بناتي حياتي 🌸الحلقه 21🌸
رواية💖 بناتي حياتي 💖
بقلم_ولاءيحيي
الحلقه ٢١
لين بقالها شهر في الكويت بس مرجعتش لحياتها طول الوقت قاعده لوحدها ومهما حاوله اهلها و اصحابها انهم يرجعها زي ما كانت و يخرجها من الحالة دي بترفض.... بتعقد معهم شويه وتقول إنها تعبانه وتقوم تدخل اوضتها وتقفل عليها بطلت تضحك معاهم يادوب ممكن تبتسم ليهم و طول الوقت قاعده في اوضتها بترسم وماحدش عارف هي بترسم ايه اول ما حد بيدخل عليها بتخبي رسوماتها
لين لما طلبت من رامي يصور بنتها... صورها ولما ورها الصورة هي ببعتتها لنفسها علي الواتساب من غير ما رامي يعرف لأنها كانت متأكده ان رامي هيمسح الصورة لأنها عيطت كتير لما شافتها
لين كانت بتعقد ترسم بنتها كل يوم تتخيل ملمحها بتكبر.... وتكبرها يوم عن التاني عشان..... كده كانت بتقعد لوحدها في اوضتها .... كانت عايشه حياه مع بنتها علي الورق.... كانت بترسم نفسها وهي شيلها ووهي بترضعها وهي في حضنها و بتنيمها وهي بتلاعبها وتبوسها كانت بترسم عيشه حياه معها هربت من الواقع للأحلام
مني بحزن وقلق : وبعدين يا فؤاد هنسيبها كده لامتي دي مابتكلمش معانا ولا بتأكل بتعقد خمس دقائق علي الاكل وتقوم علي اوضتها بسرعه
فؤاد بحزن : مش عارفه يا مني انا كل ما ادخل عليها القيها يترسم ومبتسمه واول ما دخل تقفل الرسمه ومترضش توريني هي بترسم ايه.... قبل كده كانت دايما تجي تقولي شوف رسوماتي دلوقتي بترفض اشوفها.... بقعد اكلمها وسألها واحكي لها عن الشغل وهي بترد عليه بصعوبة بتبقى قعده معايا و حاسس انها عاوزني اخرج وسيبها لوحدها
مني : لين تعبانة و لازم تشوف دكتور نفسي البنت في ازمه وبتكبر جوها لازم حد يساعدها
يدخل امير يلقي مني وفؤاد قاعدين بيتكلموا
امير : سلام عليكم
مني وفؤاد : عليكم السلام ورحمه الله وبركاته
امير قعد معاهم : امل فين سيلا ويوسف ولين
مني : سيلا دخلت تحمي يوسف ولين في اوضتها
امير بحزن : لسه مش عاوزه تقعد معنا
فؤاد بقلق : مش عارف اعمل ايه يا امير انا بفكر اتصل بدكتور يحيي واشوف رائيه ايه
مني : ياريت يا فؤاد لازم نلقي حل البنت هتروح منا كده
وهم قاعدين سمعوا لين بتزعق بصوة عالي راحوا جريوا على اوضته لقها بتتخانق مع سيلا
لين بغضب : قولتلك 100 مره سبيني في حالي ومتدخليش اوضتي وانا مش فيها... بتفتيش في حاجتي ليه
سيلا بدموع : انا كنت بدور علي كتب يوسف عشان احكي له منها وينام
لين بزعيق : تساليني وانا اجيبه ليكي لكن تدخلي وتفتشي في حاجتي مش مسموحلك
سيلا بحزن : فيها ايه يعني.... ما انا طول عمري بشوف حاجتك ايه اللي تغير
لين بغضب : كل حاجه تغيرت انا مش عاوزكي تعملي كده تاني... متدخليش اوضتي من غير ما تقولي
مني : فيه ايه يا بنات بتزعقوا ليه
لين بعصبيه مش متعودينها : في اني رحت التواليت رجعت لقيت سيلا بتفتيش في الادرج بتعتي
سيلا: قولتلك كنت بدور علي كتاب يوسف انت ايه حصلك اتغيرتي ليه
لين بزعيق : انا حره سبيني في حالي ملكيش دعوي بيه
فؤاد بحزن وبهدي لين : اهدي يا لين خلاص محصلش حاجه و ماحدش هيدخل اوضتك تاني من غير ازن
لين بضيق : طيب سبوني لوحدي عاوزه نام
