بناتي حياتي🌸الحلقه 23🌸
رواية💖 بناتي حياتي💖
بقلم_ولاءيحيي
الحلقه ٢٣
لين فضلت يومين تحضر جلسات كتير تكلم وتحكي مع اسلام وخرجت كل الجوها حكيتله عن سليم وعن حبها ليه واحلامها وحياتها اللي كانت رسمها معاه حكيتله ازاي كانت حياتهم بعد الجواز وصدمتها في سليم و كل المرت بيه وعن تنزله عنها بسهوله وانه شك فيها... وغيرته اللي كانت عميه عينه لدرجه انه بقي لعبها سهله يلعبوه بيه حكيت له انه ضربها قدام اهله و سبها شهور.. وهو عارف انها حامل ومافكرش يسال عليها وانه جرحها وزلها ومحترمش بابها لما رح لعنده و انه بعها بسهوله وانه كان السبب انها تعبت في الحامل هي وبنتها فنزلت مريضه وماتت وحرمانها من انها ممكن تكون ام مره تانية
كلمته عن فتره الحامل وعن بنتها اللي كانت علي طول بتكلم معها وتتشكي ليها.... وكانت هي الوحيد اللي بطلع اللي جوها ليه لما بتقعد لوحدها وأنها كانت مستنيه تتولد (حكيتله وهي بتعيط بكل وجع والم)
حكيت له عن اهلها وبيتهم وعيلتها والحب اللي بيجمعهم وعن قصه حب بابها ومامتها وانهم مثلها الأعلى وانها نفسها ترجع ليهم فرحتهم بيها وتحقق احلامهم اللي كانوا بيتمنها عشانها واللي هي اتنزلت عنها عشان تكون مع سليم
حكيت له عن سيلا واحمد وجنان سيلا والمقلب اللي بتعملها فيهم حكيتله عن امير وانه اكتر حد بيفهمها وقريب منها و بيحميها ويساعدها
حكيتله عن رامي وازاي هو وقف جمبها وساعدها وازاي حبها رغم رفضها ليه... وأنه عمره ما اتخلي عنها في اي وقت والا عتابها.... وأنه كان دايما بيدور علي سعادتها حتي لما كانت بعيد عنه وازاي دايما بيحاول يرسم الضحكة علي وشها وانه احترم قرار جوزها وارتباطها بسليم وبقي يعملها كأخت ومحاولش يضايقها او يظهر حبه ليها طول ما هي متجوزه... وانه مستنيها وعاوزها ترجع له
حكيت له عن كل فرد في عيلتها واصحابها (كانت وهي بتحكي عن اهلها وعيلتها وصحابها وشها وعينها بيضحكوا )فضلت تحكي كتير وطلعت كل الجوها وكانت الجلسات بتفضل لساعات طويله وإسلام بيسمعها
لين بعد ما حكيت وطلعت كل الجوها نامت نوم عميق بدون احلام والت تفكير ولا رسم وصحيت تاني يوم الصبح كلها نشاط و حيوية مبسوطة
قامت خدت دش وصلاة وغيرت هدومها ولبست سبورت وكوتشي ولمت شعرها لفوق ولبست كاب وخدت نظرتها الشمسية وخرجت راحت المطعم اللي بيفطروا كلهم فيها.... كان الكل موجود واول ما شافوها دخله الرستوران انبسطوا ورحو جري عليها
فيروز وهي بتجري : ليييييينو
لين فتحت ايدها الاتنين وخدتها في حضنها وهي بتضحك ودا فرح اسلام اوي
لين بابتسامه : صباح الخير يا بونبنايه فطرتي والا لسه
فيروز بفرحه : لسه كنا هنفطر
لين بابتسامه : تسمحيلي افطر معاكي
فيروز تلف ايدها علي رقبتها وتحضنها بفرحه : اكيد
توقف لين تمسك ايد فيروز وتبص لفهد
لين بتحدي : انا لبسه وجهه علشان اسباقك... انت سابقتني المرة الفاتت وماقدرتش.... امسكك ولازم اخد حقي والمرة دي انا اللي هكسبك
فهد ضحك بصوت عالي وبص لنفين واسلام وهو بيضحك
فهد بضحكه وهزار : بتحلم ماتعرفش بتتحدي مين (ويبص للين) موافق بس اعملي حسابك لما هكسبك هتديني مكافأة
لين بابتسامه : موافقه هجيب لك اللي تختاره
فهد بحماس : هتعزمينا كلنا علي الغدا
نفين بفرحه وتسقيف زي الاطفال : بس تكون العزومه بره مش هنا
لين بصت لإسلام : هو ينفع نخرج بره المنتجع
اسلام بابتسامه : اكيد.... بس تعملوا حسابي وتجيبوه ليا اكل من اللي هتأكلوا وانتم راجعين
لين بصت لفهد : اتفقنا بس لو انا اللي كسبتك
فهد بضحك: مع ان دا مستحيل بس اللي تقولي عليه
لين بابتسامه : هو في كل الحالات سواء انا كسبت او خسرت هتعمل اللي اطلبه منك
فهد يربع ايده قدم صدره بغيظ :و ليه بقي ان شاء الله
لين بضحك : افتري... تقول ايه
ويضحكوا كلهم ويروحوا يفطروا سوأ وتفضل لين مهتمة بفيروز واكلها وبتلعبها والترابيزه بتاعتهم كانت كلها هزار وضحك
وبعد الفطار راحو كلهم عملوا سباق مع فهد و انضم للسباق نفين واسلام وفيروز وجيروا كلهم بس طبعا فهد سابقهم وكان فرحان وسعيد جدا
فهد بفرحه : كسبت كسبت انا ماحدش يقدر يكسبني هتنفذي وعدك وهنخرج كلنا نتغدا بره
لين بابتسامه : اوكي موافقه وفي وهتنفسح وهنعمل كل اللي عاوزينه
نفين بفرحه : انا عاوزه اكل سمك
فيروز : وانا عاوزه اروح الملاهي
لين بضحك : وانا عاوزه اتسابق في Rally
الكل بصلها اوي باستغراب
اسلام بابتسامه : لا انا قولت تخرجوا تتفسحوا مش تتجنن دا انا بقول انتي اللي هتاخدي بالك منهم طلعت انتي اللي هتجننيهم
الكل يضحك ويروح يجهز ويلبس عشان يخرجوا
#بقلم_ولاءيحيي
💖💖💖💖💖💖💖💖💖💖💖💖💖
اسلام كا قاعد في مكتبه لقي الباب بيخبط
