بناتي حياتي 🌸الحلقه 22🌸
رواية 💖بناتي حياتي💖
بقلم_ولاءيحيي
الحلقه ٢٢
رامي بخوف وقلق : يعني هي مزعلتش ومشتوا وهي هاديه
امير بضحك : يابني دي 10 مره تسالني والله ما زعلت بالعكس اضايقت شويه في الاول وبعدين قبلت الموضوع.... دا احنا كنا فكرنها هترفض وتتعبنا وهنفضل يومين تلاته نقنع فيها... بس لما عرفت ان ماحدش هيضيقها وافقت ورجعنا الكويت علي طول
رامي بقلق :الحمد لله... وانا هتابع مع اسلام واشوف ايه اللي هيحصل
امير بضحك: يابني سيبوا يشوف شغله متزهقش الراجل سيبه يعالجها
رامي بضيق : قلقان وخايف عليها اوي يا امير
امير بهدوء : ان شاء الله هتبقي كويسه
وفي المنتجع
( تعالوا اعرفكم بإسلام هو شاب مصري عنده 32سنه قمحي وشعره بني وعينه عسلى جسمه رياضي دمه خفيف وبيحب الهزار وضحك ولما تشوفه تحس برتحه وانك عاوز تكلم معاه وتتطلع كل الجوك دكتور نفسي حقيقي يعني 😂😂)
دكتور اسلام : كده وزعنا كل الحالات بتاعت الاسبوع الجاي
دكتوره نفين : بس حضرتك ما كاتبتش حاجه عن الحالة الجديدة هنبدا معاها امتي ومين اللي يتابعها
اسلام بيرجع ظهره لورا : الحالة الجديدة انا اللي أتبعها ومش هبداء معاها دلوقتي هسيبها برحتها شويه لما تطمن للمكان.. بس عاوزك انتي تروحي ليها في مواعيد الاكل تفكريها بيه وتحاولي تتطمأنيها وتقربي منها ما تتعامليش معاها كدكتوره حسسيها انكم اصحاب بس متفرضيش عليها صاحبيتك فهماني طبعا
نفين بابتسامه : اكيد يادك متقلقش شويه و روح ليها
تخرج نفين وتروح تشوف الغدا ( نفين دكتوره عندها 25 سنه وهي اخت اسلام الصغيرة بنت جميله وشها هادي جسمها صغير وضحكتها هاديه تحسها طفله رقيقه )
لين قعده بترسم وتبتسم لصوره اللي بترسمها بس الباب خبط
لين لنفسها : اوووف هنبدا ازعاج بقي
يرجع الباب يخبط تاني
لين بضيق : ادخل
تدخل نفين بضحكتها البريئة : سلام عليكم
لين بابتسامه مجمله : وعليكم السلام ورحمه الله وبركاته
تدخل نفين وتيجي تقرب من لين بس لين تقفل دفتر الرسم وتقف مكانها فنفين كمان توقف مكانها
نفين بابتسامه هاديه : انا نفين... كنت جي اشوفك تحب تخرجي تتغدي بره معانا والا نجيب الغدا ليكي هنا
لين تبتسم : ميرسي هو انا مش جعانه دلوقتي لما اجوع هطلب الاكل مش هو ممكن اطلبه في اي وقت ولا في اوقات معينه للأكل
نفين بضحك :احنا الخدمة عندنا 24 ساعه انتي بس ارفعي السماعة واطلب رقم 9 واطلب الاكل الانتي عاوزه ولو اي حاجه ضايقتك ارفع نفس السماعة بس اطلب 4 هتلقيني قدامك علي طول
لين بابتسامه : ميرسي يا نفين خلاص انا لما اجوع هطلب الاكل
نفين برقه : اوكي يا جميل هروح اكل انا مع الجروب قبل ما يخلصوا الاكل ومالقيش حاجه أكلها... سلام يا قمر
لين تبتسم لطريقتها الودودة وترجع ترسم تاني
#بقلم_ولاءيحيي
💖💖💖💖💖💖💖💖💖💖💖💖💖
في ابو ظبي
سليم رجع من شغله وكان طلع علي شقته
شروق تفتح الباب :ما كنت اخدت شقه بعيد مش هتفرق كده كده مش بشوفك
سليم يبتسم ويروح ليها : اسف يا حبيبتي برجع تعبان والله ما بصدق اطلع عشان انام
شروق تاخد وتدخل وتقفل: ما اللي بتعملوا في نفسك دا مش طبيعي يا سليم ليه تاخد فترتين في الشركة كتير عليك يا حبيبي
سليم يقعد :يعني هرجع البيت اعمل ايه يا شروق هفضل قعد وبفكر اهو كده بشغل نفسي