الكل خرج من الاوضه.... لين قفلت على نفسها بالمفتاح
مني بدموع : البنت تغيرت يا فؤاد لين عمرها صوتها ما طلع والا بتزعق وتتخانق ومع مين سيلا دي روحها فيها
فؤاد بحزن : مش عارف اعمل ايه يا مني لازم اكلم يحيي يدلني
امير بص لسيلا لقي دموعها نزله وبصه للأرض قرب منها وحضنها
امير بابتسامه : مش معقول تكوني زعلتي من لين يا سيلا انتي عارفه اللي بتمر بيه
سيلا بدموع : انا زعلانه عليها يا امير انت مش عارف انا شوفت ايه في دفتر الرسم بتعها
الكل باهتمام : شوفتي ايه
سيلا بحزن : لين رسمه نفسها مع طفله وهي بترضعها وتنيمها... رسمه نفسها مع بنتها وكاتبه فوق كل صوره تاريخ واسم بنتها الفي شهاده الوفاه لقيتها رسمه صوره وكتبه ( دا يومي انا وريما النهارده ريما كملت 15 يوم 15 يوم من السعادة بحبك يا ريما 😍😘 )
امير بخوف وقلق : عمي لازم نشوف دكتور نفسي ونتكلم معه بسرعه
فؤاد بضيق : يحيي كان قالي انها هتحتاج دكتور نفسي بس لما استقبلت خبر وفاة بنتها بقوه وطلبت الانفصال من سليم قولت لين فاقت لكن... لا احنا لازم نشوف دكتور انا هتصل بيحيي اشوف هيقول ايه ويرشح مين
اتصل فؤاد علي يحيي وحكي ليه حاله لين
يحيي بحزن : انا قولتلك يا فؤاد لين هتحتاج لعلاج نفسي ولازم حد متخصص
فؤاد: افتكرت انها لما معايطتش وطلبت الطلاق انها كويسه
يحيي: بالعكس دا دليل علي انها متقبلتش الصدمة لان دا كان تصرف بعيد عن طبيعة لين الحساسة عموما الحمد الله انك اخدتوا بالكم علي طول.... في دكتور نفسي كويس هو صغير في السن بس ممتاز عنده مركز متخصص مجهزه علي اعلي مستوي بس في دبي تحب ترحو ليه هناك والا اشوف حد في مصر
فؤاد : لا لين هترفض تنزل مصر حلو اللي في دبي كلمه واتفق معه.. وابعت ليا رقمه وعنوانه وانا هروح اقبله الاول وشوف هيقول ايه
يحيي: خالص انا هكلمه دلوقتي واخد لك منه ميعاد وهبعتلك الرقم وابقي طمني علي طول يا فؤاد وانا هتابع معه
فؤاد : متشكر اوي يا يحيي انا بتعبك معايا
يحيي : ايه الكلام دا يا فؤاد احنا اصدقاء العمر وبنتك بنتي ربنا يطمنا عليها
ويقفل فؤاد مع يحيي ويعرفهم باتفاقهم و انه هيبعت له اسم الدكتور ورقمه ويرح دبي يقابله الاول
في الوقت دا رامي اتصل علي سيلا.... رامي كان كل يوم يطمن علي لين من سيلا لان لين رفضت ترد عليه او تكلمه سيلا حكيت ليه الحصل واللي لين بترسمه
رامي بحزن : انا قولتلك يا سيلا فيه سر في الرسومات دي ... عشان كده قولتلك ادخلي اوضتها من ورها و شوفي الرسم وهانفهم منه لين فيها ايه
سيلا بدموع : انا تخيلت كل حاجه غير دي يا رامي انا قولت بضيع وقتها.. لكن ترسم حياه علي ورق وتهرب من الواقع ليها دا مكنش في بالي
رامي بحزن : انا هحجز في اول طياره وهاجي هو اروح مع عمي فؤاد لدكتور هو هيروح امتي
سيلا : لسه هياخد ميعاد
رامي : طيب عرفيهم اني جاي وخليه يستناني هروح معه اقبل الدكتور
سيلا: وشغلك يا رامي هتعمل فيه ايه
رامي : هاخد اجازه مش مهم اي حاجه دلوقتي لين أهم لازم نلحقها
سيلا بابتسامه : يااااا يا رامي لدرجه دي بتحبها طيب ليه كنت ساكت
رامي بابتسامه : انا بحب وبس انا بعشقها.. انا بحب لين من يوم ما كان عندها 7سنين كنت بخاف عليها وبخاف حد يزعلها فكره يوم ما كانت بتلعب استغميه و دخلت الجراچ تستخب فيه منه ونامت جوه