اسلام : ادخل
يدخل امير ويروح لعنده
امير بابتسامه :سلام عليكم ازيك يا دكتور اسلام
اسلام يقف ويبتسم : وعليكم السلام ورحمه الله وبركاته بشمهندس امير صح
امير : صح معلش لو جيت من غير معاد بس حبيت اطمن علي لين
اسلام بابتسامه : انت تنور اي وقت لين الحمد الله بخير ممكن تروح تطمن عليها بنفسك هنتبسط اوي لما تشوفك
امير باستغراب :بجد ينفع اشوفها
اسلام بابتسامه : اكيد تقدر طبعا هي وحشتكم اوي بقالكم تلات شهور مشفتهاش وهي هتفرح لما تشوفك عارف مكان جناحه ولا تحب اوصلك
امير بابتسامه وفرحه :لا عارفه متشكر جدا عن اذنك
يخرج امير ويروح لجناح لين... ولين كانت خلصت لبس... و لبست بنطلون جينز متلجج وتشير اسود في احمر وحططت مكب خفيف وكانت بتسرح شعرها الباب خبط
لين : ادخل
دخل امير لقي لين قدام المراية وماتشوفش اللي دخل هي توقعت حد من الثلاثي المرح ( نفين او فهد او فيروز)
امير فرح لما لقي لين وشها كله حيوية رجعت لين زاي زمان
امير بابتسامه : هو انا ممكن اعكس القمر
لين اول ما سمعت صوته صرخت وجريت لحضنه بفرحه
لين بفرحه وشوق :ميرو وحشتني اوي اووووي
امير حضنها و فرح وحس ان لين رجعت تاني زي زمان مسك وشها بين ايده بحنان
امير بابتسامه :انتي كمان وحشتينا كلنا.... حمدالله علي سلامتك يا حبيبتي
لين تبص ليه بابتسامه : الله يسلمك يا حبيبي ازي بابي ومامي وسيلا ويوسف وكل العيلة واحشوني اوي ماجوش معك ليه
امير بابتسامه : انا كان عندي شغل هنا... وجيت اطمن عليكي... انا فرحان اوي وانا شايف الضحكة والفرحة رجعت تاني لعيونك ووشك
تدخل فيروز جري
فيروز : انا خلصت يا لينو شفتي لبسي حلو
لين تقرب منها وتبوسها : اجمل واحده في الدنيا... انا كده هغير منك انتي بقيتي احلي مني
فيروز تضحك بطفوليهع وتمسك فستانها وتلف بيه فيضحك امير ولين علي برئتيها
امير ينزل لمستوها ويبص ليها : ممكن اتعرف يا انسه
فيروز بكسوف تمد ايدها : انا فيفي صاحبة لين
امير ولين يضحكوا اوي
امير بضحك : وانا امير اخو لين ( ويقرب من ودانها) وبدور على عروسه قمر زيك كده
فيروز تكسف وتحضن لين وتخبي وشها
لين بضحك : امير خليك مؤدب وبطل تعاكس فيروز
يدخل فهد بسرعه
فهد بغيظ : وبعدين في تأخير البنات دا يلا بقي أتاخرنا ( ويقف ميكلمش كلام لما يلقي امير)
لين بابتسامه : تعال يا فهد دا امير اخويه ودا فهد بطل الأولمبياد القادم في الجري ان شاء الله
فهد ينبسط من كلمها ويفرد صدره اوي من الفرحة فتضحك لين وامير
امير بضحك : اهلا بالبطل انا هكون اول المشجعين ليك ( ويبص للين ) هو انا عطلتكم عن حاجه
لين بابتسامه : فهد كسبني في سباق جري النهارده ولازم اعزمهم علي الغداء بره
فيروز بفرحه : وانا عاوزه اروح الملاهي
لين تضحك: وانا عاوزه Rally
امير يبتسم فهو عارف عشق لين لسواقه بسرعه فحس انها رجعت لطبيعتها الطفلة المريحة الشقية
امير بابتسامه : ينفع اجي معاكم والا ضايقكم
الكل: لا طبعا هنتبسط جدا
امير بابتسامه : اوكي يلا بينا ( ويبص للين) بس انتي اللي هتدفعي انتي اللي خسرتي مش انا
لين بضحك : مادي طول عمرك يا مان
يخرجوا من جناح لين وهم بيضحكوا
لين باستغراب :امال فين نفين
نفين جيه تجري : انا اهو ( وتقف لما تلقي امير وتكسف)سلامه عليكم
الكل : وعليكم السلام ورحمه الله وبركاته
لين تبصلها وتبتسم :تعالى يا نفين دا امير اخويه
نفين بابتسامه : اهلا وسهلا
امير بأعجاب : اهلا بيكي
لين تقطع التوصل البصري وتقف قدامهم : مش يلا بينا والا ايه
الكل بابتسامه : يلا
وقبل ما يخرجه قابلهم اسلام
اسلام بابتسامه :كويس ان البشمهندس امير هيخرج معاكم يوم سعيد ليكم... مش هوصيك يا بشمهندس كلهم اجن من بعض خالي بالك منهم
امير بضحك : متقلقش بس احجز ليا جناح عندك هنا علي ما ارجع
يضحكوا كلهم ويخرجه ويركبه عربيه امير اللي كان كل شويه يبص في المرايا علي نفين وهي مكسوفه وبتبص من الشباك... لين تاخ بالها فبتسمت وفرحت من جوها
ويوصل كلهم لأكبر مدينه ملاهي... ولين تفضل تجري وتلعب مع فيروز وفهد وكل ما تبص علي امير تلقيه وقف يكلم نفين وهي واقفه مكسوفه وبصه للأرض فكانت تروح تشدها
امير يقرب من لين بغيظ : لينو هو انتي تعلمتي الغلاسه من البت سيلا... ما تسرحي بعيد وتبطلي شد فيها
لين تبتسم : ليه هااااا
امير بابتسامه : مش عارف بس شكله هيحصل
لين تحضنه بفرحه وتروح تاخد فيروز وفهد وتجري معاهم بعيد عن امير ونفين و اللي كان يشوف لين يفكرها طفله من سن فيروز
امير يقرب من نفين بابتسامه : تحبي تركبي حاجه معينه
نفين بكسوف : انا هركب مع لين
امير بتصنع الزعل :وتسبيني لوحدي
نفين بكسوف : ما حضرتك معنا
