قصة 7ارواح (الجزء الثالث)

كانت كليه ،كليه فنون جميله   فرحت اوي ايه ده انا دخلت الكليه اللي عايزها
-هتاكل يا سراج ؟
=اه هاكل طبعا يلا ،بقولك ايه هو احنا في سنه كام ؟
-اولى يا عم سراج انت هتصطبح علينا
=يا نهاري هقعدخمس سنين   بس المره دي في مكان بحبه
*فات شهرين ومقدرتش استحمل الكليه مش زي ما كنت بتخيل بيطلبوا مننا حاجات مش حابب ارسمها واحيانا مبيبقاش ليا مزاج ارسم ولازم ارسم وانا مبحبش حد يلزمني بحاجه انما صحابي بقي مملين اوي مش شبهي ابدا بتهرب منهم ومبحبش اقعد معاهم فعلا اتخنقت من الكليه وقررت مستناش مصيبه تحصلي من وراها علشان اهرب منها  ،فضلت ادور علي  القط لاقيته في مدرج وقاعد علي البنچ وبيبصلي وكانه فرحان فيا
-ايه يا عم قط ممرمطني  معاك انا عايز اروح انا زهقت  من الكليه دي وياريت ترجعني حياتي ياعم   انا مش عايز غيرها
*نط من علي البنچ وخرج من المدرج خرجت وراه  وفضل ماشي كتير وانا ماشي معاه ووصل للمترو ودخل واستني لغايت ما المترو جيه ونط نطيت وراه بسرعه  مبقتش اخاف وبقيت عارف   اني مش هموت فضلت مغمض عيني وعمال ادعي في سري اني لما افتحها الاقيني رجعت لحياتي وبيتي فتحتها
-صباح الخير
=عاااا انتي مين يا حجه
-انا حجه برده!
=انتي مين ونبي!
-انا مراتك يا حبيبي
*قالتها وهي بتقوم من علي السرير  ولفت  وبتخرج من الاوضه
=انا مادي حقير صحيح اتجوزتها علشان غنيه ولا ايه!  لما اقوم علشان افهم ،يا حجه
*قومت ولاقيت ڤيلا جميله جدا وعيشه فعلا في الاحلام وخدامين اشكال والوان وعربيات اختار منهم اللي انا عايزه فعلا حياه جميله ،الفلوس خلتني انسى اني متجوزش واحده قد ستي  ويلا اخد  أجر اني بفرحها ،تفوت الشهور وانا مدلع اخر دلع وسفر  وكل حاجه نفسي فيها بحققها حبيت الحياه دي جدا بس صحيت في يوم  لاقيتها  مبتنطقش  جمبي يا نهاار اسود الست ماتت ،اتصلت علي الاسعاف واتصلت علي عيالها وجم  والست طلع عندها غيبوبه سكر وراحت لحالها المهم تمر الايام واصحي الاقي الست مبتنطقش تاني اتصلت علي الاسعاف تاني لكن المره دي ماتت دي كمان اتقتلت مسمومه وطبعا انا اللي اتوجه ليا اصابع الاتهام اللي  عرفته من المحامي ان الست كتر خيرها بعد ما حصلها الغيبوبه كتبتلي الورث كله او معظمه طبعا المحامي الرغاي قال لعيالها  لما ضغطوا عليه  سموها ولبست فيا انا ،لاقيت نفسي في زنزانه وفعلا شعور السجن وحش جدا  فات يومين وانا بتخنق ومش عارف القط هيظهر امتي  ومش قادر فعلا استحمل السجن تاني والنومه دي والعيشه دي   ،ظهر القط  اخيرا بعد  ما كنت اتخنقت فعلا وزق برجله مسدس ما اترددتش لحظه ومسكت المسدس وضربت علي راسي
فضلت مغمض عيني وعمال افكر هخلص امتي من كل ده انا فعلا زهقت ومش عايز اشوف حاجه تاني وعايز ارجع لحياتي ،فتحت عيني لكن الدنيا لسه مظلمه في ايه انا ليه مش شايف حاجه
-انا مش شااااااايف حاجه هو في ايه!!
=اهدى اهدى يا ابني اقعد بس
-انت مييين ابعد عني متمسكنيش
=وحد الله واقعد انا خالك رؤوف
-انا ايه اللي حصلي هو انا ليه مش مش شايف
=هو انت مش فاكر ولا ايه يا سراج
-احكيلي ارجوك حصل ايه!!! 