سيلا بابتسامه وهي تفتكر : ايوه فاكره.. دا حنا قعدنا ندور عليها ساعتين وقولنا انخطفت
رامي : انا كان عندي 15 سنه.... يومها كنت بدور عليها زي المجنون طلعت كل البيوت اخبط واسال عليها... ولما فاروق لقها نايمه كلكم اطمنته وصالحتها الا انا فضلت مخاصمه وهي فضلت تحاول تصالحني وتقولي نمت من غير ما حس وانا فضلت زعلان منها .... فضلت يوم بحاله متاكلش وكل اللي يقولها كلي تقولوا لما رامي يصالحني... يومها بابا فضل يزعق ليا عشانها بس انا فضلت مخاصمها بس بليل صعب عليا انها من غير اكل طول اليوم فرحت صالحتها..... قامت حضنتي وقالت ليا انا بحبك اكتر حد في الدنيا... الكلمة دي رغم انها كانت طفله بس وقتها افتكرت انها بتكلم جد...طبعا دلوقتي عارف انها كانت متقصدش بس قلبي يومها دق وحسيت ان لين حبيبتي ولازم افضل احميها سكت لاني كنت خايف عليها حتي من نفسي وبخاف اكلمها عشان معطلهاش عن دراستها قولت مش هعترف ليها غير لما اكلم عمي واخطبها.....كنت مستنيها تخلص كليتها ( ويتنهد) بس النصيب سابقني
سيلا : واهو النصيب راجعها ليك
رامي : وانا عمري ما هضيعها تاني
ويمر اربع ايام وفؤاد حجز مع دكتور اسلام بعد ما دكتور يحيي كلمه عن الحاله لين ورامي جي عشان وسافروا الاتنين سوا
#بقلم_ولاءيحيي
💖💖💖💖💖💖💖💖💖💖💖💖💖
دكتور اسلام بابتسامه : دكتور يحيي شرحي ليا الحالة والحصل ليها ووفاة بنتها بس احب اعرف منكم اكتر عن طبيعة حياتها شخصيتها ايه اللي مرة بيه ايه التغير اللي لاحظته
بداء فؤاد يحكي عن لين وطبيعتها قبل ما تجوز وبعد ما تجوزت .... وكان رامي بيساعده وبيحكي ليه عنها وعن سليم وحبهم لحد انفصالها واكتشفهم رسومات بنتها
اسلام: كويس انكم اخدته بالكم بسرعه والا الحالة كان ممكن تتدهور وممكن توصل لمحاولت الانتحار عشان تروح لبنتها
فؤاد بقلق وخوف : انتحار معقول.... بس لين صعب تفكر في الانتحار او غضب ربنا
اسلام: دا لو هي في حالتها الطبيعة لكن هي في حاله هروب كل اللي مرة بيها مع شخصيتها الحساسة والرقيقة زي ما بتقوله... كان لازم تتأثر وبقوه هي فقدت حبها للأنسان اللي كانت بتحلم طول عمرها بيه... وانجرحت منه.. وفقدت معاه بنتها وعرفت ان احتمال متقدرش تجيب اطفال تاني... دا كله صعب يمر بسهوله وتتحمله.. بس عندي سؤال هي شافت بنتها قبل ما تموت ؟
فؤاد : لا هي كانت وقتها لسه تعبانة ومبتتحركش
رامي بحزن من نفسه : بس شافت صورتها.... كانت طلبت مني اني أصور لها بنتها... وانا صورتها و لما شافتها فضلت تعيط وانا مسحتها على طول
اسلام: ولما عرفت ان بنتها ماتت استقبلت الخبر ازاي
فؤاد: دمعت بس منهارتش زي ما كنت متصور دا حتي في نفس اليوم اتكلمت مع طالقها وطلبت منه الطلاق بنفسها... وخرج من عندها طلقها مع انه كان رافض انه يطلق ويسبها بس هي قدرت تقنعه معرفش ازاي
اسلام : و مين اللي بلغها خبر موت بنتها
فؤاد :ماحدش قالها هي حست لوحده من ارتباكنا هروبنا منها.... ولما دخلت انا ليها... بصت في عنيه وقالت انها كان نفسها تأخذها في حضنها ففهمت انها عرفت
