قصة 7اروح (الجزء الاول)

هقولكوا قصتي اللي محدش هيصدقها وهيقول اني مجنون بس مش مهم المهم انكوا تتعملوا زي ما انا اتعلمت انا بقي عندي 7ارواح ايووة زي القطه بالضبط متسغربش ومتنحش كده هحكيلك من الاول ده انا هحيكلك كمان عني مستعد تسمع ،هتسمع ان شاء الله 
أنا سراج عندي 24سنه امي وابويا ميتين معنديش اخوات بس صاحبي علي بعتبره اخويا،  اتخرجت من تجاره اه الكليه اللي كله بيدخلها دي وطبعا كان نفسي ادخل كليه تانيه هي  فنون جميله وطبعا فضلت الاربع سنين انبر ومش طايق الكليه ولا اللي فيها بس حبيت بنت معايا في الدفعه اسمها ساره  وكنت هتقدملها بس انا محلتيش حاجه غير البيت اللي قاعد فيه ومعاش بابا بصرف منه واحيانا مش بيكمل لاخر الشهر روحت واتقدمتلها وطبعا اهلها كانوا مش طيقني ورفضوني وطبعا زي كل حكاية هي اتجوزت واحد جاهز وانا فضلت اتفرج عليها من بعيد شايفها بضيع  زعلت وتأثرت  ،كنت في آخر سنه في الكليه اتخرجت وكنت بدور علي وظيفه وخالي جابلي وظيفه في شركه  حلوه جدا وبمميزات كمان بس كان لازم اعمل انترفيو وكان في شخص تاني معايا اتقبل هو واترفضت انا مش فاهم ليه مع اننا نفس المهارات ده انا حتي جايب واسطه يمكن مبيجبوش خالي اذا كان انا مبحبهوش يلا وكان اي مشكله تحصل في حياتي اجيب علي واقعد اشكيله
-انا ليه بيحصلي كده يا علي
=ياعم ده انت في احسن حال
-احسن حال! ده ولا كليه اللي كان نفسي فيها ولا عندي عيله زي بقيت الناس ولا اتجوزت البنت اللي بحبها انا عايش ليه ولا غني وبستلف من كل حته  ،عايش علشان احلامي تتكسر قدامي ليه الحياه مش بتدينا اللي احنا عايزينه
=والله يا ابني انت مكبر الموضوع ده احنا في نعمه
-اتكل على الله يا علي روح
=اروح! تشكر يا ذوق
*بعد ما علي مشي جيه تاني يوم بالليل ومعاه قطه ،كانت قطه سوداء عندها عين بني وعين عسلي فاتح جسمها كان كبير وعندها شعر كتير زي اقطه البيضا الشيرازي كنت مستغرب من شكلها
-ايه ده يا علي انت عبيط جايبلي قطه
=لا قط 😁
-خد الكائن العجيب ده وامشي ،هي بتبصلي كده ليه ابعدي ابعدي شيلها يا عم دي رخمه اوي
=ما قولنا قط متقعدش بقي تكلمه كانه بنت علشان ميتعقدش ويطلع مايص،ده حبك يا واد يا سرجه
-هو انا مش طردتك امبارح؟
=حصل
-ايه اللي جابك بقي 
=انا رخم يا عم ،وبعدين انا ماشي
-اتفضل وخد معاك الكائن ده
=لا الكائن ده هديه والهديه لا ترد يا اخ سراج

*مشي وسابني مع القط  الغريب وهو عمال يبصلي فات اسبوع وهو بقي صاحبي فعلا ماشي ورايا في كل حته وحتي لما بدخل الحمام وانا بقيت اكلمه  وبتعامل انه حد معايا وكان بيجي يتمسح فيا كده ويقعد علي رجلي لما اتفرج علي التلفزيون بصراحه حبيته،ودايما نظراته ليا كانت بتخليني اتسائل هو عايز يقولي ايه! ،لكن  في يوم صحيت وده كان اول  يوم في الشقلبه كلها
اول مافتحت عيني كنت في اوضه تانيه شكلها مش اوضتي وكان عفشها جديد قومت مخضوض ببص حواليا ولمحت في ايدي خاتم جواز انا مش فاهم حاجه فجأه لاقيت باب
الاوضه بيتفتح وساره  داخله  
-يا نهااار ابيض انتي ايه اللي جابك هنا
=مالك يا حبيبي؟
-انتي مين ؟
=بطل هزار يا سراج انا مراتك يا حبيبي
-مراتي!!!

7ارواح_الجزء_الاول
Menna_elshamy