بناتي حياتي 🌸الحلقه 15🌸
رواية💖بناتي حياتي💖
بقلم_ولاءيحيي
الحلقه الخامسة عشر.
عايده : انت هتروح فين انت لسه رجع من السفر و انا مشبعتش منك انت مش هتخرج خليك معايا
شروق اضايقت من مامتها وتصرفاتها اللي زادت عن الحد فتكلمت بسرعه قبل سليم
شروق : ماينفعش يا ماما.... ازاي يعني يبقوا رجعوا من السفر وهنا من الصبح.... وميرحوش يسلموا علي جدتها....لو سليم هيفضل معاكي يبقى على الأقل لين تروح لوحدها تسلم عليهم
طبعا شروق كانت عارفه ان سليم بيغير جدا و هيرفض ان لين تروح لوحدها ولين فهمت قصد شروق فابتسمت بس نزلت وشها في الارض علشان ماحدش يفهم
سليم يضيق : لا لين مش هتروح لوحدها اي مكان انا هروح معاها نسلم عليهم ونيجي علي طول
ويبعد عن عايده ويقرب من لين اللي ابتسمت ليه ورح ملبسها اللي جاكت الجينز وحط ايده علي كتفها
سليم بابتسامه وحب : يلا يا حبيبتي
لين تمشي معاه... وقبل ما تمشي تبص لشروق وتحرك شفيفها بكلمه ميرسي من غير ما حد يأخذ باله فشروق ابتسمت ليها... وفرحت انها قدره تفرحها
بس عايده طلعت كل غضبها وغيظها علي شروق اللي نامت معيطه من قسوة مامتها 😔
#بقلم_ولاءيحيي
💖💖💖💖💖💖💖💖💖💖💖💖💖
وفي بيت الجدة
الجدة تحضن لين : حبيبتي وحشتيني البيت وحش من غيرك يا لين
لين بابتسامه : وانتي يا نناه وحشتيني اوي
ولين سلمت علي اهلها كلهم و ضحكتها رجعت لوشها من تاني بعد ما كانت مختفيه طول اليوم
ويسلم سليم علي كل العيلة اللي مجتمعين ( فريد وفايز وفاروق وامير وسالم وسناء ورشا وسميه وسها وسلوي )
تقرب لين وتسلم علي رشا وسميه وسها اللي مسكها وقعدوا بيها بعيد كانوا فرحانين جدا وفضله يتكلموا بشويش ويضحكوا وهي عمله تبرق ليهم وتكسف
وبعد فتره امير كان قعد جمب سليم رح مميل عليه
امير بضيق : سليم عاوزك دقيقه بره في الفراند ممكن
سليم : اه طبعا
يقوموا يقفوا الاتنين
فريد : علي فين يا شباب
امير بابتسامه : ابدا يا عمي... دا انا عاوز اخد رائي سليم في موضوع للشغل حضرتك عارف قسم الديكور جديد عندنا(ويبص للين اللي كانت بتص ليه باهتمام) والمديرة اللي مسكه اتجوزت ومش فضيلنا للين تبتسم وأمير يأخذ سليم ويطلع الفراند
سليم بقلق : خير يا امير
امير بضيق شديد : سليم انت بقيت واحد مننا وانا متعودتش اشيل جويا من حد من اهلي وعلشان كده انا هتكلم معاك المره دي زي ما بتكلم مع اهلي .... لين اختي وانت عارف هي غاليه عندي قد ايه ( ويبص ليه وعينه كلها غضب) لين غالية ومكانها عندي غير الكل هي كبرت وتربت علي ايدي وفي حضني... و انت قيمتك عندي من غلوت لين ودا علشان هي قالت ان سعادتها معك(ويسكت ويأخذ نفس ليطلع الغضب) بص يا سليم انا ما بحبش اشيل حاجه في نفسي وخصوصا لو من حد ليه معزه عندي ف هقولك اللي مضايقني علي طول عشان نفسي تصفي ومشلش جويه منك انا ماعجبنيش ابدا تصرفك الصبح مع لين ماكنش ينفع ابدا انك تسيبها في الشارع وتدخل بيتكم لوحدك ( ولسه سليم هيقطع الكلام بس امير كمل بغضب) انا عارف انك كنت قلقان علي و ولدتك بس كان ممكن تأخذها في ايدك وتدخلوا سوأ.... دا اول يوم ليها في بيتك و ما ينفعش ان اول يوم تحس انها غريبه فيه
(امير يكور ايده بغضب بيحاول يسيطر عليه) لين كانت واقف في الشارع مش عارفه تروح فين... عندك ولا عندنا
سليم مابقاش عارف يرد ولا يقول ايه.... واضايق انه في الموقف دا قدام امير واضايق من الطريقة اللي امير بيكلموا بيها
سليم بضيق : انا اعتذرت للين يا امير وانا عارف ان ماكنش ينفع اتصرف كده... بس دا ماكنش مقصود مني ابدا.... انا كنت قلقان زياده علي ماما لان الاتصال اللي جالي قالو ماما تعبانة وهتروح المستشفى... وانا اول مره اسيب امي واخواتي لوحدهم فكنت قلقان جدا
امير يقرب منه بغضب : مسؤوليتك ناحيه اهلك ماتخلكش تنسى مسؤوليتك ناحيه مراتك... المفروض تكون قد مسؤوليتك مدام قلت انك قد الجواز واتجوزت(و يتنهد ويحاول يهدي) بص يا سليم انت لازم تتعود وتعرف تتعمل مع المواقف اللي زاي دي و لازم ماتجيش علي حد علي حساب التاني... انا حبيت اتكلم معاك واشيل اي زعل في نفسي منك علشان نفسي تبقي صافيه واعرف اتعامل معاك (ويقرب منه ويحط ايده علي كتفه) سليم لين رقيقه واقل حاجه بتجرحها خل بالك منها وبلاش تيجي عليها... لين مدخلتكش حياتها غير لأنها وثقت فيك وبتحبك جدا. بس لين لو فقد الثقة في حد بتخرجه من حياتها كلها.وعمرها ما بتسامح والا ترجعوا تاني لحياتها
سليم بغضب : بس انا مش حد يا امير انا جوزها وحبيبها
امير بغضب : عارف.. وعارف ان لين مش بس دخلتك حياتها دي سلمتها كله ليك... ولو اتجرحت منك جرحها هيبقى قوي... وساعتها انا مش عارف انا ممكن اعمل ايه (و ينفخ بضيق ويحاول يهدي)
سليم انت حبيبها وجوزها زي ما بتقول و لين وثقه فيك اكتر من اي حد فينا... ولو انجرحت منك برده جرحك هيبقي غير اي جرح تاني افهم دا كويس
سليم بضيق : وانا عمري ما اقدر اجرحها
امير : يبقي تاخد بالك بعد كده وتحافظ عليها كويس
وفضل يتكلموا شويه ودخلوا.... وكان سالم قعد بيتكلم ويضحك مع البنات ويهزر مع لين بقيت عمله تضحك بصوت عالي ... وسليم لما دخل وشافها أضيق... بس خد باله انه لأول مره من وقت ما وصله يشوف ويسمع ضحكتها... فضايق اكتر وغار وماحبش ان في حد تاني يكون سبب ضحكت ويسمعها غيره
وقعده واتعشا كلهم سوا َ. ََولين كانت جعانه اوي فهي ما أكلتش من الصبح وفضلت يضحك وتهزر طول السهرة... وسليم ملاحظ ومخنوقه.... و الساعة 12 قاموا يروحوا بعد ما لين كلمت فؤاد ومني اللي اطمنوا لما شافوا فرحتها وضحكتها بعد ما كانوا مضيقين انها رجعت من شهر العسل
و وهم خارجين كان رامي وصل ووقف بعربيته قدامه ونزل منها
رامي باستغراب : حمدالله علي السلامة انتم رجعتم امتي
سليم بضيق بيدريه : الله يسلمك.... رجعنا النهارده الصبح
رامي يبص للين بابتسامه : ازيك يا لين عمله ايه
لين بابتسامه : الحمد الله يا رامي.. انت اخبارك ايه
رامي : بخير الحمد الله... (و يبص لسليم) بس انتم رجعتوا بدري ليه...دا انتم بقالكم اسبوع بس.. وانا اعرف انكم كنتم هتعقدوا شهر
سليم بضيق وغيره : ماما تعبت شويه فرجعت علشان اطمن عليها
رامي : الف سلامه عليها... طب ورجعت ليه كنت كلمتني انا اجي اكشف عليها واطمنك
سليم بغيظ : متشكر يا رامي... هي بقيت احسن تصبح علي خير
رامي : وانتم من اهله( ويبص للين ويبتسم ) خالي بالك من نفسك يا لينو وابقي طمنيني عنك على طول
لين بابتسامه : حاضر ان شاء الله تصبح علي خير
رامي بابتسامه : وانتي من اهل الخير
وطبعا سليم الغيرة كانت بتأكله بس سكت ومسك ايد لين بضيق ومشي ودخل بيتهم وهو مضايق وغضبان جدا
و اول مادخل لقى باب الشقه عند مامته مفتوح وهي ومروه قاعدين قدامه ..