شروق بحزن : اخرج يا سليم اتفسح ارجع لطبيعتك اضحك هزر انت من وقت ما جينا هنا تقريبا مشوفتيش البلد ولا خرجت فيها
سليم بابتسامه وحزن : مابقاش في حاجه ليها طعم كله زي بعضه اهو بالشغل بحس اني بثبت نفسي عشان لما نتقابل في يوم اكون زي ما هي عاوزه
شروق بحزن : بس مش علي حساب صحتك يا سليم
سليم بضيق : لسه متعرفيش حاجه عنها متخبيش عليا يا شروق انا عاوز اطمن عليها بس
شروق بحزن : والله يا حبيبي ما اعرف عنها حاجه مش عارفه اوصل لأي اخبار عنها مستنيه بس شويه النفوس تهدي وكلم رشا او سيلا واخد رقمها واكلمها
سليم بحزن وضيق : هتجنن يا شروق نفسي اطمن عليها وحشتني اوي ( ويغمض عينه بغيره) خايف حد يدخل حياتها ويأخذها مني او اهلها يقنعها تجوز رامي ( ويبص لشروق) لين ماحدش هياخدها مني يا شروق لين ليه انا وبس
شروق بحزن : لسه يا سليم بتغير حتي بعد ما غيرتك هي اللي ضيعتها منك
سليم بحزن : غصب عني يا شروق لين حياتي كلها مش قادر اعيش من غيرها مش متخيل انها ممكن تكون لغيري انا ممكن اموت
شروق تتنهد بحزن :ربنا يطمنك عليها يا حبيبي ويصلح الحال بينكم ويهديك لنفسك يا سليم
سليم : امين يا رب قوليلي بتكلمي مروه
شروق بحزن : ايوه وماما تعبها اوي علي طول بتعيط وتنادي عليك ومروه مش قادره عليها لوحدها بفكر اخليها تجيب ممرضه تساعدها وتخدم ماما ومروه تتابعها
سليم يقوم يقف : اللي تشوفوه صح اعملوا
شروق : علي فين استنا اتعشا معنا امجد علي وصول
سليم : لا مش قادر ومش جعان بس هموت ونام
شروق : هتنام من غير اكل يا سليم
سليم : اكلت في الشركة قبل ما اجي تصبحي علي خير
شروق بحزن : تلقي الخير
#بقلم_ولاءيحيي
💖💖💖💖💖💖💖💖💖💖💖💖💖
يمر شهر ولين لسه في العزلة وماحدش بيضايقها بس كل فتره نفين تروح تطمن عليها بحجة الاكل
نفين بابتسامه : صباح الخير.... طبعا زمانك بتقولي ايه البت الرخمة اللي كل شويه تيجي تقولي الاكل
لين تبتسم : صباح النور والله انا اللي مضايقة اني بتعبك معايا
نفين تقرب وبتقعد قريب منها ودي اول مره تقرب فيها وتقعد معها : تعب ايه بس انا نفسي تأكل كده وتأخذي بالك من نفسك وصحتك وتخرج بره الاوضه دي دا المنتجع هنا حلو اوي
لين بضيق : انا مبسوطة كده وشايفه كل حاجه من هنا
نفين بابتسامه : طيب حتي افتحي الفراند من عندك واقعدي علي العشب بره وتشمسي طب انتي عارفه ان الدكاترة بيقولوا ان الشمس مفيدة للعظم جدا دا حتي بيقوله الامهات لازم تقعد اطفالهم كل يوم من الساعة 8 ل10 في الشمس عشان عضمهم احنا كمان اكيد محتاجين الشمس واللي هنعجز بدري
( نفين كانت فهمه حاله لين وعارفه انها متخيله ان بنتها عايشه معاها فحبت تقولها كده عشان تخرجها بره الجناح)
لين بابتسامه : خلاص هسمع كلامك واخرج اقعد بره شويه
نفين بابتسامه : وانا هخليهم يجبولك فطار بره في الجنينة وهخليهم يجبولك عصير كمان يا ستي انشالله ما عن حد حوش
تضحك لين وتقوم نفين.... تغير لين هدومها وتأخذ دفترها وتلفونها وتخرج لأول مره من وقت ما دخلت المنتجع... مشيت شويه قدام جناحها لحد ما توصل لمزرعه الخيول و تقعد علي العشب وتفضل بصه علي الخيل اللي قدمها وتطلع الدفتر وترسم
