هذا هو العشق 💕الحلقه 16💕

الحلقة ( 16 )

لم يصدق بسام فرحته فاتصل بجنى رغم انه نادرا ما يفعلها كانت جنى تقود سيارتها عائده الى المنزل

جنى : : : : الو ،ايوه يا بسام

بسام : : : : : ايوه يا حبيبة بسام ، يا روح بسان ، اقولك حاجه يا خطيبة بسام

جنى بسعاده لم تستطع اخفاءها : ايه اللى حصل ، انت حتى مش متعود تطلبنى ع الموبايل

بسام : : : : بصى يا جنى انا ما طلبتش منك اى طلب قبل كده صح ؟

جنى : : : : صح

بسام : : : : طيب انا عايز اشوفك و اكلم معاكى و لو عشر دقايق بس ممكن ؟

فكرت جنى و قد كانت لسه متغاظه من جنس الرجال كله بعد ما حدث مع منال

جنى : : : : ليه فيه حاجه يا بسام تقولها فى التليفون

بسام : : : : : انتى صوتك مش عاجبنى

جنى : : : فعلا انا متضايقه فى مشكله كده عند واحده صاحبتى و نفسيتى تعبانه شويه

بسام : : : : يعنى مش ممكن اشوفك

ثم تذكرت ان هذا هو بسام و ليس خالد ، و انه يغار عليها من الهواء ، و يرفض ان يتكلم معها فى اى موضوع خالص طوال تواجده فى منزلهم رغم انه يقدر لم لا ، انها تحتاج ان تراه

جنى ::: : طيب بص يا بسام انا رايحه نادى الصيد بعد شويه انا و ندى بنت اختى عشان عندها تمرين ، ممكن استاذن شهيره و اشوفك هناك

بسام ::::::بس انا مش عضو فى الصيد

جنى : : : : حاسيب اسمك على البوابه و انت بس قول انا ضيف هشام الحديدى

بسام : : : : : الساعه كام ؟

جنى : : : : يعنى على سبعه و نص كده عشان معاد التمرين الساعه سبعه

بسام : : : : عايز اقولك حاجه بس مش حاقولها دلوقتى لما اشوفك
جنى : : : : خلاص اوكى هاستنى اسمعها لما اشوفك

سرحت جنى فى الاغنيه التى كانت تسمعها و هى تحلم ببسام و ماذا ستلبس و ماذا ستقول له بسام قاللى انى خطيبته ! يا ترى فى ايه يا حبيبى ؟ عاوز تقولى ايه ؟

كل هذا الوقت قد مر بين بسام و جنى بدون حتى ان يلمس يدها بدون ان ينطق كلمة احبك ، فقط كتبها على الشات كان يخشى ان يلمسها حتى لا يخدشها
لقد وعدها ان يلمس يدها اول مره يوم ان يملك ثمن الشبكه ، و الان

يا ست البنات ، ساحضر لك احلى شبكه ، لن تكونى اقل من اخوتك يا عمرى كما كنت اخاف ، بل ستظلين ست البنات

وقفت ندى تتنطط حول جنى وهى ترتدى ملابسها

ندى : ياللا يا أنطى حاتاخر ع التمرين ، الكابتن حايزعقلى ، يا ربى كل الناس فى الدنيا بتزعق ، مامى و بابى و الميس و لين ذا ميد
و كمان جابولى الكابتن فيلكس انا ناقصه يا ربى

اخذت جنى تضحك بعصبيه وقد بدات تحس شعور راكب
الطائره وهى تهبط ، مع الفارق انها بقالها ساعه حاسه بيه من ساعة ما قفلت السكه مع بسام الطيارة بتهبط

وردت على بنت اختها :

حتى لين الشغاله بتزعق يا نودى ، ايه ده انتى متبهدله فى الدنيا خالص خالص هاهاها

و انتهت جنى من ارتداء ملابسها و لم يفت ندى الأروبه
ان تتساءل لماذا لا ترتدى التريننج سوت مثل كل مره ، و
تتساءل عن اناقة خالتها هذه المره ..ووصلت النادى قبل الميعاد بنصف ساعه و تركت اسم بسام لدى الامن

جلست جنى بجوار البيسين اثناء تمرين ندى كما وعدت
اختها ، انها تخاف على ندى كما لو كانت ابنتها و بعد دقائق بدت طويله جدا ، اتى بسام و ما ان راته حتى زادت ضربات قلبها و احست بشهيقها يزداد حده كانها تنهج و كانها تجرى منذ سنين لتقابله و ما ان صار امامها مباشره حتى مد يده للسلام عليها لاول مره

فى حياتهما و هو يهمس

بحبك يا جنى ...