اسلام : يعني ماحدش قالها الخبر صريح في وشها ومتكلمتوش فيه بعدها
فؤاد : لا مكلمناش تاني معاها عنها
اسلام :طبيعي كان لازم دا يحصل ليها كان لازم تاخدوا بالكم أن اتستقبل للخبر بقوه دي وان يبقي عنده القدرة انها تقنع طلاقها اللي كان رافض طلاقها ويخرج من عندها يطلاق... كان واضح جدا يا دكتور رامي الحالة اللي فيها
رامي : طبيعة لين القوية العنيدة تخليك تتصور انها ممكن تعاند وتوقف وترجع بس لما عرفت حالة الانطواء ورسمها طول الوقت وقتها شكيت وطلبت من اختها تدخل الاوضه وتشوف الرسومات وتعرف بترسم ايه
اسلام : هو انا اقدر اشوف الرسومات دي
فؤاد : الرسومات في اوضتها قفلها عليها ورفضه حد يدخل الاوضه او يشفهم
اسلام : عموما انا كده قدرت افهم الحالة بس احنا هنحتاجها تيجي تعقد هنا فتره
رامي بضيق : لازم تقعد هنا ماينفعش جلسات وتروح وتيجي
اسلام بابتسامه : انت قولت يا دكتور لين شخصيه عنيدة يعني لو عرفت بجلسات العلاج هترفض لأنها مش معرفة انها مريضه فلازم تقعد وطبعا هترفض تتعالج وتتعمل معايا في الاول بس مع الوقت والقعدة في المركز هتتعامل وهي اللي هتطلب العلاج بنفسها وانتم شايفين المركز عباره عن منتجع صحي علي اعلي مستوي وترتاح هنا.... وخاص لو بعدت الفتره دي عنكم... وعن نظرات عيونكم... نظرت الحزن والالم ( ويبص لرامي) ونظرة الحب اللي في عيونكم.... هي هتهرب وترفضها مشاعركم لأنها مش معترفة باي مشاعر حقيقيه غير مشاعر حبها لبنتها اللي عايشها علي الورق
فؤاد بقلق :بس هي مش هتوافق تيجي تقعد في المركز هنا صعب جدا توافق
اسلام : قوله انكم جاين رحله او فسحه وهاتها علي هنا وسبوها وامشي
رامي بضيق : بس دا مش هيعجبها لين مبتحبش حد يلعب بيها او يجبرها علي شيء
اسلام بابتسامه : هرجع اقولك يا دكتور دا لو هي في حالتها الطبيعية.... بالعكس انا شايف انها هتزعل شويه بس هتقبل انها تقعد هنا... وخاص انها هتلقيها فرصه تبعد عنكم و تكون لوحده مع بنتها من غير ما تستخبي او حد يضايقها
فؤاد باقتناع : خالص يا دكتور انا هروح الكويت واقنعها ان احنا هنطلع رحله وجيبها واجي لعندك
اسلام بابتسامه : وانا في انتظركم و حضرتك ممكن تروح دلوقتي تختار ليها الجناح اللي هتحس انه هيعجبها وترتاح فيه المهم عندنا تكون مرتاحة
رامي بخوف : هو انا ممكن افضل في المركز هنا حتي لو من غير ما هي تعرف او تشوفني اكون جمبها من بعيد
اسلام ابتسم : هو لو في الطبيعي كنت هقولك انا محتاج دكتور معايا وخاص ان فيه نزلاء بجيلهم امراض غير النفسيه و بحتاج فيها دكتور بس عشان اقدر اساعدها لزم تكون بعيد عنها
رامي برجاء : مش هتحس بيها المركز كبير هراقبه من بعيد
اسلام: هو دي بظبط ترقبها ( ويحط ايده علي المكتب بهدوء ويبص لرامي) دكتور رامي اللي بيبقي خارج من ازمه عاطفيه بالقوه واللي قسوة اللي مرت بيها لين بيبقي عندهم جهاز انذار من اي حد بيحاول يدخل حياته او يقرب من المنطقة دي فبيحس بيه من علي بعد حتي لو مش شايفه فيهرب وما ظنش انت عاوزها تهرب.. لين لازم تاخد وقتها عشان ترجع لطبيعتها و تقدر تتقبل فكره دخول حد لحياتها مره تانية
رامي هز راسه : يبقي هزهقك بالتلفوناتي علشان اطمن عليها
