بناتي حياتي🌸الحلقه 16🌸
رواية💖 بناتي حياتي💖
بقلم_ولاءيحيي
الحلقه السادسه عشر
لين مسكه الشريط بغضب وبتقرب من مروه
لين بغضب وصدمه : انتي بتحطي ليا حبوب منع الحمل في العصير...... انتي ايه مريضه ايه الكره اللي ملى قلبك دا
لين كانت بتكلم بصوت عالي جدا وصل لسليم وعايده وشروق اللي قاموا يجري..... بس قبل ما يدخله عليهم.... مروه شدت الشريط من ايد لين ورمته بسرعة ورا خشب المطبخ....ولين كانت بتحاول تمنعها
سليم باستغراب : ايه يا لين حصل ايه
لين تبص ليه بغضب وزعيق : اختك يا سليم دخلت لقيتها بتحط حبوب منع الحمل في العصير بتاعي
مروه بخوف : دي كداب.... هي علشان مش عارفه تخلف لك حتت عيل... وعاوزه تجيب الغلط فينا احنا
عايده بغضب : بت انتي.... انتي عاوزه تتبلي علينا وتجيبي عيبك فينا
لين بغضب : عيبي ! ( وتبص لها بغضب شديد) بقولك بنتك بتحط حبوب منع الحمل في العصير ورمت الشريط ورا المطبخ هنا... شد المطبخ يا سليم وطلعوا شد معايا
مروه بقلق : انا ماكنتش بحط ليكي حبوب منع الحمل .... انا كنت بحط منوم لشروق علشان بتسهر وتزعجني
لين بزعيق : الشريط اللي كان في ايدي واللي انتي رمتيا ورا هنا كان شريط منع حمل انا شوفته كويس (لين تبص لتسليم اللي وقف ساكت ) انت ساكت ليه يا سليم
عايده بغضب وقبل سليم ما يرد : عاوزه يعمل ايه يصدق انتي ويكدب اخته....(وتبص لها بارتبك بداريه) وحتي لو الحبوب كانت لمنع الحمل انتي اش عارفك انه بتحط ليكي
لين تبص لها باستهزاء : والله.... امال بتحطوه لمين.... مين فيهم بتاخد حبوب منع الحمل هي الا لسه متجوزتش
عايده تقرب من لين بغضب وغل... بس سليم يمسك ايدها قبل ما توصل للين
عايده بغضب : قطع لسانك انا بناتي اشرف من الشرف.... الدور والباقي عليكي انتي (وتقرب منها بغل) انتي فاكره زيك يا هربايه فضلتي تلفي علي ابني لحد ما وقعتيه....وجوزك... ودلوقتي عاوزه توقعي بنا وبينه.... لاااا عشتي ولا كنتي دا انا افعصك تحت رجلي... انت سامع بتقول ايه على اختك يا سليم
لين بغضب : برافو.... بجد برافو في ثانيه واحده عرفتي تقلبي الموضوع .... وطلعتيني انا الغلطان...بجد ممثله ممتازة
سليم بيبص للين بغضب : لييييييين... اتكلمي عدل وشوفي انتي بتقولي ايه وبتكلمي مع مين .... اللي بكلميها دي امي... ومش هسمح ليكي تغلطي
لين بغضب وزعيق : انا اللي اكلم عدل.... انا اللي بغلط بعد كل اللي قالتوا ليا قدامك وانا اللي بغلط .... بقولك اختك بتحط ليا حبوب منع الحمل في العصير... ورمت الشريط ورا الزفت دا.... وانت ساكت ودلوقتي بتزعق ليا انا.... طيب حرك الزفت دا وطلع الشريط وشوف مين فينا الكداب
مروه بدموع التمسيح : قولتلك دي حبوب منوم انتي ايه ما بتفهميش... َحرام عليكي انتي ليه عاوزه توقعي بنا وتكرهي اخويا فينا... انتي ليه بتعملي كده
لين بصت لسليم اللي واقف ساكت ومبيتحركش ورحت مقربه ومسكت لكاس العصير... مسكتوا لسليم في ايده بغضب
لين بغضب : اشرب يا سليم اشرب المنوم عشان تعرف تنام كويس... ونشوف مفعول المنوم قوي والا لا
لين خرجت من المطبخ بغضب شديد واخدت شنطتها.... وهديها وخرجت وقفلت باب الشقة بقوة وطلعت على شقتها
عايده بغضب : شايف... شايف الهانم اللي جيبتها لينا...... بتزعق ليا وبترزع باب البيت.... شايف مجيبك السودة
سليم يبص لمروه بحزن وضيق : انا عارف ان لين ما بتكدبش يا مروه.... وان الحبوب اللي كانت معاكي.... حبوب منع الحمل
عواطف بغضب وزعيق : ايه يا سليم انت... هتصدق مراتك وتمشي ورا كلامها.. وتكدبنا
سليم بغضب : ايوه يا ماما.. ايوه هصدقها مراتي... ولو حركت المطبخ هطلع الشريط زي ما هي قالت انا مراتي ما بتكدبش ياماما بنتك هي اللي بتكرهني.... وبتكره مراتي (ويبص لمرة بحزن) ليه يا مروه بتكرهيني ليه... انا عملت ليكي ايه... دا انا اخوكي
عواطف بغضب : والله عال يأبن بطني.... مراتك تغلط فينا... وتكلم على شرف اخواتك البنات... وانت تسيبها وتقف تزعق لينا وتسمعها .... وهي تسيبها تطلع من غير ما تكلمها..ولا تديها قلمين وتقولها ازاي بتكلمي امي كده...... سيبها هي وواقف تتخانق معانا احنا.... تصدق افتري مراتك علي اختك وتسيبها تقل ادابها على امك وتتخانق معانا عشانها ... يا خسارة تربيتي وتعبي فيك .... يا آخرة صبرك يا عايده.... يا عمرك وشبابك اللي ضاع على ابنك وفي الاخر ينصر مراته عليكي يا عايده
سليم بص لها بحزن وضيق..... ولف وخرج من المطبخ... لقي شروق واقفه قدام المطبخ ودموعها نزله...بص ليها بحزن وسيبها وطالع
#بقلم_ولاءيحيي
💖💖💖💖💖💖💖💖💖💖💖💖💖
سليم طلع اول ما فتح باب الشقة لقي لين قعده علي الانتريه ووشها في منتهي الغضب والعصبية..... فقرب وقعد جمبه وفضل ساكت شويه و بيفكر يتصرف ازاي ويقولها ايه
سليم بضيق وغضب : اسمعي يا لين
لين بغضب : لا اسمع انت يا سليم...... المرة دي انا اللي هتكلم وانت تسمع ...انا بقالي سنه كل مره وكل مشكلة انت تكلم وانا اسمع ... وكل مره بقولك حاضر وخلاص ... بس المرة دي... انت اللي تسمعني.....(وتقوم تقف قدامه بغضب) انا مش هقولك نسيب البيت دا ونعيش في مكان تاني بعيد عن مامتك واخت
سليم يبص لها بغضب :وانتي مين قالك ان انا هوافق على كدة لو طلبتي
لين بزعيق : وانا مش هطلب مع ان دا حقي يا سليم بعد كل اللي حصل و بيحصل .....بس مدام مش هنسيب البيت...انا هستقل بحياتي .
