بناتي حياتي 🌸الحلقه 19🌸
رواية💖 بناتي حياتي💖
بقلم_ولاءيحيي
الحلقه التاسعه عشر
الكل يجري علي دكتور يحيي
فؤاد : طمني يا يحيي
يحيي بابتسامه : الحمد الله قدرنا نوقف النزيف وهي هتدخل العناية المركزة لان حالتها لسه خطر بس ان شاء الله هتكون بخير
الكل بدأ يرتاح شويه ويدعى يكمل شفها علي خير
يحيي : تعال معايا يا فؤاد عاوزك شويه
ويروح فؤاد ورامي وفريد ويروح ورهم سليم يدخل سليم معهم بس يوقف بعيد يسمع ويطمن علي لين
يحيي: انا حاولت علي قد ما اقدر انقذ حياة لين لأنها الاهم
فريد : طبعا حياتها اهم من اي حاجه
فؤاد بحزن : انت شلت الرحم
يحيي:انا شيلت المبيض اليمين وجزء من المبيض الشمال ولم اللي نزيف وقف مشلتش الرحم بس الاضرار اللي حصلت ممكن تمنع لين من الحمل مره تانية
فريد : لا حول ولا قوه لا بالله الحمد الله علي كل حال المهم لين بخير يا فؤاد
فؤاد يبتسم لا خوه ويبص ليحيي: البيبي حالته ايه
يحيي بحزن : بنتها نزله قبل ميعاده ضعيفة وحالتها صعب وعندها مشاكل في الرئة و القلب هي في الحاضنة دلوقتي بس الحالة صعب جدا بس كله بأيد ربنا
فؤاد بحزن: الحمد الله علي كل حال انا متشكر جدا يا يحيي
يحيي: متشكر علي ايه يا فؤاد دا واجبي.. لين بنتي ان شاء الله هتعدي مرحله الخطر وتفوق وتبقي يخير وانا هفضل هنا لحد ما اطمن عليها
يخرجوا من عند الدكتور ويروح فواد وفريد يطمئنوا علي مني ويطمئنها علي لين رامي فضل قاعد في العناية جمب لين و سليم كان قعد قدام العناية.. وهو بيعيط وبيدعي ربنا
شروق بقلق : ايه يا سليم الدكتور قالكم حاجه
سليم بدموع : قال انها لسه في خطر
شروق: ان شاء الله هتبقي بخير طيب والبيبي حصل ايه
سليم : حالتها خطيره جدا
شروق بحزن : ربنا قادر ينجيهم هم الاتنين يا سليم
سليم وهو بيعيط : انا نفسي البنت تعيش بس عشان خاطر لين عشان ابقي سيبتلها حاجه حلوه تفتكرني بيها انا مش عاوزها تكرهني يا شروق
شروق تحضنه بدموع : كل حاجه هتبقي كويسه يا سليم ان شاء الله وربنا يصلح بينك
سليم بعياط شديد : انا مستهلش لين يا شروق... لين انقي واجمل من انها تعيش معايا بس والله انا بحبها اوي بحبها اكتر من نفسي هي ممكن تسامحني يا شروق ونبي خليها تسامحني انا والله تغيرت وهاخده ونبعد عن هنا بس خليها تسامحني.... هي بتحبك خليها تسامحني يا شروق قوليلها تسامحني ارجوكي يا شروق
سليم كان بيتكلم وهو منهار وبيعيط وسمعوا فاروق وفؤاد اللي كانوا جاين يطمنه علي لين ووقفوا بعيد وجوهم حزينه علي الحال اللي وصلوا ليها
#بقلم_ولاءيحيي
💖💖💖💖💖💖💖💖💖💖💖💖💖ترجع شررق البيت تلقي عايدة قاعده لوحدها
شروق بحزن :سلام عليكم
عايده بضيق :اهلا ياختي... اخدتي اخوكي ورحتي اطمنتوا علي ست الحسن
شروق بضيق في سرها : استغفر الله العظيم الصبر يا رب
عايده بغضب : ما تنطقي يا بت
شروق بغضب : ايوه روحنا واطمني عليها
عايده بغضب : وحصل ايه... واخوكي مجاش معاكي ليه
شروق مرديتش تقولها حاجه عشان متفرحش في لين : معرفش ومتساليش عن حاجه
وتقوم عشان تمشي.... تلقي مروه دخله البيت بتجري وهي بتعيط
عايده بغضب : انتي ايه رجعك تاني يا بت انت... انا مش قولتلك ماشفش وشك هنا تاني
مروه تدخل اوضتها وهي بتعيط ومتردش عليها
شروق بغضب : انتي ايه اللي بتقوليه دا يا ماما... يعني ايه متجيش هنا تاني هتروح فين... وبعدين دا بيت ابونا
عايده بغضب :ابوكي.. لا يا روح امك دا بيتي... ومش عاوزها اشوف حد فيكم فيه يلا غور من هنا تروح... و خديها في ايدك بتروح تجوز الواد الصايع بتعها وتبعد عني
شروق تبص ليها بألم وحزن..
