هذا هو العشق💕الحلقه 18💕

الحلقة ( 18 )

فاندفعت شهيره : ايه يا مامى الكلام ده ، من امتى ده كان تتفكيرنا و لو كان شوكت او جوز شاهى من عيله ، دى صدف و ظروف و احنا ماخدناهمش عشان كده ، لا عشان الحب و بعدين يعنى ايه من عيله ، الكلام ده اكل عليه الدهر و شرب
دلوقتى اصلك هو عملك

ردت الام و قد بدات تلاحظ خيبة أمل جنى : انا مش حاتكلم الا بعد الامتحانات عشان نكون سالنا عليهم و عرفنا اصلهم وفصلهم دلوقتى ما لكيش غير مذاكرتك يا جنى و مش عايزه حاجه تاثر عليكى

فى الايام التاليه انهمكت جنى فى المذاكره و انقطع بسام عن الكلام معها الا فى المواد الدراسيه بعد ان اصبح يذاكر لها معظم المواد

كذلك انتظمت منال فى الحضور و المذاكره مع جنى بعد ان طمانتها شهيره ان مخاوفها انتهت و ان كل ما يخصها قد تم
تدميره بمعرفة شوكت بك شخصيا دون ان يطلع عليه اى احد ، و كذلك عرفت بتدمير عشرات التسجيلات المماثله لبنات اخريات

لذلك لم تعيره حتى نظرة شفقه حينما ظهر فى الجامعه بعدها بفتره و ذراعه فى الجبس و احد اسنانه الاماميه مفقود ، و عينه اليسرى مغلقه تقريبا .. لكن ما آلم منال هى نظرة شهيره لها ، و تلميحها عن سماحها

لمنال بالاستمرار كصديقه لجنى و للاسره فقط طالما ابدت سلوكا قويما لكن منال ابتلعت الاهانه و احست انه من حق شهيره اكثر من ذلك فكل ما حدث لها قد جلبته لنفسها بسوء اختياراتها ، بل انها كادت تقبل يد شهيره عرفانا بجميلها

عليها الذى لن تنساه مادامت على قيد الحياه ، كما ان شهيره من حقها الخوف على اختها و سمعة اختها

و حتى شريف انهمك فى مذاكرته بكل جديه ، بعد ان اقنعته اختاه بعدم جدوى الدخول فى اى علاقه الان و خاصة ان الانسان بعد خروجه من علاقه فاشله يحتاج لبعض الوقت ليتعافى ويستعيد نفسه ، و افهمت شهيره اخاها بما لا يدع مجالا للشك ان منال ليست له ، لكونها مرتبطه باحد اقاربها و على وشك الخطوبه

اما بسام فقد مضى بكل قوته في اجراءات بيع المنزل ، و وفقه الله لهذا ، وقام بدفع مبلغ لاصحاب الشقق المؤجره كمساعده منه لحين تدبير احوالهم ، كثير من معارفه لاموه على ذلك ، فالمنزل كان ايلا للسقوط ، و سيخسره السكان فى كل الاحوال ، لكنشيئا ما بداخل بسام جعله يصرعلى ذلك و

ايدته والدته و كان رايه ان كل هذا المال كان فى علم الله ، وانه اتاه من حيث لا يحتسب ، لذلك اعتبرها زكاة عن تلك الاموال و فى نفس الوقت مساعدة لاناس فى قمة الحاجه
للمساعده لفقدهم الماوى

و اتصل بسام بوالد جنى قبل نهاية الامتحانات بيوم واحد

بسام : صباح الخير يا فندم

هشام الحديدى : صباح الخير ، مين معايا

بسام : انا بسام شاهين ، مدرس فى كلية الصيدله ، و انا اتشرفت بمقابلة حضرتك قبل كده

هشام الحديدى و قد توترت اعصابه : اهلا يا دكتور بسام ، فيه حاجه ، جنى جرى لها حاجه فى الكليه ؟

بسام : لا لا لا يا فندم خالص ، ان شاء الله هى بخير ، انا اللى طلبت منها نمرة حضرتك الخاصه عشان عاوز اقابل حضرتك

هشام و قد اطلق زفرة ارتياح : اهلا بيك فى اى وقت يا دكتور ، حضرتك عاوزنى بخصوص ايه ، لو شغل ممكن تيجى لى المكتب

بسام : : : : اتمنى حضرتك تقولى بسام بس من غير دكتور حضرتك فى مقام والدى و اللى انا عايز اقابل حضرتك بخصوصه مش شغل لوحضرتك عندك وقت يوم الجمعه الجاى ،عشان تكون الانسه جنى خلصت امتحانات .. و لو سمحتلى اجى انا و والدتى و خالى ، البيت عندكم ، اكون شاكر

قالها بسام بالعافيه و هو يحس بكل اعصابه تشد و بارتعاشه فى كل جسمه حاول السيطره عليها بكل طاقته

فكر هشام قليلا ثم ادرك ابعاد الموقف ثم رد : طيب يا ابنى تنور انت و الست الوالده و خالك كمان انا حانتظرك يوم الجمعة ان شاء الله

