بناتي حياتي 🌸الحلقه 20🌸

رواية💖 بناتي حياتي💖
بقلم_ولاءيحيي
                       الحلقه العشرين

في المستشفى عند عايده الدكتور بلغ شروق ومروه
ان عايده جالها جلطه في المخ وسببت ليها شلل مروه وشروق خده الصدمة من سكات شروق جوها حزن وعينها دمعت بس كان من جوها عارفه ان دا انتقام ربنا من الظلم اللي عيشة للين ومروه مش عارفه هي حسه بايه والصدمة  دي حزن عليها والا خوف علي نفسها من مصيرها الجي

فؤاد سمع خبر الوفاة بنت لين قعد علي الكرسي وسليم وقف مصدوم ودموعه نزله فهو خسر بنته من قبل   ما يكتب لها شهاده ميلاد.. خسر الامل الوحيد اللي كان ممكن يربطه بلين.. حس ان كل شي ضاع منه وحياته انتهت في اللحظة دي

يحيي بحزن : الحمد الله  يا فؤاد البنت لو كانت عاشت كانت هتعيش بأمراض كتير ربنا رحمها ورحم لين انها تشوف بنتها قدامها بتتالم وان شاء الله ربنا يعوضها خير
فؤاد بدموع مكتومه : الحمد الله علي كل حال بس هقول ايه للين انتي مش هتقدري تجيبي اطفال تاني وبنتك ماتت ازاي هتستحمل كل دا يا يحيي

يحيي بحزن :  لين هتحتاج علاج نفسي يا فؤاد لازم تقعد مع دكتور نفسي اللي عرفته عن حياة لين واللي مرة بيه الفترة الفاتت... مش هيمر عليها بسهوله  لازم تكونوا جمبها ولازم حد متخصص تكلم معاه عشان يقدر يساعدها... تعدي المرحلة دي لأنها مش هتقدر تعديها لوحدها.... وبعدين مين قال انها مش هتجيب ولاد هو  صعب وحالتها هتحتاج علاج لوقت طويل بس الطب كل يوم بيتقدم ولين احتمال انها تجيب اولاد  موجود وربنا قادر علي كل شي خلي عندك ثقه في ربنا... المهم دلوقتي  لين لازم تروح لدكتور نفسي وانت تفضل جمبها وتقويها
فؤاد : حاضر... انا ماعنديش اغلي من بناتي يا يحيي حياتي ملهاش اي طعم او معني ووحده فيهم مكسور او حزين وانا هفضل مع لين لحد ما ترجع زي الاول واحسن
يحيي بابتسامه : ربنا يخليك ليهم يا فؤاد ويقويك وتعدو الفترة دي بسلام (ويبص لسليم) بشمهندس سليم محتاج حضرتك تخلص الأجراء وتأخذ البنت عشان ( ويسكت لما لقي سليم في حاله انهيار)
فؤاد بص لسليم اللي قعد علي الارض صعب عليه وحس قد ايه هو ندمان وحس بغلطته... وموت بنته كسره... وكسر اي امل جوه فبص لفاروق الوقف ساكت وصعبان عليه سليم
فاروق قرب من سليم وحط ايده علي كتفه

فاروق :قوم يا سليم علشان نخلص الاجراءات ( سليم بص ليه بدموع) انا هاجي معك يا سليم مش هسيبك
سليم بدموع وحزن وانكسار : مش هقدر يا فاروق مش عارف اتحرك
فاروق حسه بألمه فطبطب علي كتفه بحزن : انا هروح اخلص الإجراءات.... شد حيلك يا سليم
#💖💖💖💖💖💖💖💖💖💖💖💖
وفي اوضة لين.... لين لقيت الكل بيهرب بعيونه منها ومامتها خرجت من الاوضه وسيلا قاعده بعيد عنها وكل شويه تمسح دموعها...وايمان ابتسامتها الجميلة اختفت ونظرتها كلها حزن.... وامير بصص من الشباك ومديها ظهره ورامي ساكت وقاعد بعيد مش بيتكلم  والا بيحاول يضحكها.... وجدتها قاعده تقرا تقران علي راسها..... لين حست ان بنتها راحت بس كان نفسها حد يكدب احساسها
لين بخوف : هو بابي فين
الجدة بدموع بدريها : بره عاوزه حاجه يا حبيبتي
لين بدموع محبوسه : عاوزه بابا... و لو سمحتم عاوزه نكون لوحدينا
الكل بص ليها وشاف دموعها اللي جوه عيونها بس مبتنزلش.....خرجه وسأبوها ...فغمض عينها  تمنع دموعها  تنزل دخل فؤاد  وقرب منها قعد جمبها... لين بصت لعينه وشافت اللي كانت عاوزه تعرفه

