رماد الموت

(((رماد الموت)))

من صغري محبش اقرأ كتب خالص وديما كنت أقول الكتب متستاهلش الفلوس اللي هتدفع فيها بس خلاص زهقت من كلام زوجتي والعيله كلها ديما بحس ان زوجتي غيرانه ان جوز اختها مثقف وبيحب القراءه وانا لا عشان كده زوجتي ديما تقولي متعمل زيه ولا هو احسن منك عشان كده قررت اعمل المكتبة اللي في ركن الاوضة المليئة بالكتب ..!!
بس كل الكتب دي جايبها عشان لما يزورني يعرف انه مش احسن مني في اي حاجة خالص بالعكس انا احسن منو..!! اقولكم علي سر ومتقولوش لحد ؟ انا معرفش اسماء الكتب اصلا بس نزلت واشتريت الكتب دي من فتره من الارصفة  بسعر زهيد جدا اصل عمري مهدفع في كتاب اكتر من 20 جنيه ده كتب باليه علي كتب جديدة علي كتب مسروقة ورصيتهم في المكتبة لارضاء زوجتي وامثل اني شخص قاريء ولاشباع غروري بان عبيد جوز اختها مش احسن مني من اسبوع عبيد جالنا البيت وشاف المكتبة اللي عندي وسخر مني قدام هبه زوجته و جومانا زوجتي وقالي من امتي ياكريم وانت بتحب القراءه  في الحقيقة فكرت ورديت وقولتله انا بقراء من قبل مانت تتعلم نطق الكلام والحروف اصلا وقولتلها بتعالي وغرور قدام زوجتي ، فحاول يحرجني وقالي ""طب م ترشحلي كتاب حلو كده اقرأه"" فضلت ادور في الكتب اصلي مش لاقي كتاب اسمه يشدني كده وانا اصلا معرفش ايه اللي جوه الكتاب ولكن انا عارف عبيد لو رشحتله كتاب مش هيسكت وهينتهز الفرصه ويحرجني تاني وهيقولي بيتكلم عن ايه ويفضل يسألني ف اسأله عن الكتاب وعشان كده فضلت تلت ساعة واقف قدام المكتبه اختار كتاب مكتوب فيه نبذه مختصره عنو ، اخيرا لقيته ..!!
كان كتاب اسمه « رماد الموت » ومكتوب ف اول صفحه نبذة مختصره عن محتواه « عزيزي قبل ان تقرأ هذا الكتاب سوف اخذك معي في رحلة الي اعماق الأرض وفيها لابد ان تنفذ اوامري اذا كنت تبحث عن السعادة والخلود ف لن تموت ، سنعيش في عالم من صنعنا نحن فقط ...لا تقرا ان كنت غير مستعد لهذا»  اديته الكتاب وقولتله اتفضل يابو قلب جامد ، وزي متوقعت بالظبط بصلي وقالي هو بيتكلم عن ايه ! قولتله النبذة اللي انا حفظتها حالا وابتسمت وقولتلها هو ف الاول رعب بس هتحبو جدا ، بادلني نفس الابتسامه وقال خلاص يبقي اقراه وهقولك رأيي ..!!
وبعدها بأسبوع كان بيرن عليا بصراحه مكنتش حابب ارد اصل هيا عاده عندي من صغري ممكن اكون فاتح نت وقاعد أتصفح والتليفون يرن ومردش فضل يرن وانا مردتش ، رن تاني مردتش ! .. لحد مبعتلي فويس مسچ علي الواتس ابب وهو بيقول فيهاا »
.

« كريم ، ارجووك ياكريم الحقني انقذني.. كريم انا مستهلش منك كل اللي بيحصل فيا ده انا بقالي أسبوع علي كده ! ، من ساعة م بدأت أقرأ لحد م وصلت لنص الكتاب وانا في حاجه مسيطره علي جسمي ! كل ماقول مش هقرا تاني بالاقي نفسي بقرأ في شيء بيجبرني علي القرايه ، وبتجيلي حالة من الجنون !! كريم انا فاقد السيطره علي نفسي وعملت حاجات انت متتوقعاش انا قتلت هبه ودلوقت هيا معايا في شنطة العربية مش فاكر قتلتها ليه وازاي !! انا معايا الأولاد ياكريم مش عايز ااذيهم !! ارجوك رد عليا انت الوحيد اللي قريت الكتاب ده وتقدر تخلصني من اللي انا فيه !! انا في طريقي للصحراوي ساعدني ارجوك »
بمجرد مسمعت الفويس حسيت بقشعريرة مسكت جسمي كلو ، ومكنتش عارف اتصرف ازاي .. صحيت جومانا زوجتي وجربت تتصل بي بس مفيش فايدة .!! التليفون مقفول ..!! قولنا اننا لازم نروح بيتهم ونخبط عليهم ونشوفه في البيت ولا لا .. بس فعلا مكنش في حد في البيت خالص ولا اي صوت جوه بلغت الشرطة وانطلقنا ف إتجاه الصحراوي عشان نتأكد ونشوف اللي حصل ..!!
.
انطلقت مع سيارات  الشرطة وبدأت احكيلهم وسمعتهم الفويس ..!! بس مكنش في آثر لاي حد ..!!
لحد م لقينا العربية بتاعتو بس كانت فارغة تماما ..!! الشرطة فضلت تبحث في المكان بس مش لاقيه اي آثر او اي حفر او حاجه تدل علي وجود عبيد اوعائلته ، الشرطة يئست من التدوير والبحث وقالوا ان مفيش حد موجود ..!!
بس من فتره انا شوفت شخص يشبه عبيد ماشي علي احد الطرق ولما قولت للشرطه بحثوا تاني ، بس قالولي انت بتتخيل وانا اقسم اني متأكد ومش بتخيل خالص انا شوفتو بعنيا ..!!
لما رجعت البيت كنت سرحان ومش شايف قدامي ومش مهتم لكلام الناس بس حاسس اني عملت ذنب كبير مش عارف ايه هو بس حاسس ان انا السبب في اللي حصل ..!!
انا دخلت اوضتي دلوقتي وقفلت عليا بالمفتاح ونورت نور الابچورة رجعت افحص الكتب اللي ف المكتبه كنت ببص عليها ، بس وقع كتاب منهم علي الأرض..! كان كتاب رماد الموت ايوه هو اللي اديته ل عبيد.. !! .. الحادثة بقالها شهرين كل يوم بحس ب عبيد موجود وبشوفه بين البيوت وخلف الاشجار بيراقبني .. بس انا دلوقتي خلاص قاعد في الاوضه لوحدي ، الكتاب علي سريري ! في شيء جوايا بيقولي اقراا..، شيء متحكم فيا تماماً مش عايز يخرج مني ..!! بس انا .. انا خايف جدا ...!!