بناتي حياتي 🌸الحلقه 17🌸
رواية💖 بناتي حياتي💖
بقلم_ولاءيحيي
الحلقه السابعه عشر
فاروق لقي لين بين ايده مغمي عليها ووشها احمر ومورم
فاروق بخضه : لين لين مالك
الكل خرج يجري علي صوت فاروق وهو يصرخ لقوا لين بين ايده واقعه علي الارض
فريد بخوف : في ايه يا فاروق مالها لين
الجدة بخوف شديد : لين حبيبتي حصلك ايه مالك يا بنتي
فاروق: وسعوا ام ادخلها جوه و نفوقها
ويشلها فاروق ويجري بيها علي الاوضه ويحاوله يفوقها بس ما بتفوقش
فريد بخوف : اتصلي علي اخوكي يا رشا بسرعه خليه يجي يلحقنا
سناء بقلق : هي مالها وشها احمر كده ليه هي ايه الحصل لها
الجدة بزعيق : اتصرفوا بسرعه البت هتروح مننا خذوها على المستشفى
فريد : اصبري يا ماما رامي هيجي
رشا تتصل برامي وهي بتعيط
رامي ابتسم لما شاف اسم اخته علي الفون : ايوه يا بنتي لحقت وحشتك انا يا دوب لسه سايبك ونازل
رشا بعياط : الحقنا يا رامي تعال بسرعه
رامي بخضه : في ايه بابا و نناه كويسين
رشا : لين يا رامي الحقنا بسرع
رامي قام بسرعه بخضه وخوف اول ما سمع اسمها واخد مفتاح عربيته وجري
رامي بخوف : مالها لين يا رشا حصل ايه
رشا : مش عارفين فتحنا الباب لقينها وقعت واغمي عليها ومش عارفين نفوقها
رامي ركب عربيته وساق بسرعه شديدة
سلوي خرجت بعيد عنهم واتصلت بعايده
سلوي بصوت واطي : ايوه يا عايده في ايه الحصل عندكم فرحيني
عايده دخلت اوضتها : انتي عرفتي منين ان في حاجه حصلت.
سلوي بابتسامة شر : ما البت هنا مغمي عليها ووشها احمر ومورم وكل صابع معلم على وشها
عايده بفرحة : هي جيت عندكم دا احنا فكرنها فوق
سلوي : اه هنا ... قولي ايه اللي حصل احكيلي بسرعه
عايده حكيت ليها الحصل وهي كانت شمتنا جدا وفرحانه في لين
وصل رامي بسرعه ودخل يجري علي البيت ودخل الاوضه عند لين لقي الكل متجمعين واقفين وهي نايمه واثر الضرب ظاهر علي وشها
رامي بغضب : مين العمل فيها كده
فريد بخوف : فوقها يابني فوقها عشان نعرف فيها ايه
رامي بدأ يكشف عليها و يفوقها وهو من جوه خايف عليها
و فاقت لين واول ما فاقت و فتحت عينها لقيت اهلها كلهم حاوليها وافتكرت الحصل ففضلت تعيط وتصرخ بانهيار... وشكلها وصريخها خلي الكل يعيط معاها وعليها الجدة قربت منها وخدتها في حضنها وهي بتعيط
الجدة بدموع : مالك يا لين فيكي ايه حصل يا حبيبتي
لين ماقدرتش تقول غير كلمه واحده طلعت منها بحرقه والم وجرح ودموع وقهر : سليم ضربني يا نناه ضربني
وفضلت تعيط بانهيار وصريخ وهي في حضن جدتها
انهيار لين وكلمته وقعوا علي الكل بصدمة وفاروق خرج يجري من الاوضه وهو متعصب وغضبان جري وراه فريد وفايز وسالم وقبل ما يوصل للباب فريد مسكه وقفل الباب
فريد بزعيق : انت رايح فين يا فاروق
فاروق وهو في قمه الغضب : هروح اطلع......... اهلو ابن امه بيسترجل عليها هروح اعرفوا يعني ايه مرجله واعرفوا ازاي يمد ايده عليها
فايز بحزن وهدوء : اهدي يا فاروق الامور مش تنحل عمرها بشكل دا
سالم بغضب ما يقلش عن غضب فاروق : لا هي كده لازم يضرب ويتربى هو فاكر نفسه مين احنا اخوتنا ما تضربش انا هروح اخلص عليه
وكان خارج بغضب بس فريد وفايز قفله الباب ومنعهم
فريد بغضب : اصبروا انتم الاتنين لما نعرف ايه اللي حصل الاول عشان نعرف نتصرف
وفضلوا يهدوا فيهم ويمنعهم من الخروج.... و لين كانت منهارة وعمله تصرخ وماحدش عارف يهديها .... فرامي ادها حقنه مهدأ علشان تنام واول ما نامت الكل قام خرجوا من الاوضه وهم عينهم ملينا دموع وبيبصوا عليها بحزن
سناء بحزن : مش هتخرج يا رامي
رامي بدموع محبوسه جوه عنيه وهو بصص على لين : لا يا ماما انا هفضل جمبها عشان لو صحيت لو سمحتي ضفي النور
خرجت سناء و طفت النور وسابت باب الاوضه مفتوح شويه... واول ما خرجت رامي بص على لين بحزن وحط ايده على خدها اللي مورم فتالمت وهي نايمه.... فدموعه نزلت وحس انه عاجز مش قدر يشيل عنها.... فحط راسه بين ايده الاتنين وعيط زي الاطفال
#بقلم_ولاءيحيي
💖💖💖💖💖💖💖💖💖💖💖💖💖
بعد ساعتين سليم كان هدي وحس انه غلط وقسي على لين وضايق من نفسه انه ضربها فطلع عشان يشوفها ويتكلم معاها فتح الباب الشقه لقي الدنيا ضلمه والانوار مطفيه..استغرب ودخل يدور عليها ملقهاش رح المراسم ملقهاش فنزل يجري
سليم بقلق : ماما ماما لين مش فوق
عايدة بفرحه بدريها : طيب مالك كده تلقيها رحت لأهلها
سليم بصدمه ان لين تكون سابت البيت ورحت لأهلها : لا لا مش ممكن لين تسيبني انا هروح اشوفها وارجعها
عايده بغضب : تعال هنا تروح فين.... سيبها تتربي عند اهلها يومين تلاته... وتيجي لوحدها زي ما خرجت لوحدها.... هو انت كنت قولتلها امشي ماهو جريك ورها دا اللي خلها ماشيه علي مزاجه ومش عمله اعتبرا ليك وما بتسمعش كلامك وقف قدامك كلامه بكلامه مش عمله اعتبار أن انت الراجل وكلمتك هي التمشي..مش عمله احترام لحد كبير ماهي عارفه انها لما تروح لاهلها هتروح وراها تجرى وتجيبه... وساعتها تيجي وتركب وتدلدل رجليها وتعمل اللي على مزاجها اكتر ...و ماتعرفش تقولها رايح فين ولا جايا منين ولا بتكلمي مع مين