عايده بضيق :اخيرا رجعتوا
سليم و لين يدخلوا : سلام عليكم
عايده بضيق : وعليكم السلام... هو دا اللي هتيجي بدري يا سليم
سليم واقف ومسك ايد لين : معلش يا ماما اصل العيلة كلها كانت موجوده وسهرنا معاهم
لين بابتسامه : هي فين شروق يا طنط
عايده بغيظ : نامت تنام ما تقوم يارب ( وتبص لسليم) هو انت هتفضل واقف كده ادخل يلا عشان نتعشا
سليم بضيق : احنا اتعشنا الحمد الله...احنا هطلع انام نرتاح
عايده بغضب : اتعشت وانا اللي قعده مستنياك ومرديتش اكل لحد دلوقتي
سليم اضايق ورح مقرب منها وباس راسها
سليم : معلش يا ست الكل... بكرا هنفطر سوأ كلي حاجه انتي دلوقتي عشان الدوا
عايده بغيظ : طيب ادخل نام في اوضتك علشان ترتاح
سليم رجع جمب لين : لا احنا هنطلع شقتنا تصبحوا علي خير
وخد لين ومشي وهو حاطط ايده علي كتفها
عايده بغضب : خير..... وهيجي منين الخير طول ما العقربة دي في بتنا
يطلع سليم ولين لشقتهم وتدخل لين تاخد شور وتخرج تلقي سليم قعد علي الكرسي في الاوضه ساكت ومضايق فلين تقرب منه
لين باستغراب : مالك يا حبيبي
سليم يبصلها : اقولك متزعليش
لين بقلق : قول يا حبيبي انا عمري ما ازعل منك
سليم بضيق : اضايقت من كلامك مع رامي وسالم
لين باستغراب : ليه ماله كلامنا احنا قولنا ايه ضايقك
سليم يمسك ايدها : ماقصدش الكلام نفسه يا لين انا محبش مراتي تعقد وتكلم وتضحك مع حد غريب
لين باستغراب : غريب.... دول مش حد غريب يا سليم دول اخواتي
سليم يقف بغضب : لا يا لين مش اخواتك دول ولاد عمك ورامي كان
وسكت لأنه صوته عالي وماقدرش يتحكم في أعصابه من الغيرة
لين تقف قدامه بضيق : انت قولتها يا سليم كان.. والموضوع دا انتهى من يوم ما كلمني فيه وعرف اني بحبك... وانت شوفته اتعامل معانا النهارده طبيعي جدا يبقي ليه الحساسية دي ( وتسكت ثانيه وتتنهد) سليم رامي ابن عمي واخويه وانت جوزي وحبيبي ما فيش وجه للمقارنة بينكم..
سليم: بس انا بغير عليكي اوي
لين بضيق : غير عليه من اي حد يا سليم بس مش من اخواتي... وانت عارف ان رامي وسالم انا بعتبرهم اخواتي زي امير بظبط وبتعمل معاهم زي ما بتعمل مع امير
سليم يحضنها لما حس انها زعلت : متزعليش يا حبيبتي انا ما قصدش اضايقك. ََبس انا بحبك اوي وبغير عليكي و نفسي أخبيك جويا وماحدش يشوفك غيري
لين بابتسامه : طيب ما انا جوك وفي قلبك وبين ايدك
سليم يبتسم ويروح شيلها
سليم : لا مش مستخبيه كويس تعالي لما أخبيك حلو
لين تضحك بدلع وتلف ايدها حاولين رقبته
(ونسيبهم لوحدهم ونطفي النور)
#بقلم_ولاءيحيي
💖💖💖💖💖💖💖💖💖💖💖💖💖
ويطلع الصبح ولين تصحي زي كل يوم من اول ما تجوزت في حضن سليم... وتتسحب براحه وتشيل قمصها من الارض وتلبسه و تدخل تاخد شور وتخرج تصلي و تغير هدومه وتلبس هوت شورت ازرق و تشيرت كت سماوي قصير ظاهر بطنها وتحط مكب رقيق وترفع شعرها شويه لفوق الباقي نازل علي ظهرها
وتخرج من الاوضه وتروح على المطبخ وتقف تحضر الفطار وهي مبسوطة... فدا اول فطار هتحضره في بيتها لجوزه حبيبها
ووهي واقفه في المطبخ باب الشقة خبط فتروح لين وتبص من عين السحرية تلقي عايده فتتنهد اوي وتفتح الباب
لين بابتسامه : صباح الخير يا طنط اتفضلي
تدخل عايده وتبص على لين من فوق لتحت تشوف اللي هي لبسه.... وتتعفرت وتضايق جدا وتقول لنفسها
عايده لنفسها : وهي طول ما بتلبس له كده الواد هيزهق منها
عايده تبص للين بضيق وغضب :سليم فين
لين باستغراب من طريقة كلامها : نايم يا طنط ثواني هروح اصحيه لحضرتك
عايده تمسك ايدها توقفها : لا انا اللي هدخل اصحيه خليكي انتي
لين تبرق فهي عارفه ان سليم نايم عريان من غير هدوم 😂
لين توقف قدامها بسرعه : ثواني بس يا طنط انا هدخل اصحيه لحضرتك
عايده بغضب : نننننعم... هو انت هتمنعيني ادخل لابني..... لا اسمعي يا بت انتي...البيت دا بيتي انا... واللي جوة دا ابني.... وماحدش يقدر يمنعني ادخل اي مكان في بيتي ولا ادخل علي ابني ( وتروح زقها من قدمها) وسعي كده من وشي
لين تبص عليها بعد ما تمشي و تبتسم اوي بخبث وتقطم الجزرة اللي في ايدها وهي بتضحك
لين بصوت واطي : اوكي برحتك... ادخلي انا عملت اللي عليا
وترجع ترتب الاكل علي السفرة وهي بتبتسم
وبعد شويه سمعت صوت سليم وعايده.. وهم والاتنين بيصوتوا بصوة عالي... لين تضحك اوي وعايده خرجت تجري من الاوضه... فلين كتمت ضحكتها
عايده تقف قدامها بغضب : انتي يا بت مش تقولي انه عريان ازاي تدخليني عليه وهو كده
لين بابتسامة وهدوء : ما انا قولت لحضرتك ادخل اصحيه انا حضرتك زعلتي... وقولتي اني بمنعك تدخلي على ابنك