و فى المنزل

هشام : جنى ، هى جنى جت من الكليه

ردت الام : ايوه فى اوضتها جوه بترتاح شويه عشان عندها امتحان تانى يوم الخميس الجاى

هشام : انتى كنتى تعرفى موضوع المعيد بتاعها بسام ، ده عايز ييجى يقابلنا هوه كان بيديها درس ، و لا بيحب فيها ؟
الام : و الله انا عندى فكره انه معجب بيها
بس هوه مؤدب و عمره ما تجاوز حدود الادب معاها و انت عارف بنتنا و واثق فيها طبعا ، بس لما طلب نمرتك هى حست و قالتلى

هشام : مش عارف يا ليلى ، انا حاسس ان كل جوازات بناتى كوم ، و جوجو دى كوم تانى البيت حايفضى علينا ، ده انا كل واحده فيهم اتجوزت كنت تانى يوم اقوم ادور عليها فى البيت ..و عينى تدمع لما ماتقعدش معانا على الفطار ، ما بالك دى الصغيره اللى جبناها على كبر

الام : هى دى سنة الحياه يا هشام ، بس انا عايزاك تسال عن عيلة الولد ده هوه والده متوفى على ما اعتقد بس انت ممكن برضه تكلف شوكت يسال عنهم اهم حاجه يكون من عيله محترمه

هشام : ليه هو احنا خلاص حانوافق لما ييجوا و نتكلم نبقه نشوف موضوع الاستعلامات بتاعتك دى

الام : طيب بلاش تكلم جنى فى حاجه دلوقتى عشان ماتشغلهاش ممكن تكون مش عارفه انه كلمك اصلا ، سيبها مركزه اليومين دول فى مذاكرتها

و مرت الايام سريعا حتى خرجت جنى من امتحان يوم الخميس ، و جدت بسام يتصل به على الموبايل ، ليخبرها انهم اتون اليهم غداُ لمقابلة والدها ، و كان قد اخفى عليها هذا الموضوع حتى لا يتشتت انتباهها

جنى : : : : يا خبر يا بسام و ما قلتليش ليه ، ده انا مش حالحق احضر نفسى اتارى بابى عمال يبص لى نظرات كده من يومين

هو قالك ايه و قلت له ايه ،وهو عارف انى عارفه انه عارف قصدى.....

قاطعه بسام :قالى كل خير و بعدين حضرى ايه بس يا شيخه ده انا حاسس انك علطول متحضره زى مانتى كده ، زى القمر

احمر وجه جنى وهى ترد : طيب هنستناكم ان شاء الله

احست منال باحمرار وجه جنى وسالتها : ده بسام يا جنى

جنى : : : : ايوه ، ان شاء الله جاى يوم الجمعه عشان يطلب ايدى انا فرحانه اوى يا منال ، اوى اوى

و احتضنت جنى منال بحب لكن منال كانت تتضارب بداخلهاالمشاعر ، هل تفرح لفرح

صديقتها ، ام هل تأسى على حالها ، لو كانت تركت مقاديرها لله ، لكانت الان خطيبة اخو جنى ، و لكانت فرحت من قلبها لصديقتها ، لكن هذا هو عقابها ، و عليها احتماله

رجعت جنى للمنزل لتجد امها منتظرة اياها ، لتبلغها بما تعرفه هي مقدما، و لتنذرها انه ليس معنى موافقة والدها على مقابلتهم

هو موافقته على الزيجه اطفا هذا فرحتها قليلا ، و زاد قلقها كثيرا ، لكنها اتصلت بشهيره و كذلك بشاهى فى امريكاو بدات الاستعدادات ، تحضير ملابسها ، حجز ميعاد عند الكوافير صباحا و الذى منه

شهيره : انتى عارفه يا جوجو انتى مش محتاجه كل ده بس محتاجه تنامى عشان المذاكره خلت وشك مرهق اوي

و الحب يا ختى خسسك حوالى خمسه كيلو كده

جنى : : : : و الله انا مش عارفه صحيح ياشهيره ايه الخسسان اللى جالى ده

بس احسن الرشاقه حلوه هاهاها

شهيره : بس انتى اصلا كنتى رشيقه ، كمان شهرين حب ، و تختفى خالص هاهاها

جنى : : : : انا متفاءله اوى يا شهيره ،تصورى ان بكره عيد ميلادى و بسام كلم بابا و اتفق على الميعاد من غير ما يعرف انه عيد ميلادى

شهيره و هى تقبلها : و دى حاجه تتنسى طبعا فاكره عيد ميلادك زى ما يكون امبارح

يا بنتى انا شلتك و انتى نونو على اديا دول ، كنتى جميله اوى يا جنى و لسه جميله و الله ، انتى عارفه انا لما بابص لك باحس انى بابص لندى بنتى لما تكبر يا رب يا جنى اشوفها فى جمالك و اخلاقك يا رب

جنى : : : : ان شاء الله حايحصل ، انتى اللى مربيانى وانتى اللى مربياها بس انا عايزاكى تقفى جنبى فى الموضوع ده يا شهيره