سليم بضيق : يا ماما انا ضربتها
عايده ببرود : ايه يعني دا حتت قلم.... هي كل واحده جوزها يضربها تسيب له البيت الست اللي بتحب جوزها بجد وعاوزه تحافظ علي بيتها عمرها ما تسيب بيتها وتمشي لأي سبب... دا ياما بيحصل بين الرجاله ومراتهم ويضربهم ويكسروا عضمهم... و الست العقله مش بتكلم ولا تسيب بيتهم... بيعيشوا علي الحلوة والمره( وتقرب وتحت ايدها علي كتفه وتطبطب عليه )سبيها يا سليم عند اهلها لحد ما تعقل وترجع لوحدها... اوعي تروح ترجعها...وهي لما ترجع هتبقي طوع ليك وتحت امرك وتسمع كلامك
سليم قعد ساكت وبيفكر في كلامها.. ومش عارف يعمل ايه
عايدة بابتسامه :اسمع كلامي يابني انا عاوزه مصلحتك ماحدش هيخاف عليك غيري.... اسمع كلام امك.. وهي ترجع وتبقى من ايدك دي لأيدك دي والا هتقولك دا ابن عمي ولا دا شغلي... هتخاف تبص علي اي راجل غيرك وهتقعد تحت رجلك
لكن لو رحت لها دلوقتي هتكسفك قدام اهلها ومش هترضي ترجع معك. ََوهتبقي متنرفزة وتقعد تشترط عليك هي واهلها
سليم بضعف : لين عمرها ما تعمل كده لين بتحبيني
عايده بخبث : لو بتحبك ما كنتش مشيت... هي دلوقتي زعلانه... القلم اللي اخدته لسه سخن لو رحت لها دلوقتي كلهم هغلطك وهي مش هتسمع كلامك و هتتشرط عليك... وتقولك مقعدتش عند امك ومش هسيب شغلي واروح واجي بمزاجي انا حره وابن عمي اكلموا وشوفه اي وقت ( عايده كانت عارفه أنها كل ما تفكروا برامي هيسمع كلامه) سيبها يومين تلاته او حتي شهر و هي هترجع لوحدها عشان تتعلم وتعرف انها لما تسيب البيت ماحدش هيروح يرجعها فتحرم تسيبوا تاني... اسمع كلامي اقولك حاجه قوم حضر شنطتك وروح اسبوع في اي حتي فك عن نفسك.... وهي هتفضل تدور عليك وتتصل بيك وانت اوعي ترد....اسمع كلامي وانت ترجع تقيتها في اوضتك اللي هنا دي مش اللي فوق كمان... سيبها تتربي يا حبيبي عشان ترتاح بعد كده وهي وكده او كده هترجع هتروح فين يعني كل ست اخرتها لبيت جوزها قوم سافر اتفسح لك اسبوع وهي اللي هتدور عليك... مش كفاية كسرت كلمتك وخرجه من غير ازنك وانت لسه حلف عليها اه مهي شايفك ضعيف قدامها
سليم سمع كلام مامته وخد شنطته وعربيته وطلع علي شقتهم في إسكندرية وطول الطريق كلمة عايده أن لين شايفه ضعيف بترن في ودانه
سليم لنفسه : لازم تقسي يا سليم وتستحمل عشان ترجع تسمع كلمك وتبعد عن كل العاوز يأخذها منك وتفضل ليك لوحدك علي طول
#بقلم_ولاءيحيي
💖💖💖💖💖💖💖💖💖💖💖💖💖
وتاني يوم لين صحيه لقيت جدتها قاعده جنبها ورامي وقف قدام الشباك واول ما فاقت رجعت تعيط
الجدة بحزن : اهدي يا لين يا حبيبتي اهدي عشان نفهم ايه الحصل
لين حكت ليهم الحصل وهي بتعيط حكت ليهم كل الحصل من يوم ما اتجوزت وازاي عايده بتعاملها من اول ما جوزها وانها عاوزهم يقعدوا معها في شقتها... وان سليم وافق... ولما هي رفضت ضربها بالقلم ( ودا اللي لين كانت عارفه ماكنتش تعرف غيرت والشك اللي زرعوا جوه)
الجدة بحزن وضيق: ليه يا لين ليه تسكتي دا كله وتسبيها تعمل فيكي كده ملكيش اهل يجبلك حقك
رامي بهدوء وحزن : خالص يا نناه ملوش لازمه الكلام دا المهم لين تبقي بخير
لين فضلت تعيط تاني ومهديتش غير لما رامي ادها مهدئ... تاني ولما نامت الجدة خرجت لاولدها وسالم اللي قاعدين مستنين يطمئنوا علي لين... الجدة حكيت ليهم كل اللي لين قالتوا
فريد بحزن : لا حول ولا قوه لا بالله
سالم بغضب : وهي ليه سكتت كل دا ما كلمتش ليه واحنا كنا عرفنا نجيب حقها ونربيهم
فايز بهدوء : عشان عقله... لين عقله ومتربيه وكانت عاوزه تحافظ علي بيتها وما يتخربوش حافظة على اسرار بيتها كانت بتحاول تحل مشاكلها بينها وبين جوزها لين ابوها ربها صح
فاروق بغضب : التربية الصح ماتنفعش مع الزبالة دول... دول عاوزين وحده بنت........... تعرف تتعمل مع أشكالهم ال..... مش واحده محترمه زي لين
فريد بهدوء : واحنا مكناش نعرف عن سليم غير انه محترم وعشان كده وافقنا نجوزه لين وقولنا لفؤاد انه كويس
فايز : شايف نعمل ايه يا فريد نتصل بفؤاد نقوله
فريد : لا سيب اخوك هو بيرتب اموره عشان ينزل واحنا موجودين لين مش بنته لوحده دي بنتنا احنا نستني لما سليم يجي يصالحها ساعتها نتكلم معه ونشد عليه ونجيب حقها.. بس محدش يعرف فؤاد فؤاد لو عرف ان بنته اضربت هيتعب دا ماعندوش اغلي من بناته
الجدة بغضب : لما يجي هنا انا هعرف ازاي اخد لها حقها منه هو و العقربة امه انا هعرف اربيهم من اول وجديد وعلمهم ازاى يحافظه علي بنات الناس
فايز بحزن : المهم البنت المنهارة جوي دي تبقي كويس لين مكسورة وصدمتها فيه كبيره وأنها تضربها وهي الا عمرها ماحد مد ايده عليها ولا زعلها
فاروق بغضب : انا لو جي مش همسك نفسي هضربه زي ما ضربها وأعرفوا ازاي يمد ايده عليها
فريد : لازم منغلطش يا فاروق ونأخذ حقنا بالأصول
ويلا قاموا كل واحد يروح شغله...