عايده بغضب اكتر. من ابتسامتها : و هو ايه اللي منيمه عريان كده... ايه ماعندوش هدوم ايه قلت الادب والحيا دي
لين تبتسم وتبص لسليم اللي خرج بعد ما ليس هدومه وبيبص لها وهو متغاظ
لين بابتسامه وتشاور عليه : وانا مالي... حضرتك ممكن تسأليه هو
سليم يبرق عينه للين بتوعد وهي واقفه مبتسمه ونفسها تضحك بصوت بس سكته
عايده تبص لسليم بغضب : الفطار جهز يلا انزل علشان نفطر
لين : انا جهزت الفطار هنا يا طنط قعدي حضرتك افطري معانا
عايده تبص ليها بغضب : انا قولت الفطار تحت.. تنزلوا حالا
وتفتح باب الشقة...و تخرج وتقفل وراها
سليم يبص للين بغيظ ويقرب يجري وراها... ولين تضحك بصوت عالي... وهي بتجري من سليم وتفضل تلف حاولين الكنبة وهي بتضحك اوي ... وعايده كانت واقفه علي الباب وسمعه ضحكتها فتعض ايدها بغيظ... ونزلت شقتها وهي هتولع 😂
سليم بغيظ : بدخليها عليه الاوضه.. انتي مش عارفه اني عريان
لين تضحك اوي : احسن عشان تحرم تنام من غير هدوك وتلبس وتخليك مؤدب
سليم بغيظ :مؤدب... طب انا هوريكي الأدب.. تعالي هنا
ويفضلوا يجروا ورا بعض... ولين عمله تضحك وسليم كمان بقي يضحك معاها وصوتهم بقى عالي واصل لعايده... اللي بقيت هتجنن وهي سامعه ضحكهم وهزرهم وضغطها عالي
عايده بغيظ : بت يا مروه قومي اتصلي بسلوي خليه تيجي لي هنا حالا
#بقلم_ولاءيحيي
💖💖💖💖💖💖💖💖💖💖💖💖💖
سليم ولين فضلوا يضحكوا ويهزره ونسيوا الفطار ومنزلوش
وعند عايده سلوي جيت ليها
عايده بدموع : الواد رح مني يا سلوي..... البت طلعت لقيتها لبسه له عريان وقعد قدموا كده.. والبت حلوه دا الواد عمره ما هسيبها ابدا... انا لازم اتصرف بسرعه
سلوي بخبث : هو ابنك هينزل الشغل امتي
عايده : بيقول كمان 10 ايام ليه
سلوي : علشان تبقى معاكي هنا لوحدها من غيره وتعرفي تصرفي معاها... لكن طول ما ابنك هنا مش هتعرفي تعملي حاجه احسن يقلب عليكي انتي...انتي لازم تفضلي قدامه بتعمليها علي انها بنتك
مروه : علي فكره انتم فيه حاجه مهمه جدا نسيتها وممكن تبوظ ليكم كل خطتكم دي
عايده بضيق : حاجه ايه اللي نسينها يا بت
مروه بابتسامه : انها تحمل... وتجيب له عيل
عايدة تضرب علي صدرها : يالهووووي تخلف.... دي ساعتها تبقي قعدت وربعت.... دا انا اموت فيها
سلوي بضيق : فعلا معملناش حساب دا... بس ملحوقه
مروه باستغراب : ملحقوه ازاي هتعملي ايه
سلوي بخبث : هنشتري حبوب منع الحمل ونحطها ليها في العصير من غير ما تحس ونشربها ليها كل ليله ...و هي بتحب تشرب عصير مع الاكل مش هم هياكله معاكم هنا
عايده : ايوه انا متفقه مع سليم ان اكله يبقى هنا عندي
سلوي بابتسامه : حلو اوي يبقي سهله كوبيات العصير بتعها على العشا تحطوه فيه الحبه... ودي مهمتك انتي بقي يا مروه... وانتي بقي ياام سليم مش هوصيكم اوعي تخليهم يخرجوا من البيت اللي 10 ايام دول.... وكل ما تبقي لوحدها كرهيها في عشيتها وعمليه وحش واطرديها من شقتك
تنزل لين مع سليم وكانت لبسه فستان ازرق فيه ورد ابيض حملات ومجسم على جسمها وظهره مفتوح و الفستان ظهر جمال جسمها.. وكان وقصير فوق الركبة... واول ما عايده تشوفها تتغاظ اكتر
عايده تميل على سلوي بغيظ و صوت واطي: شايفه لبسه ايه ونزله بيه عندي وقدامي عاوزه تفرسني
سلوي بغيظ :بت كيده... قولي لابنك يمنعها تنزل كده ايه قلة الحيا دي
لين بابتسامه : سلام عليكم ازيك يا طنط سلوي
سلوي تبص لها بضيق : ازيك انتي... ازيك يا سليم
سليم بابتسامه : الحمد الله نورتينا
يقعد سليم ولين تقعد جمبه فيحط ايده علي كتفها ويضمها ليه جامد.. ويفضل يهمس ليها وهي بتضحك
سلوي بغيظ : ام اقوم انا
لين بابتسامه : ليه يا طنط خليكي أتغدى معانا النهارده
سلوي بغيظ : لا هروح اشوف جدتك... سلام عليكم
عايده بضيق وهي بتبص لسليم : وعليكم السلام ابقي تعالي يا سلوي
سلوي : عنيه يا حبيبتي هجيلك... تعالي يا مروه وصليني... علشان عاوزه اقولك حاجه
وتقوم مروه توصلها وتقف تتفق معاها... على انها تحط الحبوب من النهارده.... ومروه تخرج معاها يروحوا يشتروا الحبوب
#بقلم_ولاءيحيي
💖💖💖💖💖💖💖💖💖💖💖💖💖
لين بابتسامه : هي شروق فين يا طنط
عايده بغضب : متنيله قعده في اوضتها
سليم باستغراب : ليه في حد زعلها
لين بابتسامه : انا هروح اشوفها يا حبيبي
سليم يمسك ايدها يبوسها : روحي يا قلبي
لين تقوم بعد ما بصت لسليم بابتسامه وحب واول ما تدخل اوضة شروق
عايده بغضب : ايه قلة الحي اللي بقيت فيها دي... خالص ما فيش احترام..
