بناتي حياتي 🌸الحلقه 18🌸
رواية 💖بناتي حياتي💖
#بقلم_ولاءيحيي
الحلقه الثامنه عشر
فؤاد وفريد رجعوا البيت.... فؤاد كان غضبان جدا وقعد ساكت... وفريد بيحكي للعيله كل الحصل
فايز بحزن : حسبنا الله ونعمه الوكيل
مني بغضب : انا بنتي لازم تطلق يا فؤاد انت تجيب الواد دا يطلقها حالا
فريد : استهدي بالله يا مني ووطئ صوتك عشان لين متسمعش
امير بغضب : طنط مني عندها حق لين مش هتفضل متجوزه الحيوان دا لازم يجي يطلقها حالا
فايز : هو انتم فاكرينه هيرضي يطلق بسهوله كده ما فريد قالكم انه قال انه مش هيطلق
فاروق بغضب : والله اضربه بنار لو مطلقش هو بمزاجه ابن امه
فريد : يا جماعه اهدوا فكروا في الطفل اللي جي
مني بغضب : ايه يعني الطفل هيتربي من غيره احسن تربيه بنتي مش هترجع للواد دا ابدا
الجدة بحزن : ساكت ليه يا فؤاد
فؤاد بضيق وحزن : ما فيش يا ماما انا هروح اشوف لين
يسيبهم فؤاد بيتكلموا... و وهم غضبانين وصوتهم عالي
فؤاد رح عند لين... اللي كانت في اوضتها والباب مفتوح.... ودموعها نزله.... ووهو علي باب الاوضه سمع صوتهم وهم بيتكلموا فعرف ان لين سمعت كل حاجه.... فدخل قعد جمبها واخدها في حضنه
فؤاد بحنان : طيب انت بتعيطي ليه دلوقتي قوليلي اللي يريحك وانا اعمله ليكي
ويبص ليها ويرفع وشها بأيده : انت عاوزه ترجعي لسليم
لين بدموع : لا يا بابي لا مش عاوزه ارجع له تاني ابدا....انا مش عاوزه انا كرهته يا بابي انا عاوزه اطلق منه ارجوك طلقني منه
فؤاد بابتسامه : طيب بتعيطي ليه دلوقتي
لين بدموع : لأني ماعرفتش اختار... لأن الانسان اللي اخترته واقنعت حضرتك بيه... واتجوزته طلع اختيار غلط لأني فشلت يابي ( وعيطت بصوة وشهقات عالية) بعيط لأني خليت حضرتك اللي الناس بتاخد ميعاد عشان تقابلك تقبل وتنزل انك تروح ليهم عشاني..... انا انا اسفه يا بابي اسفه جدا يارتني موت قبل ما اخلي حضرتك تعمل كده عشاني سامحني يا بابي
فؤاد يضمها لحضنه : اوعي تقولي كده تاني يا لين بعد الشر عنك حبيبتي... انا اعمل اي حاجه في الدنيا عشانك انا ماعنديش اغلي منك يا حبيبتي... وانتي مغلطتش يالين احنا كلنا شوفنا سليم كويس ومناسب ليكي كلنا وافقنا عليه (ويقعد قدمه ويبص ليها )انتي يا حبيبتي حاولتي تحافظي علي الحب اللي بينكم بس هو مساعدكيش والبيت عمره ما بيعمر ولا يكمل وواحد ب يبني وتاني بيهد... مش انتي اللي فشلتي يا حبيبتي.... سليم هو الفشل وهو اللي خسر... لكن انتي كسبتي ( لين تبص له باستغراب ) ااااه يا لين كسبتي.. كسبتي حياتك اللي هترجعي ليها اقوي بكتير.... ووتحققي كل احلامك اللي كان نفسك تحقيقها.... ومافيش اي حاجه هتوقف قدامك... صدقيني ياحبيبتي انتي بعد التجربة دي هترجعي أقوى
لين بكسره وحزن : ازاي يا بابي انا حسه ان حياتي انتهت