#بقلم_ولاءيحيي
💖💖💖💖💖💖💖💖💖💖💖💖💖
سميه كلمه سيلا وقالت لها أن لين تعبانة وعندهم وسيلا فكرت انها تعبانه من الحمل وجيت تجري تشوفها... وأول ما وصلت حكوا ليها الحصل وسيلا غضبت وفضلت تزعق وتتوعد لسليم وأمه.. ودخلت عند لين وأول ما شافت وشها مورم وازرق عيطت
لين صحيهو فتحت عنيه لقيت سيلا حضنها وعمل
تعيط وتدهن خدها بكريم
سيلا بدموعها : صباح الخير يا حبيبتي
لين اول ما شافت اختها استخبت في حضنها وفضلت تعيط
سيلا بعيط : ليه يا حبيبتي مقولتيش وحكايتي ليا انا كنت فين من اللي بيحصل ليكي من امتي وانتي بتخبي عني حاجه يا لين
لين بدموع : سليم ضربني يا سيلا... قدر يمد ايده عليه
سيلا تضمها بدموع : وحياتك عندي لقطع له ايده... دا انا هعضو فيها حتت عضه هطلعها بدم... وهطلع عين امه... انا بس خايفه يطلعوا علي الواد يوسف مهو هيبقي حماه (لين تعيط اكتر) هو عرف انك حامل قولتي لحد
لين :لا ما حدش يعرف
سيلا بقلق : والا رامي.. دا بيديك ادويه من امبارح كده خطر عليكي لازم يعرفوا
لين بعيط : انا تعبانة اوي يا سيلا
سيلا بدموع : نامي يا حبيبتي نامي ومتفكريش في حاجه وانا هجيب ليكي حقك من عايده وابنها وهطلع القديم والجديد علي اهلها بكرا تشوفي
ونامت لين وسيلا فضلت جنبها تطبطب علي شعرها رامي خبط وقبل ما يدخل سيلا خرجت له بره الاوضه عشان لين ماتسمعش
رامي بقلق : لين عمله ايه دلوقتي
سيلا بدموع : زي ما هي منهارة... رامي انا عاوزه اقولك حاجه مهمه
رامي : خير يا سيلا
سيلا: لين حامل احنا عرفنا من أسبوعين بس هي مقالتش لحد ما فيش حدغ غيري يعرف
رامي بصدمه : كويس انك قولتيلي عشان اغير الأدوية اللي بتاخدها المهم عاوزنها تأكل حاجه دي من ساعات ما جت ما اكلتش كده هتتعب وهي ضعيفة اصلا
سيلا : اول ما تصحي مش هسيبها غير لما تأكل انا هروح اكلم احمد خلي بالك منها علي ما رجع
يدخل رامي ويفضل قعد علي الكرسي قدامها وهي نايمه وكل ما يبص علي وشها ويشوفها بتتالم وهي نايمه يحس انه عاوز يموت سليم
#بقلم_ولاءيحيي
💖💖💖💖💖💖💖💖💖💖💖💖💖
سيلا اتصلت باحمد
سيلا بغضب : ايوه ياحمد سليم زفت عندك
احمد باستغراب : لا مجاش لسه في ايه يا سيلا مالك
سيلا حكت لأحمد الحصل
احمد بغضب : ازاي يعمل كده اتجنن دا ولا ايه... انا لما اشوفه هطلع عين اهله... المهم طمنيني علي لين عمله ايه
سيلا بدموع : تعبانة اوي ياحمد نفسي اروح عند امه واديهم بدل القلم عشره وخليها تيجي تبوس رجلها
احمد : اهدي يا سيلا انا هتصل اشوف هو فين وهجيب واجي
سيلا بضيق : والا تتصل ولا تعبر اهله هو هيجي زي الجزمة يصلحها.... وساعتها هيعرف ازاي يفكر بس انه يمد ايده عليها.... دا العيلة كلها مستحلفه ليه هو وامه
قفلت سيلا ورجعت عند لين لقيت رامي قاعد جمبها وعينه كلها دموع وخوف
سيلا بهدوء : انت مش هتروح المستشفى النهارده
رامي بحزن : لا اخدت اجازه كام يوم
سيلا ابتسمت وقعدت جنب لين.. وبعد شويه تلفون لين رن بتشوف مين لقيته امير فأخدت التلفون وخرجت بره
سيلا بحزن : ايوه يا امير
امير بابتسامه : ازيك يا سيلا.. هي لين عندك وإلا انتي اللي عندها
سيلا : لا احنا الاتنين عند نناه
امير بقلق : في ايه يا سيلا صوتك ماله... حد حصله حاجه
سيلا بدموع : لين تعبانة شويه وقاعده عند نناه وانا جيت اشوفها
امير يقف بخوف : تعبانة ازاي مالها فيها ايه
سيلا: متقلقش تعبانة شويه كده وهتبقي كويسه
امير بخوف : انا جي حالا
وقفل التلفون ونزل يجري من الشركة واخد عربيته ورح المنصورة
سيلا مرديتش تحكي لأمير لأنها عارفه قد ايه هو عصبي وانه ماعندوش اغلي من لين
#بقلم_ولاءيحيي
💖💖💖💖💖💖💖💖💖💖💖💖💖
بعد ساعه ونص وصل امير ودخل يجري وعرف من سميه اخته اللي قبلته بدموع ان لين في اوضتها حس ان فيه حاجه كبيره رح جري عليها
اول دخل الاوضه لقي سيلا وجدتها ورامي عندها بيحاوله يهدوها ويخلوها تأكل وهي عمله تعيط جامد ومش راضيه تأكل أمير اول ما شافها دموعها جري عليها واخدها في حضنه
امير بخوف : مالك يا لين فيكي ايه بتعيطي ليه يا حبيبتي
لين شافت امير انهارت اكتر وترمت في حضنه وفضلت تعيط جامد و تستخبي في حضنه وامير مقدرش يمنع دموعه وفضل يهدي فيها بس ماعرفوش يهدوها غير لما رامي رجع ادها مهدئ ولما نامت وخرجوا كلهم بره الاوضه سيلا معاها
امير بغضب ودموع : حصل ايه مالها ايه العمل فيها كده ووشها ماله ازرق ليه في ايه فهموني
الجدة حكيت لأمير الحصل كله وازاي لين جيت ليهم واللي قالتوا ليهم الصبح وامير تنرفز وغضب جدا وخرج من بيتهم جري ورح لبيت سليم وفضل يخبط جامد علي الباب بكل قوته وهو بينادي علي سليم و رامي وسميه جريوا وره عشان يلحقوها..