بسام : : :

درت فى النادى العريق كما لو كنت تائها منذ ميلادى ابحث عنها .. و............ وجدتها بدون ان اكلمها او اسالها اين انت ، و جدتها الله الذى جمعنا بغير ميعاد هدانى لمكانها دون

سؤال..و ما ان رايتها ، حتى احسست انى وجدت نفسى ، اكملت وجدانى لم يكن ليكتمل الا بها لذلك عندما سلمت عليها و اطراف اصابعى لمست اناملها الرقيقه لم استطع ان انطق بعبارة ترحيب و انتهى منى الكلام كله .. و ظلت جمله واحده تلح على عقلى و قلبى

بحبك يا جنى

ردت على :

بحبك يا بسام

يا الله ، قد نكون نعلم بحب الحبيب ، وقد نكون متاكدين تماما من ذلك لكن سحر هذه الكلمه عندما نسمعها اول مره و حتى للمره المائه رنينها فى قلبى
و صداها فى كيانى
جعلنى عاجز عن الرد غير بكلمه واحده:

اه

جنى : : : : سلامتك يا بسام

بسام : : : : ده انا خفيت

جنى : : : : : بس انت بتقول اه

بسام : : : : ده اهة الشفا

جنى : : : : : الشفا من ايه ؟

بسام من كل حاجه حصلتلى قبل ما تقولى بحبك من كل دمعه بكتيها

من كل ظلم و كل الم و كل ضيق مر بى فى حياتى قبل ما تقولى احبك عالمى كله ، الكون كله اختلف ، بعد ما قلتيلى بحبك

ردت جنى و قد امتلات عينيها بدموع ارادت بشده اخفاءها في صدره:

بحبك يا بسام حقيقى بحبك

طالت لحظة الصمت بينهماوترقرقت الدموع فى عيناهما في نفس الوقت

يا الله انت خلقت هذه الدموع ليس فقط للحزن و لا ايضا للفرح للشعور و الاحساس لكل من لديه قدره ان يشعر و ان يحس و بدون كلام احسا ان وقفتهما قد طالت
و انهم بعد قليل سيحدث لهم احد امرين

اما ان ينهارا بعد ان تفقد سيقانهماالقدره على الاحتمال
او ان يطيرا بعيدا على جناحى الحب
اتجها للطاوله القريبه من حمام السباحه

و فى اثناء ذلك كانت جنى تفكر :

لما لمس ايدى ، و سلم على ، دى ما كانتش لمسه ، ده كان عهد كان وعد كان بيقولى انا ليكى طول العمر عينيه قالت كده ايديه قالت كده مش حاسلم عليكى الا لما اتاكد انك حاتبقى لى ده كلامه و ده وعده يبقى اكيد هوه بطريقة ما اتاكد انى حاكون ليه ولقيت نفسي ولاول مره في عمري
مش عارفه اسيطر على مشاعرى و باقول

باحبك يا بسام

و كنت لسه هاندم على تسرعى لكن لما شفت عنين بسام بعد ما قلتها لما شفت فيها دموع رقيقه حزينه و سعيده فى نفس الوقت دموع طفل يتيم لقى امه

كل الاقنعه وقعت وفضل قدامى طفل محتاج حبى محتاج حنانى وبعد ما كنت هاندم على الكلمه لقيتنى بارددها تانى

باحبك يا بسام

بسام : اول مره يا جنى تقوليها

جنى : : : : : و اول مره اسمعها منك الظاهر حروف الكلمه دي ورنينها في الودن له تاثير معين مختلف تماما عن قرايتها

بسام : : : : صح ، انا برضه لما سمعتها منك

حسيت زى مايكون مسكت نجمه من السما

زى مايكون طول عمرى تايهه فى
الدنيا مش لاقي مكانى ولما قلتى بحبك لقيت مكانى جنبك طول عمرى
قولى تانى يا جنى،:: بتحبينى ؟

جنى : : : : : لا ، اكتر من الحب

بسام : : : : زى اللى فى قلبى ؟ عشق ؟

اومات جنى براسها : عشق
اغمض بسام عينيه و استسلم لشعور اقوى من الكلام
و احس فعلا انه يريد ان يصرخ و يملا الكون

اهات

بسام : : : : انت عارفه ليه طلبت اقابلك ، و ليه سلمت عليكي ولمستك ل اول مره في عمري عشان النهارده بس اتاكدت انى اقدر باذن الله تكونى لي ، تكونى حبيبتى و مراتى طول عمرى