فؤاد بابتسامه : دي لسه بتبدأ وهتنجحي فيها... عارفه ليه ( لين تبص له) عشان انتي عارفه ومتأكدة انك عملتي كل اللي تقدري عليه عشان جوزك ينجح فاعمرك ما هتحس بندم انك سبيتيه عشان انتي عارفه انك مغلطتش في حقه ولا ظلمتيه....انتي هترجعي قوية صدقيني انا عارف بنتي كويس وعارف دماغك الناشفة... وعارف ايه اللي ها يقويكي اكتر( يحيط ايده علي بطنها بحب) البيبي الجميل اللي جوه هنا اللي بيقولك يا مامي انا هكون معاكي اني لما هاجي... هتبقي نظرت عنيا ولمست ايدي هي اللي بتقويك زي ما نظرتك بتقوي جدو فؤاد
( ويسكت ويتنهد) اما سليم يا لين فحياته انتهت هيعيش وهو بيندم على أنه خسرك... لأنه عارف انه ظلمك وان هو اللي ضيعك من ايده.... سليم خسر حياته وحبيبته اللي حارب عشان يتجوزها....انا النهارده ماشفش قدامي سليم اللي ووقف قدامي عشان يتجوزك ...كان قدامي النهاردة واحد ضعيف ملوش كلمه واللي رائ... واحد معندوش أراده ولا ليه قرار.... النهارده شفت واحد هيعيش بتأنيب الضمير... لأنه عارف انه ظلمك ومحافظش عليكي ودا عمره ما هيقدر يرجع يعيش طبيعي لان ضميره هيفضل يوجعوا ومش هيسيبوا يرتاح ابدا
لين دموعها نزله :بس انا مش حسه اني هقدر اعمل حاجه تاني.... حتي البيبي دا مش عارفه هيعيش ازاي خايفه يجي الدنيا خايفه منهم عليه حسه اني مش هعرف احميه والا ادافع عنه... انا تعبانة اوي يا بابي ( وتحط ايدها علي قلبها) هنا مجروح اوي لا مش مجروه دا مكسور 100 حته وكل ما اتنفس بيوجعني اوي
فؤاد يمسك ايدها بحزن : عارف يا حبيبتي... وعارفه عارف ايه كمان عارف انك لسه بتحبيه مش بتكرهيه زي ما بتقولي وان قلبك بيتمني يجي يعتذر ويطلب انك تسامحيه.... ودا مش ضعف دا لأنك حبيتي بجد ودا مش بيخلص بين يوم وليله دا هياخد وقته عشان يخف... الوقت و الزمن هم اللي هيشفوا ويداوي قلبك يالين... كل حاجه في حياتنا لازم تاخد وقتها... انتي دلوقتي مجروحة وجرحك لسه جديد محتاج الوقت عشان يطيب
لين تحتضنه وهي بتعيط في حضنه لحد ما نامت
فؤاد اتصل با أنور وطلب منه يبلغ سليم ان لين هي اللي طلبه الطلاق... أنور بلغ سليم اللي رفض و فضل يكسر في اوضته في بيت عايده وطلع علي شقته وهو منهار ودخل المرسم .. وقعد وسط لوحاتها وريحتها وفضل يعيط.... ومش مصدق ان لين هي تطلب الطلاق مسك البوم الصور وقعد يفتكر كل حاجه بينهم... ضحكتها وصوتها ودموعه نزله بندم وحزن
مر شهرين سليم بقي يروح الشركة بس هو وأحمد ما بيتكلموش والا بيتعملوا كل تعاملهم من خلال محمد و اسلام.... ولما بيرجع من الشغل بيطلع علي شقته ويفضل في المرسم.. كان نفسه يعرف اي اخبار عن لين من يوم ما سابت البيت ماشفهاش... وبلكونتها دايما مقفولة... وكل ما يتصل بيها يلقي تلفونها غير متاح وكل ايميلاتها اتقفلت .. كان نفسه يعرف هي ليه مش بتظاهر ولا بيشوفها .... دخله أو خارجه واللي في الجنية... كان بيشوف سيلا وفؤاد ومني وكل العيله الا لين فكان عارف انها في البيت... وكان نفسه يعرف عنها اي حاجه... ودايما يتخيل شكلها وهي حامل... و عنده امال ان البيبي هو اللي هيرجع لين ليه .... وكان بيحاول دايما يعرف أخبارها من عايده اللي بيسمعها بتكلم مع سلوي في التلفون... بس كنت بتقوله كلام كداب دايما ومعرفش انها تعبانة وفي السرير وممنوعه من الحركة نهائي