مروه بزعيق : ايه عاوز ايه بتخبط كده ليه
امير زق الباب بقوه وغضب : سليييببيم سليييببم اطلع يا حيوان تعال هنا يا جبان
عايده بزعيق وغضب : هو مين دا الحيوان يا زباله
امير رح عليها وكله غضب وكانت عنيه ترعب من الغضب اللي فيهم لدرجه ان عايده ومروه خافوه بس رامي لحقوا ومسكه قبل ما يوصلها
رامي بزعيق : اهد يا امير وتعال نمشي ماينفعش كده
امير بغضب وزعيق : الزبلة دي تبقي انتي يا عقربه يا حربايه.... فين ابنك العامل نفسه راجل خليه يطلع مستخبى صح ماهو تربيت حرمه ابن امه.... قوليله امير هيقتلك هقتلهولك ... هخليكي تعرفي ازاي تعذبي بناتي الناس انا هحرق قلبك عليه
عايده بغضب وخوف بداريه : تقتل مين يا ابن........... دا انا اكلك بسناني قبل ما تفكر تلمس شعره من ابني غور وابعد عنا بنتكم عندكم وبيتنا نظف منكم يا زبالة... سليم هيطلقها المايعة خطفت الرجالة
امير فك نفسه من رامي ورح عليها وكان هيضربها بس وقف لما سمع صوة فريد
فريد بغضب : امير كفاية كده ويلا قدامي علي البيت
عايده بزعيق : اطلعوا بره... أخرجوا من بيتي يا عيله زباله ابقى لموا بنتكم....بنتك رجعت ليكم احنا مش عاوزنها المايصه خطفت الرجاله
فايز بغضب :احترمي نفسك يا ست انتي بلاش الكلام دا
فريد بغيظ : احنا مش هرد عليكي.... ليكي ابن لينا حساب معاه وهنعرف نأخذ حق بناتنا منكم يلا يا رامي هات أمير
امير بغضب :هموته هموتهولك .... واموتك كل يوم بحسرتك عليه هموته قدام عينك يا حربايه
امير كان بيتكلم و رامي عمله يشدوا لحد ما خرجوا وراحوا بيتهم
#بقلم_ولاءيحيي
💖💖💖💖💖💖💖💖💖💖💖💖💖
فايز بضيق : ايه اللي انت عملتوا دا يا امير من امتي واحنا بنتهجم على بيوت الناس
امير بغضب :ناس هم دول ناس... دول ولاد.........اللي يأخذوا بنت ورده ويعملوا فيها كده يبقي مش بنا ادمين والحرق حلال فيهم
فريد بهدوء :انت غلطت يا أمير... مش دي تربيتنا ليكم احنا معلمناكمش انكم تتهجموا علي الناس وتشتم ست كبيرة انت غلطت... متنساش ان لين لسه متجوزه سليم .. وممكن ترجع
امير بغضب : مش هترجع.....هيطلقها لين مش هترجع للحيوان دا مره تانية.... هيطلقها وهموته
يخرج أمير بغضب وتوعد
فريد بضيق : لا حول ولا قوه لا بالله لله الامر من قبل ومن بعد
#بقلم_ولاءيحيي
💖💖💖💖💖💖💖💖💖💖💖💖💖
وفي إسكندرية سليم نايم علي السرير ومسك الموبيل وعمل يبص علي صور لين ويبتسم
سليم لنفسه : وحشتيني اوي عارف انك زعلانه بس انا بغير عليكي اوي.... مش عاوز حد يأخذك مني نفسي أخبيكي جويا.... عارف اني كنت قسى عليك بس هصلحك لما ترجعي لحضني.ومش هزعلك تاني
وفي بيت الجده سيلا تلفونها رن وكانت مامتها فمسحت دموعها وخرجت بره الاوضه
مني : ازيك يا حبيبتي وازي يوسف وحشني اوي
سيلا : الحمد الله يا مامي ويوسف كويس .... اكل مني الجو خلاص كل ما تكلميني انتي او بابي تقولي يوسف وحشنا بدل ما تقولي وحشتيني بقيتوا مش بتسألوا غير عليه هو
مني بضحك : ما هو وحشني اكتر حد وهتجنن واجي اكله السكر دا
سيلا تحاول تبقى طبيعية : تعالى وانا هديهولك هديه لمده 10 ايام انام فيهم وارتاح
مني بابتسامه : انا هاخدهوا علي طول... وانتي هاتي ليكي بيبي تاني غيروا (وبقلق) بقولك يا سيلا تعرفي لين فين انا قلقانه عليها اوي بتصل بيها من الصبح تلفونها مقفول
سيلا بارتباك : ااااه اصلا سليم عمل لها مفاجأة بمناسبه عيد جوازهم وطلعوا رحله وساب تلفوناتهم قالوا مش عاوزين ازعاج.... دا احمد اللي قالي انا ماكنتش اعرف
مني بقلق : ازاي يعني يسيبوا تلفوناتهم واحنا نطمن عليهم ازاي
سيلا : سبيهم يا مامي دا هو يومين دي اول مره يسافره لوحدهم
سيلا كدبت علي مني لان عمها فريد قالها متقولش ليهم وهم هيحل المشكلة
#بقلم_ولاءيحيي
💖💖💖💖💖💖💖💖💖💖💖💖💖
ويفوت اسبوع وسليم لا حس ولا خبر... بيتصل ب عايدة بس مقالتش ليه علي اللي حصل والا اللي عمله امير... هي كانت عاوزه يفضل بعيد خافت لما يرجع يروح يرجعها وطبعا سلوي كانت معاها خطوه بخطوه
و لين كانت حالتها بتسوء ودموعها نزله علي طول ورفضه الاكل فرامي علق لها محاليل... وكل البيت بقى حزين عشانها... وامير قاعد مسافرش.... ورامي اخد اجازه ومابيروحش المستشفى.. واحمد عمل يدور علي سليم بس ماعرفش عنه حاجه
وبعد 10 ايام... امير واقف في البلكونة وكان مخنوق وزعلان علي حال لين ... لقي عربيه سليم بتوقف قدام بيتهم فنزل يجري... شافوا فاروق وسالم ونزلوا وره جري
امير بغضب : سليييييييم
سليم يلف يبص وراه لقي بوكس في وشه وقعوا علي الارض ولسه أمير هايهجم عليه... بس سالم وفاروق لحقوه وبعدوا عن سليم خرجت عايده تجري وهي بتصرخ وتشتم في امير
عايدة بغضب : تنقطع ايدك الهي تنشل ياابن..............