جنى : : : : : كده يا بسام ؟ النهارده بس ؟

بسام : ايوه يا جنى ، ما كنتش اقدر ارتبط باميرة احلامى من غير ما اقدملها اللى يليق بيها مع ان الكون كله قليل عليها

جنى و قد احمر وجهها و قاربت على الاغماء :
ارجوك يا بسام كفايه انا مش حاقدر استحمل كل الفرحه دى حقيقى قلبى مش حايستحمل ، انت قصدك ايه

بسام : : : : قصدى يا حبيبتى ، يا ملاكى ، ان اكبر خوف عندى انى ما قدرش اشرفك قدام باباكى و اخواتك وماقدرش اقدملك شبكه تليق بيكي وعش جميل يضمنا

جنى : : : : : بس انا قلت لك ان الفلو......

بسام مقاطعاً : انتى تقولى براحتك ، انا كنت حابيع عربيتى و كل ما املك عشان اجيبلك على الاقل شبكه ..لكن دلوقتي الحمد لله اكتشفت ان ابويا الله يرحمه كان سايب اللى

يكفينى و يسترنى لحد دلوقتى و يخليكى راسك مرفوعه قدام اخواتك و اهلك كلهم..انا خلاص مش هاقدر استني
انا حتى شايف ان قعدتنا دى مش من مقامك رغم اننا وسط الناس و فى نادى لكن انتى مقامك تكونى قاعده مع خطيبك

ارتعشت جنى لسماعها الكلمه وقالت لنفسها و الفرحه لا تسعها يا رب فرح كل البنات ، دى حقيقى كلمه جميله اوى ، خطيبى ، حبيبى

و لم تجب بكلمه لكن عيناها اجابت و التقطت عيناه اشارات عيناها الجميلتان فلم يزد كلمه فقط ظل يتطلع اليها ، و يتعجب من الحب انه يراها اجمل فتاه فى العالم ،
اجمل من سندريلا و كل اميرات الحكايات اكيد كل اميره من اميرات الحكايات لم تكن اجمل من جنى فقد وجدت من يحبهاو يرى هذا الجمال داخلها

وخرج ليروى للعالم قصته التى راها بعينيه هو
و لو كتب بسام قصته لوصف جنى باوصاف ليست موجوده علي الارض لكنه دائما احس بشىء اكبر من جمال جنى الخارجى انها جميله من الداخل للخارج اي ان طيبتها و اخلاقها ، و لولا تلك الطيبه و ذلك القلب الابيض و التصالح مع الدنيا والناس

ما بلغت جنى هذه الدرجه من الجمال و الشفافيه
انه الان يحس احساسا غريبا
يخاف عليها>>>نعم يخاف

يخاف ان يفقدها ، يخاف ان يفترق عنها
يخاف ان يحول نظره عنها فيعود ليجدها
حلما و انتهى

و بعد قليل جاءت ندى تجرى بالمايوه و تنثر الماء على خالتها و اتت وراءها الداده لين

ندى : أنطى انا حاخد دش ...... سورى يا أنطى ما خدتش بالى ان فيه حد مع حضرتك

قالت العباره الاخيره بخبث

بادر بسام : : : : هوه حضرتك بقه ندى ، اللى خالتك اصدى انطى بتموت فيكى ؟

ندى : ايوه انا ندى و حضرتك مين يا فندم

بسام : : : : انا الدكتور بسام

ندى : هوه ده يا أنطى دكتور بسام اللى بيدى حضرتك درس و بتحبسينى جوه فى الليفنج لما ييجى

جنى : : : : : ايوه يا رغايه البسى بقه لحسن تبردى
و اعطت اوامرها للشغاله كى تاخذها للدش و تغير ملابسها

لكن ندى امسكت البرنس و جففت

يدها :
اسلم الاول على انكل بسام

مد بسام يده لها ضاحكا : على فكره يا ندى انتى شبه أنطى جنى بالضبط و عينيكى نفس عينيها

ندى : اه ما هو جدو ونناه و كلهم بيقولو على كده

جنى :::: و دى حاجه باسطاكى و لا مزعلاكى

ندى : أزعل ، ده حضرتك قمر يا أنطى

قبلت ندى خالتها و همست لها فى اذنها
ايوه يا عم و ذهبت لترتدى ملابسها

و انتبه بسام مرت ساعه على لقاءه بجنى لقد احس بها دقيقه

لحظه

بسام : : : : انا مش عايز امشى يا جنى انا نفسى اكمل عمرى هنا كله و ما روحش حته تانيه خالص بس لازم تمشى عشان اطمن عليكى و عشان اكيد ندي عندها مدرسه بكره وماناخرهاش..

بس من فضلك انا عايز نمرة باباكى .........