لين لما اصحابه عرفوا اللي حصل ...نزلوا مصر كلهم وقعده معاها فتره بس سافرا... بيكلمها على النت كل يوم ودايما يحاولوا انهم يضحكها.... و داليا وامنيه وكل يوم يروحوا ليها وسيلا وبنات عمها طول الوقت معاها
ورامي كان بيروح المستشفى وقت قليل.... ويرجع البيت علي طول...وكان متابع حالتها وخايف عليها... ودايما بيحاول انه يرسم الضحكة علي وشها بس لين ضحكته انكسرت
أمير بقى يروح الشركة ويرجع المنصورة... وعينه كلها حزن عليها رغم الضحكة اللي بيحاول يرسمها علي وشه...جب ليها ادوات رسم عشان ترسم وهي نايمه و عشان متزهقش وكان بيتفرج علي رسوماتها ويشاجعها
الكل كانوا بيحاول يساعدها انها تخرج من الحال الهي فيها... فؤاد بقى يجيب لبس والعاب للبيبي رغم أن لين رفضت تعرف نوعه بس فؤاد عمل اوضة جميله ليه ملها بالعبه فؤاد كان عاوز يطمئنها ان البيبي هيبقي بأمان والكل بيحبها... لين بطلت عيط بس كمان بطلت تضحك... يادوب تبتسم وصحتها تعبانة اوي هي والبيبي دكتور يحيي كان قلقان عليها واكتر من مره يطلب ينقلها المستشفى بسبب ضغطها العالي وحالتها النفسية اللي بتسوء ومش بتتحسن و لين كانت بترفض وتفضل تعيط فطلب انها تفضل في السرير متتحركش و حوله الاوضه بتعتها لجناح في مستشفى.... كان موجود فيه كل الأجهزة اللي يحتاجها لكشف عليها ودا وفره فؤاد بعد رفض لين انها تروح المستشفى.... وكان فؤاد ومني دايما يعقدوا يهزره ويضحكه معاها بس اول ما يخرجوا دموعهم بتسابقهم
وفات شهور ولين بقيت في السابع
#بقلم_ولاءيحيي
💖💖💖💖💖💖💖💖💖💖💖💖💖
شروق نزلت اجازه تجدد اورقها وسابت جوزها هناك وماكنتش تعرفه حاجه لان سليم مرضيش يحكي ليها وعايده كل ما تسال عن لين تتخانق معاها وليين تلفونها مقفول وبقيت نفسها تفهم ايه اللي حصل لحد ما نزلت وعرفت
شروق بصدمه : سليم ولين هيطلقوا... ازاي وليه حصل ايه دول بيحبه بعض
عايده بزعيق : بت انتي هو انتي جيه تفتحي مواضيع وتحققي... احنا ما صدقنا نخلص منها اجري ارجعي لجوزك ومتقرفناش ومتجيش هنا تاني
شروق بحزن : مش هتتغيري يا ماما بقالي 5 شهور بعيد عنك وانتي حتى ما فكريتش تسألي انا عمله ايه مع جوزي والا جوزي بيعاملني ازاي وان كنت مبسوطة والا لا
عايدة بتريقه : الست الشاطرة هي التعرف تتعمل مع جوزها وتحافظ عليه وتخليه يحبها
شروق : ولين معرفتش ليه مع انها شاطره وسليم بيعشقها مش بيحبها بس
عايده بغضب : انتي لو جيبتي اسم البت دي تاني هقوم اخلص عليكي... قومي غوري من هنا روحي قعدي عند حماتك... وعلي الله يا شروق اعرف انك كلمتيها والا روحتي تشوفينها. َساعتها انسي ان ليكي ام
شروق بدموع : انا فعلا هنسي اني ليه ام