امير بغضب وهو بيحاول يوصل لسليم : بتسترجل عليها بتضربها انا هربيك انا هعرفك ازتي ترفع ايدك عليها.... طلقها طلقها يا حيوان..... لين مش هترجع ليك تاني طلقها
امير كان بيتكلم بغضب وفاروق وسالم بيشدو فيه من جوهم عاجبهم اللي عملوا امير وكانوا عاوزين يعمل زيه بس مرضيش يكبره الموضوع
فاروق وسالم قدروا يرجعوا أمير البيت
وسليم دخل مع عايده وهو مصدوم ومش مصدق ان امير بيقولوا يطلق لين.... هو كان متصور ان لين مش هتقول ليهم حاجه وانها هيرجع يلقيها مستنياه .بس اتصدم لما لقى أمير بيقوله يطلقها...
فاق سليم على صوة عايده اللي بتشتم بغضب
عايده بغضب : عيله زباله.... دول جم وأتهجموا عليه انا واختك.... وبهدلونا... و فضلوا يشتموا فينا وانا اقولهم عيب كده احنا أهل.... وهم يشتمه فيا وقالوا إنهم هيطلقها وأنها مش هترجع ليك تاني
سليم بصدمه وغضب : اطلق مين انا عمري ما هطلق لين انتي ازاي متقوليش ليا كل دا... انا بكلمك كل يوم بكلمك... وانتي تقولي ان الدنيا هاديه وماحدش من اهلها عرف حاجه... اعمل ايه دلوقتي دول عاوزين يطلقها
عايده بغضب : انت كل الهمك طلاقها بقولك أتهجموا عليا انا واختي وانت مش همك .... طب اقسم بالله العظيم يا سليم..... لو راحت تصالحها لا انت ابني والا اعرفك وابقى غضبانه عليك ليوم الدين ولو ماكنش يجوا هم لحد هنا مذللين ويعتذر علي تهجمهم علي بيتي وضربهم ليك.... اعتبر ان امك ماتت وهخرج من البيت دا ومش هتعرف طريقي وخلي الهانم تنفعك..... اااه ماهم ليهم حق يعملوا كده ما انت اللي قللت منا من الاول لما لقوك مدلوك عليها ونفذت ليهم كل طالبتهم... ومسمعتش كلامي افتكرونا مارممين عليهم... بس كل دا هيتصلح وهربيهم واعرفهم قيمتهم
سليم يقوم ويمشي وهو مش عارفه يعمل ايه
عايده بضيق : انت رايح فين
سليم بحزن : طلع شقتي
سليم طلع شقته وقفل عليه وقعد مكسور وحس انه خسر لين وانه غلط في حقها وهيدفع تمن غلطوا وحلف انه مش هيطلقها ومش هيسبها وانه مش هيسمح لحد ياخذها منه
تاني يوم سليم رح الشركة واول ما احمد شافوا تخانقوا معه وكان هيضربه بس ومحمد واسلام لحقهم وفصلوا بينهم وسليم سب الشركه ومشي و محمد جري وره... وخده وقاعدوا في كافيه وعرف منه ان في مشكله مع مراته وانه سيبها ومسألش عليها ومحمد غلطوا واخده ورح لأحمد البيت عشان يتكلموا سوأ
محمد بهدوء : انا جيبت لك سليم لحد عندك ياحمد وانتم مش بس اصحاب انتم نسايب فاهدوا وتكلموا وحلوا المشكلة بعقل
يقوم محمد يمشي ويسيبهم وتدخل سيلا بغضب وغيظ
سيلا بغضب : انت ازاي تمد ايدك عليها انت فاكر نفسك مين
سليم بعصبيه : انا مش فاكر انا جوزها
سيلا بغضب : جوزها يعني تحميها تخاف عليها مش تضربها وتهنها وتسيبها لست امك تبيع وتشتري فيها دا جزتها انها حبتك واجوزتك
احمد بهدوء : اهدي يا سيلا احنا لازم نسمع منه ونفهم هو عمل كده ليه.. (و يبص لسليم) حصل ايه يا سليم وايه اللي خلك تضربها وليه عاوزها تقعد مع مامتك في نفس الشقة...