سليم باستغراب : فيه ايه يا ماما مالك
عايده بغضب : مالي مش عارف مالي.... يعني اطلع اصحيك القيك نايم عريان... وهنا قعد قدامي وقدام الضيفه وخدها في حضنك وعمل توشوشها وتتمايص عليك ... ودلوقتي تبوس ايدها وياقلبي ويا فشتي ... انت اهتبلت في مخك واللي ايه ما تسترجل كده وبطل قلة الحيا دي
سليم بضحك : في ايه يا ماما مالك.. دي مراتي
عايده بغيظ : مراتك دي في شقتكم فوق... لكن هنا في احترام... اخوتك بنات ازاي يشفوك كده..انا مش عاوزه اشوفك قعد جمبها هنا تاني يا سليم في شقتك ابقي اعمل الانت عاوزه أن شالله تعملها قرد لكن هنا تحترم نفسك وتاخد بالك من تصرفاتك
سليم بضيق : ماشي يا ماما حاضر هبقي اخد بالي علشان اخواتي
عايده : وتنبه على الهانم تبقى تغير طريقة لبسها وهي نزله عندي
سليم باستغراب : ماله لبسها يا ماما
عايدة : هو ايه انا كل ما قولك حاجه تقولي ماله... نزله بهدوم عريان وتقصير وجسمها كله باين.. ايه قلة الأدب دي ازاي تلبس كده ... دا احنا ماكنش بنات
سليم بضيق: هي مش في بيتها تلبس اللي هي عاوزه... ما فيش رجاله في البيت
عايده بغضب : تلبس برحتها فوق في شقتك
هنا تلبس محترم ولو ومعندهاش لبس محترم تبقى تاخد من اخواتك...(و تتريق) تخلي ليك انت العريان والقصير تلبسهولك فوق في شقتكم... لكن هنا لا تلبس عبايات... انا عندي بنات مش عاوزهم يتعلموا منها ويقولوا اشمعني هي فاهم ياسليم
سليم ينفخ بضيق : فاهم.... اي اوامر تانية
عايده تبرق ليه بغضب... وتسكت وهو يبص ليها... وجوه ضيق من تصرفاتها بس مش قادر يكلم
#بقلم_ولاءيحيي
💖💖💖💖💖💖💖💖💖💖💖💖
لين دخلت لقيتها شروق قعده علي السرير وبتعيط
لين تقعد جمبها بخوف : مالك يا شروق
شروق تحاول ترسم ابتسامه : والا حاجه يا لين
لين تمسح دموعها بحنان : هتخبي عليا يا روقه... قوليلي مالك يا حبيبتي مين مزعلك
شروق تترمي في حضنها وتعيط جامد : انا تعبانة اوي يا لين َ... حسه ان مليش حد في الدنيا... ماما عمرها ما حببتني... واختي بتكره حتي نفسها
لين بحزن : ليه بتقولي كده يا شروق ما فيش ام مش بتحب ولادها
شروق بدموع : بس ماما عمرها ما حبتني... ولا اهتمت بيا ماحبتش غير سليم.... عارفه انا عمري ما شوفت منها حنيه عمرها ما اخدتني في حضنها ولا قالت ليا فيكي ايه... حتي مروه بتعملها اوحش معامله... خليتها بقيت تكرها وتكره سليم ونفسها تنكد عليه تضايق طول الوقت.... وكل دا بسبب ماما لأنها بتحبو هو وبس مش شايفه حد غيره خليت مروه بقيت تكرهوا و تكرهني وتكره نفسها
( وتبتسم بحزن) عارفه يا لين لو قعدنا سوأ انا ومروه يا بنتخانق يا نقعد ساكتين ما فيش حاجه نقولها لبعض... عمرنا ما كنا اخوات زيك انتي وسيلا لا انا اعرف حاجه عنها والا هي تعرف حاجه عني...
انا مافيش غير سليم هو اللي كان دايما بيكلمني ويسأل عليا ويهتم بيا
لين بابتسامه وهدوء : وانا رحت فين.... انا بقيت معاكي علي طول... اوعي تكوني فاكره اني تجوزت اخوكي علشان بحبه هو لا ابدا خالص دا انا اتجوزته بس علشان اجي واعيش هنا معاكي
شروق تضحك اوي وتبصلها :بقي انتي مابتحبش سليم يا نصابه
لين بابتسامه : تؤ تؤ مابحبوش.... انا بعشقه
ويضحكوا هم الاتنين... وقدرت لين ترجع الضحكه لشروق ويخرجوا ويقعدوا في الجنينه... بس بعد ما سليم قال للين تطلع تغير هدومه... فطلعت لين من غير ما تسألوا... فهي ماكنتش هتخرج الجنينه بالفستان دا... ولبست بنطلون جينز وشميز بكم بينك ونزلت وقاعدوا هي وسليم وشروق في الجنينه... تيجي سيلا وأحمد عليهم
وسيلا كانت مضايقه ان لين قطعت شهر العسل ورجعت.... لأنها فهمت ان حماتها لا تعبانة واللي حاجه وعملت كده علشان تضايق لين.... بس لما دخلت ولقيتها لين قاعده فرحانه وبتضحك هديت واطمنت شويه
ويقعدوا سوأ... سيلا واحمد اتعشوا معاهم... في جنينه بيت سليم وكانوا مبسوطين وبيضحكوا
وتخرج مروه وتقدم لهم العصير وتدي لين كاس مخصوص مجهزه ليها... وتكون حط فيه الحبوب بعد عرفت ازاي تديها... و تنهي السهر وتمشي سيلا بعد ما اطمنت علي اختها... بس جوها كانت قلقانه وخايفه
ويمر 10 ايام عايده قدرت تمنعهم انهم يخرجوا ويرحوا اي مكان لوحديهم.... وكانت علي طول بتحاول تضيق لين وتعاملها بأسواء طريقه بس مش قدام سليم.... ولين كانت بتسكت وبتحاول ترضيها بس عايده الحقد والشر مالي قلبها... وسلوي كل يوم بتكبره اكتر
ومروه كل يوم بتعمل العصير وتحط للين الحبوب
ولين كانت طول الوقت بتبقى قاعده مع شروق لان عايده مش بتسيب سليم لوحده غير لما يطلعوا شقته اخر اليوم علشان ينام.... وخلص شهر العسل اللي قضيتوا لين كله في البيت
#بقلم_ولاءيحيي
💖💖💖💖💖💖💖💖💖💖💖💖💖
وخلص شهر العسل و سليم هينزل الشغل ويسيب لين
لين بابتسامه : حبيبي اصحي هتتاخر
سليم بنوم : سبيني انام شويه يا حبيبتي
لين تبوسه : ياحبيبي عندك شغل انت اخدت علي الكسل والا ايه
سليم يشدها و يضمها لحضنه : لا اخدت علي العسل... انا مش عارف ازاي هنزل و اسيبك لوحدك
لين بابتسامه : كويس عشان اوحشك
سليم يضهما اكتر : انتي وحشاني من دلوقتي.. (ويغمز ليها) طيب تعالي كده ام اوريكي وحشاني ازاي
لين تضحك وتقوم بسرعه وتهرب : بطل شقاوة... ويلا قوم
سليم : طب هاتي سكر وانا قوم