وتمشي بسرعه وتسيبه و وهو يبتسم علي كسوفها ويروح وراها
نفين تشد لين بغيظ :لين لو مشيتي وسيبتني تاني والله هزعل منك
لين بضحك : ليه بس يا نيفو
نفين بكسوف : عاملين تجروا وسيبني مع اخوكي
لين بضحك : متخافيش مش بيعوض دا طيوب وكيوت ومعجب خالص
نفين تضربها بغيظ : غلسه ورخمه
نفين تاخد فيروز وتجري معاها بعيد ولين تضحك وتجري ورهم
يقضي يوم جميل كله ضحك وهزار ويتغدوا سمك زاي ما نفين عاوزه... واخدوا معاهم اكل لإسلام وعمله شوبنج كتير وانبسطوا جدا وبعد ما اليوم خلص رجعوا للمنتجع وعلي الباب نزلت نفين وفهد وفيروز اللي كانت نايمه و فهد شالها وشكره امير ودخلوا للمنتجع
لين بابتسامه : كان يوم حلو اوي انبسطت انك كنت معنا
امير بحنان : وانا مبسوط انك رجعت ورجعت ضحكتك وشقاوتك (ويغمز لها) ومبسوط اكتر اني شوفت نفين
لين تضحك اوي : هو حصل والا ايه
امير بابتسامه : مش عارف.... قوليلي هي مشكلتها ايه و ليه هي هنا في المنتجع
لين بتمثيل الحزن : لو عرفت السبب هتسيبها والا هتتمسك بيها
امير بحزن : تعرفي عن اخوكي اني ممكن يسيب حد محتاج ليه.... انا مرتاح ليها وحاسس انها هي اللي كنت بدور عليها
لين بابتسامه : وانا مش هتمني ليك عروسه اجمل من نفين
امير بابتسامه :طب مشكلتها ايه واهلها فين هي مصريه صح
لين تنزل من العربية وهي بتضحك : مشكلتها انها دكتوره وبتشتغل هنا واهلها هم دكتور اسلام تبقي اخته وايوه مصريه ( وتغمز له) وشكلنا هنخلص منك قريب الحمد الله
امير بفرحه : دكتوره بس دي شكلها صغير اوي.... عموما انا هظبط اموري وانت جسي النبض وخدي رأيها وقوليلي
لين بحب :عنيه...(وتبص ليه بحب) سلملي علي الكل وقولهم اني هرجع ليهم قريب
امير بابتسامه : الكل مستنياكي خالي بالك من نفسك ( ويغمز بعينه) ومن خطبتي
لين تضحك وتدخل المنتجع
#بقلم_ولاءيحيي
💖💖💖💖💖💖💖💖💖💖💖💖💖
اسلام بابتسامه : حمدالله علي السلامة انبسطوا
لين بابتسامه رقيقه : الله يسلمك... انبسطنا جدا ياريتك جيت معنا
اسلام : ياريت بس كان عندي شغل مهم النهارده المرة الجايه اكون معاكم
لين بابتسامه : ان شاء الله( وتسكت شويه) دكتور اسلام هو انا امتى ممكن ارجع البيت
اسلام بابتسامه : زهقتي مننا
لين : لا والله دا انا مش عارفه ازاي هقدر اسيبكم انا اخدت عليكم... وفيروز وفهد ونفين مش عارفه هيفوت اليوم ازاي من غيرهم
اسلام بابتسامه : انتي الحمد الله اقدر اقول انك رجعتي للواقع بس محتاج اتكلم معك شويه في بعض التفصيل ودا يبقي الصبح لأني ممكن انام منك... وساعتها تشليني زي فهد ما كان شايل فيروز
لين تضحك : لا وعلي ايه تصبح علي خير
اسلام بضحك : وانتي بخير اشوفك الصبح
#بقلم_ولاءيحيي
💖💖💖💖💖💖💖💖💖💖💖💖💖
امير اول ما وصل الكويت قعد وحكي لفؤاد ومني عن لين وانها رجعت لطبيعتها ووراهم صور اللي لين أتصورتها وشافوا فرحتها وضحكتها وهي بتلعب مع اصحابها
فواد بفرحه ودموع : الحمد الله احمدك وشكر فضلك يا رب... لين رجعت تاني يا امير شكلها فرحان ومبسوط اوي
امير بابتسامه : فعلا يا عمي كانت ضحكتها مليا وشها وعينها وكانت مرتاحة جدا
مني قعدت في حضن فواد وبتسمع امير وهي بتعيط من الفرحة
مني بلهفه : هترجع امتي يا امير عاوزه اكلمها واشوفها ياريتني رحت معك
امير : مش عارف يا طنط هترجع امتى بس هي قالت ابلغكم اني راجعه قريب البيت
مني بعيط : الحمد الله يارب..... يارب رجعها لينا بسلامه واحميها واسعدها يا رب
ونفس رد فعلا فواد ومني كان رد فعلا سيلا اللي كانت في مصر.... واول ما امير بعتلها الصور كنت بتعيط وتضحك مع بعض وهي شايفه جنان اختها وضحكها مع اصحابها واحمد كان قعد جمبها مبسوط وعمل يضحك مع سيلا ويمسح دموعها
ام رامي فكان سعادته غير الكل... رامي قلبه كان بيدق مع كل صوره وحاسس انه سامع ضحكتها وشايفه وقرر يكلم اسلام الصبح ويطلب انه يقابل لين وفعلا كلمه بس اسلام طلب منه يستني شويه وهو يبلغه يجي امتي
وبعد اسبوع وبعد الفطار لين واسلام خرجوا يتمشوا ويتكلموا
اسلام : قوليلي خططك ايه لما ترجعي البيت
لين بابتسامه : لسه مش حطه خطة معين امشي عليه.... بس الاكيد ان هبداء في تحضير الماجستير وأحاول اخد البعثة اللي كنت عاوزها زمان
اسلام : دا هروب لمكان ابعد زي ما هربتي من مصر والا حلم عاوزه تحققيه
لين : لا مش هروب والا حلم تحدي حاجه عاوزه اعرف هقدر اوصل لها واخدها والا لا.... بتحدي نفسي وقدراتي لكن مش هروب لأني مش عارفه لو اخدت المنحه مش هقدر اسافر وابعد عن اهلي يعني عاوزها اخذها وارفضها فهمني
اسلام بابتسامه: فهمتك طيب والشغل هترجعي تشتغلي في والشركة والا هتدريسي وبس