ويجبلها الفطار... واول مره تأكل بشهية وتخلص اكلها كله وتفضل قعده ترسم وهي مبسوطة ومبتبتسم
اسلام : بترسمي حلو اوي
لين تبص ورها بخضه تلقي اسلام وقف وبيبص عليها
لين بضيق : ايه دا انت بتتسحب كده ليه مش تعمل صوت وانت ماشي
اسلام يقعد بعيد عنها شويها وبيبص على الخيل قدامه
اسلام : معلش بقي مابعرفش اغني صوتي وحش عارفه لو بعرف اغني كنت مشيت وانا بغني بصوت عالي اوي.... اصل الدنيا دي جميله لازم ونخرج ونغني ونفرح بيها ( ويبصلها) وبعدين انتي اللي كنتي سرحانه ومش حسه بحاجه
لين تقوم تقف : انا ماكنتش سرحانه انا معرفش ان في انت جي هنا
اسلام يقف قدامها قبل ما تمشي : خلاص خلاص خليكي قعده انا اصلا همشي... و انا اسف يا ستي ... مش قصدي اضايقك انا كنت ريح اشوف الفرسة ريحانه عشان قربت تولد ولقيتك قعده ولفت نظري الرسمة اللي بترسميها ( وقرب منها وبيكلم وهو بصص جوه عينها) بس تعرفي صوره البنت اللي رسمها مش شكل الصورة اللي علي فونك اللي بترسمي منها الصورة علي فونك ملهاش غمزتين
لين بابتسامه وهي سرحانه : بس كانوا هيبقي موجودين عندها هتاخدهم من ( وتأخذ بالها من البتقوله) يعني بتخيل في الرسم... انا حبيت ارسمها بغمزات وبعدين انت مالك انت ارسمها ازاي ( وتمشي وتسيبه)
اسلام يبتسم ويبص عليها وهي مشيه ويكلم نفسه : ايه البت القمر دي مقالش انها حلوه كده يخرب بيت حلاوتك ايه دا مالك يا اسلام فوق كده احنا قولنا معاكسه المرضة ممنوع عقابا ليك هتقوله 100 مره وانت ماشي ( ومشي وهو عمل يقول معاكسة مرضي لا ال مرضي ممنوع 😂😂😂😂)
تمشي لين وتوصل قريب من جناحها تلقي نفين وقفه بتحاول تطلع علي الشجرة وأول ما نفين تشوفها تنادي عليها
نفين : لين ممكن تيجي تساعديني
لين تقرب منها
لين : بتعملي ايه
نفين بضيق : عاوزه اطلع اجيب توت من فوق ومش عارفه اطلع الشجرة
لين بابتسامه : توت بتكلمي جد عاوزه تتطلعي عشان تجيبي توت
نفين بابتسامه اطفال : اه اصل انا بحبه اوي ومش عارفه اهز الشجرة وهتجنن نفسي اكله ساعديني اطلع بقي
لين بابتسامه : طيب استني هطلع الاول واحاول اشدك
نفين بضحك و تنط وتسقف زي الاطفال : ايه دا بحد بتعرفي تطلعي الشجره
لين تبتسم : الشجرة كانت المكان اللي بحب استخبي فيه واحنا بنلعب استغميا زمان عشان ماحدش يعرف يطلع يمسكني
( وتطلع لين وتمد ايدها تشد نفين)
لين : ايه دا يا نفين انتي تقيله ليه كده... شكلك عاوزه تعملي دايت
نفين بضحك : انتي اللي خسه زياده عن اللي لازوم ومافيش فيكي نفس لكن انا جسمي مثالي يا حقوده ( وتضحك ولين تضحك معاها )
ويفضله يطلع الشجرة لحد لما وصله لفوق ويعقده علي جزع الشجرة
نفين بفرحه : ما شاء الله عليكي طلعتينا بسهوله(وتضحك وتقولها) هو انتي كنتي قرده زمان اتعلمتي تطلع الشجرة ازاي
لين تبتسم : وانا صغيره عملت تحدي مع امير اخويه عشان يعلمني السواقة... كان فيه شجره كبيره في الجنينة زي الشجرة دي فتحداني و قال لو وصلت لأخر الشجرة هيعلمني السواقة فكل يوم كنت اطلع علي الشجرة لمسافه معينه ويوم اللي بعده اطله اكتر لحد ما بقيت اوصل لأخر الشجرة وبعد كده بقيت احب منظر السما من فوق فبقيت اطلع وقعد وشوف النجوم