وتأخذ شنطتها تمشي...واول ما تفتح الباب لقيت سليم قدامها ... وفرح انه شافها وجري عليها بس لقيها بتسلم عليه ببرود وحزن
سليم باستغراب : ايه يا شروق مش عاوزه تسلمي عليا هو انا ما وحشتك يش
شروق كانت مصدومة من شكل سليم ... سليم كان خسس ودقنه طويله وتحت عينه اسود من قله النوم
شروق بحزن : ازيك يا سليم
سليم : ازيك!.... انا الحمد الله انتي جيتي امتى وكنتي راحه فين
عايده بغضب : سيبها تغور من هنا من النهارده لا هي بنتي والا اعرفها ملهاش مكان في بيتي
شروق بصت ليها وعينها دمعت... وسليم بص لعايده بحزن....واخد شروق في حضنه وطلع لشقته وحاول يهديها
شروق بدموع : ايه الحصل يا سليم... انا مش مصدقة اسافر وارجع الاقيك انت ولين هتتطلقوا ايه اللي حصل
سليم بحزن : ضيعتها يا شروق ضيعت لين مني
شروق : ازاي يا سليم
سليم حكي ليها كل الحصل والكلام اللي عايده واللي قالتوا عن لين وقعدتها طول الوقت فوق لوحدها وكلامها على النت.. َوانها ما بتنزلش غير لما بيرجع
شروق وقفت بصدمه : وانت صدقت الكلام الفاضي دا.... انت اجننت يا سليم تشك في لين وتسيبها طول الوقت دا متسألش عليها وهي حامل وترفض انك تروح تصالحها... انت ازاي بقيت كده حصلك ايه يا سليم ايه اللي غيرك
سليم بضيق : انا هتجنن يا شروق الغيرة بتموتني .... ماما بتقول انها كل يوم سبت بتفضل قعده هنا مبتنزلش تحت و بتكلم حد على النت.... وانا افتكرت اني كنت كل ماجي يوم السبت القيها فعلا قعده هنا علي اللاب
شروق : ما انت عارف انها كل سبت على النت.... بتتقابل مع صاحبتها اون لاين و انت عارف انها من اول ما رجعت مصر وهم كل سبت بيتكلموا
سليم افتكر.... بس الغيرة كانت عميه قلبه ومواقفه تفكيره
شروق شافت اللاب توب بتاع لين محطوط علي الكنبة
شروق باستغراب : مش دا اللاب بتاع لين.... ما فتحتوش ليه وشوفت المكالمات كانت مع مين
سليم بضيق : معمول بباسورد
شروق باستهزاء : اكتب اسمك هيفتح يا سليم
سليم بصلها بصدمه رحت شروق مسكت اللاب وفتحته وكتب الباس ورد اللي كان اسم سليم وفتح م وسليم شاف كل المكالمات وكل ايميلات اللي كانت مفتوحه علي اللي لاب
شروق بغضب :بص قدتمك اهو ما فيش اتصال غير بأصحابها ومامتها وبابها مافيش كلام مع اي راجل غير امير اخوه
سليم حط ايده علي راسه ودموعه نزلت : انا ضيعتها انا ميستهلش لين والا استاهل حبها ليه انا مستهلهاش يا شروق
شروق صعب عليها حال اخوها فقربت منه وفضلت تهديه بس وهم قاعدين سمعوا صوة زغاريد وكانت عواطف اللي بتزغرد فنزلوا يشوفه بتزغرد ليه
#بقلم_ولاءيحيي
💖💖💖💖💖💖💖💖💖💖💖💖💖
وعند لين وكنت قاعده في الاوضه بتعتها بترسم ومعاها محمد ابن فاروق اللي عنده 4 سنين
محمد : ثوفي لين الوردة تعتي حلوه ثح
لين بابتسامه : الله جميله اوي يا محمد تدهالي
محمد : لا دي ورقه مث حقيقه انا هجيب لك ورده من الجنينة
لين بابتسامه : لا يا مودي... مش تقطع الورد عشان مامتها متزعلش لو اخدتها اتفقنا