عايده : ايه يا بت بتبصي ليا كده ليه غوري انتي كمان من هنا... انتي رجعه ليه مش ليكي بيت
شروق تمشي من قدامها بس تدخل عند مروه.. تلقيها نايمه علي السرير بتعيط فتقرب منها وتعقد جمبها
شروق بحزن : مالك يا مروه انا اول مره اشوفك بتعيطي
مروه بدموع وتريقه : انتي ايه الجابك هنا وبتسالي ليه مالي... انا من امتي بهم حد فيكم.. ايه جيه تشمتي فيه
شروق بحزن :اشمتك فيكي!!!! يا مروه انتي اختي عمري ما اشمت فيك اللي يزعلك يزعلني... احنا يمكن مش قرايبين من بعض بس انتي اللي متدنيش فرصه... انا بحبك والله يا مروة رغم كل اللي كنتي بتعمليه.. بس بحبك وبخاف عليكي ونفسي اشوفك سعيدة
مروه نضحكه بحزن : انا ماحدش بيحبني ماحدش عاوزني ازاي كانت امي محبتنيش. وانا صغيرة كانت رميني على طول للخدمة تفضل تضربني وتعذبني وهي ولا تفرق معاها بتهتم بس بسليم ( وتعيط بشده) حتي الانسان الوحيد اللي حبيتوا جي النهارده يقولي امه مش موافقه عليا.. ومش عاوزني في بيتها.. وأنه ميقدرش يتجوزني من غير موافقتها.. جي يقولي انه خطب وهيتجوز العروسة اللي امه اختارتها ليه
شروق بألم وبتقول لنفسها كما تدين تدان : معلش يا مروه متزعليش واحمدي ربنا.... كده احسن انه بان علي حقيقته من قبل ما تجوزه.... بكرا ان شاء الله يجيلك نصيبك الا احسن منه واللي يقدر يسعدك ويعوضك
مروه بعيط : ماينفعش انا ضعت يا شروق ما ينفعش اتجوز حد غيره انا.. سلمته كل حاجه... خد مني كل حاجه يا شروق ماينفعش اتجوز غيره
ورحت معيطه في حضن شروق اللي انصدمت من اعتراف اختها
سلوي اتصلت علي عايده قالت لها اخبار لين وأنها ولدت وانها في العناية حالتها خطر وانها مش هتقدر تخلف تاني وان بنتها فالحضانة و حالتها خطيرة وبتموت
عايده بفرحه : من عميلها السودة شوفتي كانت عاوزه تحرمني من ابني ربنا حرمها هي من الخلفة اصل انا طيبه واللي بيجي عليه ما يكسبش ابدا
وتقفل التلفون وتروح تلبس بس وهي خرجه شروق تشوفها
شروق باستغراب : علي فين يا ماما
عايده بسعادة : رحه اطمن علي سليم واقف جمبه في موت بنته
شروق بصدمه : هي البنت ماتت
عايده : لسه بس سلوي بتقول عيانه ومش هتعيش هروح اكون جمب ابني امل اسيبه ليهم علشان يضحكوا عليه ويرجعه لبنتهم اللي مبتخلفش
شروق بغضب : انتي ايه يا شيخه حتي بنت ابنك عاوزها تموتيها... دا بدل ما تدعي ليها انت ازاي كده انتي مستحيل تكوني ام
عواطف تضربها بالقلم: ارجع البيت ملكيش هنا لأنني والا البت اللي جوه دي.. مش عاوزه اشوف وش واحده فيكم تاني
#بقلم_ولاءيحيي
💖💖💖💖💖💖💖💖💖💖💖💖💖
سليم كان قاعد قدام باب العناية متحركش عينه علي الباب مستني اي حد يخرج يطمنه علي لين وكل اللي بيروح ويرجع من اهلها يلقيه قاعد
رامي كان في العنايه قاعد جمب لين وهي نايمه وكل الأجهزة حاوليها.. ودموعه نزله