لين بدموعها محبوسه جوه عيونها : كان نفسي اشوفها واخدها في حضني مره واحده بس
فؤاد قرب منها وحضنها بدموع : ياحبيبتي هي عند ربنا ملاك... فتحت ليكي  باب للجنه... ربنا رحيم يا لين محبش يعذبك والا يعذبها
لين بدموع نزله من غير صوت : كنت محتاجه استقوي بيها علي الدنيا احس اني مخسرتش كل حاجه و ان فيه حاجه حلوه وسط كل العيشة فضلت

فواد يمسكها من كتفها ويبص لعينها بتصميم : استقوي بينا.... بعيلتك اللي  واقفه كلها معاكي وجمبك.... كل اللي واقفين بره الاوضه و مروحش بيته والا ارتاحوا وانتي تعبانة.... انتي لازم تفوقي بسرعه..... الدنيا لسه قدامك والفات بقي وراكي... لين انا ومامي وكل العيلة منستهلش منك انك تعيش مكسورة او ضعيفة.... احنا طول حياتنا ما دورناش  غير علي سعادتك... اوعي تكسرينا فيكي يا لين انا ومني ملناش غيرك انتي واختك ... لو انتم كنتم محتاجنا زمان... فاحنا  محتاجينكم دلوقتي... انتي لازم تفوق وتقومي وترجعي اقوي من الاول... وتحققي حلمك وحلمنا كلنا... سمعاني يالين انتي هترجعي لحياتك ودنيتك ودراستك وشغلك وتحقق كل اللي كنا بنحلم بيه.... انا مش هقبل منك غير كده لو بتحبيني هترجعي لين بنتي.. وتنفذي وعدك ليا

لين بصت ليه ومسحت دموعها : هقوم يا بابي طول ما انتم معايا وجنبي هرجع.... وهقف علي رجلي واحقق حلمكم  (وتحضنه وتكمل كلامها) بس ليه طالبين اوعدني تنفذهم
فؤاد بابتسامه  : كل الانتي عاوزه هعمله ليكي
لين بقوه : انا عارفه انكم كنتم راجعين مصر بس انا مش هقدر اعيش هنا دلوقتي محتاجه وقت افوق فيه عاوزه ارجع الكويت تاني
فؤاد: حاضر هنرجع الكويت بس مؤقتا.. وهنرجع هنا تاتي مع العيلة ووسطهم

لين هزت راسه بموافقه : الطلب التاني عاوزه اكلم سليم لوحدنا
فؤاد بص لها باستغرب  بس وافق..  بس وهو خرج بص ليها
فؤاد بحزن : لين سليم ندمان ومكسور... خليكي رحيمه ... واوعي تخسري بريئتك وطبتك عشان تنتقمي أو تألمي حد
لين ابتسمت:حاضر يا بابي