سليم بعدم فهم : يعني ايه نستقلي بحياتنا
لين بغضب : يعني هقعد هنا في شقتي هأكل واشرب واطبخ هنا في بيتي.... مش هنزل تحت عند مامتك تاني....كفايه اوي لحد كده.... دا انا من يوم ما تجوزتك ما دخلتش مطبخي اعمل فيه حاجه غير اني اشرب......دا انا هعيش ضيفه في بيتي يا سليم ... انا خلاص مش هنزل تحت تاني ..... انا هعمل أكلي هنا في شقتي..... وعشان ارضي ربنا وارضىك هبقي انزل اطمن عليهم..... بس مش زي الاول.... َمش هنفضل طول اليوم قاعدين تحت ونطلع بيتنا علي النوم
سليم بغضب : وانا مش موافق يا لين.... وانسي ان دا يحصل.... مش علشان مشكله صغيره هنقلب حياتنا... ونخرب البيت
لين تقف قدامه بغضب : انا مش بقلب البيت انا بعدلها يا سليم...خراب البيت هيجي لو فضلنا عايشين بشكل دا... انا يحافظ على البيت يا سليم لأن خلاص تعبت ومش قادره استحمل اكتر من كده....انا مش حاسه اني متجوزه.... مين يقول اني مش عارفه تلبس برحتي في بيتي.. مش عارفه كون مع جوزها براحتي .... ودا انت منعتني البس حاجه قصيره او عريان حتى هنا في شقتي عشان مامتك اللي بتطلع كل يوم الصباح.... مين يقول اني معرفش اتكلم ولا شوف جوزي غير وقت النوم .....احنا من يوم ما اتجوزنا... لا خرجنا واللي تفسحنا مره واحده لوحدنا..... كل دا واستحملت وسكت لكن لحد كده وبس.... لما القي المشاكل بتكبر بينا وبيتنا وبيتي هيتخرب يبقي كفاية....احنا حياتنا لازم تتصلح ياسليم... لو عاوز حياتنا تفضل يبقى نبعد عن المشاكل ونعيش حياتنا زي اي اتنين متجوزين.... انا مش عاوزه اخسرك يا سليم
سليم بغضب وزعيق :انا مش موافق.... ومافيش حاجه هتتغير في حياتنا يالين... وهنفضل عايشين زي ما احنا ... هننسا اللي حصل النهاردة وهنكمل حياتنا
لين تبص ليه بضيق وغضب : انسى انت يا سليم... لكن انا لا مش هنساه...
وتقوم لين وتسيبه وتدخل اوضتها تغير هدمها... وبعد شويه سليم يدخل الاوضه... ويقرب منها... بس هي تبعد عنه من غير ما تكلموا ولا تبص ليه... وتخرجغ وتسيب الاوضه ليه .... وتروح المرسم وتفضل قاعده فيه طول اليل... وسليم فضل صاحي على السرير مش عارف ينام من غير ما تكون في حضنه....ما عرفش ينام غير لما طلع النهار طلع ..والساعه 8 فاق وقام اخد شور وصلى ولبس
وخرج يشوف لين..... لقيها واقفه في المطبخ لبسه شورت اسود وبدي بينك... وشعرها مفرود علي ظهرها.... فوقف سند على الباب وبيبص عليها ... لين حست بيه وهو واقف بس طنشت
سليم يقرب منها ويقف وراها بشوق : صباح الخير
لين ما تبصيش عليه : صباح النور
سليم ويقرب اكتر ويقف يشم شعرها فهي لأول مره من 8 شهور مبتنامش في حضنه
سليم يحضنها من ظهرها بحب : بتعملي ايه
لين تبعد عنه : فطار ونسكافيه
سليم يلفها ليه ويبص لها بحزن:برده يا لين... مصممه تعملي اللي في دماغك
لين تبص ليه بقوه : ايوه
و لفت أخذت الطبق والنسكافيه وخرجت وسبيته ... وهو اتنهد بضيق وخرج ورها... لقها قاعده على السفره وبتفطر... يقف جمبها
سليم بحزن : لين انت كده بتكبري الموضوع .... انتي عارفه اني مش هقدر انفذ اللي عاوزه.... انتي عارفه ان ماما تعبانة ومبتعرفش تأكل من غيري
لين سابت الاكل وتنهدت وسكتت شويه...
لين تبص له : وانا محتاجه اهدي يا سليم.... بليز سبني براحتي لحد ما اهدي... انا هفضل في شقتي لحد ما اهدي... وانت خليك براحتك انزل كلي معاهم .. انا مش هزعل
سليم يبتسم ويقعد جمبها ويأخذ النسكافيه من ايدها .... ويبص ليها بحب
سليم بابتسامه: وانا معرفش اكل من غيرك انا هفضل معاكي لحد ما تهدي... بس مش هنطول
لين بصت ليه وابتسمت... وأخذت ساندويتش من الطبق.. ومدته ليه وهو ابتسم وقطم لقمه ومسك ايدها وباسها... وقعدوا وفطروا سوأ...
سليم يبص ليها : نزله الكليه النهارده
لين بابتسامة :لا ماعنديش حاجه مهمه.... بس هروح عند ماما قعد معاها شويه
سليم ملامحه تتغير بضيق ويفتكر.. رامي وازاي ساب شغلوا وجي عشانها وافتكر نظرت الحب في عينه وهو بيديها الهدايا....
سليم بضيق : ما تستني لما ارجع.... ونروح سوأ
لين تبص ليه وحست باللي جوه فتتنهد : حاضر يا سليم هستناك
سليم يفرح انها ووافقت.وما اعترضت... بس لين وافقت لأنها ماكنتش حبه تروح عند مامتها وهي متضايقه.... كانت خايفه بابها ومامتها يحسه بيها وهي ماكنتش عاوزه تضايقهم
سليم بابتسامه وهو بيبص على الشقه :أنا بفكر اعمل تغير في الشقة هنا
لين باستغراب : تغير ايه
سليم يقرب منها ويبص في عينها : اكسر اوضة المرسم ولغيها من البيت.... عشان تبطلي تستخبي فيها... وتستخبي في حضني وبس
لين تبتسم وتحط ايدها علي خدها وتبص ليه بحب
سليم يقرب منها : انا بقول اكلمهم في الشغل... واخد اجازه النهارده وقعد معاكي
لين تضحك وتقوم تقف... وتأخذه من ايده للباب
لين :لا يا سيدي اتفضل انزل قبل ما مامتك تطلع.... ورح على شغلك وبطل دلع
سليم يبوس جبينها : حاضر.... بحبك
لين بابتسامة :وانا كمان
#بقلم_ولاءيحيي
💖💖💖💖💖💖💖💖💖💖💖💖💖
وينزل سليم ويدخل شقة مامتها يلقيهم صاحين وبيحضروا الفطار
سليم بضيق : صباح الخير
عايده وشروق : صباح النور
عايده بابتسامة :انت صحيت يا حبيبي... دا انا كنت بحضر الفطار.... و هطلع اصحيك
سليم يقعد معاهم علي الفطار وهو ساكت
عايده : مالك.... انت منمتش والا ايه
سليم بضيق : نمت الحمد الله
عايده بضيق :امال مالك.... هو انت مصدق مراتك
سليم قطع كلامها : ماما قفلي علي الموضوع دا لو سمحتي ... (ويقوم يقف)
عايده :انت رايح فين... انت مفطرتش
سليم بضيق :فطرت الحمد الله....