سليم بغضب : كل دا ممكن يتغير لو سمعت كلامي ونفذته... انا مش عاوزها تشتغل ومش عاوز يبقي ليها علاقه باي راجل غيري متكلمش مع حد غيري متجيش تقولي دا ابن عمي ودا معرفش مين.. و تشيل فكرت الشغل من راسها
سيلا بغضب : يا سلام يا سي السيد... ليه ان شاء الله مش كفاية سابت حلمها عشان خاطرك.... و هو مش انت متفق معاها من قبل الجواز انها هتكمل دراستها وتعمل دارسات عاليا وتشتغل ... واتفقت مع بابي انها تشتغل في الشركة مع وأمير بتراجع في كلامك ليه مش كان اتفاق رجاله .. و وعلاقات ايه اللي بتكلم عنها انت اتجننت
سليم بضيق : انا ابقي مجنون لما سيب مراتي قدام الرجالة يبصوا عليها وكل واحد يحاول يقرب منها ابقي مش راجل لما القيها قاعده في الجنينة في جو رومانسي وبتكلم سي رامي اللي بيحبها وكان عاوز يتجوزها واسكت واسيبها على مزاجها... ابقى مش راجل لما اسيب مراتي على مزاجها
احمد بغضب : انت اتجننت... انت بتشك في لين انت اكيد حصل في مخك حاجة
سيلا قاعده مصدومة من اللي قالوا سليم مش مصدقه انه بيشك في لين لدرجه انها مش عارفه ترد
سليم بغضب : انا مش بشك لو كنت بشك كنت طلقتها بس انا عاوز امنع نظرت الرجالة وطمعهم فيها ومش عاوز اي حد يتقرب من مراتي ولا يكلمها تحت اي صيفه ودا حقي
سيلا بغضب : لا انا اكيد حصل في مخك حاجه انت اتجننت خالص
سليم يقوم يقف بضيق : متشكر يا مدام.... عموما انا جيت عشان اقول كلمتين... توصلهم للين زي ما هم.... هي خرجت من بيتي لوحدها.... فترجع لوحدها ما تستناش اني اروح ليها ارجعها... هي خرجت من غير إذني... ودا ليا كلام تاني فيه معاها ... ترجع علي شقتها ولما ترجع نبقى نتفهم انا وهي لوحدنا من غير تدخل من حد (ويبص لسيلا ويكمل بغضب) وقولي لأمير الرجل مايتهجمش علي بيت صاحبه مش موجود... ويغلط في امه واخته... وعشان انا باقي علي علاقه النسب اللي بنا هفواتها ليه المرة دي بمزاجي وطلاق انا مش هطلق
يمشي سليم ويديها ظهره بس سيلا واقفته
سيلا بغضب : لين حامل يا سليم
سليم ووقف مصدوم وبص لسيلا
سيلا بغضب : انا مش بقولك عشان تروح ترجعها لا انا بقولك عشان اللي الشك اللي مزروع جوك بسبب الناس اللي بتلعب في دماغك وانت سايب نفسك ليهم وبتسمعهم.... فلازم تعرف عشان محدش يلعب في دماغك ... لين حامل في شهرين عرفنا أنها حامل وهي بتجهز لفرح شروق . وكانت عملها ليك مفاجأة لعيد جوزكم .... اللي انت نسيت هديتها ليك كان ابنك اللي في بطنها وهديتك ليها كان القلم اللي ضربته ليها
سليم لف وشه وغمض عنيه بحزن ومشي من غير ما يقول والا كلمه
سيلا بعض ما خرج انهارت وفضلت تعيط واحمد يهدي فيها ماكنتش عارفه هتقول لأختها الكلام اللي قالوا سليم ازاي..... بس احمد قالها متقولش لحد... وبلاش تكبر المشكلة عشان البيبي.... سيلا فضلت سهرانه ومش عارف تنام وفي الاخر قرارات تتصل بأهلها اللي كانوا قلقانين من اختفاء لين وهيتجننوا سيلا اتصلت بيهم... قالت ليهم ان لين عند جدتها وانها تعبانه... نزل فؤاد ومني تاني يوم.. واول ما ما وصلوا... وقبل ما يفهموا اي حاجه دخلوا جري علي لين اللي كانت نايمه ومعلقه محليل.... شكلها كان صدمه ليهم خسه ونايمه..... مني مستحملكش تشوفها بتتالم وةخرجت من الاوضه وهي منهار وبتعيط في حضن سناء.... وفؤاد دخل و قعد جنبها.. وعيونه كلها دموع.. فخرجوا كلهم وسبوه معاها
فؤاد حط ايده علي شعرها... لين فتحت عينها واول ما شافت فؤاد ابتسمت بحزن ودموعها نزلت.. ورمت نفسها في حضنه
فؤاد يحضنها ودموع نزله : كده يا لين هو دا اتفقنا برده مش احنا متفقين انك هتاخدي بالك من قلب بابي... ازاي تسيبي قلبه يتعب كده انتي عاوزني اموت
فؤاد كان بيتكلم ودموعه نزله علي وشه
لين بألم وحزن : محتاجك يا بابي.. محتاجك تحميني انا تعبانة اوي
فؤاد رفع وشها وبص لها ومسح دموعها بأيده : طول ما انا موجود وعلي وش الدنيا وفيا نفس عمري ما هسمح لحد يتعبك او يزعلك.... والا هسمح لحد ينزل دموعك... وكل اللي زعلك ونزل دموعك حسابي معايا وانا هعرف ابكيهم دم مش دموع
لين تحتضنه اوي وتنام علي صدره ويفضل يطبطب عليها لحد ما نامت
#بقلم_ولاءيحيي
💖💖💖💖💖💖💖💖💖💖💖💖💖
مني بغضب : انتم ازاي تخبوا علينا.... انا بكلمكم كل يوم وتقول ليا انها بتتفسح وهي بتموت جوه
سناء : اهدي يا مني احنا قولنا مشكله زي اي مشكله بتحصيل في كل البيوت ويومين وهتتحل
مني بغضب شديد : دا ضربها يا سناء ضربها... بنتي اللي عمر ما حد مد ايده عليها.. يجي هو يضربها ويوصلها للحالة اللي هي فيه دي
ايمان : اكيد ساعة شطان يا مني سليم روحه في لين
مني بغضب : اوووووي.. روحه فيها اووووي عشان كده بهدلها وخالها نايمه بتموت جوه
سلوي بشماته : وامه حلفه ليطلقها
فواد بغضب : ومين قال اني هرجع بنتي ليه تاني اصلا
سيلا بحزن :بس يا بابي
مني بغضب : انتي تخرصي خالص.... انت ليكي حساب تاني معايا عشان تخبي عليه كل اللي حصل دا
سيلا بدموع : يا مامي مش دا المهم دلوقتي