احسن مامى العرق التركى ناقح عليها اليومين دول و انا خايفه موت ترفض بسام

شهيره : سيبيها على الله ، الراجل ما عملش حاجه وحشه ولا انتى كمان ، و تادين بابا يمنعه انه يرفض عريس متدين وعنده اخلاق زى بسام

جنى : : : : بس انتى عارفه مامى ، دى لحد دلوقتى ساعات تجيب سيرة التاريخ بتاع عيلة الدرمللى و انها ازاى اتعطفت ووافقت على باب ىرغم انه ما كانش من عيله كبيره اوى زى عيلتهم هاهاها

و ده بالرغم اننا عايشين فى مستوى احسن ميت مره من احسن حد فى عيلة الدرمللى المزعومه

ربنا يخليك يا بابى انا عارفه انك حاتقف جنبى

مر اليوم التالى فى استعدادات مكثفه نت جانب جنى

و ايضا من جانب بسام

حيث انه سال منال عن يوم عيدميلاد جنى ، لانه كان واثقا انه في تلك الفتره فقد اخبرته فى اول مره جاء منزلها ، انها ستتم الثامنة عشرفى خلال ثلاثة اشهرانه لا يصدق مرور ثلاثة اشهر ، احيانا يحس انه يعرفها عمره كله وان ثلاثة اشهر قليل جدا ، واحيانا اخرى يحس ان هذه الفتره مرت في حياته مثل ثلاث دقائق

نزل ليشترى هديتان للعروس الجميله، واحده من اجل الفاتحه، واخرى من اجل عيدميلادها

لكنه لمح فى محل الجواهرجى الشهير ، دلاية سلسله ، بها ماسه صغيره على شكل قلب ، و لما سال عن ثمنها ، عرف انها

باهظة الثمن فكر لثوان قليله ، ثم اخرج الفيزا كارد التى استلمها منذ ايام ، واعطاها للبائع و هو يقول لنفسه ، و الله لوكانت حاتسعد جنى و مش معايا الا تمنها برضه كنت حاجيبها . و اشترى الدلايه ، و اعطاه

صاحب المحل ضمانا للماسه الصغيره ، و كانت اول مره يعرف ان للماس ضمانا ، وتساءل فى نفسه ده الضمان ده لمدة سنه ولا ايه ؟

و فى الميعاد المحدد ، و بعد شراء الورد و مروره بخاله ، دخل بسام ووالدته و خاله منزل جنى ، و كان فى استقباله والدها ووالدتها و شهيره و شريف

و احس بسام بسخونه شديده فى وجهه ، و لم يستطع نطق كلمتين متصلتين منذ بداية الجلسه و بدأ خاله بالكلام ، و بعد قليل ،اكتشف خاله انه يعرف عائلة هشام من زمان و اكتشف هشام ايضا انه يعرف الخال، اذ كان زميل دراسته ، و بدا كل شىء على مايرام والحمد لله

و بعد قليل جاءت جنى ، تخطو فى خجل ،

و ترتدى فستانا مضموما عند خصرها الرهيف ، واطرافه واسعه من الاسفل ، و تبدو مثل ملاك صغيره زاده الخجل جمالا

قامت ام بسام من مكانها حين دخلت جنى و قالت

: بسم الله ما شاء الله ، تعالى يا حبيبتى

و اخذتها والدة بسام فى حضنها، و قبلتها بحب حقيقى ، و حينما تلاقت عيناهما ، كانت عينا العجوز يغطيها غشاء من الدمع

و مثله فى عينى جنى ، احست جنى بمدي طيبه هذه السيده،و مدى فرحتها بها و عندما مدت يدها للسلام على بسام ، كانت تقريبا ترتعش من السعاده و من الخجل ، و سلمت ايضا على خاله الذى اثنى كثيرا على هشام و عائلته وعلى جمال جنى ايضا

و بعد قليل ، اخرج بسام العلبه الثمينه من جيبه،و قال :

كل سنه و انتى طيبه يا جنى انا عرفت من منال زميلتك ان النهارده عيد ميلادك واسمحلى يا عمى تشرفنى بموافقتك على الخطوبه وتخليه عيد ميلادى انا كمان

اخذت جنى العلبه من بسام الذي قام بفتحها، و ، انها تعرف الماس جيدا ،و تعرف اسعاره ، حتى ان امها

اكتفت بقطعه واحده لكل بنت من بناتها قبل زواجها ، و تهديها واحده اخرى فى يوم زفافهاانها لا تدرى هل تفرح بجمال الهديه ، ام بجمال من اهدى اليها الهديه ، انها متاكده انه لم يحسبها ، و لم يفكر ، انها تحبه الان اكثر و اكثر و اكثر
ليس من اجل الماس انما من اجل تفكيره فيها ، و تفضيله اياها حتى على نفسه

و رفعت اعينا مليئه بالعرفان والحب و العتاب فى ان واحد ، وشكرت بسام

شهيره : الله يا بسام ، ذوقك يجنن ، مبروك يا جوجو و كل سنه و انتى طيبه

كده بسام حايخلى هديتى ليكى النهارده شكلها وحش خالص

تدخلت الام لتلقى دشا باردا فوق راس بسام :