عايدة بابتسامه :طيب يا حبيبي براحتك... قولي عاوز تتغدا ايه النهاردة وانا اعمله ليك
سليم يبص ليها بضيق : لين هتعمل الغدا وهناكل فوق في شقتنا
يقول كلامه ويخرج ويسبها.. قبل ما ترد.... وعايده بتبص عليه وهي مصدومة.... وتحس ان مايه سأقعه وقعت علي رأسها.... وشروق تنبسط اوي من قرار سليم.... بس اول ما تشوف شكل عايده ... تخرج بسرعه علي كليتها قبل ما عايده تطلع غضبها عليها
عايده تبص لمروه : قومي يا بت اتصلي علي سلوي بسرعه
#بقلم_ولاءيحيي
💖💖💖💖💖💖💖💖💖💖💖💖💖
وعند لين في شقتها وبعد ما سليم نزل كانت قعده ومشغله اللي لاب ومخنوقة فقررت تبعت رساله لشوشو
لين في مسيتج :( انتي صاحية اتصل )
واول ما المسيج وصلت شوشو اتصلت بيها على طول
لين : صباح الخير يا ام ياسين
( شوشو ولدت كانت خلفت من شهر وجابت ياسين )
شوشو بزعل : مالكيش دعوي بياسين عشان هو زعلان منك
لين بابتسامه : انتي اللي زعلانه مش ياسين.... يا شوشو والله غصب عني اني محضرش ولادتك.... انت ولدتي ايام امتحانات وبابي ومامي كانوا نزلين عشان سيلا... وبعدين انا هعرف اصالح يويو حبيبي بس اطلعي انتي منها
شوشو :لما نشوف هتيجي امتي ونشوفك احسن الجواز خدك منا
لين تبتسم بحزن فشوشو تحس بيها
شوشو : ايش بكي لين فيك شيء
لين تتنهد بحزن : هحكيلك يا شوشو بس توعديني ما حدش يعرف غيرك
شوشو بقلق : وعد يا لين احكي قلقتني
لين حكيت لشوشو كل الحصل من يوم ما تجوزت... لحد اللي حصل امبارح من مروه
شوشو بصدمه وغضب : وانتي سكته كل دا ليش..... وازاي تسكتين امبارح ... ليش ما رحتي بيت اهلك
لين بضيق : انا لما تجوزت كنت عارفه انه هيبقي صعب اني اكسب حبهم ... لكن ماكنتش ممكن اتخيل انها توصل للإهانة وتجريح واخر شيء الحصل امبارح
شوشو : وازاي تقبلي وازي سليم يسكت ويصدق أخته... وبعد كل دا بده يضل جلس عندهم وانتي تتصالحين معاه انا مش فهمك لين
لين بحزن :يا شوشو انا امبارح كنت غضبانه ومضايق.... وفعلا كنت بفكر اروح لأهلي واحكي لهم.... بس لما هديت و قعدت مع نفسي وفكرت لقيت ان صدمت سليم... اكبر من صدمتي... وعشان كده سكت.... اللي حصل امبارح يجرحوا هو اكتر مني والمقصود بيه هو مش انا
شوشو : ازاي دا
لين : احساس ان اخته بتكرهه وانها مش عاوزه يكون عنده ولاء.... وانها بتحاول تؤذيه وتمنع انه يخلف.... الجرح جيه ليه من اخته اللي المفروض انها اقرب حد ليه انا لما حاولت احط نفسي مكانه واتخيل سيلا تؤذيني او تكرهني ماقدرتش استحمل حتي التفكير.... لكن هو عاش دا وشايف اخته بتؤذيه امبارح سكوت سليم كان من صدمتوه.... وانه يحاول يصدقها لانه صعب انه يصدق ان اخته تعمل فيه كده
شوشو : اكيد امه العقربة متفقه معاها
لين : لا ماظنش دا هي نفسها تشوف ولاد سليم والفترة الفاتت كل خناقه معايا علشان عاوزه حفيد
شوشو : وليش مروه تعمل كده معاكم
لين : مروه مش طبيعية عندها حاله نفسيه وحب مامتها لسليم خلها بتحب تضايقه وتؤذيه دا لو ماكنتش فعلا بتكرهه .... مروه الفرق بينها هي وسليم سنتين... وواضح ان مامتها كانت حبها واهتمامها كله بسليم في الوقت اللي مروه كانت محتاجها فيه زيها زي سليم فكرهتوه
شوشو : اعوذ بالله طيب ليه شروق مش كدة
لين : ومين قالك ان شروق مش مجروحه هي كمان... شروق جوها جرح بس مش من سليم جرحها من مامتها... شروق بتحب سليم لأنه هو الوحيد اللي كان بيهتم بيها وهي صغيره ودا عوضها
الفرق بين سليم وشروق 7 سنين فكان فاهم وحبها واهتم بيها لأنها اخته الصغيرة... لكن مروه كانت طفله... كبرت وهي شايفه وخد كل حاجه كل الاهتمام كل الحب... بقيت تحب تضايقه وعاوزه تحرموه من اللي بيحبه زي ما احترمت هي
شوشو بضحك : ايه مستشفى المجانين اللي عيشه فيها دي.... طيب وانت ليه عاوزه تفضلي فوق وانتي بتقولي ان مروه مريضه وان حماتك ملهاش علاقه بلى عملته مروه
لين تتنهد بضيق : لان تعبت.... تصرفاتها معايا بقيت تأثر فيا وبقيت اضيق ورد عليهم... ودا بيزعل سليم.... وانا مش قادرة اسكت على اهانتها ليا... غير تصرفاتها معايا...وانا مش قادره اقول.. لاني عارفه انها صعب يقف قدامها لأنها أمه...... بس انا انسانه مش ملاك وما تعودتش ان حد يعاملني كده واسكت.. ولو فضلنا انزل وهي تتصرف كده مش هسكت... المشكل بيني انا وسليم هتكتر وتكبر... وهي مش هتتغير وتفضل تسمعني اهانتها وتجرحه عشان تبعدني عن سليم
شوشو : والله ما عرفه اقولك ايه يا لين.... طب انتي ناويه تعملي ايه
لين بضيق : هفضل بعيد شويه لحد ما الامور تهدي وبعدين ارجع احاول من تاني معاها يمكن تستسلم وتتقبل وجودي في حياه سليم..... (وتتنهد) انا كلمتك يا شوشو لأني كنت عاوزه اخرج اللي جوية وافكر بصوة عالي وماقدرش اتكلم مع اهلي مش عاوزه ازعلهم ولا اشيلهم همي..... هم لو عرفوا مش هيقبلوا اني افضل عايشه هنا.... سليم كان اختياري يا شوشو وانا اللي اقنعتهم بيه. فلازم احل مشكلي لوحدي وهم يفضلوا مطمنين عليا