لين :ما قولتلك انا لسه مش عارفه كل اللي عارفة دلوقتي اني عاوزه ارجع لحضنهم عاوزه اعتذر عن كل الالم وتعب اللي سببته ليهم وبعدها هرتب حياتي معاهم وشوف انا حبه اعمل ايه
اسلام : حلو انك تحبي اهلك وجميل حبهم ليكي بس انا الفترة الجايه عاوزك تحبي حد مهم اوي ( ويبصلها) تحبي نفسك يا لين حبي نفسك..... اوعي تعملي حاجه او تأخذي قرار عشان ترضى اهلك آو عشان هو دا اللي عاوزين اوعي تحسي بذنب وانك
وتبقي عاوزه ترضيهم وتعوضيهم
لين انتي الفترة الفاتت اكتر حد ظلمتيه كان نفسك انتي اكتر حد أتألم لو هتتنزلي وتقدمي اعتذارت يبقي لنفسك قبل اي حد وتأكدي ان اهلك مش عاوزين غير انه يشفوكي مبسوطة مش مستنين منك انك تأخذي اعالي الشهادات وتشتغل في شركه عشان ترضيهم لا انتي ارضي نفسك وحققي احلامك انتي.... يعني هتاخد الشهادة عشان دا حلمك انتي مش عشان تحققي حلمهم هم مش عاوزين غير انك تكون بخير ومبسوطة فاهمني يا لين
لين بابتسامه : فهمك وان شاء الله هعمل كده
اسلام ببصلها : طيب و سليم يا لين لو جالك وطلب تسامحيه هتعملي ايه
لين بضيق : مش هسمحوا.... ويمكن اكون في منتهي القسوة معاه مش عارفه ليه حسه دلوقتي اني عاوزه اقسي عليه عواقبه وألمه
اسلام بابتسامه : عشان لسه جوكي مشاعر ليه وجرح منه عشان كده اوعي تفكري تتدخل حد حياتك وتقولي هنسي بيه.... اصبري لما قلبك يرجع لحالته وينسي سليم... وقتها مش هتحسي انك عاوزه تنتقمي منه او انك بتكرهيه ولما تقابليه هيبقي انسان عادي قبلتيه ومر في حياتك ساعتها ابدا حياه جديده وسيبي قلبك يختار اوعي تظلمي نفسك بارتباط وانتي لسه مجروحة.. لأنك وقتها يا هتنجرحي تاني يا هتجرحي الانسان اللي هترتبطي بيه
لين تبتسم ليه : انا مش عارفه اشكرك ازاي يا دكتور اسلام
اسلام بابتسامه : اول تشيلي كلمه دكتور وتخليها اسلام وتعتبريني صديق مقرب ليكي واي وقت واي حاجه تضايقك وعاوز تكلمي مع حد ارفعي سامعه التلفون وتكلميني او تيجي ليا او اجيلك انا اي وقت يا لين هتلقيني جمبك
لين بابتسامه : اتفقنا دا انا هزهقك مني
اسلام بضحك : ثانيا بقي ودا الاهم عاوزه اتجوز
لين توقف وتبصله باستغراب : تجوز
اسلام بابتسامه : ايوه اتجوز هو انا في الاول بصراحه رسمت عليكي قولت حلوه وجميله وشيك اتجوزها بس لقيتك معقده فقولت لا خلينا في واحده عقله بقي
لين بضحك : ليه هو انا مجنونه
اسلام بضحك : امل جيا عندي المنتجع ليه ما عشان مجنونه يا ماما
لين بضحكه عاليه : يعني لما اخرج من هنا وارجع البيت هبقي عقله
اسلام بضحك : لا ماظنش اصل انتي الجنان موجود معاكي طبيعي شكله عيب خلقي مولوده بيه ( ويضحك الاتنين بصوت عالي) المهم نرجع بقي لموضوعنا انا عاوزك تبقي ماما
لين باستغراب : ماما ازاي يعني
اسلام يرجع يمشي : بصي يا لينو انا طول عمري بشتغل وعايش بره مصر وما بنزلش مصر و الا بشوف حد هنا غير المجانين اللي زيك.... فقولت لما اتجوز هسيب ماما تختاري العروسة جيت ماما عملتها فيا وماتت فانا مش لقي حد يدورلي على عروسه..... ولو قولت لنفين ممكن تجوزني فيروز فانا عاوزك تبقي ماما وتختاري عروسه فيها مواصفتك بس تكون عقله
لين تضحك اوي : وافرض زؤقي معجبكيش
اسلام بابتسامه : بقولك تكون موصفاتك ودا عجباني جدا وبعدين انا متأكد انك هتختار صح
لين تفكر وتبص ليه بابتسامه : عارف انا فعلا عندي ليك عروسه
اسلام بضحك: ايه دا بسرعه كده دا انتي سوبر ماما بقي طيب هشوفها امتي
لين تبعد عنه وهي بتبتسم : قريب اوي وهتعرفها لوحدك وانت اللي هتيجي تقولي هي دي جوزهلي
اسلام باستغراب : انتي راحه فين تعالى هنا فاهميني
لين اديته ظهرها وبصوت عالي :رايح احضر شنطتي عاوزه ارجع بيتنا..... والعروسة انت اللي هتختارها بنفسك وهتبقي اللي انا بفكر فيها وهتشوفها وقريب جدا
اسلام بضحك : هي مين دي اللي هختارها بنفسي انتي مجنونه يا بنتي
لين تدور وتبص له بضحك : اكيد امال بعمل هنا ايه هشوفك قبل ما امشي
وتجري لجناحه وهي فرحانه
اسلام يضحك: عسل بنت الايه بس مجنونه يارب العروسة اللي بتقول عليها تبقي عقله شويه
ويروح اسلام مكتبه ويعقد يتكلم مع نفين
نفين : طيب ليه طلبت منها تشوف لك عروسه متجوزها هي انا حسه انك معجب بيها اتجوزها دا انا بحبها اوي
اسلام بابتسامه : انتي اللي ادكي شهاده الطب النفسي ظلمك
نفين بزعل زي الاطفال: ليه بقي ان شاء الله دا انا دكتوره ممتازة
