بابتسامه :أليف دي تبقي
أليف بابتسامه يسلم عليها :ماما حكمت... مع ان ماما دي تكبر حضرتك جدا .. انا مبسوط اني شوفتك.
وكنت عاوز استأذن حضرتك اني اجي ازوركم قريب .. اتعرف على حضرتك وعلى تيتا فاطمه.. (ويبص لندا ويمد ايده علشان يسلم عليها ) واكيد انتي

عمران بسرعه مسك ايد أليف :ندا... اخت أميرة... (ويبص لحكمت) انا عمران و جاي مع أليف... في نفس الزيارة..
حكمت ضحكت اوي بصت ليهم : اهلا بيكم في اي وقت
أميرة وندا يبصوا لبعض باستغراب... هم الاتنين مايعرفوش أن أليف وعمران يعرفوا بعض ..

الأسبوعين اللي فاتوا كانوا عاشوا السعادة والحب وبس .. ما سألوش عن أي تفصيل ممكن تقف في طريق حبهم.. كل واحده فيهم.. عاشت الحب مع حبيبته .. ونسيو يسأل بعض عن أي تفصيل لحياتهم .. واليف وعمران.. شافوا أن ما فيش حاجه مهمه غير انهم سوأ... ما فيش حاجه مسموح ليها تكون سبب انها تفرقهم.. أو تزعلهم... ماكنش حد فيهم شايف ان فيه شي مهم لازم يعرفوه عن بعض  .. الحب اللي بينهم. كان اهم من اي شيء.. تأتي

عماد ونهى يقربوا منهم
عماد بابتسامه : مدام حكمت انا مش عارف اشكرك ازاي انتي واللي بنات على تعبكم معانا
حكمت تقرب من نهى وتحضنها : تشكرني على ايه.. نهى اختي.. وفرحها فرحان
نهى بابتسامة تحتضنها : انا لو ليا اخت ماكنتش هتعمل اكتر من اللي عملتيه معايا
حكمت بابتسامه :ربنا يسعدكم يارب
أميرة تبص لأليف باستغراب : انت ودكتور عمران تعرفوا بعض
عماد بضحك :يعرفوا بعض  ... دول اخوات (ولسه هيكمل كلامه)
أليف بصدمه :مش معقول البوووب

جرى أليف وعمران لحضن الضيف اللي وصل.. وعماد رح معاهم .. واقفه يسلموا عليه.. 
أميرة وندا يبص لبعض باستغراب
الاتنين : اخوات.... وبابا وصل

أميرة باستغراب : أليف مقالش أن باباه جي..
نهى بابتسامه :اكيد جي يشوف العرايس ... والله وكبرتي نفسك يا حكمت.. كان لازم تصممي أن البنات يعرفوكي على الناس   بانك مامتهم
حكمت بابتسامة : من خوفي عليهم... خفت الناس تفتكر أن مالهمش حد.. وفريسه سهله... ويجوا عليهم ويضيقهم.. كان لازم الكل يعرف ان وراهم ام مش هتسمح لحد يزعلهم ولا يجي عليهم.. واللي يجرحهم..
أميرة وندا يقربه من حكمت و يحضنها
الاتنين :ربنا يخليكي لينا يا ماما

الشباب قربوا من حكمت والبنات اللي لفوا ليهم اول ما سامعوا صوتهم
عماد بابتسامه : حبيبتي تعالى اعرفك... ( الكل يلف .. و حكمت وأول ما لفت لقيت كمال.. واقف قدامها فوقت مصدومة.. وهو صدمته مش اقل من صدمتها)

عماد بابتسامه :كمال صديقي... ويبقى

وقبل ما يكمل حكمت وكمال في نفس الوقت.. 
كمال بصدمه :حكمت... حكمت بصدمه :كمال
الكل وقف مستغرب نظرتهم .. وأميرة وندا بصو لبعض بصدمه
الاتنين : دكتور كمال!!!!
عمران كان واقف جمب كمال واليف واقف جمبه التاني..
عمران باستغراب : انتم تعرفوا الدك الكبير بتعانا

حكمت عينها اتملت دموع... وشريط الذكريات كله مر قدام عينها.. وآخر حاجه كانت صورة كمال وهو ماسك ايد ماهي وهي بالفستان الأبيض.. و مبتسم .. فغمضت عينها بألم

حكمت افتكرت وعينه اتملت دموع ماقدرتش تمنعها من النزول .. كمال اول ما شاف دموعها قرب منها بحزن
كمال بحزن :حكمت

حكمت فتحت عينها لقيته بقرب منه .. وراحت رجعه لورا وجريت بعيد عنه... والبنات ونهى جريوا وراها

البنات بخوف :ماما
كمال لسه هيجري.. فعماد مسكه
عماد :مش دلوقتي يا كمال... سيبها تستوعب صدمة انك رجعت.. ووقف قدامها
كمال بصله بصدمه : دي حكمت يا عماد...  اللي كانت قدامي حكمت مش كده .. انا ما بحلمش صح
عماد بابتسامه حزن : هي يا كمال... حكمت
كمال بصدمه :انت كنت عارف مكانها
عماد بسرعة : لا يا صاحبي.. معرفتهاش... انا شبهت عليها من الصورة اللي كانت في جيبك دايما... بس معرفتهاش.. الصورة كانت قديمة ومش واضحة
عمران واليف يبص لبعض بصدمه :حكمت حبيبت كمال
بقلم_ولاءيحيي
💘💘💘💘💘💘💘💘💘💘💘💘💘