شوشو : حبيبتي انا معاكي يا لين ومش لوحدك وعلي طول احكيلي حبيبتي... وما تشيلي جوكي واهو نفكر سوأ ونشوف الحل سوأ
لين بابتسامه : ربنا يخليكي ليه يا شوشو
ويفضلوا يتكلموا فتره في مواضيع كتير
#بقلم_ولاءيحيي
💖💖💖💖💖💖💖💖💖💖💖💖💖
وعند عايده... سلوي جت لها وعرفت الحصل واكتشاف لين لحبوب اللي بتحط في العصير
سلوي باستغراب : وعرفت وسكتت ومرحتش لا بوها
عايده : ااااه ياختي فضلت قاعده... دا انا قولت دا اللي هيخليها تزعل وتسيب البيت وتقوله يا انا يا هم وساعتها ابني هيختارني انا عارفه ابني..... بس العقربة فضلت قاعده.... و الصبح ليقولي انها هتعمل اكل فوق و انه هياكل معاها في شقته
سلوي بضيق : البت دي مطلعتش سهله... دا انا كنت فكرها انها مش هتستحمل اللي بتعمليه فيها ... وهتجري تشكي لا بوها وامها وهم مش يستحملوا عليها الهواء ويطلقها.... بسع البت ولا بتقول لهم والا كلمه.... دول عاملين يتكلموا علي السعادة الهي فيها
عايدة بغيظ : والعمل يا سلوي هسيبها تاخد الواد اللي حيلتي ... وافضل قعده اتفرج عليها.... يارتني مع سمعت كلامك يا سلوي... ياريتني ما وافقت علي جوزه منها
سلوي بخبث : استني بس لسه الحرب مخلصتش بس المهم دلوقتي اوعي ابنك يعرف ان ليكي دخل بموضوع الحبوب او انك تعرفي عنه اي حاجه... مروه هي اللي انكشفت... فانتي اعملي انك عرفتي الحقيقة... وان البت مراته ماكدبتش وانك مسكتي مروه بهدلتيها.... واهدي الأمور عليها اللي يومين دول لحد لما ترجع تنزل عندك هنا تاني....و نشوف لها سكه تانية
عايده : انا البت دي مش عاوزها في بيتي لازم في اقرب وقت تكون مطلقه وتغور من هنا
سلوي : هيحصل بس اصبري.... المهم دلوقتي لما يجي سليم اطلعي معاه ليها اللي يعني بتصالحيها و تكلمي وغلطيها علشان اتكلمت في سمعه بناتك وغلطيها قدم ابنك. ََوهو يبقي انت عدك العيب قدام ابنك وهي مش هتعرف تكلم
عايده : وبعدين واعمل ايه اسيبها قعده وتأكل عقل الواد
سلوي : افضلي عمليها زي ما كنتي واكتر.... نزود بقي ان نلعب في دماغ ابنك... عشان هو كمان يتغير معاها لان واضح ان اللي مصبرها حب ابنك ودلعوه ليها فلما يقلب عليها يبقي نكد فوق وتحت ومش هتستحمل
عايده : هنلعب في دماغه ازاي دا مش شايف حد غيرها... والبت طول النهار لبسه ومتذوقها حتي بعد ما منعها تلبس العريان والقصير بتلبس لبس يهبل اجدعها راجل
سلوي بمكر وخبث : ابنك بيغير عليها اوي... دا لما بتيجي عندنا بتكلم سالم ابني فحس أن ابنك عاوز يموته بيبقى هيولع.... ولما بقي بتكلم رامي عنيه بطلع نار اصل الواد رامي كان بيحبها وكان هيموت ويتجوزها... َوشكل ابنك عارف مشاعره ليها... احنا بقي نشتغل علي الغيرة لحد ما يشك فيها وينكد عليها وساعتها الحب اللي مصبرها هيروح وهي مش هتستحمل شكه فيها ودا بقي إلا هيكسرها
عايده : ايوه صح انا شوفته يوم عيد ميلادها كان مبسوط لحد ما رامي جي وديها الهديه ساعتها قلب واتعصب وقال انه مصدع وعاوز يمشي وخدنا ومشي
سلوي : اهو هو دا اللي نولع بيه مابينهم... بس من غير ما يحس انك قصده تخليه يغير من رامي
عايدة بابتسامه :ماشي لما نشوف انا والا انتي يالين
#بقلم_ولاءيحيي
💖💖💖💖💖💖💖💖💖💖💖💖💖
لين فضلت طول اليوم في شقتها ترتبه وتجهزها وتعمل الاكل.... وكانت مبسوطة جدا
سليم رجع وداخل عند عايده قبل ما يطلع شقته
سليم : سلام عليكم يا ماما
عايدة : وعليكم السلام تعال يا سليم عاوزك
سليم يقعد : خير يا ماما
عايده : انا جيبت فتحيه النهارده وخليتها تزوق المطبخ وطلعت الشريط دا (وتدي ليه شريط حبوب منع الحمل ناقص منه حبيتين اتنين بس) لين كان عندها حق.... وانا مسكت اختك كلتها بسناني ولولي فتحيه اللي حاشت عنها كانت طلعت روحها في ايدي
سليم بحزن : انا كنت عارف ان لين مابتكدبش بس كان جويا حاجه بتمنا يكون في حاجه غلط وان اختي متعملش فيا وفي مراتي كده.... هي ليه بتكرهني انا عملت فيها ايه
عايده : بكرهك ايه يا سليم... دا انت اخوها الوحيد هي بس كانت مضيقه من لين غيرانه عليك منها بتقول انها اخدتك انت وشروق منها.... انت عارف الاخت بتغير علي أخواتها..... ومروه ملهاش اصحاب وانتم اللي ليها ..... هي بتقول انها حطت حبيتين اتنين بس واهو الشريط قدمك.... بص يا سليم هي غلطت بس انت السبب... انا عاوزك تهتم باخواتك وتبطل تدلع في مراتك قدامهم.. هي بتغير عليك هي مالهاش غيرك بردوا... ومروه كبرت بقي عندها 25سنه ولسه لا اتخطبت ولا اتجوزت..... ودا مأثر عليها وهي شايفه الاصغر منها متجوزه وبتدلع اخر دلع
سليم : حاضر يا ماما هاخد بالي واهتم بيها... وربنا يرزقها بابن الحلال
عايدة : يارب يا حبيبي... انا كنت مستنيك عشان اطلع اصلح مراتك يلا نطلع سوأ
سليم بفرحه : بجد يا ماما هتطلعي تصلحيها
عايده بضيق : اعمل ايه كله عشان خاطر عيونك يا حبيبي.... هو انا عاوزه ايه يعيني غير راحتك وسعادتك... وانك تفضل في حضني وقدام عنيا