نفين بتأكل : فعلا حلو المنظر بس الأحلى طعم التوت دوقي كده هيعجبك
لين اخدت توته من علي الشجرة اكلتها وبتسمت : لو مامي شافتني وانا بأكل التوت من غير غسيل كان زمنها بعتتني اعمل غسيل معده
نفين تضحك : هو هيوجع البطن شويه بس مطهر هيقوم بالواجب
لين تبص قدامها : الجو حلو اوي والمنتج جميل ماكنتش فكره انه كبير وحلو كده
نفين : هو انتي شوفتي فيه حاجه انتي طول الوقت في الجناح مخرجتش منه مرحتيش عند الخيل والا البسين ولا صاله البلياردو دا فيه حاجات كتير حلوي اوي هتعجبك
لين تبص لنفين : هو انتي عيشه هنا والا بتعملي ايه انا مش عارفه انتي بتشتغلي هنا والا زي والا بتعملي ايه هنا بصراحه معرفش عنك حاجه خالص غير اسمك
نفين بابتسامه : هقولك يا قمر انا نفين 25 سنه بس دي معلومة متقولهاش لحد اخرك تقولي 22 سنه مصريه كنت بدرس وعيشه مع ماما في مصر ( وارتسمت علي وشها الحزن اللي اول مره لين تشوفه علي وش نفين البريء) وبعد ما خلصت دراسة بسنه ماما توفت وماكنش ليه حد غيرها في مصر ف اسلام اجي اخدني وعيشت معه هنا واشتغلت في المنتجع هنا
لين باستغراب : هو انتي قريبت اسلام
نفين بتأكل توت : اخويه الكبير
لين باستغراب : بجد المستفز دا يبقى اخوكي
نفين اول ما سمعت لين بتقول علي اسلام مستفزه ضحكت بصوت عالي لما كانت هتقع من علي الشجرة بس لقي صوت من تحت الشجرة بيتكلم
اسلام بغيظ : عجبتك اوي يا ست نفين وبتضاحكي بقي انا مستفز
لين اتخضت و انكسفت ونفين كتمت ضحكتها
لين بضيق : هو انت علي طول تتسحب كده
اسلام بتريقه : هبقي اركب جرس في رقبتي وبعدين انتم بتعملوا ايه فوق الشجرة انزلوا لتوقعه انتم الاتنين
نفين : لا احنا بناكل توت
اسلام بفرحه : ايه دا بجد طيب استنوا هجيب لكم طبق ها تولي شويه معاكم قبل ما تنزله(وجري بسرعه عشان يجيب طبق 😂)
نفين تضحك اوي علي اخوها
لين باستغراب : هو اخوكي دا طبيعي
نفين بضحك : لا طبعا مش اخويه
لين تضحك واسلام يجيب طبق ويجيبه ليه توت وينزلوا من علي الشجرة
اسلام يضحك ويشاور عليهم : لا بجد عاوزين صوره لوشوشكم وهدمكم وانتم كده
لين بتبص علي ايدها وهدومها لقيت التوت بقع وشكلها متبهدل ولقيت نفين وشها مبقع فضحكت
لين بضحك : عجبك البهدلة اللي عمليها فينا دي
نفين بابتسامه : مش مهم البهدلة المهم انبسطنا ( نفين بتمد ايدها علي الطبق ال في ايد اسلام عشان تاكل توت بس اسلام بعد الطبق عنها )
اسلام برخمه : ايه عاوزه ايه شيلي ايدك من الطبق
نفين بغيظ : ايه هأكل مش انا الجيبة
اسلام : لا انسي دا بتاعي... انتي اكلتي من الشجرة ( ويأخذ الطبق ويجري ونفين تجري وره)
نفين بغيظ وهي بتجري وره : اسلام ماتستعبطش انا جيبه التوت ليا وليك
لين تقف مستغربه وتضحك : ايه المجانين دول ( وتروح علي جناحها وتدخل تاخد شور وتغير هدومها وتصلي )
مر كمان 15يوم ولين بقيت كل يوم تخرج تقعد بره وترسم ولما تقابل نفين تكلم معاها.... ولسه عملها حدود مع اسلام ال كان يتبعها من بعيد اسلام كان عاوز يلفت نظر ها ويجبرها ا تتكلم معه فبص حاوليه لقي الكان بيدور عليه واحد من النزلاء ف نادي عليه
اسلام : فههههد
فهد يجري عليه : خير دكتور
اسلام : لسه بتجري بسرعه
فهد بابتسامه : طبعا تحب تسابق.