اسلام بضحك : لو لقيت التلفون مقفول اعرف اني بهرب منك
رامي بضحك : وقتها هتلقيني قدامك هنا
اسلام : وانا هستناك اي وقت بس ليا طلب عندك يا دكتور رامي لين لو عرفت انك هتكون معاهم في رحله دبي هترفض تروح لأني متأكد انها حسه بمشاعرك ناحيتها... و لأنها هتحس انك بتحاول تتقرب منها فياريت تسافر غير ما تشوفك عشان تطمن... و لو حصل و شافتك عاملها بشكل طبيعي ( ويضحك) مع ان نظره عنيك فضاحك ومظنش بتعرف تخبيها
رامي ببتسم : هسافر من هنا على القاهرة مش هخليها تشوفني دلوقتي هستنها تخف وترجع لنفسها بس هفضل جمبها حتي لو من بعيد
مشي رامي وفؤاد بعد ما اختاروا الجناح اللي لين هتقعد فيه واللي كان بيطل علي ارض وسعه ملينا زارع.. و تشوف منها مزرعة الخيول..... سافر رامي لمصر وفؤاد رجع للكويت
#بقلم_ولاءيحيي
💖💖💖💖💖💖💖💖💖💖💖💖💖
فؤاد رح للين الاوضه
فؤاد بابتسامه :ممكن ادخل يا ليني
لين تبتسم وهي بتخبي دفتر الرسم : اتفضل يا بابي
فؤاد : مامي قالت انك مش عاوزه تخرجي تتعشي معانا.....هو انا موحشتكيش
لين بضيق : لا طبعا وحشتني يا بابي بس انا عاوزه اقعد لوحدي
فؤاد بحزن : انت طول الوقت لوحدك.... انا مش هأكل غير لما تاكلي معايا يلا قومي
لين بضيق: بليز يا بابي خليني علي رحتي
فؤاد بتصنع الحزن : ما فيش نقاش والا انتي بطلتي تسمعي كلامي
لين بحزن : لا طبعا يا بابي.... انا هاجي مع حضرتك بس شويه وهرجع اوضتي
فؤاد بابتسامه: اتفقنا يلا بينا
تخرج لين مع فؤاد تلقي مني وسيلا وامير بس اللي علي الاكل
امير بضحك : يعني هو لازم فؤاد باشا اللي يجيبك بنفسه ماينفعش رتبه اقل منه سيكا
لين بابتسامه : اقل من الرئيس بنفسه مش مقبول
مني بغيظ مصطنع : طيب ما انا في نفس الرتبه انا ابقى السيدة الاولي ما بتسمعيش كلامي ليه
لين تكسف وتقرب تبوسها : اصل حضرتك بعرف اثر عليكي عشان قلب الابيض اللي هنا دا
سيلا بضحك : لا لا كده في تثبيت واضح... وكده قصده ان قلبك مش ابيض يا بابي
لين بابتسامه : لا بابي قلبه كاروهات
يضحكوا كلهم.... لين استغربت عدم وجود رامي فهي عارفت انه جي للكويت بس مشفتوش
لين بتردد : امل هو فين
سيلا برخمه: يوسف نايم تعب من كتر اللعب
لين بابتسامه : اممممم
سيلا بخبث : ايه دا شكلك كان قصدك حد تاني
لين بغيظ :حد تاني مين... انا كنت بسأل عن يوسف
سيلا بابتسامه : يوسف امممم طيب
امير بخبث : مقولتيش يا عمي هو رامي جي في ايه وسافر علي طول ليه
لين باستغراب : سافر !امتي دا لسه جي
سيلا بابتسامه : سافر الصبح... بتسالي ليه كنت عاوزه في حاجه
لين بضيق: وانا هاعوز منه ايه يعني
الكل سكت بس لين كانت عاوزه تعرف رامي جي ليه كانت حاسة ان هم مخبيين عنها حاجه
لين بقلق : هي نناه وكلهم بخير يا بابي
فؤاد بابتسامه : ايوه ياحبيبتي كلهم بخير وبيسلموا عليكي
لين باستغراب : امل رامي كان جيه ليه
فؤاد : كان عنده انترفيو في مستشفى في دبي فعدي علينا يسلم ويطمن ورح علي هناك ورجع من هناك علي مصر علي طول
سيلا بتنفد الخطة اللي اتفقوا عليها : صحيح يا بابي انت وعدتني تأخذني دبي وبقالي شهرين هنا اهو ومرحناش واحمد قرب يجي وياخدني ونرجع مصر