رامي بدموع : قومي بقي يا لين... قلبي مش مستحمل وجعاً عليكي اكتر من كده انا استحملت بعدك عشان كنت فاكرك مبسوطة... بس دلوقتي حاسس اني عاجز مش قادر اعملك حاجه اول مره اقف ومعرفش اتعامل مع مريض ما انتي مش مريضة انتي قلبي يا لين
الممرضة : دكتور رامي دكتور يحيي عاوزك في مكتبه
رامي يمسح دموعه : هروح له بس قعدي جمبها و خالي بالك منها كويس علي ما ارجع
رامي يخرج يلقي سليم قعد قدامه و عيونه ملينا دموع واول ما شافه بص عليه اوي بيسأل بعينه عنها رامي رح قعد جمبه
رامي بصص قدامه علي الباب العناية : اجوزتها ليه لما ماعرفتش تحميها وجرحتها... كنت سيبها ومتعذبهاش كده
سليم بحزن والم : كنت عاوز احميها من كل الناس ونسيت احميها من نفسي
رامي بحزن وضيق : وقاعد ليه هنا دلوقتي عاوزها تسمحك وترجع لك وتنسي كل الحصل اللي عملته فيها
سليم بدموع : كل العاوزه تبقي كويسه وبخير ومش عاوز غير انها تقوم بسلامه
رامي يقوم و يمشي بس سليم ينادي عليه بدموع ورجاء
سليم بدموع : رامي هي فاقت
رامي شاور براسه ب لا
سليم دموعه اكتر : ها تفوق وهتبقي كويسه مش كده هتعيش
رامي بابتسامه وحزن : ان شاء الله هتبقي كويسه
ويمشي ويسيبه وسليم رجع راسه بدموع والم وفضل يدعي
عايده دخلت المستشفى وسالت علي العناية لأنها عرفت من سلوي ان سليم قعد قدام العناية طلعت لقيت سليم قعد ومنهار وبيعيط وكان فؤاد وفاروق وفايز واقفين.... سليم اول ما شافها رح ليه
سليم بغضب: جيه ليه عاوزه ايه تاني مننا
عايده باستغراب : جيه اطمن عليك وعلي بنتك
سليم بغضب شديد وزعيق : ملكيش دعوي بيهم ابعد عنهم كفاية اللي عملته فينا ابعدي عنا امشي من هنا متجيش جمبهم تاتي
عايده بصدومة : دي حفيدتي بنت الغالي دا انت نني عنيه
سليم بزعيق : انتي ملكيش احفاد هنا... وعارفه ايه كمان ملكيش ابن... سليم ابنك مات انسيه مش انتي حرمتينا منهم.... حرمتني اكون جمبها ومعها مش انتي حلفتي عليا لو صالحتها هتسيبي البيت انا بقي اللي هسيبلك البيت هسيبلك الدنيا بحالها مش انتي حرمتيني منهم انا بقي هحرمك مني هحرمك من ابنك الغالي.... امشي من هنا ابعدي عنهم ومليكش دعوي بيهم تاني
فايز قرب ومسكه
فايز بحزن : اهدي يا سليم ماينفعش كده دي برده امك
سليم بزعيق وهو بيبص لعايده بغضب : ابنها مات يا عمي ابنها الكان بيخاف من غضب ربنا عليه لو غضبها مات... اللي وقف قدامك دا جسم بيتنفس وبس ما فيهوش روح... سليم مات ابنك مات روحي خدي عزها
عايده مشيت وهي مصدومة وبتعيط ومش مصدقه اللي سليم عمله فيها وقاله .. مش مصدقها انه ممكن يبعد عنها زي ما بيقول... روحت وهي بتعيط دخلت بيتها لقيته فاضي وبناتها مش موجودين ولقيت نفسها لوحدها ومافيش حد جنبها يمسح دموعها فضلت تلف حاولين نفسها تدور علي حد لقيت الدنيا فاضيه وبتلف بيها