لين تقرب علشان تبوسه في خده بس هو يشدها بسرعه وينيمها على ظهرها وهو فوق و مكتفها علشان متقومش
لين بابتسامه : سليم بجد ماينفعش هتتاخر
سليم يقرب من وشها وهو بيبوسها : هقولك كلمه سر بسرعه وانزل... ورح بيسها بوسه طويله... قطعها عليهم الخبط اللي على باب الشقة... فيبعد عنها وهو ساند راسه على رأسها
لين بابتسامه : مامتك طلعت تصحيك زي كل يوم اتفضل قوم افتح لها
سليم بغيظ : انا في حد بصص ليا في ام الجوزية دي َانا عارف..... قومي يا لين قومي شكلنا هنعيش اخوات
تقوم لين وهي بتضحك وتروح تفتح لعايده اللي بقيت كل يوم لازم تطلع تخبط وتصحي سليم وما تنزليش غير لما تاخدوا وينزلوا يفطروا
( طبعا فيه كتير بيسأل ليه لين تقبل انها تفضل تأكل عند حمايتها.... لين كانت عايشه في بيت عيلة واخده ان كلهم يجمعوا عند جددتها علي الاكل وكانت بتحاول تكون عيلة سليم زاي عيلتها بعد ما شافت الفرقه اللي عايشين فيها وكانت بتحاول تتقرب من عايده ومروه بس للأسف هم رفضوا )
سليم ولين نزله مع عايده... وشروق ومروه كانوا حضروا الفطار
لين بابتسامه : قعد يا حبيبي افطر وانا هعملك النسكافيه واجي
سليم بابتسامه : تعالي اقعدي افطري معايا مش مهم النسكافيه هبقي اشربوا في المكتب
لين بابتسامه : هعمله علي طول واجيلك
يقعد سليم يفطر ولين تعمل النسكافيه ويشربوا بسرعه
سليم بابتسامه :انا هقوم بقى احسن هتاخر... ويبص للين نظرت شوق وحب... ويقوم يقف ويبص لعايده
سليم : عاوزه حاجه اجيبها معايا يا ماما
عايده بابتسامه : سلمتك يا حبيبي... خلي بالك من نفسك وسوق بشويش
سليم بابتسامه : حاضر ( ويقرب من لين ويبوسها من خدها) عاوزه حاجه يا حبيبتي
لين تقف بابتسامه :سلامتك يا حبيبي انا هاجي معاك اوصلك للعربية
سليم بابتسامه : لا حبيبتي خليكي افطري انتي لسه ما اكلتش حاجه
لين تمسك ايده بحب : هوصلك وارجع افطر
وتخرج لين توصله.... ويقفوا قدام الباب... وسليم فضل يدلع ومش عاوز يمشي بس في الاخر مش وهو عمل يبص عليها
لما مشي لين رجعت وقعدت مكانها علشان تفطر ولسه ها تأكل
عايدة بغضب : قومي يا مروة ارفعي الاكل دا يلا علشان فتحيه جيه تنظف
شروق تبص لها بضيق لأنها عارفه ان لين لسه مفطرتش
شروق : احنا لسه بنفطر يا ماما
عايده بغضب :عنك ما طافحتي.. قومي يا بت شيلي الاكل... الست هتيجي تنظف... (وتبص للين بغيظ) اصل في ريحه نتنه مقرفه بقالها شهر مسكه في البيت مش عارفه انحدفت علينا منين
مروه تبص للين وتريقه : دا نفس حد غريب داخل البيت يا ماما هو اللي عمل الريحه ده
عايده : اه ما انا عارفه. إلهي يارب ينقطع نفسهم ونرتاح... قومي يا بت هاتي الاطباق دي وتعالي لما نفتح الشقة
وتقوم عايده ومروة.... ولين تغمض عينها بحزن وتستغفر ربنا
شروق تقرب منها بحزن : متزعليش يا لين
لين بدموع مليا عينها : انا مش عارفه هي ليه بتعمل كده... انا بحاول أقرب منها ونفسي القى طريقه اعرف اتعامل بيها معاها
شروق بابتسامه : طب بالله عليكي يا لين ليه طلب عندك
لين تمسح دموعها وتبصلها : خير يا شروق اطلبي
شروق بابتسامه : لو لقيتي الطريقة ابقي ابعتيها ليا على واتساب ينوبك ثواب
لين تضحك بصوة عالي وتضربها على كتفها
لين : انتي بتهزر
شروق بضحك : لا انتي اللي بتهزري طريقه ايه اللي بدوري عليها.... يا بنتي انا بقالي 20 سنه بحاول القي طريقه ومش عارفه عاوزه انتي في 30 يوم تلقيها. دا حتي تبقي عيبه في حقي
لين بتصميم : بس انا هفضل احاول وحاول لحد ما اوصل
شروق تتنهد وتبتسم :ما تتعبيش نفسك... يا بنتي ماما حاله ميؤوس منها.... ركزي انتي مع سليم وفي حياتكم َ ومتخليش حد يفرق بينكم... و سيبك منهم
لين بابتسامه :انتم جزء من سليم يا شروق وانا مش هقسم سليم واخد جزء وسيب التاني
شروق تمسك ايدها بابتسامه : ربنا معاكي يا لين ... شكلك من المجاهدين.... ومين عارف يمكن تنجحي في اللي انا ماقدرتش أنجح فيه... بس اهم حاجه تستحملي.... متزعليش انتي ولا تسمحي لحد يزعلك انتي وسليم
عايده تخرج تلقيهم بيكلموا ويضحكوا فتغضب هي كانت فاكره هتخرج تلقى لين بتعيط
عايده بغضب :بت يا شروق انتي يا زفته... قومي انجري يا مقصوفه الرقبه شوفي اللي وراكي... انتي هنفضلي ترغي قومي يا بت ساعدي اختك
لين تبصلها وتبتسم : وانا يا طنط عاوزه اساعدكم... فهعمل انا الغدا النهارده
عايده بغضب وزعيق :لا مش ناقصين قرف... انا مابحبش حد غريب يخش مطبخي والا يعمل اكلي ابني.... سليم اصلا مابيحبش يأكل غير من ايدي شوفي انتي ليكي حته اقعدي فيها..... وابعدي عننا احنا مش فاضين لدلع والمرق بتوعك
وعايده قالت كلمتها ومشيت وسيبتهم.... ولين رجعت دموعها تملي عينها.... بس غمضت علشان متنزليش... بس من جوها كانت زعلانه و مجروحه ...فهي لاول مره حد يكلمها بشكل دا
#بقلم_ولاءيحيي
💖💖💖💖💖💖💖💖💖💖💖💖
لين طلعت شقتها زعلانه ونامت وصحيه لقيت الساعة12.... فقامت اتوضت و صلاة وغيرت هدومه ونزلت كانت الساعة 1 ولسه هتدخل الشقة عند عايده
عايده بزعيق وغضب : خليك عندك متدخليش....احنا ماصدقنا نظفنا الدنيا... ياساتر الريح رجعت تاني ايه القرف دا يااااا فتحيه تعالى شوفي حل لريحه المقرفه دي
