قصة 7ارواح (الجزء الثاني)

=في ايه يا سراج انت مخضوض كده ليه
-هو احنا متجوزين من امتي
=لاده انت بتهزر بقي!
-ياستي خديني علي قد عقلي
=من شهرين
-والله وانا جبت الشقه دي منين
=سرقتها
-سرقتها!! يالهووي سرقتها من مين
=لا ده انت مش طبيعي خالص انهارده بهزر معاك سرقتها ايه انت عايز تطلقني وهتعمل فيها مجنون صح ؟
-اطلقك ايه يا ساره ده انا ما صدقت اتجوزتك
=امال مالك يا حبيبي تايه كده
-مفيش انا عايز ادخل الحمام
*خرجت من للاوضه وقعدت ادور علي الحمام وبعدين دخلته لاقيت القطه جوا وبتبصلي جامد
-احنا ايه اللي جابنا هنا ما ترد عليا هتفضل تبصلي كده كتير ،انا اتجننت ولا ايه بكلم قط
*غسلت وشي وببص علي ايدي لاقيت عضه من القط باين انها كبيره بس انا مش عارف ازاي محستش بيها ،انا مش فاهم حاجه ولا فاهم انا ازاي اتجوزت ساره ،قررت إني مفكرش كتير اتعامل كأن دي حياتي وخرجت من الحمام وفعلا اتعاملت عادي ومسالتش نفسي انا ايه اللي جابني هنا ،ده انا كنت فرحان اني اتجوزت حبيبتي وكانت ايام جميله وكلها فرح وفات 6شهور وانا حياتي فُل لغايت ما حسيت اني عايز طفل وكل ما اشوف طفل قلبي يطنطط كده هو المفروض الام تكون عندها المشاعر دي اكتر لكن انا كنت بحب الاطفال جدا وكمان كنت عايز اكون عيله اللي اتحرمت منها لما امي وابويا  ماتوا وروحنا للدكتور وكشفنا بس كانت المفآجاه ان ساره مبتخلفش مكنتش قادر اتمالك نفسي وبان عليا اني اضايقت برغم انها كانت هي اللي محتاجه اهون عليها كانت هي اللي بتهون عليا من هنا بدأت حياتنا تتقلب مشاكل وعصبيه طول الوقت محدش فينا عايز يبص في وش التاني بنتعامل مع بعض ببرود،خيانه  وخنتها و حاسس ان هي السبب في حرماني من الاطفال مكنش عجبني حالي ابدا ولا اللي كنت فيه بس مكنتش عارف عمل ايه جت في يوم قالت انها هتروح عند مامتها انا استغليت الفرصه وقعدت اكلم بنت كنت عارفها علي النت وفاتحين الكاميرا ومسمعتهاش فجأه لاقيتها قدامي وعماله تصوت وتصرخ وتقولي انت بتعمل ايه وتشتم فيا وانا اشتم فيها وبعدين زقيتها اتخبطت في سن السرير ودماغها بقت تنزل دم وبعدين قطعت النفس خالص وانا واقف معرفش عملت كده ازاي وفضلت اقول انا قتلتها انا ضيعت نفسي هعمل ايه!!  لاقيت القط ظهر فجأه وفضل بصيصلي معرفش ليه مسكته وفضلت اقوله اعمل ايه انا في مصيبه اعممممل ايه!!!
لاقيته بيمشي ناحيه البلكونه وبعدين وقف علي السور وكأنه بيقولي نط ويقرب مني يشدني يقربني من السور
-انت مجنون عايزني انط؟
المفأجاهاني لاقيته  بيهز راسه سالته تاني وقولت ممكن اكون بتخيل عايزيني انط يعني ده اللي هينقذني هز راسه ونط بصيت عليه لاقيته أختفي حسيت ان القط ده وراه حاجه وانه مش مجرد قط وهو السبب اني أكون هنا علشان كده وقفت علي السور ونطيت وفجأه

-استاذ سراج يا اوستااذ سراااج
=عاااااا ايه ده ايه ده ف ايييه
-ايه يا اوستاذ حضرتك مخضوض كده ليه
=هو انا ما موتش؟
-علي حسب علمي حضرتك لسه عايش
=امال انت عايز ايه
-حضرتك في إجتماع بعد عشر دقائق واوستاذ مصطفي عايزك
=مصطفي مين ؟
-لا حول ولا قوه الا بالله اوستاذ مصطفي المدير
=طب اخر سؤال هي دي شركه ايه
-ده أجهزه كهربائيه ان شاءالله
=طب ماشي ممكن تاخدني في ايدك  توديني عند استاذ مصطفي
*بص باستغراب ووراني المكتب دخلت عند المدير وقعد يتكلم معايا عن الحسابات وكده وقالي انه هيرفع مرتبي ويخليه 9000 لاني بعمل شغل حلو ومجتهد طبعا اتخضيت من الرقم ،خلص كلام وخرجت واول ما خرجت ولفيت في الشركه افتكرتها عالطول دي الشركه اللي إترفضت منها ،انا اتقبلت ازاي وبقالي قد ايه شغال هنا
لاقيت حد داخل عليا وانا عمال افكر
-سراج هتوصلني انهارده ؟
=اوصلك بايه
-بعربيتك ياعم انت هتستعبط
=انا عندي عربيه!
-اايوة ما انت واكلها والعه والمدير حبيبك مش هيبقي معاك عربيه ليه ياعم ،يا اخي اموت واعرف جايب العربيه دي منين
=سارقتها يا عم ده انهارده الخميس حتي
-وانا هحسدها ليه ده انت حتي بتوصلني
=هوصلك بس قولي انا ساكن فين
-ساكن فين!
=ها هتقولي ولا مش هوصلك
-هقولك ياعم انت باين الفلوس لحست دماغك
*وصفلي البيت وروحت طلع بيتي القديم بس كنت مغير فيه شويه عفش ،كنت عمال أفكر اللي انا فيه ده ايه وهيخلص أمتي بس كنت مطمن اني شغال ومعايا عربيه ومرتب حلو اوي هعوز ايه تاني فات 6شهور وانا في الشركه ومرتاح ومبسوط والمدير مدلعني وكل حاجه اخر الاجه،فجأه في يوم  لاقينا المحاسب القانوني  جي يعمل كشف علي الحسابات لان المبيعات قلت،بصراحه كنت خايف مش لاني بعمل حاجه غلط لا انا بخاف ربنا جدا بس لاني كنت مهمل في الحسابات ومبعملش جرد ،المحاسب القانوني خلص شغله وطلع في سرقه كتير ولغبطه وانا المسؤول الوحيد في فواتير بتتلغي وبيتاخد فلوسها وحاجات كتير كده انا معملتش منها حاجه ،المحاسب مشي بعد ما بلغ البوليس وكنت عارف اني هتسجن روحت بسرعه للمدير وقولتله واكتشفت ان هو اللي ورا كل ده وكان بيديني مرتب كبير كده وكل ده علشان يبان ان انا اللي بسرق وانا زي المغفل ،مكنتش عارف اعمل ايه جريت برا الشركه ،ظهر القط وطلع  يجري جريت وراه لاقيته وقف قدام عربيه جايه بسرعه  كنت عارف انه عايزني انا كمان اقف علشان ده اللي هيخلصني من السجن ،
وفعلا زي كل مره لاقيت نفسي  في مكان تاني

#7_ارواح_الجزء_التاني
Menna_elshamy