#بقلم_ولاءيحيي
💖💖💖💖💖💖💖💖💖💖💖💖💖
يحيي :وانت كمان روح معاهم ارتاح هي في العناية وكل الدكاترة جنبها
رامي بحزن : لا انا هفضل جمبها هنا لحد ما تفوق
يحيي بتفهم : طيب خليهم هم يروحوا مافيش داعي لقعدتهم هنا.. وكمان علشان الدكتورة مني محتاجه ترتاح هي والحجه الكبيرة.... وقول لجوزها القعد قدام العنايه قوله ملوش لازوم قعدته وهي هتفوق بكرا ان شاء الله... ولما ننقلها لاوضة عاديه يبقى يجوا يطمنوا عليها
رامي يقف : ان شاء الله انا هروح اقولهم عن اذنك.
ويروح رامي ويقنعهم يرجعوا البيت و يجوا الصبح وطمنهم انه هيفضل معاها ويطممنهم كل شويه... وافق كلهم يروحه بعد مجهود من رامي وفريد.... معاد سليم اللي رفض يمشي
فريد بحزن : يا سليم ما فيش دعي لقعدتك بره كده كلنا هنمشي ونيجي الصبح ابقي تعال معانا
سليم بدموع : معلش ياعمي انا مش هروح هفضل هنا
فريد : طيب يابني اللي يريحك... هو انت اطمنت علي بنتك اللي في الحضانة... روحت شفتها
سليم افتكر انه بقي اب وانه مشفشف بنته ولا يعرف عنها حاجه
فهز راسه بنفي
فريد : لا يابني روح بص علي بنتك واطمن عليها
سليم بحزن ودموع ندم : ان شاء الله يا عمي
شروق ومروه بعد عايده طردتهم خدوا بعضهم وطلعوا شقة سليم عشان ينامو فيها لحد ما يروحه شقه شروق الصبح.. شروق ماجلهاش نوم وفضلت واقفه في البلكونة.. اول ما شافت أهل لين رجعوا نزلت تجري وخرجت ولحقتهم في الجنينة قبل ما يدخلوا بيت الجدة
شروق بحزن : عمي فؤاد
الكل يلف يبص ليها فتكسف وتحط وشها في الارض
شروق بدموع مكتومه : انا عرفه ان انتم مش عاوزين تشوفه حد فينا بس انا والله مليش ذنب و انا بحب لين وبعتبرها اختي
فؤاد يقرب منها ويحط ايده علي كتفها : هي كمان بتحبك ودايما بتشكر فيكي وبيتنا دايما مفتوح ليكي اي وقت
شروق تمسح دموعها : متشكره يا عمي بس انا في حاجه عارفها و لازم تعرفوها انتم كمان
فؤاد بقلق : طيب تعالي جوه نتكلم
دخلت شروق معاهم والكل كان متجمع وقاعدين يسمعوها.. وهي حكيت ليهم اتفاق سلوي مع عايده من ايام الخطوبة وانها هي اللي قومت عايده علي لين وخليتها توافق تجوزها سليم علي اساس يعذبها ويشككوه فيها ويطلقها.. وحكيت أن سلوي اللي قالت لهم يحطه الحبوب للين في العصير... وأنها ال شككت سليم في لين وفهمته أن في حاجه بينها هي ورامي..... قالت إن مروه اعترفت بكل حاجه النهارده لسليم
شروق بعيط : سليم ولين كانوا معمل عليهم مؤامرة من اول الخطوبه طنط سلوي وماما هم اتفقوا انهم يخربوا بينهم
فايز وقف وكله غضب وفضل ينادي علي سلوي لحد ما نزلت
سلوي ببرود : ايه يا فايز بتزعق ليه كده هي لين ماتت
مني بغضب : طبعا عاوزه تموتيها عشان تفرحي فيها وتشفي غليلك انتي ليه عملتي في بنتي كده ليه تؤذيها وتتامري عليها عملتلك ايه