محمد يهز راسه و يقرب من لين ويحط ايده علي بطنها اللي كبرت ... وتكون ايمان دخله الاوضه عشان تأخذوا
محمد : هو هنا في نونو
لين ابتسمت وحطت ايدها علي بطنها وحركتها بحب وحنان
لين : ايوه في نونو صغير خالص
محمد : ولد والا بنت
ايمان تضحك وتعقد جمبه وتشيله علي رجلها : انت عاوز ولد واللي بنت
محمد : ولد وديه الكورة تعتي
ايمان : طيب مش عاوز بنت حلوه وتجوزها
محمد : لا انا هتجوز لين انا حبها هي
تضحك ايمان وتبتسم لين وتشيله وتبوسه ويسمعه صوة الزغاريد
ايمان بضحك : خير الله ما يجعله خير حلو الفال اهو محمد بيخطبك وفي زغاريد.... مبروك يا مرات ابني
وتخرج ايمان وهي بتضحك وتأخذ محمد عشان تأكله.. ولين ترجع ترسم تاني... وتدخل سلوي علي لين وتعقد قدامها
سلوي ببرود : ازيك يا لين
لين تبتسم : الحمد الله يا طنط
سلوي بمكر وتصنع الحزن : ربنا يقومك بسلامه يا حبيبتي والله يا لين انا قلبي بيتقطع عشانك...انتي هتلقيها من ايه والا من ايه وهتعملي ايه انتي و اللي في بطنك... و سليم سيبك مرميه هنا ولا بيسأل.. وهو رايح يكمل حياته ويتجوز
لين بصدمه : يتجوز
سلوي : اه انتي مش سامعه الزغاريد.... مهي امه اللي عمله تزغرد... اصله رح خطب واحده قريبته... ماهو خلاص نسيكي..ربنا معاكي انتي بقى ( وتقوم تقف وتطبطب علي كتف لين) اوعي تزعلي هو الخسران يا حبيبتي... ام اروح اعمل معهم الغدا
نخرج سلوي وقفلت الباب وسابت لين مصدومة ودموعها نزله... ومش حسه بنفسها شالت الغطا وقامت وهي دايخه وبتسند.... رحت ناحيه البلكونة و قبل ما تفتحها مسكت في الستارة وقعت مغمي عليها
#بقلم_ولاءيحيي
💖💖💖💖💖💖💖💖💖💖💖💖💖
سليم وشروق نزلوا ودخلوا لقي مروه بتتخانق مع عايده
مروه بغضب : انتي بتزغردي ليه انا قولتلك مش موافقه.. انا عمري ما هتجوز غير حسن
عايدة بغضب : هتجوزي ورجلك فوق رقبتك حسن مين دا الصايع العاوزه تجوزيه انتي هتجوزي العريس اللي جابته خالتك غصب عن عينك
مروة بغضب :مش هتعرفي تغصبي عليا... انا مش هتجوز غير حسن حتى لو هفضل من غير جواز العمر كله
عايده بغضب شديد : لا انتي بنتي والا اعرفك لو متجوزتيش العريس اللي جيبه خالتك .. ومش هتقعدي في بيتي تاني
مروه تضحك اوي بصوة عالي : بنتك!! من امتي وانا بنتك... حلفناك دا يمشي مع سليم اللي دايما بتفضليه... عليا لكن انا عمري ما حسيت انك امي... انتي دايما بتبعدين عنك وتاخديه هو .. لحد ما كرهتوا..... كنت فاكره انك بتحبيه اكتر مني بس حتي سليم انتي ماحبتوش... وخربتي بيته بكدبك
عايدة بغضب تضربها بالقلم : اسكتي .... وامش من وشي
مروه بغضب اكتر : مش هسكت ولازم يعرف الحقيقة.... حقيقه أمه اللي خاف من غضبها عليه.... وساب مراته وهي حامل مسألش عليهم ( وتبص لسليم )
امك اتفقت عليكم... انت ولين مع سلوي مرات عمها امك فضلت تعذب لين وتبهدلها .. كل ما تروح شغلك