اسلام : لا هعملك اختبار تاتي بس تعملوا وتختفي من قدم الحديقة الأمامية روح اي صاله مغلقه
فهد بفرحه : ايه الاختبار
اسلام : شايف البنت القعدة بترسم دي
فهد: ايوه دي حلوه اوي
اسلام يضرب علي راسه بهزار : بطل معاكسه انا عاوزك تجري وتخطف الدفتر البترسم فيه وخليه معك لحد لما اخده منك بس المهم تجري وتختفي لو مسكتك مش هحوش عنك وايك تجيب سرتي
فهد بابتسامه : مش هتقدر تمسكني
ويجري فهد ويخطف الدفاتر... من لين اللي تضايق وتطلع تجري وره بس هو طاير ومتلحقوش
لين بتجري ومضايقه فخبطت في اسلام ( ال يعني صدفه بقي)
اسلام بتصنع الاستغراب : ايه مالك بتجري ليه
لين وهي بتاخد نفسها بصعوبة من الجري : فيه واحد شكله مجنون من اللي عايشين هنا اخد دفتر الرسم بتاعي وجري انتم ازاي سيبنهم يتحركوا في كل مكان كده
اسلام بابتسامه : عادي ما احنا سيبنك تتحركي اهو
لين بغضب : قصدك ايه
اسلام بتصنع الخوف : لا ما فيش بس عارفه دا اكيد فهد هو البيحب يعمل المقالب دي عشان تجري وره و يعمل سباق معاكي اصله بيحب الجري تعالي نشوفه راح فين
ويمشوا سوأ ولين عمله تتفرج علي المنتجع
اسلام : ايه رائيك في المنتجع حلو مش كده اول مره تشوفيه
لين بأعجاب : فعلا جميل اوي وكبير دا بتعك
اسلام بابتسامه : ياريت دا بتاع رجل اعمال إماراتي كان تعب فتره وجي اتعالج عندي ولما خف حب يشكرني ويشاركني في مشروع وانا بقي بما اني مستغل ( ويبص للين) ممكن تزوديها علي مستفز ( لين تبتسم) عرضت عليه مشروع احلامي وعجبه ونفذه وبقيت انا المسؤول عنه وليه نسبه بس هو ليه النسبة الاكبر
لين : طيب وليه مستنتش لما تعمله لوحدك ويبقي مشروعك الخاص ليه يكسب هو من افكرك ومجهودك
اسلام : لاني كان قدامي وقت كبير عشان اعرف اعمل منتجع بالحجم دا...ََدا لو عرفت اصلا اعملها وكمان هنا في دبي كان لازم يكون مالك الارض والمشروع واحد من اهل البلد فقولت بقي بدل ما اقعد واحلم ورسم احلامي علي الورق وعيش في الخيال طب ما انفذه علي ارض الواقع وانجح فيها واهو المشروع معروف باسمي انا وبصراحه الراجل مبيدخلش في الإدارة خالص وبيثق فيه
لين : يااااا وثق فيك لدرجه دي
اسلام بابتسامه : هو في الأكثر من الثقة و اللي خليته يعمل ليه المنتجع دا انه محتاجيني
لين : عشان تدير المنتجع يعني
اسلام بضحك : لا عشان اعلاجه اصله بيجي كتير عندي مجنون بقي
لين ابتسمت وفضلت مشي معاه وبتكلموا لحد لما سمعوه صوت حد بينادي علي اسلام
فيروز : اسلام اسلام
اسلام يقف ويضحك ويفتح ايده والبنت تنط لحضنه
اسلام : اهلا اهلا بالقمر بتاعي جيتي امتي يا فيفي
فيروز ( طفله جميله عندها 7 سنين اتعرضت لحادثه من سنتين ومات بابها ومامتها قدامها وانصدمت وفقدت النطق واتعالجت عند اسلام و بدأت ترجع طبيعي وراحت تعيش مع جددتها وجدها وكل فتره بتيجي المنتجع يطمن عليها)