اسلام بابتسامه : انا معجب فعلا بشخصيه لين هي بنت رقيقه وجميله ولو قبلتها في ظروف تانية كنت تقدمت ليها بدون تردد.... بس انا مشاعري ليها الحمد الله متعددتش الاعجاب بشخصيتها .... وبعدين انا بنسبه للين دكتور بتثق فيه والفترة الجايا لين هتخرج وتتعامل مع المجتمع بشكل اكبر مما كانت بتتعمل بيه زمان.... لين عاوزه تشتغل وتحضر دارسات.... ويمكن تفكر تسافر بعثه بره لين هتتعارض لكلام وانتقادات كتير الفترة الجايه من حياتها من بعض الناس انتي عارفه المجتمع الشرقي ونظرته المتخلفة للمرأة المطلقة.... دا غير الرجاله اللي هيبصوا ليه كفريسه وصيد سهل ويحاوله يوقعها.... دا كله لين هتتعارض ليه ومش هتقدر تحكي او تشتكي لأهلها لأنها حسه بذنب ناحيتهم وهتبقي محتاجه صديق تكلم معاه عن اللي جوها واللي بتحس بيه من غير ما تقلق ولا تخاف وهتبقي عاوزه النصيحة ورائي.... و اي نوع ارتباط بشكل مختلف بيني انا ولين مش هيخليها تلجا ليه او تحكيلي ساعتها من الضغط اللي هتتعرض ليه ممكن تنتكس ولو انتكاست مش هترجع ( ويرجع ظهره لورا) دا غير ان فيه انسان ضحي كتير عشانها ويستهلها واتمني في يوم لين تحس بيه وتقدر احساسه بيها وتبادله المشاعر
اسلام يلقي تلفونه بيرن برقم رامي اللي كل يومين يتصل بيه عاوز يجي يشوف لين وهيتجنن
اسلام بضحك ويبص لنفين : ابن الحال عن ذكره بيبان اهو بيتصل يسال عنها روح انتي بقي ساعديها في تجهيز شنطتها
نفين بضحك :. اوكي ( وتبص ليه وهي بتقوم) علي فكره انت دكتور شاطر اوي
اسلام بضحك : ما انا عارف يا لمضه
و تخرج نفين تروح للين واسلام يرد علي رامي
اسلام بابتسامه : دكتور رامي كويس انك اتصلت كنت لسه هكلمك
رامي بضيق : انا من اخر مره كلمتك وانا مانمتش مستني اتصالك
اسلام بابتسامه : طيب اسمع الاول مانمتش ليه
رامي : لين وحشتني عاوز اجي اشوفها واتكلم معاها
اسلام : هو دا اللي انا عاوزك عشانه.... بص يا رامي انا شايف من اول يوم انت بتحب لين قد ايه.... خوفك عليها وسالك الدايم عنها كل تصرفاتك بتحكي عن حبك الكبير ليها...... بس لين في الفترة دي رجعت تقريبا طبيعية بس عندها احساس بذنب لكل الحاوليها يعني حسه انها تعبت بابها ومامتها وعاوزه تعمل اللي يرضيهم حسه بوقفتك جمبها وهتبقي عاوزه تعمل اللي يسعدك فممكن توافق علي الارتباط بيك بس كشعور بذنب واظن مش دا الانت عاوزه
رامي بحزن : لا طبعا مش دا اللي عاوزه انا عاوزها تحبني وتختارني بقلبها وتبقي سعيدة معايا ( ويسكت بحزن) يعني انت شايف يا اسلام ان ما فيش امل انها تختارني وتحبني
اسلام بابتسامه : لا بالعكس انا شايف انها هتختارك باردتها وهتحبك جدا بس هي محتاجه وقت عشان ترجع ثقتها في نفسها وانا الفترة دي عاوزك تقرب منها وتكون جمبها بس كصديق
يعني كلمها اطمن عليها اعرف اخبارها اسمع منها هزر واضحك معاها شجعها علي طموحها واقف معاها في مناسبات نجاحها..... كل دا من غير ما تكلم عن مشاعرك او تطلب منها الارتباط.... او اي مقابل غير انك عاوزها مبسوطة وناجحة.... سيبها تقرب منك وتعرف الفرق بين الحب الحقيقي اللي من غير انانيه وحب التملك اللي كله انانيه
رامي بابتسامه : انا فعلا مايهمنيش غير انها تكون ناجحة ومبسوطة ومرتاحة وترجع لحياتها.... متشكر اوي يا اسلام وان شاء الله هعمل كل حاجه عشان لين تكون مرتاحة ومبسوطة
اسلام بابتسامه : وانا متأكد انها هتحبك زي ما بتحبها وهتكون ليك بس اديها وقتها... واول ما ترجع ثقتها في نفسها هي اللي هتيجي وتعترف بحبها
يقفل رامي مع اسلام ولين تحضر الشنطة وتخرج تسلم علي فيروز وفهد ونفين
لين تحض فيروز : معاكي رقم تلفوني وايميلاتي هنتكلم علي طول انا وانت..... وانا كل شهر هاجي اشوفك ونتفسح سوا اتفقنا
فيروز بابتسامه : اتفقنا هتوحشيني يا لينو
لين بتحاضنها : وانتي هتوحشيني اكتر يا حبيبتي
فهد بحزن : اخدنا علي وجودك معنا
لين بابتسامه : هنفضل مع بعض يا فهد بس وانت كمان هتخرح من هنا هترجع لحياتك وترجع النادي والتدريب وتدخل الاختبارات وكل اختبار اتصل بيا وانا هجي احضر معاك هنفضل نتكلم وتعرفني كل اخبارك مفهوم
فهد بفرحه : انتي احسن اخت في الدنيا ( ويحضنها)
لين بضحك : وانت اسرع فهد في العالم انت بطلي
و لين تحضن نفين وتقولها في ودنها : انتي بقي هشوفك اقرب مما تتخيلي وهتفضلي عايشه معايا علي طول
نفين تبتسم وتكسف : هتوحشيني يالينو
اسلام باستغراب : انتي قولتي لها ايه كسافها كده
لين بابتسامه : كلام بنوتات ملكش فيه ( وتبص له وتبتسم) ميرسي يا اسلام علي كل حاجه انت اشطر دكتور في العالم
اسلام بابتسامه : دا انا اللي ميرسي دا انتي قدرتي تقنعي فهد يخرج من هنا ويرجع بيتهم والتدريب وانا بقالي سنتين بحاول معاه ومش عارف بقولك ايه يا لين ما تسيبك من الديكور وتشتغل معايا في الطب
لين بضحك : لا انا هسيبك تأكل عيش احسن لو اشتغلت في معاك وتعقد في بتكم
اسلام بضحك : احب الثقة في النفس لسه مش عاوزني اعرفهم انك مروحه
