الحاقده 😈الجزء الثامن😈

بسم الله الرحمن الرحيم
الحاقده حلقه ٨
طبعا عرفتكم ان حمات اختى الله يرحمها جت رفضت تماما جوازى من ايهم
انا دخلت قولتلها من غير متتكلمى انا والله معاوزه ابنك ابنك هو اللى فارض نفسو علينا ولو سمحتو اتفضلو من هنا كلكو
أيهم من غير اى مقدمات ملامح وشو اتغيرت وكان اشبه باللى ركبه جن وشو احمر جدا وراح ماسكك مامته من طرحتها ومصمم يختقها بيها لولا اخويا وجوز اختى التانيه مكان حد قدر عليه كلهم بيقسمو انهم مقادرين عليه بالعافيه على مالست قدرت تاخد نفسها من حديد
بس قامت فضلت تصرخ وتدعى عليه بردو ولولا اخويا وبابا هدوه اقسم بالله كان هيموتها ف ايدو
أيهم / عمى انا عاوز اتجوز بنتك وهشلها ف عينى موافق؟
بابا / بعد اللى شوفتو منك ده انك تمد ايدك على والدتك لا يمكن اوافق
ويلا لو سمحت اتفضل من هنا اللى كانت بينى وبينك خلاص راحت عند اللى احن عليها مننا مفيش حاجه مابينا يابنى يلا من هنا
أيهم : عمى اسمعنى بس حضرتك متعرفش والدتى ست متحمكمه وعصبتنى
بابا / ولو يابنى الا الام ميصحش ابدا انك تعمل كده يلا علشان كلنا محتاجين نرتاح مع السلامه قوم ياحسام افتح الباب
انا / بس انا موافقه يابابا
( طبعا كلكو فاهمين ليه ضرب ايهم لامه مش طبيعى )
بابا / انتى اتهبلتى صح خشي جوه يابنت انا عايش ولسه ممتش وكلامى الله هيمشي
خدت شنتطتى ومشيت مع أيهم لانى عارفه ان ابويا لو رفض رسلان مش هيسيبو ف حاله
اخويا حاول يمنعنى بس كان عندى قوه رهيبه معرفش جت منين محدش قدر يمنعنى
ونزلنا عند اقرب مازون واتجوزنا
بس رفضت انى اسكن ف بيت اختى نزلنا ف فندق وهو اشترى شقه جاهزه من كل حاجه ف مكان راقى جدا
كل حاجه حصلت بعد كده مكنتش بمزاجى بس نسيت اقولكم
أيهم خدنى وروحنا لوالدته يمكن ترضي طبعا اول مشفتنا على الباب حطت ايدها على الباب علشان متدخلناش ايهم كان هادى جدا بس هى فضلت تزعق وتشتمنى وتشتم اختى  وتشتم على شرفها
ام ايهم /وقالت هنكد عليكو ومش هسيكو تتهنو ثانيه
لعلمك انا كتبت كل حاجه بس اختك انت ملكش عندنا مليم شايف العز ده كلو والملاين اللى عندنا ورحمه امى مهطولك منها جنيه
من غير مقدمات ام ايهم طردتنا
بس بعد مخرجنا من البيت انا اغمى عليا على السلم
علشان كده لاقيت نفسي طايره ف الهوا ودخلت شقه ام ايهم من غير مفتح الباب وساعتها شفت رسلان وهو واقف قدام ام ايهم من غير مام ايهم تشوفو وفضل يخوفها ويوقع ف الحجات وهى اتخضت جدا وخافت اوى وكان باين عليها الرعب وبقيت كل يوم يغمى عليا واروح بيتها واشوف رسلان وهو بيجننها وبيكلم ف ودانها من غير متشوف حد قدامها والحاجت تتحرك من مكانها قدامها ومخدش بيحركها وكل متنام يفضل يصرخ ف ودانها ويخلى خيالات وايحه جيه ف البيت طبعا هى مسكتتش كلمت ابنها الصغير يشوف حل
طبعا هو لاقى ست مجنونه تماما بتكلم نفسها وبتحرى وتستخبي من حاجه محدش شايفها ومرتين حاولت تمسك سكينه تجرح نفسها وانا عارفه ان زسلان هو السبب ف ده
ابنها مفكرش كتير لان واضح ان مامته اتجننت وانا اللى عارفه الخقيقه ودها مصحه نفسيه بره مصر علشان كده كان لازم اسكت  واوفق لان انا عارفه انى لو رفضت او ابويا رفض مش هنسلم من الازى
اختفت امه من حياتنا
انا السحر عمل للى طلبتو منه افرق اختى عن جوزها واتحوزه انا بس انا مش سعيده تعرفو ليه لانى انا كمان قربت افقد على بالكامل ياجماعه محدش فيكو متعاطف معايا صح ؟؟؟
بس لما تعرفو ايهم بيعمل ايه يمكن تتعاطفو معايا ايهم انسان متسلط جدا بشكل فظيع مش بعرف انطق معاه بكلمه بيدخل ف كل صغيره وكبيره ف البيت يعنى مثلا
انا طبعا مش مبسوطه ومجبوره على الجوازه دى بس بحاول اتحمل نتيجه عملتى السودا واتاكدت وعرفت ان اسراء كانت شايله وسكته مع انسان زباله بمعنى الكلمه او جايز هو اتغير معرفش بصراحه بالظبط البنى ادم اللى كنت مبهوره بيه وبحبه لاختى اتجوزتو وشوفتو شيطان على شكل انسان انا عايشه ف جحيم ملوش وصف مفيش اى رحمه ف التعامل فطار وغدا وعشا ونضافه وترتيب واهتم بنفسي كل ده بالعافيه وياويلى لو نسيت امر من الاوامر الجدول كما يلى
فطار سته وممنوع اكل معاه علشان مش بيعرف ياكل مع حد
الشاى لو برد بس بيرميه على الارض واعمل غيره
الساعه اربعه الاكل على السفره جاهز لو دخل وانا كنت لسه بغرف بس يشد مفرش السفره ويرمى كل الاكل على الارض ويخلينى اغرف غيره وافضل الم وانضف مكان الاكل
العشا الساعه ١٢ لو نمت اواتشغلت بفوق على جردل ميه ثلج على دماغى
كنت بسكت واتحمل  لانى خايفه من سلان اووى بس تخيلو اما اتبهدل لمجرد انى وانا برتب البيت شيلت علبه السجاير والولاعه من مكانها على الترابيزه وحطتها ع رف ف المكتبه جه سالنى قولتو اهيه كنت بنضف بس كنت خايفه اضرب بسببها وخدو عندكم من مواقف زى دى لحد مفيوم قررت اروح لعم عطيه علشان اطلق وكانت المفاجاءه ؟؟؟؟

ايمان_صلاح