كانت بتفضل تشتم فيها وتطردها وتمنعها تتدخل هنا... لين كانت بتقعد لوحدها في شقتها وانت في الشغل عشان امك بتبهدلها وتطردها.... كانت بتفضل فوق او تروح لجدتها لحد ما تيجي بتهرب من امك.... لين استحملت و مبترضاش تقولك حاجه عشان متزعلكش.... امك وسلوي هم اللي خلوني احط حبوب منع الحمل في العصير للين... كنت بحطه ليها من لما رجعتوا من شهر العسل....فضلت سنه واكتر بحط ليها الحبوب.... مش حابيتن زي ما امك فهمتك... طلعت نفسها متعرفش حاجه ولبست ها ليا امك وسلوى هم اللي شككوك في لين لما شافوك بتغير من رامي ابن عمها... فضلوا يحط في دماغك ان لين علي علاقه بيه مع انها ماكنتش بتكلمه ولا تشوفه غير صدفه. امك وسلوي هم اللي خربوا بيتك يا سليم وانا ساعدتهم .... عارف ساعدتهم بضعفك وسلبيتك.. بس انت اصلا متستهلش واحده زي لين.... لأنك اناني وسلبي وغبي انت غبي يا سليم
تمشي مروه وتسيب سليم واقف مصدوم بعد ما سمع الحقيقة
عايده بخوف : اوعي تصدقها يا سليم دي كدابه طول عمرها بتكرهك عشان انا بحبك انت ومليش غيرك
#بقلم_ولاءيحيي
💖💖💖💖💖💖💖💖💖💖💖💖💖
عند الجدة مني كانت وقفهث في المطبخ هي وايمان وسناء والجدة بيعملوا الغدا وايمان بتأكل محمد
محمد : خالص ثعبت مث عاوز تاني
ايمان بابتسامه : نقول الحمد الله
محمد : الحمد الله
ايمان : يلا روح العب مع اختك ويوسف
محمد يجري : لا لوح اسيم مع لين
ايمان : يا واد سيبها مضايقهاش
مني بابتسامه : سبيه يا ايمان يروح ليها... لين بتحبوا وبتبقي مبسوطه وهي معها
وشويه وجيه محمد يجري ويعيط
ايمان : ايه مالك صيباً ضربتك
محمد بعياط : لين عندها اوف تعورت في رجلها ووقعه علي ارض
الكل سمع محمد جريوا على اوضة لين... لقها واقعه علي الارض مغمي عليها وعندها نزيف ونزل منها دم مغرقها.... مني اول ما شفتها رحت مصرخه هي وسناء وإيمان... واتصلوا بالإسعاف
سليم كان في قمه غضبه بعد مع عرف الحقيقة... وبقي عمل يكسر في الشقه ب ويتخانق مع عايده اللي عمله تعيط.... وشروق بتحاول تمسكه و تهديه لحد ما سمعوا صوت لااسعاف.... وخرجت مروه تجري من الاوضه
مروه بخوف : الحق يا سليم... كان في صريخ في بيت لين ومن شويه جيت الاسعاف واخدت لين ومشيوا
سليم وقف مصدوم ووشه احمر من الغضب والدموع نزلت بس بعد ثوان فاق
سليم بخوف : لييييييين
وطلع يجري من البيت هو وشروق ركب عربيته وساق بسرعه
#بقلم_ولاءيحيي
💖💖💖💖💖💖💖💖💖💖💖💖💖
الاسعاف وصلت المستشفى وكان رامي واقف على الباب وأول ما وصلوا جري اخد لين علي السرير ودخل بيها وهو بيجري... والكل بيجري وره.. وهم بيعيطوا وخايفين عليها ... دخل رامي بيها اوضة الكشف ودخل معاه دكتور يحيي
مني بتعيط في حضن فؤاد : بنتي يا فؤاد بنتي هتروح مني اعمل حاجه... خليهم ينقذها انا عاوزه بنتي يا فؤاد.... يارب متوجعش قلبي عليها.... اكتر من كده يارب
فؤاد بدموعه : ادعي يا مني خليكي ادعي لها هي محتاجه دعنا دلوقتي
الكل العيله كانوا في المستشفى معاد سلوي والكل واقف يبكي وخايف عليها ويبدعوا ربنا...