سليم يقوم يبوس راسها : ربنا يخليكي ليه يا عيوده يا عسل
#بقلم_ولاءيحيي
💖💖💖💖💖💖💖💖💖💖💖💖💖
ويطلع سليم ومعاه عايده ويفتح باب الشقة
سليم : تعالي يا ماما اتفضلي... لين يالين
لين تخرج من المطبخ وهي لبسه هوت شورت جينز و بدي كب اسود
لين بابتسامه : انت جيت يا حبيبي
وتقف وتتفاجأ بوجود عايده قدامها
سليم : تعالي يا لين... ماما عاوزكي
لين تقرب بضيق : اهلا وسهلا ازي حضرتك يا طنط
عايده بضيق : اهلا بيكي... تعالي اقعدي عاوزكي
تقعد لين ويقعد سليم قدامها وهو بيبص ليها برجاء
عايدة بضيق : انا طالعه عشان اقولك حقك عليا... انا اتاكدت من كلامك وعرفت اللي مروه عملته وانك كان عندك حق.... متزعليش هي بس كانت غيرانه علي اخوها..... وقالت تضايقك وهم حبيتين اتنين اللي حطتيهم...(وتبص لها بغضب) بس انا كمان زعلانه منك ما انا هقول اللي ليا واللي عليا..... ماكنش يصح بردوا انك تكلمي في سمعه بناتي
لين باستغراب : انا متكلمش في سمعة حد يا طنط والا جيبت سيرتهم.... حضرتك اللي عاوزه تفهمي غلط وتغلطيني.... انا من اول ما شوفتها الحبوب قولت انها بتحطهم ليا وقولت ليكم كده اول ما دخلتوا انتم.. انا ما شكت للحظه ان الحبوب لحد تاني
عايده بخبث : هو مش انا يا سليم لما سالتها قدامك اش عرفك أن الحبوب ليكي رحت ضحكه بتريقه وقالت.... وهو مين فيهم هياخد الحبوب
لين : ايوه لان انا والوحيدة اللي متجوزه في البيت فأكيد هتكون ليا مش لوحده فيهم
عواطف بغضب : هو انتي بتعييري بناتي عشان متجوزش لحد دلوقتي
لين بغضب : هو حضرتك طلعه وعاوزه تغلطيني وخلاص
سليم بسرعه : لين ماما خلاص... احنا نقفل علي الموضوع دا وننساه.... وبعدين يا لين ماما طلعت لعندك علشان تصالحك
عايده بضيق : انتي زي بنتي وانا امك وطلعت ليكي لعندك ايه مش هتعملي خاطر لدا
لين بضيقغ: لا ازاي يا طنط طلوع حضرتك ليا حاجه كبير... وخلاص انا مش زعلانه
عايده : طب كويس قوموا بقى انزلوا عشان نتغدا
لين : بس انا عملت الغدا هنا... خليكي حضرتك أتغدي معنا النهارده
سليم يقوم يقعد جمبها : ايوه يا ماما خلينا نتغدا هنا النهارده(ويغمز للين) واهو عشان تشوفي لين بتعرف تطبخ والا لا
عايده بضيق : طب واخواتك هسيبهم يتغدوا لوحدهم
لين بضيق : لا ازاي انا هتصل بشروق تيجي من الكليه علي هنا... وسليم ينزل يجيب مروه واهو يصالحها بالمره
يتجمعوا كلهم في شقة لين ويتغدوا... في جو من التوتر... بس ينتهي بسلام ويرجعوا بعدها لحياتهم وينزلوا تاني لبيت عايده كل يوم
لين قررت تشغل نفسها اكتر وبقيت تشتغل في شركة بابها عن طريق النت.... فبقيت طول الوقت يا في الكليه....يا بترسم تصميمات وتبعته لامير وهم ينفذوا..... وانشغلت في مذكرتها و امتحانات
وفات شهر ولين خلصت امتحانات... واخر يوم امتحان لين قالت لسليم انها هتروح لمامتها تطمن علي سيلا اللي على وش ولاده
توصل لين بعربيتها قدام البيت في نفس الوقت اللي ووصول فيه رامي
رامي بابتسامه : لين وشك والا القمر بقالي كتير ما شفتكيش من يوم عيد ميلادك مختفيه
لين بابتسامه : ازيك يا رامي... الامتحانات كانت شاغلني بس الحمد الله خلصت.... دا انا كنت طول الوقت بعمل مشاريع وابحاث وملخصات والا الدكتوراه والله ( وتضحك هي ورامي)
رامي بابتسامه : ربنا يوفقك وعقبال ما تحضري الدكتوراه.... انا عارف انك مش هتتنزلي عن الحلم دا ابدا
لين بابتسامه : ان شاء الله ادعيلي انت بس
رامي بتقليد صوت داد زينب : روحي يا لين يا بنت مني تكسب وتربحي و يجعلك في كل خطوه نجاح
لين تضحك اوي علي تقليد رامي
لين بضحك : لسه بتقلدها حلو... بس عارف هدخل اقولها اخليها تعاقبك زي زمان
وتدخل لين وهي بتضحك ورامي يدخل ورها
رامي بقلق : لا يا لين ما فيناش من هزار تقيل كله الا داد زينب اوعي تقولي لها. انا مش حمل فتة العسل
و يدخلوا وهم بيهزروا ويضحكوا ... وما يعرفوش ان في حد بيتمنا ليهم الشر شايفهم طبعا اتصلت بعايده وادتها الاخبار الا توصلها لسليم بطريقتها الخاصة
لين تدخل وتسلم علي الكل وتعقد مع سيلا ورشا وسميه وسها يهزره ويضحكه علي سيلا ال بقيت شبه البلونه
#بقلم_ولاءيحيي
💖💖💖💖💖💖💖💖💖💖💖💖💖
سليم يرجع ويدخل عند مامته
سليم : سلام عليكم
عايدة : وعليكم السلام ازيك يا حبيبي
سليم : الحمد الله قاعده لوحدك ليه فين البنات
عايدة : مروه بتشوف الاكل و شروق رجعت من الامتحان نامت
سليم : ولين فين
عايده بخبث : عند جدتها شوفتها من البلكونة وانا بنشر الغسيل كانت جيا مع والدكتور رامي وعاملين يضحكوا ودخله هم الاتنين.... لو ماكنتش شوفتها كان زماني قلقانه عليه وعماله قول هي راحت فين
طبعا سليم ولع وكل اللي سمعوا انها جيت مع رامي ويضحكوا... فرح قايم بسرعه وخرج وعايده ابتسمت بشر
وعند الجدة الباب يخبط
ايمان بابتسامه : اهلا يا سليم اتفضل
سليم بضيق : ازيك يا مدام ايمان وازي فاروق
ايمان : بخير الحمد الله
وتخرج سناء : مين يا ايمو... سليم اهلا يا حبيبي اتفضل وقف ليه