فيروز بفرحه : لسه جي جدو هناك اهو (وتبص للين وتقوله في ودانه) مين الحلوة دي
لين تسمعها فتبتسم ليه
اسلام يقولها في ودنها : دي اسمها لين قعده في الجناح اللي جمبك ابقي خالي بالك منها اتفقنا
فيروز تضحك بطفوليه وتهز راسها ليه بالموفقة وتمد ايدها للين
فيروز بابتسامه : انا فيروز وبيقول فيفي ونفس اكبر وشعري يبقي طويل زيك كده
لين تضحك وكانت هتقرب تشيلها وتبوسها بس ترجعت وبعدت عنها وابتسمت ليها واسلام لاحظ انها كنت تحضنها بس غيرت رائيها
لين بابتسامه : وانا لين وانتي لما تكبري هتبقي حلوه اوي وشعرك هيبقي اجمل من شعري بكتير
اسلام : يلا يا فيفي روحي جناحك بسرعه وافتحي دولابك هتلقي شكولاتة كبيره جوه بس يارب نفين ماكنش اخدتها
فيروز تشهق بخضة وتنزل تجري تروح جناحها وتسيبهم يكمله مشي
اسلام وهو ماشي من غير ما يبص ليها :على فكره لو كنتي شيلتيها وحضنتيها كانت هتفرح اوي فيروز بابها ومامتها ماتوا قدامها من سنتين ماتوا وهي طفله متعرفش يعني ايه الموت يأخذ منها اعز ناس في حياتها ورغم كده اتحملت وتعالجت وقدرت ترجع للحياة (ويقف ويبص للين) علي فكره مش خيانة لبنتك انك تحضني وتبوسي طفله يتيمه هتفرح بالاهتمام والحب النبي صلى الله عليه وسلم أنه قال ( من وضع يده على رأس يتيم رحمة كتب الله له بكل شعرة مدت على يده حسنة)
اسلام يقرب منها وبيبص جوه عنيه بكل قوه وحزم
اسلام بجديه شديده : لين بنتك ماتت ( ويسكت شويه وهو بصص في عينها ويشوف ملامح وشها اللي اتغيرت بعد ما سمعتوه... وكانها لأول مره بتسمع الخبر وتفتكر جوها احداث كتير مرت.. ودا بيان من ملامح وشها اللي بتتغير والدموع اللي اتجمعت في عينها فسلام كمل كلامه عشان يفوقها بسرعه ويرجعها لأرض الواقع)
اسلام : بنتك ماتت لكن طفله زي فيروز واطفال كتير ايتام عايشين محتاجين نطبطب عليهم ونحبهم ( ويقرب ويبتسم بهدوء وهو بصص لعينها النزلت منها الدموع )
اسلام بهدوء : يا لين مش خيانة لبنتك انك تعيش الحياه وتقبلي بقضاء ربنا وحكمه... الخيانة انك تهربي من الحياه وتعترض علي امر ربنا اللي اختار انها تكون في مكان اجمل وانقي من اللي احنا عايشين فيه
الخيانة يا لين انك تهربي من اهلك وناس اللي بتحبك ووقفوا جمبك وتعيش في الوهم مع رسومات علي الورق وتسبيهم هم بيتألموا كل يوم من الوجع والحزن عليكي الخيانة انك تنسي حقيقي ان بنتك ماتت وتعايشي نفسك معاها وتموتي بابكي ومامتك وكل الناس اللي لسه عايشه وبتحبك اللي بيموتوه من الحزن و الالم كل يوم وهم شايفينك بتضيعي منهم
يمشي اسلام ويسيبها واقفه و مش قادره تكلم
لين لأول مره من يوم بنتها ما ماتت حد يقولها صرايحه في وشها ويوجها بيها... يوم ما ماتت ماحدش قالها عرفت من عيونهم هي لاول مره تسمعها وتحسها بيها