لين بابتسامه : لا.... حبها اعمل لهم مفاجأة
اسلام : هتكلميني وخليكي فاكره انا دايما موجود طول
لين بابتسامه : ميرسي يا اسلام يلا اشوفكم بخير
وتسلم علي الكل وترجع للكويت.... لين جديده
#بقلم_ولاءيحيي
💖💖💖💖💖💖💖💖💖💖💖💖💖
مني وفؤاد مش مصدقين ان لين قعده قدامهم بتضحك وتهزر وتحكي عن ايامها في المجتمع وعن اصحابها حسوا أن لين رجعت بنت في الثانوي اللي كلها حيوية وطموح وان الفات كانوا كابوس وفاقوا كلهم منه
اصحابها ماصدقوش نفسهم لما لين اتصلت بيهم وطلبت تقابلهم وبعد السلام وكلام كتير قعدوا وحسه برجع لين ليهم فضلوا يضحكوا ويحكوا ليها وتحكي ليهم
شوشو بفرحه : الحمد الله يا لين انك رجعتي لينا
لين بابتسامه : انا رجعت لنفسي يا شوشو قبل ما أرجلكم انا حسه اني من زمان وانا بره حياتي وبره نفسي انا ماكنتش انا
الاء وصافي بضحك وغني : انا مش عرفني انا تهت مني انا مش انا
لين تضحك وتكمل : ابص لروحي فجاه القيني كبرت فأجاه تعبت من المفاجأة ونزلت دمعتي ( وتضحك اوي) مش حافظه الباقي
ويضحكه البنات فهم عارفين ان لين ملهاش في الاغاني الشعبية 😂
ألاء بفرحه : المهم انك رجعتي واحسن من الاول وبقيتي معنا
صافي بفرحه : والاهم بقي انك رجعتي في الوقت المناسب
لين بابتسامه : عشان فرحك قرب.... متقلقيش كل يوم هننزل ونعمل شوبنج ونجهز كل حاجه ناقصاكي
صافي بابتسامه : لا عاوزكي في الاهم من الشوبنج
لين باستغراب : وايه هو الاهم دا
صافي بابتسامه : بصي بقي انا و يزيد مختلفين في الديكور وكل حاجه.... وتعبت منه مش عارفين نتفق لا علي تجهيز الجناح والا الزفاف والقاعة لما هسيبه واطلقه اريحوا وارتاح
ويضحكه البنات
شوشو بضحك : كل يوم هي وهو يتخانقوا علي الالوان والفرش والقاعة .... فرحها كمان شهر ونص ومافيش حاجه جهزت لهل
صافي تمسك ايد لين : انا بقي عاوزكي تشيلي عن وتجهزي ليا جناحي زي ما عملتي مع شوشو ويبقي احلي من جناحها كمان مهو بسبب جناح شوشو انا مش عاجبني حاجه خالص
شوشو بابتسامه : ما تحوليش جناحي اتعمل بروقان ومزاج عالي
لين بتحدي : وانا دلوقتي اروق ومزاجي اعلي ومش هجهز الجناح وبس يا صافي
صافي باستغرب : امل هتجهزي ايه تاتي
لين : هجهز كل حاجه لو يزيد وافق انا اللي هنظم الفرح وجهز ديكور والقاعة والبوفيه والفقرات والزفة وهجهز الجناح بتاعكم هعمل كل حاجه بس بشرط مش عاوزه تدخل من حد فيكم انتم ارتاحوا وانا هجهز
الاء باستغراب : كتير لين مش هتلحقي دا فاضل شهر ونص على فرحهم
لين بتصميم : هلحق ويطلع زي ما بتحلم صافي واحسن كمان
صافي بفرحه : وانا وثقه فيكي وهكلم يزيد وهيتفق معاكي علي الميزانية واخليه يكتب شيك بيها وانتي جهزي وانا ما رح اختار شيء.... رح ارتاح واستجم واستعد لزواج
وفعلا صافي كلمت يزيد اللي وافق اتقابل ولين وتفق معاهم
لين تبدا في تجهيز كل شيء بس اقبل ما تبدأ شغل جلها اتصال من رامي في الاول خافت ترد بس ردت
رامي بابتسامه : حمدالله علي سلامتك بيقوله القمر نزل من السما وبقي قعد مع الناس علي الارض قولت لازم اطمن عليه
لين بابتسامه : الله يسلمك يا رامي هتفضل مجامل ورفع من روحي المعنوية
رامي بابتسامه : دي مش مجامله دا شهاده من الكل ها ايه اخبارك وناويه علي ايه
لين حست براحه ان رامي بيكلمها طبيعي من غير اي مشاعر
بقيت تحكي ليه عن اتفاقها مع صافي ويزيد وانها هتجهز كل حاجه لجوزهم وانه تحدي عمله لنفسها قبل الكل
رامي بابتسامه : وانا واثق انك هتنجحي وهتقدر تخلصي وهيطلع زي ما انتي عاوزه واحسن كمان
لين بابتسامه : ميرسي يا رامي مبسوطة لتشجيعك ليه
رامي : انا دايما واثق في قدرتك وانك تقدري تحققي اي حاجه عاوزها... ابقي طمنيني عليكي يا لين واي مساعده انا موجود... هستني تبعتي ليا صور الجناح والقاعة... قبل التجهيز وبعده عشان اتفرج عليهم وقولك رائي
لين بفرحه : اكيد هبعتلك كل حاجه عشان تعرف الفرق
وتقفل لين مع رامي وهي مبسوطة وتكلم اسلام وتعقد تحكي ليه عن يومها والتحدي ويفضلو يتكلموا وهو بيسمع ومبسوط بروحها اللي عالية وكان ويشجعها
و لين فضلت شهر ونص بتجهز وبتجري من مكان لمكان كانت بنهار بتفضل وتتفق... وبليل كانت تقعد ترسم وتخطط... كانت مبتنامش والا بتأكل كويس بس مبسوطة جدا ومرتاحة ودا كان مريح كل اللي حاوليها ومطمنهم وحسسهم انها رجعت طبيعية ونسيت الفات
رامي كان بيكلمها دايما ويشجعها ويقولها رائيه ويضحك هو وهي لما تبعتلي صور وهي متبهدل او متشعقله علي حاجه كان بيتكلموا زي اتنين أصحاب محاولش يفرض مشاعره عليها زي اسلام قالوه كان عاوزه تختاروا بقلبها