فؤاد بضيق : امال ايه المهم يا ست سيلا
سيلا تبص للأرض : لين حامل
الصدمة سكتت الكل حتي سلوي فتحت بؤها زي البقر بظبط 😂
#بقلم_ولاءيحيي
💖💖💖💖💖💖💖💖💖💖💖💖💖
وفي بيت سليم
عايده بصدمه : حامل انت مين قالك الكلام دا
سليم بحزن : سيلا اختها... قالت انها عرفت انها حامل ايام فرح شروق.. وكنت عملها مفاجأة عشان عيد جوزنا
عايده سكتت شويه بتفكر بغضب
عايده بضيق :و ايه يعني حامل
سليم بص لها بستغراب : هو ايه اللي ايه يعني دا مراتي وحامل في ابني يعني لازم ترجع بيتي وانا هروح ارجعها
عايده بغضب : روح يا سليم... روح بس اعمل حسابك انك هترجع مش تلقيني في البيت
سليم بغضب : انتي ليه بتصعبي الامور عليا كده انتي عاوزه مني ايه... انا اصلا اللي غلطان في حقها وسيبها بقالها 15 يوم معرفش عنها حاجه
عايده تقعد جمبه تهديه : ما انت لو رحت لها دلوقتي هتزعلها اكتر وتقول انك رحت علشان ابنك اللي في بطنها وهتعاند اكتر فصبر وهي هترجع ... يا خايب الحامل دا هو اللي هيرجعه ... وهيخليها عمرها ما تفكر تسيبك او تطلق.... اللي عيل اللي في بطنها هو اللي هيرجعها... واهلها هم اللي هيرجعها لحد عندك هترجع مكسورة وتعيش طوع تحت امرك... مش احسن ما ترجع متفرعنه و حطه رجل علي رجل وماحدش يعرف يكلمها... سيبهاو هم اللي يتصلوا بيك وبكرا تشوف
سليم يقعد وحط راسه بين ايده ومش عارف يعمل ايه
#بقلم_ولاءيحيي
💖💖💖💖💖💖💖💖💖💖💖💖💖
فريد : انا مرديتش اقولك يا فؤاد ومانعت الكل يبلغك. وقولت هيجي يصالحها و اجيب حقها من غير مانكبر الموضع.. بس هو ماجاش واختفى.... ويوم ما ظهر امير اتخانق معه وضربه
امير بغضب : دا كان لازم يموت مش ينضرب بس
فايز : اهدي يابني خراب البيوت مش بسهل
فاروق بضيق : ناوي علي ايه يا فواد
فواد بضيق وحزن : لو ماكنتش لين تعبانة كنت اتكلمت معاها ... وطلقتها منه بس اللي تعب بنتي اكتر انها بتحبه وانصدمت فيه.... ودلوقتي حامل ... ما فيش قدامي غير اني اتصل على عمامه... اشوف حل معاهم
سالم بغضب : احنا اللي هنتصل يا عمي
فؤاد بحزن : عشان بنتي يا سالم هتصل عشان لين واللي في بطنها هعمل اي حاجه علشان تقوم من الرقدة اللي هي فيها
ويتصل فؤاد علي انور ويحكي ليه الحصل من سليم وعايده.... وانور يزعل جدا ويقوله انه هيتصل بسليم ويجيبه... ويروح انور ومنير لسليم بيته
سليم : اهلا وسهلا نورتم البيت
انور بضيق : مراتك فين يا سليم
سليم اتصدم من السأل
سليم بقلق : خير يا عمي حضرتك بتسأل ليه
منير بزعل : هيجي منين الخير بعد اللي عملتوا في بنت الناس يا سليم ليه كده يابني
سليم بضبق : انا معملتش حاجه هي اللي مش عاوزه تسمع الكلام.... وسابت البيت منها لنفسها انا ما قولتش لها تمشي
انور بغضب : هو انت بعد ما تضربها كنت عاوزه تقعد في بيتك..... من امتي واحنا بنمد ايدنا علي الحريم يابن أحمد
منير : وبعدين انت عاوزها تقعد مع امك في الشقة هنا ليه.... ما انت عايش في شقتك فوق وطول اليوم قعد هنا مع امك.... وانا جيت كام مره وشوفت بعيني البت قعده هنا رغم معملت امك اللي زي الزفت ليها... دي بتعمد تحرجها قدام الناس و البنت علشان بنت اصل..... استحملت وسكته ومشتكتش لحد.... عشان خاطرك استحملت... دا يبقى جزتها انك تضربها
انور بضيق : قوم يا سليم تعال نروح لحماك تستسمحه..... قصرت رقبتنا يأبن خويه وكسفتنا مع الناس المحترمة
عايده كانت في اوضتها بتسمع واول ما سمعتهم بيقوله هيروح خرجت تجري
عايده بغضب : يروح فين يا حج انور
انور بضيق : يروح يصالح مراته ياام سليم
عايده بغضب : ابني مش هيروح لحد مش هيخرج من هنا.... هي واهلها اللي يجوا هنا ويعتذرا مني ويبوسه رجلي... عشان ارضي ارجعها البيت بعد اللي عاملوه
منير بغضب : لا الله لا الله يا ست حرامي عليكي خافي ربنا انتي عندك بنات
عايدة بغضب : لو وحده في بناتي عملت كده هكسر رقبتها... واتبري منها
أنور يقف بغضب : قوم يا سليم يابني انا مبحبش كلام الحريم دا قوم قدامي
عايده بزعيق : انا قولت ابني مش هيروح لحد.... ولو ابوها عاوز يتكلم... يجي هنا البيت يتكلم قدامي
منير بغضب : ما تقوم يا سليم انت ايه اللي مقعدك
سليم يقوم يقف :حاضر يا عمي
عايده بغضب : والله العظيم يا سليم لو خرجت معهم لترجع ماتلقيين.... ولا هتعرف ليا طريق
انور بغضب : ليه كده ياام سليم انتي بتخربي بيت ابنك
عايده بزعيق : اللي عندي قولته.... ابوها عاوز يتكلم يجي هنا لحد عندي
انور ومنير لما لقي ما فيش فأيده خرجه من عند سليم... بعد ما أتخانقوا معه... وهو فضل ساكت حط راسه بين ايده
#بقلم_ولاءيحيي
💖💖💖💖💖💖💖💖💖💖💖💖💖
انور اتصل علي فؤاد واعتذر له وقالو الحصل وقفل معه علي انه فؤاد هيرد عليه
مني بغضب : انت اللي هتروح ليه يا فؤاد... لا طبعا لا يمكن أبدا.... ليه هو انا بنتي رخيصه
فؤاد بحزن : عشان خاطر لين يا منى لازم اروح
انتي شايفه حالتها. َ.. البنت خست وتعبانة جدا ورفضه الاكل..... عيشه علي المحاليل... وانتي سمعتي دكتور يحيي لما جي كان عاوز ينقلها المستشفى وهي رفضت.... انتي دكتوره يا منى وشايفه حالة بنتك