سلوي بصدمه وارتباك : انتي اتجننتي يا مني انا مالي ومال بنتك
شروق بضيق : مروه قالت كل حاجه عن اتفاقك مع ماما وانك انتي اللي اقنعتيها توافق علي جواز سليم من لين واتفقتي معها تعذبها وتشكك سليم فيها وخليتي مروه تحت حبوب منع الحمل للين في العصير لمده سنه لحد ما لين شافتها وانت اللي قولتي لماما وسليم ان في علاقه بين لين ورامي
سلوي بخوف : محصلش انتي كدابه
شروق توقف بتحدي : مروه موجوده في البيت هجيبها توجهك وممكن نسأل سليم كمان
سالم بغضب وصدمه من امه : انا فهمت دلوقتي ليه دخلتي عند لين وقولتي ليها ان سليم خطب وهيتجوز
سلوي بصدمه من ابنها : محصلش محصلش مين القال كده
سالم بغضب : انا شوفتك بعينه لما كنت راجع شوفتك دخله عند لين... فكرتك راحه تطمني عليه فرحت وركي عشان اطمن عليها وسمعتك وانت بتقولي ليها ان ام سليم بتزغرد عشان سليم خطب وهيتجوز... فخرجت من البيت بعد ما سمعتك وانا غضبان كنت رايح عشان اموت سليم وقبل ما اوصل بيتهم سمعت صريخ طنط مني فرجعت أجرى... لقيت لين مستحملتش الخبر اللي انتي قولتيه ليها
شروق بصدمه : لا والله سليم مخطبش ولا فكر يتجوز غير لين... دي ماما كانت بتزغرد عشان مروه هي اللي اتخطبت... سليم عمره ما فكر يتجوز غير لين
يقرب منها امير بغضب : انتي ايه الشر الجوكي دا عملتي فيها كده ليه... عملت ليك ايه علشان تؤذيها بشكل دا.. دي بين الحيا و الموت انتي متخافيش ربنا
سلوي تبص لأمير بكره : امك و امها السبب كنت عاوزه احرق قلبكم زي ما حرقتم قلبي
امير بصدمه : امي... ماتجبيش سيره امي علي امي ماعملتش ليكي حاجه
سلوي بحقد : امك سرقت جوزي.... مني دخلتها البيت وهي لفت علي بوك.. واتجوزها مع انها عارفه اني مكتوب كتابي عليه... لعبت عليه خليته يطلقني وانا بنت عمه انا كنت اولي بيه.... بس فضلت واره لحد لما طلقني واتجوزه.... ولما ماتت ابويه قالوا اتجوز سلوي علشان تربي ابنك... وتعيش خدمه ليه
مني بصدمه وغضب : انتي مجنونه اكيد مجنونه انا مالي... بتنتقمي بعد العمر دا كله في بينتي ... ايه الكره والحقد اللي جوكي دا جيبه منين
فايز بغضب : انا طلقتك قبل ما شوف امينه ولا اعرفها طلقتك من اسلوبك وطريقتك وحقدك وكرهك لناس.... قبلت امينه بعدها ما سيبتك ب6 شهور (ويبص لها بصدمه) انتي بنتقم ليه ومن مين ما انا تجوزتك وخلفت منك تلات عيال ليه تعملي كده ليه تخربي بيت البت المسكينه ذنبها ايه ( ويسكت شويه و يقف قدامها بكل غضب) بس تعرفي انا الغلطان اني وافقت ارجعك اتجوزك تاني... غلطان اني صبرت عليكي عشان ولادي... بس خلاص لحد كده وكفايه انتي طالق يا سلوي طالق بتلاته