لين كانت دايما بتكلم اسلام وتكحي ليه... إسلام بقي صديقها المقرب اللي بتثق فيه وبتكلم معاه عن كل اللي جوها من غير زيف والا تجميل
و يوم الزفاف اللي حضروا ناس كتير وشيوخ عرب من جميع الدول العربية اللي كانوا ليهم علاقه بيزيد واهله وكانت القاعة جهز بشكل رائع وخيالي يعجب الكل واولهم صافي اللي كانت حسه انها في فيلم اسطوري وهي البطلة... ويزيد ماكنش يقل عنها اعجاب وفرحه ورضا علي التجهيزات في القاعة اللي الكل حكي وانبهر بيه و بالجناح الخاص اللي صوره اتعرضت علي شاشه القاعة في فقره علي انه العش اللي هيجمعهم.... و الجناح كان جميل ورائع الكل انبهار بجماله وزوقه وفضلوا يساله عن المهندس اللي مجهزه وعرفه انها لين
لين كانت فرحانه جدا برائي الناس واعجبهم بشغلها وفي اللي طلبوا منها تنظم ليهم فرحهم وكانت تعتذر وتقول ان تنظيم الفرح والقاعة كان شيء خاص عملته لصديقتها... وكتير طلب منها تجهز جناحهم او تجدد فيلا وكانت بتديهم عنوان شركه بابها اللي قررت انها هترجع وتشتغل فيها وتبقي مسؤولة عن قسم الديكور زي ما كانت متفقه مع بابها ... وقدمت لتحضير الماجيستر
#بقلم_ولاءيحيي
💖💖💖💖💖💖💖💖💖💖💖💖💖
وبعد الفرح لين روحت ودخلت اوضتها عشان تنام بس الباب خبط
لين بنوم وتعب : ادخل
امير : كويس انك مناتيش
لين : مين اقالك كده دا انا نمت وبحلم كمان
امير يشدها يقعدها : بقولك ايه انا صبرت عليكي شهر ونص لما خلصت فرح صحبتك وخلاص مش قادر
لين باستغراب : مش قادر علي ايه
امير بابتسامه : عاوزك تجهزي لفرحي انا كمان بس الاول تعرفي رائي العروسة عشان احدد معاد مع اخوها
لين بابتسامه : امممممممممم فهمتك خللص الصبح هعرف لك رايها وبلغك علي طول ( وترجع عشان تنام فأمير يشدها تاني)
امير بضيق : لا كلميها دلوقتي انا مش هصبر لصبح
لين بنوم : امير يا حبيبي الساعة دلوقتي اتنين بليل هنا يعني تلاته عندهم يعني زمانها نايمه... ونفين لو صحتها عشان اسالها ممكن تقفل في وشي وتقول علينا مجانين فخيلني انام والصبح هكلمها وبلغك
امير بضيق : امري لله هصبر الكم ساعه دول ويضربها بالمخدة نامي يا غلسه
لين بغيظ تحدفه بالمخدة :اطلع بره يا غتت
والصبح لين تتصل علي نفين
لين بابتسامه : صباح الخير علي اجمل دكتوره
نفين بتصنع الزعل :زعلانه منك جدا علي فكره والا بتسالي عليه والا بتكلميني
لين: والله يا نيفو كنت مشغوله بفرح صافي ما انتي عارفه وشكلي كده هقضيها تنظم افراح
نفين بابتسامه : ايه جالك شغل كتير انا مستعده اسيب الطب واشتغل معاكي واهو ارتاح من اسلام
لين بضحك : لا انتي قولي ايوه بس وانا هعملك كل حاجه
نفين باستغراب : ايوه علي ايه
لين بضحك : ايوه موافقه تجوزي امير اخويه
نفين تكسف : بطلي هزار يا لين
لين بابتسامه : والله ما بهزر دا منيمنش بليل عاوز يعرف رائيك عشان يتصل بإسلام
نفين تكسف وتسكت
لين بضحك : اقول السكوت علامه الرضا
نفين بكسوف : اللي يشوفه اسلام انا موافقه عليه
لين بفرحه : وانا هخليه يكلم اسلام علي طول مبروك يا مرأة اخويه
وتقفل لين مع نفين وهي فرحانه جدا
ويجي امير علي الغدا بس لين متقولش حاجه وهو كل شويه يبص لها وهي مطنشه وعمله انها مش وخده بالها وبعد الغدا خرجت قعدت في الجنينة فخرج ورها وقعد قدامها وهو مضايق
لين بابتسامه : مالك يا امير مضايق ليه
اميربضيق : هي رفضت ليه
لين تكتم ضحكتها : هي مين الرفضت ورفضت ايه
امير بغضب : نفين يا لين رافضتني ليه في حد تاني في حياتها والا انا معجبتهاش
لين تبتسم :و مين قالك انها رفضت
امير بضيق : ما انتي مقولتيش حاجه وسكته وبتهربي مني من وقت ما جيت... ومش عاوزه تعقدي معايا يبقى دا اسمه ايه
لين بابتسامه : انا مهربتش انا مستنياك تسألني وهي مستنيك تكلم اخوها
امير بفرحه: يعني هي وافقت
لين بضحك : هي قالت اللي يشوفه اسلام وانا ماعرفش اسلام هيوافق واللي لا
امير يجري عليها يشيلها ويلف بيها بالفرحة وهو بيضحكك وبعدين يقف مره واحده شايلها ويبص لها
امير بغيظ : يعني انتي كنتي بتلعب بأعصابي
لين بضحك : فرصه وجاتلي ولازم استغلها اول مره اشوفك غرقان لششتك
امير بخبث : طيب انا هوريكي مين اللي هايغرق دلوقتي
ويجري بيها وهو شيلها وهي بتصرخ ويرميها في البسين وينط ورها
لين بشرقه من المياه : مجنون ولازم تروح تتعالج
امير بفرحه وضحك :ما انا هتعالج في اجمل منتجع ومش هخرج منه ابدا
ويفضل هو ولين يضحكوا ويهزروا
وبليل امير كلم فؤاد ومني وفرحو جدا ليه
فؤاد بفرحه : بس لازم تكلم فايز يا امير هو اللي ليه الرائي بعدك
امير بابتسامه : هكلمه حالا وقوله يجي عشان نروح نتقدم ليها
لين بفرحه : خليهم يجو كلهم وحشوني اوي وكده او كده الخطوبة هتبقي في المنتجع في دبي لانهم عايشين هناك فخلي الكل يجي مع انكل فايز وخصوصا نناه وحشتني اوي