فؤاد خرج لسليم وقاله أن لين عاوزه تكلم معه سليم خاف بس دخل لها هو عارف  عاوزه ايه بس قرر يدافع عن حبه لأخر وقت..... سليم دخل لقي لين قعده علي السرير وبصه لا يدها فقعد جمبها علي الكرسي
لين بحزن : انا عارفه انك مستغرب... وبتسال نفسك انا عاوزك ليه
سليم بندم : قبل ما تقولي اي حاجه يا لين اسمعيني انا عارف اني جرحتك كتير وظلمتك واني مستهلش انك تسامحني بس والله ما حد حبك قدي.... انا يمكن غبي ومعرفتش احافظ عليكي والا على حبنا بس  دا من غيرتي وخوفي عليكي... هم اللي  لعبوا بينا وعمله مؤامرة لتفرقنا... انا عرفت كل حاجه بس متأخر انا بحبك يا لين واكتر من الاول انا مستعد اروح معاكي اي مكان.... بعيد مش هنقعد هنا انا هتغير هغير كل حاجه بس نكون سوأ
لين بصت ليه بدموع : سليم المشكلة ماكنتش في اللي حاولينا و والا في المؤامرة اللي عملها المشكل  فيك انت...... انت اللي  ضعيف ماعندكش ثقه في نفسك.... ضعيف لدرجه انك بقيت لعبه بيلعبوا بيك وبعلاقتنا.... ضعيف لدرجه انك تتنزل وتستلم من اول فشل او غلطه انت محاولتش تصلح غلطك فضلت مستسلم ومستني انه يتصلح لوحده.... كنت واثق في حبي ليك وعارف اني مش هعرف ابعد عنك ومش هقدر اسيب البيت والا سيبك.... لأنك كنت عارف انا بحبك قد ايه .....كل مره كانت تحصل مشكله بينا.... كنت بفضل قاعده وسكته وما اشتكيش لحد من اهلي... كنت  لما ازعل  اقعد شويه في المرسم وبعدين اخرج نتكلم ونتفاهم
انت افتكرت ان دا ضعف مني.. و ان مهم تعمل ومهم تغلط في حقي هزعل شويه بس هفضل في بيتك كنت واثق في حبي ليك... بس مافكرتش ان انا كمان محتاجه اثق في حبك ليا.... ان انا ليه طاقه ومحتاجه  احس انك متمسك بيا وبعلاقتنا وبتحافظ عليها..... انا لما مشيت استنتك تيجي فضلت خمس شهور مستنيا انك تيجي تقولي  كفاية بعد  وارجعي حبنا هيضيع وبتنا بيتخرب.... لكن لا انت مابتتنزلش لأنك متعودتش انك تتنزل عن حاجه ( وتعيط من غير صوت بس بألم) حتي البنت اللي كانت هتربطني بيك... ربنا اختارها ملاك عنده عشان ما تبقاش هي الحجه اللي تاخده عشان نرجع لبعض ( وتتنهد وتكلم بهدوء) سليم انا مطلبتش اكلمك عشان نتعاتب... لان اللي جوية أكبر بكتير من اني اطلعه بكلام في قاعده ولا في يوم انا جويه جرح وشرخ منك كبير اوي.. انا محتاجه انسي محتاجه ابعد عنك فلو ليه مكانه عندك... ولسه ليا حب جوك.... طلقني يا سليم
سليم بدموع ورجاء: لين ارجوكي
لين بدموع مكتومه : انا اللي برجوك يا سليم سيبني ارجع لحياتي سيبني انسي جرحك انسي وجع قلبي منك ووجع قلبي علي بنتي اللي ما لحقتش اشوفها والا المسها
سليم بدموع :لين انا ممكن اسيبك فتره وسافري مع عمي انا موافق... مش هعترض بس سافري وانتي مراتي.... ارتاحي شويه وترجعي ليا ونبداء حياتنا من الاول نبدأ بعيد عن هنا لوحدينا
لين بحزن : سيبلي الاختيار يا سليم... سيبني اختار بنفسي  ارجعلك او اكمل لوحدي بعيد عنك... سيبني احس اني حره في الاختيار.. مش  ارجع وانا مجبره عشان لسه مراتك سيبني اختار هكمل حياتي ازاي

سليم بدموع : مش هقدر يا لين ارجوكي اديني فرصه... اخر فرصه والله هتغير واغير كل حاجه مزعلكي

لين :خد فرصتك يا سليم واتغير برحتك بس وانا حره ..... سيبني وعارفني انك تقدر تتغير انك قوي ومش هستسلم ... ارجع سليم اللي حبيته.... انا حبيبتك طموح قوي عاوز يوصل وينجح... ما تخسرش كل حاجه..... وسيبني انا كمان اكمل وجرب حياتي من غيرك.... و يمكن في يوم نتقابل صدفة او ارجع لعندك بنفسي.... ووقتها الجرح يكون اختفي و ويمكن ساعتها نقدر نرجع ونكمل مع بعض.... ارجوك يا سليم زي ما مكان جوزنا بتفهم والاتفاق بينا... خلي بعدنا بتفهم والاتفاق
سليم بدموع : يعني لما ارجع ليك في يوم وانا قوي ومغير حياتي هترجعي
لين تتنهد بدموع : ماقدرش اوعدك.... سيبها لمشاعرنا وقتها يا سليم سيبني اختار وانا قوية مش وانا ضعيفة زي دلوقتي..... سيبني اختارك بنفسي زي ما اخترتك زمان.... اديني حريتي عشان ارجع لنفسي واقدر اخد قرار