خرج دكتور يحيي بسرعه وهم بيجري بسرير لين ويدخله العمليات
فؤاد بخوف : يحيي بنتي عمله ايه
يحيي بحزن : ربنا معانا يا فؤاد ادعلها
فؤاد بدموع : انقذ بنتي يا يحيي اعمل اي حاجه ارجوك
يحيي يحاول يطمنه : خير ان شاء الله... ربنا معها واحنا هنعمل اللي علينا
ويمشي يحيي ويجي يدخل العمليات يلقي رامي بيدخل معاه
يحيي بجديه : علي فين يا دكتور رامي
رامي في حاله انهيار و دموعه نزله غصب عنه : داخل معاكم العمليات
يحيي بجديه شديده وحزم : لا يا رامي مش هتدخل....انت في حاله ما تسمحش ليك... تحضر العملية واظن انك عارف وضع لين خطير وحساس قد ايه... ومش عاوزين توتر في اوضة العمليات خليك هنا
يمشي يحيى ورامي يسند علي باب العملية ويقعد على الارض ويبص لسما ودموعه نزله
رامي بدموع : يارب احميها... خليك معها يارب
تددخل لين العمليات و كلهم واقف بيدعو ومنهارين
ودخل سليم وشروق المستشفى وهم بيجري وسألوا عن لين وعرفوا مكانها وطلعوا لعندهم.... سالم وفاروق اول ما شافوا سليم كانوا رايحين عليه بغضب بس فؤاد مانعهم
فؤاد بدموع وغضب :سبوه مش عاوز مشاكل ماحدش ليه دعوي بيه
ويفضل قدام العمليا ساعه سليم قاعد علي الارض وحطط راسه بين رجله بيبكي زي الأطفال... بعد لما سمع سميه وهي بتحكي لشروق كل اللي مرت بيه لين طول الشهور اللي فاتت وان حالتها خطيره ماكنش مصدق ان لين مرت بكل التعب و الالم وهو ميعرفش... فضل يبكي بحرقه... وشروق بتحاول تهديه وهي بتعيط معاه
ويخرج يحيي والكل يجري عليه
فؤاد بخوف ودموع : طمني يا يحيي بنتي عمله ايه
يحيي بحزن : احنا خرجنا البيبي وهي حالتها خطيره جدا دخلنها الحضانة وبيحاوله ينقذها بس لين ( ويسكت بحزن والكل بيبص ليه بدموع مستنين يكمل )
سيلا بدموع وخوف : مالها اختي قول مالها اوعي تقول ماتت اوعي ( سيلا بتكلم وهي بتعيط واحمد مسكها بيحاول يهديها)
يحيي : لين عايشه بس عندها انفجار في الرحم وحاولنا نوقف النزيف بس مش راضي يوقف ولو فضلت علي الوضع دا ف انا لازم استئصال الرحم عشان انقذ حياتها
فؤاد بحزن ودموع : اعمل اي حاجه ونقذها يا يحيي ارجوك انا عاوز بنتي انقذها
يحيي بحزن : انا محتاج موافقة جوزها علي حالتها وحاله بنتها عشان اقدر اتصرف لازم يكتب موافقه
الكل يبص لسليم القعد علي الارض... بيسمعهم ودموعه نزله ومصدوم من اللي بيسمع
امير يروح لعنده و يشده يوقفه بغضب : قوم اكتب الموفقة حالا
سليم يهز راسه بموافقه... ويمشي مع أمير ويدخل دكتور يحيي العمليات تاني
مني ماقدرتش تتحمل اللي قاله الدكتور ووقعت مغمي عليها أخدها ودخلوا بيها اوضة ويفضلوا ساعات بيدعو ربنا بدموع وخوف انه ينقذ لين
لحد ما خرج يحيي من العمليات
بقلم_ولاءيحيي
💖💖💖💖💖💖💖💖💖💖💖💖💖
التعليقات على الموضوع