مني : انا هكلم ماما وسيلا وسناء وايمان واخليهم يجوا ويجيبوا البنات معاهم
امير : وانا هاكلم بابا واخد منه معاد لوصلهم واكلم اسلام اخد معاد منه علشان نروح ليهم
فؤاد بفرحه : علي خيرت الله وربنا يتمم بخير
ويمر الايام ويوصله الكل الكويت وكانت لين فرحانه اوي والكل فرحان انهم شايفنها مبسوطة ورجعت لطبيعتها وبتضحك وتهزر زي زمان
رامي ما صدق انه يجي الكويت معاهم عشان يشوفها وحاول بصعوبة انه يتعامل عادي ويحاول يداري مشاعره ونظرت عنيه ليها... ودا خلي لين مستغربه مع انه كان طبيعي معتها بس كان نفسها تعرف السر في انه مش ليكلم عن مشاعره وبيعملها كصحاب
يروح الكل المنتجع عند اسلام ويطلبوا ايد نفين واسلام يوافق ... و يعملوا خطوبه في المنتجع ففضلوا تلات ايام قاعدين في المنتجع اللي عجبهم جدا ولين رتبته وجهزت قاعه من قاعات المنتجع علشان يتعمل فيها الخطوبة وكان الكل بيجهز معاها
ورامي اتكلم مع اسلام اللي قاله يفضل يتعامل مع لين كده فتره لحد ما لين ترجع تثق في الحب مره تانية
رامي : مش قادر يا اسلام هتجنن كل ما اشوفها ابقي عاوز اقولها نفسي تبقي معايا بقي
اسلام بابتسامه : لين دلوقتي احسن بس مشاعرها لسه متلخبطها وهي اخدت علي اهتمامك وحبك ومتأكدة من مشاعرك ليها فسيبها هي كمان تتأكد من مشاعرها وصدقني انت لوحدك هتعرف انها بتحبك من تصرفاتها ووقتها ما فيش شيء يبعدكم تاني
سميه تقرب منهم وتقطع كلامهم
سميه برقه : رامي لين عاوزك تساعدها هناك
رامي بفرحه : لين... طيب انا هروح لها ( ويبص ل اسلام ويغمز له )
سميه تيجي هتمشي
اسلام بابتسامه : انسه سميه مش كده
سميه بابتسامه رقيقه : ايوه انا سميه اخت امير
اسلام : تشرفت بيكي
سميه بابتسامه : ميرسي ( وتمشي وتسيبه)
اسلام يتنهد ويقول لنفسه : حلوه ورقيقه اوي هي العيلة دي كلها حلوه كده هم بياكلو ايه اااه انا عاوز اتجوز بقى
( ويتنهد وبيلف يلقي لين واقفه بعيد وبصه ليه ومبتسمه ومربعه ايدها فيبص ليها باستغراب ويضيق عنيه فترفع حجبها وتغمز له علي اتجاه ما م سميه مشيت فيبص ليه وبعدين يبص لسميه ويرجع يبص للين فتضحك)
اسلام لنفسه :يابنت الذينه هي دي العروسة اللي قالت عليها ( يبص لسميه وهو بيضحك) انسه سميه ثانيه واحده لوسمحت( ويجري ورها و لين تضحك)
رامي كان متابع اللي حصل بينها هي واسلام وشاف اسلام وهو بيجري وره سميه فيقرب من لين وهو بيضحك علي اسلام
رامي بضحك : هو فيه ايه انا مش فاهم حاجه
لين بابتسامه : هاااا... لا ما فيش متشغلش بالك افرش المفرش معايا يلا
رامي بغيظ : بقي اخرتها افرش المفرش هو دا اللي بعتالي عشانه
لين تبصله وتبرق : ايه دا عندك اعتراض
رامي بتصنع الخوف : لا يا فندم انا اقدر انا لازم افرش المفرش ( ويفرش المفرش ويقرب منها) هااااا تمام كده
لين بابتسامه ونظره مختلفة بنسبه لرامي :تمام... عقبالك يا رامي
رامي بفرحه يحاول يدريها : قريب ان شاء الله ( ويمشي ويسبها قبل ما عنيه تفضحه ويقولها انه بيحبها .... وهي استغربت انه مشي. جوها الف سأل وبتقول لنفسها هو نسيكي و حب تأنى والا ايه )
وتنتهي الخطوبة بفرحه الكل واعجاب متبدل بين سميه واسلام اللي اتقدم ليها يوم خطوبه امير وطلب ايدها و فايز وافق وقرو الفاتحة... وكانت لين مبسوطة جدا لان سميه هي العروسة اللي اختارتها لاسلام من الاول وكملت الليله بخطوبه امير ونفين واسلام وسميه واتفقوا فرحهم يكون في مصر كمان سنه
ويمر الوقت ولين بقيت بتشتغل في الشركة ونجحت ناجح كبير في الديكور والشركة بقى يجيلها عروض من الدول العربية كتير.. ولين بقيت تيجهزهم عملت فيلات فنادق كانت بتشرف علي كل دا وتجهزه بنفسها واخدت الماجيستر وبقي ليها اسم معروف في عالم الديكور واسمها واسم شركتهم كبر اكتر
وكانت دايما علي اتصال برامي اللي كان علي طول يشجعها وقربه من بعض بس من غير ما يتكلموا عن مشاعرهم... لين كانت بتحس باهتمام رامي وتشجيه ليها وكانت مبسوطة جدا بعلاقتهم وبقيت تشوف رامي وتتعرف علي شخصيته بشكل مختلف بس اهم حاجه انها بطلت تشوفه اخ ليها
مر سنه ونص و لين كان في عندها ميتنج كبير في دبي مسابقه لاختيار شركه لعمل ديكور لأكبر سلسله فنادق في الشرق الاوسط وكان الميتنج بيضم كل الشركات الكبيرة من كل الوطن العربي وكانت لين بتمثل الشركة بتعتهم....
في اليوم دا ووهي واقفه بتكلم مع بعض المهندسين ورجال الاعمال لشركات كبيره سمعت صوة حد بينادي عليها
بقلم_ولاءيحيي
💖💖💖💖💖💖💖💖💖💖💖💖💖
ياتري صوة مين دا وايه اللي حصل نعرف في الحلقة الأخيرة ان شاء الله
التعليقات على الموضوع