سليم قرب منها ووشه كله دموع ولين بصه لعيونه  راح بيسها بوسه طويله جدا.... وحط راسه علي راسها
سليم بدموع نزله علي وشه : هعمل اللي انتي عاوزه عشان ترجعي لين حبيبتي... وانا ارجع سليم و اقدر اكسب ثقتك وحبك  تاني.... هحارب عشان ترجعي ليا ونبداء حياتنا من جديد.... بس وقتها هكون انسان يستهلك واعرف احافظ عليكي
( ويقف ويبص لها بحزن) خالي بالك من نفسك يا اجمل حاجه في دنيتي..... خليكي فاكره اني بحبك وهفضل طول عمري  احبك وهرجع لك

خرج سليم وسيب لين..... اول ما خرج لين انهارت وعيطت بصوت وحرقه... دخلت سيلا تجري خدتيها في حضنها
سيلا بدموع وهي حضنها : هيمر يا لين كل الالم دا هيعدي ويروح وهيبقي ماضي هتنس يا حبيبتي واحنا معاكي كلنا معاكي مش هنسيبك
#بقلم_ولاءيحيي
💖💖💖💖💖💖💖💖💖💖💖💖💖
راح سليم وفؤاد وامير خلصوه أجراءت الطلاق  ومشيوا كل منهم في طريق
رجع سليم البيت.... ويدخل وهو مكسور وتعبان وكانت شروق في البيت بتجهز حاجات لعايده
هتاخده المستشفى.... عرف سليم منها الليع حصل ل عايده.... وانها محجوز في المستشفى وجلها جلطه وتسببت في شلل وهتقعد علي كرسي...انصدم سليم ويروح مع شروق المستشفى ودخل الاوضة لعايده اللي اول ما شافته فضلت تعيط بس مش عارفه تكلم ولا تنطق
سليم يقرب منها بدموع : بنتي ماتت... وطلقت لين زي ما كنتي عاوزه.... ياريت كده تكوني رضيتي  عملت اللي كنتي عاوزه.... بس انا مش هقدر اقعد في مصر انا هسافر.... هبدا حياتي في مكان تاني بعيد عنك وعن ذكرياتي ( ويبتسم بحزن)
عارفه اخواتي كانوا بيحسدوني علي حبك ليه  مايعرفوش ان الحب دا انا دفعت تمنه وانك حلميتين مسؤوليته حبك.... كان ممنوع اني ابعد عنك ممنوع أرفض ليكي طلب ممنوع اعيش سني ممنوع يكون ليه اصحاب اخرج واسافر معاهم... ممنوع ابعد عنك كان كل المسموح ليا اني افضل معاكي في حضنك ماحبش غيرك...... و لما حبيت ماكنش من حقي فضلتي تحاربي لحد ما بعدتيها عني.... انا مسامحك لأنك امي.... بس اسف لاني مش هقدر أفضل جنبك لازم ابعد وسيبك عشان اعرف اعيش... وابقى راجل ويبقى عندي احترام لنفسي.... مبقاش زي ما الناس بتقول ابن امي اللي بتتحكم فيا..... ويقوم ويسيبها ويخرج.... وهي بتبكي ومش قادره  تتطلع صوت وتنادي عليه
#بقلم_ولاءيحيي
💖💖💖💖💖💖💖💖💖💖💖💖💖
فؤاد جهز لسافرهم ولين خرجت من المستشفى علي المطار... وطول الطريق من المنصورة للمطار.... وهي بتبص من الشباك وبيمر قدامها كل السنين والاحداث العيشتها...  رامي كان سايق العربيه  وعينه عليها