لين مشيت بسرعه لجناحها وطول ما هي مشيه سامعه كلمه واحده في ودانها (بنتك ماتت)
#بقلم_ولاءيحيي
💖💖💖💖💖💖💖💖💖💖💖💖💖
وفي مكتب اسلام
نفين بحزن : كنت قاسي اوي عليها يا اسلام.... ليه بدأت معاها بالقسوة دي انت بقالك شهر ونص ساكت وسيبها... ويوم ما تبدأ يبقي بالقسوة دي
اسلام بهدوء : كان لازم تسمع الحقيقة اللي اهلها خافوا يقولها عشان تفوق وترجع للواقع كان لازم ارجع ليها قسوة اليوم دا عشان تعيشوا ألمه مره تانية وتبكي وتنزل الدموع اللي منازلتها يومها وتطلع الغضب اللي جوها
نفين : بس انا شايفه انها ممكن ترجع تنعزل تاني دي ممكن تفكر تمشي من هنا وترجع لأهلها
اسلام : لا ماظنش انها تفكر تمشي لأنها عرفت ان اهلها بيتعذبه بسببها فتخاف عليهم وتخاف من نظرت الحزن اللي بتشوفها في عينهم... لكن انها تنعزل دي بقي اللي مش هنديها فرصه ليها ودي هتبقي مهمتك انتي وفيروز و فهد متسبوهاش وتقربوه منها وافرضوا نفسكم عليها
نفين باستغراب : اشمعني فيروز وفهد
اسلام : لانهم عاشوا نفس وجعها وجربوه فهيقدره يساعدها وتساعدهم
لين دخلت اوضتها وانهارت والاول مره من شهرين ونص تبكي بصوت عالي ودموع وحرقه علي بنتها
#بقلم_ولاءيحيي
💖💖💖💖💖💖💖💖💖💖💖💖💖
ونروح الكويت
مني بخوف : انا قلقانه عليها اوي يا فؤاد انا مش عارفه ليه طلب مننا منكلمهاش لحد ما هو يقول انا خايفه عليها وانا مش عارفه فيها ايه بقالنا شهرين واكتر مسمعناش صوتها... انا تعبت يا فؤاد
فؤاد بهدوء : انا كل يوم بكلموه وبطمن عليها منه وهو قاله انها بدأت تخرج من الاوضه اصبري يا مني هنتعب شويه بس المهم انها ترجع كويسه
مني بحزن : طيب اروح ازورها حتي تحس ان احنا معاها انا هتجنن كده
فؤاد بابتسامه : اهدي وانا هكلم دكتور اسلام واشوف هيقول ايه
سيلا وامير يدخلوا من الجنينة وهم بيخبطوا في بعض
سيلا بغيظ : ابعد يا ثقيل... ايه يا واد ام الرخمة اللي بقيتت فيها دي
امير بضحك : من بعض ما عندكم اتعلمنا منك يا استاذه... هو انتي ايه اللي رجعك تاني مش لسه مسافره من شهرين
سيلا برخمه وهي بتشد خدوده : وحشتني يا ميروموري وجيت ليك
ولسه امير هيرد بس شاف مني وفؤاد قاعدين ساكتين وباين عليهم الحزن فيقربوه منهم
سيلا بخوف : مالك يا مامي انت تعبانة
مني بابتسامه حزن :لا حبيبتي انا كويسه بس قلقانه علي اختك
امير بابتسامه: انا مسافر ببعد يومين دبي عندي شغل و هفوت علي المنتجع اطمن عليه
مني بالهفه : خدني معك
فؤاد : ماينفعش يا مني سبيه هو يروح يقابل الدكتور ويشوفها من بعيد وهو يبقى يطمنا عليها
سيلا : طيب خدني انا معك
امير يذقها من وشها بهزر : بس يا ماما هي ملاهي
#بقلم_ولاءيحيي
💖💖💖💖💖💖💖💖💖💖💖💖💖