فؤاد : خالص اخر الاسبوع اجهزوا هنروح كلنا نغير ونتفسح ونغير جو
لين بضيق : انا مش هاروح متعملوش حسابي معاكم
وتقوم وتسيبهم وتدخل اوضتها فيدخلوا كلهم ورها
سيلا : متبقيش رخمه يا لين هم كام يوم وهنرجع
لين: روحوا انتم انا هفضل هنا
مني بتقعد جمبها : ما انتي لو فضلتي هنا انا كمان هفضل معاكي وانا عاوزه اغير جو
لين بضيق : يمامي روحي معاهم... متقلقيش عليا هو انا صغيره... وبعدين انا مش هكون لوحدي هفضل مع امير
امير بابتسامه : ومين قالك اني هقعد هنا... دي دبي يا ماما يعني رجلي قبل رجلكم
لين باستغراب : انت هتسيب الشغل وتطلع فسحه... دا من امتى
امير بتصنع الدهشة : ايه دا هو انتي متعرفيش اخر قرار انا اخدته
لين : لا
امير بابتسامه : مش انا قررت انحرف عقبال عندك
لين بضيق : اممممم طيب انا مش عاوزه اروح ومش حبه اخرج و اعمل شوبنج والكلام اللي سيلا عاوزه تعمله انا هاقعد هنا لوحدي
فؤاد بهدوء : طيب تعالي وافضلي في اللي اوتيل انا هحجز في مكان جديد لسه فاتح حلو اوي و الكل بيشكر فيه مش هتحسي انك في اوتيل هو فيلا كبيره معموله وسط ارض وسعه وفيها مزرعة خيل وحمامات سباحه وكل جناح منعزل عن التاني و هاديه جدا وهيعجبك ومافيش حد هيضيق هناك
لين عجبها الكلام وتبص لسيلا : بس مش هخرج اعمل شوبنج انا بقول اهو يا سيلا
سيلا بغيط : احسن انتي اصلا زؤقك مابيعجبنيش
واتفقه الكل علي السفر يوم الاربعاء وطبعا كلهم رحو معاها عشان لين تصدق انهم رايحين رحله زي ما فهموها
#بقلم_ولاءيحيي
💖💖💖💖💖💖💖💖💖💖💖💖💖
ونروح مصر وفي بيت الجدة
فريد. : يا ولاد دي امك لازم تسأله عليها
سميه بحزن : يا عمي مش قادرين اللي عملته صعب ننساه دي لين كانت هتموت وبنتها ماتت وهو رامي بيقول لسه تعبانة وكله بسببها هي
فريد : يا بنتي دا مكتوب انا مش بقول انها مغلطتش بس لازم احنا مانعملش زيها دي امكم و ربنا هيسألكم عنها ( ويبص لفايز) ساكت ليه يا فايز ما تقول حاجه
فايز بضيق : قولتلهم يا فريد كتير وكلمتهم والناتجة قدامك اهو البنات رافضه وسالم زعل مني وساب البيت وقعد في شقه امير في القاهرة ومش عاوز يرجع
سها بضيق : انا مش عارفه يا بابا حضرتك قادر ازاي تسمحها بعد كل العملته فيك وفينا وبتطلب مننا نسال عنها وننسي كل العملته ازاي بس
فايز : انا ممسحتهاش يا بنتي بس مقدرش ااقسي قلوبك عليها دي امكم وانا مارتبتكمش علي كده مهمة عملة واجب انك تسالوا عليها
سميه بحزن : ربنا يسهل لما قلوبنا تصفي هنبقي هنروحلها
فاروق داخل وهو مضايق ومخنوق وغضبان ويستغفر ربنا
الجدة : مالك يا فاروق
فاروق بغضب : الست العقربة ام سليم قعده علي الكرسي المتحرك بتعها قدام البيت عندنا وعمله تعيط
الجدة بضيق :ودي عاوزه ايه تاني مننا
فاروق: قال عاوزه لين وبتسأل عنها
الجده بضيق : ودي عاوزه منها ايه تاني مش كفاية العملته فيها... والله انا كل صلي ادعي وتحسبنا عليها
فاروق بضيق : انا عارفه اهي قعده ولما قولتها امشي فضلت تعيط وتقولي هات لين نادي لين وجت بنتها شددتها بالعافيه تقريبا خرجت من ورها
وفي بيت سليم
مروه بزعيق : ارحميني بقي انا نوم وبمنمش وطول النهار مواقفيني علي رجلي مش بتبطلي طلبات والا عياط وصريخ كان ناقصني اخرج اجيبك من الشارع كمان