وفي نفس اليوم عايده خرجت من المستشفى ورجعت بيتها.. وكان سليم حجز وسافر مع شروق لابو ظبي...  و سابوا عايده  مع مروه تتحمل مسؤوليتها

سلوي عيشه في بيت اخوها وماحدش من ولادها بيسأل عليها.... ومرات اخوها بتعاملها زي ما كانت عايده كانت بتعامل لين.... وكل شويه تطردها ومشغلها خدمه عندها.... واخوها مش قادر يدافع عنها ولا يتكلم

في المطار  لين أتفاجأت ان امير وسيلا مسافرين معها
لين : ليه يا سيلا خليكي مع احمد وانت يا امير هتسيب الشركة  لمين
سيلا بابتسامه : احمد مسافر تدريب بره تلات شهور وهيرجع يا خدني انا ويوسف من الكويت يعني هفضل علي قلبك تلات شهور انا ويويو

لين تبوس يوسف  :ممكن يويو يجي معايا بس انتي لا روحي مع احمد
احمد بضحك : ليه كده يا لين دا انا حتي ابن خالتك خليني اخد اجازه من تعذبها فيه بقالي 6 سنين في عذاب مستخسره فيه تلات شهور راحه

ويضحكوا كلهم بس لين تكتفي بابتسامه
لين : وانت يا امير هتسايب الشركة و انكل فايز هو محتاجك جمبه دلوقتي
امير : الشركة سالم مسكها و بقي احسن مني في الشغل وانا هتابعوا من هناك...... وعمك فايز بقي من بعد ما طلق سلوي  عايش اجمل ايام حياته و نناه حلفت تجوزه فسيبه يدلع بقي
سيلا بضحك : الرجل اتعذب بصراحه هو حد كان يتجوز اخوه (الكل يضحك)
لين تبص لرامي : انا مش عارفه  اشكرك ازاي علي كل اللي عملته عشاني ( امير يشاور ل سيلا واحمد ويسبوهم لوحدهم)
رامي يبصلها بحب : توعديني انك تخالي بالك من نفسك وترجعي بسرعه وتكون  ضحكتك والفرحة رجعوا لعينكي.... هستناكي يا لين والمرة دي هستناكي مش كابنت عمي هستناكي حبيبتي وشريكه حياتي
لين بابتسامه وألم : رامي انا ماقدرش اظلمك انا عمري ما كنت انانيه... فيوم ما اكون انانيه مش هكون  معك.... عيش حياتك يا رامي ودور علي بنوته جميله تستهلك وكمل معاها حياتك وبني  بيت واسره وجيب احفاد لعمي فريد وحققه حلمه
رامي بابتسامه : ولو قولتلك اني عاوزك انانيه معايا انا مش عاوز غيرك انتي تكون شريكه لحياتي ( ويبصلها ويبتسم بحب) قولتلك مره لو حسيت ان في امل ولو بسيط انك تحبيني وتبقي ليا هستناكي حتى لو هستناكي عمري كله  وانا النهارده شايف وحاسس بالامل دا في عنيكي
لين بابتسامه  : عيني انا ازاي بقي
رامي : ايوه عشان اول مره تكسفي مني كل مره بتكلمي وانا اخوكي النهارده وشك احمر ومكسوفه
لين ابتسمت وبصت في الارض
رامي بضحك : اهو اهو الامل شوفتي يابركة دعاكي يا سناء
لين ابتسمت : متحطش امل كبير مقدرش اوعدك
رامي : طول ما الامل موجود هفضل وره لما يكبر هستناكي يا لين... هستناكي ترجعي.... وهاكلمك كل يوم دا مش طلب علي فكره دا انا بديكي خبر  ولو مرديتش هتلقيني قدامك هم ساعتين وابقي عندك

لين بابتسامه : لا وعلي ايه الطيب احسن هرد عليك خالي بالك من نفسك يا رامي

رامي بحب : يبقي خالي بالك من لين  ورجعيها ليا بسرعة عشان ابقي  كويس

وتسافر لين مع اهلها  وفي نفس الوقت سافر سليم مع شروق تفتكره لين هتنجح وهتقدر ترجع لحياتها

بقلم_ولاءيحيي
💖💖💖💖💖💖💖💖💖💖💖💖💖