سليم كان سامع صوت اغاني عاليا وضحك لين وهي طبعا بتضحك مع البنات بس هو مش سامع غير صوتها ودا ضايقوا اكتر.... ويدخل الصالون عند الجده ومني وسلوي ويسلم علي الكل ويعقد معاهم
سليم بضيق بيحاول يداريه: وازاي رامي يا طنط سناء هو فين بقالي كتير مشفتوش
سناء بابتسامه :الحمد لله كويس... لسه طلع ينام من شويه... مموت نفسه في الشغل يا سليم دا احنا ما بنشوفوا في البيت خالص
سلوي بخبث : اه والله دا ما بيجيش بدري بقاله كتير على طول سهران في المستشفى... المرة الوحيدة اللي جي فيها بدري.. يوم عيد ميلاد لين و النهارده جيه بدري... بيتعب نفسه اوي في الشغل.. اللي هو مش ناوي يتجوز يا سناء
سناء بحزن : مش راضي يا سلوي... وكل ما نتكلم معاه يزعل ويتخانق ويقول انه مش هتجوز ابدا
طبعا سليم كان بيسمع وغيرته بتزيد وكان هيولع
سليم بضيق : ممكن يا طنط مني تنادي علي لين عشان نروح
مني : تروحوا فين اقعدوا اتغدا معانا انتم بقالكم كتير مش بتيجوا بسبب امتحانات لين خليكم معانا النهارده
الجدة : خليكم يا سليم شويه و الكل هيجي ونحط الغدا ونتغدا سوأ كلنا
سليم : معلش مره تانية احسن انا رجع تعبان ولين بقالها فتره مابتنمش فترتاح شويه هي كمان ونبقي تيجي وقت تاني
مني بابتسامه : خلاص نستنكم بكرا تقضي اليوم معنا.... هروح انادي لين
وتروح مني للبنات وتنادي لين وتعرفها ان سليم بره وتخرج لين مبسوطة وبتضحك
لين : اهلا يا حبيبي جيت امتي
سليم بضيق : من شويه جيت اخدك يلا عشان تعبان اوي
لين باستغراب : سلامتك يا حبيبي مالك
سليم بضيق : عندي صداع... وعاوز انام يلا
يسلموا عليهم ويمشوا وسليم مسك ايد لين بغضب وضيق ولين تحس بألم من مسكتوا وبعد ما خرجوا
لين : مالك يا سليم في ايه براحه ايدي بتوجعني
سليم بعصبيه يشدها : لينا بيت هنتكلم فيه مش هنتكلم في الشارع يا هانم
لين تستغرب ومش فهمه ايه اللي مضايقه ويدخلوا البيت وهو بيشدها ويطلع علي شقتهم علي طول ويدخل ويقفل الباب بغضب وقوة
سليم بغضب: انتي ازاي كنت راجعه مع رامي وتقابلتم فين وليه
لين باستغراب : ومين قالك اني راجعه مع رامي
سليم بعصبيه : انا اللي بسأل مش انتي و بطلي كدب ... انتي
ولسه هيكمل لين وقفت قدامه بغضب
لين بغضب :كداب!!!!!! انا ما بكدبش يا سليم وانت عارف كده كويس... اللي وصللك الكلام دا هو الكداب
سليم بزعيق : انتي كنتي جايه معاه و دخلتوا البيت سوأ.... ولما ورحت اجيبك لقيتك قاعده تضحكي وترقصي .... واللي اكنك واحده متجوزه وليها راجل
لين بصدمه : انا كنت برقص مع اختي وبنات عمامي ما فيش رجل كان موجود في الشقة... حتي عمامي ماكنوش موجودين... وانت جيت وشوفت بنفسك
سليم بغضب : لا رامي كان موجود
لين بغضب اكتر : كان موجود فين يا سليم... رامي مكنشخ في الشقة نناه كان في شقتهم... وبعدين انت ايه مشكلتك.... كل ما تكلمني تقولي رامي رامي رامي... قولتلك 100 مره رامي اخويا ماينفعش تغير منه
سليم بغضب : وانا قولتلك هو مش اخوكي وكان بيحبك وعاوز يتجوزك
لين بزعيق : كان ياسليم.... انت قولتها كان... ودلوقتي انا تجوزتك.... ومن يوم ما تجوزتك ورامي عمره ما بص ليا بنظره غير اني اخته
سليم بغضب : وانا مش عاوزه يبص ليك خالص لا اخته ولا مش اخته مش عاوزه يبصلك مش عاوزه يكلمك والا يبقى ليه دعوي بيكي نهائي
لين بغضب : رامي ابن عمي يا سليم وانا مش هخسر حد من اهلي..... اهلي خط احمر مش هسمح ليك انك تبعدني عن حد فيهم
سليم بغضب : يعني تخسريني انا ...علشان مش عاوزه تخسري رامي ...وعاوزه تخسريني انا يالين
لين بغضب : اخسرك !(وتتنهد وتحاول تهدي نفسها) انت عاوز ايه دلوقتي يا سليم ايه الحل اللي يريحك علشان انا زهقت
سليم بغضب :ما فيش مروح عند جدتك تاني من غيري... عاوزه تروحي يبقى لما اكون معاكي يا لين... َعاوزه تروحي كل يوم نروح بس انا وانت سوأ مش لوحدك
لين باستهزاء : دا اللي يريحك يا سليم حاضر مش هروح غير معاك...
وقامت دخلت الاوضه وغيرت هدومها وطلعت على السرير علشان تنام
سليم يدخل بضيق : انت بتعملي ايه
لين بضيق : هنام يا تري مسموح ليا و اللي لا
سليم بغضب : اتكلمي عدل يا لين... وقومي هنا كلميني انتي لسه مرديتش عليا... ايه اللي رجعك مع رامي وازاي اتقابلتم وفين
لين تبص ليه بغضب : روح اسأل اللي بلغك هو شاف ايه بظبط
ورحت نايمه علي السرير وهي حبسه دموعها... وهو بقى رايح جي بغضب
#بقلم_ولاءيحيي
💖💖💖💖💖💖💖💖💖💖💖💖💖
ويمر الوقت وسيلا ولدت وجابت يوسف الكل فرحان ومبسوط بيه وعمله ليه اجمل سبوع جمعوا فيه الكل الاهل
مني وفؤاد فضلوا شهر بعد ولاده سيلا وبعدين سافره.....فضلت الحياه بين لين وسليم متوتره وكل ما يروحوا عند جددتها ويقابلوا رامي..... لازم سليم يرجع يتخانقو خناقه كبيره... وغيرته بقيت زياده.... ولين بتحاول تفهموا وترجع الامور هاديه بينهم.... بس عايده وسلوي كل شويا يألفوا قصة فيخلوا يغير ويشك اكتر
.