عايده بدموع وكلم متقطع : عاوزه سليم سرقوا مني سليم
مروه بضيق : سليم سليم طول اليوم سليم ايه سبيه بقي كفاية العملته فيه وفينا سبيهم يشوفه حياتهم والا انتي عاوزهم تضيعي مستقبلهم هم كمان ويعقده جمبك زاي
عايده بعياط وكلام متقطع : انا مش بحبك امشي هاتي سليم انا عاوزه سليم
مروه بغضب : والا انا بحبك انا بحاول اكفر عن ذنوبي العملته في لين عشان ربنا يغفر ليا... انا عارفه ان انتي عذاب ربنا ليا علي الارض
وتسيبها وتدخل تنام بعد ما قفلت الباب بالمفتاح وعايدهث فضلت تعيط وتصرخ زي المجانين وتنادي علي سليم
#بقلم_ولاءيحيي
💖💖💖💖💖💖💖💖💖💖💖💖💖
وفي ابو ظبي
شروق بحزن : مش عارفه اعمل ايه يا امجد قلقانه عليه اوي طول اليوم ييقضيه بره البيت ولما بيرجع بيطلع على شقته ويقفل علي نفسه مابيتكلمش ولا بياكل
امجد : سبيه يا شروق الشغل هو اللي هيساعده ينسي
شروق بدموع : مش هاينسي يا امجد سليم بيرجع يفضل ماسك صورتها وينام وهو حاضن هدومه
امجد : انتي متعرفيش عنها حاجه
شروق بحزن : لا من وقت ما غيرت ارقمها مش عارفه اوصلها ما انت عارف انا معرفتش الحصل غير لما نزلت وكل ايميلاتها اتقفلت ومكسوفه اكلم حد من بنات عمها و اسال عليها
امجد : استني لما يمر شويه وقت تكون النفوس هديت شويه ومتقلقيش علي سليم اهو علي الاقل بيشتغل وشاغل نفسه في الشغل
شروق : طيب ومروه اعمل معاها ايه كل ماغ اكلمها تفضل بتعيط.... ماما معذبها مش بتريح والا بتخليها تنام... بتقولك طول الوقت بتعيط وتصرخ وتنادي علي سليم
امجد : انا بفكر نجيب لها ممرضه تخدمها وتساعد مروه شويه
شروق بابتسامه : والله فكره (وتبص لأمجد) انا اسفه يا حبيبي زهقتك بمشكلنا
امجد يضمها بحب : طيب بزمتك في زهق اجمل من كده انتي في حضني وبنتكلم ونحل مشكلنا سوأ
شروق تضمه بابتسامه : ربنا يخليك ليا.... انت ربنا بعتك علشان تعوضني عن كل حاجه عيشتها انا بحبك اوي يا أمجد
امجد يبوس راسها : انا كمان بحبك اوي يا قلبي... ربنا يخليكي ليا
#بقلم_ولاءيحيي
💖💖💖💖💖💖💖💖💖💖💖💖💖
ويوم الاربعاء سافر فؤاد وعيلته دبي ووصلوا المنتجع بتاع اسلام .... لين دخلت وهي مستغربه المكان فهو مش زي الفندق اللي في دبي مش زحمه هو هادي... رغم جماله وتميزه ووصلت جناحها و دخل معاها فواد وامير.... ومني وسيلا ماقدروش يدخله كانوا متأثرين وخايفين من رد فعلها لما يسبها ويمشوا ففضلوا في الريسبشن
فواد بيبص للين بحزن وخوف وهي بتبص علي الحديقة ومزرعة الخيل من جناحها
فؤاد بقلق : هااااا يا حبيبتي عجبك المكان
لين باستغراب : جميل بس غريب اوي مش حسه انه اوتيل
اسلام يدخل عليهم في الوقت دا ويسمع لين
اسلام بابتسامه : عشان هو مش اوتيل
لين تلف وتبص ليه باستغراب : انت مين وازاي تدخل جناح حد كده من غير استأذن
اسلام بابتسامه وبرود : انا اسلام صاحب المنتجع دا
لين بغضب : وهو دا يديك الحق انك تدخل الجناح بشكل دا ( وتبص لفؤاد بغضب) يلا يا بابي نمشي من هنا شكله مكان مش كويس
اسلام بابتسامه : طيب متزعليش انا اسف بس حبيت اجي اتعرف عليكي واعرفك بنفسي
لين بضيق : وتعرفني بيك والا تتعرف بيا ليه.. دا انت انسان برد ومستفز... يلا يا بابي يلا يا امير انتم واقفين ليه