سلوي بصدمت : بطلقني يا فايز بطلقني بعد العمر دا كله( وتبص علي سميه وسها اللي دموعهم نزله وحطين راسهم في الارض وسالم اللي بيبص ليها بكل غضب) انتم سمعتم ابوكم.... ابوكم طلقني ساكتين ليه.... ساكت ليه يا سالم
سالم يقف جمب ابوه : لو ماكنش طلقك ماكنتش هعيش في البيت دا ثانيه واحده .... انا من النهارده مليش ام... امي ماتت
سلوي بصدمه : انت بتقول ايه يا واد انت بتشجعه علي طلاقي طيب ماشي يا سالم خلي ابوك ينفعك بكرا تيجي تبوس رجلي عشان ارضي عنك.. قومي يا سميه وانتي يا سها نمشي من هنا
سميه بدموع وغضب : انا مش هسيب بيتي وعيلتي واهلي اللي بيحبني انا هقعد هنا... امشي انتي لوحدك انتي اللي ملكيش مكان وسطينا
سها بدموع في حضن سميه : وانا زي اخواتي ومعاهم انتي خسارتينا كلنا
سلوي انصدمت اكتر من موقف ولادها.. وخرجت من البيت لوحدها مذلوله قدم الكل
فايز قرب حضن سميه وسها بحزن : انا اسفه اسف بس ماكنتش هقدر اعيش معها اكتر من كده
سها بدموع : انت عملت الصح يا بابا كلنا مكناش هنقدر نعيش معاها بعد اللي عرفانه واللي عملته في لين
شروق بحزن ودموع : انا جيت اقولكم الحقيقة عشان تعرفوا ان سليم اتلعب عليه... انا مش بقول انه مغلطتش.. لا غلط انه سمع ليهم وصدقهم... بس احنا بشر يا عمي والشيطان خرج ادم من الجنة... عن اذنكم
مشيت شروق رجعت البيت وهي دخله لقيت الباب شقه مامتها مفتوح خافت يكون في حرامي فدخلت براحه... لقيت عايده واقعه علي الارض مغمي عليها جريت عليها وحاولت تفوقه معرفتش نادت علي مروه وجابوا الاسعاف اخدها المستشفى
#بقلم_ولاءيحيي
💖💖💖💖💖💖💖💖💖💖💖💖💖
الصبح الكل رجع المستشفى لين ماكنتش لسه فاقت وعلي المغرب بدأت تفوق واول ما فتحت عينها شافت رامي جنبها
رامي بابتسامه : حمدالله علي السلامة ايه دا كله يا شيخه قلقتينا عليكي
لين بصوة ضعيف : ايه الحصل
رامي يقرب منها بابتسامه : تعبتي وجبناك المستشفى
لين حطت ايدها علي بطنها بخوف وضعف : بنتي فين
رامي يحاول يطمنها : في الحضانة متخافيش ان شاء الله هتبقي كويسه.. بس انتي عرفتي منين انها بنت انتي مرضيتش الدكتور يقولك وانتي حامل نوع الجنين
لين بابتسامه : كنت حسه بيها
رامي بابتسامه :ماشي يا عم الحساس انتي... انا هخرج اطمنهم عليكي احسن كلهم قلقانين اوي وهخليهم ينقلوكي اوضة عاديه
لين بضعف : رامي
رامي يقرب منه : ايوه يا لين عاوزه حاجه
لين بابتسامه : عاوزه اشوف بنتي
رامي بقلق : طيب لما تشدي حيلك شويه عشان تقدري تروحي ليه
لين بتعب : عاوزه اشوفها حتي لو صوره بليز يا رامي
رامي بحزن : يا لين هي لسه صغيره اوي وضعيفة ومحطوطة علي أجهزها.. استني لما تفوقي وترحي ليها بنفسك تكون هي بقيت كويسه
لين برجاء : عشان خاطري يا رامي عاوزه اشوفها صوره ليها .... صوره واحده تفضل معايا ارجوك يارامي
رامي بابتسامه : حاضر يا لين هروح الحضانة و هصوره ليكي