=انت عملت حادثه وفقدت عينك انا خدتك تعيش معايا مع اني عارف انك مش بتحبني وبتحاول تبعد عني من ساعه ما اختي ماتت لكن انا بحبك يا سراج وبعتبرك ابني متزعلش با ابني ربنا خد منك عينك انما ان شاء الله هيعوضك بحاجات تانيه احسن
-هيعوضني ايه!!! فين القط انا عايز القط
=قط ايه بس لا حول ولا قوة الا بالله
-ونبي دورلي علي القط في البيت انا مش هستحمل اني اعيش في الظلمة ارجوك
=متعيطش يا ابني حاضر حاضر هدورلك عليه
*انا مش قادر اصدق اناتعميت انا فعلا مش قادر اوصف احساسي حاجه صعبه اوي الظلمه ،فكرت انط من البلكونه ومستناش القط وفعلا سالت خالي علي البلكونه بحجة اني هشم شويه هوا ودخلت البلكونه وطلعت علي السور ونطيت انما كانت المفاجاه لما صحيت في المستشفي وعرفت اني مشلول  ما متوتش لكن اتشليت شلل نصفي متخيلين احساسي كان عامل ازاي انا اعمى ومشلول حياتي انتهت خلاص نبقاش ليا لازمه انا ايه اللي عملته في حياتي علشان المصيبه اللي انا فيها دي  اكتئبت وكرهت حياتي وفضلت  شهر قاعد في الاوضه مبخرجش بس فكرت بعدها الاحداث دي كلها حصلتلي ليه من  اول ساره للشركه لغايت دلوقتي كل الحاجات دي كان ليها رساله
دي كلها  حاجات انا كنت عايزها  بس مكنتش اعرف انها هتبقى وحشه كده وافتكرت مقولة "لو علمتم الغيب لأخترتم الواقع " بس انا عمري  ما تمنيت اني اتشل او اتعمي وبعدين فكرت اني مكنتش حاسس بقيمتهم ولا بالنعم اللي انا فيها وبدأت أرضى باللي انا فيه وبدأت حفظ قرآن وأصلي وقربت من خالي اللي مكنتش اعرف انه طيب  ومعرفش ليه كنت بكره كده وفات شهور وانا حفظت سور من القرأن بمجرد اني بسمعها واكررها وكنت بخلي خالي يجبلي قصص الانبياء وحاجات كتير اتعلمتها وعرفتها في الشهور دي من علي النت برغم اني كنت اعمي ومشلول لكن كنت حاسس بنعم ربنا عليا وكنت راضي جدا ومطمن
كنت بدعي ربنا وبقول "يارب سامحني لو كنت بعترض علي حياتي او بنتقدها انا راضي يارب " وفجأه سمعت صوت قطه "مياوووا" وبعدين الكرسي بتاعي بدأ يتحرك لاقتني بقع من حته معرفش ايه هي بس انا بقع فضلت اصرخ بفتح عيني لاقتني في بيتي مكنتش مصدق نفسي فضلت اجري واسجد واحمد ربنا لاقيت الباب بيخبط وطلع علي فتحتله وخدته بالحضن مكنتش مصدق اني اخيرا رجعت لحياتي اللي كانت نعمه كبيره مكنتش عارف قيمتها ،دورت علي القط في الشقه لاقيته خدته بالحضن وفضلت اقوله  فهمت الرساله والله فهمتها ،واتصلت علي خالي وفضلت احب فيه وهو مستغرب يا عيني ده انا مكنتش بكلمه وهو اللي بيحاول يكلمني انما خلاص انا فوقت واتغيرت ، اما بالنسبه للقط معرفش هو ازاي خلاني ابقي بسبع ارواح زيه يمكن العضه اللي عضهالي زي سبايدرمان لما العنكبوت عضه بس لحظه كده انا موت خمس مرات يا نهااااري لالا مش عايز الروحين الفاضلين انا كده راضي والحمدالله ومش عايزكوا تعيشوا نفس اللي عشته علشان تتغيروا ارضوا باللي ربنا  راسمه لحياتكم وادهولكم لانه بيكون احسن حاجه واحمد ربنا علي كل نعمه ربنا ادهالك  مش لازم تتاخد منك علشان تحس بقيمتها ،الرضا ورضا جيه يا امو رضا
#7_ارواح_الجزء_التالت
Menna_elshamy
قولولي رأيكم💜