وتمر شهور والوضع زي ما هو ايام بتكون حب وسعادة بين لين وسليم.... وايام بتكون مشاكل بسبب غيرت سليم الزيادة وشكه اللي بيتزرع جوه.... ومرت سنه كمان... وشروق خلصت الكليه وتقدم لها عريس.... وافقت عليه اتخطبت وهتجوزي وتسافر مع جوزها..... لين فرحت جدا لشروق وبقى يجهزه ولين كانت بتحس بتعب بس كانت مشغوله مع شروق وافتكرته ارهاق من المذاكرة والشغل وتجهيز مع شروق
وفي يوم لين رحت لسيلا علشان تشوف يوسف اللي بقي عنده سنه ونص.... يوسف بيحب لين جدا ومتعلق بيها... ولما بتروح بيفضل قاعد في حضنها
سيلا بابتسامه : الواد دا كل ما يشوفك ينسي اني موجوده ويفضل يلعب ويبوس فيكي... دا ما بيعملش معايا انا كده
لين بضحك ولعب يوسف : انا اصلا مستنياكي تخلصي رضعتوه علشان اخده منك يعيش معايا
سيلا بابتسامه : خديه ياختي من دلوقتي وسبوني انام دا انا نسيت طعم النوم
لين عمله تلعب مع يوسف وبتأكله شكولاتة فبهدل لها هدمها ووشها بأيدوا و هو عمل يضحك
لين بغيظ : كده يا يويو كل مره تعمل فيه كده وانزل من عندكم متبهدله بسببك
سيلا تضحك : احسن عشان تبطلي تجبي له شكولاتة وماتجبيش ليا.... (وتمد ايدها تاخدوا منها) هاتيه وقومي اغسلي هدومك
لين وهي قايمه حاست بدوخة وكانت هتقع فقعدت تاني
سيلا جريت عليه بقلق : مالك يا لين فيكي ايه يا حبيبتي
لين بتعب : ما فيش دوخت مره واحده بس متقلقيش... خالص رحت الدوخة
سيلا تعقد جمبها بابتسامه : هو حصل والا ايه والله شكله حصل.... انتي اخر مره جت امتي
لين بصت ليلا بصدمه :دي متأخرة بقالها اسبوع تقريبا.... بس عادي هي ساعات بتعمل كده معايا ايام الامتحانات من التوتر
سيلا بفرحه : لا المردي شكلك حامل.... والله انا حسه انك حامل قومي لما ننزل نعمل تحليل في المعمل
لين بابتسامه : قومي فين... انتي خليكي هنا بابنك وانا هروح... وهبقي افوت علي المعمل اعمل تحليل واكلمك
سيلا : بس اول ما تعرفي تقوليلي علي طول قبل اي حد
لين بابتسامه : بس بشرط لو طلع حمل متقوليش لأي حد ابدا
سيلا بتصنع الحزن : ليه دا انا ممكن اموت لو ماقولتش
لين بجديه : سيلا دا شرطي.. ََانا عيد جوزي بعد اسبوع ولو انا فعلا حامل... عاوزه اعملها مفاجأة لتسليم... وتبقي دي هديتي ليه... وكمان فرح شروق فضله عليه يومين... وانا مش عاوزه حاجه تسرق منهاغ فرحتها.... ولو سليم وطنط عرفوا هيفرحوا وينس شروق.... وانا عاوزها تحس ان مامتها فرحانه بيها وبتحبها..... و دا لو طلع حمل احنا عاملين نخطط واحنا لسه ما فيش متأكدين
سيلا بابتسامه : ان شاء الله هيطلع حمل انا متأكده يلا قومي اغسلي هدومك وانزلي اعملي التحليل بسرعه وطمنيني
#بقلم_ولاءيحيي
💖💖💖💖💖💖💖💖💖💖💖💖💖
نزلت لين ورحت للمعمل التحليل... وهي بتدعي ربنا تكون حامل... لين كانت حسه أن الحمل هو اللي هيرجع يقرب بينها هي وسليم.... وينهي اي خلاف موجود.... وان حماتها هتحبيها لما تجيبي لها حفيد
وتطلع ناتيجة التحليل ولين تطلع حامل... وتفرح جدا وتكلم سيلا
لين بدموعها فرحه : انا حامل يا سيلا الحمد الله حامل
سيلا بدموع وفرحه : حبيبتي يا لين... الف مبروك طب مالك... بتعيط ليه اهدي
لين بفرحه ودموع : كان نفسي اوي في البيبي دا من زمان يا سيلا.... كان نفسي افرح سليم اوي ويكون ليه طفل منه
سيلا بابتسامه :ربنا يكملك على خير يا حبيبتي ويفرحك دايما
لين بابتسامه :يارب يا سيلا.... سيلا انت وعديتني مش هتقولي لحد حتي امامي عشان خاطري يا سيلا اوعي تقولي لحد
سيلا بابتسامه : حاضر يا حبيبتي مش هقول لحد هسيبك تعيشي فرحتك زي ما تحبي... المهم تكوني مبسوطة وفرحانه
وتقفل لين التلفون وهي طايره من الفرحة... وتروح البيت وتكون مبسوطة اوي لدرجه... ان حماته فضلت تضايق فيها قدام قريب سليم اللي موجودين في البيت عشان فرح شروق.. بس هي مشغلتاش بالها غير بفرحتها... وكبرت دماغها منها وبقيت تعامل الضيوف بفرحه وسعاده.... وكل الضيوف حبوها جدا وشكروا في اخلقها وجمالها... وبقي هم اللي يردوا على عايده لما تحاول تضايقها... وبقي يشكر لين على استحملاها لحامتها
ويوم فرح.... شروق كانت جميله ورقيقه جدا.... ولين كان جمالها خاطف للعيون بفستانها الاسمر وشعرها الطويل الناعم... والفرحة الموجودة علي وشها فالحمل وفرحتها بيه زوده جمالها... والناس في الفرح بقى معجبين بيها جدا....و في كتير سألوا عليها وافتكرها صاحبت شروق لأنها طول الفرح واقفه جمبها... َوفي اللي كانوا عاوزه يخطبها وعاوزين عنوان اهلها... وكل دا وصل لسليم اللي كان هايتجنن من قريبه واعمامو اللي كل شويه يهزره معاه ويقوله له مراتك هتتخطف منك.. وسليم كلامهم كان بيزيده نار غيرته ويولعه
وانتهي الفرح وسافرت شروق مع عريسها بعد الفرح على طول.... ورجعوا البيت.... وسليم كان مضايق ومخنوق... ولين بتحاول تهديه... بس مقالتش ليه علي حملها... كانت مستنيه عيد جوزهم وبترتب ليها
وبعد فرح شروق بيوم... كانوا قاعدين مع عايده ومروه
عايده : بص بقي يا سليم... انا عاوزك تنزل تقعد هنا معايا في الشقة علي طول وتناموا في اوضتك وممكن تفتح ا عليه اوضة شروق.... انا واخت ماينفعش نعيش لوحدينا دلوقتي... احنا امبارح كنا خايفين ننام لوحدنا... وانت لازم تفضل تنزل وتقعد معانا
لين بصت لها باستغراب...