لين فضلت تعيط يوم كامل وهي منهارة.... لقيت الباب بيخبط بس مرديتش فالباب اتفتح ولقيت حد دخل ووقف جمبها
فهد بحزن لحالها : انا اسف الدفتر اهو انا كنت بهزر معاكي ماتعيطيش
( فهد عنده 17سنه شاب جميل من ملامحه تحس العفرتة وشقاوه والطيبة... شاب رياضي كله حيوية كان بطل رياضي والكل كان متوقعين ليه مستقبل كبير لحد ما في يوم من تلات سنين عمل حادثه بالعربيه وكان معاه اخوه الكبير اللي فهد كان متعلق بيه جدا و اخوه مات وانصدم فهد جاتله حاله نفسيه لحد ما بداء يتعالج)
لين رفعت وشها اللي كلها دموع وبصت لدفتر اللي في ايد فهد وماتكلمتش
فهد بدموع وابتسامه : انا اسف والله انا كنت عاوزك تجري وريا.. اصل انا بحب الجري اوي... تعرفي انا ماحدش بيقدر يسابقني او يمسكني بيقوله اني اسم علي مسمي اصلي انا اسمي فهد
لين ابتسمت لعفويته وطريقته في الكلام
فهد بابتسامه وحزن : هو انا ممكن اطلب منك خدمه
لين تمسح دموعها زي الاطفال : اكيد اتفضل
فهد يطلع صورتين من جيبه : دي صورتي انا واخويه الكبير (ويحط وشه في الارض بحزن) الله يرحمه ممكن ترسمي لينا صوره انا وهو سوأ بعد ما انا كبرت اصل انا لقيت كل صورنا سوأ وانا صغير ماليش صور معاه لما كبرت ( ويبصلها برحاء) ممكن
لين تبتسم وتمد ايدها وتأخذ الصورتين ويفضل فهد معاها بيكلمها ويحكي ليها عن نفسه وعن المسابقات اللي دخل فيها وانه كان بيحلم يروح الأولمبياد ( فهد كان بيتكلم وهو واقف وعمل يتحرك ويعمل حركات بأيده ووشه خلي لين وهي بتسمعه الابتسامة مافرقش وشها)
وهم قاعدين تدخل فيروز وهي بتجري وتطلع جمب لين جري وتستخبي في حضنها
فيروز : خبيني خبيني( تتفاجأ لين بفيروز بتستخبه في حضنها )
نفين دخلت تجري وهي متغاظه :فيروز هاتي الشكولاتة دي بتعتي انا انتي اخدتي بتعتك
فيروز مستخبيه في حضن لين ومطلعه عنيه بس وعمله تبص للنفين اللي واقفة متغاظه ومضايقه زي الاطفال.... لين قعدت تبص عليهم ماحستش بنفسها غير وهي بتضحك بصوت عالي من قلبها علي التلاته الواقفين قدامها اللي كل واحد فيهم شخصيه اجن من التانيه
يفضله التلاته قاعدين يتكلموا ويلعبوه ويهزره لحد ما اليل جي و كل واحد راح اوضته عشان ينام
اسلام كان قاعد في مكتبه بيشوف الملفات ويضبط الحالات ويكتب ملاحظاته لقي الباب بيخبط
اسلام : ادخل
يفتح الباب اسلام يرفع عينه عن الورق اللي قدامه لقي لين واقفه ومعاها دفاتر الرسم وعينها ملينا دموع
لين بحزن ودموع : ممكن تساعدني انا عاوزه ارجع لنفسي ولأهلي ومش عارفه ارجع لوحدي ساعدني ارجع ليهم لو سمحت
اسلام يبتسم ليها بمودة ويمد ايده يشاور على الكرسي عشان تقعد : يلا بينا نبدأ و نرجع لين للين
وتبدا لين مرحله العلاج فهي تقبلت انها مريضه ومحتاجه مساعدة ونشوف لين بعد العلاج
بقلم_ولاءيحيي
💖💖💖💖💖💖💖💖💖💖💖💖💖
التعليقات على الموضوع