لين بصت لها بضيق وخرجت الجنينه ومرديتش عليها... و وفضلت تمشي في الجنينه ... وهي عمله هيستمر لامتي وهي هتقدر تستحمل قد ايه. وهتقدر تسكت علي الإهانة دي ازاي ... وهي اللي عمرها ما اتهانت بشكل دا.... وفضلت تدعي ربنا يصبرها ويقدرها انها تكسب رضاها.....وبعد شويه لين خرجت ورحت لبيت جدتها عشان تطمن عليها
والساعة 2 جيه سليم ودخل عند عواطف لقها قعده لوحدها بتشرب شاي
سليم بابتسامه : سلام عليكم ازيك يا ماما
عايده بابتسامه : وعليكم السلام يا حبيبي حمدالله علي السلامة جي بدري ليه
سليم وهو عمل يبص حاوليه : ماكنش فيه شغل كتير قولت ارجع.... هم البنات فين
عايده : بيستحموا اصلهم كانوا بيساعدها فتحيه في التنظيف
سليم بابتسامه : طيب اطلع انا كمان اشوف لين وارتح شويه علي ما الغدا يجهز =وقام وقف ولسه همشي)
عايده بخبث : بس لين مش فوق
سليم يبصلها باستغراب : امال فين انا مش شايفها هنا
عايده : بعد ما انت مشيت بقولها ان احنا هنظف... قالت انا مليش في التنظيف والتراب والقرف دا وسبيتنا وطلعت شقتها وبعدها بشويه... وانا واقفه في المطبخ شوفتها من الشباك لبسه ومتشيكه... خرجت من البيت ودخلت بيت جدتها
بصراحه يا سليم انا زعلانه ميصحش يابني تخرج كده من غير ما تقول ... يعني لوماكنتش شفتهاش من الشباك وهي خارجه... ماكنتش هعرف هي فين دا ينفع بردوا . اهو انت جيت على فجأه وملقتهاش بتسأل عليها لو انا مشفتهاش وهي خارجه ماكنتش هعرف اقولك هي فين.... ابقى عودها يا حبيبي وعرفها انه ميصحش... ولما تحب تخرج و تروح في حته تبقى تقول ليا.... عشان ابقى مطمنه عليها واعرف هي فين بس
سليم وقف يسمعها بغضب... وأول ما خلصت كلام يمشي من قدمها وهو متعصب جدا وغضبان
وعايده رفعت كوبايت الشاي وتشرب وهي بتبتسم بانتصار وفرحه سليم يطلع شقتها ويتصل بلين
لين بابتسامه : ايوه يا حبيبي
سليم بغضب : انتي فين
لين باستغراب : عند نناه... مالك... صوتك متعصب في حاجه يا حبيبي
سليم بغضب : اتفضلي ارجعي حالا انا في البيت
لين باستغراب : اوكي يا حبيبي جيه علي طول
سليم : اطلعي علي فوق على طول انا في شقتنا
وقفل التلفون... ولين استغربت وقامت سلمت علي جدتها وايمان وسناء اللي فضلوا يتحيلوا عليها علشان تقعد شويه لأنها كانت لسه وصله ... بس هي مرديتش.... ورحت لبيتها وطلعت على شقتها وأول ما فتحت الباب لقيت سليم وقف قدامها ومضايق
لين بابتسامه : ازيك يا حبيبي حمدالله علي السلامة
سليم بغضب : ادخلي وقفلي الباب
لين استغربت طريقتوا بس دخلت وقفلت الباب وقربت منه
لين : خير يا سليم في ايه يا حبيبي
سليم بغضب : انتي قولتي لمين انك خرجه
لين باستغراب : خرجت فين يا سليم... انا رحت عند نناه مرحتش في حته
سليم بزعيق : وهي نناه دي مش خروج.... انتي خروجك من باب الجنينة خروج...... قولتي لمين انك هتخرج.... انا اعرف منين انتي فين ازاي اجي البيت ومالقيش..... المفروض اني بدل ما ارجع اليقي افضل ادور عليك وشوف هي فين
ولين واقفه تسمع ومستغربه اللي يقولوا
سليم بزعيق : ردي عليه قولتي لمين انك خرجه
لين بضيق : مقولتش لحد يا سليم
سليم يقرب منها بغضب : طيب بصي بقى يا لين علشان اللي هقولها دا هقوله مره واحده بس... خروج بره باب الجنينة لأي سبب... لازم اكون عارف وموافقة انك تخرجي..... مروح لبيت جدتك من غير ما اكون معاكي ممنوع فاهمه يالين
لين تبص ليه بحزن :فاهمه يا سليم
سليم يبص لها بغضب وضيق.... ويفتح باب الشقة وينزل ويسبها
لين قعدت على الكرسي وهي مضايقه ومش قادره تصدق الطريقة اللي كلمها بيها سليم ودموعها نزلت
💖💖💖💖💖💖💖💖💖💖💖💖💖💖💖💖
.
الجزء الثاني من البارت الخامس عشر
سليم خد عربيته وفضل ماشي بيها وهو مضايق كان خايف وغيران عليها وعمل يتخيلها قعده مع رامي بتكلم وبتضحك
ولين بعد ما سليم خرج وكانت مضيقه جدا فدخلت المرسم بتعها ( لين وهي بتفريش شقتها عملت اوضة في جناح بعيد من شقتها للرسم وللمذاكرة ) واول ما دخلت المرسم قفلت الباب عليها وشغلت نور خفيف وشغلت ال لاب توب بتعها وحطت السماعات في ودنها وبتسمع موسيقي هاديه و ترسم ودي طريقه لين لما تكون مضايقه عشان تهدي
وبعد ساعتين رجع سليم كان حس انه زودها شويه فدخل عند مامته لقي عواطف ومروه وشروق قاعدين
عواطف : تعال يا حبيبي انت خرجت تاني رحت فين
سليم يقعد جمبها : رحت مشوار كده ورجعت
عواطف : طيب يلا نتغدا قومي يا بت انتي وهي حضره السفرة
سليم وهو بيبص لشروق : هي لين منزلتش من فوق
شروق وهي متعرفش الحصل : لا انا مشفتهاش من ساعه ما طلعت الصبح
عواطف بابتسامه : تعال ناكل احنا ولما تنزل هي برحتها تبقي تأكل
سليم يقف : انا هطلع اشوفها علي ما تحطه الاكل
ويطلع ويفتح باب الشقة
سليم : ليين
ويدخل اوضتها ملقهاش ويشفها في الحمام والمطبخ وهو بينادي ملقهاش خالص فخاف جدا تكون زعلت وسابت البيت فتح الباب ونزل يجري ودخل عند عواطف
سليم بلهفه وقلق : ماما هي لين خرجت تاني
عواطف فرحه افتكرتها سابت البيت :معرفش مشفتهاش هي مش فوق
سليم : لا دورت عليها مش موجوده فوق
عواطف بفرحه : هو انتم تخانقتوا
سليم بضيق : لا... شدينا شويه مش خناقه مش لدرجه انها تسبب البيت
شروق وقفه تسمع : شددته ليه حصل ايه
عواطف خافت شروق تقوله علي الحصل الصبح : انتي مالك انتي رجل ومراته بتدخلي بينهم ليه
سليم بضيق وهو مسك شعره : مش ممكن تكون سابت البيت مستحيل
شروق بقلق : طيب اتصل بيها شوفها فين