امير بحزن : اهدي يا لين عشان نقدر نفهمك
لين باستغراب : تفهمني ايه
فؤاد اخذها وقعدوا: حبيبتي دا يبقى الدكتور اسلام ودا المنتجع بتاعه
لين باستغراب : دكتور اسلام طيب وانا مالي جايبني هنا ليه وفين مامي وسيلا بابي انا عاوزه امشي من هنا
فؤاد بدموع جوه عنيه : حبيبتي انتي نفسيتك تعبانة ومحتاجه تهدي وتكلمي مع حد متخصص وعشان كده جيبتك منتجع دكتور اسلام
لين انصدمت و قامت وقفت بغضب : اه دي مستشفى نفس بقي ( وتبص ليهم بغضب) هو انتم شيفني اتجننت
امير يقرب منها : لا يا لين... احنا بس خايفين عليكي يا حبيبتي اللي مريتي بيه كتير وانتي رفضه تكلمي معنا
لين بتريقه : فجيبني اتكلم مع واحد غريب صح ( وتقف بتصميم) انا عاوزه امشي من هنا حالا
اسلام بتحدي : دا انتي خايفه مني بقي ماقلوش ليا انك خوافه عملينث يقوله عنديه وراسها ناشف بس قالوش انك خوفاه
لين تبصله باستهزاء : اسلوب انك تضايقني وتتحدني بكلام عشان اضايق وتحدك وقعد عشان اثبتلك اني مش بخاف قديم اوي يا دكتور واضح انك مش شاطر في مجالك و محتاج تذاكر اكتر
اسلام يضحك اوي ويبصلها بأعجاب : واضح انك اذكي مما قالوا عنك
لين بضيق :انا عاوزه امشي من هنا يا بابي
فؤاد يقرب منها بحب : ولو قولتلك عشان خاطري خليكي هنا فتره.... ولو مرتحتيش اتصلي بيا وانا هاجي اخدك علي طول
لين بضيق : هو ليه حضرتك فاكر اني ممكن اتكلم مع حد غريب ماعرفش... وبعدين هتكلم معاه في ايه انا كويسه
فؤاد بحزن يحضن وشها بأيده :يا ليني اعتبريها مكان لرحه هو مش انتي زهقانا من سيلا والواد امير وبتحبي تقعدي لوحدك َ... هنا هتبقي لوحدك برحتك ولو ضايقت او حد ازعجك كلميني او تعالي انتي لوحدك
لين : يعني ماحدش هيمنعني لو عاوزه اخرج من هنا
اسلام بابتسامه : لا طبعا انتي هنا حره تخرج وتروحي وتيجي وقت ما تحبي دا منتجع لراحه النفسية.... الباب مفتوح طول الوقت واظن شوفتي كده وانتي دخله
لين توجه الكلام لفؤاد باعتبار اسلام مش موجود : اوكي يا بابي بس اطلب منهم ماحدش يضايقني والا يفرض نفسه عليا.... واي حد هيتعدى حدوده ويحاول يعمل فيها دكتور هرجع الكويت علي طول
اسلام ابتسم لكلامها اللي وجهته ليه بطريقه غير مباشره
اسلام : تمام يا بشمهندس فؤاد واحنا نوعدك ماحدش هيفرض نفسه والا يتعدى حدوده و يعمل فيها دكتور علي بنت حضرتك
يخرج اسلام ويسبهم..... ولين تبص عليه وهو خارج بضيق
لين بغيظ : بني ادم مستفز وغلس
امير يضحك اوي و يحضنهم : عاوز لما اجي اخدك من هنا الاقيكي طفشتيهم كلهم.... والقي اسلام اعتزل الطب.... ونشتري انا وانتي المنتجع دا ونشغله لحسابنا... َاحسن عجبني اوي المكان دا
لين بابتسامه : هو فعلا مكان جميل ومريح للأعصاب.... اعمل دراسة جدوي ليه وانا هأشاركك فيه
فواد ارتاح لهدوء لين وتقبلها انها تفضل سلموا عليها
وهي رحت لسيلا ومني الليغكانوا قلقانين بس انبسطوا لما شافها هاديه وبتبتسم ومشيوا وسبها وهم خايفين وبيدعوا ربنا ترجع لهم بطبيعتها الهادية والرقيقة
بقلم_ولاءيحيي
💖💖💖💖💖💖💖💖💖💖💖💖💖
تفتكروا اسلام هيقدر يخلي لين تكلم معه
التعليقات على الموضوع