خرج رامي وهو مبتسم الكل جري عليه
رامي بابتسامه : الحمد الله لين فاقت والخطر راح هننقلها اوضع عاديه كمان شويه وتقدروا تتطمنوا عليها
الكل فرح وارتاح وسليم حمد ربنا ونزل صلي ركعتين شكر... ووهو راجع فات علي الحضانة يشاف بنته لأول مره دخل ووقف جمبها... لقي حجه صغيره نايمه َاجهزا كتير متواصله بيها... اول ما شافها خاف عليها وحس ان جزء منه ومن لين موجود قدامه فضل قرب منها ومد ايده لمسها بحب وهو بيكلمها
سليم لبنته : خليكي قويه زي مامي.. قومي واكبر... انتي اخر امل ليا... آخر امل علشان مامي تسامحني انتي اللي هتجمعيني بيها حتي لو مش هترجع ليا هتفضلي انتي موجوده بنا... نفس احضنك وشم رحتك متأكد انك هتكون حته من لين.... اول ما تشوفي مامي اطلبي منها تسامحني... قوليلها اني بحبكم انتم الاتنين اوي
سليم يمسح دموعه اللي نزلت منه... ويروح عشان يطمن علي لين... يلقيها خرجت من العناية ودخلها اوضة عاديه.... يقف علي الباب بخوف يشافه فؤاد فيقرب منه
فؤاد بابتسامه : ادخل لها... انا مش عارف ايه رد فعلها... بس يمكن لما تحس انك جمبها تتحسن
لين لما فاقت وافتكرت كل اللي حصل ففضلت تعيط ودموعها نزلت والكل بيحاول يهديها وسيلا قاعده جمبها وحضنها وبتمسح علي شعرها سيلا شافت سليم دخل
سيلا بابتسامه : لين سليم اهو جي لعندك ماسبكيش من وقت ما دخلتي المستشفى فضل واقف قدام باب العناية مامشيش كلنا مشينا وهو فضل جمبك بصي اهو
لين بصت قدامها لقيت سليم واقف ودموعه نزله ولسه بيقرب منها رحت مصرخة ومخبيه وشها في حضن سيلا
لين بصريخ :اطلع بره.... خرجوه بره مش عاوزه هنا جي ليه دلوقتي اخرج بره سيبني في حالي ابعد عني
سليم بدموع وندم :لين سامحيني... ارجوكي يا لين انا اسف يا حبيبتي
لين بصريخ وانهيار : خرجوه بره مش عاوزه اشوفه والا اسمعه... اطلع بره اخرج من هنا
رامي بقلق : اهدي يا لين كده خطر عليك
سالم بحزن : اطلع يا سليم بره دلوقتي لحد ما تهدي
ويخرج سليم مع سالم وهو عمل يعيط ويصرخ بندم
سليم بصريخ :سامحيني ارجوك يا لين سامحيني
وصوته كان واصل للين وهي كل ما تسمعه تصرخ اكتر
لين بعيط : سكتوه مش عاوزه اسمع صوته ابعدوا عني... مش عاوزه اسمعه والا اشوفك مش عاوزه مشوه من هنا ابعدوا عني
سليم سمعها ويصرخ : انا اسفه والله اسف... سامحيني يالين ارجوكي... سامحيني
سليم قاعد علي الارض بانهيار... ولين ادهوا مهدئ عشان تهدي ونتام وتبطل صريخ
ويمر تلات ايام سليم قاعد قدام الاوضه مبيتحركش ولين كل ما تفوق دمعها تنزل من عينها بس من غير صوت ولا كلام
وبعد اربع ايام دكتور يحيي يروح لفؤاد عند اوضة لين
دكتور يحيي بحزن : انا اسف يا فؤاد البقاء الله البنت كانت ضعيفة ومريضه ربنا يعوض عليكم 😭😭😭
التعليقات على الموضوع