سليم يطلع تلفونه ويتصل بس مبتردش... لين كانت سيبه تلفونها في اوضتها لما دخلت غيرت ونسيتا
سليم بضيق : مبتردش عليه
عواطف بفرحه : اكيد غضبانه عند اهلها بس هو ينفع كده من اول مشكله تسيب البيت
مروه بتريقه : ما اصلها مدلعه ومش وخده ان يترفض ليها طلب
شروق بضيق وهي بتحاول تتصل علي لين : لين مبتردش عليه انا كمان اكيد في حاجه انا هتصل برشا اشوفها عندهم
واتصلت شروق علي رشا
رشا : اهلا بالناس اللي بطلت تسأل
شروق وبتحاول تبان طبيعية : انا اقدر برده يا ريري
رشا : ما انت بطلتي تيجي من وقت ما لين تجوزت اخوكي وجيت عندكم
شروق : هبقي اجي معها بقولك يا رشا هي لين عندكم
رشا باستغراب : لا كانت موجوده من ساعتين كده وملحقتش تعقد سليم اتصل بيها ورجعت علي طول بتسالي ليه هي مش عندك
شروق : لا تلقيها رجعت وانا بأخذ شور وطلعت فوق علي طول وشكلها نايم هطلع اصحيها ونبقي نجيلكم يلا باي
وقفلت وبصت لسليم الكان متابع كلمها مع رشا
سليم بخوف وضيق : ايه قالتلك ايه موجوده عندهم
شروق بقلق وخوف : قالت كانت عندهم من ساعتين وانت اتصلت بيها فرجعت علي طول
سليم بضيق : يعني مش هناك هتكون رحت فين يعني
شروق : انت دورت كويس فوق
سليم : ايوه وقعدت انادي مش موجوده
شروق : شوفتها في المرسم بتعها
ساعتها سليم قام وقف وخرج بسرعه وطلع يشوفها واول ما دخل الشقة رح للمرسم و فتح الباب بسرعه فلين لفت و شالت السماعات من علي ودنها
سليم جري عليها وخدها في حضنها : انتي هنا انا بقالي ساعه بدور عليكي ومعرفش انك هنا خوفتني عليكي
سليم كان بيتكلم وهو حضنها بس هي ماحضنتوش وكانت واقفه وسكته
لين تبعد عنه وتبص ليه بضيق : ليه هو المراسم ... كمان ممنوع... دا حتي جوه الحدود اللي انت رسمتها ليا
لين خلصت كلامها وسبيته واقف خرجت فخرج ورها بسرعه ومسك ايدها ولفها ليه
سليم بضيق : انا مش بعملك حدود يا لين
لين بضيق : والله والا انت قولته دا تسميه ايه يا سليم.. لما تقولي انتي اخرك جوه الجنينة و بره باب الجنينة متخرجيش من غير إذن
سليم يضمها ليه : معناها اني بقلق وخاف عليكي انتي ليه مش قدره تعرفي انا بحبك قد ايه انا كنت رجع جري علشان اشوفك ولم مالقتكيش قلقت... لو ماما ماكنتش شافتك من شباك المطبخ وانت رايحه لجددتك انا كنت هفضل ادور عليك
لين بتبعد عنه تاني ودا جننه وضايقه
لين بضيق : لا يا سليم كنت هتلقيني وبسهوله... كنت هتتصل بيا زي ما اتصلت وتعرف انا فين وانا هاجي
سليم يقرب منها ويبتسم وبحاول يهديها : طيب ما انا اتصلت بيكي دلوقتي وانتي مرديتش.... وكنت هموت من القلق عليكي
لسه لين هتكلم بس سليم راح بايسها بوسه طويل بعدت بعد عنها بعد فتره علشان تاخد نفسها وكان قلبها بيدق
سليم بأنفاس متقطعه وجبينه علي جبينها
سليم : حبيبتي انا كل اللي عاوزه اني اكون مطمن عليكي وعارف انتي فين.... لين انا بخاف عليكي اوي فلو سمحتي قبل ما تروحي لمكان اتصلي بيا عشان اكون عارف ومطمن عليكي (ويرفع وشها ويبص لعينها بحب) اوكي يا قلبي
لين هزت راسها بالموفقة رح سليم شيلها وهو بيبوس فيها وغابوا هم الاتنين عن الدنيا في عالمهم الخاص
💖💖💖💖💖💖💖💖💖💖💖💖💖
وفضل الحال كده شهور عايده مهم لين تعمل ما بيعجبهاش ومافيش منها امل... وكل يوم تضايق لين اكتر... وسليم كل يوم سلبيته بتزايد.. وكل ما يحصل سوء تفاهم او زعل بينه هو ولين يغضب وبعدها يصالحها بس ما بيتعلمش من غلطه
لين رجعت كليتها... وغيرت سليم بقيت زياده
لين بقت كل يوم تخرج من الصبح وترجع قرب العصر.... تطلع على شقتها علي طول وتفضل قعده فيها لحد ما سليم يرجع... ويأخذها وينزل يتغدوا لأن عايده رفضت وعملت مشكله كبيره لما لين قالت هتعمل اكل وياكلوا في شقتهم وانتهى الخلاف بفوز عايده وقررا انها يفضلوا ياكلوا عندها وان هي اللي تعمل الاكل لسليم
لين كانت بعد الغدا يا تعقد تذاكر مع شروق يا بتطلع تذاكر في شقتها... و سليم كان من بعد ما بيرجع من الشغل يفضل قعد مع مامته اللي عمله عليه حصار وتفضل قعده معاه وتسهروا لوقت متأخر.... عشان يبعد عن لين...
عايده بدأت تضايق لين قدام سليم وتكلم عن تأخر الحمل... مع انها عارفه انهم هم اللي بيحطوا حبوب منع الحمل في العصير..
وفات ست شهور ومني وفؤاد نزلوا علشان يحضروا ولادت سيلا ويوم ما وصلوا الكل اتجمع وفي بيت الجدة
لين قاعده في حضن بابها : وحشتني اوي يا بابي كده تغيب دا كله عني
فؤاد يضمها اوي : الشغل يا حبيبتي... لازم اضبط كل الأمور علشان نرجع ونفضل معاكم علي طول
مني تاخدها لحضنها : حبيبتي وحشاني (وتبص لها) انتي مالك خسه كده ليه يا حبيبتي انتي مش بتأكل
لين بابتسامه : لا يا مامي انا كويسه يا حبيبتي وبأكل كتير
سيلا بضحك : ماما شايفه الكل خاسس عند دا انا بقيت عمله زاي الكرنبه وتقوليلي خسه دا انا بأكل اكل
احمد بضحك : اه والله بتاكل كتير لدرجه اني بقيت اخاف انام جمبها احسن تاكلني وانا نايم
سيلا تحدفه بالمخدة : مليش في الحوادق يا ظريف
الكل يضحك ويفضلوا طول السهرة ضحك وهزار والساعة 1 سليم وقف علشان يروحوا بس لين كانت عاوزه تنام مع في بيت بابها مع اختها بس سليم مرضيش ورافض
مني بابتسامه : روحي مع جوزك يا لين و هنستناكم بكرا
سليم بابتسامه : حاضر يا طنط ان شاء الله
.