مني بحزن : بس يا فؤاد
فؤاد : ما فيش بس يا مني انا هعمل... اللي عليا عشان ابقي رضيت ضميري... عشان الطفل اللي هيتولد... ابقي عملت كل الاقدر عليه... علشان لصلح بين ابوه وامه
#بقلم_ولاءيحيي
💖💖💖💖💖💖💖💖💖💖💖💖💖
ويتصل فؤاد ب انور ويتفق انه هيروح الساعة 8
يروح فؤاد وفريد وماخدوش حد تاني معاهم لان الكل كان غضبان ورافضين ان فؤاد يروح وفضلوه يزعقه ويشتمه في سليم
رح فؤاد وفريد لقي انور ومنير وسليم وعايده قاعدين
منير بكسوف : اهلا وسهلا يا بشمهندس ازيك يا حج فريد احنا اسفين ان حضرتكم الجيت لحد هنا
فؤاد يبص لتسليم بغضب : انا جيت عشان اعرف من سليم... الأمانة اللي أخذها من بيتي صناها والا كسرها
سليم بكسوف وضيق: يا عمي هي اللي مش بتسمع الكلام
فؤاد بغضب :كلام ايه... اللي رفضته.... انها تقعد مع ولدتك في الشقة هنا
سليم : مش دا وبس. أنا عاوزها تسيب الشغل وتقعد في البيت
فؤاد : بس مش دا اللي اتفاقت عليه معايا يوم متقدمة ليا وطلبت تتجوزها.... انت قولته هتسيبها تدرس لحد ما هي تقول كفاية... وانك هتسيبها تشتغل معايا في شركتها هي ما بتشتغلش عند حد ....صح يا حج انور مش كنت شاهد يا حج منير
عايدة بغضب : انت بتشاهدهم علي ايه ما خلص دا كان كلام ورح لحاله....هي دلوقتي واحده متجوزه وكلمه جوزها تمشي عليها... مش هي اللي هتمشي كلامها... دي عاوزه تمشي على مزاجها تخرج وتدخل من غير ما حد يحاسبها....فاكرها سيبه... عاوزه ابني يسببها مشيا علي كفيها ليه مش راجل
فريد بغضب : الكلام دا ما يتقالش على بناتنا يام سليم بناتنا الكل بيحلف بآدابهم وأخلاقهم.... وانتم عارفين انتم جوزت ابنكم لمين ومن بيت مين وتربيتها ازاي
منير : وانا اشهد ليها بلادب ولأخلاق والاحترام.... انا جيت كام مره وشوفتها عيشه ازاي هنا..... وايام فرح شروق كل اهلنا اللي كانوا في البيت هنا.... بيحلفوا بيها وبتربيتها ووقفتها جنب شروق... دي بقيت مثل في العيلة... وكل العاوز عروسه يقول عاوزنها زي عروسة سليم
عايده باستهزاء : يروحه يأخذوها ياخويه... اللي عاوزها ياخذها.... اهي موجوده خليهم يشيلوا
فؤاد بص لها غضب ولسه هيرد
سليم بغضب : ايه الكلام دا يا ماما... لين مراتي وهتفضل مراتي... عمري ما هسيبها(ويبص لفؤاد) انا يا عمي عاوز مراتي ترجع... ولو علي الدراسة تدرس زي ما هي عاوزه... وتأخذ كل الشهادة اللي عاوزها بس ما فيش شغل
فريد بضيق : ولما انت عاوزها ترجع ماجيتش خدتها ليه
سليم بضيق : هي اللي خرجت انا مقولتلهاش لها تمشي .... فترجع لوحدها زي ما مشيت لوحدها
انور بغضب وزعيق : ايه الكلام الفارغ اللي بتقوله دا ..قوم حالا روح اعتذر لمراتك ورجعها
فؤاد بغضب : وانا بنتي مش هترجع تعيش هنا يا حج انور.... ولو سليم عاوزها يبقى يعيشوا بره البيت ودا... ودا علشان خاطر الطفل الجاي لدنيا.... لكن البيت اللي بنتي تتهان وتضرب فيه مش تتدخلوا تاني ابدا
عايده تقف بغضب : مين دا اللي يسكن بره..... ايوة أظهروا على حقيقتكم.... انا ابني مش هيبعد عني ولا هيسيب بيتي... ولو بنتك عاوزه ترجع... يبقى ترجع لوحدها وتبوس رجلي انا وهو ... وساعتها ابقى اوفق ادخلها بيتي... ودا عشان العيل اللي في بطنها هسمح لها تعيش في الاوضه دي ( وتشاور علي اوضة سليم) غير كده ما عندناش ودا عشان العيال وبس ولو ماكنتش حامل انا كنت هخلي سليم يطلقها... واجوز ست البنات
فؤاد وفريد قاموا وقفوا بغضب شديد
منير بغضب : انتي ايه اللي بتقوليه دا انتي بتخربي بيت ابنك وبتصغيرنا
عايده بغضب : دا العندنا يا ترجع لوحدها وتعيش في الاوضه دي..... يا بنتكم عندكم اشبعوا بيها واللي في بطنها هناخد اول لما يتولد
سليم بزعيق : ماما (ولسه هيكمل)
عايده بغضب : قسم بالله لا انت ابني ولا اعرفك تحرم عليا حيا وميته.... ومش هتشوف وشي تاني لو كسرت كلمتي.... دول ناس حراميه عاوزين يسرقوك مني... عاوزينك تعيش بعيد عني وتبقي طوع تحت ايد بنتهم علشان تمشي علي حل شعرها بمزاجها
(وتفتح باب الشقه وتبص ليها)اللي عندنا قولنا... وبنتك عندكم اشبعوا بيها
وقبل ما يكمل فؤاد وفريد وخرجوا من البيت بغضب شديد من غير ما يسمعوا رد لسليم وخرج وراهم منير وهو بيعتذر
انور ضرب سليم بالقلم : امشي قدامي حالا روح اعتذر لمراتك وأهلها
عايده بغضب : انت بتمد ايدك علي ابن اخوك عشان العالم الزبالة دول .... سليم مش هيعتذار لحد ومش هيخرج من هنا وكلامي قولته لا بوها ويلا اطلع بره انت كمان و متجيش هنا تاني
انور يبص لسليم اللي قاعد وحطط راسه بين ايده : كنت فكرك راجل يا سليم... لا انت ابن اخويا ولا اعرفك وبيتكم دا مش هدخلوا تاني... يحرم عليه
ويخرج أنور ويسيبهم ويأخذ منير ويمشوا
سليم بدموع : حرام عليكي لي عملتي فيا كده ضيعتي كل حاجه... بيتي اتخرب بسببك حرام عليكي
بقلم_ولاءيحيي
💖💖💖💖💖💖💖💖💖💖💖💖💖
التعليقات على الموضوع