عايده بغضب :مالك... بتبصي ليه كده ليه... ايه مش عجبك كلامي يا ست لين
لين بابتسامه :بصراحة يا طنط كلام حضرتك غريبه هو ايه اللي تغير علشان تخافوا... والا هو وجود شروق اللي ماكنتش بيخليكم تخافوا.... وبعدين احنا طول اليوم هنا معاكم ووسطكم... وآخر اليل 10 سلالم اللي بتفرق بنا
عايده بزعيق :وانا مش عاجبني اللي 10 سلالم دول.. وعاوزكم تناموا هنا ( وتبصلها بتريقه) ومتخافيش ياختي ماحدش هيضيق والا يزعجك.... ما انتي عاوزه تفضلي في شقتك علشان تفضلي طول الوقت تكلمي في التلفون وتضحكي ...متخافيش ياختي ماحدش هيسالك بتكلمي مين
لين ابتسمت باستهزاء... وقامت وسابتهم وخرجت الجنينة.... هي متأكده ان سليم مش هيوافق علي طلب عايده.... فقمت وسابته هو يتكلم... علشان متعملتش مشاكل.... وقالت تسيب سليم يتصرف معاها
بس ماكنتش تعرف ان كلام عايده...جنن سليم وزود الشك جوه
#بقلم_ولاءيحيي
💖💖💖💖💖💖💖💖💖💖💖💖💖
سليم بضيق : ايه الكلام اللي بتقوليه دا يا ماما هي مقالتش حاجه...هي بتسأل ليه عاوزه نعيش هنا
عايده بخبث : مراتك مش عاوزه تعيش هنا في الشقة معانا... علشان تفضل على رحته و مزاجها... دا انت تخرج من هنا وهي تطلع جري علي فوق وتفضل تكلم في التلفون.... و يوم السبت مبتنزلش من فوق اصلا... يتفضل قفله عليه شقتها فوق... دا انا كنت طلعه مره اشوفها خوفت لتكون تعبانه والا حاجه سمعتهالقيتها عمله تضحك اوي وصوتها عالي وشكلها بتكلم حد فيديو علي النت انا سمعت صوت الاتصال وانا نزله علي السلم
سليم يتصدم من كلامها... يقوم مضايق ومتعفرت ويخرج يروح للين
#بقلم_ولاءيحيي
💖💖💖💖💖💖💖💖💖💖💖💖💖
لين لما خرجت راحه علي الجنينة وقعدت و كان الجو حلو وهي كانت مبسوطة ومشغله اغنيه لفيروز وقعده تسمع وسرحانه.... لقيت تلفونها بيرن برقم رامي
لين بابتسامه : الووووو ازيك يا رامي
رامي بابتسامه : ازيك يا لينو... ايه يا قمر الروقان دا قعده في الهواء الطلق وفيروز ماحدش قدك
لين بضحك : ايه دا انت شايفين
(وترفع راسها وتبص علي بيت جديتها تلقي رامي وقف في الشباك قدامها ويشار ليها)
لين بضحك تشاور ليه بابتسامه : انت في البيت دا انا مترقبه بقي
رامي يضحك: 24 ساعه تحت النظر يا فندم ( ويضحك هو لين بصوت عالي )
رامي بابتسامه : طمنيني عليكي انت كويسه... قاعده لوحدك ليه
لين بابتسامه : الحمد الله انا كويسه متقلقش... انا بس حبيت افصل شويه وقعد مع نفسي
رامي بابتسامه : دايما يارب بخير... خالي بالك من نفسك يا لينو وخاليكي دايما مبسوطه والضحكه منوره وشك .. انا هقفل بقى علشان متأخر على المستشفى عندي شغل
لين بابتسامه : ربنا يوفقك مع السلامة
قفل رامي ولين.... و كان فيه اللي وقف شايفهم
وشاف لين وهو بيشاور لرامي... سمعها وهي بتكلم في التلفون وتضحك.... فنار ولعت جوه... وافتكر رح مزعق
سليم : لييييييين
لين بصت وراها لقيته سليم واقف علي الباب فرحت لعنده
لين باستغراب : مالك يا سليم بتزعق ليه كده
سليم شدها من ايدها... و دخل بيها شقة عايده وهي مش فاهمه ايه مزعله
سليم بغضب : ماما من بكرا تجيبي فتحيه تنظف الاوضه بتعتي علشان هنعيش معاكم هنا
لين تسمعوا وهي مش مصدقه اللي قالوا
لين بصدمه : انت بتقول ايه يا سليم مين اللي هيعيشوا هنا
سليم بغضب : ايه مش سمعتيش...اسمعك تانى... احنا هنعقد هنا من النهارده... اتفضلي اطلعي وحضري هدومك ... عشان تفرشيها في الاوضه هنا.... وطلوع الشقة فوق مره تانيه ما فيش.... وخرج تاني لوحدك ما فيش.... وشغل في الشركة مع امير ما فيش
لين بغضب : هو ايه اللي انت بتقوله دا... َوايه ما فيش ما فيش.. اللي انت عمل تقولها انت ازاي تقول كلام يخص حياتنا منك لنفسك من غير ما تاخد رائي
سليم بغضب : انا مش بقول كلام... انا بأمر وانتي هتنفذي.... انت مش هتشتغلي وهتقعدي في بيتك تشوفي طلبات جوزك.... هم مش خداميين عندك بقالهم تلات سنين عاملين يخدموك وانتي عمله فيها هانم
لين بغضب : انا مطلبتش من حد يخدمني... هم اللي رافضين اني اعمل حاجه... هم اللي بيعملوني على اني دخيله عليهم....انا مش هنزل اعيش هنا انا مش هسيب شقتي والا شغلي يا سليم
لين محستش غير بسليم بيضربها قلم قوي واقعها علي الارض.... قلم طلع فيه كل غضبه وغيرته منها.... ضربها قدام عايده اللي علي وشهم ابتسامه الشماتة... و مروه اللي لأول مرة تحس بالحزن وندم على لين وبصت لاخوه بغضب وضيق
سليم بغضب : تطلعي حالا تجهزي هدومك وتحطيها في شنطة..... نص ساعه وهطلع اخد الشنطه انزل سامعه...
لين رفعت راسها قمت وقفت قدامه وهي بتمنع دموعها تنزل...
لين بدموع مكتومه :سمعت يا سليم
لين خرجت من قدامهم وقفلت الباب بقوة شديدة... ومشيت بس مطلعتش على شقتها....خرجت من بيت سليم وراحت لبيت جددتها.... وسليم فاكر انها سمعت كلامه وطلعت تلم
لين وشها احمر جدا وورم من اثر اللي القلم ودمعها اول ما خرجت من بيت سليم نزلت و ورحت خبطت علي شقت جدتها
فاروق يفتح الباب : لينو حبيبت
ولسه هيكمل.... لقي لين بتقع بين ايده مغمي عليها قبل ما تقع علي الارض😢
💖💖💖💖💖💖💖💖💖💖💖💖💖
التعليقات على الموضوع