تقوم لين وتمشي مع سليم وهي زعلانه ومضايقه انه رفض يسبها وبعد ما خرجوا
الجدة بزعل : البت كان نفسها تنام هنا ليه خالتيها تمشي يا مني
مني بابتسامة :اصلي عمله لها مفاجأة بكرا... عشان عيد ميلادها ولو فضلت هنا مش هعرف اجهز حاجه
سيلا وهي حطه طبق مليان جزر وخيار علي بطنها
سيلا : يا خبر دا عيد ميلادها بكرا... دا انا كنت ناسيه خالص
احمد يضحك و ياكلها جزر : هو انتي بقيتي تفتكري حاجه غير الاكل . كلي جزر كلي
سيلا : طيب قول ليه دلوقتي ... احسن يكون عمل ترتيب تاني
مني : هتصل بيه وقوله... ونبه عليه مايقولش لها حاجه
💖💖💖💖💖💖💖💖💖💖💖💖💖
لين لما رجعت البيت كانت زعلانه ومضايقه ان سليم صمم انها تروح... ورفض انها تنام في بيت ببابها
اول ما روحت دخلت الحمام اخدت شور... وسليم دخل الاوضه مستنيه فلقي تلفونه بيرن برقم مني
سليم بقلق : الووووو ايوه يا طنط خير في حاجه سيلا كويسه
مني بهدوء : اه يا حبيبي كويسه متقلقش. انا بتصل علشان اقولك اني عمل حفله صغير بكرا للين عشان عيد ميلادها... بس متقلقهاش حاجه.... معلش يا حبيبي انا عارفه انك ممكن تكون مرتب سهرها ليكم بس انا متعودة كل سنه اعملها حفله لعيد ميلادها بعد الحفله انتم حرين اعملوا اللي عاوزينه
سليم يبص بسرعه لناتيجه يشوف التاريخ... يلقي ان بكرا عيد ميلاد لين.... وهو كان نسي
مني : سليم رحت فين... اوعي تكون لين جمبك وسمعتني
سليم بضيق : لا يا طنط مسمعتش لين في الحمام متقلقيش مش هقولها... وهنيجي بكرا ان شاء الله ربنا يخليكي لينا يا طنط
مني : ويخليكم لبعض يا حبيبي ويسعدك... انا هكلم مامتك بكرا ان شاء الله علشان اعزمها... تكون ب لين رحت الكليه... يلا حبيبي تصبحوا علي خير
وتقفل مني وسليم يقعد يفكر هو مضايق انه نسي عيد ميلادها
لين تخرج من الحمام وهي لبسه البيجامه.. َوتروح علي السرير... وتديه ظهرها لسليم وتنام من غير ما تكلموا فيقرب منها ويلفها ليه وينيمها في حضنه
سليم بابتسامه :هي حياتي زعلانه مني والا ايه
لين بضيق : ايوه زعلانه ومخمصك كمان
سليم يبوسها : ليه بس يا حبيبتي.. دا انا اموت لو زعلتي
لين بلهفه : بعد الشر عنك يا حبيبي...(وتبص ليه بحزن) يا سليم انا كان نفسي انام في بيت بابي هم وحشوني اوي
سليم بابتسامه :وانتي وحشاني اوي.... وبعدين هو ينفع ان اول عيد ميلاد ليك واحنا متجوزين تنام فيه بعيد عن حضني
لين تفتكر انه عيد ميلادها وتبصله وتبتسم
لين بابتسامه : يا حبيبي يا سليم ... دا انا كنت ناسيه ان بكرا عيد ميلادي.(وتضمه اوي) ربنا يخليك ليا يا حبيبي
سليم يبوسها : كل سنه وانتي حبيبتي وحياتي ومراتي ودنيتي الحلوة
لين بابتسامه : كل سنه وانت معايا يا حبيبي... يعني انت مرديتش ابت هناك عشان عيد ميلادي
سليم بابتسامه : بصراحه لا مش علشان عيد ميلادك وبس... انا مرضيتش لاني مقدرش انام وانتي مش في حضني
لين تحتضنه : كان ممكن تنام معايا هناك في اوضتي
سليم بابتسامه و يغمز ليها : طيب بزمتك انتي ينفع ننام هناك
لين تبتسم بكسف وتضربه علي صدره : قليل ادب
سليم يضحك ويطفئ النور :واجيب منين الادب وانتي كل يوم بتحلوي كده.... يالهووووي هتجنني
تضحك لين بدلع وتحتفل هي وسليم بطريقه خاصه
#بقلم_ولاءيحيي
💖💖💖💖💖💖💖💖💖💖💖💖💖
الصبح ولين تصحى على تلفون من أصحابها... و يعيدوا عليها وتتبسط اوي.... وبعدين تلبس وسليم يوصلها الكليه.... وتقابل مع داليا وامنيه اللي يحتفلوا بيها... ولما تخلص محاضرات سليم يفوت عليها وياخذها يعزمها علي الغدا ويروحوا يغيروا هدومهم... وبليل يروحه بيت الجدة.... وتدخل لين تلقي الكل موجود ومزوقين الجنينه وعاملين ليها وحفله.... لين تتبسط جدا وكانت حسه أن دا احسن عيد ميلاد وهي بتحتفل بيه وسط اهلها ومع سليم حبيبها.... وقبل ما يطفوا الشمع يدخل رامي ويلقيهم كلهم قاعدين
رامي بابتسامه : سلام عليكم.... ايه دا انتم عاملين حفله من غيري.... وفي تورته وجاتو وماحدش يقولي دي خيانة
سها بضحك : النهارده عيد ميلاد لين
رامي يبص للين ويبتسم: ما انا عارف
ويقرب من لين ويبتسم ويطلع من جيبه علبه ويمد ايده ليها
رامي بابتسامه : كل سنه وانتي طيبه يا لينو
لين تاخدها منه وتبتسم : وانت طيب يا رامي ميرسي
رشا تقرب منهم : افتحي افتحي ام شوف جب ايه
سها تقرب :هو انت عرفت منين انه عيد ميلادها اكيد رشا الفتانة هي اللي قالتلك
رشا بسرعه : لا والله ماقولتش حاجه تلقيه عرف من ماما
سناء بابتسامه : انا مقولتش حاجه... والا شوفته من امبارح.... وتلفونه كان مقفول
سها باستغراب : امال عرفت منين
رامي بابتسامه : وهو انا من امتي نسيت عيد ميلاد حد فيكم يا رخمه
رشا بابتسامه : افتحي يا لينو لما نشوف جاب ايه
لين تفتح الهديه... تلقى سلسله من الدهب الابيض علي شكل مفتاح الحياه
لين بابتسامه : الله حلوه اوي يا رامي ميرسي
رامي بابتسامه : كل سنه وانتي طيبه يا اجمل لينو في الدنيا... اهو معاكي مفتاح الحياه... امليها سعادة
لين بابتسامه :ميرسي يا رامي.. ربنا يخليك لينا يا رامي
دا كله كان قدام سليم... اللي كان هايتجنن... وبقي غيران وعصبي... وبقي مش على بعضه... وعاوز يأخذ لين ويمشي وعايده لاحظه انه بيغير من رامي... وأنه بيتعصب كل ما رامي يكلم لين أو يقف معاها
#بقلم_ولاءيحيي
💖💖💖💖💖💖💖💖💖💖💖💖💖
وبعد انتهاء السهر روحوا.... لين كانت مبسوطة اوي..
بس حست ان سليم مضايق ومتعصب وهي مش عارفه السبب... وكانت مستنيا يطلعوا شقتهم وتسالوا
لين بابتسامه :مش هنطلع يا سليم
عايده بسرعه : مستعجله ليه ما لسه بدري... (وتبص لمروه)قومي يا مروه هاتي عصير الفراولة من جوه علشان لين بتحبه
لين بابتسامه : لا يا طنط ميرسي انا مش هقدر اشرب حاجه خالص
عايده : لا ازاي لازم تشربيه دا شروق عمله مخصوص عشان عيد ميلادك.... والا انتي هتكسفي صحبتك
لين تبص لشروق وتبتسم... وشروق تبص لمامتها باستغراب لان مش هي اللي عمله العصير
...مروه تقوم تروح المطبخ وبعد دقائق سليم قايم
لين : ريح فين يا حبيبي
سليم بضيق : عطشان هجيب مايه
عايده : خليك قاعد... قومي يا شروق هاتي مياه لاخوكي
لين بابتسامه : خليكي انتي يا شروق انا هجيب له
تقوم لين وتدخل المطبخ وأول ما تدخل وتشوف مروه وهي بتحط الحبوب في العصير.... واول ما مروه تشوفها تتخض و الشريط يقع من ايدها.. وتوطي علشان تجيبوا... بس لين سبقاتها
لين بابتسامة : ايه دا يا مروه انتي بتحطي ايه في العصير بتعملي مقلب في مين اعترفي
مروه بخوف وتحاول تشد الشريط منها... بس لين بعدت ومسكت الشريط وتشوف هو ايه... ولما قرت اسمه بصت لمروه وهي ومصدومة
لين بصدمه وغضب : حبوب منع حمل
بقلم_ولاءيحيي
💖💖💖💖💖💖💖💖💖💖💖💖💖
تفتكره لين هتعمل ايه
التعليقات على الموضوع